അധ്യായം ഇരുപ​ത്താറ്‌

“എനിക്കു ദീനം എന്നു യാതൊ​രു നിവാ​സി​യും പറകയില്ല”

യെശയ്യാവു 33:1-24

1. യെശയ്യാ​വു 33:24-ലെ വാക്കുകൾ ആശ്വാ​സ​പ്രദം ആയിരി​ക്കു​ന്നത്‌ എന്തു​കൊണ്ട്‌?

 “സർവ്വസൃ​ഷ്ടി​യും ഇന്നുവരെ ഒരു​പോ​ലെ ഞരങ്ങി ഈററു​നോ​വോ​ടി​രി​ക്കു​ന്നു” എന്ന്‌ അപ്പൊ​സ്‌ത​ല​നായ പൗലൊസ്‌ പ്രസ്‌താ​വി​ച്ചു. (റോമർ 8:22) വൈദ്യ​ശാ​സ്‌ത്ര രംഗത്ത്‌ വളരെ​യേറെ പുരോ​ഗ​തി​കൾ ഉണ്ടായി​ട്ടു​ണ്ടെ​ങ്കി​ലും, രോഗ​വും മരണവും മാനവ​രാ​ശി​യു​ടെ സന്തതസ​ഹ​ചാ​രി​ക​ളാ​യി തുടരു​ന്നു. ആ സ്ഥിതിക്ക്‌, യെശയ്യാ പ്രവച​ന​ത്തി​ന്റെ ഈ ഭാഗത്തി​ന്റെ പാരമ്യ​മാ​യി നൽകി​യി​രി​ക്കുന്ന ഈ വാഗ്‌ദാ​നം എത്ര അത്ഭുത​ക​ര​മാണ്‌! ‘എനിക്കു ദീനം എന്നു യാതൊ​രു നിവാ​സി​യും പറയു​ക​യി​ല്ലാത്ത’ ആ കാലത്തെ കുറിച്ചു ചിന്തി​ക്കുക. (യെശയ്യാ​വു 33:24) പ്രസ്‌തുത പ്രവചനം എപ്പോൾ, എങ്ങനെ നിവൃ​ത്തി​യേ​റും?

2, 3. (എ) ഇസ്രാ​യേൽ ജനത ഏതു വിധത്തി​ലാണ്‌ ‘ദീനം പിടിച്ച’ അവസ്ഥയിൽ ആയിരി​ക്കു​ന്നത്‌? (ബി) ശിക്ഷണം നൽകു​ന്ന​തി​നുള്ള ദൈവ​ത്തി​ന്റെ ‘കോൽ’ ആയി അസീറിയ വർത്തി​ക്കു​ന്നത്‌ എങ്ങനെ?

² ദൈവത്തിന്റെ ഉടമ്പടി​ജ​ന​ത​യ്‌ക്ക്‌ ആത്മീയ​മാ​യി ദീനം ബാധി​ച്ചി​രി​ക്കുന്ന ഒരു സമയത്താണ്‌ യെശയ്യാവ്‌ തന്റെ പ്രവചനം എഴുതു​ന്നത്‌. (യെശയ്യാ​വു 1:5, 6) ആ ജനത വിശ്വാ​സ​ത്യാ​ഗ​ത്തി​ലേ​ക്കും അധാർമി​ക​ത​യി​ലേ​ക്കും കൂപ്പു​കു​ത്തി​യി​രി​ക്കു​ന്ന​തി​നാൽ യഹോ​വ​യാം ദൈവ​ത്തിൽനിന്ന്‌ അവർക്കു കടുത്ത ശിക്ഷണം ആവശ്യ​മാണ്‌. ആ ശിക്ഷണം നൽകു​ന്ന​തി​നുള്ള യഹോ​വ​യു​ടെ ‘കോൽ’ ആയി അസീറിയ വർത്തി​ക്കു​ന്നു. (യെശയ്യാ​വു 7:17; 10:5, 15) ആദ്യം, പത്തു-ഗോത്ര വടക്കേ രാജ്യ​മായ ഇസ്രാ​യേ​ലി​നെ അസീറി​യ​ക്കാർ പൊ.യു.മു. 740-ൽ കീഴട​ക്കു​ന്നു. (2 രാജാ​ക്ക​ന്മാർ 17:1-18; 18:9-11) ഏതാനും വർഷങ്ങൾക്കു ശേഷം, അസീറി​യൻ രാജാ​വായ സൻഹേ​രീബ്‌ തെക്കേ രാജ്യ​മായ യഹൂദ​യ്‌ക്കെ​തി​രെ ശക്തമായ ആക്രമണം അഴിച്ചു​വി​ടു​ന്നു. (2 രാജാ​ക്ക​ന്മാർ 18:13; യെശയ്യാ​വു 36:1) യഹൂദ​യു​ടെ മേലുള്ള അസീറി​യൻ സൈന്യ​ത്തി​ന്റെ പ്രസ്‌തുത ആക്രമണം അതിശ​ക്ത​മാ​യ​തി​നാൽ, ആ ദേശത്തി​ന്റെ സമ്പൂർണ നാശം ആസന്നമാ​യി​രി​ക്കു​ന്ന​താ​യി കാണ​പ്പെ​ടു​ന്നു.

 ³ ദൈവജനത്തിനു ശിക്ഷണം നൽകുക എന്നതാണ്‌ അസീറി​യയെ കൊണ്ടുള്ള ദൈ​വോ​ദ്ദേ​ശ്യ​മെ​ങ്കി​ലും, അത്യാ​ഗ്ര​ഹ​ത്തോ​ടെ ലോകത്തെ ജയിച്ച​ട​ക്കാ​നാണ്‌ അത്‌ ശ്രമി​ക്കു​ന്നത്‌. (യെശയ്യാ​വു 10:7-11) തന്റെ ജനത്തോ​ടു മൃഗീ​യ​മാ​യി പെരു​മാ​റു​മ്പോൾ യഹോവ അവരെ ശിക്ഷി​ക്കാ​തെ വെറുതെ വിടു​മോ? യഹോ​വ​യു​ടെ ജനത്തിന്റെ ആത്മീയ രോഗം സുഖ​പ്പെ​ടു​മോ? ഈ ചോദ്യ​ങ്ങൾക്കുള്ള യഹോ​വ​യു​ടെ ഉത്തരങ്ങൾ യെശയ്യാ​വു 33-ാം അധ്യാ​യ​ത്തിൽ നാം കാണുന്നു.

ദ്രോഹി ദ്രോ​ഹി​ക്ക​പ്പെ​ടു​ന്നു

4, 5. (എ) അസീറി​യ​യ്‌ക്ക്‌ എന്ത്‌ അനർഥം ഭവിക്കും? (ബി) യഹോ​വ​യു​ടെ ജനത്തിനു വേണ്ടി യെശയ്യാവ്‌ എന്താണു പ്രാർഥി​ക്കു​ന്നത്‌?

⁴ യെശയ്യാവു 33-ാം അധ്യാ​യ​ത്തി​ലെ പ്രവചനം ഇങ്ങനെ തുടങ്ങു​ന്നു: “സാഹസം അനുഭ​വി​ക്കാ​തെ സാഹസം ചെയ്‌ക​യും നിന്നോ​ടു ആരും ദ്രോഹം പ്രവർത്തി​ക്കാ​തെ ദ്രോഹം പ്രവർത്തി​ക്ക​യും ചെയ്യു​ന്ന​വനേ, അയ്യോ കഷ്ടം! നീ സാഹസം ചെയ്യു​ന്നതു നിർത്തു​മ്പോൾ നിന്നെ​യും സാഹസം ചെയ്യും; നീ ദ്രോഹം പ്രവർത്തി​ക്കു​ന്നതു മതിയാ​ക്കു​മ്പോൾ നിന്നോ​ടും ദ്രോഹം പ്രവർത്തി​ക്കും.” (യെശയ്യാ​വു 33:1) ദ്രോഹം പ്രവർത്തി​ക്കുന്ന അസീറി​യയെ യെശയ്യാവ്‌ അഭിസം​ബോ​ധന ചെയ്യുന്നു. അധികാ​ര​ത്തി​ന്റെ നെറു​ക​യിൽ ആയിരി​ക്കെ ആ നിഷ്‌ഠുര രാഷ്‌ട്രം അജയ്യമാ​യി കാണ​പ്പെ​ടു​ന്നു. ‘സാഹസം അനുഭ​വി​ക്കാ​തെ അതു സാഹസം ചെയ്‌തി​രി​ക്കു​ന്നു.’ അതായത്‌, അത്‌ യഹൂദാ നഗരങ്ങളെ ആക്രമി​ക്കു​ക​യും യഹോ​വ​യു​ടെ ആലയത്തി​ലെ സമ്പത്ത്‌ കവർച്ച ചെയ്‌ത്‌ കൊണ്ടു​പോ​കു​ക​യും ചെയ്‌തി​രി​ക്കു​ന്നു. എന്നിട്ടും അതിനു യാതൊ​രു ശിക്ഷയും ലഭിക്കാ​തി​രി​ക്കു​ന്ന​താ​യി തോന്നു​ന്നു! (2 രാജാ​ക്ക​ന്മാർ 18:14-16 2 ദിനവൃ​ത്താ​ന്തം 28:21) എന്നാൽ, ആ അവസ്ഥയ്‌ക്ക്‌ മാറ്റം വരാൻ പോകു​ക​യാണ്‌. “നിന്നെ​യും സാഹസം ചെയ്യും” എന്ന്‌ യെശയ്യാവ്‌ ധീരമാ​യി പ്രഖ്യാ​പി​ക്കു​ന്നു. ദൈവ​ത്തി​ന്റെ വിശ്വ​സ്‌തർക്ക്‌ എത്ര ആശ്വാ​സ​പ്ര​ദ​മാണ്‌ ഈ പ്രവചനം!

⁵ ആ ഭയാനക നാളു​ക​ളിൽ, യഹോ​വ​യു​ടെ വിശ്വസ്‌ത ആരാധകർ സഹായ​ത്തി​നാ​യി അവനി​ലേക്കു തിരി​യേ​ണ്ട​തുണ്ട്‌. അതിനാൽ യെശയ്യാവ്‌ ഇങ്ങനെ പ്രാർഥി​ക്കു​ന്നു: “യഹോവേ, ഞങ്ങളോ​ടു കൃപയു​ണ്ടാ​കേ​ണമേ; ഞങ്ങൾ നിന്നെ കാത്തി​രി​ക്കു​ന്നു; രാവി​ലേ​തോ​റും നീ അവർക്കു [ബലത്തി​ന്റെ​യും ആശ്രയ​ത്തി​ന്റെ​യും] ഭുജവും കഷ്ടകാ​ലത്തു ഞങ്ങൾക്കു രക്ഷയും ആയിരി​ക്കേ​ണമേ. കോലാ​ഹലം ഹേതു​വാ​യി വംശങ്ങൾ ഓടി​പ്പോ​യി; നീ എഴു​ന്നേ​റ​റ​പ്പോൾ ജാതികൾ ചിതറി​പ്പോ​യി.” (യെശയ്യാ​വു 33:2, 3) മുൻകാ​ല​ങ്ങ​ളിൽ യഹോവ പലപ്പോ​ഴും ചെയ്‌തി​ട്ടു​ള്ള​തു​പോ​ലെ, അവന്റെ ജനത്തെ  വിടു​വി​ക്കേ​ണ​മേ​യെന്ന്‌ യെശയ്യാവ്‌ പ്രാർഥി​ക്കു​ന്നു. (സങ്കീർത്തനം 44:3; 68:1) ഉടൻതന്നെ അതിനുള്ള യഹോ​വ​യു​ടെ ഉത്തരവും യെശയ്യാവ്‌ മുൻകൂ​ട്ടി പറയുന്നു!

6. അസീറി​യ​യ്‌ക്ക്‌ എന്തു സംഭവി​ക്കും, അത്‌ തികച്ചും ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

⁶ “നിങ്ങളു​ടെ [അസീറി​യ​ക്കാ​രു​ടെ] കവർച്ച തുള്ളൻ ശേഖരി​ക്കു​ന്ന​തു​പോ​ലെ ശേഖരി​ക്ക​പ്പെ​ടും; വെട്ടു​ക്കി​ളി ചാടി വീഴു​ന്ന​തു​പോ​ലെ അതിന്മേൽ ചാടി​വീ​ഴും.” (യെശയ്യാ​വു 33:4) നാശക​ര​മായ വെട്ടു​ക്കി​ളി ആക്രമ​ണങ്ങൾ യഹൂദാ നിവാ​സി​കൾക്കു സുപരി​ചി​ത​മാണ്‌. എന്നാൽ ഇത്തവണ നശിപ്പി​ക്ക​പ്പെ​ടു​ന്നത്‌ യഹൂദ​യു​ടെ ശത്രുക്കൾ ആയിരി​ക്കും. അസീറി​യ​യ്‌ക്കു കനത്ത പരാജയം സംഭവി​ക്കും. അതിന്റെ സൈനി​കർ തങ്ങൾക്കു കിട്ടിയ കൊള്ള ഉപേക്ഷിച്ച്‌ പലായനം ചെയ്യും! ആ കൊള്ള യഹൂദ​യി​ലെ നിവാ​സി​കൾ ശേഖരി​ക്കും. ക്രൂര​ത​യ്‌ക്കു പേരു​കേട്ട അസീറിയ ഇങ്ങനെ ആക്രമി​ക്ക​പ്പെ​ടു​ന്നത്‌ തികച്ചും ഉചിത​മാണ്‌.—യെശയ്യാ​വു 37:36.

ആധുനിക അസീറിയ

7. (എ) ആത്മീയ രോഗം ബാധിച്ച ഇസ്രാ​യേൽ ജനത​യോട്‌ ഇന്ന്‌ ആരെ ഉപമി​ക്കാൻ കഴിയും? (ബി) ക്രൈ​സ്‌ത​വ​ലോ​കത്തെ നശിപ്പി​ക്കാൻ യഹോ​വ​യു​ടെ ‘കോൽ’ ആയി വർത്തി​ക്കു​ന്നത്‌ ആരായി​രി​ക്കും?

⁷ യെശയ്യാവിന്റെ പ്രവചനം നമ്മുടെ നാളിൽ എങ്ങനെ​യാ​ണു ബാധക​മാ​കു​ന്നത്‌? ആത്മീയ രോഗം ബാധിച്ച ഇസ്രാ​യേൽ ജനതയെ അവിശ്വസ്‌ത ക്രൈ​സ്‌ത​വ​ലോ​ക​ത്തോ​ടു താരത​മ്യം ചെയ്യാൻ കഴിയും. ഇസ്രാ​യേ​ലി​നെ ശിക്ഷി​ക്കാൻ യഹോവ അസീറി​യയെ ഒരു ‘കോൽ’ ആയി ഉപയോ​ഗി​ച്ചതു പോലെ, ക്രൈ​സ്‌ത​വ​ലോ​ക​ത്തെ​യും വ്യാജമത ലോക​സാ​മ്രാ​ജ്യ​മായ ‘മഹാബാ​ബി​ലോ​ണി’ന്റെ (NW) ശേഷി​ക്കുന്ന ഭാഗ​ത്തെ​യും ശിക്ഷി​ക്കാൻ അവൻ ഒരു ‘കോൽ’ ഉപയോ​ഗി​ക്കും. (യെശയ്യാ​വു 10:5; വെളി​പ്പാ​ടു 18:2-8) ആ ‘കോൽ’ ഐക്യ​രാ​ഷ്‌ട്ര​ങ്ങ​ളി​ലെ—വെളി​പ്പാ​ടു പുസ്‌ത​ക​ത്തിൽ ഈ സംഘട​നയെ ഏഴു തലയും പത്തു കൊമ്പു​മുള്ള കടുഞ്ചു​വപ്പു നിറമുള്ള ഒരു കാട്ടു​മൃ​ഗ​മാ​യി ചിത്രീ​ക​രി​ച്ചി​രി​ക്കു​ന്നു—അംഗരാ​ജ്യ​ങ്ങൾ ആയിരി​ക്കും.—വെളി​പ്പാ​ടു 17:3, 15-17.

8. (എ) ഇക്കാലത്ത്‌ ആരെ സൻഹേ​രീ​ബി​നോ​ടു താരത​മ്യം ചെയ്യാൻ കഴിയും? (ബി) ആധുനി​ക​കാല സൻഹേ​രീബ്‌ ആരെ ആക്രമി​ക്കാൻ ധൈര്യ​പ്പെ​ടും, അതിന്റെ അനന്തര​ഫലം എന്തായി​രി​ക്കും?

⁸ ആധുനികകാല അസീറിയ മുഴു വ്യാജമത മണ്ഡല​ത്തെ​യും നശിപ്പി​ക്കു​മ്പോൾ അതിനെ ആർക്കും തടയാ​നാ​വാ​ത്തതു പോലെ തോന്നും. സൻഹേ​രീ​ബി​ന്റേതു പോലുള്ള ഒരു മനോ​ഭാ​വ​ത്തോ​ടെ പിശാ​ചായ  സാത്താൻ, ശിക്ഷ അർഹി​ക്കുന്ന വിശ്വാ​സ​ത്യാ​ഗം ഭവിച്ച സംഘട​ന​കളെ മാത്രമല്ല സത്യ​ക്രി​സ്‌ത്യാ​നി​ക​ളെ​യും ആക്രമി​ക്കാൻ ധൈര്യ​പ്പെ​ടും. മഹാബാ​ബി​ലോൺ ഭാഗമാ​യി​രി​ക്കുന്ന സാത്താന്റെ ലോക​ത്തിൽനി​ന്നു പുറത്തു​വ​ന്നി​രി​ക്കുന്ന ദശലക്ഷങ്ങൾ യഹോ​വ​യു​ടെ ആത്മാഭി​ഷിക്ത പുത്ര​ന്മാ​രിൽ ശേഷി​ക്കു​ന്ന​വ​രോ​ടൊ​പ്പം യഹോ​വ​യു​ടെ രാജ്യ​ത്തിന്‌ അനുകൂ​ല​മായ ഒരു നിലപാട്‌ സ്വീക​രി​ക്കു​ന്നു. സത്യ​ക്രി​സ്‌ത്യാ​നി​കൾ “ഈ ലോക​ത്തി​ന്റെ ദൈവ”മായ സാത്താനെ ആരാധി​ക്കു​ന്നില്ല. (2 കൊരി​ന്ത്യർ 4:4) അതിൽ കുപി​ത​നായ അവൻ അവർക്കെ​തി​രെ ഉഗ്രമായ ആക്രമണം അഴിച്ചു​വി​ടും. (യെഹെ​സ്‌കേൽ 38:10-16) ഈ ആക്രമണം വളരെ ഉഗ്രമാ​യി​രി​ക്കു​മെ​ങ്കി​ലും, യഹോ​വ​യു​ടെ ജനം ഭയന്നു​വി​റ​യ്‌ക്കേ​ണ്ട​തില്ല. (യെശയ്യാ​വു 10:24, 25) താൻ ‘കഷ്ടകാ​ലത്തു രക്ഷ’ ആയിരി​ക്കു​മെന്ന ദൈവ​ത്തി​ന്റെ ഉറപ്പ്‌ അവർക്കുണ്ട്‌. സാത്താ​നും കൂട്ടാ​ളി​കൾക്കും അനർഥം വരുത്തി​ക്കൊണ്ട്‌ ദൈവം കാര്യാ​ദി​ക​ളിൽ ഇടപെ​ടും. (യെഹെ​സ്‌കേൽ 38:18-23) പുരാതന കാലങ്ങ​ളി​ലെ​പ്പോ​ലെ, ഇന്നും ദൈവ​ജ​ന​ത്തി​നെ​തി​രെ സാഹസം പ്രവർത്തി​ക്കു​ന്ന​വർക്കു സാഹസം അനുഭ​വി​ക്കേ​ണ്ടി​വ​രും! (സദൃശ​വാ​ക്യ​ങ്ങൾ 13:22ബി താരത​മ്യം ചെയ്യുക.) യഹോ​വ​യു​ടെ നാമം വിശു​ദ്ധീ​ക​രി​ക്ക​പ്പെ​ടും. മാത്രമല്ല, ‘ജ്ഞാനവും പരിജ്ഞാ​ന​വും യഹോ​വാ​ഭ​ക്തി​യും’ തേടി​യ​തി​നെ പ്രതി അതിജീ​വ​കർക്കു പ്രതി​ഫലം ലഭിക്കു​ക​യും ചെയ്യും.—യെശയ്യാ​വു 33:5, 6 വായി​ക്കുക.

വിശ്വാ​സ​ര​ഹി​തർക്ക്‌ ഒരു മുന്നറി​യിപ്പ്‌

9. (എ) യഹൂദ​യി​ലെ “ശൌര്യ​വാ​ന്മാ”രും “സമാധാ​ന​ത്തി​ന്റെ ദൂതന്മാ”രും എന്തു ചെയ്യും? (ബി) സമാധാ​നം സ്ഥാപി​ക്കാ​നുള്ള യഹൂദ​യു​ടെ ശ്രമങ്ങ​ളോട്‌ അസീറിയ എങ്ങനെ പ്രതി​ക​രി​ക്കും?

⁹ എന്നാൽ യഹൂദ​യി​ലുള്ള വിശ്വാ​സ​ര​ഹി​തർക്ക്‌ എന്തു സംഭവി​ക്കും? അസീറിയ അവരു​ടെ​മേൽ വരുത്താൻ പോകുന്ന ആസന്നമായ നാശത്തെ കുറി​ച്ചാണ്‌ യെശയ്യാവ്‌ തുടർന്നു പറയു​ന്നത്‌. (യെശയ്യാ​വു 33:7 വായി​ക്കുക.) അസീറി​യൻ ആക്രമ​ണത്തെ ഭയന്ന്‌ യഹൂദാ സൈന്യ​ത്തി​ലെ “ശൌര്യ​വാ​ന്മാർ” നിലവി​ളി​ക്കു​ന്നു. യുദ്ധ​പ്രി​യ​രായ അസീറി​യ​ക്കാ​രു​ടെ അടു​ത്തേക്ക്‌ അയയ്‌ക്ക​പ്പെ​ടുന്ന ‘സമാധാ​ന​ത്തി​ന്റെ ദൂതന്മാർക്ക്‌’ അഥവാ നയത​ന്ത്ര​ജ്ഞർക്കു പരിഹാ​സ​വും അപമാ​ന​വും സഹി​ക്കേ​ണ്ടി​വ​രു​ന്നു. തങ്ങളുടെ പരാജ​യത്തെ ചൊല്ലി അവർ അതിദുഃ​ഖ​ത്തോ​ടെ കരയും. (യിരെ​മ്യാ​വു 8:15 താരത​മ്യം ചെയ്യുക.) ക്രൂര​രായ അസീറി​യ​ക്കാർക്ക്‌ അവരോ​ടു മനസ്സലി​വു തോന്നു​ക​യില്ല. (യെശയ്യാ​വു 33:8, 9 വായി​ക്കുക.) യഹൂദ​യി​ലെ നിവാ​സി​ക​ളു​മാ​യി തങ്ങൾ ഉണ്ടാക്കിയ ഉടമ്പടി​കൾ അസീറി​യ​ക്കാർ നിർദയം മറന്നു​ക​ള​യും.  (2 രാജാ​ക്ക​ന്മാർ 18:14-16) അവർ യഹൂദ​യി​ലെ ‘പട്ടണങ്ങളെ നിന്ദിച്ച്‌’ അവയെ വെറു​പ്പോ​ടും അവജ്ഞ​യോ​ടും കൂടെ വീക്ഷി​ക്കു​ക​യും മനുഷ്യ​ജീ​വനു യാതൊ​രു വിലയും കൽപ്പി​ക്കാ​തി​രി​ക്കു​ക​യും ചെയ്യും. ആലങ്കാ​രി​ക​മാ​യി പറഞ്ഞാൽ, ദേശം പോലും നിലവി​ളി​ക്കു​മാറ്‌ അത്ര ശോച​നീ​യ​മാ​യി​രി​ക്കും അതിലെ അവസ്ഥ. അതിന്റെ ശൂന്യ​മാ​ക്ക​ലി​നെ പ്രതി ലെബാ​നോ​നും ശാരോ​നും ബാശാ​നും കർമ്മേ​ലും വിലപി​ക്കും.

10. (എ) ക്രൈ​സ്‌ത​വ​ലോ​ക​ത്തി​ലെ ‘ശൗര്യ​വാ​ന്മാർ’ നിസ്സഹാ​യർ ആണെന്ന്‌ എങ്ങനെ തെളി​യും? (ബി) ക്രൈ​സ്‌ത​വ​ലോ​ക​ത്തിന്‌ കഷ്‌ടത ഉണ്ടാകുന്ന സമയത്ത്‌ യഥാർഥ ക്രിസ്‌ത്യാ​നി​ക​ളു​ടെ സംരക്ഷ​ണ​ത്തിന്‌ എത്തുന്നത്‌ ആർ?

¹⁰ സമീപ ഭാവി​യിൽ രാഷ്‌ട്രങ്ങൾ മതത്തെ ആക്രമി​ച്ചു​തു​ട​ങ്ങു​മ്പോൾ സമാന​മായ സാഹച​ര്യ​ങ്ങൾ തീർച്ച​യാ​യും ഉടലെ​ടു​ക്കും. ഹിസ്‌കീ​യാ​വി​ന്റെ നാളി​ലെ​പ്പോ​ലെ, ഈ നാശോ​ന്മുഖ ശക്തിക​ളോ​ടു ചെറു​ത്തു​നിൽക്കു​ന്നത്‌ യാതൊ​രു ഫലവും ചെയ്യു​ക​യില്ല. ക്രൈ​സ്‌ത​വ​ലോ​ക​ത്തി​ലെ ‘ശൗര്യ​വാ​ന്മാർക്ക്‌’—അതിലെ രാഷ്‌ട്രീ​യ​ക്കാർക്കും പണമി​ട​പാ​ടു​കാർക്കും സ്വാധീ​ന​മുള്ള മറ്റുള്ള​വർക്കും—അവളെ സഹായി​ക്കാൻ കഴിയാ​താ​കും. ക്രൈ​സ്‌ത​വ​ലോ​ക​ത്തി​ന്റെ താത്‌പ​ര്യ​ങ്ങളെ സംരക്ഷി​ക്കാൻ ഉദ്ദേശി​ച്ചുള്ള രാഷ്‌ട്രീ​യ​വും സാമ്പത്തി​ക​വു​മായ ‘ഉടമ്പടി​കൾ’ അഥവാ കരാറു​കൾ ലംഘി​ക്ക​പ്പെ​ടും. (യെശയ്യാ​വു 28:15-18) നയത​ന്ത്ര​ശ്ര​മ​ങ്ങ​ളി​ലൂ​ടെ നാശത്തെ ഒഴിവാ​ക്കാ​നുള്ള ഉദ്യമങ്ങൾ വിജയി​ക്കു​ക​യില്ല. ക്രൈ​സ്‌ത​വ​ലോ​ക​ത്തി​ന്റെ സ്വത്തു​ക്ക​ളും നിക്ഷേ​പ​ങ്ങ​ളും കണ്ടു​കെ​ട്ടു​ക​യോ നശിപ്പി​ക്ക​പ്പെ​ടു​ക​യോ ചെയ്യു​ന്ന​തി​നാൽ അതിന്റെ വാണിജ്യ പ്രവർത്ത​നങ്ങൾ നിലയ്‌ക്കും. ഇത്ര​യൊ​ക്കെ ആയിട്ടും ക്രൈ​സ്‌ത​വ​ലോ​ക​ത്തോ​ടു തുടർന്നും താത്‌പ​ര്യ​മു​ള്ളവർ സുരക്ഷി​ത​മായ അകലത്തിൽ നിന്നു​കൊണ്ട്‌ അതിന്റെ നാശത്തെ ചൊല്ലി വിലപി​ക്കു​ന്ന​തി​ല​ധി​കം ഒന്നും ചെയ്യു​ക​യില്ല. (വെളി​പ്പാ​ടു 18:9-19) വ്യാജ​മ​ത​ങ്ങ​ളോ​ടു കൂടെ സത്യ​ക്രി​സ്‌ത്യാ​നി​ത്വം തുടച്ചു​നീ​ക്ക​പ്പെ​ടു​മോ? ഇല്ല. എന്തെന്നാൽ യഹോ​വ​തന്നെ ഈ ഉറപ്പു നൽകുന്നു. “ഇപ്പോൾ ഞാൻ എഴു​ന്നേ​ല്‌ക്കും; ഇപ്പോൾ ഞാൻ എന്നെത്തന്നേ ഉയർത്തും; ഇപ്പോൾ ഞാൻ ഉന്നതനാ​യി​രി​ക്കും എന്നു യഹോവ അരുളി​ച്ചെ​യ്യു​ന്നു.” (യെശയ്യാ​വു 33:10) ഒടുവിൽ ഹിസ്‌കീ​യാ​വി​നെ പോലുള്ള വിശ്വ​സ്‌തർക്കു വേണ്ടി യഹോവ ഇടപെ​ടു​ക​യും “അസീറി​യൻ” മുന്നേ​റ്റത്തെ തടയു​ക​യും ചെയ്യും.—സങ്കീർത്തനം 12:5.

11, 12. (എ) യെശയ്യാ​വു 33:11-14-ലെ വാക്കുകൾ എപ്പോൾ, എങ്ങനെ നിവൃ​ത്തി​യേ​റു​ന്നു? (ബി) യഹോ​വ​യു​ടെ വാക്കുകൾ നമ്മുടെ നാളി​ലേക്ക്‌ എന്തു മുന്നറി​യി​പ്പു നൽകുന്നു?

¹¹ അവിശ്വസ്‌തരായ ആളുകൾക്ക്‌ അത്തരം സംരക്ഷണം ലഭിക്കു​മെന്നു പ്രതീ​ക്ഷി​ക്കാ​നാ​വില്ല. യഹോവ ഇങ്ങനെ പറയുന്നു: “നിങ്ങൾ  വൈ​ക്കോ​ലി​നെ ഗർഭം ധരിച്ചു താളടി​യെ പ്രസവി​ക്കും; നിങ്ങളു​ടെ ശ്വാസം തീയായി നിങ്ങളെ ദഹിപ്പി​ച്ചു​ക​ള​യും. വംശങ്ങൾ കുമ്മായം ചുടു​ന്ന​തു​പോ​ലെ ആകും; വെട്ടി​ക്കളഞ്ഞ മുള്ളു​പോ​ലെ അവരെ തീയിൽ ഇട്ടു ചുട്ടു​ക​ള​യും. ദൂരസ്ഥ​ന്മാ​രേ, ഞാൻ ചെയ്‌തതു കേൾപ്പിൻ; സമീപ​സ്ഥ​ന്മാ​രേ, എന്റെ വീര്യ​പ്ര​വൃ​ത്തി​കൾ ഗ്രഹി​പ്പിൻ. സീയോ​നി​ലെ പാപികൾ പേടി​ക്കു​ന്നു; വഷളന്മാ​രാ​യ​വർക്കു നടുക്കം പിടി​ച്ചി​രി​ക്കു​ന്നു; നമ്മിൽ ആർ ദഹിപ്പി​ക്കുന്ന തീയുടെ അടുക്കൽ പാർക്കും? നമ്മിൽ ആർ നിത്യ​ദ​ഹ​ന​ങ്ങ​ളു​ടെ അടുക്കൽ പാർക്കും?” (യെശയ്യാ​വു 33:11-14) ഈ വാക്കുകൾ നിവൃ​ത്തി​യേ​റു​ന്നത്‌ യഹൂദയെ ഒരു പുതിയ ശത്രു, അതായത്‌ ബാബി​ലോൺ, ആക്രമി​ക്കുന്ന സമയത്ത്‌ ആയിരി​ക്കു​മെന്നു വ്യക്തമാണ്‌. ഹിസ്‌കീ​യാ​വി​ന്റെ മരണ​ശേഷം, യഹൂദ ദുഷ്‌ട​വ​ഴി​ക​ളി​ലേക്കു മടങ്ങുന്നു. തുടർന്നു​വ​രുന്ന ഏതാനും പതിറ്റാ​ണ്ടു​ക​ളിൽ, മുഴു ജനതയും ദൈവ​ത്തി​ന്റെ കോപാ​ഗ്നിക്ക്‌ ഇരയാ​കു​മാറ്‌ യഹൂദ​യി​ലെ അവസ്ഥകൾ അത്ര വഷളാ​കു​ന്നു.—ആവർത്ത​ന​പു​സ്‌തകം 32:22.

¹² ദൈവത്തിന്റെ ന്യായ​വി​ധി​യെ ഒഴിവാ​ക്കാ​നുള്ള അനുസ​രണം കെട്ടവ​രു​ടെ ആസൂ​ത്ര​ണ​ങ്ങ​ളും പദ്ധതി​ക​ളും വ്യർഥ​മെന്ന്‌, വെറും താളടി​യെന്ന്‌ തെളി​യു​ന്നു. വാസ്‌ത​വ​ത്തിൽ, ജനങ്ങളു​ടെ അഹങ്കാ​ര​വും മത്സരാത്മക മനോ​ഭാ​വ​വും ആ ജനതയു​ടെ നാശത്തി​ലേക്കു നയിക്കുന്ന സംഭവ​ങ്ങൾക്കു തിരി​കൊ​ളു​ത്തും. (യിരെ​മ്യാ​വു 52:3-11) ദുഷ്‌ട​ന്മാർ, “കുമ്മായം ചുടു​ന്ന​തു​പോ​ലെ ആകും,” അതായത്‌ അവർ പാടേ നശിച്ചു​പോ​കും! ഈ ആസന്ന നാശത്തെ കുറിച്ചു ചിന്തി​ക്കവെ, മത്സരി​ക​ളായ യഹൂദാ നിവാ​സി​കൾ ചകിത​രാ​കു​ന്നു. അവിശ്വസ്‌ത യഹൂദ​യോ​ടുള്ള യഹോ​വ​യു​ടെ വാക്കുകൾ ക്രൈ​സ്‌ത​വ​ലോ​ക​ത്തി​ലെ അംഗങ്ങ​ളു​ടെ ഇന്നത്തെ അവസ്ഥയെ എടുത്തു​കാ​ട്ടു​ന്നു. ദൈവ​ത്തി​ന്റെ മുന്നറി​യി​പ്പിന്‌ ചെവി കൊടു​ക്കാ​ത്ത​പക്ഷം അവരുടെ ഭാവി ഇരുള​ട​ഞ്ഞത്‌ ആയിരി​ക്കും.

‘നീതി​നി​ഷ്‌ഠ​രാ​യി നടക്കുന്നു’

13. ‘നീതി​യിൽ നടക്കു​ന്ന​വന്‌’ എന്തു വാഗ്‌ദാ​നം ലഭിക്കു​ന്നു, യിരെ​മ്യാ​വി​ന്റെ കാര്യ​ത്തിൽ അതിനു നിവൃത്തി ഉണ്ടാകു​ന്നത്‌ എങ്ങനെ?

¹³ എന്നാൽ അവരിൽനി​ന്നു വ്യത്യ​സ്‌ത​നായ ഒരുവനെ കുറിച്ച്‌ യഹോവ അടുത്ത​താ​യി പറയുന്നു: “നീതി​യാ​യി നടന്നു നേർ പറകയും പീഡന​ത്താൽ ഉള്ള ആദായം വെറു​ക്ക​യും കൈക്കൂ​ലി വാങ്ങാതെ കൈ കുടഞ്ഞു​ക​ള​ക​യും രക്തപാ​ത​ക​ത്തെ​ക്കു​റി​ച്ചു കേൾക്കാ​ത​വണ്ണം ചെവി പൊത്തു​ക​യും ദോഷത്തെ കണ്ടു രസിക്കാ​ത​വണ്ണം  കണ്ണു അടെച്ചു​ക​ള​ക​യും ചെയ്യു​ന്നവൻ; ഇങ്ങനെ​യു​ള്ളവൻ ഉയരത്തിൽ വസിക്കും; പാറ​ക്കോ​ട്ടകൾ അവന്റെ അഭയസ്ഥാ​ന​മാ​യി​രി​ക്കും; അവന്റെ അപ്പം അവന്നു കിട്ടും; അവന്നു വെള്ളം മുട്ടി​പ്പോ​ക​യു​മില്ല.” (യെശയ്യാ​വു 33:15, 16) പത്രൊസ്‌ അപ്പൊ​സ്‌തലൻ പിൽക്കാ​ലത്ത്‌ പറയു​ന്ന​തു​പോ​ലെ, “കർത്താവു ഭക്തന്മാരെ പരീക്ഷ​യിൽനി​ന്നു വിടു​വി​പ്പാ​നും നീതി​കെ​ട്ട​വരെ . . . ന്യായ​വി​ധി​ദി​വ​സ​ത്തി​ലെ ദണ്ഡനത്തി​ന്നാ​യി കാപ്പാ​നും അറിയു​ന്നു​വ​ല്ലോ.” (2 പത്രൊസ്‌ 2:9, 10) അത്തരം വിടുതൽ അനുഭ​വിച്ച ഒരു വ്യക്തി​യാണ്‌ യിരെ​മ്യാവ്‌. ബാബി​ലോ​ണി​യൻ പ്രവാ​സ​കാ​ലത്ത്‌ ആളുകൾക്ക്‌ ‘തൂക്ക​പ്ര​കാ​ര​വും പേടി​യോ​ടെ​യും അപ്പം തിന്നേ’ണ്ടിവന്നു. (യെഹെ​സ്‌കേൽ 4:17) ചില സ്‌ത്രീ​കൾ സ്വന്തം കുട്ടി​ക​ളു​ടെ മാംസം പോലും ഭക്ഷിച്ചു. (വിലാ​പങ്ങൾ 2:20) അത്തര​മൊ​രു സ്ഥിതി​വി​ശേ​ഷ​ത്തി​ലും യിരെ​മ്യാവ്‌ സുരക്ഷി​ത​നാ​ണെന്ന്‌ യഹോവ ഉറപ്പു​വ​രു​ത്തി.

14. ഇന്നു ക്രിസ്‌ത്യാ​നി​കൾക്ക്‌ എങ്ങനെ ‘നീതി​നി​ഷ്‌ഠ​രാ​യി നടക്കാൻ’ കഴിയും?

¹⁴ സമാനമായി ഇന്നു ക്രിസ്‌ത്യാ​നി​കൾ അനുദി​നം യഹോ​വ​യു​ടെ നിലവാ​രങ്ങൾ പാലി​ച്ചു​കൊണ്ട്‌ ‘നീതി​നി​ഷ്‌ഠ​രാ​യി നടക്കേ’ണ്ടതുണ്ട്‌. (സങ്കീർത്തനം 15:1-5) അവർ ‘നേരു പറയുക’യും ഭോഷ്‌കും അസത്യ​വും ഒഴിവാ​ക്കു​ക​യും വേണം. (സദൃശ​വാ​ക്യ​ങ്ങൾ 3:32) പല ദേശങ്ങ​ളി​ലും ഇന്നു വഞ്ചനയും കൈക്കൂ​ലി​യും സാധാ​ര​ണ​മാ​യി​രു​ന്നേ​ക്കാം. അത്തരം കാര്യ​ങ്ങ​ളിൽ ഏർപ്പെ​ടു​ന്നവർ ‘നീതി​നി​ഷ്‌ഠ​രാ​യി നടക്കുന്ന’വരോട്‌ അവജ്ഞ​യോ​ടെ പെരു​മാ​റു​ന്നു. ബിസി​നസ്‌ ഇടപാ​ടു​ക​ളിൽ ക്രിസ്‌ത്യാ​നി​കൾ “നല്ല മനസ്സാക്ഷി” കാത്തു​സൂ​ക്ഷി​ക്കു​ക​യും വഞ്ചനയും കള്ളത്തര​വും ഒഴിവാ​ക്കു​ക​യും വേണം. (എബ്രായർ 13:18; 1 തിമൊ​ഥെ​യൊസ്‌ 6:9, 10) ‘രക്തപാ​ത​ക​ത്തെ​ക്കു​റി​ച്ചു കേൾക്കാ​തി​രി​ക്കാൻ ചെവി പൊത്തു​ക​യും ദോഷം കാണാ​തി​രി​ക്കാൻ കണ്ണു അടെച്ചു​ക​ള​ക​യും’ ചെയ്‌തി​രി​ക്കു​ന്നവൻ സംഗീ​ത​വും വിനോ​ദ​വും തിര​ഞ്ഞെ​ടു​ക്കുന്ന കാര്യ​ത്തിൽ ശ്രദ്ധാലു ആയിരി​ക്കും. (സങ്കീർത്തനം 119:37) യഹോ​വ​യു​ടെ അത്തരം നിലവാ​ര​ങ്ങ​ള​നു​സ​രി​ച്ചു ജീവി​ക്കു​ന്ന​വരെ അവൻ ന്യായ​വി​ധി ദിവസ​ത്തിൽ കാത്തു​പ​രി​പാ​ലി​ക്കും.—സെഫന്യാ​വു 2:3.

തങ്ങളുടെ രാജാ​വി​നെ കാണുന്നു

15. വിശ്വസ്‌ത യഹൂദാ പ്രവാ​സി​കൾക്ക്‌ ആശ്വാസം പകരു​ന്നത്‌ ഏതു വാഗ്‌ദാ​ന​മാണ്‌?

¹⁵ യെശയ്യാവ്‌ തുടർന്ന്‌ ശോഭ​ന​മായ ഒരു ഭാവിയെ കുറിച്ചു പറയുന്നു: “നിന്റെ കണ്ണു രാജാ​വി​നെ അവന്റെ സൌന്ദ​ര്യ​ത്തോ​ടെ ദർശി​ക്കും; വിശാ​ല​മാ​യോ​രു ദേശം കാണും. പണം എണ്ണുന്നവൻ എവിടെ?  തൂക്കി​നോ​ക്കു​ന്നവൻ എവിടെ? ഗോപു​ര​ങ്ങളെ എണ്ണുന്നവൻ എവിടെ? എന്നിങ്ങനെ നിന്റെ ഹൃദയം ഭീതി​യെ​ക്കു​റി​ച്ചു ധ്യാനി​ക്കും. നീ തിരി​ച്ച​റി​യാത്ത പ്രയാ​സ​മുള്ള വാക്കും നിനക്കു ഗ്രഹി​ച്ചു​കൂ​ടാത്ത അന്യഭാ​ഷ​യും ഉള്ള ഉഗ്രജാ​തി​യെ നീ കാണു​ക​യില്ല.” (യെശയ്യാ​വു 33:17-19) മിശി​ഹൈക രാജാ​വി​നെ​യും അവന്റെ രാജ്യ​ത്തെ​യും കുറി​ച്ചുള്ള വാഗ്‌ദാ​നം വിദൂര ഭാവി​യിൽ നിവൃ​ത്തി​യേ​റാ​നി​രുന്ന ഒന്നാ​ണെ​ങ്കി​ലും പതിറ്റാ​ണ്ടു​കൾ നീളുന്ന ബാബി​ലോ​ണി​യൻ പ്രവാ​സ​കാ​ലത്ത്‌ വിശ്വ​സ്‌ത​രായ യഹൂദ​ന്മാർക്ക്‌ അത്‌ ആശ്വാസം പകരും. (എബ്രായർ 11:13) മിശി​ഹൈക ഭരണം ഒടുവിൽ ഒരു യാഥാർഥ്യം ആയിത്തീ​രു​മ്പോൾ ബാബി​ലോ​ണി​യൻ നിഷ്‌ഠുര ഭരണത്തെ കുറിച്ച്‌ ആരും ഓർക്കു​ക​പോ​ലു​മില്ല. അസീറി​യൻ ആക്രമ​ണത്തെ അതിജീ​വി​ക്കു​ന്നവർ സന്തോ​ഷ​ത്തോ​ടെ ഇങ്ങനെ ചോദി​ക്കും: “ഞങ്ങളു​ടെ​മേൽ നികുതി ചുമത്തിയ, ഞങ്ങളെ ഭാര​പ്പെ​ടു​ത്തിയ, ഞങ്ങളിൽനി​ന്നു കപ്പം വാങ്ങിയ ഏകാധി​പ​തി​യു​ടെ ഉദ്യോ​ഗസ്ഥർ എവിടെ?”—യെശയ്യാ​വു 33:18, മോഫറ്റ്‌.

16. എപ്പോൾ മുതലാണ്‌ ദൈവ​ജ​ന​ത്തി​നു മിശി​ഹൈക രാജാ​വി​നെ ‘ദർശി​ക്കാൻ’ കഴിഞ്ഞി​ട്ടു​ള്ളത്‌, അതിന്റെ ഫലമെന്ത്‌?

¹⁶ ബാബിലോണിയൻ പ്രവാ​സ​ത്തിൽ നിന്നുള്ള വിടു​ത​ലി​നെ കുറിച്ച്‌ യെശയ്യാ​വി​ന്റെ വാക്കുകൾ ഉറപ്പു നൽകു​ന്നു​ണ്ടെ​ങ്കി​ലും, ഈ പ്രവചന ഭാഗത്തി​ന്റെ പൂർണ​മായ നിവൃത്തി ആസ്വദി​ക്കാൻ യഹൂദാ പ്രവാ​സി​കൾ പുനരു​ത്ഥാ​ന​ത്തി​നു വേണ്ടി കാത്തി​രി​ക്കേ​ണ്ട​തുണ്ട്‌. ഇന്നത്തെ ദൈവ​ദാ​സ​ന്മാ​രു​ടെ കാര്യ​മോ? 1914 മുതൽ മിശി​ഹൈക രാജാ​വായ യേശു​ക്രി​സ്‌തു​വി​നെ അവന്റെ മുഴു ആത്മീയ സൗന്ദര്യ​ത്തോ​ടും കൂടെ ‘ദർശി​ക്കാൻ,’ അതായത്‌ വിവേ​ചി​ച്ച​റി​യാൻ, യഹോ​വ​യു​ടെ ജനത്തിനു കഴിഞ്ഞി​ട്ടുണ്ട്‌. (സങ്കീർത്തനം 45:2; 118:22-26) തത്‌ഫ​ല​മാ​യി, മർദന​ത്തിൽനി​ന്നും സാത്താന്റെ ദുഷ്‌ട വ്യവസ്ഥി​തി​യു​ടെ നിയ​ന്ത്ര​ണ​ത്തിൽനി​ന്നും ഉള്ള വിടുതൽ അനുഭ​വി​ക്കാൻ അവർക്കു കഴിഞ്ഞി​രി​ക്കു​ന്നു. ദൈവ​രാ​ജ്യ​ത്തി​ന്റെ ഇരിപ്പി​ട​മായ സ്വർഗീയ സീയോ​നു കീഴിൽ അവർ യഥാർഥ​മായ ആത്മീയ സുരക്ഷി​ത​ത്വം ആസ്വദി​ക്കു​ന്നു.

17. (എ) സീയോ​നെ കുറി​ച്ചുള്ള വാഗ്‌ദാ​നങ്ങൾ എന്തെല്ലാം? (ബി) സീയോ​നെ സംബന്ധിച്ച യഹോ​വ​യു​ടെ വാഗ്‌ദാ​നങ്ങൾ മിശി​ഹൈക രാജ്യ​ത്തി​ലും ഭൂമി​യിൽ അതിനെ പിന്താ​ങ്ങു​ന്ന​വ​രി​ലും നിവൃ​ത്തി​യേ​റു​ന്നത്‌ എങ്ങനെ?

¹⁷ യെശയ്യാവ്‌ തുടരു​ന്നു: “നമ്മുടെ ഉത്സവങ്ങ​ളു​ടെ നഗരമായ സീയോ​നെ നോക്കുക; നിന്റെ കണ്ണു യെരൂ​ശ​ലേ​മി​നെ സ്വൈ​ര​നി​വാ​സ​മാ​യും ഒരിക്ക​ലും നീങ്ങി​പ്പോ​കാ​ത്ത​തും കുററി ഒരുനാ​ളും ഇളകി​പ്പോ​കാ​ത്ത​തും കയറു ഒന്നും പൊട്ടി​പ്പോ​കാ​ത്ത​തു​മായ കൂടാ​ര​മാ​യും  കാണും. അവിടെ മഹിമ​യു​ള്ള​വ​നായ യഹോവ നമുക്കു വീതി​യുള്ള നദികൾക്കും തോടു​കൾക്കും പകരമാ​യി​രി​ക്കും; തണ്ടുവെച്ച പടകു അതിൽ നടക്കയില്ല; പ്രതാ​പ​മുള്ള കപ്പൽ അതിൽകൂ​ടി കടന്നു​പോ​ക​യു​മില്ല.” (യെശയ്യാ​വു 33:20, 21) ദൈവ​ത്തി​ന്റെ മിശി​ഹൈക രാജ്യത്തെ ആർക്കും പറിച്ചു​മാ​റ്റാ​നോ നശിപ്പി​ക്കാ​നോ സാധി​ക്കു​ക​യില്ല എന്ന്‌ യെശയ്യാവ്‌ നമുക്ക്‌ ഉറപ്പു നൽകുന്നു. മാത്രമല്ല, ഇന്നു ഭൂമി​യിൽ ആ രാജ്യത്തെ പിന്താ​ങ്ങുന്ന വിശ്വ​സ്‌ത​രായ സകലർക്കും വ്യക്തമാ​യും ആ സംരക്ഷണം വെച്ചു​നീ​ട്ട​പ്പെ​ടു​ന്നുണ്ട്‌. പലരും വ്യക്തി​പ​ര​മാ​യി കടുത്ത പരി​ശോ​ധ​ന​കൾക്കു വിധേ​യ​രാ​കു​മെ​ങ്കി​ലും, ഒരു സഭ എന്ന നിലയിൽ അവരെ നശിപ്പി​ക്കാ​നുള്ള യാതൊ​രു ശ്രമവും വിജയി​ക്കു​ക​യില്ല എന്ന്‌ ദൈവ​രാ​ജ്യ​ത്തി​ന്റെ പ്രജകൾക്ക്‌ ഉറപ്പു ലഭിച്ചി​രി​ക്കു​ന്നു. (യെശയ്യാ​വു 54:17) ചുറ്റു​മുള്ള ജലകി​ട​ങ്ങോ കനാലോ ഒരു നഗരത്തെ സംരക്ഷി​ക്കു​ന്ന​തു​പോ​ലെ, യഹോവ തന്റെ ജനത്തെ സംരക്ഷി​ക്കും. അവർക്കെ​തി​രെ വരുന്ന ഏതൊരു ശത്രു​വും—‘തണ്ടുവെച്ച പടകോ’ ‘പ്രതാ​പ​മുള്ള കപ്പലോ’ പോലെ ശക്തമായവ പോലും—നശിപ്പി​ക്ക​പ്പെ​ടും!

18. യഹോവ ഏതു ചുമതല ഏറ്റെടു​ക്കു​ന്നു?

¹⁸ എന്നിരുന്നാലും, ദിവ്യ സംരക്ഷണം സംബന്ധിച്ച്‌ ദൈവ​രാ​ജ്യ സ്‌നേ​ഹി​കൾക്ക്‌ എന്തു​കൊണ്ട്‌ ഉറപ്പു​ണ്ടാ​യി​രി​ക്കാൻ കഴിയും? യെശയ്യാവ്‌ വിശദീ​ക​രി​ക്കു​ന്നു: “യഹോവ നമ്മുടെ ന്യായാ​ധി​പൻ; യഹോവ നമ്മുടെ ന്യായ​ദാ​താ​വു; യഹോവ നമ്മുടെ രാജാവു; അവൻ നമ്മെ രക്ഷിക്കും.” (യെശയ്യാ​വു 33:22) തന്റെ അഖിലാണ്ഡ പരമാ​ധി​കാ​രത്തെ അംഗീ​ക​രി​ക്കുന്ന ജനത്തെ സംരക്ഷി​ക്കാ​നും വഴിന​ട​ത്താ​നു​മുള്ള ചുമതല യഹോവ ഏറ്റെടു​ക്കു​ന്നു. നിയമങ്ങൾ ഉണ്ടാക്കാൻ മാത്രമല്ല അവ നടപ്പാ​ക്കാ​നു​മുള്ള അധികാ​രം യഹോ​വ​യ്‌ക്ക്‌ ഉണ്ടെന്നു തിരി​ച്ച​റി​ഞ്ഞു​കൊണ്ട്‌ മിശി​ഹൈക രാജാവ്‌ മുഖാ​ന്ത​ര​മുള്ള അവന്റെ ഭരണത്തിന്‌ അവർ മനസ്സോ​ടെ കീഴ്‌പെ​ടു​ന്നു. എന്നിരു​ന്നാ​ലും, യഹോവ നീതി​യെ​യും ന്യായ​ത്തെ​യും സ്‌നേ​ഹി​ക്കു​ന്നവൻ ആകയാൽ പുത്രൻ മുഖാ​ന്ത​ര​മുള്ള അവന്റെ ഭരണത്തി​നു കീഴ്‌പെ​ടു​ന്നത്‌ അവന്റെ ആരാധ​കർക്ക്‌ ഒരു ഭാരമാ​യി​രി​ക്കു​ന്നില്ല. പകരം, ആ ഭരണത്തി​നു കീഴ്‌പെ​ടു​ന്നത്‌ അവർക്കു “ശുഭക​ര​മാ​യി”ത്തീരുന്നു. (യെശയ്യാ​വു 48:17) യഹോവ തന്റെ വിശ്വ​സ്‌തരെ ഒരിക്ക​ലും ഉപേക്ഷി​ക്കു​ക​യില്ല.—സങ്കീർത്തനം 37:28, NW.

19. യഹോ​വ​യു​ടെ വിശ്വസ്‌ത ജനത്തോ​ടു പോരാ​ടു​ന്ന​വ​രു​ടെ പരാജ​യത്തെ യെശയ്യാവ്‌ വർണി​ക്കു​ന്നത്‌ എങ്ങനെ?

¹⁹ യഹോവയുടെ വിശ്വസ്‌ത ജനത്തിന്റെ ശത്രു​ക്ക​ളോട്‌ യെശയ്യാവ്‌ ഇങ്ങനെ പറയുന്നു: “നിന്റെ കയറു അഴിഞ്ഞു​കി​ട​ക്കു​ന്നു; അതിനാൽ  പാമരത്തെ ചുവട്ടിൽ ഉറപ്പി​ച്ചു​കൂ​ടാ; പായ്‌ നിവിർത്തു​കൂ​ടാ. പിടി​ച്ചു​പ​റിച്ച വലിയ കൊള്ള അന്നു വിഭാ​ഗി​ക്ക​പ്പെ​ടും; മുടന്ത​രും കൊള്ള​യി​ടും.” (യെശയ്യാ​വു 33:23) കയറുകൾ അയഞ്ഞ, പായ്‌മരം ഇളകുന്ന, പായ്‌കൾ ഇല്ലാത്ത ഒരു യുദ്ധക്കപ്പൽ പോലെ, യഹോ​വ​യോ​ടു പോരാ​ടുന്ന ഏതൊരു ശത്രു​വും നിസ്സഹാ​യ​നും ഒന്നും ചെയ്യാൻ കഴിവി​ല്ലാ​ത്ത​വ​നും ആയിരി​ക്കും. ദൈവ​ത്തി​ന്റെ ശത്രു​ക്കളെ നശിപ്പി​ക്കു​ന്ന​തി​ന്റെ ഫലമായി ധാരാളം കൊള്ള ഉണ്ടായി​രി​ക്കും. തത്‌ഫ​ല​മാ​യി, വൈക​ല്യ​മു​ള്ളവർ പോലും കൊള്ള​യിൽ പങ്കുപ​റ്റും. വരാൻ പോകുന്ന “മഹോ​പ​ദ്രവ”ത്തിൽ, രാജാ​വായ യേശു​ക്രി​സ്‌തു മുഖാ​ന്തരം യഹോവ ശത്രു​ക്ക​ളു​ടെ​മേൽ ജയം നേടു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—വെളി​പ്പാ​ടു 7:14.

സൗഖ്യ​മാ​ക്കൽ

20. ദൈവ​ജ​ന​ത്തിന്‌ എങ്ങനെ​യുള്ള സൗഖ്യ​മാ​കൽ ഉണ്ടാകും, എപ്പോൾ?

²⁰ ഹൃദയോഷ്‌മളമായ ഒരു വാഗ്‌ദാ​ന​ത്തോ​ടെ​യാണ്‌ യെശയ്യാ പ്രവച​ന​ത്തി​ന്റെ ഈ ഭാഗം അവസാ​നി​ക്കു​ന്നത്‌: “എനിക്കു ദീനം എന്നു യാതൊ​രു നിവാ​സി​യും പറകയില്ല; അതിൽ പാർക്കുന്ന ജനത്തിന്റെ അകൃത്യം മോചി​ക്ക​പ്പെ​ട്ടി​രി​ക്കും.” (യെശയ്യാ​വു 33:24) യെശയ്യാവ്‌ ഇവിടെ പറയു​ന്നത്‌ പ്രധാ​ന​മാ​യും ആത്മീയ രോഗത്തെ കുറി​ച്ചാണ്‌. കാരണം, അതു പാപ​ത്തോട്‌ അഥവാ “അകൃത്യ”ത്തോടു ബന്ധപ്പെ​ട്ടി​രി​ക്കു​ന്ന​താ​യി ശ്രദ്ധി​ക്കുക. ഈ വാക്കു​ക​ളു​ടെ ആദ്യ നിവൃത്തി എന്ന നിലയിൽ, ദൈവ​ജനത ബാബി​ലോ​ണി​യൻ പ്രവാ​സ​ത്തിൽനി​ന്നു വിടു​വി​ക്ക​പ്പെ​ട്ട​ശേഷം ആത്മീയ​മാ​യി സുഖം പ്രാപി​ക്കു​മെന്ന്‌ യഹോവ വാഗ്‌ദാ​നം ചെയ്യുന്നു. (യെശയ്യാ​വു 35:5, 6; യിരെ​മ്യാ​വു 33:6; സങ്കീർത്തനം 103:1-5 താരത​മ്യം ചെയ്യുക.) തങ്ങളുടെ മുൻ പാപങ്ങൾക്കു ക്ഷമ ലഭിച്ചു മടങ്ങി​വ​രുന്ന യഹൂദ​ന്മാർ യെരൂ​ശ​ലേ​മിൽ നിർമ​ലാ​രാ​ധന പുനഃ​സ്ഥാ​പി​ക്കും.

21. ഇന്ന്‌ യഹോ​വ​യു​ടെ ആരാധകർ ഏതു വിധങ്ങ​ളി​ലാണ്‌ ആത്മീയ രോഗ​ശാ​ന്തി അനുഭ​വി​ക്കു​ന്നത്‌?

²¹ എന്നിരുന്നാലും, യെശയ്യാ​വി​ന്റെ പ്രവച​ന​ത്തിന്‌ ഒരു ആധുനിക നിവൃ​ത്തി​യുണ്ട്‌. ഇന്നത്തെ യഹോ​വ​യു​ടെ ജനവും ആത്മീയ​രോ​ഗ​ശാ​ന്തി പ്രാപി​ച്ചി​രി​ക്കു​ന്നു. ആത്മാവി​ന്റെ അമർത്യത, ത്രിത്വം, നരകാഗ്നി എന്നിങ്ങ​നെ​യുള്ള വ്യാജ പഠിപ്പി​ക്ക​ലു​ക​ളിൽനിന്ന്‌ അവർ മോചി​ക്ക​പ്പെ​ട്ടി​രി​ക്കു​ന്നു. അവർക്കു ധാർമിക മാർഗ​നിർദേശം ലഭിക്കു​ന്നു.  അതിന്റെ ഫലമായി അധാർമിക നടപടി​ക​ളിൽ ഏർപ്പെ​ടാ​തി​രി​ക്കാൻ അവർക്കു സാധി​ക്കു​ന്നു. മാത്രമല്ല, നല്ല തീരു​മാ​നങ്ങൾ കൈ​ക്കൊ​ള്ളാൻ അവർക്കു സഹായം ലഭിക്കു​ക​യും ചെയ്യുന്നു. യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തി​ന്റെ ഫലമായി അവർക്ക്‌ ദൈവ​മു​മ്പാ​കെ ശുദ്ധമായ ഒരു നിലയും നല്ല മനസ്സാ​ക്ഷി​യും ഉണ്ട്‌. (കൊ​ലൊ​സ്സ്യർ 1:13, 14; 1 പത്രൊസ്‌ 2:24; 1 യോഹ​ന്നാൻ 4:10) ഈ ആത്മീയ രോഗ​ശാ​ന്തി​ക്കു ശാരീ​രിക പ്രയോ​ജ​ന​ങ്ങ​ളും ഉണ്ട്‌. ഉദാഹ​ര​ണ​ത്തിന്‌, അധാർമി​കത ഒഴിവാ​ക്കു​ക​യും പുകയില ഉപയോ​ഗി​ക്കാ​തി​രി​ക്കു​ക​യും ചെയ്യു​ന്ന​തി​ന്റെ ഫലമായി ലൈം​ഗിക രോഗ​ങ്ങ​ളിൽനി​ന്നും ചിലതരം കാൻസ​റു​ക​ളിൽനി​ന്നും ക്രിസ്‌ത്യാ​നി​കൾക്കു സംരക്ഷണം ലഭിക്കു​ന്നു.—1 കൊരി​ന്ത്യർ 6:18; 2 കൊരി​ന്ത്യർ 7:1.

22, 23. (എ) ഭാവി​യിൽ യെശയ്യാ​വു 33:24-ന്‌ എന്തു മഹത്തായ നിവൃത്തി ഉണ്ടാകും? (ബി) ഇന്നത്തെ സത്യാ​രാ​ധകർ എന്തു ദൃഢനി​ശ്ച​യ​മാ​ണു ചെയ്യു​ന്നത്‌?

²² എങ്കിലും, യെശയ്യാ​വു 33:24-ലെ വാക്കു​കൾക്ക്‌ അർമ​ഗെ​ദോ​നു ശേഷം, ദൈവ​ത്തി​ന്റെ പുതിയ ലോക​ത്തിൽ മഹത്തായ ഒരു നിവൃത്തി ഉണ്ടായി​രി​ക്കും. മിശി​ഹൈക രാജ്യ​ഭ​ര​ണ​ത്തിൻ കീഴിൽ, മനുഷ്യർ ആത്മീയ രോഗ​ശാ​ന്തി​യോ​ടൊ​പ്പം വലിയ അളവി​ലുള്ള ശാരീ​രിക രോഗ​ശാ​ന്തി​യും അനുഭ​വി​ക്കും. (വെളി​പ്പാ​ടു 21:3-5എ) സാത്താന്റെ വ്യവസ്ഥി​തി​യു​ടെ നാശത്തി​നു​ശേഷം പെട്ടെ​ന്നു​തന്നെ, യേശു ഭൂമി​യിൽ ആയിരു​ന്ന​പ്പോൾ ചെയ്‌തതു പോലുള്ള അത്ഭുതങ്ങൾ ഗോള​വ്യാ​പ​ക​മാ​യി നടക്കു​മെ​ന്ന​തിൽ സംശയ​മില്ല. അന്ധർ കാണും, ബധിരർ കേൾക്കും, മുടന്തർ നടക്കും! (യെശയ്യാ​വു 35:5, 6) അത്തരം അനു​ഗ്ര​ഹ​ങ്ങ​ളു​ടെ ഫലമായി, മഹോ​പ​ദ്ര​വത്തെ അതിജീ​വി​ക്കുന്ന എല്ലാവർക്കും ഭൂമിയെ ഒരു പറുദീ​സ​യാ​ക്കി മാറ്റുന്ന മഹത്തായ വേലയിൽ പങ്കുപ​റ്റാ​നാ​കും.

²³ പിന്നീട്‌ പുനരു​ത്ഥാ​നം നടക്കു​മ്പോൾ, ജീവനി​ലേക്കു വരുന്ന​വർക്ക്‌ തീർച്ച​യാ​യും നല്ല ആരോ​ഗ്യം ഉണ്ടായി​രി​ക്കും. എന്നാൽ, മറുവി​ല​യാ​ഗ​ത്തി​ന്റെ മൂല്യം കൂടു​ത​ലാ​യി ബാധക​മാ​ക്ക​പ്പെ​ടവെ വർധിച്ച പ്രയോ​ജ​നങ്ങൾ അവർ തുടർന്നും ആസ്വദി​ക്കും. ഒടുവിൽ മനുഷ്യ​വർഗം പൂർണത കൈവ​രി​ക്കും. അങ്ങനെ നീതി​മാ​ന്മാർ പൂർണ​മായ അർഥത്തിൽ ‘ജീവനി​ലേക്കു വരും.’ (വെളി​പ്പാ​ടു 20:5, 6) അപ്പോൾ ആത്മീയ​വും ശാരീ​രി​ക​വു​മായ അർഥത്തിൽ “എനിക്കു ദീനം എന്നു യാതൊ​രു നിവാ​സി​യും പറകയില്ല.” എത്ര മഹത്തായ വാഗ്‌ദാ​നം! അതിന്റെ നിവൃത്തി കാണു​ന്ന​വ​രോ​ടൊ​പ്പം ആയിരി​ക്കാൻ ഇന്നത്തെ സത്യാ​രാ​ധകർ എല്ലാവ​രും ദൃഢനി​ശ്ചയം ചെയ്യട്ടെ!

[അധ്യയന ചോദ്യ​ങ്ങൾ]

 [344-ാം പേജിലെ ചിത്രം]

യെശയ്യാവ്‌ യഹോ​വ​യോട്‌ ഉറച്ച വിശ്വാ​സ​ത്തോ​ടെ പ്രാർഥി​ക്കു​ന്നു

 [353-ാം പേജിലെ ചിത്രങ്ങൾ]

മറുവിലയാഗം നിമിത്തം യഹോ​വ​യു​ടെ ജനത്തിന്‌ അവന്റെ മുമ്പാകെ ശുദ്ധമായ ഒരു നിലയുണ്ട്‌

 [354-ാം പേജിലെ ചിത്രം]

പുതിയ ലോക​ത്തിൽ ആളുകൾ വലിയ അളവി​ലുള്ള ശാരീ​രിക രോഗ​ശാ​ന്തി അനുഭ​വി​ക്കും