അധ്യായം 29

എനിക്ക്‌ ഡെയി​റ​റിംഗ്‌ ആരംഭി​ക്കാ​റാ​യോ?

അനേകം രാജ്യ​ങ്ങ​ളിൽ ഡെയി​റ​റിംഗ്‌ പ്രേമ വിനോ​ദ​ത്തി​നു​ളള ഒരു മാർഗ്ഗ​മാ​യി, രസമുളള ഒരു പ്രവർത്ത​ന​മാ​യി, വീക്ഷി​ക്ക​പ്പെ​ടു​ന്നു. അപ്രകാ​രം ഡെയി​റ​റിംഗ്‌ പല രൂപങ്ങ​ളിൽ കാണ​പ്പെ​ടു​ന്നു. ചിലർക്ക്‌ ഒരു ഡെയി​ററ്‌ വളരെ ഔദ്യോ​ഗി​ക​മായ, പല ഘടകങ്ങ​ളു​ളള ഒരു ഏർപ്പാ​ടാണ്‌. ബൊക്കെ നൽകു​ന്ന​തും ഒരു നല്ല ഡിന്നറും കൂട്ടു​പി​രി​യുന്ന സമയത്ത്‌ ചുംബി​ക്കു​ന്ന​തും എല്ലാം ആ കാര്യ​പ​രി​പാ​ടി​യു​ടെ ഭാഗമാണ്‌. മററു ചിലരെ സംബന്ധി​ച്ചി​ട​ത്തോ​ളം ഒരു ഡെയി​ററ്‌ എന്നു പറഞ്ഞാൽ നിങ്ങൾ ഇഷ്ടപ്പെ​ടുന്ന വിപരീ​ത​ലിം​ഗ​വർഗ്ഗ​ത്തിൽ പെട്ട ഒരാളു​മാ​യി കുറെ സമയം ചെലവ​ഴി​ക്കുക എന്നാണ്‌ അതിന്റെ അർത്ഥം. മിക്ക​പ്പോ​ഴും ഒരുമിച്ച്‌ കാണ​പ്പെ​ടു​ന്ന​വ​രും എന്നാൽ തങ്ങൾ ‘വെറും സുഹൃ​ത്തു​ക്ക​ളാണ്‌’ എന്ന്‌ അവകാ​ശ​പ്പെ​ടു​ന്ന​വ​രു​മായ ഇണകളു​മുണ്ട്‌. കൊള​ളാം, നിങ്ങൾ അതിനെ ഡെയി​റ​റിംഗ്‌ എന്നോ, ഒന്നിച്ചു പോക​ലെ​ന്നോ അല്ലെങ്കിൽ വെറും കൂടി​ക്കാ​ണ​ലെ​ന്നോ വിളി​ച്ചാ​ലും സംഗതി ഏതാണ്ട്‌ ഒന്നു തന്നെയാണ്‌: ഒരു ആൺകു​ട്ടി​യും പെൺകു​ട്ടി​യും മിക്ക​പ്പോ​ഴും മററാ​രു​ടെ​യും മേൽനോ​ട്ട​മി​ല്ലാ​തെ സാമൂ​ഹി​ക​മാ​യി വളരെ​യ​ധി​കം സമയം ഒന്നിച്ചു ചെലവ​ഴി​ക്കു​ന്നു.

ബൈബിൾ കാലങ്ങ​ളിൽ ഡെയി​റ​റിംഗ്‌ ഒരു സമ്പ്രദാ​യ​മാ​യി​രു​ന്നില്ല. എന്നിരു​ന്നാ​ലും ബുദ്ധി​പൂർവ്വ​ക​മാ​യും ജാഗ്ര​ത​യോ​ടെ​യും മാന്യ​മാ​യും നിർവ്വ​ഹി​ക്ക​പ്പെ​ടു​മ്പോൾ രണ്ടു പേർക്ക്‌ അന്യോ​ന്യം അടുത്തു പരിച​യ​പ്പെ​ടാ​നു​ളള ഉചിത​മായ ഒരു മാർഗ്ഗ​മാ​ണത്‌. അതെ, അതു ആസ്വാ​ദ്യ​ക​ര​വു​മാ​യി​രി​ക്കാൻ കഴിയും. എന്നാൽ നിങ്ങൾ ഡെയി​റ​റിം​ഗി​ലേർപ്പെ​ട​ണ​മെന്ന്‌ അതിന്‌ അർത്ഥമു​ണ്ടോ?

ഡെയി​റ​റിംഗ്‌ നടത്താ​നു​ളള സമ്മർദ്ദം

ഡെയി​റ​റിംഗ്‌ നടത്താ​നു​ളള സമ്മർദ്ദം നിങ്ങൾക്ക്‌ അനുഭ​വ​പ്പെ​ട്ടേ​ക്കാം. നിങ്ങളു​ടെ സമപ്രാ​യ​ക്കാർ മിക്കവ​രും ഡെയി​റ​റിംഗ്‌ നടത്തുന്നു, സ്വാഭാ​വി​ക​മാ​യി വിചിത്ര സ്വഭാ​വ​ക്കാ​രോ തികച്ചും വ്യത്യ​സ്‌ത​രോ ആയിക്കാ​ണ​പ്പെ​ടാൻ നിങ്ങൾ ആഗ്രഹി​ക്കു​ന്നു​മില്ല. ഡെയി​റ​റിം​ഗി​ലേർപ്പെ​ടാ​നു​ളള സമ്മർദ്ദം സദു​ദ്ദേ​ശ്യ​മു​ളള നിങ്ങളു​ടെ സുഹൃ​ത്തു​ക്ക​ളിൽ നിന്നും ബന്ധുക്ക​ളിൽ നിന്നും കൂടെ ഉണ്ടാ​യേ​ക്കാം. 15 വയസ്സു​കാ​രി മേരി ആൻ ഒരു ഡെയി​റ​റിന്‌ ക്ഷണിക്ക​പ്പെ​ട്ട​പ്പോൾ അവളുടെ അമ്മാവി ഇപ്രകാ​ര​മാണ്‌ ഉപദേ​ശി​ച്ചത്‌: “നീ ആ കുട്ടിയെ വിവാഹം കഴിക്കാൻ ആഗ്രഹി​ക്കു​ന്നോ ഇല്ലയോ എന്നുള​ള​തിന്‌ അതുമാ​യി യാതൊ​രു ബന്ധവു​മില്ല. ഒരു വ്യക്തി​യെ​ന്ന​നി​ല​യി​ലു​ളള നിങ്ങളു​ടെ സ്വാഭാ​വിക വളർച്ച​യു​ടെ ഒരു ഭാഗമാണ്‌ ഡെയി​റ​റിംഗ്‌. . . . നീ അവരെ എല്ലായ്‌പ്പോ​ഴും നിരസി​ച്ചാൽ നിന്റെ ജനപ്രീ​തി നഷ്ടപ്പെ​ടു​ക​യും ആരും നിന്നെ ക്ഷണിക്കാ​തെ​യാ​വു​ക​യും ചെയ്യും.” മേരി ആൻ ഇപ്രകാ​രം അനുസ്‌മ​രി​ക്കു​ന്നു: “ആൻറി​യു​ടെ വാക്കുകൾ  എന്റെ മനസ്സിൽ ആഴമായി പതിഞ്ഞു. ഞാൻ ഒരു നല്ല അവസരം നഷ്ടമാ​ക്കി​ക്കൊണ്ട്‌ എന്നെത്തന്നെ കബളി​പ്പി​ക്കു​ക​യാ​യി​രി​ക്കു​മോ? ആ ആൺകു​ട്ടിക്ക്‌ സ്വന്തം കാറു​ണ്ടാ​യി​രു​ന്നു, ധാരാളം പണവും; അതു വളരെ ഉല്ലാസ​ക​ര​മാ​യി​രി​ക്കു​മെന്ന്‌ എനിക്ക​റി​യാ​മാ​യി​രു​ന്നു. ഞാൻ ആ ഡെയി​റ​റിന്‌ പോക​ണ​മോ വേണ്ടാ​യോ?”

പല യുവജ​ന​ങ്ങൾക്കും ഊഷ്‌മ​ള​ത​ക്കും സ്‌നേ​ഹ​ത്തി​നും വേണ്ടി​യു​ളള അവരുടെ തന്നെ ആഗ്രഹ​ങ്ങ​ളിൽ നിന്നാണ്‌ സമ്മർദ്ദം അനുഭ​വ​പ്പെ​ടു​ന്നത്‌. 18 വയസ്സു​കാ​രി ആൻ വിശദീ​ക​രി​ക്കു​ന്നു: “സ്‌നേ​ഹി​ക്ക​പ്പെ​ടു​ന്ന​തി​നും വിലമ​തി​ക്ക​പ്പെ​ടു​ന്ന​തി​നു​മു​ളള അത്യാ​വ​ശ്യം എനിക്കു​ണ്ടാ​യി​രു​ന്നു. എനിക്ക്‌ എന്റെ മാതാ​പി​താ​ക്ക​ളോട്‌ അത്ര അടുപ്പ​മി​ല്ലാ​യി​രു​ന്ന​തി​നാൽ അടുപ്പ​ത്തി​നും എന്റെ വികാ​രങ്ങൾ പകരാൻ കൊള​ളാ​വു​ന്ന​വ​നും എന്നെ യഥാർത്ഥ​ത്തിൽ മനസ്സി​ലാ​ക്കു​ന്ന​വ​നു​മായ ഒരാളെ കണ്ടെത്തു​ന്ന​തി​നും ഞാൻ എന്റെ ബോയ്‌ഫ്ര​ണ്ടി​ലേക്ക്‌ തിരിഞ്ഞു.”

എന്നിരു​ന്നാ​ലും, ഡെയി​റ​റിം​ഗി​ലേർപ്പെ​ടാ​നു​ളള സമ്മർദ്ദം അനുഭ​വ​പ്പെ​ടു​ന്നു എന്നതിന്റെ പേരിൽമാ​ത്രം ഒരു കൗമാ​ര​പ്രാ​യ​ക്കാ​ര​നോ കൗമാ​ര​പ്രാ​യ​ക്കാ​രി​യോ അത്‌ ആരംഭി​ക്ക​രുത്‌! ഡെയി​റ​റിംഗ്‌ ഗൗരവ​മു​ളള ഒരു കാര്യ​മാണ്‌—ഒരു വിവാഹ ഇണയെ തെര​ഞ്ഞെ​ടു​ക്കാ​നു​ളള പ്രക്രി​യ​യു​ടെ ഭാഗമാ​ണത്‌ എന്നതാണ്‌ ഒരു സംഗതി. വിവാ​ഹ​മോ? ഡെയി​റ​റിം​ഗി​ലേർപ്പെ​ടുന്ന മിക്ക യുവജ​ന​ങ്ങ​ളു​ടെ​യും മനസ്സിൽ അങ്ങനെ​യൊ​രു സംഗതി​യേ​യില്ല എന്നത്‌ വാസ്‌ത​വ​മാണ്‌. എന്നാൽ വാസ്‌ത​വ​ത്തിൽ പരസ്‌പരം വിവാ​ഹി​ത​രാ​കു​ന്ന​തി​നു​ളള സാദ്ധ്യത ആരായാ​ന​ല്ലാ​തെ വിപരീ​ത​ലിം​ഗ​വർഗ്ഗ​ത്തിൽപ്പെട്ട രണ്ടു പേർക്ക്‌ ഒരുമിച്ച്‌ വളരെ​യ​ധി​കം സമയം ചെലവ​ഴി​ക്കാൻ എന്തു ന്യായീ​ക​ര​ണ​മാ​ണു​ള​ളത്‌? മറെറ​ന്തെ​ങ്കി​ലും കാരണ​ത്തി​നു​വേ​ണ്ടി​യു​ളള ഡെയി​റ​റിംഗ്‌ അവസാനം “രസമേ” ആയിരി​ക്കു​ക​യില്ല. എന്തു​കൊണ്ട്‌?

ഡെയി​റ​റിം​ഗി​ന്റെ ഇരുണ്ട വശം

“പ്രഫുല്ല യൗവനം” എന്നു ബൈബിൾ വിളി​ക്കുന്ന കാലഘ​ട്ട​ത്തി​ലാണ്‌ യുവജ​നങ്ങൾ എന്നതാണ്‌ ഒരു സംഗതി. (1 കൊരി​ന്ത്യർ 7:36) ഈ കാലഘ​ട്ട​ത്തിൽ ലൈം​ഗി​കാ​ഗ്ര​ഹ​ത്തി​ന്റെ ശക്തമായ വേലി​യേ​റ​റങ്ങൾ നിങ്ങൾക്ക്‌ അനുഭ​വ​പ്പെ​ട്ടേ​ക്കാം. അതിൽ തെറെ​റാ​ന്നു​മില്ല; അതു വളർച്ച പ്രാപി​ക്കു​ന്ന​തി​ന്റെ ഒരു ഭാഗമാണ്‌.

എന്നാൽ കൗമാ​ര​പ്രാ​യ​ക്കാർക്കി​ട​യി​ലെ ഡെയി​റ​റിം​ഗിൽ ഒരു വലിയ പ്രശ്‌ന​മു​ള​ളത്‌ അവി​ടെ​യാണ്‌: ഈ ലൈം​ഗി​കാ​ഗ്ര​ഹ​ങ്ങളെ നിയ​ന്ത്രി​ക്കേ​ണ്ടത്‌ എങ്ങനെ​യെന്ന്‌ ഈ കൗമാ​ര​പ്രാ​യ​ക്കാർ പഠിച്ചു വരുന്ന​തേ​യു​ളളു. ലൈം​ഗി​കത സംബന്ധിച്ച ദൈവ​നി​യമം നിങ്ങൾക്ക്‌ നന്നായി അറിയാ​മെ​ന്ന​തും നിർമ്മ​ല​രാ​യി​രി​ക്കാൻ നിങ്ങൾ ആത്‌മാർത്ഥ​മാ​യി ആഗ്രഹി​ക്കു​ന്നു എന്നതും സത്യമാണ്‌. (അദ്ധ്യായം 23 കാണുക.) എന്നിരു​ന്നാ​ലും ജീവശാ​സ്‌ത്ര​പ​ര​മായ ഒരു ജീവിത യാഥാർത്ഥ്യം അതിൽ ഉൾപ്പെ​ട്ടി​രി​ക്കു​ന്നു: വിപരീ​ത​ലിം​ഗ​വർഗ്ഗ​ത്തിൽപ്പെട്ട ഒരാളു​മാ​യി നിങ്ങൾ എത്ര​ത്തോ​ളം സഹവസി​ക്കു​ന്നു​വോ അത്ര​ത്തോ​ളം—നിങ്ങൾ അത്‌ ആഗ്രഹി​ച്ചാ​ലും ഇല്ലെങ്കി​ലും—നിങ്ങളു​ടെ ലൈം​ഗി​കാ​ഗ്രഹം വികാസം പ്രാപി​ക്കു​ന്നു. (232-3 പേജുകൾ കാണുക.) ആ വിധത്തി​ലാണ്‌ നാം എല്ലാവ​രും സൃഷ്ടി​ക്ക​പ്പെ​ട്ടി​രി​ക്കു​ന്നത്‌! നിങ്ങൾക്ക്‌ അല്‌പം കൂടി പ്രായ​മാ​യി നിങ്ങൾ വികാ​ര​ങ്ങളെ  നിയ​ന്ത്രി​ക്കാൻ പഠിക്കു​ന്ന​തു​വരെ ഡെയി​റ​റിംഗ്‌ നിങ്ങൾക്ക്‌ കൈകാ​ര്യം ചെയ്യാൻ കഴിയു​ന്ന​തി​ല​പ്പു​റ​മായ ഒരു സംഗതി​യാ​യി​രി​ക്കാം. ദുഃഖ​ക​ര​മെന്നു പറയട്ടെ, അനേകം യുവജ​നങ്ങൾ കഠിന​മായ ഒരു വിധത്തി​ലാണ്‌ ഇത്‌ മനസ്സി​ലാ​ക്കു​ന്നത്‌.

“ഡെയി​റ​റിംഗ്‌ ആരംഭി​ച്ച​പ്പോൾ . . . ഞങ്ങൾ പരസ്‌പരം ചുംബി​ക്കു​ക​യോ കരങ്ങൾ ഗ്രസി​ക്കു​ക​പോ​ലു​മോ ചെയ്‌തില്ല. അവളുടെ സഹവാസം ആസ്വദി​ക്കാ​നും സംസാ​രി​ക്കാ​നു​മേ ഞാൻ ആഗ്രഹി​ച്ചു​ളളു,” ഒരു യുവാവ്‌ പറഞ്ഞു. “എന്നാൽ അവൾക്ക്‌ എന്നോട്‌ വളരെ പ്രിയ​മാ​യി​രു​ന്നു, എന്റെ തൊട്ട​ടുത്ത്‌ വന്നിരി​ക്കു​ക​യും ചെയ്യു​മാ​യി​രു​ന്നു. കാല​ക്ര​മ​ത്തിൽ ഞങ്ങൾ കരം ഗ്രസി​ക്കു​ക​യും ചുംബി​ക്കു​ക​യും ചെയ്‌തു. ഇത്‌ എന്നിൽ കൂടുതൽ ശക്തമായ ലൈം​ഗിക തൃഷ്‌ണ ഉളവാക്കി. അത്‌ വെറുതെ സംസാ​രി​ക്കാ​നല്ല മറിച്ച്‌ അവളെ ചുററി​പ്പി​ടി​ക്കാ​നും സ്‌പർശി​ക്കാ​നും ചുംബി​ക്കാ​നും വേണ്ടി അവളുടെ കൂടെ ആയിരി​ക്കാൻ ആഗ്രഹി​ക്ക​ത്ത​ക്ക​വണ്ണം എന്റെ ചിന്തയെ ബാധിച്ചു. എന്നിട്ടും എനിക്ക്‌ മതിയാ​യില്ല! വികാരം കൊണ്ട്‌ അക്ഷരാർത്ഥ​ത്തിൽ എനിക്ക്‌ ഭ്രാന്തു പിടി​ക്കു​ക​യാ​യി​രു​ന്നു. ചില​പ്പോൾ എനിക്ക്‌ ലജ്ജയും ഞാൻ വില​കെ​ട്ട​വ​നാണ്‌ എന്ന തോന്ന​ലും ഉണ്ടാകു​മാ​യി​രു​ന്നു.”

അപ്പോൾ ഡെയി​റ​റിംഗ്‌ പലപ്പോ​ഴും നിയമ​വി​രുദ്ധ ലൈം​ഗിക ബന്ധങ്ങളിൽ അവസാ​നി​ക്കു​ന്നത്‌ അതിശ​യമല്ല. പെൺകു​ട്ടി​ക​ളിൽ 87 ശതമാ​ന​വും ആൺകു​ട്ടി​ക​ളിൽ 95 ശതമാ​ന​വും ഡെയി​റ​റിം​ഗിൽ ലൈം​ഗി​ക​ത​യ്‌ക്കു “മിതമായ തോതി​ലോ അധിക​മാ​യോ” പ്രാധാ​ന്യം ഉണ്ട്‌ എന്ന്‌ വിചാ​രി​ച്ച​താ​യി നൂറു​ക​ണ​ക്കിന്‌ കൗമാ​ര​പ്രാ​യ​ക്കാർക്കി​ട​യിൽ  നടത്തപ്പെട്ട ഒരു സർവ്വേ കണ്ടെത്തി. എന്നിരു​ന്നാ​ലും പെൺകു​ട്ടി​ക​ളിൽ 65 ശതമാ​ന​വും ആൺകു​ട്ടി​ക​ളിൽ 43 ശതമാ​ന​വും ഡെയി​റ​റിം​ഗി​നി​ട​യിൽ തങ്ങൾ ആഗ്രഹി​ക്കാ​ഞ്ഞ​പ്പോൾ ലൈം​ഗി​ക​സ​മ്പർക്ക​ത്തിൽ ഏർപ്പെ​ട്ട​താ​യി സമ്മതിച്ചു!

ഇരുപതു വയസ്സു​കാ​രി ലൊ​റേററ അനുസ്‌മ​രി​ക്കു​ന്നു: “ഞങ്ങൾ പരസ്‌പരം കൂടുതൽ കൂടുതൽ കണ്ടുമു​ട്ടി​യ​പ്പോൾ ഞങ്ങൾ കൂടുതൽ അടുപ്പ​ത്തി​ലാ​യി. ചുംബ​ന​ത്തിൽ പെട്ടെ​ന്നു​തന്നെ രസമി​ല്ലാ​തെ​യാ​യ​പ്പോൾ ഞങ്ങൾ സ്വകാര്യ ശരീര​ഭാ​ഗ​ങ്ങ​ളിൽ സ്‌പർശി​ക്കാൻ തുടങ്ങി. ഞാൻ വളരെ വൃത്തി​കെ​ട്ട​വ​ളാണ്‌ എന്ന വിചാ​ര​ത്തിൽ ഞാൻ വളരെ അസ്വസ്ഥ​യാ​യി​ത്തീർന്നു. കാല​ക്ര​മ​ത്തിൽ, എന്നോ​ടൊ​പ്പം ഡെയി​റ​റിംഗ്‌ നടത്തിയ ചെറു​പ്പ​ക്കാ​രൻ ഞാൻ ‘അങ്ങേയ​ററം വരെ പോകാൻ’ പ്രതീ​ക്ഷി​ച്ചു . . . എന്തു ചെയ്യണ​മെ​ന്ന​റി​യാ​തെ ഞാൻ കുഴഞ്ഞു. ‘അയാളെ നഷ്ടപ്പെ​ടു​ത്താൻ എനിക്ക്‌ ആഗ്രഹ​മില്ല,’ എന്നു മാത്രമേ എനിക്ക്‌ ചിന്തി​ക്കാൻ കഴിയു​മാ​യി​രു​ന്നു​ളളു. ഞാൻ വല്ലാത്ത കഷ്ടത്തി​ലാ​യി​രു​ന്നു!”

എല്ലാ ജോടി​ക​ളും ലൈം​ഗി​ക​ബ​ന്ധ​ത്തി​ലേർപ്പെ​ടുന്ന ഘട്ടം വരെ പോകു​ന്നില്ല എന്നത്‌ വാസ്‌ത​വ​മാണ്‌; ചിലർ അവരുടെ പ്രേമ​പ്ര​ക​ട​നങ്ങൾ അതിനി​പ്പു​റം കൊണ്ട്‌ അവസാ​നി​പ്പി​ക്കു​ന്നു. എന്നാൽ ഒരാൾ  വൈകാ​രി​ക​മാ​യി ഉണർത്ത​പ്പെ​ട്ട​ശേഷം അത്തരം വികാ​ര​ങ്ങൾക്ക്‌ മാന്യ​മായ ഒരു ശമനം ലഭിക്കു​ന്നി​ല്ലെ​ങ്കിൽ അതിന്റെ ഫലമെ​ന്താണ്‌? ഉറപ്പാ​ക്ക​പ്പെട്ട മോഹ​ഭം​ഗം. അത്തരം മോഹ​ഭം​ഗങ്ങൾ ലൈം​ഗിക വികാ​ര​ങ്ങൾക്ക്‌ മാത്ര​മാ​യി പരിമി​ത​പ്പെ​ട്ടി​രി​ക്കു​ന്നില്ല.

പിച്ചി​ച്ചീ​ന്ത​പ്പെട്ട വികാ​ര​ങ്ങൾ

ഒരു ചെറു​പ്പ​ക്കാ​രന്റെ വികല്‌പം പരിഗ​ണി​ക്കുക: ‘ആദ്യ​മൊ​ക്കെ കാത്തിയെ എനിക്ക്‌ വലിയ ഇഷ്ടമാ​യി​രു​ന്നു. കൊള​ളാം, ശരിയ​ല്ലെന്ന്‌ അവൾ വിചാ​രിച്ച ചില കാര്യങ്ങൾ ചെയ്യാൻ ഞാൻ അവളെ അനുന​യി​പ്പി​ച്ചു എന്ന്‌ ഞാൻ സമ്മതി​ക്കു​ന്നു. എനിക്ക്‌ താല്‌പ​ര്യം നഷ്ടമാ​യ​തി​നാൽ ഞാൻ കാണി​ച്ചത്‌ വൃത്തി​കേ​ടാ​യി​പ്പോ​യി എന്ന്‌ ഇപ്പോൾ എനിക്ക്‌ തോന്നു​ന്നു. അവളുടെ വികാ​രങ്ങൾ വ്രണ​പ്പെ​ടു​ത്താ​തെ എനിക്ക്‌ അവളെ എങ്ങനെ ഉപേക്ഷി​ക്കാൻ കഴിയും?’ എത്ര കുഴഞ്ഞ ഒരു സാഹച​ര്യം! നിങ്ങൾ കാത്തി​യു​ടെ സ്ഥാനത്താ​ണെ​ങ്കിൽ നിങ്ങൾക്ക്‌ എന്തു​തോ​ന്നും?

കൗമാ​ര​പ്രാ​യ​ക്കാ​രു​ടെ ഹൃദയ​ത​കർച്ച ഒരു സാധാരണ രോഗ​മാണ്‌. രണ്ടു ചെറു​പ്പ​ക്കാർ കൈ​കോർത്തു​പി​ടി​ച്ചു നടക്കു​ന്നത്‌ ആകർഷ​ക​മായ ഒരു രംഗമാണ്‌ എന്നത്‌ വാസ്‌ത​വം​തന്നെ. എന്നാൽ ആ ചെറു​പ്പ​ക്കാർ ഒരു വർഷം കഴിഞ്ഞും ഇങ്ങനെ തന്നെ നടക്കാൻ എന്തു സാദ്ധ്യ​ത​യാ​ണു​ള​ളത്‌! അല്ലെങ്കിൽ അവർ വിവാ​ഹി​ത​രാ​കും എന്നതിന്‌ അത്രയും​പോ​ലും സാദ്ധ്യ​ത​യു​ണ്ടോ? ഒട്ടും​ത​ന്നെ​യില്ല. കൗമാ​ര​ക്കാ​രു​ടെ പ്രേമ​ബ​ന്ധങ്ങൾ മിക്കവാ​റും എല്ലായ്‌പ്പോ​ഴും തകരാൻ നിർണ്ണ​യി​ക്ക​പ്പെട്ട  ബന്ധങ്ങളാണ്‌, അതു നന്നാ ചുരു​ക്ക​മാ​യി​ട്ടേ വിവാ​ഹ​ത്തി​ലേക്ക്‌ നയിക്കു​ന്നു​ളളു, മിക്ക​പ്പോ​ഴും ഹൃദയ തകർച്ച​യിൽ അവസാ​നി​ക്കു​ന്നു.

ഏതായാ​ലും, കൗമാ​ര​പ്രാ​യ​ത്തിൽ നിങ്ങളു​ടെ വ്യക്തി​ത്വം കൃത്യ​മാ​യി രൂപം പ്രാപി​ച്ചി​ട്ടില്ല. നിങ്ങൾ ആരാ​ണെ​ന്നും നിങ്ങൾ വാസ്‌ത​വ​ത്തിൽ എന്ത്‌ ഇഷ്ടപ്പെ​ടു​ന്നു​വെ​ന്നും നിങ്ങളു​ടെ ജീവിതം കൊണ്ട്‌ എന്തു ചെയ്യാൻ ആഗ്രഹി​ക്കു​ന്നു​വെ​ന്നും നിങ്ങൾ മനസ്സി​ലാ​ക്കി വരുന്ന​തേ​യു​ളളു. നിങ്ങൾ ഇപ്പോൾ ഇഷ്ടപ്പെ​ടുന്ന ഒരു വ്യക്തി ഒരു മുഷി​പ്പ​നാ​യി നാളെ നിങ്ങൾക്ക്‌ തോന്നി​യേ​ക്കാം. എന്നാൽ പ്രേമ​വി​കാ​രങ്ങൾ വളരാൻ അനുവ​ദി​ക്ക​പ്പെ​ടു​മ്പോൾ തീർച്ച​യാ​യും ആർക്കെ​ങ്കി​ലും പരിക്ക്‌ ഏല്‌ക്കും. യുവജ​ന​ങ്ങൾക്കി​ട​യി​ലെ ആത്മഹത്യ​യ്‌ക്ക്‌ ഇടയാ​ക്കിയ സാഹച​ര്യ​ങ്ങളെ പല ഗവേഷണ പഠനങ്ങ​ളും “ഗേൾ ഫ്രണ്ടു​മാ​യു​ളള വഴക്ക്‌” അല്ലെങ്കിൽ “പ്രേമ​നൈ​രാ​ശ്യം” എന്നിവ​യോട്‌ ബന്ധപ്പെ​ടു​ത്തി​യി​രി​ക്കു​ന്നത്‌ അതിശ​യമല്ല.

എനിക്ക്‌ അതിനു​ളള പ്രായ​മാ​യോ?

യുവജ​ന​ങ്ങ​ളോട്‌ ദൈവം പറയുന്നു: “യൗവന​ക്കാ​രാ [അല്ലെങ്കിൽ യൗവന​ക്കാ​രി] നിന്റെ യൗവന​ത്തിൽ സന്തോ​ഷിക്ക, നിന്റെ യൗവന​നാ​ളു​ക​ളിൽ നിന്റെ ഹൃദയം നിനക്ക്‌ നൻമ ചെയ്യട്ടെ. നിന്റെ ഹൃദയ​ത്തി​നി​ഷ്ട​പ്പെട്ട വഴിക​ളി​ലും നിനക്ക്‌ ബോധി​ച്ച​പ്ര​കാ​ര​വും നടന്നു​കൊൾക.” യുവജ​നങ്ങൾ [അവരുടെ] “ഹൃദയ​ത്തി​നി​ഷ്ട​പ്പെട്ട വഴിയെ നടക്കാൻ” ചായ്‌വ്‌ കാണി​ക്കു​ന്നു. എന്നിരു​ന്നാ​ലും വളരെ രസമായി തോന്നുന്ന ആ “വഴികൾ” വ്യസന​ത്തി​ലും കഷ്ടപ്പാ​ടി​ലും അവസാ​നി​ക്കു​ന്നു. അടുത്തു​വ​രുന്ന വാക്യ​ത്തിൽ ബൈബിൾ ഇപ്രകാ​രം പ്രോ​ത്‌സാ​ഹി​പ്പി​ക്കു​ന്നു: “നിന്റെ ഹൃദയ​ത്തിൽ നിന്ന്‌ വ്യസനം അകററി നിന്റെ ശരീര​ത്തിൽ നിന്ന്‌ കഷ്ടപ്പാട്‌ നീക്കി​ക്ക​ള​യുക; എന്തു​കൊ​ണ്ടെ​ന്നാൽ ബാല്യ​വും യൗവന​വും മായയ​ത്രേ.” (സഭാ​പ്ര​സം​ഗി 11:9, 10) “വ്യസനം” ആഴമായ മന:പ്രയാസം അല്ലെങ്കിൽ കഠിന​മായ ദുഃഖം അനുഭ​വ​പ്പെ​ടു​ന്ന​തി​നെ പരാമർശി​ക്കു​ന്നു. “കഷ്ടപ്പാട്‌” വ്യക്തി​പ​ര​മായ ഒരു ആപത്തിനെ കുറി​ക്കു​ന്നു. രണ്ടിനും ജീവിതം ദുരി​ത​പൂർണ്ണ​മാ​ക്കാൻ കഴിയും.

അപ്പോൾ ഡെയി​റ​റിംഗ്‌ അതിൽത്തന്നെ വ്യസന​ത്തി​ന്റെ​യും ദുരി​ത​ത്തി​ന്റെ​യും ഒരു ഉറവാണ്‌ എന്നാണോ ഇതിന്റെ അർത്ഥം? അവശ്യം അങ്ങനെയല്ല. എന്നാൽ നിങ്ങൾ തെററായ ഒരു ഉദ്ദേശ്യ​ത്തിൽ (‘രസത്തി​നു​വേണ്ടി’) അല്ലെങ്കിൽ നിങ്ങൾക്ക്‌ അതിനു​ളള പ്രായ​മാ​കു​ന്ന​തി​നു മുമ്പ്‌ ഡെയി​റ​റിം​ഗിൽ ഏർപ്പെ​ടു​ന്നു​വെ​ങ്കിൽ അങ്ങനെ​യാ​യി​രി​ക്കാൻ കഴിയും! അതു​കൊണ്ട്‌ നിങ്ങളു​ടെ സ്വന്തം സാഹച​ര്യം  വിലയി​രു​ത്തു​ന്ന​തിന്‌ താഴെ​പ്പ​റ​യുന്ന ചോദ്യ​ങ്ങൾ സഹായ​ക​മെന്ന്‌ തെളി​ഞ്ഞേ​ക്കാം.

ഡെയി​റ​റിംഗ്‌ വൈകാ​രി​ക​മായ എന്റെ വളർച്ചയെ സഹായി​ക്കു​മോ അതോ തടസ്സ​പ്പെ​ടു​ത്തു​മോ? ഡെയി​റ​റിംഗ്‌ നിങ്ങളു​ടെ ബന്ധത്തെ ഒരു ആൺകു​ട്ടിക്ക്‌ ഒരു പെൺകു​ട്ടി എന്ന നിലയിൽ പരിമി​ത​പ്പെ​ടു​ത്തി​യേ​ക്കാം. മറിച്ച്‌ മററു​ള​ള​വ​രു​മാ​യു​ളള നിങ്ങളു​ടെ സഹവാസം കൂടുതൽ വിശാ​ല​മാ​ക്കു​ന്നത്‌ നിങ്ങൾക്ക്‌ പ്രയോ​ജ​ന​ക​ര​മാ​യി​രി​ക്കി​ല്ലേ? (2 കൊരി​ന്ത്യർ 6:12, 13 താരത​മ്യം ചെയ്യുക.) സൂസൻ എന്നു പേരായ ഒരു യുവതി പറയുന്നു: “ക്രിസ്‌തീയ സഭയിലെ പ്രായ​മു​ളള സ്‌ത്രീ​ക​ളു​മാ​യി അടുത്ത സൗഹൃദം വികസി​പ്പി​ച്ചെ​ടു​ക്കാൻ ഞാൻ പഠിച്ചു. അവർക്ക്‌ സഹവാസം ആവശ്യ​മാ​യി​രു​ന്നു, എനിക്ക്‌ എന്നെ ഉറപ്പിച്ചു നിറു​ത്താൻ അവരുടെ സ്വാധീ​ന​വും. അതു​കൊണ്ട്‌ ഞാൻ വല്ലപ്പോ​ഴു​മൊ​ക്കെ അവരെ സന്ദർശിച്ച്‌ അവരോ​ടൊ​പ്പം ഒരു കപ്പ്‌ കാപ്പി കുടി​ക്കും. ഞങ്ങൾ സംസാ​രി​ക്കു​ക​യും ചിരി​ക്കു​ക​യും ചെയ്യും. ഞാൻ അവരു​മാ​യി യഥാർത്ഥ​ത്തി​ലു​ളള ആയുഷ്‌ക്കാല സൗഹൃദം വളർത്തി​യെ​ടു​ത്തു.”

എല്ലാത​ര​ത്തി​ലു​മു​ളള സുഹൃ​ത്തു​ക്ക​ളു​ണ്ടാ​യി​രി​ക്കു​ന്ന​തി​നാൽ—പ്രായ​മാ​യ​വ​രും ചെറു​പ്പ​ക്കാ​രും, ഏകാകി​ക​ളും വിവാ​ഹി​ത​രും, പുരു​ഷൻമാ​രും സ്‌ത്രീ​ക​ളും—വിപരീ​ത​ലിം​ഗ​വർഗ്ഗ​ത്തിൽപ്പെ​ട്ടവർ ഉൾപ്പെടെ, ആളുക​ളോട്‌ ഇടപെ​ടു​മ്പോൾ ഒരു ഡെയി​റ​റിം​ഗി​ലേർപ്പെ​ടു​മ്പോ​ഴ​ത്തെ​പ്പോ​ലെ സമ്മർദ്ദം അനുഭ​വ​പ്പെ​ടാ​തെ സമനി​ല​യോ​ടെ ഇടപെ​ടാൻ നിങ്ങൾ പഠിക്കു​ന്നു. കൂടാതെ വിവാ​ഹിത ദമ്പതി​ക​ളു​മാ​യി സഹവസി​ക്കു​ന്ന​തി​നാൽ നിങ്ങൾ വിവാ​ഹത്തെ സംബന്ധിച്ച്‌ കുറച്ചു​കൂ​ടി യഥാർത്ഥ​മായ ഒരു വീക്ഷണം സമ്പാദി​ക്കു​ന്നു. പിൽക്കാ​ലത്ത്‌ ഒരു നല്ല ഇണയെ തെര​ഞ്ഞെ​ടു​ക്കു​ന്ന​തി​നും വിവാ​ഹ​ത്തിൽ നിങ്ങളു​ടെ പങ്കു നിർവ്വ​ഹി​ക്കു​ന്ന​തി​നും നിങ്ങൾ കൂടുതൽ സജ്ജരാ​യി​രി​ക്കും. (സദൃശ​വാ​ക്യ​ങ്ങൾ 31:10) ഗയിൽ എന്നു പേരായ യുവാവ്‌ ഇപ്രകാ​രം നിഗമനം ചെയ്യുന്നു: “വിവാഹം ചെയ്‌ത്‌ ഒരു കുടും​ബ​ജീ​വി​തം ആരംഭി​ക്കാൻ ഞാൻ ഇപ്പോ​ഴും തയ്യാറല്ല. ഞാൻ ഇപ്പോ​ഴും എന്നെത്തന്നെ മനസ്സി​ലാ​ക്കു​ന്ന​തേ​യു​ളളു, എനിക്ക്‌ ഇനിയും പല ആത്മീയ ലക്ഷ്യങ്ങ​ളും നേടാ​നു​മുണ്ട്‌. അതു​കൊണ്ട്‌ ഞാൻ യഥാർത്ഥ​ത്തിൽ എതിർലിം​ഗ​വർഗ്ഗ​ത്തിൽപ്പെട്ട ആരെങ്കി​ലു​മാ​യി വളരെ അടുപ്പ​ത്തി​ലാ​കേ​ണ്ട​തില്ല.”

വ്രണിത വികാ​ര​ങ്ങൾക്ക്‌ ഇടയാ​ക്കാൻ ഞാൻ ആഗ്രഹി​ക്കു​ന്നു​വോ? വിവാ​ഹ​ത്തി​നു​ളള സാദ്ധ്യത ദൃഷ്ടി​പ​ഥ​ത്തി​ലി​ല്ലാ​തെ പ്രേമ​ബ​ന്ധങ്ങൾ സ്ഥാപി​ക്കു​ന്നു​വെ​ങ്കിൽ നിങ്ങളു​ടെ​യും മറേറ​യാ​ളി​ന്റെ​യും വികാ​രങ്ങൾ തകർക്ക​പ്പെ​ട്ടേ​ക്കാം. വിപരീ​ത​ലിം​ഗ​വർഗ്ഗ​ത്തിൽപ്പെ​ട്ട​വ​രു​മാ​യി കൂടുതൽ അനുഭ​വ​പ​രി​ചയം നേടാൻ വേണ്ടി മാത്രം ആരു​ടെ​യെ​ങ്കി​ലും മേൽ പ്രേമ​സം​ബ​ന്ധ​മായ ശ്രദ്ധ കുന്നി​ക്കു​ന്നത്‌ വാസ്‌ത​വ​ത്തിൽ ന്യായ​മാ​ണോ?—മത്തായി 7:12 കാണുക.

എന്റെ മാതാ​പി​താ​ക്കൾ എന്തു പറയുന്നു? നിങ്ങൾക്ക്‌ തിരി​ച്ച​റി​യാൻ കഴിയാത്ത അപകടങ്ങൾ മിക്ക​പ്പോ​ഴും മാതാ​പി​താ​ക്കൾ കാണുന്നു. ഏതായാ​ലും അവരും ഒരു കാലത്ത്‌ ചെറു​പ്പ​മാ​യി​രു​ന്നു. വിപരീ​ത​ലിം​ഗ​വർഗ്ഗ​ത്തിൽപ്പെട്ട  രണ്ടു യുവജ​നങ്ങൾ വളരെ​യ​ധി​കം സമയം ഒരുമിച്ച്‌ ചെലവ​ഴി​ക്കാൻ തുടങ്ങു​മ്പോൾ എന്തു പ്രശ്‌നങ്ങൾ വികാസം പ്രാപി​ച്ചേ​ക്കാ​മെന്ന്‌ അവർക്ക​റി​യാം! അതു​കൊണ്ട്‌ നിങ്ങൾ ഡെയി​റ​റിം​ഗി​ലേർപ്പെ​ടു​ന്ന​തി​നെ നിങ്ങളു​ടെ മാതാ​പി​താ​ക്കൾ എതിർക്കു​ന്നു​വെ​ങ്കിൽ അവർക്കെ​തി​രെ മത്സരി​ക്ക​രുത്‌. (എഫേസ്യർ 6:1-3) സാദ്ധ്യ​ത​യ​നു​സ​രിച്ച്‌, നിങ്ങൾ കുറച്ചു​കൂ​ടെ പ്രായ​മാ​കു​ന്ന​തു​വരെ കാത്തി​രി​ക്കേ​ണ്ട​തുണ്ട്‌ എന്ന്‌ അവർ വിചാ​രി​ക്കു​ന്നു.

ബൈബിൾ ധാർമ്മി​കത പിൻപ​റ​റാൻ എനിക്ക്‌ കഴിയു​മോ? ഒരുവൻ “പ്രഫു​ല്ല​യൗ​വനം പിന്നി​ട്ടു​ക​ഴി​യു​മ്പോൾ” അയാൾക്ക്‌ ലൈം​ഗി​ക​വി​കാ​ര​ങ്ങളെ കുറച്ചു​കൂ​ടി മെച്ചമാ​യി നേരി​ടാൻ കഴിയും—അപ്പോൾ പോലും അത്‌ എളുപ്പമല്ല. ജീവി​ത​ത്തി​ന്റെ ഈ ഘട്ടത്തിൽ വിപരീ​ത​ലിം​ഗ​വർഗ്ഗ​ത്തിൽപ്പെട്ട ഒരാളു​മാ​യി അടുത്ത്‌ ഇടപഴ​കാ​നും ആ ബന്ധം നിർമ്മ​ല​മാ​ക്കി നിർത്താ​നും നിങ്ങൾ വാസ്‌ത​വ​ത്തിൽ സജ്ജനാ​ണോ?

രസാവ​ഹ​മാ​യി, അനേകം യുവജ​നങ്ങൾ തങ്ങളോ​ടു​തന്നെ ഈ ചോദ്യ​ങ്ങൾ ചോദി​ക്കു​ക​യും (നേരത്തെ ഉദ്ധരിച്ച) മേരി ആനിന്റെ നിഗമ​ന​ത്തിൽ തന്നെ എത്തി​ച്ചേ​രു​ക​യും ചെയ്യുന്നു. അവൾ പറഞ്ഞു: “ഡെയി​റ​റിം​ഗു സംബന്ധിച്ച്‌ മററു​ള​ള​വ​രു​ടെ മനോ​ഭാ​വ​ങ്ങ​ളാൽ സ്വാധീ​നി​ക്ക​പ്പെ​ടു​ക​യില്ല എന്ന്‌ ഞാൻ തീരു​മാ​നി​ച്ചു. എനിക്ക്‌ വേണ്ടത്ര പ്രായ​മാ​വു​ക​യും വിവാ​ഹ​ത്തിന്‌ സജ്ജയാ​വു​ക​യും ഒരു ഭർത്താ​വിൽ ഞാൻ ആഗ്രഹി​ക്കുന്ന തരം ഗുണങ്ങൾ ഉളള ഒരാളെ കണ്ടെത്തു​ക​യും ചെയ്യു​ന്ന​തു​വരെ ഞാൻ ഡെയി​റ​റിം​ഗി​ലേർപ്പെ​ടു​ക​യി​ല്ലാ​യി​രു​ന്നു.”

അപ്രകാ​രം, ഡെയി​റ​റിം​ഗി​ലേർപ്പെ​ടു​ന്ന​തി​നു മുൻപ്‌ നിങ്ങൾ നിങ്ങ​ളോ​ടു​തന്നെ ചോദി​ക്കേണ്ട നിർണ്ണാ​യ​ക​മായ ആ ചോദ്യം മേരി ആൻ ഉന്നയി​ക്കു​ന്നു.

ചർച്ചക്കുളള ചോദ്യ​ങ്ങൾ

◻ “ഡെയി​റ​റിംഗ്‌” എന്ന പദം നിങ്ങൾക്ക്‌ എന്താണ്‌ അർത്ഥമാ​ക്കു​ന്നത്‌?

◻ ചില യുവജ​ന​ങ്ങൾക്ക്‌ ഡെയി​റ​റിം​ഗി​ലേർപ്പെ​ടാ​നു​ളള സമ്മർദ്ദം അനുഭ​വ​പ്പെ​ടു​ന്ന​തെ​ന്തു​കൊണ്ട്‌?

◻ “പ്രഫു​ല്ല​യൗ​വ​ന​ത്തി​ലു​ളള” ഒരാളെ സംബന്ധി​ച്ചി​ട​ത്തോ​ളം ഡെയി​റ​റിം​ഗി​ലേർപ്പെ​ടു​ന്നത്‌ ബുദ്ധി​പൂർവ്വ​ക​മ​ല്ലാ​ത്തത്‌ എന്തു​കൊണ്ട്‌?

◻ ഡെയി​റ​റിം​ഗി​ന്റെ സംഗതി​യിൽ ഒരു യുവാ​വിന്‌ “കഷ്ടപ്പാട്‌ നീക്കാൻ” കഴിയു​ന്നത്‌ എങ്ങനെ​യാണ്‌?

◻ ഒരു ആൺകു​ട്ടി​യും പെൺകു​ട്ടി​യും ‘വെറുതെ സുഹൃ​ത്തു​ക്ക​ളാ​യി’രിക്കു​മ്പോൾ വികാസം പ്രാപി​ക്കാ​വുന്ന ചില പ്രശ്‌നങ്ങൾ ഏവ?

◻ ഡെയി​റ​റിം​ഗി​ലേർപ്പെ​ടാൻ നിങ്ങൾ സജ്ജനാ​ണോ​യെന്ന്‌ നിങ്ങൾക്ക്‌ എങ്ങനെ അറിയാം?

[231-ാം പേജിലെ ആകർഷ​ക​വാ​ക്യം]

“ചുംബ​ന​ത്തിൽ പെട്ടെ​ന്നു​തന്നെ രസമി​ല്ലാ​താ​യ​പ്പോൾ ഞങ്ങൾ സ്വകാര്യ ശരീര​ഭാ​ഗ​ങ്ങ​ളിൽ സ്‌പർശി​ക്കാൻ തുടങ്ങി. ഞാൻ വളരെ വൃത്തി​കെ​ട്ട​വ​ളാ​ണെ​ന്നു​ളള വിചാ​ര​ത്തിൽ ഞാൻ വളരെ അസ്വസ്ഥ​യാ​യി​ത്തീർന്നു. കാല​ക്ര​മ​ത്തിൽ, എന്നോ​ടൊ​പ്പം ഡെയി​റ​റിംഗ്‌ നടത്തിയ ചെറു​പ്പ​ക്കാ​രൻ ഞാൻ ‘അങ്ങേയ​ററം വരെ പോകാൻ’ പ്രതീ​ക്ഷി​ച്ചു”

[234-ാം പേജിലെ ആകർഷ​ക​വാ​ക്യം]

‘അവളുടെ വികാ​ര​ങ്ങളെ വ്രണ​പ്പെ​ടു​ത്താ​തെ എനിക്ക്‌ എങ്ങനെ കാത്തിയെ ഉപേക്ഷി​ക്കാൻ കഴിയും?’

 [232, 233 പേജു​ക​ളി​ലെ ചതുരം/ചിത്രം]

ഒരു ആൺകു​ട്ടി​ക്കും പെൺകു​ട്ടി​ക്കും ‘വെറുതെ സുഹൃ​ത്തു​ക്ക​ളാ​യി​രി​ക്കാൻ’ കഴിയു​മോ?

പ്ലേറേ​റാ​ണിക്‌ ബന്ധങ്ങൾ എന്നു വിളി​ക്ക​പ്പെ​ടു​ന്നവ (ലൈം​ഗി​കത എന്ന ഘടകം കടന്നു​വ​രാ​തെ സ്‌ത്രീ​പു​രു​ഷൻമാർക്കി​ട​യി​ലു​ളള സ്‌നേ​ഹ​ബന്ധം) യുവജ​ന​ങ്ങൾക്കി​ട​യിൽ വളരെ പ്രീതി നേടി​യി​ട്ടുണ്ട്‌. 17 വയസ്സു​കാ​രൻ ഗ്രിഗരി ഇങ്ങനെ അവകാ​ശ​പ്പെ​ടു​ന്നു: “പെൺകു​ട്ടി​ക​ളോട്‌ സംസാ​രി​ക്കു​ന്ന​താണ്‌ എനിക്ക്‌ കൂടുതൽ എളുപ്പം. കാരണം അവർ കൂടുതൽ സൂക്ഷ്‌മ​വേ​ദി​ക​ളും സഹാനു​ഭൂ​തി​യു​ള​ള​വ​രു​മാണ്‌.” അത്തരം സുഹൃ​ദ്‌ബ​ന്ധങ്ങൾ കൂടുതൽ വടിവു​ററ വ്യക്തി​ത്വം വികസി​പ്പി​ച്ചെ​ടു​ക്കാൻ തങ്ങളെ സഹായി​ക്കു​ന്നു എന്ന്‌ മററു ചെറു​പ്പ​ക്കാർ വാദി​ക്കു​ന്നു.

“ഇളയ സ്‌ത്രീ​കളെ സകല നിർമ്മ​ല​ത​യോ​ടും കൂടെ സഹോ​ദ​രി​മാ​രെ​പ്പോ​ലെ കണക്കാ​ക്കാൻ” ബൈബിൾ യുവാ​ക്കൻമാ​രെ പ്രബോ​ധി​പ്പി​ക്കു​ന്നു. (1 തിമൊ​ഥെ​യോസ്‌ 5:2) ഈ തത്വം ബാധക​മാ​ക്കു​ന്ന​തി​നാൽ വിപരീത ലിംഗ​വർഗ്ഗ​ത്തിൽപ്പെ​ട്ട​വ​രു​മാ​യി ശുദ്ധവും ആരോ​ഗ്യാ​വ​ഹ​വു​മായ സുഹൃ​ദ്‌ബ​ന്ധങ്ങൾ ആസ്വദി​ക്കുക വാസ്‌ത​വ​ത്തിൽ സാദ്ധ്യ​മാണ്‌. ഉദാഹ​ര​ണ​ത്തിന്‌ പല ക്രിസ്‌തീയ സ്‌ത്രീ​ക​ളു​മാ​യി സുഹൃ​ദ്‌ബന്ധം ആസ്വദിച്ച ഏകാകി​യായ ഒരു മനുഷ്യ​നാ​യി​രു​ന്നു അപ്പോ​സ്‌ത​ല​നായ പൗലോസ്‌. (റോമർ 16:1, 3, 6, 12 കാണുക.) “സുവാർത്ത​യിൽ എന്നോ​ടൊ​പ്പം നിന്ന്‌ കഠിനാ​ദ്ധ്വാ​നം ചെയ്‌ത” രണ്ടു സ്‌ത്രീ​ക​ളെ​പ്പ​ററി പൗലോസ്‌ എഴുതി. (ഫിലി​പ്യർ 4:3) യേശു​ക്രി​സ്‌തു​വും സ്‌ത്രീ​ക​ളു​മാ​യി സന്തുലി​ത​വും ആരോ​ഗ്യാ​വ​ഹ​വു​മായ സഹവാസം ആസ്വദി​ച്ചു. അനവധി സന്ദർഭ​ങ്ങ​ളിൽ അവൻ മാർത്ത​യു​ടെ​യും മറിയ​യു​ടെ​യും ആതിഥ്യ​വും സംഭാ​ഷ​ണ​വും ആസ്വദി​ച്ചു.—ലൂക്കോസ്‌ 10:38, 39; യോഹ​ന്നാൻ 11:5.

എന്നിരു​ന്നാ​ലും “പ്ലേറേ​റാ​ണിക്‌” ബന്ധം മിക്ക​പ്പോ​ഴും നേരിയ മുഖം​മൂ​ടി ധരിച്ച പ്രേമ​മോ ഉത്തരവാ​ദി​ത്വം ഏൽക്കാതെ വിപരീത ലിംഗ​വർഗ്ഗ​ത്തി​ലു​ള​ള​വ​രിൽ നിന്ന്‌ ശ്രദ്ധ പിടിച്ചു പററാ​നു​ളള ഒരു മാർഗ്ഗ​മോ ആണ്‌. കൂടാതെ വികാ​ര​ങ്ങൾക്ക്‌ പെട്ടെന്ന്‌ മാററം സംഭവി​ക്കാ​മെ​ന്നു​ള​ള​തു​കൊണ്ട്‌ അതു സംബന്ധിച്ച്‌ ജാഗ്രത പാലി​ക്കേണ്ട ആവശ്യ​മുണ്ട്‌. ഡോക്ടർ മാരിയൺ ഹില്ലി​യാർഡ്‌ ഇപ്രകാ​രം മുന്നറി​യിപ്പ്‌ നൽകി: “മണിക്കൂ​റിൽ പത്തു മൈൽ എന്ന വേഗത​യിൽ നീങ്ങുന്ന ഒരു സുഹൃ​ദ്‌ബ​ന്ധ​ത്തിന്‌ ചില​പ്പോൾ മുന്നറി​യി​പ്പൊ​ന്നും കൂടാതെ മണിക്കൂ​റിൽ നൂറു മൈൽ വേഗത​യിൽ ചീറി​പ്പാ​യുന്ന ഒരു ആവേശ​മാ​യി മാറാൻ കഴിയും.”

പതിനാ​റു വയസ്സു​കാ​രൻ മൈക്ക്‌ ഒരു 14 വയസ്സു​കാ​രി പെൺകു​ട്ടി​യു​മാ​യി “സൗഹൃദ”ത്തിലാ​യ​പ്പോൾ ഇതു മനസ്സി​ലാ​ക്കി: “തമ്മിൽത​മ്മിൽ മാത്രം കണ്ടു​കൊ​ണ്ടി​രി​ക്കു​മ്പോൾ രണ്ടു ചെറു​പ്പ​ക്കാർക്ക്‌ വെറുതെ സുഹൃ​ത്തു​ക്ക​ളാ​യി​രി​ക്കാൻ കഴിയു​ക​യില്ല എന്ന്‌ ഞാൻ പെട്ടെന്നു തന്നെ മനസ്സി​ലാ​ക്കി. ഞങ്ങളുടെ ബന്ധം വളർന്നു​കൊ​ണ്ടേ​യി​രു​ന്നു. പെട്ടെന്നു തന്നെ ഞങ്ങൾക്ക്‌ അന്യോ​ന്യം ചില പ്രത്യേക വികാ​രങ്ങൾ അനുഭ​വ​പ്പെ​ടാൻ തുടങ്ങി, ഞങ്ങൾക്ക്‌ ഇപ്പോ​ഴും അങ്ങനെ തന്നെയാണ്‌.” ഇരുവർക്കും വിവാ​ഹി​ത​രാ​കാൻ പ്രായ​മാ​കാ​ത്ത​തു​കൊണ്ട്‌ അതു മോഹ​ഭം​ഗ​ത്തി​ന്റെ ഒരു ഉറവാണ്‌.

വളരെ അധികം അടുത്ത​ബ​ന്ധ​ങ്ങൾക്ക്‌ ഇതിലും സങ്കടക​ര​മായ ഫലങ്ങൾ ഉണ്ടായി​രി​ക്കാൻ കഴിയും.  തന്റെ പ്രശ്‌ന​ങ്ങ​ളെ​പ്പ​ററി തുറന്നു പറഞ്ഞ ഒരു പെൺകു​ട്ടി​യെ ആശ്വസി​പ്പി​ക്കാൻ ഒരു യുവാവ്‌ ശ്രമിച്ചു. താമസി​യാ​തെ അവർ പരസ്‌പരം താലോ​ലി​ക്കാൻ തുടങ്ങി. ഫലമോ? മനസ്സാ​ക്ഷി​ക്കു​ത്തും അവർ തമ്മിൽ പിണക്ക​വും. മററു ചിലർ ലൈം​ഗി​ക​ബ​ന്ധ​ങ്ങ​ളിൽ ഏർപ്പെ​ട്ടി​രി​ക്കു​ന്നു. സൈ​ക്കോ​ളജി ററുഡേ നടത്തിയ ഒരു സർവ്വേ പ്രകട​മാ​ക്കി​യത്‌ “പങ്കെടു​ത്ത​വ​രിൽ ഏതാണ്ട്‌ പകുതി (49 ശതമാനം) പേരുടെ സംഗതി​യിൽ ഒരു സുഹൃ​ദ്‌ബന്ധം ലൈം​ഗി​ക​ബ​ന്ധ​മാ​യി മാറി എന്നാണ്‌.” വാസ്‌ത​വ​ത്തിൽ ഏതാണ്ട്‌ “മൂന്നി​ലൊന്ന്‌ (31 ശതമാനം) കഴിഞ്ഞ ഒരു മാസത്തി​നു​ള​ളിൽ ഒരു സുഹൃ​ത്തു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ട​താ​യി റിപ്പോർട്ടു ചെയ്‌തു.”

‘എന്നാൽ ഞാൻ എന്റെ സുഹൃ​ത്തി​നോട്‌ ആ തരത്തിൽ ആകർഷി​ക്ക​പ്പെ​ട്ടി​ട്ടില്ല, ഞാൻ അയാ​ളോട്‌ [അല്ലെങ്കിൽ അവളോട്‌] പ്രേമ​ത്തി​ലാ​വു​ക​യു​മില്ല.’ പക്ഷേ അതു ശരിയാ​യി​രി​ക്കാം. എന്നാൽ ഭാവി​യിൽ നിങ്ങളു​ടെ വികാരം എന്തായി​രി​ക്കും? മാത്ര​വു​മല്ല, “സ്വന്തം ഹൃദയ​ത്തിൽ ആശ്രയി​ക്കു​ന്നവൻ മൂഢനാണ്‌.” (സദൃശ​വാ​ക്യ​ങ്ങൾ 28:26) നമ്മുടെ യഥാർത്ഥ ആന്തരങ്ങളെ മറച്ചു​കൊണ്ട്‌ നമ്മുടെ ഹൃദയ​ത്തിന്‌ നമ്മെ ചതിക്കാൻ, വഞ്ചിക്കാൻ കഴിയും. നിങ്ങളു​ടെ സുഹൃ​ത്തിന്‌ നിങ്ങ​ളോ​ടു​ളള വികാ​ര​മെ​ന്താ​ണെന്ന്‌ നിങ്ങൾക്ക്‌ യഥാർത്ഥ​ത്തിൽ അറിയാ​മോ?

ദി ഫ്രണ്ട്‌ഷിപ്പ്‌ ഫാക്‌ററർ എന്ന തന്റെ [ഇംഗ്ലീഷ്‌] പുസ്‌ത​ക​ത്തിൽ അലൻ ലോയ്‌ മാക്‌ഗി​ന്നിസ്‌ ബുദ്ധി​യു​പ​ദേ​ശി​ക്കു​ന്നു: “അതിരു​വിട്ട്‌ നിങ്ങ​ളെ​ത്തന്നെ വിശ്വ​സി​ക്ക​രുത്‌.” നിങ്ങളു​ടെ സഹവാസം നന്നായി മേൽനോ​ട്ടം വഹിക്ക​പ്പെ​ടുന്ന കൂട്ടായ പ്രവർത്ത​ന​ങ്ങ​ളിൽ മാത്ര​മാ​യി പരിമി​ത​പ്പെ​ടു​ത്തി​ക്കൊണ്ട്‌ മുൻ കരുത​ലെ​ടു​ക്കുക. സ്‌നേ​ഹ​ത്തി​ന്റെ അനുചി​ത​മായ പ്രകട​ന​ങ്ങ​ളും പ്രേമ​വി​കാ​രങ്ങൾ ഉണ്ടാ​യേ​ക്കാ​വുന്ന സാഹച​ര്യ​ങ്ങ​ളിൽ ഒററയ്‌ക്കാ​യി​രി​ക്കു​ന്ന​തും ഒഴിവാ​ക്കുക. എന്തെങ്കി​ലും പ്രയാ​സങ്ങൾ അനുഭ​വ​പ്പെ​ടു​മ്പോൾ എതിർലിം​ഗ​വർഗ്ഗ​ത്തിൽ പെട്ട ചെറു​പ്പ​ക്കാ​രി​ലല്ല, നിങ്ങളു​ടെ മാതാ​പി​താ​ക്ക​ളി​ലും മുതിർന്ന​വ​രി​ലും വിശ്വാ​സം അർപ്പി​ക്കുക.

ഈ സുരക്ഷി​തത്വ നടപടി​ക​ളെ​ല്ലാ​മെ​ടു​ത്തി​ട്ടും ഏകപക്ഷീ​യ​മായ പ്രേമ വികാ​രങ്ങൾ വികാസം പ്രാപി​ക്കു​ന്നു​വെ​ങ്കി​ലെന്ത്‌? “സത്യം സംസാ​രി​ക്കു​ക​യും” നിങ്ങൾ എവിടെ നിൽക്കു​ന്നു​വെന്ന്‌ മറേറ​യാ​ളെ അറിയി​ക്കു​ക​യും ചെയ്യുക. (എഫേസ്യർ 4:25) ഇതു കാര്യങ്ങൾ നേരെ​യാ​ക്കു​ന്നി​ല്ലെ​ങ്കിൽ അകന്നു നിൽക്കു​ന്ന​താ​യി​രി​ക്കും ഏററവും നല്ലത്‌. “അനർത്ഥം കണ്ടിട്ട്‌ തന്നെത്തന്നെ മറച്ചു​കൊ​ള​ളു​ന്നവൻ ആണ്‌ വിവേ​ക​മു​ള​ളവൻ.” (സദൃശ​വാ​ക്യ​ങ്ങൾ 22:3) അല്ലെങ്കിൽ ദി ഫ്രണ്ട്‌ഷിപ്പ്‌ ഫാക്‌ററർ എന്ന പുസ്‌തകം പറയു​ന്ന​തു​പോ​ലെ: “ആവശ്യ​മെ​ങ്കിൽ ജാമ്യ​ത്തി​ലി​റ​ങ്ങുക. ചില​പ്പോൾ നാം എത്ര ശ്രമി​ച്ചാ​ലും എതിർലിം​ഗ​വർഗ്ഗ​ത്തിൽപ്പെട്ട ഒരാളു​മാ​യു​ളള സൗഹൃദം നിയ​ന്ത്രണം വിട്ട്‌ പോകു​ന്നു, അതു എങ്ങോ​ട്ടാണ്‌ നയിക്കു​ന്ന​തെന്ന്‌ നമുക്ക്‌ അറിയു​ക​യും ചെയ്യാം.” അപ്പോൾ അതു “പിന്തി​രി​യാ​നു​ളള” സമയമാണ്‌.

 [227-ാം പേജിലെ ചിത്രങ്ങൾ]

ഡെയിററിംഗിലേർപ്പെടാനോ ജോടി തിരി​യാ​നോ ഉളള സമ്മർദ്ദം മിക്ക​പ്പോ​ഴും യുവജ​ന​ങ്ങൾക്ക്‌ അനുഭ​വ​പ്പെ​ടു​ന്നു

[228-ാം പേജിലെ ചിത്രം]

ഡെയിററിംഗ്‌ മിക്ക​പ്പോ​ഴും യുവജ​ന​ങ്ങളെ അവർ ആഗ്രഹി​ക്കാത്ത പ്രേമ​പ്ര​ക​ട​നങ്ങൾ അനുവ​ദി​ച്ചു​കൊ​ടു​ക്കാ​നു​ളള സമ്മർദ്ദ​ത്തിൻ കീഴി​ലാ​ക്കു​ന്നു

[229-ാം പേജിലെ ചിത്രം]

ഡെയിററിംഗിന്റെ സമ്മർദ്ദം ഇല്ലാത്ത സാഹച​ര്യ​ങ്ങ​ളിൽ ഒരുവന്‌ വിപരീ​ത​ലിം​ഗ​വർഗ്ഗ​ത്തിൽപ്പെ​ട്ട​വ​രു​ടെ സഹവാസം ആസ്വദി​ക്കാൻ കഴിയും

[230-ാം പേജിലെ ചിത്രം]

പ്ലേറേറാണിക്‌ ബന്ധങ്ങൾ എന്നു വിളി​ക്ക​പ്പെ​ടു​ന്നവ മിക്ക​പ്പോ​ഴും ഹൃദയ​ത​കർച്ച​യിൽ അവസാ​നി​ക്കു​ന്നു