അധ്യായം 21

എനിക്ക്‌ എങ്ങനെ ഒരു ജോലി സമ്പാദി​ക്കാൻ (നിലനിർത്താ​നും!) കഴിയും?

സീനിയർ സ്‌കൊ​ളാ​സ്‌റ​റിക്‌ [ഇംഗ്ലീഷ്‌] മാസി​ക​യിൽ പ്രസി​ദ്ധീ​ക​രിച്ച ഒരു അഭി​പ്രായ വോ​ട്ടെ​ടുപ്പ്‌ അമേരി​ക്കൻ ഹൈസ്‌കൂൾ വിദ്യാർത്ഥി​ക​ളോട്‌ ജീവി​ത​ത്തിൽ “വളരെ പ്രധാ​ന​മാ​യി” അവർ കരുതുന്ന ലക്ഷ്യങ്ങൾ എന്താണ്‌ എന്നു ചോദി​ച്ചു. “ഒരു സ്ഥിരമായ ജോലി കണ്ടെത്താൻ കഴിയുക” എന്ന്‌ 84 ശതമാനം പേരും പ്രതി​വ​ചി​ച്ചു.

വ്യക്തി​പ​ര​മോ കുടും​ബ​പ​ര​മോ ആയ ചെലവു​കൾ വഹിക്കു​ന്ന​തിന്‌ ക്ലാസ്സ്‌ സമയം കഴിഞ്ഞു ചെയ്യാ​വുന്ന ഒരു ജോലി കണ്ടെത്താൻ ഒരുപക്ഷേ നിങ്ങൾക്ക്‌ താല്‌പ​ര്യ​മു​ണ്ടാ​യി​രി​ക്കാം. അല്ലെങ്കിൽ ഒരു മുഴു​സമയ സുവി​ശേ​ഷ​ക​നാ​യി നിങ്ങളെ നിലനിർത്തു​ന്ന​തിന്‌ നിങ്ങൾ ഒരു അംശകാല ജോലി അന്വേ​ഷി​ക്കു​ക​യാ​യി​രി​ക്കാം. (അദ്ധ്യായം 22 കാണുക.) ഏതായാ​ലും ആഗോള പണപ്പെ​രു​പ്പ​വും വൈദ​ഗ്‌ദ്ധ്യ​മി​ല്ലാത്ത വേലക്കാ​രു​ടെ ആവശ്യ​ക്കു​റ​വും നിങ്ങൾ ഒരു യുവാ​വാ​ണെ​ങ്കിൽ ഒരു ജോലി കണ്ടെത്തുക കൂടുതൽ പ്രയാ​സ​ക​ര​മാ​ക്കി​യി​രി​ക്കു​ന്നു. അപ്പോൾ പിന്നെ വലിയ ബുദ്ധി​മു​ട്ടു​കൂ​ടാ​തെ നിങ്ങൾക്ക്‌ എങ്ങനെ തൊഴിൽ രംഗ​ത്തേക്ക്‌ കടന്നു ചെല്ലാൻ കഴിയും?

സ്‌കൂൾ—തൊഴിൽ പരിശീ​ല​ന​ത്തി​നു​ളള ഒരു സ്ഥലം

തൊഴി​ലിന്‌ ആളെടു​ക്കുന്ന ഒരു സ്ഥാപന​ത്തിൽ അനേകം വർഷത്തെ പരിച​യ​മു​ളള ക്ലീവ്‌ലാൻഡ്‌ ജോൺസ്‌ ഈ ബുദ്ധി​യു​പ​ദേശം വച്ചു നീട്ടുന്നു: “ഹൈസ്‌കൂൾ വിദ്യാ​ഭ്യാ​സം നല്ല നിലയിൽ പൂർത്തി​യാ​ക്കുക. നന്നായി വായി​ക്കു​ക​യും എഴുതു​ക​യും സംസാ​രി​ക്കു​ക​യും ചെയ്യാൻ പഠിക്കു​ന്ന​തി​ന്റെ പ്രാധാ​ന്യം എത്ര ഊന്നി​പ്പ​റ​ഞ്ഞാ​ലും അധിക​മാ​വു​ക​യില്ല. തൊഴിൽ രംഗത്ത്‌ ആളുക​ളോട്‌ നന്നായി ഇടപെ​ടാൻ കഴി​യേ​ണ്ട​തിന്‌ അന്തസ്സായ പെരു​മാ​റ​റ​രീ​തി​ക​ളും പഠിക്കുക.”

ഒരു ബസ്സ്‌ ഡ്രൈ​വർക്ക്‌ വാഹന​ങ്ങ​ളു​ടെ വരവും പോക്കും സംബന്ധിച്ച സമയപ്പ​ട്ടിക വായി​ക്കാൻ സാധി​ക്കണം. ഫാക്‌റ​ററി തൊഴി​ലാ​ളി​കൾക്കും ഒരു ജോലി പൂർത്തി​യാ​ക്കി എന്നു കാണി​ക്കുന്ന ചീട്ടു​ക​ളോ അതു​പോ​ലു​ളള മററു റിപ്പോർട്ടു​ക​ളോ പൂരി​പ്പി​ക്കേ​ണ്ട​തുണ്ട്‌. കച്ചവട സ്ഥാപന​ങ്ങ​ളി​ലെ ജോലി​ക്കാർ കണക്ക്‌ എഴുതി സൂക്ഷി​ക്കാ​നും പ്രതീ​ക്ഷി​ക്ക​പ്പെ​ടു​ന്നു. ഏതാണ്ട്‌ എല്ലാത്തരം തൊഴി​ലു​ക​ളി​ലും  തന്നെ ആശയവി​നി​യമം ചെയ്യാ​നു​ളള പ്രാപ്‌തി അത്യാ​വ​ശ്യ​മാണ്‌. ഇവയൊ​ക്കെ​യും നിങ്ങൾക്ക്‌ സ്‌കൂ​ളി​ലാ​യി​രി​ക്കു​മ്പോൾ സമ്പാദി​ക്കാ​വുന്ന വൈദ​ഗ്‌ദ്ധ്യ​ങ്ങ​ളാണ്‌.

സ്ഥിരോ​ത്സാ​ഹം ഫലം നൽകുന്നു

“നിങ്ങൾ സ്‌കൂൾ പഠനം പൂർത്തി​യാ​ക്കി​യ​ശേഷം ഒരു ജോലി അന്വേ​ഷി​ക്കു​ക​യാ​ണെ​ങ്കിൽ ആ ശ്രമം ഒരിക്ക​ലും ഉപേക്ഷി​ച്ചു കളയരുത്‌,” എന്ന്‌ ജോൺസ്‌ പറയുന്നു. “രണ്ടോ മൂന്നോ ഇൻറർവ്യൂ​വിന്‌ പോയിട്ട്‌ വീട്ടിൽ പോയി വെറുതെ കാത്തി​രി​ക്ക​രുത്‌. ആ വിധത്തിൽ നിങ്ങൾ ഒരു ജോലി​ക്കാ​യി വിളി​ക്ക​പ്പെ​ടു​ക​യില്ല.” ഒരു ജോലി ലഭിക്കു​ന്ന​തിന്‌ യുവാ​വായ സാൽ ഏഴുമാ​സം ശ്രമി​ക്കേണ്ടി വന്നു. “‘ഒരു ജോലി കണ്ടെത്തുക എന്നതാണ്‌ എന്റെ ജോലി,’ എന്ന്‌ ഞാൻ എന്നോ​ടു​തന്നെ പറയു​മാ​യി​രു​ന്നു,” എന്ന്‌ സാൽ വിശദീ​ക​രി​ക്കു​ന്നു. “ഏഴുമാ​സ​ക്കാ​ല​ത്തേക്ക്‌, വാരാ​ന്ത്യം ഒഴിച്ചു​ളള എല്ലാ ദിവസ​വും എട്ടുമ​ണി​ക്കൂർ വീതം ഒരു ജോലി തേടു​ന്ന​തിന്‌ ഞാൻ ചെലവ​ഴി​ക്കു​മാ​യി​രു​ന്നു. ഓരോ ദിവസ​വും നന്നാ രാവിലെ തുടങ്ങി ഉച്ചകഴിഞ്ഞ്‌ നാലു​മ​ണി​വരെ ഞാൻ ‘പണി​യെ​ടു​ക്കു​മാ​യി​രു​ന്നു.’ പല രാത്രി​ക​ളി​ലും എന്റെ പാദങ്ങൾക്ക്‌ വേദന​യാ​യി​രി​ക്കും. പിറേ​റന്നു രാവിലെ അന്വേ​ഷണം തുടരു​ന്ന​തിന്‌ ഞാൻ ‘എന്നെത്തന്നെ മാനസി​ക​മാ​യി ബലപ്പെ​ടു​ത്തേണ്ട’തുണ്ടാ​യി​രു​ന്നു.”

ഈ അന്വേ​ഷണം നിറു​ത്തി​ക്ക​ള​യു​ന്ന​തിൽ നിന്ന്‌ സാലിനെ തടഞ്ഞ​തെ​ന്താ​യി​രു​ന്നു? അവൻ മറുപടി പറയുന്നു: “ഓരോ തവണയും ജോലിക്ക്‌ ആളുകളെ എടുക്കുന്ന ഒരു ഓഫീ​സിൽ ഞാൻ ചെന്ന​പ്പോൾ യേശു പറഞ്ഞത്‌ ഞാൻ ഓർമ്മി​ക്കു​മാ​യി​രു​ന്നു, ‘നിങ്ങൾ കഠിന​ശ്രമം ചെയ്യു​വിൻ.’ ഒരു ദിവസം എനിക്ക്‌ ജോലി കിട്ടു​മെ​ന്നും എന്റെ ബുദ്ധി​മു​ട്ടു​കൾ അവസാ​നി​ക്കു​മെ​ന്നും ഞാൻ ചിന്തി​ച്ചു​കൊ​ണ്ടി​രു​ന്നു.”—ലൂക്കോസ്‌ 13:24.

 ജോലി കണ്ടെത്താ​വുന്ന സ്ഥലം

നിങ്ങൾ നാട്ടിൻപു​റ​ത്താണ്‌ താമസി​ക്കു​ന്ന​തെ​ങ്കിൽ നിങ്ങളു​ടെ തൊഴി​ല​ന്വേ​ഷണം ആ പ്രദേ​ശത്തെ കൃഷി സ്ഥലങ്ങളി​ലോ പഴത്തോ​ട്ട​ങ്ങ​ളി​ലോ ആരംഭി​ക്കാൻ കഴിയും, അല്ലെങ്കിൽ നിങ്ങൾക്ക്‌ വീട്ടു​വ​ള​പ്പിൽ ചെയ്യേ​ണ്ട​തരം ജോലി​ക്കു​വേണ്ടി നോക്കാൻ കഴിയും. നിങ്ങൾ ഒരു വലിയ പട്ടണത്തി​ലോ നഗരത്തി​ലോ ആണ്‌ വസിക്കു​ന്ന​തെ​ങ്കിൽ നിങ്ങൾക്ക്‌ പത്രങ്ങ​ളിൽ കാണ​പ്പെ​ടുന്ന ‘സഹായം ആവശ്യ​മുണ്ട്‌’ എന്ന പരസ്യങ്ങൾ നോക്കാൻ കഴിയും. ഈ പരസ്യങ്ങൾ ചിലതരം ജോലി​കൾക്ക്‌ എന്തു യോഗ്യ​ത​യാണ്‌ വേണ്ടത്‌ എന്നു സൂചി​പ്പി​ക്കു​ന്നു. നിങ്ങൾക്ക്‌ എങ്ങനെ ആ നിബന്ധ​നകൾ നിവർത്തി​ക്കാൻ കഴിയും എന്ന്‌ തൊഴി​ലു​ട​മ​യ്‌ക്ക്‌ വിശദീ​ക​രി​ച്ചു കൊടു​ക്കാൻ അവ നിങ്ങളെ സഹായി​ക്കും. മാതാ​പി​താ​ക്കൾ, അദ്ധ്യാ​പകർ, തൊഴി​ല​വസര ഏജൻസി​കൾ, തൊഴി​ലാ​ളി ഓഫീ​സു​കൾ, സുഹൃ​ത്തു​ക്കൾ,  അയൽക്കാർ ഇവ നിങ്ങൾക്ക്‌ പ്രയോ​ജ​ന​പ്പെ​ടു​ത്താ​വുന്ന മററ്‌ ഉറവു​ക​ളാണ്‌.

നിങ്ങളു​ടെ ജോലി നിലനിർത്തൽ

ദു:ഖകര​മെന്നു പറയട്ടെ, സാമ്പത്തിക സമ്മർദ്ദങ്ങൾ തൊഴി​ലി​ല്ലായ്‌മ സൃഷ്ടി​ക്കു​മ്പോൾ ചെറു​പ്പ​ക്കാ​രായ തൊഴി​ലാ​ളി​ക​ളാണ്‌ ആദ്യം പിരി​ച്ചു​വി​ട​പ്പെ​ടു​ന്നത്‌. എന്നാൽ ഇത്‌ നിങ്ങൾക്ക്‌ സംഭവി​ക്കേ​ണ്ട​തില്ല. “ജോലി ചെയ്യാൻ മനസ്സു​ള​ള​വ​രും തൊഴി​ലു​ടമ ആവശ്യ​പ്പെ​ടുന്ന എന്തും ചെയ്യാൻ മനസ്സൊ​രു​ക്ക​മു​ള​ള​വ​രു​മാണ്‌ തങ്ങളുടെ ജോലി നിലനിർത്തു​ന്നത്‌,” എന്ന്‌ മിസ്‌ററർ ജോൺസ്‌ പറയുന്നു.

നിങ്ങളു​ടെ മനോ​ഭാ​വം നിങ്ങളു​ടെ മനസ്സിന്റെ അവസ്ഥയാണ്‌—നിങ്ങളു​ടെ ജോലി​യെ​പ്പ​റ​റി​യും നിങ്ങൾ ആർക്കു​വേ​ണ്ടി​യും ആരോ​ടൊ​ത്തും ജോലി ചെയ്യു​ന്നു​വോ അവരെ​പ്പ​റ​റി​യും ഉളള നിങ്ങളു​ടെ  വികാ​രങ്ങൾ തന്നെ. നിങ്ങളു​ടെ മനോ​ഭാ​വം നിങ്ങൾ ചെയ്യുന്ന വേലയു​ടെ മേൻമ​യിൽ പ്രതി​ഫ​ലി​പ്പി​ക്ക​പ്പെ​ടു​ന്നു. നിങ്ങളു​ടെ തൊഴി​ലു​ടമ നിങ്ങളു​ടെ മൂല്യം നിർണ്ണ​യി​ക്കു​ന്നത്‌ നിങ്ങൾ ചെയ്‌തു തീർക്കുന്ന ജോലി​യു​ടെ അടിസ്ഥാ​ന​ത്തിൽ മാത്രമല്ല നിങ്ങളു​ടെ മനോ​ഭാ​വ​ത്തി​ന്റെ അടിസ്ഥാ​ന​ത്തി​ലും കൂടെ ആയിരി​ക്കും.

“നിങ്ങൾക്ക്‌ നിർദ്ദേ​ശങ്ങൾ അനുസ​രി​ക്കാൻ കഴിയും എന്നു മാത്രമല്ല നിരന്തര മേൽനോ​ട്ടം കൂടാതെ ആവശ്യ​മായ കാര്യങ്ങൾ ചെയ്യാൻ നിങ്ങൾക്ക്‌ കഴിയും എന്നും കൂടെ നിങ്ങളു​ടെ തൊഴി​ലു​ടമ കാണട്ടെ,” എന്ന്‌ ജോൺസ്‌ തുടർന്നു പറയുന്നു. “എന്തു​കൊ​ണ്ടെ​ന്നാൽ കടുത്ത മത്സരമു​ളള തൊഴിൽ രംഗത്തു അവശ്യം ഏററം അധികം കാലം അവിടെ ഉണ്ടായി​രു​ന്ന​വരല്ല മറിച്ച്‌ ഏററം നന്നായി ജോലി ചെയ്യു​ന്ന​വ​രാണ്‌ ജോലി​യിൽ തുടരു​ന്നത്‌.”

ഇത്‌ സത്യമാ​ണെന്ന്‌ സാൽ കണ്ടു. സാൽ പറയുന്നു: “ഞാൻ എല്ലായ്‌പ്പോ​ഴും എന്റെ തൊഴി​ലു​ട​മ​യോട്‌ പൊരു​ത്ത​പ്പെട്ടു പോകാൻ ശ്രമിച്ചു. ആവശ്യ​മു​ള​ള​പ്പോൾ എന്റെ സമയപ്പ​ട്ടി​ക​യ്‌ക്കു മാററം വരുത്താ​നും നിർദ്ദേ​ശങ്ങൾ അനുസ​രി​ക്കാ​നും എന്റെ മേല​ന്വേ​ഷ​ക​രോട്‌ ആദരവ്‌ കാണി​ക്കാ​നും ഞാൻ ഒരുക്ക​മാ​യി​രു​ന്നു.” ഇത്‌ “ദൃഷ്ടി​സേ​വ​ക​ളാ​ല​ല്ലാ​തെ, അവരുടെ പ്രീതി സമ്പാദി​ക്കാ​നു​ളള ലക്ഷ്യത്തി​ല​ല്ലാ​തെ, കർത്താ​വി​നോ​ടു​ളള ഭക്തിയു​ടെ ആത്മാർത്ഥ​മായ പ്രകട​ന​മെ​ന്ന​നി​ല​യിൽ മാനുഷ യജമാ​നൻമാ​രെ അനുസ​രി​ക്കാ”നുളള ബൈബി​ളി​ന്റെ ഉൽബോ​ധ​ന​ത്തെ​പ്പ​ററി നമ്മെ അനുസ്‌മ​രി​പ്പി​ക്കു​ന്നു.—കൊ​ലോ​സ്യർ 3:22, ഫിലി​പ്പ്‌സ്‌.

ഭയത്തെ തരണം ചെയ്യൽ

നിങ്ങൾ ഒരു ജോലി​യിൽ പുതിയ ആളാ​ണെ​ങ്കിൽ ആദ്യത്തെ ഏതാനും ദിവസ​ത്തേക്ക്‌ ഭയം തോന്നു​ന്നത്‌ ഒരു സാധാരണ സംഗതി​യാണ്‌. ‘അവരെന്നെ ഇഷ്ടപ്പെ​ടു​മോ? എനിക്ക്‌ ഈ ജോലി ചെയ്യാൻ കഴിയു​മോ? ഞാൻ ചെയ്യുന്ന ജോലി അവർ ഇഷ്ടപ്പെ​ടു​മോ? ഞാനൊ​രു വിഡ്‌ഢി​യാ​യി കാണ​പ്പെ​ടു​ക​യി​ല്ലെന്ന്‌ ഞാൻ പ്രതീ​ക്ഷി​ക്കു​ന്നു,’ എന്നൊക്കെ നിങ്ങൾ ചിന്തി​ച്ചേ​ക്കാം. ഇവിടെ നിങ്ങൾ ജാഗ്രത പാലി​ക്കേ​ണ്ട​തുണ്ട്‌, അല്ലാഞ്ഞാൽ നിങ്ങളു​ടെ ഭയം നിങ്ങളു​ടെ ക്രിയാ​ത്മക വീക്ഷണത്തെ കാർന്നു തിന്നും.

നിങ്ങൾ ജോലി ചെയ്യുന്ന കമ്പനി​യെ​പ്പ​ററി കൂടുതൽ പഠിക്കു​ന്ന​തി​നാൽ നിങ്ങളു​ടെ പൊരു​ത്ത​പ്പെടൽ വേഗത്തി​ലാ​ക്കു​ന്ന​തി​നും നിങ്ങളു​ടെ ഉൽക്കണ്‌ഠ അകററു​ന്ന​തി​നും നിങ്ങൾക്ക്‌ കഴിയും. ചുററും നോക്കുക, ശ്രദ്ധി​ക്കുക, വായി​ക്കുക. നിങ്ങളു​ടെ ജോലി​യെ​പ്പ​റ​റി​യും നിങ്ങൾ അതു ചെയ്യുന്ന വിധ​ത്തെ​പ്പ​റ​റി​യും ഉചിത​മായ സമയത്ത്‌ നിങ്ങൾക്ക്‌ നിങ്ങളു​ടെ മേല​ന്വേ​ഷ​ക​രോട്‌ ചോദി​ക്കാൻ കഴിയും—അതു നിങ്ങൾ വിഡ്‌ഢി​ക​ളാ​യി കാണ​പ്പെ​ടാൻ ഇടയാ​ക്കു​ക​യില്ല. ‘എന്റെ ജോലി എന്റെ ഡിപ്പാർട്ടു​മെൻറി​നോ​ടും കമ്പനി​യു​ടെ ആകമാന ലക്ഷ്യ​ത്തോ​ടും എങ്ങനെ ഒത്തു​പോ​കു​ന്നു?’ എന്ന്‌ നിങ്ങ​ളോട്‌ തന്നെ ചോദി​ക്കുക. അതിനു​ളള ഉത്തരങ്ങൾക്ക്‌ നല്ല ജോലി ശീലങ്ങ​ളും ജോലി​യി​ലെ സംതൃ​പ്‌തി​യും വികസി​പ്പി​ച്ചെ​ടു​ക്കു​ന്ന​തിന്‌ നിങ്ങളെ സഹായി​ക്കാൻ കഴിയും.

 സഹപ്ര​വർത്ത​ക​രു​മാ​യി പൊരു​ത്ത​പ്പെ​ടു​ക

അന്തിമ​മാ​യി എല്ലാ ജോലി​യി​ലും മററു മനുഷ്യ​രു​മാ​യി ഇടപെ​ടു​ന്നത്‌ ഉൾപ്പെ​ട്ടി​രി​ക്കു​ന്നു. മററു​ള​ള​വ​രു​മാ​യി നല്ലബന്ധങ്ങൾ നിലനിർത്താൻ പഠിച്ചി​രി​ക്കു​ന്നത്‌ ഒരു ജോലി​യിൽ തുടരു​ന്ന​തിന്‌ അത്യാ​വ​ശ്യ​മാണ്‌. “കഴിയു​മെ​ങ്കിൽ നിങ്ങളാ​ലാ​വോ​ളം സകല മനുഷ്യ​രോ​ടും സമാധാ​ന​മാ​യി​രി​പ്പിൻ.” (റോമർ 12:18) അങ്ങനെ ചെയ്യു​ന്ന​തി​നാൽ നിങ്ങൾക്ക്‌ ജോലി സ്ഥലത്തെ അനാവ​ശ്യ​മായ കലഹങ്ങ​ളും ഉഗ്രമായ ഏററു​മു​ട്ട​ലു​ക​ളും ഒഴിവാ​ക്കാൻ കഴിയും.

ചില​പ്പോൾ നിങ്ങ​ളോ​ടൊ​പ്പം ജോലി ചെയ്യു​ന്ന​വർക്ക്‌ നിങ്ങളു​ടേ​തിൽ  നിന്ന്‌ വ്യത്യ​സ്‌ത​മായ പശ്ചാത്ത​ല​ങ്ങ​ളും വ്യക്തി​ത്വ​ങ്ങ​ളു​മാ​ണു​ള​ളത്‌. എന്നാൽ ഒരുവൻ വ്യത്യ​സ്‌ത​നാ​യി​രി​ക്കു​ന്ന​തി​നാൽ അയാൾ തരംതാ​ണ​വ​നാണ്‌ എന്ന്‌ വിചാ​രി​ക്ക​രുത്‌. വ്യത്യ​സ്‌ത​നാ​യി​രി​ക്കാ​നു​ളള അയാളു​ടെ അവകാ​ശത്തെ ആദരി​ക്കുക. ആദരവി​ല്ലാ​തെ​യു​ളള പെരു​മാ​ററം ആരും ഇഷ്ടപ്പെ​ടു​ന്നില്ല; താൻ ആരുമല്ല എന്ന തോന്നൽ അത്‌ അയാളിൽ ഉളവാ​ക്കും. ആളുകൾക്ക്‌ തങ്ങളെ ഇഷ്ടമാണ്‌, തങ്ങളെ​ക്കൊണ്ട്‌ അത്യാ​വ​ശ്യ​മുണ്ട്‌, തങ്ങൾ വില​പ്പെ​ട്ട​വ​രാണ്‌ എന്ന്‌ വിചാ​രി​ക്കാൻ എല്ലാവ​രും ഇഷ്ടപ്പെ​ടു​ന്നു. കൂട്ടു​ജോ​ലി​ക്കാ​രോ​ടും തൊഴി​ലു​ട​മ​യോ​ടും ആദരപൂർവ്വം ഇടപെ​ട്ടു​കൊണ്ട്‌ അവരുടെ ആദരവ്‌ നേടുക.

അപവാദം പറച്ചിൽ ഒഴിവാ​ക്കു​ക

“അത്‌ അപകടം പിടിച്ച ഒരു കെണി​യാണ്‌,” സാൽ പറയുന്നു. “എന്തു​കൊ​ണ്ടെ​ന്നാൽ അപവാദം പറച്ചിൽ തൊഴി​ലു​ട​മ​യെ​യും മറുള​ള​വ​രെ​യും കുറിച്ച്‌ നിങ്ങൾക്ക്‌ മോശ​മായ ഒരു ധാരണ നൽകി​യേ​ക്കാം.” വിവരം ലഭിക്കാ​നു​ളള ഏററം നല്ല ഉറവ്‌ ഈ അപവാദ മുന്തി​രി​വ​ള​ളി​യല്ല, അതു നിങ്ങൾക്ക്‌ പുളിച്ച മുന്തി​രി​ങ്ങാ ലഭിക്കു​ന്ന​തി​നി​ട​യാ​ക്കി​യേ​ക്കാം. ഈ മുന്തി​രി​വ​ള​ളി​യിൽ വളരുന്ന കേട്ടു​കേൾവി​കൾ സാധാ​ര​ണ​യാ​യി മററു​ള​ള​വ​രു​ടെ—നിങ്ങളു​ടെ തന്നെയും—സൽപ്പേര്‌ നശിപ്പി​ക്കാൻ ഇടയാ​ക്കുന്ന അതിശ​യോ​ക്തി​ക​ളാ​യി​രി​ക്കും. അതു​കൊണ്ട്‌ അപവാദം പറയാ​നു​ളള പ്രേര​ണയെ അമർത്തുക.

ഒരു പരാതി​ക്കാ​രനെ ആരും ഇഷ്ടപ്പെ​ടു​ന്നില്ല എന്നും കൂടെ ഓർമ്മി​ക്കുക. ജോലി​സ്ഥ​ലത്ത്‌ എന്തെങ്കി​ലും നിങ്ങൾക്ക്‌ ഒരു ശല്യമാ​യി അനുഭ​വ​പ്പെ​ടു​ന്നു​വെ​ങ്കിൽ അതു അപവാദ മുന്തി​രി​വ​ള​ളി​യി​ലൂ​ടെ പടർത്താ​തി​രി​ക്കുക. പോയി നിങ്ങളു​ടെ മേല​ന്വേ​ഷ​ക​നോട്‌ സംസാ​രി​ക്കുക. എന്നിരു​ന്നാ​ലും കോപാ​വേ​ശ​ത്തോ​ടെ അയാളു​ടെ ഓഫീ​സി​ലേക്ക്‌ ചാടി​ക്ക​യറി ചെന്ന​ശേഷം പിന്നീട്‌ നിങ്ങൾ പറഞ്ഞ അവി​വേ​ക​പ​ര​മായ വാക്കു​ക​ളെ​ക്കു​റിച്ച്‌ പരിത​പി​ക്കാ​നി​ട​യാ​ക​രുത്‌. കൂടാതെ വ്യക്തി​പ​ര​മാ​യി ആക്രമി​ക്കു​ന്ന​തി​ന്റെ കെണി​യും ഒഴിവാ​ക്കുക. വസ്‌തു​തകൾ മാത്രം അവതരി​പ്പി​ക്കുക. നിങ്ങളു​ടെ പ്രശ്‌നം വിവരി​ക്കു​മ്പോൾ കഴിയു​ന്നത്ര വ്യക്തമാ​യും സത്യസ​ന്ധ​മാ​യും അതു ചെയ്യുക. ഒരുപക്ഷേ ‘എനിക്ക്‌ അങ്ങയുടെ സഹായം ആവശ്യ​മുണ്ട്‌ . . . ’ എന്നോ അല്ലെങ്കിൽ ‘ഞാൻ പറയു​ന്നത്‌ ഒരുപക്ഷേ പിശകാ​യി​രി​ക്കാം, എന്നാൽ എനിക്കു തോന്നു​ന്നത്‌ . . . ’ എന്നോ മറേറാ പറഞ്ഞു​കൊണ്ട്‌ നിങ്ങൾക്ക്‌ സംഭാ​ഷണം ആരംഭി​ക്കാൻ കഴിയും.

സമയനിഷ്‌ഠ പ്രധാ​ന​മാണ്‌

ആളുകൾക്ക്‌ ജോലി​യിൽ തുടരാൻ കഴിയാ​തെ​പോ​കു​ന്ന​തി​ന്റെ രണ്ടു പ്രമുഖ കാരണങ്ങൾ ജോലിക്ക്‌ വരാൻ വൈകു​ന്ന​തും വരാതി​രി​ക്കു​ന്ന​തു​മാണ്‌. ഒരു വലിയ വ്യാവ​സാ​യിക നഗരത്തിൽ തൊഴി​ലാ​ളി​കളെ പരിശീ​ലി​പ്പി​ക്കുന്ന ഒരു സ്ഥാപന​ത്തി​ന്റെ ഡയറക്ടർ ചെറു​പ്പ​ക്കാ​രായ തൊഴി​ലാ​ളി​ക​ളെ​പ്പ​ററി ഇപ്രകാ​രം പറഞ്ഞു: “അവർ രാവിലെ എഴു​ന്നേൽക്കാ​നും മററു​ള​ള​വ​രിൽ നിന്ന്‌ ഉത്തരവു​കൾ സ്വീക​രി​ക്കാ​നും പഠി​ക്കേ​ണ്ടി​യി​രി​ക്കു​ന്നു. അവർ ഈ കാര്യങ്ങൾ പഠിക്കു​ന്നി​ല്ലെ​ങ്കിൽ അവരുടെ തൊഴി​ലി​ല്ലായ്‌മ പ്രശ്‌നം സ്ഥിരമാ​യി തുടരു​ക​യേ​യു​ളളു.”

 സാൽ കഠിന​മായ ഒരു വിധത്തിൽ സമയനിഷ്‌ഠ പാലി​ക്കാൻ പഠിച്ചു. “എന്റെ മടി​കൊണ്ട്‌ എന്റെ ആദ്യത്തെ ജോലി വെറും മൂന്നു മാസം കഴിഞ്ഞ​പ്പോൾ എനിക്ക്‌ നഷ്ടമായി, അതു മററു ജോലി​കൾ കണ്ടെത്തുക കൂടുതൽ പ്രയാ​സ​മാ​ക്കി​ത്തീർക്കു​ക​യും ചെയ്‌തു” എന്ന്‌ അയാൾ നെടു​വീർപ്പി​ടു​ന്നു.

സത്യസ​ന്ധ​ത​യു​ടെ മൂല്യം

തൊഴി​ലിന്‌ ആളുകളെ എടുക്കുന്ന ജോൺസ്‌ പറയുന്നു: “സത്യസന്ധത ഒരു വ്യക്തിയെ തന്റെ ജോലി​യിൽ തുടരാൻ സഹായി​ക്കും.” സത്യസ​ന്ധ​രാ​യി​രി​ക്കു​ന്ന​തിൽ എന്തെങ്കി​ലും സാധനങ്ങൾ മോഷ്ടി​ക്കാ​തി​രി​ക്കു​ന്നതു മാത്രമല്ല സുദീർഘ​മായ ഇടവേ​ളകൾ എടുത്തു​കൊണ്ട്‌ സമയം മോഷ്ടി​ക്കാ​തി​രി​ക്കു​ന്ന​തും ഉൾപ്പെ​ടു​ന്നു. സത്യസ​ന്ധ​നായ ഒരു തൊഴി​ലാ​ളി​യെ തൊഴി​ലു​ടമ വിലമ​തി​ക്കു​ക​യും ആശ്രയി​ക്കു​ക​യും ചെയ്യുന്നു. ഉദാഹ​ര​ണ​ത്തിന്‌ ഒരു വസ്‌ത്ര​വ്യാ​പാ​ര​ശാ​ല​യിൽ ജോലി ചെയ്‌തി​രുന്ന, യഹോ​വ​യു​ടെ ഒരു യുവസാ​ക്ഷിക്ക്‌ സത്യസന്ധത സംബന്ധിച്ച്‌ ഒരു നല്ല പേര്‌ ഉണ്ടായി​രു​ന്നു.

അയാൾ അനുസ്‌മ​രി​ക്കു​ന്നു: “ഒരു ദിവസം സ്‌റേ​റാർ റൂമിൽ ഒരു വസ്‌ത്രം മററു ചില വസ്‌ത്ര​ങ്ങൾക്കു​ള​ളിൽ ഒളിച്ചു വച്ചിരി​ക്കു​ന്ന​താ​യി മാനേജർ കണ്ടുപി​ടി​ച്ചു. ജോലി​ക്കാ​രിൽ ആരോ ഒരാൾ സ്‌റേ​റാ​റിൽ നിന്ന്‌ മോഷ്ടി​ക്കു​ന്നു​ണ്ടാ​യി​രു​ന്നു. വ്യാപാ​ര​ശാല അടയ്‌ക്കുന്ന സമയത്ത്‌ ഞാൻ മുകളിൽ മാനേ​ജ​രു​ടെ മുറി​യി​ലേക്ക്‌ ചെന്നു. മററ്‌ ജോലി​ക്കാ​രെ​യെ​ല്ലാം അവിടെ കണ്ടപ്പോൾ എനിക്ക്‌ ആശ്ചര്യം തോന്നി. പരി​ശോ​ധി​ക്കാൻ വേണ്ടി തൊഴി​ലാ​ളി​ക​ളെ​യെ​ല്ലാം അവിടെ പിടിച്ചു നിറു​ത്തി​യി​രി​ക്കു​ക​യാ​യി​രു​ന്നു. പരി​ശോ​ധ​ന​യിൽ നിന്ന്‌ ഒഴിവാ​ക്ക​പ്പെ​ട്ടത്‌ ഞാൻ മാത്ര​മാ​യി​രു​ന്നു.”

അനേകം ക്രിസ്‌തീയ യുവാ​ക്കൾക്ക്‌ അതു​പോ​ലെ​യു​ളള അനുഭ​വങ്ങൾ ഉണ്ടായി​ട്ടുണ്ട്‌, അവരൊ​ക്കെ വിലപ്പെട്ട തൊഴി​ലാ​ളി​ക​ളാ​യി​ത്തീർന്നി​ട്ടു​മുണ്ട്‌. അതു​കൊണ്ട്‌ ഒരു ജോലി കണ്ടുപി​ടി​ക്കാൻ വേണ്ടി കഠിന​മാ​യി ജോലി ചെയ്യുക, സ്ഥിരോ​ത്സാ​ഹം കാണി​ക്കുക. ഉപേക്ഷി​ച്ചു കളയരുത്‌. അത്രയും ബുദ്ധി​മുട്ട്‌ സഹിച്ചു നിങ്ങൾ അന്വേ​ഷിച്ച ജോലി നിങ്ങൾ കണ്ടെത്തു​മ്പോൾ അതു നിലനിർത്താൻ കഠിനാ​ദ്ധ്വാ​നം ചെയ്യുക!

ചർച്ചക്കുളള ചോദ്യ​ങ്ങൾ

◻ നിങ്ങളു​ടെ സ്‌കൂൾ പഠനം ഒരു തൊഴിൽ കണ്ടെത്താ​നു​ളള നിങ്ങളു​ടെ പ്രാപ്‌തി​യെ ബാധി​ക്കു​ന്ന​തെ​ങ്ങനെ?

◻ ജോലി അന്വേ​ഷി​ക്കു​മ്പോൾ സ്ഥിരോ​ത്സാ​ഹം കാണി​ക്കു​ന്നത്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

◻ തൊഴിൽ തേടു​മ്പോൾ നിങ്ങൾ എവി​ടെ​യൊ​ക്കെ അന്വേ​ഷി​ക്കണം, ആരോ​ടെ​ല്ലാം ആലോചന ചോദി​ക്കണം?

◻ തൊഴി​ലി​നു​വേ​ണ്ടി​യു​ളള ഒരു ഇൻറർവ്യൂ​വി​നെ അഭിമു​ഖീ​ക​രി​ക്കു​ന്ന​തി​നു​ളള ചില പ്രാ​യോ​ഗിക നിർദ്ദേ​ശങ്ങൾ ഏവയാണ്‌?

◻ പിരിച്ചു വിട​പ്പെ​ടു​ന്ന​തിൽ നിന്ന്‌ നിങ്ങ​ളെ​ത്തന്നെ സംരക്ഷി​ക്കാൻ നിങ്ങൾക്ക്‌ എന്തു ചെയ്യാൻ കഴിയും?

[166-ാം പേജിലെ ആകർഷ​ക​വാ​ക്യം]

“നന്നായി വായി​ക്കു​ക​യും എഴുതു​ക​യും സംസാ​രി​ക്കു​ക​യും ചെയ്യാൻ പഠിക്കു​ന്ന​തി​ന്റെ പ്രാധാ​ന്യം എത്ര ഊന്നി​പ്പ​റ​ഞ്ഞാ​ലും അധിക​മാ​വു​ക​യില്ല”

[170-ാം പേജിലെ ആകർഷ​ക​വാ​ക്യം]

“‘ഒരു ജോലി കണ്ടെത്തുക എന്നതാണ്‌ എന്റെ ജോലി’ എന്ന്‌ ഞാൻ എന്നോട്‌ തന്നെ പറയു​മാ​യി​രു​ന്നു”

[168, 169 പേജു​ക​ളി​ലെ ചതുരം/ചിത്രം]

ജോലിക്കുവേണ്ടിയുളള ഇൻറർവ്യൂ കൈകാ​ര്യം ചെയ്യൽ

“ജോലി​ക്കു​വേ​ണ്ടി​യു​ളള ഒരു ഇൻറർവ്യൂ​വിന്‌ പോകു​ന്ന​തിന്‌ മുമ്പ്‌ ആദ്യധാ​ര​ണകൾ നിലനിൽക്കുന്ന ധാരണ​ക​ളാണ്‌ എന്ന്‌ ഓർത്തി​രി​ക്കുക,” എന്ന്‌ ഒരു തൊഴിൽ ഉപദേ​ഷ്ടാ​വായ ക്ലീവ്‌ലൻഡ്‌ ജോൺസ്‌ ബുദ്ധി​യു​പ​ദേ​ശി​ക്കു​ന്നു. ഇൻറർവ്യൂ​വിന്‌ പോകു​മ്പോൾ ജീൻസും വളളി​ച്ചെ​രി​പ്പു​ക​ളും ഉപയോ​ഗി​ക്കു​ന്ന​തി​നെ​തി​രെ അദ്ദേഹം മുന്നറി​യിപ്പ്‌ നൽകു​ക​യും ശുദ്ധി​യും വൃത്തി​യും ഉളളവ​രാ​യി​രി​ക്കേ​ണ്ട​തി​ന്റെ ആവശ്യം ഊന്നി​പ്പ​റ​യു​ക​യും ചെയ്യുന്നു. ഒരു വ്യക്തി വസ്‌ത്രം ധരിക്കു​ന്ന​തു​പോ​ലെ​ത​ന്നെ​യാ​യിരി​ക്കും അയാൾ ജോലി ചെയ്യു​ന്നത്‌ എന്ന നിഗമ​ന​ത്തിൽ തൊഴി​ലു​ട​മകൾ മിക്ക​പ്പോ​ഴും എത്തി​ച്ചേ​രു​ന്നു.

ഒരു ഓഫീസ്‌ ജോലിക്ക്‌ അപേക്ഷി​ക്കു​മ്പോൾ ഒരു ബിസി​ന​സ്സു​കാ​രൻ വസ്‌ത്ര​ധാ​രണം ചെയ്യു​ന്ന​തു​പോ​ലെ വസ്‌ത്രം ധരിക്കുക. ഒരു ഫാക്ടറി ജോലിക്ക്‌ അപേക്ഷി​ക്കു​മ്പോൾ അയഞ്ഞ പാൻറ്‌സും വൃത്തി​യു​ള​ള​തും ഇസ്‌തി​രി​യി​ട്ട​തു​മായ ഷർട്ടും വൃത്തി​യു​ളള ഷൂസും ധരിക്കുക. നിങ്ങൾ ഒരു സ്‌ത്രീ​യാ​ണെ​ങ്കിൽ അടക്കമു​ളള വസ്‌ത്രം ധരിക്കു​ക​യും സൗന്ദര്യ വർദ്ധക വസ്‌തു​ക്കൾ മിതമാ​യി മാത്രം ഉപയോ​ഗി​ക്കു​ക​യും ചെയ്യുക. ഓഫീസ്‌ ജോലി​യ്‌ക്കാണ്‌ അപേക്ഷി​ക്കു​ന്ന​തെ​ങ്കിൽ യാഥാ​സ്ഥി​തിക രീതി​യി​ലു​ളള വസ്‌ത്ര​ത്തിന്‌ പൂരക​മാ​യി​രി​ക്കാൻ ഹോസ്സും [കാലു​റ​യും] ഷൂസും ധരിക്കുക.

ഇൻറർവ്യൂ​വിന്‌ പോകു​മ്പോൾ ഒററയ്‌ക്ക്‌ പോകുക എന്നാണ്‌ ജോൺസി​ന്റെ ഉപദേശം. നിങ്ങൾ അമ്മയെ​യോ സുഹൃ​ത്തു​ക്ക​ളെ​യോ കൂട്ടി​ക്കൊ​ണ്ടു ചെല്ലു​ന്നു​വെ​ങ്കിൽ നിങ്ങൾക്ക്‌ വേണ്ടത്ര പക്വത​യില്ല എന്ന്‌ തൊഴി​ലു​ടമ നിഗമനം ചെയ്‌തേ​ക്കാം.

‘എനിക്ക്‌ നേരത്തെ എന്തെങ്കി​ലും ജോലി പരിച​യ​മു​ണ്ടോ എന്ന്‌ തൊഴി​ലു​ടമ ചോദി​ച്ചാൽ ഞാൻ എന്തു പറയും’ എന്ന്‌ നിങ്ങൾ വിചാ​രി​ച്ചേ​ക്കാം. ഇല്ലാത്തത്‌ ഉണ്ടെന്ന്‌ ഭാവി​ക്ക​രുത്‌. നിങ്ങളു​ടെ അതിശ​യോ​ക്തി​ക​ളൊ​ക്കെ തൊഴി​ലു​ട​മ​കൾക്ക്‌ മനസ്സി​ലാ​കും. സത്യസ​ന്ധ​രാ​യി​രി​ക്കുക.

നിങ്ങൾ നിങ്ങളു​ടെ ആദ്യത്തെ “യഥാർത്ഥ” ജോലി തേടു​ക​യാ​ണെ​ങ്കി​ലും, നിങ്ങൾ തിരി​ച്ച​റി​യു​ന്നി​ല്ലെ​ങ്കി​ലും നിങ്ങൾക്ക്‌ കുറെ പ്രവൃ​ത്തി​പ​രി​ച​യ​മൊ​ക്കെ ഉണ്ടായി​രി​ക്കാം. നിങ്ങൾ വേനൽ അവധി​ക്കാ​ലത്ത്‌ എന്തെങ്കി​ലും ജോലി ചെയ്‌തി​ട്ടു​ണ്ടോ? നിങ്ങൾ കുട്ടി​കളെ പരിപാ​ലി​ക്കുന്ന ജോലി ചെയ്‌തി​ട്ടു​ണ്ടോ? നിങ്ങൾ ക്രമമായ ഒരടി​സ്ഥാ​ന​ത്തിൽ വീട്ടു​ജോ​ലി​കൾ ചെയ്‌തി​ട്ടു​ണ്ടോ? നിങ്ങളു​ടെ ആരാധനാ സ്ഥലത്ത്‌ ചില ചുമത​ലകൾ നിർവ്വ​ഹി​ക്കാ​നു​ളള ഉത്തരവാ​ദി​ത്വം നിങ്ങൾക്കു​ണ്ടാ​യി​രു​ന്നി​ട്ടു​ണ്ടോ? നിങ്ങൾക്ക്‌ പരസ്യ​പ്ര​സം​ഗം ചെയ്യാൻ പരിശീ​ലനം ലഭിച്ചി​ട്ടു​ണ്ടോ? ഉണ്ടെങ്കിൽ നിങ്ങൾക്ക്‌ ഉത്തരവാ​ദി​ത്വ​ങ്ങൾ വഹിക്കാൻ കഴിയും എന്നു കാണി​ക്കാൻ വേണ്ടി ഇൻറർവ്യൂ​വി​ന്റെ സമയത്ത്‌ ഇത്‌ പറയാൻ കഴിയും. അല്ലെങ്കിൽ നിങ്ങളു​ടെ യോഗ്യ​ത​ക​ളു​ടെ കൂട്ടത്തിൽ അതു കൂടെ എഴുതി ചേർക്കാൻ കഴിയും.

തൊഴി​ലു​ട​മ​ക​ളു​ടെ മറെറാ​രു പ്രധാന ആഗ്രഹം അവരുടെ കമ്പനി​യി​ലും നിങ്ങൾക്ക്‌ ലഭിക്കാൻ പോകുന്ന ജോലി​യി​ലും നിങ്ങൾക്ക്‌ എത്ര​ത്തോ​ളം താല്‌പ​ര്യ​മുണ്ട്‌ എന്നറി​യാ​നാണ്‌. നിങ്ങൾക്ക്‌ ആ ജോലി ചെയ്യാൻ താല്‌പ​ര്യ​മു​ണ്ടെ​ന്നും അതു ചെയ്യാൻ കഴിയു​മെ​ന്നും അവരെ ബോദ്ധ്യ​പ്പെ​ടു​ത്തണം. “എനിക്ക്‌ അതിൽ നിന്ന്‌ എന്തുകി​ട്ടും” എന്ന മനോ​ഭാ​വം പെട്ടെ​ന്നു​തന്നെ നിങ്ങളി​ലു​ളള അവരുടെ താല്‌പ​ര്യം അകററും.

മുഴു​സ​മ​യ​ജോ​ലി​യ്‌ക്കോ അംശകാല ജോലി​യ്‌ക്കോ വേണ്ടി അപേക്ഷി​ക്കു​ന്ന​തും അതു നേടു​ന്ന​തും നിങ്ങൾക്ക്‌ വിജയ​പൂർവ്വം നേരി​ടാ​വുന്ന ഒരു വെല്ലു​വി​ളി​യാണ്‌. ആ ജോലി നിങ്ങളെ മാത്രമല്ല മററു​ള​ള​വ​രെ​യും കൂടി സഹായി​ക്കാ​നു​ളള ഒരു ഉപകര​ണ​മാ​യി ഉപയോ​ഗി​ക്ക​പ്പെ​ടു​മ്പോൾ ബോണ​സ്സാ​യി സംതൃ​പ്‌തി​യും ലഭിക്കും.

[171-ാം പേജിലെ ചതുരം]

ജോലിക്കുവേണ്ടിയുളള ഒരു ഇൻറർവ്യൂ​വിൽ ചെയ്യേ​ണ്ടത്‌

മുതിർന്ന​വ​രേ​പ്പോ​ലെ പെരു​മാ​റുക, നല്ല ചിട്ട​യോ​ടു​കൂ​ടി​യും. തൊഴി​ലു​ട​മയെ ഉചിത​മായ ആദര​വോ​ടെ അഭിവാ​ദ്യം ചെയ്യുക. അദ്ദേഹത്തെ “ജായ്‌ക്ക്‌,” “സുഹൃത്ത്‌,” “ചങ്ങാതി,” എന്നൊ​ന്നും വിളി​ക്കാ​തെ മിസ്‌ററർ—എന്ന്‌ തന്നെ വിളി​ക്കുക.

പാദങ്ങൾ നിലത്തു​റ​പ്പിച്ച്‌ കസേര​യിൽ നിവർന്നി​രി​ക്കുക; ഉണർവ്വ്‌ പ്രകട​മാ​ക്കുക. മുൻകൂ​ട്ടി​യു​ളള ആസൂ​ത്രണം ശാന്തത​യും സമനി​ല​യും സ്വസ്ഥത​യും പ്രകട​മാ​ക്കാൻ നിങ്ങളെ സഹായി​ക്കും.

ഒരു ചോദ്യ​ത്തിന്‌ ഉത്തരം പറയു​ന്ന​തിന്‌ മുമ്പ്‌ ചിന്തി​ക്കുക. മര്യാ​ദ​യും കൃത്യ​ത​യും സത്യസ​ന്ധ​ത​യും തുറന്ന സമീപ​ന​വും ഉളളവ​രാ​യി​രി​ക്കുക. എല്ലാ വിവര​ങ്ങ​ളും പറയുക. എന്നാൽ ആത്മപ്ര​ശംസ നടത്തരുത്‌.

നിങ്ങൾ മുമ്പ്‌ ചെയ്‌തി​ട്ടു​ളള ജോലി​ക​ളും അതിന്റെ കാലയ​ള​വും ശമ്പളവും എന്തുതരം ജോലി​യെ​ന്നു​ള​ള​തും അത്‌ ഉപേക്ഷി​ച്ച​തി​ന്റെ കാരണ​ങ്ങ​ളും എല്ലാം സഹിതം ഒരു മാർഗ്ഗ​രേഖ കൈവ​ശ​മു​ണ്ടാ​യി​രി​ക്കുക.

നിങ്ങളു​ടെ പരിശീ​ല​ന​വും തൊഴിൽ പരിച​യ​വും നിങ്ങൾ ഇപ്പോൾ ആവശ്യ​പ്പെ​ടുന്ന ജോലി നന്നായി ചെയ്യാൻ നിങ്ങളെ എങ്ങനെ സഹായി​ക്കും എന്നു കാണി​ക്കാൻ സന്നദ്ധനാ​യി​രി​ക്കുക.

അവർക്ക്‌ അന്വേ​ഷണം നടത്തു​ന്ന​തി​നു​വേണ്ടി ആശ്രയ​യോ​ഗ്യ​രും നിങ്ങ​ളെ​പ്പ​റ​റി​യും നിങ്ങളു​ടെ ജോലി​യെ​പ്പ​റ​റി​യും അറിയാ​വു​ന്ന​വ​രു​മായ മൂന്നാ​ളു​ക​ളു​ടെ (പേരും പൂർണ്ണ​മായ മേൽവി​ലാ​സ​വും) നൽകുക.

ആത്മവി​ശ്വാ​സ​വും ഉത്സാഹ​വും ഉളളവ​രാ​യി​രി​ക്കുക. എന്നാൽ കബളി​പ്പി​ക്കാൻ ശ്രമി​ക്ക​രുത്‌. നല്ല ഭാഷ ഉപയോ​ഗി​ക്കു​ക​യും വ്യക്തമാ​യി സംസാ​രി​ക്കു​ക​യും ചെയ്യുക. ആവശ്യ​ത്തി​ല​ധി​കം സംസാ​രി​ക്കാ​തി​രി​ക്കുക.

നന്നായി ശ്രദ്ധി​ക്കുക; മര്യാ​ദ​യും നയവും ഉളളവ​രാ​യി​രി​ക്കുക. എല്ലാറ​റി​ലും ഉപരി, നിങ്ങളു​ടെ ഭാവി തൊഴി​ലു​ട​മ​യു​മാ​യി തർക്കങ്ങ​ളിൽ ഏർപ്പെ​ട​രുത്‌.

ആ ജോലിക്ക്‌ നിങ്ങൾ എത്ര​ത്തോ​ളം യോജി​ക്കും എന്നതിൽ മാത്ര​മാണ്‌ തെഴി​ലു​ട​മ​യു​ടെ താല്‌പ​ര്യം. വ്യക്തി​പ​ര​മോ കുടും​ബ​പ​ര​മോ സാമ്പത്തി​ക​മോ ആയ പ്രശ്‌നങ്ങൾ പരാമർശി​ക്ക​രുത്‌.

ആ ജോലി നിങ്ങൾക്ക്‌ കിട്ടാ​നി​ട​യില്ല എന്നു തോന്നു​ന്നു​വെ​ങ്കിൽ ആ കമ്പനി​യിൽ ഉണ്ടാകാ​നി​ട​യു​ളള മററ്‌ ഒഴിവു​ക​ളെ​ക്കു​റിച്ച്‌ തൊഴി​ലു​ട​മ​യു​ടെ ഉപദേശം ആരായുക.

ഇൻറർവ്യൂ​വിന്‌ ശേഷം ഉടനെ​തന്നെ തൊഴി​ലു​ട​മ​യ്‌ക്ക്‌ ഹ്രസ്വ​മായ ഒരു നന്ദി കത്ത്‌ അയയ്‌ക്കുക. a

[അടിക്കു​റി​പ്പു​കൾ]

[167-ാം പേജിലെ ചിത്രങ്ങൾ]

നിങ്ങൾ സ്‌കൂ​ളിൽ വച്ച്‌ സമ്പാദി​ക്കുന്ന വൈദ​ഗ്‌ദ്ധ്യ​ങ്ങൾ ഒരു കാലത്ത്‌ നിങ്ങളു​ടെ ജോലി​യിൽ വില​പ്പെ​ട്ട​താണ്‌ എന്ന്‌ തെളി​ഞ്ഞേ​ക്കാം