അധ്യായം 30

ഞാൻ ഇപ്പോഴേ വിവാഹം കഴിക്ക​ണ​മോ?

വിവാഹം ഒരു കളിയല്ല. ഭർത്താ​വും ഭാര്യ​യും, മറേറ​തൊ​രു മനുഷ്യ​നു​മാ​യു​ള​ള​തി​നേ​ക്കാൾ അടുപ്പ​ത്തിൽ സ്ഥായി​യായ ഒരു ബന്ധം സ്ഥാപി​ക്കാൻ ദൈവം ഉദ്ദേശി​ച്ചു. (ഉല്‌പത്തി 2:24) അതു​കൊണ്ട്‌ ഒരു വിവാഹ ഇണ ജീവിത ശിഷ്ടം മുഴുവൻ നിങ്ങൾ ഒട്ടിനിൽക്കുന്ന—അല്ലെങ്കിൽ നിങ്ങ​ളോട്‌ ഒട്ടി നിൽക്കുന്ന—ആളാണ്‌.

ഏതു വിവാ​ഹ​ത്തി​ലും അല്‌പം “വേദന​യും സങ്കടവും” ഉണ്ടായി​രി​ക്കും. (1 കൊരി​ന്ത്യർ 7:28 ദി ന്യൂ ഇംഗ്ലീഷ്‌ ബൈബിൾ) മാനുഷ പെരു​മാ​ററം സംബന്ധിച്ച ഒരു പ്രൊ​ഫ​സ്സ​റായ മാർസിയ ലാസ്‌വെൽ ഇപ്രകാ​രം മുന്നറി​യിപ്പ്‌ നൽകുന്നു: “ഒരു വിവാഹം നിലനിൽക്കു​മോ ഇല്ലയോ എന്നതു സംബന്ധിച്ച്‌ ചോദ്യം ചെയ്യ​പ്പെ​ടാത്ത ഒരു വിവരം നമുക്കു​ണ്ടെ​ങ്കിൽ അതു വിവാഹം ചെയ്യു​മ്പോൾ വളരെ ചെറു​പ്പ​മാ​യി​രു​ന്ന​വർക്ക്‌ ഒട്ടേറെ പ്രാതി​കൂ​ല്യ​ങ്ങൾ ഉണ്ടെന്നു​ള​ള​താണ്‌.”

ചെറു​പ്പ​ക്കാർക്കി​ട​യി​ലെ ഇത്രയ​ധി​കം വിവാ​ഹങ്ങൾ പരാജ​യ​പ്പെ​ടു​ന്നത്‌ എന്തു​കൊ​ണ്ടാണ്‌? ഇതിന്റെ ഉത്തരത്തിന്‌ നിങ്ങൾ വിവാ​ഹ​ത്തിന്‌ സജ്ജനാ​ണോ അല്ലയോ എന്നു തീരു​മാ​നി​ക്കു​ന്ന​തിൽ സ്വാധീ​നം ചെലു​ത്താൻ കഴിയും.

മഹത്തായ പ്രതീ​ക്ഷ​കൾ

“വിവാഹം എന്താണ്‌ എന്നതി​നെ​പ്പ​ററി ഞങ്ങൾക്ക്‌ വളരെ മോശ​മായ ധാരണയേ ഉണ്ടായി​രു​ന്നു​ളളു,” ഒരു കൗമാ​ര​പ്രാ​യ​ക്കാ​രി പെൺകു​ട്ടി സമ്മതി​ക്കു​ന്നു. “ഞങ്ങൾക്ക്‌ വരാനും പോകാ​നും ഇഷ്ടം പോലെ പ്രവർത്തി​ക്കാ​നും, പാത്രങ്ങൾ കഴുകു​ക​യോ കഴുകാ​തി​രി​ക്കു​ക​യോ ചെയ്യാ​നും കഴിയു​മെന്ന്‌ ഞങ്ങൾ വിചാ​രി​ച്ചു, എന്നാൽ അതു അങ്ങനെ​യൊ​ന്നു​മല്ല.” അനേകം യുവജ​നങ്ങൾ വിവാ​ഹ​ത്തെ​പ്പ​ററി അത്തരം അപക്വ​മായ വീക്ഷണങ്ങൾ നട്ടുവ​ളർത്തി​യി​രി​ക്കു​ന്നു. അത്‌ പ്രേമാ​ത്മ​ക​മായ ഒരു അനുഭൂ​തി​യാ​ണെന്ന്‌ അവർ സങ്കൽപ്പി​ക്കു​ന്നു, അല്ലെങ്കിൽ മുതിർന്ന​വ​രാ​യി കാണ​പ്പെ​ടു​ന്ന​തി​ന്റെ ആ പദവി​ക്കു​വേണ്ടി അവർ അൾത്താ​രയെ സമീപി​ക്കു​ന്നു. മററു ചിലരാ​കട്ടെ വീട്ടി​ലോ സ്‌കൂ​ളി​ലോ സമൂഹ​ത്തി​ലോ നിലവി​ലു​ളള മോശ​മായ ഒരു സാഹച​ര്യ​ത്തിൽ നിന്ന്‌ രക്ഷപെ​ടാൻ മാത്രം ആഗ്രഹി​ക്കു​ന്നു. ഒരു പെൺകു​ട്ടി അവളുടെ തോഴ​നോട്‌ ഇങ്ങനെ പറഞ്ഞു: “നമ്മൾ വിവാ​ഹി​ത​രാ​യി​ക്ക​ഴി​യു​മ്പോൾ എനിക്ക്‌ വളരെ സന്തോ​ഷ​മാ​യി​രി​ക്കും. അപ്പോൾ എനിക്ക്‌ പിന്നെ തീരു​മാ​ന​ങ്ങ​ളൊ​ന്നും ചെയ്യേണ്ടി വരില്ല​ല്ലോ!”

എന്നാൽ വിവാഹം ഒരു അലൗകിക അനുഭൂ​തി​യോ എല്ലാ​പ്ര​ശ്‌ന​ങ്ങൾക്കു​മു​ളള പരിഹാ​ര​മോ അല്ല. അത്‌ നിങ്ങൾക്ക്‌ നേരി​ടാൻ പുതു​തായ  ഒരു കൂട്ടം പ്രശ്‌നങ്ങൾ അവതരി​പ്പി​ക്കു​ക​യാണ്‌ ചെയ്യു​ന്നത്‌. ഇരുപ​താ​മത്തെ വയസ്സിൽ തന്റെ ആദ്യ കുട്ടിക്ക്‌ ജൻമം നൽകിയ വിക്കി പറയുന്നു: “പല കൗമാ​ര​പ്രാ​യ​ക്കാ​രും വിവാ​ഹി​ത​രാ​കു​ന്നത്‌ കളിവീട്‌ ഉണ്ടാക്കി കളിക്കാൻ വേണ്ടി​യാണ്‌. ഓ, അതുവ​ളരെ രസമായി തോന്നു​ന്നു! ഒരു കുട്ടി ഒരു പാവ​പോ​ലെ​യാ​ണെന്ന്‌, നല്ല ഓമന​ത്ത​മു​ള​ള​താ​ക​യാൽ നിങ്ങൾക്ക്‌ അതുമാ​യി കളിക്കാ​മെന്ന്‌, നിങ്ങൾ വിചാ​രി​ക്കു​ന്നു, എന്നാൽ അത്‌ അങ്ങനെ​യൊ​ന്നു​മല്ല.”

ലൈം​ഗി​ക​ബ​ന്ധ​ങ്ങളെ സംബന്ധി​ച്ചും പല യുവജ​ന​ങ്ങൾക്കും അയഥാർത്ഥ​മായ പ്രതീ​ക്ഷ​ക​ളാ​ണു​ള​ളത്‌. 18-ാം വയസ്സിൽ വിവാ​ഹി​ത​നായ ഒരു ചെറു​പ്പ​ക്കാ​രൻ പറഞ്ഞു: “ഞാൻ വിവാ​ഹി​ത​നാ​യി​ക്ക​ഴി​ഞ്ഞ​പ്പോൾ ലൈം​ഗി​ക​ത​യു​ടെ ഹർഷോൻമാ​ദം പെട്ടെ​ന്നു​തന്നെ അവസാ​നി​ക്കു​ന്നു എന്ന്‌ ഞാൻ മനസ്സി​ലാ​ക്കി, തുടർന്ന്‌ ഞങ്ങൾക്ക്‌ ചില യഥാർത്ഥ പ്രശ്‌ന​ങ്ങളെ നേരി​ടേ​ണ്ടി​യും വന്നു.” കൗമാ​ര​പ്രാ​യ​ക്കാ​രായ ദമ്പതി​കളെ സംബന്ധി​ച്ചു​ളള ഒരു പഠനം സാമ്പത്തിക പ്രശ്‌നങ്ങൾ കഴിഞ്ഞാൽ പിന്നെ ഏററം കൂടുതൽ തർക്കങ്ങൾ ലൈം​ഗി​ക​ബ​ന്ധ​ങ്ങ​ളെ​ക്കു​റി​ച്ചാണ്‌ എന്ന്‌ കണ്ടെത്തി. നിസം​ശ​യ​മാ​യും ഇതിന്റെ കാരണം, വിജയ​ക​ര​മായ വൈവാ​ഹിക ബന്ധം യുവജ​നങ്ങൾ മിക്ക​പ്പോ​ഴും വളർത്തി​യെ​ടു​ക്കാൻ പരാജ​യ​പ്പെ​ടുന്ന, നിസ്വാർത്ഥ​ത​യു​ടെ​യും ആത്മനി​യ​ന്ത്ര​ണ​ത്തി​ന്റെ​യും ഫലമാണ്‌ എന്നതാണ്‌.—1 കൊരി​ന്ത്യർ 7:3, 4.

“പ്രഫു​ല്ല​യൗ​വനം പിന്നി​ട്ട​ശേഷം” വിവാ​ഹി​ത​രാ​കാൻ ബൈബിൾ ജ്ഞാനപൂർവ്വം ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു. (1 കൊരി​ന്ത്യർ 7:36) വികാര വേലി​യേ​റ​റ​ത്തി​ന്റെ സമയത്ത്‌ വിവാഹം കഴിക്കു​ന്നത്‌ നിങ്ങളു​ടെ ചിന്തയെ വികല​മാ​ക്കു​ക​യും ഭാവി ഇണയുടെ കുറവു​കൾ സംബന്ധിച്ച്‌ നിങ്ങളെ അന്ധനാ​ക്കു​ക​യും ചെയ്‌തേ​ക്കാം.

 തങ്ങളുടെ ഭാഗം നിർവ്വ​ഹി​ക്കാൻ സജ്ജരല്ലാ​ത്ത​വർ

തന്റെ ഭർത്താ​വി​നെ​പ്പ​ററി ഒരു കൗമാ​ര​പ്രാ​യ​ക്കാ​രി വധു പറയുന്നു: “ഇപ്പോൾ ഞങ്ങൾ വിവാ​ഹി​ത​രായ സ്ഥിതിക്ക്‌ ലൈം​ഗി​ക​ബന്ധം ആഗ്രഹി​ക്കു​മ്പോൾ മാത്ര​മാണ്‌ അയാൾ എന്നോട്‌ താല്‌പ​ര്യം കാണി​ക്കു​ന്നത്‌. അയാളു​ടെ കൂട്ടു​കാ​രായ ആൺകു​ട്ടി​ക​ളോ​ടൊ​പ്പം ആയിരി​ക്കു​ന്നത്‌ എന്നോ​ടൊ​പ്പം ആയിരി​ക്കു​ന്ന​തു​പോ​ലെ പ്രധാ​ന​മാ​ണെന്ന്‌ അയാൾ കരുതു​ന്നു. . . . അയാൾക്ക്‌ ഞാൻ മാത്രമേ ഉണ്ടായി​രി​ക്കു​ക​യു​ളളു എന്ന്‌ ഞാൻ വിചാ​രി​ച്ചു, എന്നാൽ ഞാൻ കബളി​പ്പി​ക്ക​പ്പെ​ട്ടു​പോ​യി.” ഇത്‌ യുവാ​ക്കൾക്കി​ട​യി​ലു​ളള ഒരു തെററി​ദ്ധാ​ര​ണയെ വിശേ​ഷ​വൽക്ക​രി​ക്കു​ന്നു: ഭർത്താ​ക്കൻമാ​രാ​യ​ശേ​ഷ​വും ഏകാകി​ക​ളായ പുരു​ഷൻമാ​രു​ടെ അതേ ജീവി​ത​ശൈലി തുടരാ​മെന്ന്‌ അവർ വിചാ​രി​ക്കു​ന്നു.

ഒരു 19 വയസ്സു​കാ​രി വധു യുവഭാ​ര്യ​മാർക്കി​ട​യിൽ സാധാ​ര​ണ​മായ ഒരു പ്രശ്‌നം ചൂണ്ടി​ക്കാ​ണി​ക്കു​ന്നു. “വീട്‌ വൃത്തി​യാ​ക്കു​ന്ന​തി​നേ​ക്കാ​ളും ഭക്ഷണം പാകം ചെയ്യു​ന്ന​തി​നേ​ക്കാ​ളും ററി. വി. കാണാ​നും ഉറങ്ങാ​നു​മാണ്‌ ഞാൻ കൂടുതൽ ഇഷ്ടപ്പെ​ടു​ന്നത്‌. എന്റെ ഭർത്താ​വി​ന്റെ മാതാ​പി​താ​ക്കൾ ഞങ്ങളെ സന്ദർശി​ക്കു​മ്പോൾ എനിക്ക്‌ ലജ്ജ തോന്നു​ന്നു. കാരണം അവർ വീട്‌ വൃത്തി​യാ​യി സൂക്ഷി​ക്കു​ന്നു, എന്റേത്‌ എപ്പോ​ഴും കുഴഞ്ഞു​മ​റിഞ്ഞ അവസ്ഥയി​ലാണ്‌. എന്റെ പാചക​വും ഗുണമില്ല.” ഒരു പെൺകു​ട്ടി വീട്ടു​കാ​ര്യം നോക്കു​ന്ന​തിൽ അപ്രാ​പ്‌ത​യാ​യി​രി​ക്കു​മ്പോൾ അതു അവരുടെ വിവാ​ഹ​ജീ​വി​ത​ത്തിൻമേൽ എന്തു സമ്മർദ്ദം വരുത്തി​കൂ​ട്ടു​ക​യില്ല! “വിവാ​ഹ​ജീ​വി​ത​ത്തിൽ വാസ്‌ത​വ​മാ​യും ചുമതല ഏറെറ​ടു​ക്കേ​ണ്ട​തുണ്ട്‌,” (നേരത്തെ ഉദ്ധരിച്ച) വിക്കി പറയുന്നു. “ഇതൊരു കളിയല്ല. വിവാ​ഹാ​ഘോ​ഷ​ത്തി​ന്റെ രസമൊ​ക്കെ കഴിഞ്ഞു. പെട്ടെ​ന്നു​തന്നെ അത്‌ അനുദി​ന​ജീ​വി​ത​മാ​യി​ത്തീ​രു​ന്നു; അത്‌ എളുപ്പമല്ല.”

ഒരു കുടും​ബം പോറ​റാൻ വേണ്ടി​യു​ളള അനുദിന അദ്ധ്വാ​നത്തെ സംബന്ധി​ച്ചെന്ത്‌? വിക്കി​യു​ടെ ഭർത്താവ്‌ മാർക്ക്‌ പറയുന്നു: “ഞാൻ ആദ്യം ചെയ്‌തി​രുന്ന ജോലി​ക്കു പോകാൻ ഞാൻ രാവിലെ 6 മണിക്ക്‌ എഴു​ന്നേൽക്ക​ണ​മാ​യി​രു​ന്നു. ഞാൻ ഇങ്ങനെ ചിന്തി​ക്കു​മാ​യി​രു​ന്നു: ‘ഇത്‌ കഠിന​മായ ജോലി​യാണ്‌. എനിക്ക്‌ എന്നെങ്കി​ലും അല്‌പം ആശ്വാസം കിട്ടു​മോ?’ എന്നിട്ട്‌ ഞാൻ വീട്ടിൽ തിരി​ച്ചെ​ത്തി​യ​പ്പോൾ  ഞാൻ അനുഭ​വി​ക്കുന്ന കഷ്ടപ്പാട്‌ വിക്കിക്ക്‌ മനസ്സി​ലാ​യില്ല എന്ന്‌ എനിക്കു​തോ​ന്നി.”

പണപ്ര​ശ്‌ന​ങ്ങൾ

ഇത്‌ നമ്മെ യുവ ദമ്പതി​കൾക്കി​ട​യി​ലെ പൊരു​ത്ത​മി​ല്ലാ​യ്‌മ​ക്കു​ളള മറെറാ​രു കാരണ​ത്തിൽ എത്തിക്കു​ന്നു: പണം. വിവാ​ഹി​ത​രാ​യി മൂന്നു മാസങ്ങൾ കഴിഞ്ഞ​പ്പോൾ അവരുടെ ഏററം വലിയ പ്രശ്‌നം “കുടുംബ വരുമാ​ന​ത്തി​ന്റെ ചെലവ​ഴി​ക്കൽ” ആയിരു​ന്നു​വെന്ന്‌ 48 കൗമാ​ര​പ്രാ​യ​ക്കാ​രായ ദമ്പതികൾ സമ്മതിച്ചു. ഏകദേശം മൂന്നു വർഷം കഴിഞ്ഞ്‌ അവരിൽ 37 ദമ്പതി​ക​ളോട്‌ വീണ്ടും ഇതേ ചോദ്യം തന്നെ ചോദി​ച്ചു. വീണ്ടും പണം തന്നെയാ​യി​രു​ന്നു ഒന്നാം നമ്പർ പ്രശ്‌നം. അവരുടെ ഉൽക്കണ്‌ഠ മുമ്പ​ത്തേ​തി​ലും അധിക​വു​മാ​യി​രു​ന്നു! ജീവി​ത​ത്തിൽ നിന്ന്‌ നിങ്ങൾക്ക്‌ എന്തു രസമാണ്‌ ലഭിക്കുക,” എന്ന്‌ ബിൽ ചോദി​ച്ചു, “നിങ്ങളെ തൃപ്‌ത​രാ​ക്കാൻ ആവശ്യ​മായ സാധനങ്ങൾ വാങ്ങു​ന്ന​തിന്‌ വേണ്ടത്ര പണമി​ല്ലാ​ത്ത​പ്പോൾ? . . . നിങ്ങളു​ടെ പണം ഒരു ശമ്പള ദിവസ​ത്തിൽനിന്ന്‌ അടുത്ത ശമ്പളദി​വസം വരെ മതിയാ​കാ​തെ വരു​മ്പോൾ, അത്‌ വളരെ​യേറെ ശണ്‌ഠ​കൾക്കും അസന്തു​ഷ്ടി​ക്കും തുടക്ക​മി​ടും.”

കൗമാ​ര​പ്രാ​യ​ക്കാർക്കി​ട​യിൽ ഏററം ഉയർന്ന നിരക്കിൽ തൊഴി​ലി​ല്ലാ​യ്‌മ​യും ഏററം താഴ്‌ന്ന നിരക്കിൽ ശമ്പളവു​മു​ള​ള​തി​നാൽ അവർക്കി​ട​യിൽ സാമ്പത്തിക പ്രശ്‌നം സാധാ​ര​ണ​യാണ്‌. “എന്റെ കുടും​ബ​ത്തി​നു​വേണ്ടി എനിക്ക്‌ കരുതാൻ കഴിയാ​ഞ്ഞ​തു​കൊണ്ട്‌ ഞങ്ങൾക്ക്‌ എന്റെ മാതാ​പി​താ​ക്ക​ളോ​ടൊ​പ്പം കഴി​യേണ്ടി വന്നു,” എന്ന്‌ റോയി സമ്മതിച്ചു. “ഇതു യഥാർത്ഥ പിരി​മു​റു​ക്ക​ത്തിന്‌ ഇടയാക്കി, വിശേ​ഷിച്ച്‌ ഞങ്ങൾക്ക്‌ ഒരു കുട്ടി​യും കൂടെ ഉണ്ടായി​രു​ന്ന​തി​നാൽ.” സദൃശ​വാ​ക്യ​ങ്ങൾ 24:27 ഇപ്രകാ​രം ബുദ്ധി​യു​പ​ദേ​ശി​ക്കു​ന്നു: “വെളി​യിൽ നിന്റെ വേല ഒരുക്കുക, വയലിൽ എല്ലാം തീർക്ക. അതിനു​ശേഷം നിന്റെ വീടും പണിയുക.” ബൈബിൾ കാലങ്ങ​ളിൽ, പിൽക്കാ​ലത്തു ഒരു കുടും​ബത്തെ പോറ​റാൻ കഴി​യേ​ണ്ട​തിന്‌ പുരു​ഷൻമാർ കഠിന​മാ​യി അദ്ധ്വാ​നി​ച്ചു. അത്തരം മതിയായ തയ്യാ​റെ​ടുപ്പ്‌ നടത്തു​ന്ന​തിൽ പരാജ​യ​പ്പെ​ട്ട​തി​നാൽ ഇന്ന്‌ അനേകം യുവഭർത്താ​ക്കൻമാർ കുടും​ബ​ത്തി​നു​വേണ്ടി കരുതുന്ന ജോലി വളരെ ഭാരി​ച്ച​താണ്‌ എന്ന്‌ കണ്ടെത്തു​ന്നു.

ദമ്പതി​കൾക്ക്‌ ഭൗതിക വസ്‌തു​ക്കളെ സംബന്ധിച്ച്‌ ബാലി​ശ​മായ ഒരു കാഴ്‌ച​പ്പാ​ടാണ്‌ ഉളള​തെ​ങ്കിൽ ഒരു നല്ല ശമ്പളം​പോ​ലും അവരുടെ പണപ്ര​ശ്‌നങ്ങൾ അവസാ​നി​പ്പി​ക്കു​ക​യില്ല. “തങ്ങൾ ആസൂ​ത്രണം ചെയ്യുന്ന ഭവനത്തി​നു​വേണ്ടി ഉടൻതന്നെ, അവരുടെ മാതാ​പി​താ​ക്കൾ ഒരുപക്ഷേ അനേക വർഷങ്ങൾകൊ​ണ്ടു മാത്രം സമ്പാദിച്ച എല്ലാ സൗകര്യ​ങ്ങ​ളും സമ്പാദി​ക്കാൻ കഴിയ​ണ​മെന്ന്‌ കൗമാ​ര​പ്രാ​യ​ക്കാർ പ്രതീ​ക്ഷി​ക്കു​ന്ന​താ​യി” ഒരു പഠനം തെളി​യി​ച്ചു. ഈ സൗകര്യ​ങ്ങ​ളെ​ല്ലാം ഇപ്പോൾ ആസ്വദി​ക്കാ​നു​ളള തീരു​മാ​ന​ത്തിൽ അനേകർ കടബാ​ദ്ധ്യ​ത​ക​ളിൽ ആഴമായി മുങ്ങി. “ഉൺമാ​നും ഉടുക്കാ​നും”കൊണ്ട്‌ തൃപ്‌ത​രാ​കാ​നു​ളള പക്വത​യി​ല്ലാ​ഞ്ഞ​തി​നാൽ അവരുടെ വിവാ​ഹ​ജീ​വി​ത​ത്തി​ലെ സമ്മർദ്ദം അവർ വർദ്ധി​പ്പി​ച്ചു.—1 തിമൊ​ഥെ​യോസ്‌ 6:8-10.

 “മൈലു​കൾ അകലെ”

മൗറീൻ അനുസ്‌മ​രി​ക്കു​ന്നു: “ഞാൻ ഡോണു​മാ​യി പ്രേമ​ത്തി​ലാ​യി​രു​ന്നു. അയാൾ വളരെ സുമു​ഖ​നും, കരുത്ത​നും, ഒരു നല്ല കായിക താരവു​മാ​യി​രു​ന്നു; കൂടാതെ ജനപ്രീ​തി നേടി​യ​വ​നും . . . ഞങ്ങളുടെ വിവാഹം വിജയി​ക്കേ​ണ്ട​താ​യി​രു​ന്നു.” എന്നാൽ അതു വിജയി​ച്ചില്ല. “ഡോൺ ചെയ്‌ത​തെ​ല്ലാം എന്നെ വെറുപ്പു പിടി​പ്പി​ച്ചു—ഞങ്ങൾ ഭക്ഷണത്തി​നി​രു​ന്ന​പ്പോൾ അയാൾ ചുണ്ടു നനച്ച വിധം പോലും” എന്ന്‌ മൗറീൻ പറയാൻ തക്കവണ്ണം അവർക്കി​ട​യിൽ വിരോ​ധം വളർന്നു​വന്നു. “അവസാനം ഞങ്ങൾക്കി​രു​വർക്കും അതു മതിയാ​യി.” രണ്ടു വർഷത്തി​നു​ള​ളിൽ അവരുടെ വിവാഹം തകർന്നു.

പ്രശ്‌ന​മെ​ന്താ​യി​രു​ന്നു? “ഞങ്ങളുടെ ജീവി​ത​ല​ക്ഷ്യ​ങ്ങൾ മൈലു​കൾ അകലത്തി​ലാ​യി​രു​ന്നു” മൗറീൻ വിശദീ​ക​രി​ച്ചു. “ബൗദ്ധി​ക​മാ​യി എനിക്ക്‌ ബന്ധപ്പെ​ടാൻ കഴിയുന്ന ഒരാ​ളെ​യാണ്‌ എനിക്ക്‌ ആവശ്യം എന്ന്‌ ഞാൻ മനസ്സി​ലാ​ക്കി. എന്നാൽ ഡോണി​ന്റെ ജീവിതം മുഴുവൻ സ്‌പോർട്ട്‌സ്‌ ആയിരു​ന്നു. 18-ാമത്തെ വയസ്സിൽ അതി​പ്ര​ധാ​ന​മെന്ന്‌ ഞാൻ വിചാ​രിച്ച കാര്യങ്ങൾ പെട്ടെന്നു തന്നെ എനിക്ക്‌ അർത്ഥമി​ല്ലാ​ത്ത​താ​യി​ത്തീർന്നു.” യുവജ​നങ്ങൾ മിക്ക​പ്പോ​ഴും സൗന്ദര്യ​ത്തിന്‌ ഒന്നാം​സ്ഥാ​നം കൊടു​ത്തു​കൊണ്ട്‌ ഒരു വിവാ​ഹ​ഇ​ണ​യിൽ തങ്ങൾ എന്താ​ഗ്ര​ഹി​ക്കു​ന്നു എന്ന കാര്യ​ത്തിൽ ബാലി​ശ​മായ ഒരു വീക്ഷണം വച്ചുപു​ലർത്തു​ന്നു. സദൃശ​വാ​ക്യ​ങ്ങൾ 31:30 ഇപ്രകാ​രം മുന്നറി​യിപ്പ്‌ നൽകുന്നു: “ലാവണ്യം വ്യാജ​വും സൗന്ദര്യം വ്യർത്ഥ​വു​മാ​യി​രു​ന്നേ​ക്കാം.”

ആത്മപരി​ശോ​ധന നടത്തൽ

ദൈവ​ത്തി​നു ഒരു നേർച്ച നേരു​ക​യും ‘നേർന്ന​ശേഷം മാത്രം അതേപ്പ​ററി ചിന്തി​ക്കു​ക​യും’ ചെയ്യുന്ന മനുഷ്യ​നെ ബൈബിൾ സാഹസ​ക്കാ​രൻ എന്ന്‌ വിളി​ക്കു​ന്നു. (സദൃശ​വാ​ക്യ​ങ്ങൾ 20:25) അതു​കൊണ്ട്‌ വിവാഹം പോലെ ഗൗരവ​ത​ര​മായ ഒരു കരാറി​ലേർപ്പെ​ടു​ന്ന​തിന്‌ മുൻപ്‌ നിങ്ങ​ളെ​ത്തന്നെ തിരു​വെ​ഴു​ത്തു​ക​ളു​ടെ വെളി​ച്ച​ത്തിൽ പരി​ശോ​ധി​ക്കു​ന്നത്‌ ബുദ്ധി​പൂർവ്വ​ക​മാ​യി​രി​ക്കു​ക​യി​ല്ലേ? നിങ്ങളു​ടെ ജീവിത ലക്ഷ്യങ്ങൾതന്നെ എന്തൊ​ക്കെ​യാണ്‌? വിവാ​ഹ​ത്താൽ ഇവ എങ്ങനെ​യാണ്‌ ബാധി​ക്ക​പ്പെ​ടുക? ലൈം​ഗി​ക​ബ​ന്ധങ്ങൾ ആസ്വദി​ക്കു​ന്ന​തിന്‌ അല്ലെങ്കിൽ പ്രശ്‌ന​ങ്ങ​ളിൽനിന്ന്‌ രക്ഷപ്പെ​ടു​ന്ന​തിന്‌ മാത്ര​മാ​ണോ നിങ്ങൾ വിവാ​ഹി​ത​രാ​കാൻ ആഗ്രഹി​ക്കു​ന്നത്‌?

 കൂടാതെ, ഒരു ഭർത്താ​വി​ന്റെ​യോ ഭാര്യ​യു​ടെ​യോ സ്ഥാനം ഏറെറ​ടു​ക്കാൻ നിങ്ങൾ എത്ര​ത്തോ​ളം സജ്ജരാണ്‌? വീട്ടു​കാ​ര്യ​ങ്ങൾ നോക്കാൻ, അല്ലെങ്കിൽ ഒരു കുടും​ബം പോറ​റാൻ നിങ്ങൾക്ക്‌ പ്രാപ്‌തി​യു​ണ്ടോ? നിങ്ങൾ നിങ്ങളു​ടെ മാതാ​പി​താ​ക്ക​ളു​മാ​യി നിരന്തരം അഭി​പ്രായ വ്യത്യാ​സ​ത്തി​ലാ​ണെ​ങ്കിൽ നിങ്ങൾക്ക്‌ ഒരു വിവാ​ഹ​ഇ​ണ​യു​മാ​യി പൊരു​ത്ത​പ്പെ​ട്ടു​പോ​കാൻ കഴിയു​മോ? വിവാ​ഹ​ത്തോ​ടൊ​പ്പ​മു​ളള പരി​ശോ​ധ​ന​ക​ളെ​യും ക്ലേശങ്ങ​ളെ​യും സഹിച്ചു നിൽക്കാൻ നിങ്ങൾക്ക്‌ കഴിയു​മോ? പണം കൈകാ​ര്യം ചെയ്യുന്ന സംഗതി​യിൽ “ഒരു ശിശു​വി​ന്റെ രീതികൾ” നിങ്ങൾ പിൻപിൽ വിട്ടു​ക​ള​ഞ്ഞി​ട്ടു​ണ്ടോ? (1 കൊരി​ന്ത്യർ 13:11) നിങ്ങൾ എവിടെ നിൽക്കു​ന്നു എന്ന കാര്യ​ത്തിൽ തീർച്ച​യാ​യും നിങ്ങളു​ടെ മാതാ​പി​താ​ക്കൾക്ക്‌ വളരെ​യേറെ പറയാ​നു​ണ്ടാ​കും.

വിവാ​ഹ​ത്തിന്‌ ധന്യമായ സന്തോ​ഷ​ത്തി​ന്റെ അല്ലെങ്കിൽ ഏററം കൈ​പ്പേ​റിയ വേദന​യു​ടെ ഒരു ഉറവാ​യി​രി​ക്കാൻ കഴിയും. അതു വളരെ​യ​ധി​ക​മാ​യി നിങ്ങൾ അതിനു​വേണ്ടി എത്ര​ത്തോ​ളം സജ്ജരാണ്‌ എന്നതിനെ ആശ്രയി​ച്ചി​രി​ക്കു​ന്നു. നിങ്ങൾ ഒരു കൗമാ​ര​പ്രാ​യ​ക്കാ​ര​നാ​ണെ​ങ്കിൽ ഡെയി​റ​റിംഗ്‌ ആരംഭി​ക്കു​ന്ന​തി​നു മുൻപ്‌ എന്തു​കൊണ്ട്‌ അല്‌പം​കൂ​ടെ കാത്തി​രു​ന്നു​കൂ​ടാ? കാത്തി​രി​ക്കു​ന്നത്‌ നിങ്ങൾക്ക്‌ ദോഷ​മൊ​ന്നും ചെയ്യു​ക​യില്ല. ആ കാത്തി​രുപ്പ്‌ നിങ്ങൾ വിവാ​ഹ​ത്തി​ന്റെ ഗൗരവ​മു​ള​ള​തും സ്ഥിരവു​മായ പടി സ്വീക​രി​ക്കു​ന്നു​വെ​ങ്കിൽ അപ്പോൾ അതിനാ​യി സജ്ജനാ​കാൻ ആവശ്യ​മായ സമയം നിങ്ങൾക്ക്‌ പ്രദാനം ചെയ്യു​ക​യേ​യു​ളളു.

ചർച്ചക്കുളള ചോദ്യ​ങ്ങൾ

◻ വിവാഹം സംബന്ധിച്ച്‌ എന്തു അപക്വ​മായ വീക്ഷണ​ങ്ങ​ളാണ്‌ ചില യുവജ​നങ്ങൾ വച്ചുപു​ലർത്തു​ന്നത്‌?

◻ ലൈം​ഗി​ക​ത​ക്കു​വേണ്ടി മാത്രം വിവാഹം കഴിക്കു​ന്നത്‌ യാഥാർത്ഥ്യ​ബോ​ധ​മി​ല്ലാത്ത ഒരു നടപടി​യാ​ണെന്ന്‌ നിങ്ങൾ വിചാ​രി​ക്കു​ന്ന​തെ​ന്തു​കൊണ്ട്‌?

◻ ചില യുവജ​നങ്ങൾ ഭർത്താ​വി​ന്റെ​യോ ഭാര്യ​യു​ടെ​യോ ധർമ്മങ്ങൾ ഏറെറ​ടു​ക്കാൻ സജ്ജരല്ല എന്ന്‌ തെളി​യി​ച്ചി​രി​ക്കു​ന്നത്‌ എങ്ങനെ​യാണ്‌?

◻ യുവ ദമ്പതി​കൾക്ക്‌ മിക്ക​പ്പോ​ഴും പണ സംബന്ധ​മാ​യി ഗൗരവ​ത​ര​മായ പ്രശ്‌നങ്ങൾ ഉളളത്‌ എന്തു​കൊ​ണ്ടാണ്‌?

◻ ചില യുവജ​നങ്ങൾ ഒരു വിവാ​ഹ​ഇ​ണയെ തെര​ഞ്ഞെ​ടു​ക്കുന്ന കാര്യ​ത്തിൽ എന്തു അബദ്ധമാണ്‌ കാണി​ക്കു​ന്നത്‌?

◻ നിങ്ങൾ വിവാ​ഹ​ത്തിന്‌ സജ്ജരാ​ണോ എന്നതു സംബന്ധിച്ച്‌ നിങ്ങൾക്ക്‌ നിങ്ങ​ളോ​ടു​തന്നെ എന്തു ചോദ്യ​ങ്ങൾ ചോദി​ക്കാൻ കഴിയും? ഈ വിവരങ്ങൾ പരിചി​ന്തി​ച്ച​ശേഷം വിവാ​ഹ​ത്തി​ലേർപ്പെ​ടാൻ നിങ്ങൾ എത്ര​ത്തോ​ളം സജ്ജരാണ്‌ എന്നാണ്‌ നിങ്ങൾ വിചാ​രി​ക്കു​ന്നത്‌?

[240-ാം പേജിലെ ആകർഷ​ക​വാ​ക്യം]

“ഒരു വിവാഹം നിലനിൽക്കു​മോ ഇല്ലയോ എന്നതു സംബന്ധിച്ച്‌ ചോദ്യം ചെയ്യ​പ്പെ​ടാത്ത ഒരു വിവരം നമുക്ക്‌ ഉണ്ടെങ്കിൽ അത്‌ വിവാഹം ചെയ്യു​മ്പോൾ വളരെ ചെറു​പ്പ​മാ​യി​രി​ക്കു​ന്ന​വർക്ക്‌ ഒട്ടേറെ പ്രാതി​കൂ​ല്യ​ങ്ങൾ ഉണ്ടെന്നു​ള​ള​താണ്‌.”—മാർസിയ ലാസ്‌വെൽ, ഒരു പെരു​മാ​റ​റ​ശാ​സ്‌ത്ര പ്രൊ​ഫ​സർ

[237-ാം പേജിലെ ചിത്രം]

ഇവരെക്കാൾ ഒട്ടും മെച്ചമാ​യി സജ്ജരാ​കാ​തെ അനേകം യുവജ​നങ്ങൾ വിവാഹം കഴിക്കു​ന്നു