അധ്യായം പത്തൊ​മ്പത്‌

സോരി​ന്റെ ഗർവത്തെ യഹോവ ഇല്ലാതാ​ക്കു​ന്നു

യെശയ്യാവു 23:1-18

1, 2. (എ) പുരാതന കാലത്തെ സോർ എങ്ങനെ​യുള്ള ഒരു നഗരമാ​യി​രു​ന്നു? (ബി) ആ നഗരത്തെ കുറിച്ച്‌ യെശയ്യാവ്‌ എന്തു പ്രവചി​ച്ചു?

 അവളുടെ ‘സൗന്ദര്യം പരിപൂർണം’ ആയിരു​ന്നു, അവളിൽ ‘സകലവിധ സമ്പത്തും’ സമൃദ്ധ​മാ​യി ഉണ്ടായി​രു​ന്നു. (യെഹെ​സ്‌കേൽ 27:4, 12) അവളുടെ നിരവധി കപ്പലുകൾ വിദൂര ദേശങ്ങ​ളി​ലേക്കു സഞ്ചാരം നടത്തി. അവൾ “സമു​ദ്ര​മ​ദ്ധ്യേ അതിധ​നിക” ആയിത്തീർന്നു, അവളുടെ ‘സമ്പത്തു’കൊണ്ട്‌ അവൾ “ഭൂമി​യി​ലെ രാജാ​ക്ക​ന്മാ​രെ സമ്പന്നന്മാ​രാ​ക്കി.” (യെഹെ​സ്‌കേൽ 27:25, 33) പൊ.യു.മു. ഏഴാം നൂറ്റാ​ണ്ടിൽ, മെഡി​റ്റ​റേ​നി​യൻ കടലിന്റെ പൂർവ​തീ​ര​ത്തുള്ള ഫൊയ്‌നി​ക്യ നഗരമായ സോർ സാമ്പത്തി​ക​മാ​യി അത്തരം ഒരു അവസ്ഥയി​ലാ​യി​രു​ന്നു.

² അങ്ങനെയൊരു അവസ്ഥയിൽ ആയിരു​ന്നെ​ങ്കി​ലും, സോരി​ന്റെ നാശം ആസന്നമാ​യി​രു​ന്നു. ആ നഗരത്തെ കുറിച്ചു മേൽപ്പറഞ്ഞ പ്രകാരം യെഹെ​സ്‌കേൽ വർണി​ക്കു​ന്ന​തിന്‌ ഏകദേശം 100 വർഷം മുമ്പ്‌, ഒരു ശക്തിദുർഗ​മായ ഈ ഫൊയ്‌നി​ക്യ നഗരത്തി​ന്റെ പതന​ത്തെ​യും അവളെ ആശ്രയി​ക്കു​ന്ന​വ​രു​ടെ ദുഃഖ​ത്തെ​യും കുറിച്ചു പ്രവാ​ച​ക​നായ യെശയ്യാവ്‌ മുൻകൂ​ട്ടി പറഞ്ഞി​രു​ന്നു. കുറെ കാലത്തി​നു ശേഷം ദൈവം ആ നഗരത്തി​ലേക്കു തന്റെ ശ്രദ്ധ തിരി​ക്കു​മെ​ന്നും അതിനു വീണ്ടും സമൃദ്ധി കൈവ​രു​ത്തു​മെ​ന്നും കൂടി യെശയ്യാവ്‌ പ്രവചി​ച്ചു. എങ്ങനെ​യാണ്‌ പ്രവാ​ച​കന്റെ ആ വാക്കുകൾ നിവൃ​ത്തി​യേ​റി​യത്‌? സോർ നഗരത്തി​നു സംഭവിച്ച കാര്യ​ങ്ങ​ളിൽനി​ന്നു നമുക്ക്‌ എന്തു പഠിക്കാ​നാ​കും? ആ നഗരത്തിന്‌ എന്തു സംഭവി​ച്ചു എന്നതും അതിന്റെ കാരണ​വും വ്യക്തമാ​യി മനസ്സി​ലാ​ക്കു​ന്നത്‌ യഹോ​വ​യി​ലും അവന്റെ വാഗ്‌ദാ​ന​ങ്ങ​ളി​ലു​മുള്ള നമ്മുടെ വിശ്വാ​സത്തെ ബലപ്പെ​ടു​ത്തും.

“തർശീ​ശ്‌ക​പ്പ​ലു​കളേ, മുറയി​ടു​വിൻ”!

3, 4. (എ) തർശീശ്‌ എവിടെ ആയിരു​ന്നു, തർശീ​ശും സോരും തമ്മിൽ എങ്ങനെ​യുള്ള ഒരു ബന്ധമാ​യി​രു​ന്നു നിലവി​ലി​രു​ന്നത്‌? (ബി) തർശീ​ശു​മാ​യി കച്ചവടം ചെയ്യുന്ന നാവി​കർക്ക്‌ മുറയി​ടാൻ കാരണ​മു​ണ്ടാ​യി​രി​ക്കു​ന്നത്‌ എന്തു​കൊണ്ട്‌?

³ “സോരി​നെ​ക്കു​റി​ച്ചുള്ള പ്രവാ​ചകം” എന്നു പറഞ്ഞ​ശേഷം യെശയ്യാവ്‌ ഇങ്ങനെ പ്രസ്‌താ​വി​ക്കു​ന്നു: “തർശീ​ശ്‌ക​പ്പ​ലു​കളേ, മുറയി​ടു​വിൻ;  ഒരു വീടും ശേഷി​ക്കാ​ത​വ​ണ്ണ​വും പ്രവേ​ശനം ഇല്ലാത​വ​ണ്ണ​വും അതു ശൂന്യ​മാ​യി​രി​ക്കു​ന്നു.” (യെശയ്യാ​വു 23:1എ) തർശീശ്‌, പൂർവ മെഡി​റ്റ​റേ​നി​യൻ തീരത്തുള്ള സോരിൽനി​ന്നു വളരെ ദൂരെ സ്ഥിതി ചെയ്യുന്ന സ്‌പെ​യി​നി​ന്റെ ഭാഗമാ​യി​രു​ന്ന​താ​യി വിശ്വ​സി​ക്ക​പ്പെ​ടു​ന്നു. a ഫൊയ്‌നി​ക്യർ വിദഗ്‌ധ നാവി​ക​രാ​യി​രു​ന്നു. അവരുടെ കപ്പലു​ക​ളാ​കട്ടെ വലുതും സമു​ദ്ര​യാ​ത്ര​യ്‌ക്കു പറ്റിയ​തും ആയിരു​ന്നു. ചന്ദ്രനും വേലി​യേ​റ്റ​വും തമ്മിലുള്ള ബന്ധം ആദ്യം നിരീ​ക്ഷി​ച്ച​തും സമു​ദ്ര​സ​ഞ്ചാ​ര​ത്തി​നാ​യി ജ്യോ​തി​ശ്ശാ​സ്‌ത്രത്തെ ആദ്യമാ​യി ഉപയോ​ഗ​പ്പെ​ടു​ത്തി​യ​തും ഫൊയ്‌നി​ക്യ​രാ​ണെന്നു ചില ചരി​ത്ര​കാ​ര​ന്മാർ വിശ്വ​സി​ക്കു​ന്നു. തന്മൂലം, സോർ മുതൽ തർശീശ്‌ വരെയുള്ള ദീർഘ​മായ ദൂരം അവർക്ക്‌ ഒരു പ്രതി​ബ​ന്ധമേ അല്ലായി​രു​ന്നു.

⁴ യെശയ്യാവിന്റെ നാളിൽ, സോർ പ്രമു​ഖ​മാ​യി വാണി​ജ്യ​ബന്ധം പുലർത്തി​യി​രുന്ന ഒരു വിദൂര നഗരമാ​യി​രു​ന്നു തർശീശ്‌. ഒരുകാ​ലത്ത്‌ ആ നഗരം സോരി​ലെ സമ്പത്തിന്റെ പ്രധാന ഉറവിടം ആയിരു​ന്നി​രി​ക്കാം. തർശീശ്‌ സ്ഥിതി ചെയ്‌തി​രു​ന്നു​വെന്നു വിശ്വ​സി​ക്ക​പ്പെ​ടുന്ന സ്‌പെ​യി​നിൽ വെള്ളി​യും ഇരുമ്പും വെളു​ത്തീ​യ​വും മറ്റു ലോഹ​ങ്ങ​ളു​മൊ​ക്കെ സമൃദ്ധ​മാ​യുള്ള ഖനികൾ ഉണ്ട്‌. (യിരെ​മ്യാ​വു 10:9; യെഹെ​സ്‌കേൽ 27:12 താരത​മ്യം ചെയ്യുക.) ‘തർശീ​ശ്‌ക​പ്പ​ലു​കൾക്ക്‌,’ സാധ്യ​ത​യ​നു​സ​രിച്ച്‌ തർശീ​ശു​മാ​യി വാണി​ജ്യ​ബന്ധം നടത്തുന്ന സോരിൽ നിന്നുള്ള കപ്പലു​കൾക്ക്‌ സോർ തുറമു​ഖ​ത്തി​ന്റെ നാശത്തിൽ വിലപി​ച്ചു​കൊണ്ട്‌ ‘മുറയി​ടു​ന്ന​തിന്‌’ നല്ല കാരണ​മു​ണ്ടാ​യി​രി​ക്കും.

5. തർശീ​ശിൽനി​ന്നു വരുന്ന നാവികർ സോരി​ന്റെ പതനത്തെ കുറിച്ച്‌ എവി​ടെ​വെച്ചു മനസ്സി​ലാ​ക്കും?

⁵ സമുദ്രത്തിൽ ആയിരി​ക്കുന്ന നാവികർ സോരി​ന്റെ വീഴ്‌ചയെ കുറിച്ച്‌ എങ്ങനെ​യാണ്‌ അറിയുക? യെശയ്യാവ്‌ ഇങ്ങനെ ഉത്തരം നൽകുന്നു: “കിത്തീം​ദേ​ശ​ത്തു​വെച്ചു അവർക്കു അറിവു കിട്ടി​യി​രി​ക്കു​ന്നു.” (യെശയ്യാ​വു 23:1ബി) ഫൊയ്‌നി​ക്യ​യു​ടെ തീരത്തിന്‌ 100 കിലോ​മീ​റ്റർ പടിഞ്ഞാ​റാ​യി സ്ഥിതി ചെയ്യുന്ന സൈ​പ്രസ്‌ ദ്വീപി​നെ ആകാം ‘കിത്തീം ദേശം’ എന്നതു​കൊണ്ട്‌ ഇവിടെ ഉദ്ദേശി​ക്കു​ന്നത്‌. തർശീ​ശിൽനി​ന്നു കിഴ​ക്കോ​ട്ടു പോകുന്ന കപ്പലുകൾ സോരിൽ എത്തുന്ന​തി​നു മുമ്പ്‌ അവസാ​ന​മാ​യി നിറു​ത്തി​യി​ടു​ന്നത്‌ ഇവി​ടെ​യാണ്‌. അതു​കൊണ്ട്‌, സൈ​പ്ര​സിൽ എത്തു​മ്പോൾത്തന്നെ തങ്ങളുടെ സ്വന്ത തുറമു​ഖ​ന​ഗ​ര​ത്തി​ന്റെ പതനത്തെ കുറി​ച്ചുള്ള വാർത്ത നാവി​കർക്കു ലഭിക്കും. അതു കേൾക്കു​മ്പോൾ അവർ ഞെട്ടി​ത്ത​രി​ക്കും! അന്ധാളി​ച്ചു പോകുന്ന അവർ അതിദുഃ​ഖ​ത്തോ​ടെ ‘മുറയി​ടും.’

6. സോരും സീദോ​നും തമ്മിലുള്ള ബന്ധം വിവരി​ക്കുക.

 ⁶ ഫൊയ്‌നിക്യ സമു​ദ്ര​തീ​രത്തെ ആളുകൾക്കും അന്ധാളിപ്പ്‌ ഉണ്ടാകും. പ്രവാ​ചകൻ ഇങ്ങനെ പറയുന്നു: “സമു​ദ്ര​തീ​ര​നി​വാ​സി​കളേ, മിണ്ടാ​തെ​യി​രി​പ്പിൻ; സമു​ദ്ര​സ​ഞ്ചാ​രം ചെയ്യുന്ന സീദോ​ന്യ​വർത്ത​ക​ന്മാർ [‘സീദോ​ന്യ കച്ചവട​ക്കാർ,’ “ഓശാന ബൈ.”] നിന്നെ പരിപൂർണ്ണ​യാ​ക്കി​യ​ല്ലോ. വലിയ വെള്ളത്തി​ന്മേൽ സീഹോർപ്ര​ദേ​ശത്തെ കൃഷി​യും നീലന​ദി​യി​ങ്കലെ [നൈൽ നദിയി​ലെ] കൊയ്‌ത്തും അതിന്നു ആദായ​മാ​യ്‌വന്നു; അതു ജാതി​ക​ളു​ടെ ചന്ത ആയിരു​ന്നു.” (യെശയ്യാ​വു 23:2, 3) ‘സമു​ദ്ര​തീ​ര​നി​വാ​സി​കൾ’—സോരി​ന്റെ അയൽക്കാർ—സോരി​ന്റെ വിപത്‌ക​ര​മായ പതനത്തിൽ സ്‌തബ്ധ​രാ​യി​ത്തീ​രും, അവർ നിശ്ശബ്‌ദ​രാ​യി​രി​ക്കും. ഈ നിവാ​സി​കളെ ‘പരിപൂർണ’മാക്കി​യി​രി​ക്കുന്ന, അതായത്‌ സമ്പന്നമാ​ക്കി​യി​രി​ക്കുന്ന ‘സീദോ​ന്യ കച്ചവട​ക്കാർ’ ആരാണ്‌? സോർ ആദ്യം, 35 കിലോ​മീ​റ്റർ വടക്കു​മാ​റി സ്ഥിതി ചെയ്യുന്ന തുറമു​ഖ​പ​ട്ട​ണ​മായ സീദോ​ന്റെ ഒരു കോളനി ആയിരു​ന്നു. സീദോൻ പുറത്തി​റ​ക്കിയ നാണയ​ങ്ങ​ളിൽ സോരി​ന്റെ മാതാ​വാ​യി അതു സ്വയം ചിത്രീ​ക​രി​ക്കു​ന്നുണ്ട്‌. സമ്പത്തിന്റെ കാര്യ​ത്തിൽ സോർ സീദോ​നെ കടത്തി​വെ​ട്ടി​യെ​ങ്കി​ലും, അത്‌ ഇപ്പോ​ഴും ‘സീദോൻപു​ത്രി’ ആണെന്നു മാത്രമല്ല അതിലെ നിവാ​സി​കൾ തങ്ങളെ സീദോ​ന്യർ എന്നാണു വിളി​ക്കു​ന്ന​തും. (യെശയ്യാ​വു 23:12) അതു​കൊണ്ട്‌, ‘സീദോ​ന്യ കച്ചവട​ക്കാർ’ എന്ന പ്രയോ​ഗം വാണി​ജ്യ​ക്കാ​രായ സോർ നിവാ​സി​കളെ ആയിരി​ക്കാം സൂചി​പ്പി​ക്കു​ന്നത്‌.

7. സീദോ​ന്യ കച്ചവട​ക്കാർ ആദായം നേടി​ക്കൊ​ടു​ക്കു​ന്നത്‌ എങ്ങനെ?

⁷ സമ്പന്നരായ സീദോ​ന്യ വ്യാപാ​രി​കൾ മെഡി​റ്റ​റേ​നി​യൻ കടൽ കുറുകെ കടന്നാണ്‌ വാണിജ്യ ഇടപാ​ടു​ക​ളിൽ ഏർപ്പെ​ടു​ന്നത്‌. അവർ സീഹോർ പ്രദേ​ശത്തു നിന്നുള്ള വിത്തുകൾ അഥവാ ധാന്യങ്ങൾ പല ദേശങ്ങ​ളി​ലും എത്തിക്കു​ന്നു. നൈൽ നദിയു​ടെ ഏറ്റവും കിഴക്കേ ശാഖ ഒഴുകുന്ന ഈജി​പ്‌തി​ലെ ഡെൽറ്റാ പ്രദേ​ശ​മാ​ണു സീഹോർ. (യിരെ​മ്യാ​വു 2:18 താരത​മ്യം ചെയ്യുക.) ‘നൈൽ നദിയി​ലെ കൊയ്‌ത്തിൽ’ ഈജി​പ്‌തിൽ നിന്നുള്ള മറ്റ്‌ ഉത്‌പ​ന്ന​ങ്ങ​ളും ഉൾപ്പെ​ടു​ന്നു. വാണി​ജ്യം നടത്തു​ന്ന​തും ചരക്കുകൾ കൈമാ​റ്റം നടത്തു​ന്ന​തും നാവി​ക​രായ ഈ വ്യവസാ​യി​കൾക്കും അവർ കച്ചവടം നടത്തുന്ന രാഷ്‌ട്ര​ങ്ങൾക്കും വളരെ ലാഭക​ര​മാണ്‌. തങ്ങളുടെ വാണി​ജ്യ​ത്തി​ലൂ​ടെ സീദോ​ന്യ കച്ചവട​ക്കാർ സോരി​നു വലിയ ആദായം നേടി​ക്കൊ​ടു​ക്കു​ന്നു. ആ നഗരം നശിക്കു​മ്പോൾ അവർ തീവ്ര​മാ​യി ദുഃഖി​ക്കും!

8. സോരി​ന്റെ നാശത്തി​നു സീദോ​ന്റെ​മേൽ എങ്ങനെ​യുള്ള ഫലമാ​ണു​ണ്ടാ​യി​രി​ക്കുക?

⁸ യെശയ്യാവ്‌ തുടർന്നു പറയുന്ന കാര്യങ്ങൾ സീദോ​നെ ഉദ്ദേശി​ച്ചു​ള്ള​താണ്‌: “സീദോ​നേ, ലജ്ജിച്ചു​കൊൾക; എനിക്കു നോവു കിട്ടീ​ട്ടില്ല, ഞാൻ പ്രസവി​ച്ചി​ട്ടില്ല, ബാലന്മാ​രെ പോറ​റീ​ട്ടില്ല, കന്യക​മാ​രെ വളർത്തീ​ട്ടു​മില്ല  എന്നു സമുദ്രം, സമു​ദ്ര​ദുർഗ്ഗം തന്നേ, പറഞ്ഞി​രി​ക്കു​ന്നു.” (യെശയ്യാ​വു 23:4) സോർ നശിപ്പി​ക്ക​പ്പെ​ടു​മ്പോൾ, ആ നഗരം സ്ഥിതി ചെയ്‌തി​രുന്ന സമു​ദ്ര​തീ​രം പാഴാ​യും ശൂന്യ​മാ​യും കിടക്കും. മക്കളെ നഷ്‌ട​പ്പെട്ട ഒരമ്മ ഒരു ഭ്രാന്തി​യെ പോലെ തനിക്ക്‌ ആ കുട്ടികൾ ജനിച്ചി​ട്ടില്ല എന്നു വിളി​ച്ചു​പ​റ​യു​ന്ന​തു​പോ​ലെ, സമുദ്രം വേദന​പ്പെട്ട്‌ നിലവി​ളി​ക്കു​ന്ന​താ​യി തോന്നും. തന്റെ പുത്രി​യായ സോരി​നു സംഭവി​ക്കുന്ന കാര്യത്തെ പ്രതി സീദോൻ ലജ്ജിക്കും.

9. സോരി​ന്റെ പതനത്തെ ചൊല്ലി ആളുകൾക്കുള്ള ദുഃഖം ഏതു സംഭവ​ങ്ങളെ തുടർന്ന്‌ ആളുകൾ പ്രകട​മാ​ക്കിയ വികാ​ര​ത്തി​നു സമാനം ആയിരി​ക്കും?

⁹ അതേ, സോരി​ന്റെ നാശത്തെ ചൊല്ലി നിരവധി പേർ ദുഃഖി​ക്കു​മെ​ന്ന​തിൽ സംശയ​മില്ല. യെശയ്യാവ്‌ പറയുന്നു: “ഈജി​പ്‌തി​നെ കുറി​ച്ചുള്ള വാർത്ത​യു​ടെ കാര്യ​ത്തിൽ എന്നതു​പോ​ലെ, സോരി​നെ കുറി​ച്ചുള്ള വാർത്ത​യിൽ ആളുകൾ ഏറ്റവും വേദനി​ക്കും.” (യെശയ്യാ​വു 23:5, NW) സോരി​നെ കുറി​ച്ചുള്ള വാർത്ത കേൾക്കു​മ്പോൾ ആളുകൾക്ക്‌ ഉണ്ടാകുന്ന ദുഃഖം, ഈജി​പ്‌തി​നെ കുറി​ച്ചുള്ള വാർത്ത കേട്ട​പ്പോൾ ആളുകൾക്കു​ണ്ടായ ദുഃഖ​ത്തി​നു സമാന​മാ​യി​രി​ക്കും. പ്രവാ​ചകൻ ഇവിടെ ഉദ്ദേശി​ക്കു​ന്നത്‌ ഏതു വാർത്ത​യാണ്‌? ഒരുപക്ഷേ, ‘മിസ്ര​യീ​മി’നെ (ഈജി​പ്‌തി​നെ) കുറിച്ച്‌ മുമ്പു ‘പ്രവചിച്ച’ കാര്യ​ത്തി​ന്റെ നിവൃ​ത്തി​യാ​കാം. b (യെശയ്യാ​വു 19:1-25) അല്ലെങ്കിൽ, മോ​ശെ​യു​ടെ കാലത്ത്‌ അനേകർക്കും വിസ്‌മയം ഉളവാ​ക്കുന്ന വിധത്തിൽ ഫറവോ​ന്റെ സൈന്യ​ത്തി​നു​ണ്ടായ നാശത്തെ കുറി​ച്ചുള്ള വാർത്ത​യാ​കാം. (പുറപ്പാ​ടു 15:4, 5, 14-16; യോശുവ 2:9-11) ഇതിൽ ഏതായാ​ലും, സോരി​ന്റെ നാശത്തെ കുറി​ച്ചുള്ള വാർത്ത കേൾക്കു​ന്ന​വർക്കു വലിയ ദുഃഖം തോന്നും. അഭയത്തി​നാ​യി വിദൂ​ര​ത്തുള്ള തർശീ​ശി​ലേക്ക്‌ ഓടി​പ്പോ​കാ​നും തങ്ങളുടെ ദുഃഖം ഉച്ചത്തിൽ അറിയി​ക്കാ​നും അവരോ​ടു കൽപ്പി​ച്ചി​രി​ക്കു​ന്നു: “തർശീ​ശി​ലേക്കു കടന്നു​ചെ​ല്ലു​വിൻ; സമു​ദ്ര​തീ​ര​നി​വാ​സി​കളേ, മുറയി​ടു​വിൻ.”—യെശയ്യാ​വു 23:6.

‘പണ്ടേതന്നെ’ ഉല്ലസി​ക്കു​ന്നു

10-12. സോരി​ലെ സമ്പത്തി​നെ​യും അതിന്റെ പൗരാ​ണി​ക​ത​യെ​യും സ്വാധീ​ന​ത്തെ​യും കുറിച്ച്‌ വിവരി​ക്കുക.

¹⁰ സോർ ഒരു പുരാതന നഗരമാണ്‌. പിൻവ​രു​ന്ന​പ്ര​കാ​രം ചോദി​ക്കു​മ്പോൾ യെശയ്യാവ്‌ അക്കാര്യ​മാണ്‌ നമ്മെ ഓർമി​പ്പി​ക്കു​ന്നത്‌: “പുരാ​ത​ന​മാ​യി പണ്ടേയുള്ള നിങ്ങളു​ടെ ഉല്ലസി​ത​ന​ഗരം ഇതാകു​ന്നു​വോ?” (യെശയ്യാ​വു 23:7എ) യോശു​വ​യു​ടെ കാലം മുതലേ സമ്പന്നമായ ഒരു നഗരമാണ്‌ സോർ. (യോശുവ 19:29) ലോഹം​കൊ​ണ്ടും സ്‌ഫടി​കം​കൊ​ണ്ടും ഉള്ള വസ്‌തു​ക്ക​ളും ധൂമ്ര​വർണ ഡൈക​ളു​മൊ​ക്കെ ഉത്‌പാ​ദി​പ്പി​ക്കു​ന്ന​തിൽ  നിരവധി വർഷങ്ങ​ളാ​യി പ്രസി​ദ്ധ​മാണ്‌ ആ നഗരം. അവിടെ ഉണ്ടാക്കുന്ന ധൂമ്ര​വർണ​ത്തു​ണി​കൾ വളരെ വിലപി​ടി​പ്പു​ള്ള​വ​യാണ്‌. സോരിൽ ഉണ്ടാക്കുന്ന ഇത്തരം വിലകൂ​ടിയ വസ്‌ത്രങ്ങൾ സമ്പന്നർക്ക്‌ ഏറെ പ്രിയ​പ്പെ​ട്ട​വ​യാ​യി​രു​ന്നു. (യെഹെ​സ്‌കേൽ 27:7, 24 താരത​മ്യം ചെയ്യുക.) വൻകര​യു​ടെ മറ്റു സ്ഥലങ്ങളിൽനിന്ന്‌ എത്തുന്ന കച്ചവട​ക്കാ​രു​ടെ വാണി​ജ്യ​കേ​ന്ദ്ര​മായ സോർ നഗരം കയറ്റി​റ​ക്കു​മതി ധാരാളം നടക്കുന്ന ഒരു സ്ഥലം കൂടി​യാണ്‌.

¹¹ മാത്രമല്ല, സൈനി​ക​മാ​യി നോക്കി​യാ​ലും ഈ നഗരം പ്രബല​മാണ്‌. എൽ. സ്‌​പ്രേഗ്‌ ഡി ക്യാമ്പ്‌ ഇങ്ങനെ എഴുതു​ന്നു: “ഫൊയ്‌നി​ക്യർ പട്ടാള​ക്കാർ ആയിരു​ന്നില്ല, അവർ ബിസി​ന​സു​കാ​രാ​യി​രു​ന്നു. യുദ്ധോ​ന്മു​ഖർ അല്ലായി​രു​ന്നെ​ങ്കി​ലും, ചങ്കുറ​പ്പോ​ടും വീറോ​ടും കൂടെ​ത്തന്നെ അവർ തങ്ങളുടെ നഗരങ്ങളെ സംരക്ഷി​ച്ചി​രു​ന്നു. ഈ ഗുണങ്ങ​ളും ഒപ്പം അവരുടെ നാവിക ശക്തിയും അക്കാലത്തെ ഏറ്റവും പ്രബല ശക്തിയായ അസീറി​യൻ സൈന്യ​ത്തോ​ടു പൊരു​തി​നിൽക്കാൻ അവരെ പ്രാപ്‌ത​രാ​ക്കി.”

¹² തീർച്ചയായും, മെഡി​റ്റ​റേ​നി​യൻ മേഖല​യിൽ സോരി​നു നിർണാ​യ​ക​മായ സ്ഥാനമുണ്ട്‌. “സ്വന്തകാൽ അതിനെ ദൂരത്തു പ്രവാസം ചെയ്‌വാൻ വഹിച്ചു കൊണ്ടു​പോ​കും.” (യെശയ്യാ​വു 23:7ബി) ഇപ്പോൾത്തന്നെ ഫൊയ്‌നി​ക്യർ ദൂരസ്ഥ​ല​ങ്ങ​ളി​ലേക്കു യാത്ര ചെയ്യു​ക​യും ആ സ്ഥലങ്ങളിൽ പലതി​നെ​യും വാണിജ്യ കേന്ദ്ര​ങ്ങ​ളും കപ്പലു​കൾക്കുള്ള ഇടക്കാല താവള​ങ്ങ​ളു​മാ​ക്കി മാറ്റു​ക​യും ചെയ്യുന്നു. ചില​പ്പോ​ഴൊ​ക്കെ, അത്തരം താവള​ങ്ങ​ളിൽ ചിലത്‌ കോള​നി​ക​ളാ​യി വികാസം പ്രാപി​ക്കാ​റുണ്ട്‌. ഉദാഹ​ര​ണ​ത്തിന്‌, സോരി​ന്റെ ഒരു കോള​നി​യാണ്‌ ആഫ്രി​ക്ക​യു​ടെ വടക്കൻ തീരത്തുള്ള കാർത്തേജ്‌. ഭാവി​യിൽ കാർത്തേ​ജിന്‌ സോരി​നെ​ക്കാൾ പ്രാമു​ഖ്യത കൈവ​രു​ക​യും മെഡി​റ്റ​റേ​നി​യൻ മേഖല​യി​ലുള്ള സ്വാധീ​ന​ത്തി​ന്റെ കാര്യ​ത്തിൽ റോമി​നോട്‌ അതു കിടപി​ടി​ക്കു​ക​യും ചെയ്യും.

അതിന്റെ അഭിമാ​നം നിന്ദയാ​യി മാറും

13. ‘സോരി​നെ​തി​രെ ന്യായ​വി​ധി ഉച്ചരി​ക്കാൻ ആരാണു ധൈര്യ​പ്പെ​ടുക’ എന്ന ചോദ്യം ഉന്നയി​ക്ക​പ്പെ​ടു​ന്നത്‌ എന്തു​കൊണ്ട്‌?

¹³ സോരിന്റെ പൗരാ​ണി​ക​ത​യും സമ്പത്തും കണക്കി​ലെ​ടു​ക്കു​മ്പോൾ, യെശയ്യാ​വി​ന്റെ തുടർന്നുള്ള ചോദ്യം ഉചിത​മാണ്‌: “കിരീടം നല്‌കു​ന്ന​തും വർത്തക​ന്മാർ [“കച്ചവട​ക്കാർ,” “ഓശാന ബൈ.”] പ്രഭു​ക്ക​ന്മാ​രും വ്യാപാ​രി​കൾ ഭൂമി​യി​ലെ മഹാന്മാ​രു​മാ​യു​ള്ള​തു​മായ സോരി​നെ​ക്കു​റി​ച്ചു അതു നിർണ്ണ​യി​ച്ച​താർ?” (യെശയ്യാ​വു 23:8) സോർ അതിന്റെ കോള​നി​ക​ളി​ലും മറ്റിട​ങ്ങ​ളി​ലും ശക്തരായ വ്യക്തി​ക​ളെ​യാണ്‌  അധികാ​ര​സ്ഥാ​ന​ങ്ങ​ളിൽ ആക്കി​വെ​ച്ചി​രി​ക്കു​ന്നത്‌. അങ്ങനെ “കിരീടം നല്‌കുന്ന” സോരി​നെ​തി​രെ സംസാ​രി​ക്കാൻ ആരാണു ധൈര്യ​പ്പെ​ടുക? കച്ചവട​ക്കാർ പ്രഭു​ക്ക​ന്മാ​രും വ്യാപാ​രി​കൾ മഹാന്മാ​രു​മാ​യുള്ള മഹാന​ഗ​ര​ത്തി​നെ​തി​രെ സംസാ​രി​ക്കാൻ ആരാണു ധൈര്യ​പ്പെ​ടുക? ലബാ​നോ​നി​ലെ ബെയ്‌റൂ​ട്ടി​ലുള്ള നാഷണൽ മ്യൂസി​യ​ത്തി​ലെ പൗരാ​ണിക വിഭാ​ഗ​ത്തി​ന്റെ മുൻ ഡയറക്‌ട​റായ മോറിസ്‌ ഷേഹാബ്‌ ഇപ്രകാ​രം പറഞ്ഞു: “ഇരുപ​താം നൂറ്റാ​ണ്ടി​ന്റെ തുടക്ക​ത്തിൽ ലണ്ടന്‌ ഉണ്ടായി​രുന്ന പ്രാധാ​ന്യ​മാണ്‌, ക്രിസ്‌തു​വിന്‌ മുമ്പ്‌ ഒമ്പതു മുതൽ ആറു വരെയുള്ള നൂറ്റാ​ണ്ടു​ക​ളിൽ സോരിന്‌ ഉണ്ടായി​രു​ന്നത്‌.” അങ്ങനെ​യുള്ള ഈ നഗരത്തി​നെ​തി​രെ സംസാ​രി​ക്കാൻ ആരാണു ധൈര്യ​പ്പെ​ടുക?

14. ആരാണ്‌ സോരി​നെ​തി​രെ ന്യായ​വി​ധി പ്രഖ്യാ​പി​ക്കു​ന്നത്‌, എന്തു​കൊണ്ട്‌?

¹⁴ ആ ചോദ്യ​ത്തി​നു ദൈവം നൽകുന്ന ഉത്തരം സോരി​നെ അന്ധാളി​പ്പി​ക്കും. യെശയ്യാവ്‌ ഇപ്രകാ​രം പറയുന്നു: “സകല മഹത്വ​ത്തി​ന്റെ​യും ഗർവ്വത്തെ അശുദ്ധ​മാ​ക്കേ​ണ്ട​തി​ന്നും ഭൂമി​യി​ലെ സകലമ​ഹാ​ന്മാ​രെ​യും അപമാ​നി​ക്കേ​ണ്ട​തി​ന്നും സൈന്യ​ങ്ങ​ളു​ടെ യഹോവ അതു നിർണ്ണ​യി​ച്ചി​രി​ക്കു​ന്നു.” (യെശയ്യാ​വു 23:9) സമ്പന്നമായ ഈ പുരാതന നഗരത്തി​നെ​തി​രെ യഹോവ എന്തു​കൊ​ണ്ടാ​ണു ന്യായ​വി​ധി ഉച്ചരി​ക്കു​ന്നത്‌? ആ നഗരത്തി​ലെ നിവാ​സി​കൾ വ്യാജ​ദൈ​വ​മായ ബാലിനെ ആരാധി​ക്കു​ന്നതു കൊണ്ടാ​ണോ? അതോ ഇസ്രാ​യേ​ലി​ലെ ആഹാബ്‌ രാജാ​വി​നെ വിവാഹം കഴിക്കു​ക​യും യഹോ​വ​യു​ടെ പ്രവാ​ച​ക​ന്മാ​രെ വധിക്കു​ക​യും ചെയ്‌ത ഈസേ​ബെ​ലു​മാ​യി—സീദോ​ന്റെ​യും സോരി​ന്റെ​യും രാജാ​വായ ഏത്ത്‌-ബാലിന്റെ പുത്രി​യു​മാ​യി—സോരി​നു ബന്ധമു​ള്ള​തു​കൊ​ണ്ടാ​ണോ? (1 രാജാ​ക്ക​ന്മാർ 16:29, 31; 18:4, 13, 19) അതു രണ്ടുമല്ല കാരണം. കടുത്ത അഹങ്കാരം കാട്ടി​യ​തും ഇസ്രാ​യേ​ല്യർ ഉൾപ്പെടെ മറ്റു ജനതകളെ ദ്രോ​ഹിച്ച്‌ അതിന്റെ സമ്പത്തു വർധി​പ്പി​ച്ച​തും നിമി​ത്ത​മാണ്‌ സോരി​നെ ദൈവം കുറ്റം വിധി​ച്ചി​രി​ക്കു​ന്നത്‌. പൊ.യു.മു. ഒമ്പതാം നൂറ്റാ​ണ്ടിൽ പ്രവാ​ച​ക​നായ യോവേൽ മുഖാ​ന്തരം യഹോവ സോരി​നോ​ടും മറ്റു നഗരങ്ങ​ളോ​ടും ഇങ്ങനെ പ്രസ്‌താ​വി​ച്ചു: “യെഹൂ​ദ്യ​രെ​യും യെരൂ​ശ​ലേ​മ്യ​രെ​യും അവരുടെ അതിരു​ക​ളിൽനി​ന്നു ദൂരത്തു അകററു​വാൻ തക്കവണ്ണം നിങ്ങൾ അവരെ യവനന്മാർക്കു വിററു​ക​ളഞ്ഞു.” (യോവേൽ 3:6) കേവലം കച്ചവട​ച്ച​ര​ക്കു​കൾ എന്നപോ​ലെ തന്റെ ഉടമ്പടി​ജ​ന​ത്തോ​ടു സോർ പെരു​മാ​റു​ന്നത്‌ ദൈവ​ത്തിന്‌ എങ്ങനെ സഹിക്കാ​നാ​കും?

15. യെരൂ​ശ​ലേം നെബൂ​ഖ​ദ്‌നേ​സ​രി​ന്റെ മുമ്പാകെ തോൽക്കു​മ്പോൾ, സോർ എങ്ങനെ പ്രതി​ക​രി​ക്കും?

¹⁵ ഒരു നൂറ്റാണ്ടു കഴിഞ്ഞി​ട്ടും സോരി​ന്റെ മനോ​ഭാ​വ​ത്തി​നു മാറ്റം വരുന്നില്ല. പൊ.യു.മു. 607-ൽ ബാബി​ലോ​ണി​യൻ രാജാ​വായ നെബൂ​ഖ​ദ്‌നേ​സ​രി​ന്റെ സൈന്യം യെരൂ​ശ​ലേ​മി​നെ നശിപ്പി​ക്കു​മ്പോൾ, സോർ  പിൻവ​രുന്ന പ്രകാരം പറഞ്ഞു​കൊണ്ട്‌ സന്തോ​ഷി​ക്കും: “നന്നായി, ജാതി​ക​ളു​ടെ വാതി​ലാ​യി​രു​ന്നവൾ തകർന്നു​പോ​യി; അവൾ എങ്കലേക്കു തിരി​ഞ്ഞി​രി​ക്കു​ന്നു; അവൾ ശൂന്യ​മാ​യ്‌തീർന്നി​രി​ക്ക​യാൽ ഞാൻ നിറയും.” (യെഹെ​സ്‌കേൽ 26:2) യെരൂ​ശ​ലേ​മി​ന്റെ നാശം​കൊണ്ട്‌ ഗുണമു​ണ്ടാ​കു​മെന്ന പ്രതീ​ക്ഷ​യിൽ സോർ സന്തോ​ഷി​ക്കും. യഹൂദ​യു​ടെ തലസ്ഥാ​ന​മായ യെരൂ​ശ​ലേം മേലാൽ വാണി​ജ്യ​രം​ഗത്ത്‌ തന്നോടു മത്സരി​ക്കു​ക​യി​ല്ലെ​ന്നും തനിക്കു കൂടുതൽ കച്ചവടം ലഭിക്കു​മെ​ന്നും അവൾ കരുതും. അഹങ്കാ​ര​പൂർവം തന്റെ ജനത്തിന്റെ ശത്രു​ക്ക​ളു​ടെ പക്ഷം ചേരുന്ന, ‘മഹാന്മാർ’ എന്നു സ്വയം പ്രഖ്യാ​പി​ക്കുന്ന ആളുക​ളോട്‌ യഹോവ അവജ്ഞ​യോ​ടെ ഇടപെ​ടും.

16, 17. സോർ നഗരം നശിക്കു​മ്പോൾ അതിലെ നിവാ​സി​കൾക്ക്‌ എന്തു സംഭവി​ക്കും? (അടിക്കു​റിപ്പ്‌ കാണുക.)

¹⁶ സോരിന്റെ മേലുള്ള യഹോ​വ​യു​ടെ കുറ്റവി​ധി​യെ കുറിച്ച്‌ യെശയ്യാവ്‌ തുടർന്നു പറയുന്നു: “തർശീ​ശ്‌പു​ത്രി​യേ, ഇനി ബന്ധനമി​ല്ലാ​യ്‌ക​യാൽ നീ നീലന​ദി​പോ​ലെ നിന്റെ ദേശത്തെ കവി​ഞ്ഞൊ​ഴു​കുക. അവൻ സമു​ദ്ര​ത്തി​ന്മേൽ കൈനീ​ട്ടി, രാജ്യ​ങ്ങളെ നടുക്കി​യി​രി​ക്കു​ന്നു; യഹോവ കനാ​നെ​ക്കു​റി​ച്ചു അതിന്റെ കോട്ട​കളെ നശിപ്പി​പ്പാൻ കല്‌പ​ന​കൊ​ടു​ത്തി​രി​ക്കു​ന്നു. ബലാല്‌ക്കാ​രം അനുഭ​വിച്ച കന്യക​യായ സീദോൻപു​ത്രീ, ഇനി നീ ഉല്ലസി​ക്ക​യില്ല; എഴു​ന്നേ​ററു കിത്തീ​മി​ലേക്കു കടന്നു​പോക; അവി​ടെ​യും നിനക്കു സ്വസ്ഥത ഉണ്ടാക​യില്ല എന്നു അവൻ കല്‌പി​ച്ചി​രി​ക്കു​ന്നു.”—യെശയ്യാ​വു 23:10-12.

¹⁷ “തർശീ​ശ്‌പു​ത്രി” എന്നു സോരി​നെ വിളി​ച്ചി​രി​ക്കു​ന്നത്‌ എന്തു​കൊ​ണ്ടാണ്‌? ഒരുപക്ഷേ സോരി​ന്റെ പരാജ​യ​ത്തി​നു​ശേഷം, തർശീശ്‌ ഇരു നഗരങ്ങ​ളി​ലും വെച്ച്‌ പ്രബല​മായ ഒന്നായി​ത്തീ​രും എന്നതു​കൊ​ണ്ടാ​കാം. c പ്രളയ​സ​മ​യത്ത്‌ കരകൾ തകർന്ന്‌ ചുറ്റു​മുള്ള സമതല​പ്ര​ദേ​ശ​ങ്ങ​ളി​ലേക്കു വെള്ളം കവി​ഞ്ഞൊ​ഴു​കു​ന്നതു പോലെ, ശൂന്യ​മാ​ക്ക​പ്പെ​ടുന്ന സോരി​ലെ നിവാ​സി​കൾ ചിതറി​ക്ക​പ്പെ​ടും. “തർശീ​ശ്‌പു​ത്രി”ക്കുള്ള യെശയ്യാ​വി​ന്റെ സന്ദേശം, സോരി​നു സംഭവി​ക്കാ​നി​രി​ക്കുന്ന കാര്യ​ത്തി​ന്റെ ഗൗരവ​ത്തിന്‌ അടിവ​ര​യി​ടു​ന്നു. യഹോ​വ​തന്നെ കൈനീ​ട്ടി കൽപ്പന കൊടു​ക്കു​ന്നു. ആർക്കും അതിന്റെ പരിണ​തി​ക്കു മാറ്റം വരുത്താ​നാ​വില്ല.

18. സോരി​നെ ‘കന്യക​യായ സീദോൻപു​ത്രി’ എന്നു വിളി​ച്ചി​രി​ക്കു​ന്നത്‌ എന്തു​കൊണ്ട്‌, സോരി​ന്റെ അവസ്ഥയ്‌ക്ക്‌ എങ്ങനെ മാറ്റം വരും?

 ¹⁸ യെശയ്യാവ്‌ സോരി​നെ കുറിച്ച്‌ ‘കന്യക​യായ സീദോൻപു​ത്രി’ എന്നൊരു പരാമർശം നടത്തു​ന്നുണ്ട്‌. മുമ്പൊ​രി​ക്ക​ലും ഒരു വിദേശ രാജ്യ​വും സോരി​നെ പിടി​ച്ച​ട​ക്കു​ക​യോ കൊള്ള​യി​ടു​ക​യോ ചെയ്‌തി​ട്ടില്ല എന്നും ഇപ്പോ​ഴും അത്‌ അങ്ങനെ​തന്നെ തുടരു​ന്നു​വെ​ന്നു​മാണ്‌ പ്രസ്‌തുത പ്രയോ​ഗം സൂചി​പ്പി​ക്കു​ന്നത്‌. (2 രാജാ​ക്ക​ന്മാർ 19:21; യെശയ്യാ​വു 47:1; യിരെ​മ്യാ​വു 46:11 എന്നിവ താരത​മ്യം ചെയ്യുക.) ഇനിയാ​കട്ടെ, സോരി​നെ ശത്രുക്കൾ നശിപ്പി​ക്കാൻ പോകു​ക​യാണ്‌. തന്മൂലം, അവിടത്തെ നിവാ​സി​ക​ളിൽ ചിലർ അഭയാർഥി​കളെ പോലെ ഫൊയ്‌നി​ക്യ കോള​നി​യായ കിത്തീ​മി​ലേക്കു പോകും. എന്നാൽ, സാമ്പത്തി​ക​ശേഷി നഷ്‌ട​പ്പെട്ട അവർക്ക്‌ അവി​ടെ​യും സമാധാ​നം കണ്ടെത്താ​നാ​വില്ല.

കൽദയർ അതിനെ നശിപ്പി​ക്കും

19, 20. പ്രവചനം അനുസ​രിച്ച്‌ സോരി​നെ ആർ ജയിച്ച​ട​ക്കും, ആ പ്രവചനം എങ്ങനെ നിവൃ​ത്തി​യേ​റു​ന്നു?

¹⁹ ഏതു രാഷ്‌ട്ര​മാ​യി​രി​ക്കും സോരി​ന്റെ​മേൽ യഹോ​വ​യു​ടെ ന്യായ​വി​ധി നടപ്പാ​ക്കുക? യെശയ്യാവ്‌ ഇപ്രകാ​രം പ്രഖ്യാ​പി​ക്കു​ന്നു: “ഇതാ, കല്‌ദ​യ​രു​ടെ ദേശം! ഈ ജനം ഇല്ലാ​തെ​യാ​യി; അശ്ശൂർ അതിനെ മരുമൃ​ഗ​ങ്ങൾക്കാ​യി നിയമി​ച്ചു​ക​ളഞ്ഞു; അവർ തങ്ങളുടെ കാവൽമാ​ളി​ക​കളെ പണിതു അതിലെ അരമന​കളെ ഇടിച്ചു, അതിനെ ശൂന്യ​കൂ​മ്പാ​ര​മാ​ക്കി​ത്തീർത്തു. തർശീ​ശ്‌ക​പ്പ​ലു​കളേ, മുറയി​ടു​വിൻ; നിങ്ങളു​ടെ കോട്ട ശൂന്യ​മാ​യി​പ്പോ​യ​ല്ലോ.” (യെശയ്യാ​വു 23:13, 14) സോരി​നെ പിടി​ച്ച​ട​ക്കു​ന്നത്‌ അസീറി​യ​ക്കാർ അല്ല, മറിച്ച്‌ കൽദയർ ആയിരി​ക്കും. അവർ ഉപരോധ ഗോപു​രങ്ങൾ തീർക്കു​ക​യും സോരി​ലെ പാർപ്പി​ട​ങ്ങളെ നശിപ്പി​ക്കു​ക​യും തർശീശ്‌ കപ്പലു​ക​ളു​ടെ ശക്തിദുർഗ​മായ അതിനെ ശൂന്യ​ശി​ഷ്‌ട​ങ്ങ​ളു​ടെ ഒരു കൂമ്പാ​ര​മാ​ക്കി മാറ്റു​ക​യും ചെയ്യും.

²⁰ പ്രവചിക്കപ്പെട്ടതു പോ​ലെ​തന്നെ, യെരൂ​ശ​ലേം കീഴട​ക്ക​പ്പെട്ട്‌ അധിക​കാ​ലം കഴിയു​ന്ന​തി​നു മുമ്പ്‌ സോർ ബാബി​ലോ​ണി​നെ​തി​രെ വിപ്ലവം നടത്തുന്നു. തന്മൂലം നെബൂ​ഖ​ദ്‌നേസർ ആ നഗരത്തെ ഉപരോ​ധി​ക്കു​ന്നു. അജയ്യ​മെന്നു സ്വയം കരുതി​യി​രുന്ന സോർ അവനോ​ടു ചെറു​ത്തു​നിൽക്കു​ന്നു. ഉപരോ​ധ​സ​മ​യത്ത്‌, ശിരോ​ക​വചം തുടർച്ച​യാ​യി ധരിച്ച​തി​ന്റെ ഫലമായി ബാബി​ലോ​ണി​യൻ സൈനി​ക​രു​ടെ തലകൾ “കഷണ്ടി​യാ​യി,” ഉപരോധ സംബന്ധ​മായ നിർമാണ പ്രവർത്ത​ന​ങ്ങൾക്ക്‌ ആവശ്യ​മായ വസ്‌തു​ക്കൾ ചുമന്ന്‌ അവരുടെ തോളു​ക​ളി​ലെ “തോലു​രി​ഞ്ഞു​പോ​യി.” (യെഹെ​സ്‌കേൽ 29:18) പ്രസ്‌തുത ഉപരോ​ധം ഏർപ്പെ​ടു​ത്താൻ നെബൂ​ഖ​ദ്‌നേ​സ​രിന്‌ ഭീമമായ ചെലവു​ണ്ടാ​യി. വൻകര​യു​ടെ തീരത്തുള്ള സോർ നഗരത്തെ നശിപ്പി​ക്കാൻ കഴി​ഞ്ഞെ​ങ്കി​ലും, അവി​ടെ​നി​ന്നു  കൊള്ള കൊണ്ടു​പോ​കാൻ അവനു കഴിയു​ന്നില്ല. സോർ നിവാ​സി​കൾ തങ്ങളുടെ നഗരത്തി​ലെ സമൃദ്ധ​മായ സ്വത്തുക്കൾ തീരത്തു​നിന്ന്‌ ഏകദേശം ഒരു കിലോ​മീ​റ്റർ അകലെ​യുള്ള ഒരു ചെറു​ദ്വീ​പി​ലേക്കു മാറ്റുന്നു. കപ്പലുകൾ ഇല്ലാഞ്ഞ കൽദയ രാജാ​വിന്‌ ആ ദ്വീപി​നെ ആക്രമി​ക്കാൻ കഴിയു​ന്നില്ല. കൽദയ​രു​ടെ 13 വർഷത്തെ ഉപരോ​ധ​ത്തി​നു ശേഷം, സോർ കീഴട​ങ്ങു​ന്നു. എന്നിരു​ന്നാ​ലും, സോർ ആ തോൽവി​യെ അതിജീ​വിച്ച്‌ മറ്റു പ്രവച​ന​ങ്ങ​ളു​ടെ നിവൃത്തി കാണും.

‘അതു തന്റെ ആദായ​ത്തി​ന്നാ​യി തിരി​യും’

21. ഏത്‌ അർഥത്തി​ലാണ്‌ സോർ ‘വിസ്‌മ​രി​ക്ക​പ്പെ​ടു​ന്നത്‌,’ എത്ര കാല​ത്തേക്ക്‌?

²¹ യെശയ്യാവ്‌ തന്റെ പ്രവചനം തുടരു​ന്നു: “അന്നാളിൽ സോർ, ഒരു രാജാ​വി​ന്റെ കാലത്തി​ന്നൊത്ത എഴുപതു സംവത്സ​ര​ത്തേക്കു മറന്നു​കി​ട​ക്കും.” (യെശയ്യാ​വു 23:15എ) ബാബി​ലോ​ണി​യർ വൻകര​യു​ടെ തീരത്തുള്ള സോർ നഗരത്തെ നശിപ്പി​ച്ചു​ക​ഴി​യു​മ്പോൾ, ദ്വീപ​ന​ഗ​ര​മായ സോർ “മറന്നു​കി​ട​ക്കും” അഥവാ വിസ്‌മ​രി​ക്ക​പ്പെട്ടു കിടക്കും. പ്രവചി​ക്ക​പ്പെ​ട്ടതു പോലെ “ഒരു രാജാ​വി​ന്റെ” കാലത്ത്‌, അതായത്‌ ബാബി​ലോ​ണി​യൻ സാമ്രാ​ജ്യ​ത്തി​ന്റെ നാളു​ക​ളിൽ ദ്വീപ​ന​ഗ​ര​മായ സോർ ഒരു പ്രമുഖ സാമ്പത്തിക ശക്തിയാ​യി​രി​ക്കില്ല. തന്റെ ക്രോ​ധ​മ​ദ്യം കുടി​ക്കാൻ വേർതി​രി​ക്ക​പ്പെ​ട്ടി​രി​ക്കുന്ന രാഷ്‌ട്ര​ങ്ങ​ളു​ടെ കൂട്ടത്തിൽ സോരും ഉണ്ടായി​രി​ക്കു​മെന്ന്‌ യിരെ​മ്യാവ്‌ മുഖാ​ന്തരം യഹോവ വെളി​പ്പെ​ടു​ത്തു​ന്നു. അവൻ ഇങ്ങനെ പറയുന്നു: “ഈ ജാതികൾ ബാബേൽരാ​ജാ​വി​നെ എഴുപതു സംവത്സരം സേവി​ക്കും.” (യിരെ​മ്യാ​വു 25:8-17, 22, 27) പൊ.യു.മു. 539-ൽ ബാബി​ലോ​ണി​യൻ സാമ്രാ​ജ്യം തകർന്ന​തി​നാൽ, സോർ എന്ന ദ്വീപ​രാ​ഷ്‌ട്രം എഴുപതു വർഷം തികച്ച്‌ ബാബി​ലോ​ണിന്‌ അധീന​മാ​യി​രി​ക്കു​ന്നില്ല. “ദൈവ​ത്തി​ന്റെ നക്ഷത്ര​ങ്ങൾക്കു” മീതെ പോലും സിംഹാ​സനം സ്ഥാപി​ക്കു​മെന്ന്‌ അഹങ്കരി​ക്കുന്ന ബാബി​ലോ​ണി​യൻ രാജവം​ശ​ത്തി​ന്റെ ഏറ്റവും പ്രബല​മായ അധീശത്വ കാലഘ​ട്ട​ത്തെ​യാണ്‌ തെളി​വ​നു​സ​രിച്ച്‌ ഈ 70 വർഷങ്ങൾ പ്രതി​നി​ധാ​നം ചെയ്യു​ന്നത്‌. (യെശയ്യാ​വു 14:13) പല സമയങ്ങ​ളി​ലാ​യി​ട്ടാണ്‌ പല രാജ്യങ്ങൾ ബാബി​ലോ​ണി​ന്റെ അധീന​ത​യിൽ ആകുന്നത്‌. എന്നാൽ, 70 വർഷത്തി​ന്റെ ഒടുവിൽ ബാബി​ലോ​ണി​ന്റെ ഈ അധീശ​ത്വം അവസാ​നി​ക്കും. അപ്പോൾ സോരിന്‌ എന്തു സംഭവി​ക്കും?

22, 23. ബാബി​ലോ​ണി​യൻ അധീശ​ത്വ​ത്തിൽനിന്ന്‌ സോർ പുറത്തു​വ​രു​മ്പോൾ അതിന്‌ എന്തു സംഭവി​ക്കും?

²² യെശയ്യാവ്‌ തുടർന്നു പറയുന്നു: “എഴുപതു സംവത്സരം കഴിഞ്ഞി​ട്ടു സോരി​ന്നു വേശ്യ​യു​ടെ പാട്ടു​പോ​ലെ സംഭവി​ക്കും: മറന്നു കിടന്നി​രുന്ന വേശ്യയേ, വീണ​യെ​ടു​ത്തു പട്ടണത്തിൽ ചുററി​നടക്ക; നിന്നെ ഓർമ്മ വരേണ്ട​തി​ന്നു നല്ല രാഗം മീട്ടി വളരെ പാട്ടു പാടുക. എഴുപതു  സംവത്സരം കഴിഞ്ഞി​ട്ടു യഹോവ സോരി​നെ സന്ദർശി​ക്കും; അപ്പോൾ അതു തന്റെ ആദായ​ത്തി​ന്നാ​യി തിരിഞ്ഞു, ഭൂമി​യി​ലെ സകല​ലോ​ക​രാ​ജ്യ​ങ്ങ​ളോ​ടും വേശ്യാ​വൃ​ത്തി ചെയ്യും.”—യെശയ്യാ​വു 23:15ബി-17.

²³ പൊ.യു.മു. 539-ലെ ബാബി​ലോ​ണി​ന്റെ തകർച്ചയെ തുടർന്ന്‌ ഫൊയ്‌നി​ക്യ മേദോ-പേർഷ്യ സാമ്രാ​ജ്യ​ത്തി​ന്റെ കീഴി​ലുള്ള ഒരു പ്രവിശ്യ ആയിത്തീ​രു​ന്നു. പേർഷ്യൻ സാമ്രാ​ജ്യാ​ധി​പ​നായ കോ​രെശ്‌ (സൈറസ്‌) വിശാ​ല​മ​ന​സ്‌ക​നായ ഒരു ഭരണാ​ധി​കാ​രി​യാണ്‌. അദ്ദേഹ​ത്തി​ന്റെ ഭരണത്തിൻ കീഴിൽ സോർ അതിന്റെ വ്യാപാര പ്രവർത്ത​നങ്ങൾ പുനഃ​രാ​രം​ഭി​ക്കു​ക​യും ലോക​രം​ഗത്തെ ഒരു പ്രമുഖ വാണി​ജ്യ​കേ​ന്ദ്ര​മെന്ന അതിന്റെ ഖ്യാതി വീണ്ടെ​ടു​ക്കാൻ കഠിന​മാ​യി യത്‌നി​ക്കു​ക​യും ചെയ്യും. ആളുകൾ വിസ്‌മ​രിച്ച, ഇടപാ​ടു​കാ​രെ​യെ​ല്ലാം നഷ്‌ട​പ്പെട്ട ഒരു വേശ്യ വീണയു​മെ​ടുത്ത്‌ നഗരം ചുറ്റി​ന​ടന്ന്‌ പാട്ടുകൾ പാടി പുതിയ ഇടപാ​ടു​കാ​രെ ആകർഷി​ക്കാൻ ശ്രമി​ക്കു​ന്ന​തി​നു സമാന​മാണ്‌ ഇത്‌. ഈ ശ്രമത്തിൽ സോർ വിജയി​ക്കു​മോ? ഉവ്വ്‌, യഹോവ അതിനു വിജയം നൽകും. കാലാ​ന്ത​ര​ത്തിൽ, ആ ദ്വീപ​ന​ഗരം വളരെ സമ്പന്നമാ​യി​ത്തീ​രും. അതിന്റെ ഫലമായി പ്രവാ​ച​ക​നായ സെഖര്യാവ്‌ പൊ.യു.മു. ആറാം നൂറ്റാ​ണ്ടി​ന്റെ അവസാ​ന​ത്തോ​ട​ടുത്ത്‌ ഇപ്രകാ​രം പ്രഖ്യാ​പി​ക്കും: “സോർ തനിക്കു ഒരു കോട്ട പണിതു, പൊടി​പോ​ലെ വെള്ളി​യും വീഥി​ക​ളി​ലെ ചെളി​പോ​ലെ തങ്കവും സ്വരൂ​പി​ച്ചു.”—സെഖര്യാ​വു 9:3.

‘അതിന്റെ ആദായം വിശു​ദ്ധ​മാ​യി​രി​ക്കും’

24, 25. (എ) സോരി​ന്റെ ലാഭം യഹോ​വ​യ്‌ക്കു വിശു​ദ്ധ​മാ​യി​ത്തീ​രു​ന്നത്‌ എങ്ങനെ? (ബി) ദൈവ​ജ​നത്തെ സോർ സഹായി​ക്കു​ന്നെ​ങ്കി​ലും, അതിനെ കുറിച്ച്‌ യഹോവ എന്തു പ്രവചി​ക്കു​ന്നു?

²⁴ പ്രവാചകന്റെ പിൻവ​രുന്ന വാക്കുകൾ എത്ര ശ്രദ്ധേ​യ​മാണ്‌! “അതിന്റെ വ്യാപാ​ര​വും ആദായ​വും യഹോ​വെക്കു വിശുദ്ധം ആയിരി​ക്കും; അതിനെ നിക്ഷേ​പി​ക്ക​യോ സ്വരൂ​പി​ച്ചു​വെ​ക്ക​യോ ചെയ്‌ക​യില്ല; അതിന്റെ വ്യാപാ​രം യഹോ​വ​യു​ടെ സന്നിധി​യിൽ വസിക്കു​ന്ന​വർക്കു മതിയായ ഭക്ഷണത്തി​ന്നും മോടി​യുള്ള ഉടുപ്പി​നു​മാ​യി ഉതകും.” (യെശയ്യാ​വു 23:18) സോരി​ന്റെ ഭൗതിക ലാഭം വിശു​ദ്ധ​മാ​യി​ത്തീ​രു​ന്നത്‌ എങ്ങനെ​യാണ്‌? തന്റെ ഹിതത്തി​നു ചേർച്ച​യിൽ, അതായത്‌ തന്റെ ജനത്തിന്‌ ആവശ്യ​മായ ഭക്ഷണവും വസ്‌ത്ര​വും ലഭിക്കാൻ ഇടയാ​കും​വി​ധം യഹോവ കാര്യ​ങ്ങളെ നയിക്കു​ന്നു. ബാബി​ലോ​ണി​യൻ പ്രവാ​സ​ത്തിൽനിന്ന്‌ ഇസ്രാ​യേ​ല്യർ മടങ്ങി​വ​രു​മ്പോ​ഴാണ്‌ ഇതു സംഭവി​ക്കു​ന്നത്‌. ആലയ പുനർനിർമാ​ണ​ത്തി​നു ദേവദാ​രു വൃക്ഷത്തി​ന്റെ തടികൾ നൽകി​ക്കൊണ്ട്‌ സോരി​ലെ ആളുകൾ അവരെ സഹായി​ക്കു​ന്നു. യെരൂ​ശ​ലേം നഗരവാ​സി​ക​ളു​മാ​യുള്ള വാണിജ്യ ബന്ധവും അവർ പുനഃ​രാ​രം​ഭി​ക്കു​ന്നു.—എസ്രാ 3:7; നെഹെ​മ്യാ​വു 13:16.

 ²⁵ കാര്യങ്ങൾ ഇങ്ങനെ​യൊ​ക്കെ ആണെങ്കി​ലും, സോരി​നെ​തി​രെ യഹോവ മറ്റൊരു പ്രഖ്യാ​പനം നടത്തു​ക​യാണ്‌. ഇപ്പോൾ സമ്പന്നമായ ആ ദ്വീപ​ന​ഗ​രത്തെ കുറിച്ച്‌ സെഖര്യാവ്‌ ഇങ്ങനെ പ്രവചി​ക്കു​ന്നു: “കർത്താവു അവളെ ഇറക്കി, അവളുടെ കൊത്തളം കടലിൽ ഇട്ടുക​ള​യും; അവൾ തീക്കു ഇരയാ​യ്‌തീ​രു​ക​യും ചെയ്യും.” (സെഖര്യാ​വു 9:4) പൊ.യു.മു. 332-ൽ ഗർവി​ഷ്‌ഠ​മായ ആ ദ്വീപ​ന​ഗ​രത്തെ മഹാനായ അലക്‌സാ​ണ്ടർ നശിപ്പി​ക്കു​മ്പോൾ പ്രസ്‌തുത പ്രവച​ന​ത്തി​നു നിവൃത്തി ഉണ്ടാകു​ന്നു.

ഭൗതി​കാ​സ​ക്തി​യും അഹങ്കാ​ര​വും ഒഴിവാ​ക്കു​ക

26. ദൈവം സോരി​നെ കുറ്റം വിധി​ച്ചത്‌ എന്തു​കൊണ്ട്‌?

²⁶ ഗർവത്തെ യഹോവ വെറു​ക്കു​ന്നു. അക്കാര​ണ​ത്താ​ലാണ്‌ അവൻ സോരി​നെ കുറ്റം വിധി​ക്കു​ന്നത്‌. യഹോവ വെറു​ക്കുന്ന ഏഴു കാര്യ​ങ്ങ​ളിൽ ആദ്യം പട്ടിക​പ്പെ​ടു​ത്തി​യി​രി​ക്കു​ന്നത്‌ ‘ഗർവമുള്ള കണ്ണ്‌’ ആണ്‌. (സദൃശ​വാ​ക്യ​ങ്ങൾ 6:16-19) ഗർവ്‌ പിശാ​ചായ സാത്താന്റെ ഒരു ഗുണമാ​ണെന്ന്‌ പൗലൊസ്‌ പറഞ്ഞു. ഗർവി​ഷ്‌ഠ​മായ സോരി​നെ കുറി​ച്ചുള്ള യെഹെ​സ്‌കേ​ലി​ന്റെ വിവരണം സാത്താ​നു​തന്നെ ബാധക​മാണ്‌. (യെഹെ​സ്‌കേൽ 28:13-15; 1 തിമൊ​ഥെ​യൊസ്‌ 3:6) സോർ ഗർവ്‌ കാട്ടി​യത്‌ എന്തു​കൊ​ണ്ടാണ്‌? സോരി​നോ​ടാ​യി യെഹെ​സ്‌കേൽ ഇപ്രകാ​രം പറയുന്നു: ‘നിന്റെ ഹൃദയം ധനംനി​മി​ത്തം ഗർവി​ച്ചി​രി​ക്കു​ന്നു.’ (യെഹെ​സ്‌കേൽ 28:5) വാണി​ജ്യ​ത്തി​ലും സമ്പത്തു സ്വരു​ക്കൂ​ട്ടു​ന്ന​തി​ലും ആയിരു​ന്നു ആ നഗരത്തി​ന്റെ ദത്തശ്രദ്ധ. ഇതിലുള്ള വിജയം സോരി​നെ അങ്ങേയറ്റം ഗർവു​ള്ള​താ​ക്കു​ന്നു. യെഹെ​സ്‌കേൽ മുഖാ​ന്തരം യഹോവ ‘സോർപ്ര​ഭു​വി​നോട്‌’ ഇപ്രകാ​രം പറഞ്ഞു. “നിന്റെ ഹൃദയം നിഗളി​ച്ചു​പോ​യി; . . . ഞാൻ ദൈവ​മാ​കു​ന്നു; ഞാൻ . . . ദൈവാ​സ​ന​ത്തിൽ ഇരിക്കു​ന്നു എന്നു [നീ] പറഞ്ഞു.”—യെഹെ​സ്‌കേൽ 28:2.

27, 28. മനുഷ്യർ ഏതു കെണി​യിൽ വീണു​പോ​യേ​ക്കാം, ഇക്കാര്യം യേശു ഒരു ഉപമയി​ലൂ​ടെ വ്യക്തമാ​ക്കി​യത്‌ എങ്ങനെ?

²⁷ രാഷ്‌ട്രങ്ങളെപ്പോലെതന്നെ വ്യക്തി​ക​ളും ഗർവി​ഷ്‌ഠ​രാ​യി​രി​ക്കു​ക​യും സമ്പത്തു സംബന്ധിച്ച്‌ തെറ്റായ ഒരു വീക്ഷണം പുലർത്തു​ക​യും ചെയ്‌തേ​ക്കാം. ഈ കെണി എത്ര കുടി​ല​മാ​യി​രി​ക്കാൻ കഴിയു​മെന്നു കാണി​ക്കുന്ന ഒരു ഉപമ യേശു നൽകു​ക​യു​ണ്ടാ​യി. ഒരു ധനികനെ കുറി​ച്ചു​ള്ള​താ​യി​രു​ന്നു അത്‌. അയാളു​ടെ വയലുകൾ നന്നായി വിളഞ്ഞി​രു​ന്നു. അതിൽ വളരെ സന്തോ​ഷിച്ച അയാൾ ധാന്യം ശേഖരി​ച്ചു​വെ​ക്കാൻ വലിയ കളപ്പു​രകൾ പണിയാ​നും ദീർഘ​കാ​ലം സുഖമാ​യി ജീവി​ക്കാ​നും ആഗ്രഹി​ച്ചു. എന്നാൽ അയാളു​ടെ ആഗ്രഹം പോലെ കാര്യങ്ങൾ നടന്നില്ല. ദൈവം അയാ​ളോട്‌ ഇങ്ങനെ ചോദി​ച്ചു: “മൂഢാ, ഈ രാത്രി​യിൽ നിന്റെ പ്രാണനെ നിന്നോ​ടു ചോദി​ക്കും. പിന്നെ നീ ഒരുക്കി​വെ​ച്ചതു  ആർക്കാ​കും?” അതേ, അയാൾ മരിച്ച​പ്പോൾ സ്വരു​ക്കൂ​ട്ടിയ സമ്പത്തു​കൊണ്ട്‌ യാതൊ​രു ഗുണവും ഉണ്ടായില്ല.—ലൂക്കൊസ്‌ 12:16-20.

²⁸ പിൻവരുന്ന പ്രകാരം പറഞ്ഞു​കൊണ്ട്‌ യേശു തന്റെ ഉപമ ഉപസം​ഹ​രി​ച്ചു: “ദൈവ​വി​ഷ​യ​മാ​യി സമ്പന്നനാ​കാ​തെ തനിക്കു തന്നേ നിക്ഷേ​പി​ക്കു​ന്ന​വന്റെ കാര്യം ഇങ്ങനെ ആകുന്നു.” (ലൂക്കൊസ്‌ 12:21) സമ്പത്തു​ണ്ടാ​യി​രി​ക്കു​ന്ന​തോ നല്ല വിളവു കിട്ടു​ന്ന​തോ ഒന്നും അതിൽത്തന്നെ തെറ്റല്ല. എന്നാൽ അയാൾക്കു പറ്റിയ തെറ്റ്‌ ഭൗതിക സംഗതി​കൾക്ക്‌ ജീവി​ത​ത്തിൽ ഒന്നാം സ്ഥാനം നൽകി എന്നതാണ്‌. അയാൾ തന്റെ മുഴു ആശ്രയ​വും വെച്ചത്‌ സമ്പത്തി​ലാണ്‌. ഭാവി​യെ​ക്കു​റിച്ച്‌ കണക്കു കൂട്ടി​യ​പ്പോൾ അയാൾ യഹോ​വ​യാം ദൈവ​ത്തെ​ക്കു​റി​ച്ചു ചിന്തി​ച്ച​തേ​യില്ല.

29, 30. ദൈവത്തെ മറന്ന്‌ തന്നിൽത്തന്നെ ആശ്രയി​ക്കു​ന്ന​തി​നെ​തി​രെ യാക്കോബ്‌ എന്തു മുന്നറി​യി​പ്പു നൽകി?

²⁹ അതേ ആശയം​തന്നെ യേശു​വി​ന്റെ ശിഷ്യ​നായ യാക്കോ​ബും  ഊന്നി​പ്പ​റ​യു​ന്നുണ്ട്‌. അവൻ ഇപ്രകാ​രം പ്രസ്‌താ​വി​ച്ചു: “ഇന്നോ നാളെ​യോ ഞങ്ങൾ ഇന്ന പട്ടണത്തിൽ പോയി അവിടെ ഒരാണ്ടു കഴിച്ചു വ്യാപാ​രം ചെയ്‌തു ലാഭം ഉണ്ടാക്കും എന്നു പറയു​ന്ന​വരേ, കേൾപ്പിൻ: നാളെ​ത്തേതു നിങ്ങൾ അറിയു​ന്നി​ല്ല​ല്ലോ; നിങ്ങളു​ടെ ജീവൻ എങ്ങനെ​യു​ള്ളതു? അല്‌പ​നേ​ര​ത്തേക്കു കാണു​ന്ന​തും പിന്നെ മറഞ്ഞു​പോ​കു​ന്ന​തു​മായ ആവിയ​ല്ലോ. കർത്താ​വി​ന്നു ഇഷ്ടമു​ണ്ട​ങ്കിൽ ഞങ്ങൾ ജീവി​ച്ചി​രു​ന്നു ഇന്നിന്നതു ചെയ്യും എന്നല്ലയോ പറയേ​ണ്ടതു.” (യാക്കോബ്‌ 4:13-15) തുടർന്ന്‌, സമ്പത്തും ഗർവും തമ്മിലുള്ള ബന്ധം എടുത്തു​കാ​ട്ടി​ക്കൊണ്ട്‌ യാക്കോബ്‌ ഇങ്ങനെ പ്രസ്‌താ​വി​ച്ചു: “നിങ്ങളോ വമ്പു പറഞ്ഞു പ്രശം​സി​ക്കു​ന്നു; “ഈവക പ്രശംസ [ഗർവ്‌] എല്ലാം ദോഷം ആകുന്നു.”—യാക്കോബ്‌ 4:16.

³⁰ ബിസിനസ്‌ ചെയ്യു​ന്ന​തി​ലല്ല തെറ്റ്‌. പണസമ്പാ​ദനം മൂലം ഉണ്ടാ​യേ​ക്കാ​വുന്ന ഗർവും അഹങ്കാ​ര​വും ദൈവത്തെ മറന്നു​കൊണ്ട്‌ തന്നിൽത്തന്നെ ആശ്രയി​ക്കാൻ ഇടയാ​ക്കു​മ്പോ​ഴാണ്‌ അതു തെറ്റാ​യി​രി​ക്കു​ന്നത്‌. ‘ദാരി​ദ്ര്യ​വും സമ്പത്തും എനിക്കു തരരുതേ’ എന്നു പറയുന്ന സദൃശ​വാ​ക്യം എത്ര ജ്ഞാനപൂർവ​ക​മാണ്‌! ദാരി​ദ്ര്യം മൂലം ജീവിതം വളരെ ദുഷ്‌കരം ആയിത്തീർന്നേ​ക്കാം. എന്നാൽ സമ്പത്ത്‌ ഒരു വ്യക്തിയെ ‘യഹോവ ആർ എന്നു [പറഞ്ഞ്‌ അവനെ] നിഷേ​ധി​ക്കു’ന്നതി​ലേക്കു നയി​ച്ചേ​ക്കാം.—സദൃശ​വാ​ക്യ​ങ്ങൾ 30:8, 9.

31. ഒരു ക്രിസ്‌ത്യാ​നി ഏതെല്ലാം ചോദ്യ​ങ്ങൾ തന്നോ​ടു​തന്നെ ചോദി​ക്കു​ന്നത്‌ ഉചിത​മാണ്‌?

³¹ നിരവധി ആളുകൾ അത്യാ​ഗ്ര​ഹ​ത്തി​നും സ്വാർഥ​ത​യ്‌ക്കും അടിമകൾ ആയിരി​ക്കുന്ന ഒരു ലോക​ത്തി​ലാ​ണു നാം ജീവി​ക്കു​ന്നത്‌. ഇന്നു നിലനിൽക്കുന്ന വാണി​ജ്യാ​ന്ത​രീ​ക്ഷം നിമിത്തം ആളുകൾ സമ്പത്തിനു വലിയ പ്രാധാ​ന്യം കൽപ്പി​ക്കു​ന്നു. അക്കാര​ണ​ത്താൽ, വാണിജ്യ നഗരമാ​യി​രുന്ന സോർ വീണു​പോയ അതേ കെണി​യിൽ വീഴാ​തി​രി​ക്കാൻ ഒരു ക്രിസ്‌ത്യാ​നി ആത്മപരി​ശോ​ധന നടത്തു​ന്നതു ജ്ഞാനമാ​യി​രി​ക്കും. ഭൗതിക വസ്‌തു​ക്കൾ സമ്പാദി​ക്കാൻ വളരെ​യ​ധി​കം സമയവും ഊർജ​വും ചെലവ​ഴി​ച്ചു​കൊണ്ട്‌ അയാൾ അവയ്‌ക്ക്‌ അടിമ ആയിത്തീ​രു​ന്നു​വോ? (മത്തായി 6:24) തന്നെക്കാൾ കൂടുതൽ സ്വത്തു​ള്ള​വ​രോട്‌ അല്ലെങ്കിൽ ഏറെ മെച്ചപ്പെട്ട വസ്‌തു​ക്കൾ ഉള്ളവ​രോട്‌ അയാൾക്ക്‌ അസൂയ ഉണ്ടോ? (ഗലാത്യർ 5:26) സമ്പത്ത്‌ ഉള്ളതി​നാൽ, മറ്റുള്ള​വ​രെ​ക്കാൾ ശ്രദ്ധയും സ്ഥാനമാ​ന​ങ്ങ​ളും താൻ അർഹി​ക്കു​ന്നു​വെന്ന്‌ അയാൾ ഗർവോ​ടെ കരുതു​ന്നു​വോ? (യാക്കോബ്‌ 2:1-9 താരത​മ്യം ചെയ്യുക.) ധനിക​ന​ല്ലെ​ങ്കിൽ, എന്തു വില കൊടു​ത്തും ‘ധനികൻ ആകാൻ’ അയാൾ ആഗ്രഹി​ക്കു​ന്നു​വോ? (1 തിമൊ​ഥെ​യൊസ്‌ 6:9) ദൈവത്തെ സേവി​ക്കാൻ സമയം ദുർല​ഭ​മാ​യി​രി​ക്കു​മാറ്‌ ബിസി​നസ്‌ കാര്യ​ങ്ങ​ളിൽ അയാൾ ആമഗ്നനാ​കു​ന്നു​വോ? (2 തിമൊ​ഥെ​യൊസ്‌ 2:4) എങ്ങനെ​യും  പണം സമ്പാദി​ക്കാ​നുള്ള ബദ്ധപ്പാ​ടിൽ അയാൾ ക്രിസ്‌തീയ തത്ത്വങ്ങൾ അവഗണി​ക്കുന്ന തരത്തി​ലുള്ള ബിസി​നസ്‌ ഇടപാ​ടു​ക​ളിൽ ഏർപ്പെ​ടു​ന്നു​വോ?—1 തിമൊ​ഥെ​യൊസ്‌ 6:10.

32. യോഹ​ന്നാൻ എന്തു ബുദ്ധി​യു​പ​ദേശം നൽകി, അതു നമുക്ക്‌ എങ്ങനെ ബാധക​മാ​ക്കാൻ കഴിയും?

³² നമ്മുടെ സാമ്പത്തിക നില എങ്ങനെ​യു​ള്ളത്‌ ആയിരു​ന്നാ​ലും, ദൈവ​രാ​ജ്യ​ത്തിന്‌ ആയിരി​ക്കണം ജീവി​ത​ത്തിൽ എപ്പോ​ഴും പ്രഥമ സ്ഥാനം. യോഹ​ന്നാൻ അപ്പൊ​സ്‌തലൻ പറഞ്ഞ കാര്യം നാം എപ്പോ​ഴും ഓർത്തി​രി​ക്കു​ന്നതു വളരെ പ്രധാ​ന​മാണ്‌: “ലോക​ത്തെ​യും ലോക​ത്തി​ലു​ള്ള​തി​നെ​യും സ്‌നേ​ഹി​ക്ക​രു​തു. ഒരുവൻ ലോകത്തെ സ്‌നേ​ഹി​ക്കു​ന്നു​വെ​ങ്കിൽ അവനിൽ പിതാ​വി​ന്റെ സ്‌നേഹം ഇല്ല.” (1 യോഹ​ന്നാൻ 2:15) ലോക​ത്തി​ലെ സമ്പദ്‌വ്യ​വ​സ്ഥയെ ആശ്രയി​ക്കാ​തെ നമുക്കു ജീവി​ക്കാ​നാ​വില്ല എന്നതു സത്യം​തന്നെ. (2 തെസ്സ​ലൊ​നീ​ക്യർ 3:10) അക്കാര​ണ​ത്താൽ നാം ‘ലോകത്തെ ഉപയോ​ഗി​ക്കു​ന്നു.’ എന്നാൽ നാം അതിനെ “പൂർണ​മാ​യി” ഉപയോ​ഗി​ക്കു​ന്നില്ല. (1 കൊരി​ന്ത്യർ 7:31, NW) ഭൗതിക വസ്‌തു​ക്ക​ളോട്‌, ലോക​ത്തി​ലുള്ള സംഗതി​ക​ളോട്‌, നമുക്ക്‌ അമിത താത്‌പ​ര്യം ഉണ്ടെങ്കിൽ നാം മേലാൽ യഹോ​വയെ സ്‌നേ​ഹി​ക്കു​ന്നവർ ആയിരി​ക്കില്ല. “ജഡമോ​ഹം, കണ്മോഹം, ജീവന​ത്തി​ന്റെ പ്രതാപം [“പ്രതാപ പ്രകടനം,” NW]” എന്നിവ​യു​ടെ പിന്നാലെ പോകു​മ്പോൾ ദൈവ​ഹി​തം ചെയ്യാൻ സാധി​ക്കു​ക​യില്ല. d എന്നാൽ, ദൈവ​ഹി​തം ചെയ്യു​ന്ന​വർക്കേ നിത്യ​ജീ​വൻ ലഭിക്കു​ക​യു​ള്ളൂ.—1 യോഹ​ന്നാൻ 2:16, 17.

33. സോരിന്‌ അപകട​മാ​യി​ത്തീർന്ന കെണി ക്രിസ്‌ത്യാ​നി​കൾക്ക്‌ എങ്ങനെ ഒഴിവാ​ക്കാൻ കഴിയും?

³³ മറ്റെല്ലാറ്റിനെക്കാളും ഭൗതിക വസ്‌തു​ക്ക​ളു​ടെ സമ്പാദ​ന​ത്തി​നു പ്രാധാ​ന്യം കൊടു​ത്ത​താണ്‌ സോരിന്‌ കെണി ആയിത്തീർന്നത്‌. ഭൗതി​ക​മായ അർഥത്തിൽ നേട്ടങ്ങൾ കൊയ്‌ത അതു വളരെ അഹങ്കരി​ച്ചു, അതിന്റെ പേരിൽ ശിക്ഷി​ക്ക​പ്പെ​ടു​ക​യും ചെയ്‌തു. അവളുടെ ദൃഷ്‌ടാ​ന്തം ഇന്നത്തെ രാഷ്‌ട്ര​ങ്ങൾക്കും വ്യക്തി​കൾക്കും ഒരു മുന്നറി​യി​പ്പാണ്‌. പൗലൊസ്‌ അപ്പൊ​സ്‌ത​ലന്റെ ബുദ്ധി​യു​പ​ദേശം പിൻപ​റ്റു​ന്നത്‌ എത്രയോ മെച്ചമാണ്‌! “ഉന്നതഭാ​വം കൂടാ​തെ​യി​രി​പ്പാ​നും നിശ്ചയ​മി​ല്ലാത്ത ധനത്തിലല്ല, നമുക്കു സകലവും ധാരാ​ള​മാ​യി അനുഭ​വി​പ്പാൻ തരുന്ന ദൈവ​ത്തിൽ ആശ വെപ്പാ​നും നന്മ ചെയ്‌വാ​നും” അവൻ ക്രിസ്‌ത്യാ​നി​കളെ ഉദ്‌ബോ​ധി​പ്പി​ക്കു​ന്നു.—1 തിമൊ​ഥെ​യൊസ്‌ 6:17, 18.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

[256-ാം പേജിലെ മാപ്പ്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

യൂറോപ്പ്‌

സ്‌പെ​യിൻ (തർശീശ്‌ ആയിരു​ന്നി​രി​ക്കാൻ ഇടയുള്ള സ്ഥലം)

മെഡിറ്ററേനിയൻ കടൽ

സാർഡി​നി​യ

സൈ​പ്രസ്‌

ഏഷ്യ

സീദോൻ

സോർ

ആഫ്രിക്ക

ഈജി​പ്‌ത്‌

 [250-ാം പേജിലെ ചിത്രം]

സോർ കീഴ്‌പെ​ടു​ന്നത്‌ അസീറി​യ​യ്‌ക്ക്‌ അല്ല, ബാബി​ലോ​ണിന്‌ ആണ്‌

[256-ാം പേജിലെ ചിത്രം]

സോരിലെ മുഖ്യ​ദേ​വ​നായ മെൽക്കാർട്ടി​ന്റെ രൂപം കൊത്തിയ നാണയം

[256-ാം പേജിലെ ചിത്രം]

ഒരു ഫൊയ്‌നി​ക്യൻ കപ്പലിന്റെ മാതൃക