പ്രായോഗികമായ ഉത്തരങ്ങൾ
മുഖവുര
പ്രായോഗികമായ ഉത്തരങ്ങൾ
‘എന്റെ മാതാപിതാക്കൾ എന്തുകൊണ്ട് എന്നെ മനസ്സിലാക്കുന്നില്ല?’ ‘ഞാൻ മയക്കുമരുന്നുകളും മദ്യവും ഒന്നു പരീക്ഷിച്ചു നോക്കണമോ?’ ‘വിവാഹത്തിനു മുമ്പേയുളള ലൈംഗികത സംബന്ധിച്ചെന്ത്?’ ‘അത് യഥാർത്ഥ സ്നേഹമാണോ എന്ന് എനിക്ക് എങ്ങനെ അറിയാം?’ ‘ഭാവി എനിക്ക് എന്തു കൈവരുത്തും?’
അത്തരം ചോദ്യങ്ങൾ ചോദിക്കുന്ന ആദ്യത്തെയോ അവസാനത്തെയോ യുവാവോ യുവതിയോ അല്ല നിങ്ങൾ. എന്നിരുന്നാലും, യുവജനങ്ങൾ അത്തരം അടിസ്ഥാന ചോദ്യങ്ങൾ ചോദിക്കുമ്പോൾ അവർക്ക് മിക്കപ്പോഴും പരസ്പരവിരുദ്ധങ്ങളായ ഒരു പററം ഉത്തരങ്ങളാണ് ലഭിക്കുക. ഉദാഹരണത്തിന്, ലഹരിപാനീയങ്ങളുടെ ഉപയോഗം. മാതാപിതാക്കൾ അവ ഉപയോഗിക്കുന്നുണ്ടെങ്കിലും അവർ അതിന്റെ ഉപയോഗത്തെ നിരുത്സാഹപ്പെടുത്തിയേക്കാം. മാസികകളും റെറലിവിഷൻ പരിപാടികളും അതിനെ പുകഴ്ത്തുന്നു. സമപ്രായക്കാർ അതൊന്നു പരീക്ഷിച്ചു നോക്കാൻ നിങ്ങളെ പ്രോത്സാഹിപ്പിക്കുന്നു. അതുകൊണ്ട് അനേകം യുവജനങ്ങൾ എന്തു ചെയ്യണമെന്നറിയാതെ യഥാർത്ഥത്തിൽ കുഴഞ്ഞ അവസ്ഥയിലായിരിക്കുന്നത് അതിശയമല്ല.
ഇന്നത്തെ യുവജനങ്ങളുടെ ചോദ്യങ്ങൾക്ക് സത്യസന്ധവും പ്രായോഗികവുമായ ഉത്തരങ്ങൾ കൊടുക്കേണ്ടതിന്റെ ആവശ്യം തിരിച്ചറിഞ്ഞുകൊണ്ട് 1982 ജനുവരിയിൽ [ഇംഗ്ലീഷ് ലക്കം] ഉണരുക! മാസിക a “യുവജനങ്ങൾ ചോദിക്കുന്നു . . .” എന്ന ശീർഷകത്തോടെ ഒരു പംക്തി ആരംഭിച്ചു. ഈ പരമ്പര പെട്ടെന്നുതന്നെ വായനക്കാരിൽ നിന്ന് അനുകൂലമായ ഒരു പ്രതികരണം പിടിച്ചുപററി. “യുവജനങ്ങളുടെ ഇന്നത്തെ അവസ്ഥ സംബന്ധിച്ച് നിങ്ങൾക്കുളള നിരന്തരമായ താല്പര്യത്തിന്റെ തെളിവാണ് ഈ പരമ്പര,” എന്ന് വിലമതിപ്പുളള ഒരു വായനക്കാരൻ എഴുതി. “ഈ പരമ്പര ഒരിക്കലും അവസാനിക്കുകയില്ല എന്ന് ഞാൻ പ്രത്യാശിക്കുന്നു, അതിനായി ഞാൻ പ്രാർത്ഥിക്കുന്നു,” എന്ന് മറെറാരാൾ എഴുതി.
മറെറാരു യുവ വായനക്കാരൻ ഇപ്രകാരം പറഞ്ഞു: ‘എനിക്ക് 14 വയസ്സുണ്ട്. വളർന്നു വരുന്നത് ഇത്ര പ്രയാസകരമായിരിക്കുമെന്ന് ഞാൻ ഒരിക്കലും അറിഞ്ഞിരുന്നില്ല. ഇന്ന് കൊച്ചുകുട്ടികളുടെമേൽ വളരെയധികം സമ്മർദ്ദമുണ്ട്. അതുകൊണ്ടാണ് ഈ ലേഖനങ്ങൾ സംബന്ധിച്ച് എനിക്ക് വളരെയധികം നന്ദിയുളളത്. അവ പ്രസിദ്ധീകരിക്കുന്നതിന് ഞാൻ എല്ലാ രാത്രിയിലും ദൈവത്തിന് നന്ദി പറയുന്നുണ്ട്.’ എന്നാൽ ഈ ലേഖനങ്ങൾ ഒരിക്കലും ബാലിശങ്ങളായിരുന്നില്ല.
ഞങ്ങളുടെ യുവ വായനക്കാരെ പരിഗണിച്ച് അവ “വളരെ ലളിതമാക്കാൻ” ശ്രമം നടത്തിയതുമില്ല. അപ്രകാരം മുതിർന്നവർക്കിടയിലും “യുവജനങ്ങൾ ചോദിക്കുന്നു . . . ” എന്ന പംക്തി വിലമതിപ്പുളളവരെ കണ്ടെത്തി. ഒരു പിതാവ് ഇപ്രകാരം എഴുതി: “എനിക്ക് 40 വയസ്സുണ്ട്. ഈ ലേഖനങ്ങൾ വാസ്തവത്തിൽ മാതാപിതാക്കൾക്കുവേണ്ടി ദൈവം തന്നവയാണ്.” യഹോവയുടെ സാക്ഷികളുടെ സഭയിലെ യുവജനങ്ങളെ മനസ്സിലാക്കുന്നതിനും അവരുമായി ഇടപെടുന്നതിനും ഈ ലേഖനങ്ങൾ വിശേഷാൽ സഹായകമാണെന്ന് ക്രിസ്തീയ മൂപ്പൻമാർ കണ്ടെത്തി.“യുവജനങ്ങൾ ചോദിക്കുന്നു . . . ” എന്ന പംക്തി ഇത്ര ഉത്സാഹപൂർവ്വകമായ പ്രതികരണത്തിനിടയാക്കിയത് എന്തുകൊണ്ടാണ്? നല്കപ്പെടുന്ന ഉത്തരങ്ങൾ യഥാർത്ഥത്തിൽ പ്രയോജനകരങ്ങളാണ്! ഓരോ ലേഖനവും വിപുലമായ ഗവേഷണത്തിന്റെ ഫലമാണ്. കൂടാതെ യുവജനങ്ങളുടെ വിചാരവും വികാരവും യഥാർത്ഥത്തിൽ എപ്രകാരമായിരിക്കുന്നു എന്ന് തിട്ടപ്പെടുത്തുന്നതിന് ഉണരുക!യുടെ റിപ്പോർട്ടർമാർ ലോകത്തിലെല്ലായിടത്തു നിന്നുമുളള നൂറുകണക്കിന് യുവജനങ്ങളോട് സംസാരിച്ചിട്ടുണ്ട്! ഈ ലേഖനങ്ങൾ യാഥാർത്ഥ്യബോധത്തോടെയുളളതും പ്രായോഗികവുമാക്കുന്നതിന് അവരുടെ തുറന്ന അഭിപ്രായ പ്രകടനങ്ങൾ വളരെ സഹായകമായിരുന്നിട്ടുണ്ട്.
എന്നിരുന്നാലും, “യുവജനങ്ങൾ ചോദിക്കുന്നു . . .” എന്ന പംക്തിയുടെ യഥാർത്ഥ വിജയ രഹസ്യം അതിലൂടെ നല്കപ്പെട്ട ഉത്തരങ്ങൾ ഏതെങ്കിലും സിദ്ധാന്തത്തിലോ വ്യക്തിപരമായ അഭിപ്രായത്തിലോ അടിസ്ഥാനമാക്കാതെ ദൈവവചനമായ ബൈബിളിൽ കാണപ്പെടുന്ന നിത്യ സത്യങ്ങളെ അടിസ്ഥാനമാക്കിയുളളവയായിരുന്നു എന്നതാണ്. ‘ബൈബിളോ?’ എന്ന് നിങ്ങൾ ചോദിച്ചേക്കാം. അതെ, അതിന് യുവജനങ്ങളോട് വളരെയധികം പറയാനുണ്ട്. (സദൃശവാക്യങ്ങൾ അദ്ധ്യായം 1-7; എഫേസ്യർ 6:1-3 എന്നിവ കാണുക.) അത് “യുവജനങ്ങളുടെ ആഗ്രഹങ്ങളെ” സംബന്ധിച്ച് കൃത്യമായി അറിയാവുന്ന നമ്മുടെ സ്രഷ്ടാവിനാൽ നിശ്വസ്തമാക്കപ്പെട്ടതാണ്. (2 തിമൊഥെയോസ് 2:20-22; 3:16) ബൈബിൾ കാലങ്ങൾക്കുശേഷം മാനുഷ സമുദായത്തിന് വളരെ മാററങ്ങൾ വന്നിട്ടുണ്ടെങ്കിലും യുവജനങ്ങളുടെ ആഗ്രഹങ്ങൾക്ക് കാര്യമായ മാററമൊന്നും വന്നിട്ടില്ല. അതുകൊണ്ട് ബൈബിൾ എല്ലാ കാലത്തേക്കുമുളളതാണ്. എന്നാൽ യുവജനങ്ങളോട് ഞങ്ങൾ പ്രസംഗിക്കുകയാണ് എന്ന തോന്നൽ ഉളവാക്കാതെ അവരുമായി ന്യായവാദം ചെയ്യുന്ന ഒരു വിധത്തിൽ ബൈബിളിന്റെ ബുദ്ധിയുപദേശം അവതരിപ്പിക്കാൻ ഞങ്ങൾ ശ്രമിച്ചിട്ടുണ്ട്. ഇതിലെ വിവരങ്ങൾ പ്രാഥമികമായി യഹോവയുടെ സാക്ഷികൾക്കിടയിലെ യുവജനങ്ങളെ മനസ്സിൽ കണ്ടുകൊണ്ടാണ് എഴുതപ്പെട്ടിരിക്കുന്നതെങ്കിലും ബൈബിൾ ഉൾക്കൊളളുന്ന പ്രായോഗിക ജ്ഞാനത്തോട് ആദരവുളള ഏതൊരാൾക്കും ഇത് വായിക്കാനും ആസ്വദിക്കാനും കഴിയും.
അനേകം വായനക്കാരിൽ നിന്നുളള അപേക്ഷ പരിഗണിച്ച് “യുവജനങ്ങൾ ചോദിക്കുന്നു . . .” എന്ന കുറേ ലേഖനങ്ങൾ കൂട്ടിച്ചേർത്ത് ഒരു പുസ്തകം തയ്യാറാക്കിയിരിക്കുന്നു. ഉണരുക!യിൽ [ഇംഗ്ലീഷ്]
1982 മുതൽ 1989 വരെയുളള കാലഘട്ടത്തിൽ പ്രത്യക്ഷപ്പെട്ട ഏതാണ്ട് 200 ലേഖനങ്ങളിൽ 100-ൽപരം ലേഖനങ്ങളിൽ നിന്നുളള വിവരങ്ങളാണ് ചുരുക്കത്തിൽ ഇതിലെ 39 അദ്ധ്യായങ്ങളിൽ ഉൾപ്പെടുത്തിയിരിക്കുന്നത്. പുതുതായി കുറേ വിവരങ്ങളും കൂടെ ചേർത്തിട്ടുണ്ട്. കൂടാതെ വിവിധ രാജ്യങ്ങളിൽ നിന്നും വർഗ്ഗങ്ങളിൽ നിന്നുമുളള യുവജനങ്ങളുടെ ചിത്രങ്ങളും ഇതിൽ ചിത്രീകരണത്തിനുവേണ്ടി ധാരാളമായി ഉപയോഗിച്ചിരിക്കുന്നു.ഉളളടക്കത്തിന്റെ പട്ടിക നോക്കിയിട്ട് നിങ്ങൾക്ക് ഏററം താല്പര്യമുളള ചോദ്യങ്ങൾ തന്നെ ആദ്യം വായിക്കുക. എന്നിരുന്നാലും, പിന്നീട് പുസ്തകം മുഴുവൻ വായിക്കാനും നിങ്ങളുടെ സ്വന്തം ബൈബിളിൽ തിരുവെഴുത്തുകൾ പരിശോധിക്കാനും സമയം കണ്ടെത്താൻ ഞങ്ങൾ ശുപാർശ ചെയ്യുന്നു.
ചില കുടുംബങ്ങളിൽ മാതാപിതാക്കളും മക്കളും തമ്മിൽ ആശയവിനിമയമില്ല, ഉളേളടത്തും അതു വികലമാണ്. അതുകൊണ്ട് ഓരോ അദ്ധ്യായത്തിന്റെയും ഒടുവിൽ ചർച്ചക്കുളള ചോദ്യങ്ങളും കൂടെ ചേർത്തിരിക്കുന്നു. ഈ ചോദ്യങ്ങൾ ഓരോ ഖണ്ഡികയും അപഗ്രഥിക്കാനുദ്ദേശിച്ചുളളവയല്ല. അവ മാതാപിതാക്കൾ കുട്ടികളോടു ചോദ്യങ്ങൾ ചോദിച്ച് ബുദ്ധിമുട്ടിക്കാനുദ്ദേശിച്ചുളളവയുമല്ല. മാതാപിതാക്കളും യുവജനങ്ങളും തമ്മിലുളള ചർച്ചക്ക് ഉത്തേജനം നല്കാനാണ് അവ സംവിധാനം ചെയ്തിരിക്കുന്നത്. അവയിൽ പല ചോദ്യങ്ങളും നിങ്ങളുടെ സ്വന്തം അഭിപ്രായം പ്രകടിപ്പിക്കുന്നതിനും ചർച്ച ചെയ്യപ്പെടുന്ന വിവരങ്ങൾ നിങ്ങളുടെ സ്വന്തം സാഹചര്യത്തിന് ബാധകമാക്കുന്നതിനും ഇടയാക്കുന്നു.
അതുകൊണ്ട് അനേക കുടുംബാംഗങ്ങളും ഈ പുസ്തകം തങ്ങളുടെ കുടുംബ അദ്ധ്യയനത്തിന് ഒരു അടിസ്ഥാനമാക്കാൻ ആഗ്രഹിച്ചേക്കാം. കുടുംബാംഗങ്ങൾ മാറിമാറി ഖണ്ഡികകൾ വായിച്ചുകൊണ്ടും പരാമർശിച്ചിരിക്കുന്ന തിരുവെഴുത്തുകൾ എടുത്തു പരിശോധിച്ചുകൊണ്ടും അങ്ങനെ ചെയ്യാൻ കഴിയും. ചർച്ചക്കുളള ചോദ്യങ്ങൾ ഇടയ്ക്കിടെ ഓരോ ഉപതലക്കെട്ടിൻ കീഴിലുമുളള വിവരങ്ങൾ വായിച്ചശേഷമോ അല്ലെങ്കിൽ അദ്ധ്യായം മുഴുവൻ പൂർത്തിയാക്കിയ ശേഷമോ ചർച്ചചെയ്യാം. തങ്ങളുടെ വികാരങ്ങൾ തുറന്നും സത്യസന്ധമായും പ്രകടിപ്പിക്കാൻ എല്ലാവരെയും പ്രോത്സാഹിപ്പിക്കാൻ കഴിയും. യുവജനങ്ങൾ തങ്ങൾക്കിടയിൽതന്നെ ഈ പുസ്തകം ചർച്ച ചെയ്യുന്നത് ആസ്വദിച്ചേക്കാം.
യുവജനങ്ങൾക്കുപോലും ഇത് “ഇടപെടാൻ പ്രയാസമേറിയ” കാലമാണ്. (2 തിമൊഥെയോസ് 3:1) എന്നിരുന്നാലും, ദൈവവചനത്തിന്റെ പരിജ്ഞാനത്താൽ ജീവിതത്തിലെ പ്രയാസമേറിയ ആ കാലഘട്ടത്തെ നിങ്ങൾക്ക് വിജയപൂർവ്വം തരണം ചെയ്യാൻ കഴിയും. (സങ്കീർത്തനം 119:9) അതുകൊണ്ട് നിങ്ങളെ കുഴപ്പിച്ചേക്കാവുന്ന ചോദ്യങ്ങൾക്ക് ബൈബിളിനെ അടിസ്ഥാനമാക്കിയുളള പ്രായോഗികമായ ഉത്തരങ്ങളുടെ ഈ ശേഖരം ലഭ്യമാക്കുന്നതിൽ ഞങ്ങൾക്ക് സന്തോഷമുണ്ട്.
പ്രസാധകർ
[അടിക്കുറിപ്പുകൾ]
a പ്രഹരിദുർഗ്ഗ് പ്രകാശൻ സൊസൈററി പ്രസാധകർ അർദ്ധമാസികയായി പ്രസിദ്ധീകരിക്കുന്നു.
[ഉള്ളടക്കം]
(പ്രസിദ്ധീകരണം നോക്കുക)