അധ്യായം പതി​നേഴ്‌

അന്യജാ​തി​ക്കാർ ദൈവ​ത്തി​ന്റെ പ്രാർഥ​നാ​ല​യ​ത്തിൽ കൂടി​വ​രു​ന്നു

യെശയ്യാവു 56:1-12

1, 2. ആവേശ​ക​ര​മായ എന്ത്‌ അറിയിപ്പ്‌ 1935-ൽ നടത്ത​പ്പെട്ടു, അത്‌ എന്തിന്റെ നിവൃത്തി ആയിരു​ന്നു?

 ദിവസം 1935 മേയ്‌ 31 വെള്ളി​യാഴ്‌ച. വാഷി​ങ്‌ടൺ ഡി.സി.-യിൽ നടന്ന ഒരു കൺ​വെൻ​ഷ​നിൽ സന്നിഹി​ത​രാ​യി​രു​ന്ന​വരെ അഭിസം​ബോ​ധന ചെയ്‌തു​കൊണ്ട്‌ പ്രസം​ഗി​ക്കു​ക​യാ​യി​രു​ന്നു ജോസഫ്‌ എഫ്‌. റഥർഫോർഡ്‌. യോഹ​ന്നാൻ അപ്പൊ​സ്‌തലൻ ദർശന​ത്തിൽ കണ്ട “മഹാപു​രു​ഷാര”ത്തെ കുറിച്ച്‌ ആയിരു​ന്നു അദ്ദേഹ​ത്തി​ന്റെ ചർച്ച. പ്രസം​ഗ​ത്തി​ന്റെ പാരമ്യ​ത്തിൽ റഥർഫോർഡ്‌ സഹോ​ദരൻ ചോദി​ച്ചു: “ഭൂമി​യിൽ എന്നേക്കും ജീവി​ക്കാൻ പ്രത്യാ​ശ​യുള്ള എല്ലാവർക്കും ദയവായി എഴു​ന്നേറ്റു നിൽക്കാ​മോ?” “സദസ്സിൽ ഉണ്ടായി​രു​ന്ന​വ​രിൽ പകുതി​യ​ല​ധി​ക​വും എഴു​ന്നേ​റ്റു​നി​ന്നു” എന്ന്‌ അവരിൽ ഒരാൾ പറയുന്നു. അപ്പോൾ പ്രസം​ഗകൻ പറഞ്ഞു: “നോക്കൂ! മഹാപു​രു​ഷാ​രം!” അവിടെ സന്നിഹി​ത​യാ​യി​രുന്ന മറ്റൊ​രാൾ അനുസ്‌മ​രി​ക്കു​ന്നു: “ആദ്യം ഒരു നിശ്ശബ്ദത, പിന്നീട്‌ ഉച്ചത്തി​ലുള്ള സന്തോ​ഷാ​ര​വ​മാ​യി. അത്‌ ഏറെ നേരം നീണ്ടു​നിൽക്കു​ക​യും ചെയ്‌തു.”—വെളി​പ്പാ​ടു 7:9.

² ഏകദേശം 2,700 വർഷം മുമ്പ്‌ എഴുത​പ്പെ​ട്ട​തും ബൈബി​ളിൽ യെശയ്യാ​വു 56-ാം അധ്യാ​യ​ത്തിൽ കാണു​ന്ന​തു​മായ ഒരു പ്രവച​ന​ത്തി​ന്റെ തുടർച്ച​യായ നിവൃ​ത്തി​യു​ടെ സവി​ശേ​ഷ​മായ ഒരു സന്ദർഭ​മാ​യി​രു​ന്നു അത്‌. യെശയ്യാ​വി​ലെ മറ്റു നിരവധി പ്രവച​ന​ങ്ങ​ളിൽ എന്നപോ​ലെ, ഇതിലും ആശ്വാസ വാഗ്‌ദാ​ന​ങ്ങ​ളും ശക്തമായ മുന്നറി​യി​പ്പു​ക​ളും അടങ്ങി​യി​രി​ക്കു​ന്നു. ആദ്യ നിവൃ​ത്തി​യിൽ അത്‌ യെശയ്യാ​വി​ന്റെ നാളിലെ ദൈവ​ത്തി​ന്റെ ഉടമ്പടി ജനത്തെ അഭിസം​ബോ​ധന ചെയ്യു​ന്ന​താണ്‌. എന്നാൽ അതിന്റെ നിവൃത്തി നൂറ്റാ​ണ്ടു​കൾ കഴിഞ്ഞ്‌ നമ്മുടെ നാളി​ലും കാണാ​വു​ന്ന​താണ്‌.

 രക്ഷയ്‌ക്ക്‌ അനിവാ​ര്യ​മാ​യി​രി​ക്കു​ന്നത്‌

3. ദൈവ​ത്തിൽ നിന്നുള്ള രക്ഷ ലഭിക്കാൻ ആഗ്രഹി​ക്കു​ന്നെ​ങ്കിൽ, യഹൂദ​ന്മാർ എന്തു ചെയ്യണം?

³ യെശയ്യാവു 56-ാം അധ്യായം ആരംഭി​ക്കു​ന്നത്‌ യഹൂദ​രോ​ടുള്ള ഒരു ഉദ്‌ബോ​ധ​ന​ത്തോ​ടെ​യാണ്‌. എന്നിരു​ന്നാ​ലും, പ്രവാ​ചകൻ എഴുതുന്ന കാര്യ​ങ്ങൾക്ക്‌ സത്യാ​രാ​ധ​ക​രായ എല്ലാവ​രും ശ്രദ്ധ കൊടു​ക്കണം. നാം ഇങ്ങനെ വായി​ക്കു​ന്നു: “യഹോവ ഇപ്രകാ​രം അരുളി​ച്ചെ​യ്യു​ന്നു: എന്റെ രക്ഷ വരുവാ​നും എന്റെ നീതി വെളി​പ്പെ​ടു​വാ​നും അടുത്തി​രി​ക്ക​യാൽ ന്യായം പ്രമാ​ണി​ച്ചു നീതി പ്രവർത്തി​പ്പിൻ. ശബ്ബത്തിനെ അശുദ്ധ​മാ​ക്കാ​തെ പ്രമാ​ണി​ച്ചു ദോഷം ചെയ്യാ​ത​വണ്ണം തന്റെ കൈ സൂക്ഷി​ച്ചും​കൊ​ണ്ടു ഇതു ചെയ്യുന്ന മർത്യ​നും ഇതു മുറു​കെ​പി​ടി​ക്കുന്ന മനുഷ്യ​നും ഭാഗ്യ​വാൻ.” (യെശയ്യാ​വു 56:1, 2) ദൈവ​ത്തിൽനി​ന്നു രക്ഷ ലഭിക്കാൻ ആഗ്രഹി​ക്കുന്ന യഹൂദാ നിവാ​സി​കൾ മോ​ശൈക ന്യായ​പ്ര​മാ​ണം അനുസ​രി​ക്കു​ക​യും ന്യായം പ്രവർത്തി​ക്കു​ക​യും നീതി​നി​ഷ്‌ഠ​മായ ജീവിതം നയിക്കു​ക​യും വേണം. എന്തു​കൊണ്ട്‌? കാരണം, യഹോ​വ​തന്നെ നീതി​യു​ള്ള​വ​നാണ്‌. നീതി പിന്തു​ട​രു​ന്നവർ യഹോ​വ​യു​ടെ പ്രീതി ഉണ്ടായി​രി​ക്കു​ന്ന​തി​ന്റെ സന്തുഷ്ടി ആസ്വദി​ക്കു​ന്നു.—സങ്കീർത്തനം 144:15ബി.

4. ശബത്താ​ച​രണം ഇസ്രാ​യേ​ലിൽ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁴ ശബത്താചരണത്തെ കുറിച്ച്‌ പ്രവച​ന​ത്തിൽ എടുത്തു​പ​റ​ഞ്ഞി​രി​ക്കു​ന്നു. കാരണം, മോ​ശൈക ന്യായ​പ്ര​മാ​ണ​ത്തി​ലെ ഒരു പ്രധാന സംഗതി​യാണ്‌ ശബത്ത്‌. വാസ്‌ത​വ​ത്തിൽ, യഹൂദാ നിവാ​സി​കൾ പ്രവാ​സ​ത്തി​ലേക്കു പോകാ​നുള്ള ഒരു കാരണം അവർ ശബത്ത്‌ അവഗണി​ച്ചു എന്നതാണ്‌. (ലേവ്യ​പു​സ്‌തകം 26:34, 35; 2 ദിനവൃ​ത്താ​ന്തം 36:20, 21) യഹോ​വ​യ്‌ക്ക്‌ യഹൂദ​ന്മാ​രു​മാ​യുള്ള പ്രത്യേക ബന്ധത്തിന്റെ ഒരു അടയാ​ള​മാണ്‌ ശബത്ത്‌, അത്‌ ആചരി​ക്കു​ന്നവർ തങ്ങൾ ആ ബന്ധത്തെ അമൂല്യ​മാ​യി കരുതു​ന്നു എന്നു പ്രകട​മാ​ക്കു​ന്നു. (പുറപ്പാ​ടു 31:13) മാത്രമല്ല, ശബത്താ​ച​രണം യഹോ​വ​യാണ്‌ സ്രഷ്‌ടാവ്‌ എന്ന്‌ യെശയ്യാ​വി​ന്റെ സമകാ​ലി​കരെ ഓർമി​പ്പി​ക്കും. അത്‌ അവരോട്‌ അവൻ കാട്ടിയ കരുണയെ മനസ്സി​ലേക്കു കൊണ്ടു​വ​രി​ക​യും ചെയ്യും. (പുറപ്പാ​ടു 20:8-11; ആവർത്ത​ന​പു​സ്‌തകം 5:12-15) മാത്രമല്ല, ശബത്ത്‌ ആചരി​ക്കു​ന്നത്‌ യഹോ​വയെ ആരാധി​ക്കു​ന്ന​തി​നുള്ള ക്രമീ​കൃ​ത​വും സംഘടി​ത​വു​മായ ഒരു ക്രമീ​ക​ര​ണ​മാണ്‌. ആഴ്‌ച​യിൽ ഒരു ദിവസം ജോലി​യിൽനി​ന്നു വിശ്ര​മി​ക്കു​ന്നത്‌ പ്രാർഥ​ന​യ്‌ക്കും പഠനത്തി​നും ധ്യാന​ത്തി​നു​മുള്ള അവസരം യഹൂദാ നിവാ​സി​കൾക്കു നൽകു​മാ​യി​രു​ന്നു.

5. തത്ത്വത്തിൽ, ശബത്ത്‌ ആചരി​ക്കാ​നുള്ള ബുദ്ധി​യു​പ​ദേശം ക്രിസ്‌ത്യാ​നി​കൾക്ക്‌ എങ്ങനെ ബാധക​മാ​ക്കാ​നാ​കും?

 ⁵ എന്നാൽ, ക്രിസ്‌ത്യാ​നി​കളെ സംബന്ധി​ച്ചോ? ശബത്ത്‌ ആചരി​ക്കാ​നുള്ള പ്രോ​ത്സാ​ഹനം അവർക്കു ബാധക​മാ​ണോ? നേരിട്ടു ബാധകമല്ല, ക്രിസ്‌ത്യാ​നി​കൾ ന്യായ​പ്ര​മാ​ണ​ത്തി​ന്റെ കീഴിൽ അല്ലാത്ത​തി​നാൽ അവർ അത്‌ ആചരി​ക്കാൻ ബാധ്യ​സ്ഥരല്ല. (കൊ​ലൊ​സ്സ്യർ 2:16, 17) എന്നിരു​ന്നാ​ലും, വിശ്വസ്‌ത ക്രിസ്‌ത്യാ​നി​കൾക്ക്‌ “ഒരു ശബ്ബത്തനു​ഭവം” ഉണ്ടെന്ന്‌ പൗലൊസ്‌ അപ്പൊ​സ്‌തലൻ വിശദീ​ക​രി​ച്ചു. ഈ “ശബ്ബത്തനു​ഭവ”ത്തിൽ രക്ഷയ്‌ക്കുള്ള യേശു​വി​ന്റെ മറുവി​ല​യാ​ഗ​ത്തിൽ വിശ്വാ​സം പ്രകട​മാ​ക്കു​ന്ന​തും പ്രവൃ​ത്തി​ക​ളിൽ മാത്രം ആശ്രയി​ക്കാ​തി​രി​ക്കു​ന്ന​തും ഉൾപ്പെ​ടു​ന്നു. (എബ്രായർ 4:6-10) അതിനാൽ, ശബത്തു സംബന്ധിച്ച യെശയ്യാ പ്രവച​ന​ത്തി​ലെ വാക്കുകൾ, രക്ഷയ്‌ക്കാ​യി ദൈവം ചെയ്‌തി​രി​ക്കുന്ന ക്രമീ​ക​ര​ണ​ത്തിൽ വിശ്വാ​സം പുലർത്തു​ന്നതു മർമ​പ്ര​ധാ​ന​മാ​ണെന്ന്‌ യഹോ​വ​യു​ടെ ദാസന്മാ​രെ ഓർമി​പ്പി​ക്കു​ന്നു. യഹോ​വ​യു​മാ​യി അടുത്ത ബന്ധം നട്ടുവ​ളർത്തേ​ണ്ട​തി​ന്റെ​യും ക്രമവും ചിട്ടയു​മുള്ള ഒരു ആരാധ​നാ​രീ​തി പിൻപ​റ്റേ​ണ്ട​തി​ന്റെ​യും ആവശ്യം സംബന്ധിച്ച്‌ നമ്മെ ഓർമി​പ്പി​ക്കു​ന്നു.

അന്യജാ​തി​ക്കാ​ര​നും ഷണ്ഡനും ആശ്വാസം

6. ഏതു രണ്ടു വിഭാ​ഗ​ങ്ങൾക്ക്‌ ഇപ്പോൾ ശ്രദ്ധ കിട്ടുന്നു?

⁶ തന്നെ ആരാധി​ക്കാൻ ആഗ്രഹ​മു​ണ്ടെ​ങ്കി​ലും, മോ​ശൈക ന്യായ​പ്ര​മാ​ണ​മ​നു​സ​രിച്ച്‌ യഹൂദ സഭയിൽ വരാൻ യോഗ്യത ഇല്ലാത്ത രണ്ടു വിഭാ​ഗ​ങ്ങളെ അഭിസം​ബോ​ധന ചെയ്‌തു​കൊണ്ട്‌ യഹോവ ഇങ്ങനെ പറയു​ന്ന​താ​യി നാം പ്രവച​ന​ത്തിൽ വായി​ക്കു​ന്നു: “യഹോ​വ​യോ​ടു ചേർന്നി​ട്ടുള്ള അന്യജാ​തി​ക്കാ​രൻ; യഹോവ എന്നെ തന്റെ ജനത്തിൽനി​ന്നു അശേഷം വേർപെ​ടു​ത്തും എന്നു പറയരു​തു; ഷണ്ഡനും: ഞാൻ ഒരു ഉണങ്ങിയ വൃക്ഷം എന്നു പറയരു​തു.” (യെശയ്യാ​വു 56:3) ഇസ്രാ​യേ​ലിൽനി​ന്നു തന്നെ വേർപെ​ടു​ത്തി​യേ​ക്കു​മോ എന്നാണ്‌ അന്യജാ​തി​ക്കാ​രന്റെ ഭയം. ഷണ്ഡന്റെ വേവലാ​തി, തന്റെ പേര്‌ നിലനി​റു​ത്താൻ തനിക്കു മക്കളി​ല്ലാ​തെ പോകു​മോ എന്നാണ്‌. ഇരു വിഭാ​ഗ​ങ്ങ​ളും ആശ കൈ​വെ​ടി​യ​രുത്‌. അതിന്റെ കാരണം പരി​ശോ​ധി​ക്കു​ന്ന​തി​നു മുമ്പ്‌, ഇസ്രാ​യേൽ ജനത​യോ​ടുള്ള ബന്ധത്തിൽ ന്യായ​പ്ര​മാ​ണ​ത്തിൻ കീഴിൽ അവർക്കുള്ള സ്ഥാനത്തെ കുറിച്ച്‌ നമുക്കു നോക്കാം.

7. ഇസ്രാ​യേ​ലി​ലെ അന്യജാ​തി​ക്കാർക്ക്‌ ന്യായ​പ്ര​മാ​ണം എന്തു പരിമി​തി​കൾ വെച്ചു?

⁷ ഇസ്രായേലിനോടൊപ്പം ആരാധ​ന​യിൽ പങ്കെടു​ക്കു​ന്ന​തിൽനി​ന്നു  പരി​ച്ഛേ​ദ​ന​യേൽക്കാത്ത അന്യജാ​തി​ക്കാ​രെ ഒഴിവാ​ക്കി​യി​രി​ക്കു​ക​യാണ്‌. ഉദാഹ​ര​ണ​ത്തിന്‌, പെസഹാ​യിൽ പങ്കെടു​ക്കാൻ അവർക്ക്‌ അനുവാ​ദ​മില്ല. (പുറപ്പാ​ടു 12:43) ദേശത്തെ നിയമങ്ങൾ ധിക്കാ​ര​പൂർവം ലംഘി​ക്കാത്ത അന്യജാ​തി​ക്കാർക്ക്‌ നീതി​യും അതിഥി​പ്രി​യ​വും ആസ്വദി​ക്കാൻ കഴിയു​മെ​ങ്കി​ലും, ഇസ്രാ​യേൽ ജനതയു​മാ​യി അവർക്ക്‌ സ്ഥിരമായ യാതൊ​രു ബന്ധവും ഉണ്ടായി​രി​ക്കില്ല. തീർച്ച​യാ​യും ചിലർ ന്യായ​പ്ര​മാ​ണം സ്വീക​രി​ക്കു​ക​യും അതിന്റെ അടയാ​ള​മാ​യി പുരു​ഷ​ന്മാർ പരി​ച്ഛേദന ഏൽക്കു​ക​യും ചെയ്യുന്നു. അങ്ങനെ യഹൂദ മതാനു​സാ​രി​കൾ ആയിത്തീ​രുന്ന അവർക്ക്‌ യഹോ​വ​യു​ടെ ആലയത്തി​ന്റെ പ്രാകാ​ര​ത്തിൽ ആരാധി​ക്കാ​നും ഇസ്രാ​യേൽ സഭയുടെ ഒരു ഭാഗമാ​യി കണക്കാ​ക്ക​പ്പെ​ടാ​നു​മുള്ള പദവി​യുണ്ട്‌. (ലേവ്യ​പു​സ്‌തകം 17:10-14; 20:2; 24:22) എന്നിരു​ന്നാ​ലും, യഹോ​വ​യ്‌ക്ക്‌ ഇസ്രാ​യേ​ലു​മാ​യുള്ള ഉടമ്പടി​യിൽ ഈ മതാനു​സാ​രി​കൾ പോലും പൂർണ​മാ​യി ഉൾപ്പെ​ട്ടി​രി​ക്കു​ന്നില്ല. അവർക്ക്‌ വാഗ്‌ദത്ത ദേശത്ത്‌ അവകാ​ശ​മാ​യി ഭൂമി ലഭിക്കു​ക​യില്ല. അന്യജാ​തി​ക്കാ​രായ മറ്റുള്ള​വർക്ക്‌ പ്രാർഥി​ക്കാൻ ആലയത്തി​ലേക്കു തിരി​യാ​വു​ന്ന​താണ്‌. കൂടാതെ, അവർക്ക്‌ പുരോ​ഹി​ത​ന്മാർ മുഖാ​ന്തരം ന്യായ​പ്ര​മാ​ണ​ത്തി​നു ചേർച്ച​യിൽ യാഗങ്ങൾ അർപ്പി​ക്കാ​നും കഴിയും. (ലേവ്യ​പു​സ്‌തകം 22:25; 1 രാജാ​ക്ക​ന്മാർ 8:41-43) എങ്കിലും, ഇസ്രാ​യേ​ല്യർ അവരു​മാ​യി അടുത്തു സഹവസി​ക്കാൻ പാടി​ല്ലാ​യി​രു​ന്നു.

ഷണ്ഡന്മാർക്ക്‌ ഒരു ശാശ്വ​ത​നാ​മം ലഭിക്കു​ന്നു

8. (എ) ന്യായ​പ്ര​മാ​ണ​ത്തി​നു കീഴിൽ ഷണ്ഡന്മാരെ എങ്ങനെ​യാണ്‌ വീക്ഷി​ച്ചി​രു​ന്നത്‌? (ബി) പുറജാ​തി ജനതകൾ ഷണ്ഡന്മാരെ എങ്ങനെ ഉപയോ​ഗി​ച്ചി​രു​ന്നു, ‘ഷണ്ഡൻ’ എന്ന പദം ചില​പ്പോ​ഴൊ​ക്കെ എന്തിനെ പരാമർശി​ക്കു​ന്നു?

⁸ ഷണ്ഡന്മാർ ജനിച്ചത്‌ യഹൂദ മാതാ​പി​താ​ക്കൾക്ക്‌ ആണെങ്കിൽ പോലും, ഇസ്രാ​യേൽ ജനതയിൽ അവർക്കു പൂർണ​മായ അംഗത്വം ലഭിച്ചി​രു​ന്നില്ല. a (ആവർത്ത​ന​പു​സ്‌തകം 23:1) ബൈബിൾ കാലങ്ങ​ളി​ലെ ചില പുറജാ​തീയ ജനതക​ളിൽ ഷണ്ഡന്മാർക്ക്‌ പ്രത്യേക  സ്ഥാനം കൽപ്പി​ക്ക​പ്പെ​ട്ടി​രു​ന്നു. യുദ്ധത്തിൽ ബന്ദിക​ളാ​യി പിടി​ക്ക​പ്പെട്ട ചില ബാലന്മാ​രെ വൃഷണ​ച്ഛേ​ദ​ന​ത്തിന്‌ വിധേ​യ​രാ​ക്കുന്ന രീതി ഈ ജനതകൾക്ക്‌ ഉണ്ടായി​രു​ന്നു. കൊട്ടാര ഉദ്യോ​ഗ​സ്ഥ​രാ​യി ഷണ്ഡന്മാരെ നിയമി​ക്കു​ക​യും ചെയ്‌തി​രു​ന്നു. ഒരു ഷണ്ഡൻ സ്‌ത്രീ​ക​ളു​ടെ ‘അന്തഃപു​ര​പാ​ല​ക​നോ’ ‘വെപ്പാ​ട്ടി​ക​ളു​ടെ പാലക​നോ’ അല്ലെങ്കിൽ രാജ്ഞി​യു​ടെ പരിചാ​ര​ക​നോ ആയിരു​ന്നു. (എസ്ഥേർ 2:3, 12-15; 4:4-6, 9) ഇസ്രാ​യേ​ല്യ​രു​ടെ ഇടയിൽ അത്തരം രീതികൾ ഉണ്ടായി​രു​ന്നു എന്നതി​നോ ഷണ്ഡന്മാരെ തിരഞ്ഞു​പി​ടിച്ച്‌ ഇസ്രാ​യേല്യ രാജാ​ക്ക​ന്മാ​രു​ടെ സേവനാർഥ​മുള്ള ജോലി​ക​ളിൽ നിയമി​ച്ചി​രു​ന്നു എന്നതി​നോ തെളി​വില്ല. b

9. അക്ഷരീയ ഷണ്ഡന്മാരെ ആശ്വസി​പ്പി​ക്കും​വി​ധം യഹോവ എന്തു പറയുന്നു?

⁹ അക്ഷരീയ ഷണ്ഡന്മാർക്ക്‌ സത്യ​ദൈ​വ​ത്തി​ന്റെ ആരാധ​ന​യിൽ പരിമി​ത​മാ​യേ പങ്കെടു​ക്കാൻ കഴിഞ്ഞി​രു​ന്നു​ള്ളൂ. അതിനു പുറമേ, കുട്ടി​കൾക്കു ജന്മം നൽകാ​നാ​കാ​ത്ത​തി​നാൽ തങ്ങളുടെ കുടും​ബ​പ്പേര്‌ നിലനി​റു​ത്താൻ കഴിയാ​ത്ത​തി​ന്റെ വലിയ അപമാ​ന​വും ഇസ്രാ​യേ​ലിൽ അവർക്ക്‌ ഉണ്ടായി​രു​ന്നു. അതിനാൽ, പ്രവച​ന​ത്തി​ലെ അടുത്ത വാക്കുകൾ എത്ര ആശ്വാ​സ​പ്ര​ദ​മാണ്‌! നാം ഇങ്ങനെ വായി​ക്കു​ന്നു: “എന്റെ ശബ്ബത്തു ആചരി​ക്ക​യും എനിക്കു ഇഷ്ടമു​ള്ളതു തിര​ഞ്ഞെ​ടു​ക്ക​യും എന്റെ നിയമം പ്രമാ​ണി​ക്ക​യും ചെയ്യുന്ന ഷണ്ഡന്മാ​രോ​ടു യഹോ​വ​യായ ഞാൻ ഇപ്രകാ​രം പറയുന്നു: ഞാൻ അവർക്കു എന്റെ ആലയത്തി​ലും എന്റെ മതില​ക​ങ്ങ​ളി​ലും പുത്രീ​പു​ത്ര​ന്മാ​രെ​ക്കാൾ വിശേ​ഷ​മാ​യോ​രു ജ്ഞാപക​വും നാമവും കൊടു​ക്കും; ഛേദി​ക്ക​പ്പെ​ടാത്ത ഒരു ശാശ്വ​ത​നാ​മം തന്നേ ഞാൻ അവർക്കു കൊടു​ക്കും.”—യെശയ്യാ​വു 56:4, 5.

10. ഷണ്ഡന്മാ​രു​ടെ അവസ്ഥയ്‌ക്കു മാറ്റം വന്നത്‌ എപ്പോൾ, അന്നു മുതൽ എന്തു പദവി അവർക്കാ​യി തുറന്നു​കി​ട​ക്കു​ന്നു?

¹⁰ അതേ, യഹോ​വ​യു​ടെ ഒരു ദാസൻ എന്ന നിലയിൽ പൂർണ​മാ​യി സ്വീക​രി​ക്ക​പ്പെ​ടു​ന്ന​തിന്‌ അക്ഷരീ​യ​മാ​യി ഷണ്ഡൻ ആയിരി​ക്കു​ന്നതു പോലും ഒരു തടസ്സം ആയിരി​ക്കു​ക​യി​ല്ലാത്ത ഒരു കാലം തീർച്ച​യാ​യും വരും. ഷണ്ഡന്മാർ അനുസ​രണം പ്രകട​മാ​ക്കു​ന്നെ​ങ്കിൽ, യഹോ​വ​യു​ടെ ആലയത്തിൽ പുത്രീ​പു​ത്ര​ന്മാ​രെ​ക്കാൾ ശ്രേഷ്‌ഠ​മായ ഒരു ‘ജ്ഞാപകം’ അഥവാ സ്ഥലം അവർക്കും ലഭിക്കും. അത്‌ എപ്പോ​ഴാണ്‌ സംഭവി​ക്കുക? യേശു​ക്രി​സ്‌തു​വി​ന്റെ മരണ​ശേഷം.  ആ സമയത്ത്‌ പഴയ ന്യായ​പ്ര​മാണ ഉടമ്പടി​യു​ടെ സ്ഥാനത്ത്‌ പുതിയ ഉടമ്പടി​യും ജഡിക ഇസ്രാ​യേ​ലി​ന്റെ സ്ഥാനത്ത്‌ ‘ദൈവ​ത്തി​ന്റെ യിസ്രാ​യേ’ലും നിലവിൽ വന്നു. (ഗലാത്യർ 6:16) അന്നു മുതൽ, വിശ്വാ​സം പ്രകട​മാ​ക്കുന്ന സകലർക്കും ദൈവ​ത്തി​നു സ്വീകാ​ര്യ​മായ ആരാധന അർപ്പി​ക്കാൻ സാധി​ച്ചി​രി​ക്കു​ന്നു. ജഡിക​മായ വ്യത്യാ​സ​ങ്ങ​ളോ ശാരീ​രിക അവസ്ഥയോ അല്ല മേലാൽ പ്രധാനം. വിശ്വ​സ്‌ത​ത​യോ​ടെ സഹിച്ചു​നിൽക്കു​ന്ന​വർക്ക്‌, അവരുടെ ശാരീ​രിക നില എന്തായി​രു​ന്നാ​ലും, “ഛേദി​ക്ക​പ്പെ​ടാത്ത ഒരു ശാശ്വ​ത​നാ​മം” ഉണ്ടായി​രി​ക്കും. യഹോവ അവരെ മറക്കു​ക​യില്ല. അവരുടെ പേരുകൾ അവന്റെ “സ്‌മര​ണ​പു​സ്‌തക”ത്തിൽ എഴുത​പ്പെ​ട്ടി​രി​ക്കും. ദൈവ​ത്തി​ന്റെ തക്കസമ​യത്ത്‌ അവർക്കു നിത്യ​ജീ​വൻ ലഭിക്കും.—മലാഖി 3:16; സദൃശ​വാ​ക്യ​ങ്ങൾ 22:1; 1 യോഹ​ന്നാൻ 2:17.

അന്യജാ​തി​ക്കാർ ദൈവ​ജ​ന​ത്തോ​ടൊ​പ്പം ആരാധി​ക്കു​ന്നു

11. അനു​ഗ്ര​ഹങ്ങൾ ലഭിക്കാൻ, എന്തു ചെയ്യു​ന്ന​തിന്‌ അന്യജാ​തി​ക്കാ​രെ പ്രോ​ത്സാ​ഹി​പ്പി​ച്ചി​രി​ക്കു​ന്നു?

¹¹ എന്നാൽ അന്യജാ​തി​ക്കാ​രു​ടെ കാര്യ​മോ? തുടർന്നു പ്രവചനം അവരെ കുറിച്ചു പറയുന്നു. യഹോ​വ​യ്‌ക്ക്‌ അവരോ​ടു പറയാൻ വലിയ ആശ്വാ​സ​ത്തി​ന്റെ വാക്കുകൾ ഉണ്ട്‌. യെശയ്യാവ്‌ ഇങ്ങനെ എഴുതു​ന്നു: “യഹോ​വയെ സേവിച്ചു, അവന്റെ നാമത്തെ സ്‌നേ​ഹി​ച്ചു, അവന്റെ ദാസന്മാ​രാ​യി​രി​ക്കേ​ണ്ട​തി​ന്നു യഹോ​വ​യോ​ടു ചേർന്നു​വ​രുന്ന അന്യജാ​തി​ക്കാ​രെ, ശബ്ബത്തിനെ അശുദ്ധ​മാ​ക്കാ​തെ ആചരി​ക്ക​യും എന്റെ നിയമം പ്രമാ​ണി​ച്ചു നടക്കയും [“എന്റെ ഉടമ്പടി പിടി​ച്ചു​കൊ​ള്ളു​ക​യും,” NW] ചെയ്യു​ന്ന​വരെ ഒക്കെയും തന്നേ, ഞാൻ എന്റെ വിശു​ദ്ധ​പർവ്വ​ത​ത്തി​ലേക്കു കൊണ്ടു​വന്നു, എന്റെ പ്രാർത്ഥ​നാ​ല​യ​ത്തിൽ അവരെ സന്തോ​ഷി​പ്പി​ക്കും; അവരുടെ ഹോമ​യാ​ഗ​ങ്ങ​ളും ഹനനയാ​ഗ​ങ്ങ​ളും എന്റെ യാഗപീ​ഠ​ത്തി​ന്മേൽ പ്രസാ​ദ​ക​ര​മാ​യി​രി​ക്കും; എന്റെ ആലയം സകലജാ​തി​കൾക്കും ഉള്ള പ്രാർത്ഥ​നാ​ലയം എന്നു വിളി​ക്ക​പ്പെ​ടും.”—യെശയ്യാ​വു 56:6, 7.

12. ‘വേറെ ആടുകളെ’ സംബന്ധിച്ച യേശു​വി​ന്റെ പ്രവച​നത്തെ കുറിച്ച്‌ ബൈബിൾ വിദ്യാർഥി​കൾക്ക്‌ നേരത്തേ ഉണ്ടായി​രുന്ന ഗ്രാഹ്യം എന്ത്‌?

¹² നമ്മുടെ കാലത്ത്‌ ‘അന്യജാ​തി​ക്കാർ’ ക്രമേണ രംഗ​പ്ര​വേശം ചെയ്‌തി​രി​ക്കു​ന്നു. ഒന്നാം ലോക​മ​ഹാ​യു​ദ്ധ​ത്തി​നു മുമ്പ്‌, സ്വർഗ​ത്തിൽ യേശു​വി​നോ​ടൊ​പ്പം ഭരിക്കാൻ പ്രത്യാ​ശ​യു​ള്ള​വ​രു​ടെ—നാം ഇന്നു ദൈവ​ത്തി​ന്റെ ഇസ്രാ​യേ​ലാ​യി തിരി​ച്ച​റി​യു​ന്ന​വ​രു​ടെ—എണ്ണത്തെ​ക്കാൾ കൂടുതൽ പേർക്ക്‌ രക്ഷ ലഭിക്കു​മെന്നു ദൈവ​ജനം മനസ്സി​ലാ​ക്കി​യി​രു​ന്നു.  യോഹ​ന്നാൻ 10:16-ൽ രേഖ​പ്പെ​ടു​ത്തി​യി​രുന്ന യേശു​വി​ന്റെ ഈ വാക്കുകൾ സംബന്ധിച്ച്‌ ബൈബിൾ വിദ്യാർഥി​കൾക്ക്‌ അറിയാ​മാ​യി​രു​ന്നു: “ഈ തൊഴു​ത്തിൽ ഉൾപ്പെ​ടാത്ത വേറെ ആടുകൾ എനിക്കു ഉണ്ടു; അവയെ​യും ഞാൻ നടത്തേ​ണ്ട​താ​കു​ന്നു; അവ എന്റെ ശബ്ദം കേൾക്കും; ഒരാട്ടിൻകൂ​ട്ട​വും ഒരിട​യ​നും ആകും.” ഈ “വേറെ ആടുകൾ” ഒരു ഭൗമിക വർഗമാ​ണെന്ന്‌ ബൈബിൾ വിദ്യാർഥി​കൾ മനസ്സി​ലാ​ക്കി​യി​രു​ന്നെ​ങ്കി​ലും, അവരിൽ മിക്കവ​രും വിശ്വ​സി​ച്ചി​രു​ന്നത്‌ യേശു​ക്രി​സ്‌തു​വി​ന്റെ സഹസ്രാബ്ദ വാഴ്‌ച​ക്കാ​ലത്ത്‌ ആയിരി​ക്കും ഈ വേറെ ആടുകൾ പ്രത്യ​ക്ഷ​പ്പെ​ടുക എന്നാണ്‌.

13. മത്തായി 25-ാം അധ്യാ​യ​ത്തി​ലെ ചെമ്മരി​യാ​ടു​കൾ ഈ വ്യവസ്ഥി​തി​യു​ടെ സമാപന നാളു​ക​ളി​ലാണ്‌ പ്രത്യ​ക്ഷ​പ്പെ​ടേ​ണ്ടത്‌ എന്നതിനു മുന്നോ​ട്ടു വെച്ച ന്യായ​മായ കാരണം എന്തായി​രു​ന്നു?

¹³ പിൽക്കാലത്ത്‌, ചെമ്മരി​യാ​ടു​കളെ കുറി​ച്ചുള്ള മറ്റൊരു തിരു​വെ​ഴു​ത്തു സംബന്ധിച്ച്‌ കൂടുതൽ ഗ്രാഹ്യം ലഭിച്ചു. മത്തായി 25-ാം അധ്യാ​യ​ത്തിൽ, ചെമ്മരി​യാ​ടു​ക​ളെ​യും കോലാ​ടു​ക​ളെ​യും കുറി​ച്ചുള്ള യേശു​വി​ന്റെ ഉപമ കാണാം. യേശു​വി​ന്റെ സഹോ​ദ​ര​ന്മാ​രെ പിന്താ​ങ്ങു​ന്നതു നിമിത്തം ഈ ചെമ്മരി​യാ​ടു​കൾക്കു നിത്യ​ജീ​വൻ ലഭിക്കു​ന്ന​താ​യി അവിടെ പറഞ്ഞി​രി​ക്കു​ന്നു. അതിനാൽ അവർ ക്രിസ്‌തു​വി​ന്റെ അഭിഷിക്ത സഹോ​ദ​ര​ന്മാ​രിൽനി​ന്നു വ്യത്യ​സ്‌ത​മായ ഒരു വർഗമാണ്‌. ചെമ്മരി​യാ​ടു​കൾ പ്രത്യ​ക്ഷ​പ്പെ​ടേ​ണ്ടത്‌ സഹസ്രാബ്ദ വാഴ്‌ച​ക്കാ​ലത്തല്ല, മറിച്ച്‌ ഈ വ്യവസ്ഥി​തി​യു​ടെ അന്ത്യനാ​ളു​ക​ളിൽ ആയിരി​ക്കണം എന്ന്‌ 1923-ൽ അമേരി​ക്ക​യി​ലെ കാലി​ഫോർണി​യ​യി​ലുള്ള ലോസാ​ഞ്ച​ല​സിൽ നടന്ന ഒരു കൺ​വെൻ​ഷ​നിൽ വ്യക്തമാ​ക്ക​പ്പെട്ടു. എന്തു​കൊണ്ട്‌? എന്തു​കൊ​ണ്ടെ​ന്നാൽ ‘അതു എപ്പോൾ സംഭവി​ക്കും, നിന്റെ വരവി​ന്നും ലോകാ​വ​സാ​ന​ത്തി​ന്നും അടയാളം എന്ത്‌’? എന്ന ചോദ്യ​ത്തി​നുള്ള ഉത്തരമാ​യാണ്‌ യേശു ആ ഉപമ നൽകി​യത്‌.—മത്തായി 24:3.

14, 15. വേറെ ആടുകൾ ആരാണ്‌ എന്നതു സംബന്ധിച്ച ഗ്രാഹ്യ​ത്തിൽ അന്ത്യകാ​ലത്ത്‌ പുരോ​ഗതി ഉണ്ടായത്‌ എങ്ങനെ?

¹⁴ തങ്ങൾക്കു സ്വർഗീയ വിളി ഉള്ളതായി യഹോ​വ​യു​ടെ ആത്മാവ്‌ തങ്ങളോ​ടു സാക്ഷ്യം പറയു​ന്നി​ല്ലെന്ന്‌ 1920-കളിൽ ബൈബിൾ വിദ്യാർഥി​ക​ളോ​ടു സഹവസിച്ച ചിലർക്കു തോന്നി​ത്തു​ടങ്ങി. എങ്കിലും, അവർ അത്യുന്നത ദൈവ​ത്തി​ന്റെ തീക്ഷ്‌ണ​ത​യുള്ള ദാസന്മാ​രാ​യി​രു​ന്നു. 1931-ൽ സംസ്ഥാ​പനം (ഇംഗ്ലീഷ്‌) എന്ന പുസ്‌തകം പ്രസി​ദ്ധീ​ക​രി​ച്ച​പ്പോൾ അവർ ആരാ​ണെന്നു കൂടുതൽ വ്യക്തമാ​യി. ബൈബിൾ പുസ്‌ത​ക​മായ യെഹെ​സ്‌കേ​ലി​ന്റെ വാക്യാ​നു​വാ​ക്യ ചർച്ചയു​ടെ ഭാഗമെന്ന നിലയിൽ സംസ്ഥാ​പനം പുസ്‌തകം എഴുത്തു​കാ​രന്റെ  മഷിക്കു​പ്പി പിടിച്ച ‘മനുഷ്യ​നെ’ കുറി​ച്ചുള്ള ദർശനം വിശദീ​ക​രി​ച്ചു. (യെഹെ​സ്‌കേൽ 9:1-11, NW) ആ “മനുഷ്യൻ” യെരൂ​ശ​ലേ​മിൽ ചെന്ന്‌ അവിടെ നടക്കുന്ന മ്ലേച്ഛതകൾ നിമിത്തം നെടു​വീർപ്പി​ട്ടു കരയു​ന്ന​വ​രു​ടെ നെറ്റി​ക​ളിൽ അടയാളം ഇടുന്ന​താ​യി കാണുന്നു. ആ “മനുഷ്യൻ,” യെരൂ​ശ​ലേ​മി​ന്റെ പ്രതി​മാ​തൃ​ക​യായ ക്രൈ​സ്‌ത​വ​ലോ​കത്തെ ന്യായം വിധി​ക്കുന്ന സമയത്ത്‌ ഭൂമി​യിൽ ജീവി​ച്ചി​രി​ക്കുന്ന യേശു​വി​ന്റെ സഹോ​ദ​ര​ന്മാ​രെ, അതായത്‌ അഭിഷിക്ത ക്രിസ്‌ത്യാ​നി​ക​ളു​ടെ ശേഷി​പ്പി​നെ പ്രതി​നി​ധാ​നം ചെയ്യുന്നു. അടയാ​ള​മി​ട​പ്പെ​ടു​ന്നവർ അപ്പോൾ ജീവി​ച്ചി​രി​ക്കുന്ന വേറെ ആടുക​ളാണ്‌. ദർശന​ത്തിൽ, യഹോവ നിയമിച്ച വധനിർവാ​ഹകർ വിശ്വാ​സ​ത്യാ​ഗം ഭവിച്ച ആ നഗരത്തി​ന്മേൽ പ്രതി​കാ​രം നടത്തു​മ്പോൾ അവർ രക്ഷിക്ക​പ്പെ​ടു​ന്നു.

¹⁵ ഇസ്രായേൽ രാജാ​വായ യേഹൂ​വും ബാൽ ആരാധന ഇല്ലാതാ​ക്കു​ന്ന​തിൽ അവനെ പിന്താ​ങ്ങുന്ന യഹൂദ​ന​ല്ലാത്ത യോനാ​ദാ​ബും ഉൾപ്പെട്ട ഒരു പ്രാവ​ച​നിക നാടകം ബൈബി​ളിൽ കാണാം. 1932-ൽ ഈ പ്രാവ​ച​നിക നാടകം സംബന്ധിച്ച്‌ ആഴമായ ഗ്രാഹ്യം ലഭിച്ചു. വേറെ ആടുകൾ ക്രിസ്‌തു​വി​ന്റെ അഭിഷിക്ത സഹോ​ദ​ര​ന്മാ​രെ എങ്ങനെ പിന്താ​ങ്ങു​ന്നു​വെന്ന്‌ അങ്ങനെ വ്യക്തമാ​യി. ഒടുവിൽ, വ്യവസ്ഥി​തി​യു​ടെ സമാപ​ന​കാ​ലത്ത്‌ ജീവി​ച്ചി​രി​ക്കുന്ന വേറെ ആടുകൾ തന്നെയാണ്‌ യോഹ​ന്നാൻ അപ്പൊ​സ്‌തലൻ ദർശന​ത്തിൽ കണ്ട മഹാപു​രു​ഷാ​ര​മെന്ന്‌ 1935-ൽ തിരി​ച്ച​റി​യ​പ്പെട്ടു. ഇത്‌ ആദ്യം വിശദീ​ക​രി​ക്ക​പ്പെ​ട്ടത്‌ വാഷി​ങ്‌ടൺ ഡി.സി.-യിൽ നടന്ന മുമ്പ്‌ പരാമർശിച്ച കൺ​വെൻ​ഷ​നിൽ ജോസഫ്‌ എഫ്‌. റഥർഫോർഡ്‌ ഭൗമിക പ്രത്യാശ ഉള്ളവരെ “മഹാപു​രു​ഷാ​രം” ആയി ചൂണ്ടി​ക്കാ​ട്ടി​യ​പ്പോൾ ആയിരു​ന്നു.

16. ‘അന്യജാ​തി​ക്കാർക്ക്‌’ എന്തു പദവി​യും ഉത്തരവാ​ദി​ത്വ​ങ്ങ​ളു​മാണ്‌ ഉള്ളത്‌?

¹⁶ അന്ത്യനാളുകളിലെ യഹോ​വ​യു​ടെ ഉദ്ദേശ്യ​ങ്ങ​ളിൽ ‘അന്യജാ​തി​ക്കാർക്ക്‌’ വലിയ ഒരു പങ്കുള്ള​താ​യി ക്രമേണ കാണ​പ്പെട്ടു. യഹോ​വയെ ആരാധി​ക്കാൻ അവർ ദൈവ​ത്തി​ന്റെ ഇസ്രാ​യേ​ലി​ന്റെ അടുക്ക​ലേക്കു വന്നു. (സെഖര്യാ​വു 8:23) ആ ആത്മീയ ജനത​യോ​ടൊ​പ്പം, അവർ ദൈവ​ത്തി​നു സ്വീകാ​ര്യ​മായ യാഗങ്ങൾ അർപ്പി​ക്കു​ക​യും ശബത്ത്‌ വിശ്ര​മ​ത്തിൽ പ്രവേ​ശി​ക്കു​ക​യും ചെയ്യുന്നു. (എബ്രായർ 13:15, 16) മാത്രമല്ല, യെരൂ​ശ​ലേ​മി​ലെ ആലയത്തെ പോലെ “സകല ജാതി​കൾക്കും പ്രാർത്ഥ​നാ​ലയ”മായ ദൈവ​ത്തി​ന്റെ ആത്മീയ ആലയത്തിൽ അവർ ആരാധി​ക്കു​ന്നു. (മർക്കൊസ്‌ 11:17) ‘കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചു’കൊണ്ട്‌ അവർ  യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തിൽ വിശ്വാ​സം അർപ്പി​ക്കു​ന്നു. ‘രാപ്പകൽ ദൈവത്തെ ആരാധി​ച്ചു’കൊണ്ട്‌ അവർ യഹോ​വയെ നിരന്തരം സേവി​ക്കു​ന്നു.—വെളി​പ്പാ​ടു 7:14, 15.

17. ആധുനി​ക​കാല അന്യജാ​തി​ക്കാർ പുതിയ നിയമം പിടി​ച്ചു​കൊ​ള്ളു​ന്നത്‌ എങ്ങനെ?

¹⁷ ഈ ആധുനി​ക​കാല അന്യജാ​തി​ക്കാർ ദൈവ​ത്തി​ന്റെ ഇസ്രാ​യേ​ലി​നോ​ടൊ​പ്പം സഹവസി​ക്കു​ന്ന​തി​നാൽ പുതിയ ഉടമ്പടി മുഖാ​ന്തരം വരുന്ന പ്രയോ​ജ​ന​ങ്ങ​ളും അനു​ഗ്ര​ഹ​ങ്ങ​ളും ആസ്വദി​ക്കു​ന്നു എന്ന അർഥത്തി​ലാണ്‌ അവർ പുതിയ ഉടമ്പടി പിടി​ച്ചു​കൊ​ള്ളു​ന്നത്‌. അവർ ആ ഉടമ്പടി​യി​ലെ പങ്കാളി​കൾ അല്ലെങ്കി​ലും, അതി​നോ​ടു ബന്ധപ്പെട്ട നിയമ​ങ്ങൾക്ക്‌ അവർ മുഴു​ഹൃ​ദയാ കീഴ്‌പെ​ടു​ന്നു. തന്മൂലം യഹോ​വ​യു​ടെ നിയമം അവരുടെ ഹൃദയ​ത്തി​ലുണ്ട്‌. തങ്ങളുടെ സ്വർഗീയ പിതാ​വും അത്യുന്നത പരമാ​ധി​കാ​രി​യും എന്ന നിലയിൽ അവർ യഹോ​വയെ അറിയാൻ ഇടയാ​യി​രി​ക്കു​ന്നു.—യിരെ​മ്യാ​വു 31:33, 34; മത്തായി 6:9; യോഹ​ന്നാൻ 17:3.

18. അന്ത്യകാ​ലത്ത്‌ എന്തു കൂട്ടി​ച്ചേർക്കൽ വേലയാണ്‌ നടക്കു​ന്നത്‌?

 ¹⁸ യെശയ്യാ പ്രവചനം തുടരു​ന്നു: “ഞാൻ അവരോ​ടു, അവരുടെ ശേഖരി​ക്ക​പ്പെ​ട്ട​വ​രോ​ടു തന്നേ, ഇനി മററു​ള്ള​വ​രെ​യും കൂട്ടി​ച്ചേർക്കും എന്നു യിസ്രാ​യേ​ലി​ന്റെ ഭ്രഷ്ടന്മാ​രെ ശേഖരി​ക്കുന്ന ദൈവ​മായ യഹോ​വ​യു​ടെ അരുള​പ്പാ​ടു.” (യെശയ്യാ​വു 56:8) അന്ത്യകാ​ലത്ത്‌ യഹോവ “യിസ്രാ​യേ​ലി​ന്റെ ഭ്രഷ്ടന്മാ​രെ,” അഭിഷിക്ത ശേഷി​പ്പിൽ പെട്ടവരെ, ശേഖരി​ച്ചി​രി​ക്കു​ന്നു. അവർക്കു പുറമേ, അവൻ മറ്റുള്ള​വരെ, മഹാപു​രു​ഷാ​ര​ത്തിൽ പെട്ടവരെ, ശേഖരി​ക്കു​ക​യാണ്‌. യഹോ​വ​യു​ടെ​യും അവന്റെ സിംഹാ​സനസ്ഥ രാജാ​വായ ക്രിസ്‌തു​യേ​ശു​വി​ന്റെ​യും മേൽനോ​ട്ട​ത്തിൻ കീഴിൽ അവർ ഒന്നിച്ച്‌ സമാധാ​ന​ത്തി​ലും ഐക്യ​ത്തി​ലും ആരാധി​ക്കു​ന്നു. ക്രിസ്‌തു മുഖാ​ന്ത​ര​മുള്ള യഹോ​വ​യു​ടെ ഗവൺമെ​ന്റി​നോ​ടുള്ള അവരുടെ വിശ്വ​സ്‌തത നിമിത്തം നല്ല ഇടയൻ അവരെ ഏകീകൃ​ത​വും സന്തുഷ്ട​വു​മായ ഒരു കൂട്ടമാ​ക്കി മാറ്റി​യി​രി​ക്കു​ന്നു.

കുരു​ട​ന്മാ​രായ കാവൽക്കാ​രും ഊമനാ​യ്‌ക്ക​ളും

19, 20. വയലി​ലെ​യും കാട്ടി​ലെ​യും മൃഗങ്ങളെ എന്തിനാ​യി ക്ഷണിച്ചി​രി​ക്കു​ന്നു?

¹⁹ മുമ്പ്‌ പറഞ്ഞ ഊഷ്‌മ​ള​വും പരിപു​ഷ്ടി​പ്പെ​ടു​ത്തു​ന്ന​തു​മായ വാക്കു​കളെ തുടർന്ന്‌ വരുന്നത്‌ വളരെ ഭിന്നവും ശ്രദ്ധേ​യ​വും ഏറെക്കു​റെ ഞെട്ടി​ക്കു​ന്ന​തു​മായ വാക്കു​ക​ളാണ്‌. അന്യ​ദേ​ശ​ക്കാ​രോ​ടും ഷണ്ഡന്മാ​രോ​ടും കരുണാ​പൂർവം ഇടപെ​ടാൻ യഹോവ തയ്യാറാണ്‌. എന്നാൽ ദൈവ​ത്തി​ന്റെ സഭയിലെ അംഗങ്ങ​ളെന്ന്‌ അവകാ​ശ​പ്പെ​ടുന്ന പലരെ​യും അവൻ കുറ്റം വിധി​ച്ചി​രി​ക്കു​ക​യാണ്‌, അവരു​ടെ​മേൽ ന്യായ​വി​ധി വരാൻ പോകു​ന്നു. അതിലു​പരി, മാന്യ​മായ ഒരു ശവസം​സ്‌കാ​ര​ത്തി​നു പോലും അർഹര​ല്ലാത്ത അവരെ ദുഷ്ട മൃഗങ്ങൾ തിന്നു​ക​ള​യും. നാം പ്രവച​ന​ത്തിൽ ഇപ്രകാ​രം വായി​ക്കു​ന്നു: “വയലിലെ സകലമൃ​ഗ​ങ്ങ​ളും കാട്ടിലെ സകലമൃ​ഗ​ങ്ങ​ളും ആയു​ള്ളോ​വേ, വന്നു തിന്നു​കൊൾവിൻ.” (യെശയ്യാ​വു 56:9) ഈ കാട്ടു​മൃ​ഗങ്ങൾ എന്താണു ഭക്ഷിക്കാൻ പോകു​ന്നത്‌? പ്രവചനം വിശദീ​ക​രി​ക്കും. ആ വിശദീ​ക​രണം, ദൈവത്തെ എതിർക്കു​ന്ന​വർക്ക്‌ ആസന്നമായ അർമ​ഗെ​ദോൻ യുദ്ധത്തിൽ സംഭവി​ക്കാൻ പോകുന്ന ദാരു​ണ​മായ അവസ്ഥയെ നമ്മുടെ മനസ്സി​ലേക്കു കൊണ്ടു​വ​ന്നേ​ക്കാം. അവരുടെ ശവശരീ​രങ്ങൾ ആകാശ​ത്തി​ലെ പക്ഷികൾ തിന്നു​ക​ള​യും.—വെളി​പ്പാ​ടു 19:17, 18.

²⁰ പ്രവചനം ഇങ്ങനെ തുടരു​ന്നു: “അവന്റെ കാവല്‌ക്കാർ കുരു​ട​ന്മാർ; അവരെ​ല്ലാ​വ​രും പരിജ്ഞാ​ന​മി​ല്ലാ​ത്തവർ, അവരെ​ല്ലാ​വ​രും  കുരെ​പ്പാൻ വഹിയാത്ത ഊമനാ​യ്‌ക്കൾ തന്നേ; അവർ നിദ്രാ​പ്രി​യ​ന്മാ​രാ​യി സ്വപ്‌നം കണ്ടു കിടന്നു​റ​ങ്ങു​ന്നു. ഈ നായ്‌ക്കൾ ഒരിക്ക​ലും തൃപ്‌തി​പ്പെ​ടാത്ത കൊതി​യ​ന്മാർ തന്നേ; ഈ ഇടയന്മാ​രോ സൂക്ഷി​പ്പാൻ അറിയാ​ത്തവർ; അവരെ​ല്ലാ​വ​രും ഒട്ടൊ​ഴി​യാ​തെ താന്താന്റെ വഴിക്കും ഓരോ​രു​ത്തൻ താന്താന്റെ ലാഭത്തി​ന്നും തിരി​ഞ്ഞി​രി​ക്കു​ന്നു. വരുവിൻ: ഞാൻ പോയി വീഞ്ഞു കൊണ്ടു​വ​രാം; നമുക്കു മദ്യം കുടി​ക്കാം; ഇന്നത്തെ​പ്പോ​ലെ നാളെ​യും കേമത്തിൽ തന്നേ എന്നു അവർ പറയുന്നു.”—യെശയ്യാ​വു 56:10-12.

21. മതനേ​താ​ക്ക​ന്മാ​രു​ടെ ഏതെല്ലാം പരാജ​യങ്ങൾ ആത്മീയ വഴികാ​ട്ടി​കൾ എന്ന നിലയിൽ അവരെ ഉപയോ​ഗ​ശൂ​ന്യ​രാ​ക്കു​ന്നു?

²¹ യഹൂദാ മതനേ​താ​ക്ക​ന്മാർ യഹോ​വയെ ആരാധി​ക്കു​ന്നു എന്ന്‌ അവകാ​ശ​പ്പെ​ടു​ന്ന​വ​രാണ്‌. തങ്ങൾ “അവന്റെ കാവല്‌ക്കാർ” ആണെന്ന്‌ അവർ പറയുന്നു. എന്നാൽ അവർ ആത്മീയ​മാ​യി അന്ധരും ഊമരും ഉറക്കം​തൂ​ങ്ങി​ക​ളു​മാണ്‌. ജാഗ്ര​ത​യോ​ടെ​യി​രുന്ന്‌ അപകടം സംബന്ധിച്ച്‌ മുന്നറി​യി​പ്പു നൽകാൻ കഴിയി​ല്ലെ​ങ്കിൽ, അവരെ​ക്കൊണ്ട്‌ എന്തു പ്രയോ​ജനം? അത്തരം മത കാവൽക്കാർ അറിവി​ല്ലാ​ത്ത​വ​രാണ്‌. ചെമ്മരി​യാ​ടു തുല്യ​രായ ആളുകൾക്ക്‌ ആത്മീയ മാർഗ​നിർദേശം നൽകാൻ കഴിയുന്ന സ്ഥാനത്തല്ല അവർ. മാത്രമല്ല, അവർ നീചരു​മാണ്‌. അവരുടെ സ്വാർഥ ആഗ്രഹ​ങ്ങൾക്ക്‌ ഒരിക്ക​ലും തൃപ്‌തി വരിക​യില്ല. യഹോ​വ​യു​ടെ മാർഗം പിൻപ​റ്റു​ന്ന​തി​നു പകരം, അവർ സ്വന്തം ഗതിയേ പോകു​ക​യും നീതി​കെട്ട മാർഗ​ത്തി​ലൂ​ടെ ലാഭമു​ണ്ടാ​ക്കു​ക​യും മദ്യത്തിൽ ആറാടു​ക​യും അതിനു മറ്റുള്ള​വരെ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. ദൈവ​ത്തി​ന്റെ ആസന്നമായ ന്യായ​വി​ധി​യെ കുറിച്ച്‌ അവർക്ക്‌ യാതൊ​രു ചിന്തയു​മില്ല. തന്മൂലം, യാതൊ​രു കുഴപ്പ​വും വരില്ല എന്നാണ്‌ അവർ ജനങ്ങ​ളോ​ടു പറയു​ന്നത്‌.

22. യഹൂദ​യി​ലെ മതനേ​താ​ക്ക​ന്മാർ ഇസ്രാ​യേ​ലി​ലെ മതനേ​താ​ക്ക​ന്മാ​രെ​ക്കാൾ ഒട്ടും മോശ​മ​ല്ലാ​തി​രു​ന്നത്‌ എന്തു​കൊണ്ട്‌, യേശു​വി​ന്റെ നാളിലെ മതനേ​താ​ക്ക​ന്മാ​രു​ടെ കാര്യ​മോ?

²² തന്റെ പ്രവച​ന​ത്തിൽ നേരത്തേ, ഇസ്രാ​യേ​ലി​ലെ അവിശ്വ​സ്‌ത​രായ—ആത്മീയ​മാ​യി മത്തുപി​ടിച്ച, ഉറക്കം​തൂ​ങ്ങി​ക​ളായ, അറിവി​ല്ലാത്ത—മതനേ​താ​ക്ക​ന്മാ​രെ വർണി​ക്കാൻ യെശയ്യാവ്‌ സമാന​മായ പ്രതീ​ക​മാണ്‌ ഉപയോ​ഗി​ച്ചത്‌. അവർ മനുഷ്യ പാരമ്പ​ര്യ​ങ്ങ​ളാൽ ആളുകളെ ഭാര​പ്പെ​ടു​ത്തു​ക​യും മതപര​മായ ഭോഷ്‌കു​കൾ പറയു​ക​യും ദൈവ​ത്തി​ലേക്കു തിരി​യു​ന്ന​തി​നു പകരം അശ്ശൂരി​നെ ആശ്രയി​ക്കു​ക​യും ചെയ്‌തു. (2 രാജാ​ക്ക​ന്മാർ 16:5-9; യെശയ്യാ​വു 29:1, 9-14) യഹൂദ​യി​ലെ മതനേ​താ​ക്ക​ന്മാ​രും ഒട്ടും മോശ​മാ​യി​രു​ന്നില്ല. ദുഃഖ​ക​ര​മെന്നു പറയട്ടെ, ഒന്നാം നൂറ്റാ​ണ്ടി​ലും അത്തരത്തി​ലുള്ള നേതാ​ക്ക​ന്മാർ ഉണ്ടായി​രു​ന്നു.  ദൈവ​ത്തി​ന്റെ സ്വന്തം പുത്ര​നായ യേശു എത്തിച്ച സുവാർത്ത സ്വീക​രി​ക്കു​ന്ന​തി​നു പകരം അവർ അവനെ തള്ളിക്ക​ള​യു​ക​യും വധിക്കു​ക​യു​മാണ്‌ ചെയ്‌തത്‌. യേശു അവരെ “കുരു​ട​ന്മാ​രായ വഴികാ​ട്ടി​കൾ” എന്ന്‌ മുഖത്തു​നോ​ക്കി വിളിച്ചു. “കുരുടൻ കുരു​ടനെ വഴി നടത്തി​യാൽ ഇരുവ​രും കുഴി​യിൽ വീഴും” എന്നും അവൻ കൂട്ടി​ച്ചേർത്തു.—മത്തായി 15:14.

ഇന്നത്തെ കാവൽക്കാർ

23. മതനേ​താ​ക്ക​ന്മാ​രെ സംബന്ധിച്ച പത്രൊ​സി​ന്റെ ഏതു പ്രവചനം നിവൃ​ത്തി​യേ​റി​യി​രി​ക്കു​ന്നു?

²³ ക്രിസ്‌ത്യാനികളെ വഴി​തെ​റ്റി​ക്കാൻ വ്യാജ ഉപദേ​ഷ്ടാ​ക്ക​ന്മാർ എഴു​ന്നേൽക്കു​മെന്ന്‌  പത്രൊസ്‌ അപ്പൊ​സ്‌തലൻ മുന്നറി​യി​പ്പു നൽകി. അവൻ ഇങ്ങനെ എഴുതി: “എന്നാൽ കള്ളപ്ര​വാ​ച​ക​ന്മാ​രും [ഇസ്രാ​യേൽ] ജനത്തിന്റെ ഇടയിൽ ഉണ്ടായി​രു​ന്നു. അങ്ങനെ നിങ്ങളു​ടെ ഇടയി​ലും ദുരു​പ​ദേ​ഷ്ടാ​ക്ക​ന്മാർ ഉണ്ടാകും; അവർ നാശക​ര​മായ മതഭേ​ദ​ങ്ങളെ നുഴയി​ച്ചു തങ്ങളെ വിലെക്കു വാങ്ങിയ നാഥനെ തള്ളിപ്പ​റഞ്ഞു തങ്ങൾക്കു തന്നേ ശീഘ്ര​നാ​ശം വരുത്തും.” (2 പത്രൊസ്‌ 2:1) അത്തരം വ്യാജ ഉപദേ​ഷ്ടാ​ക്ക​ന്മാ​രു​ടെ തെറ്റായ പഠിപ്പി​ക്ക​ലു​ക​ളു​ടെ​യും വിഭാ​ഗീയ ചിന്താ​ഗ​തി​യു​ടെ​യും അനന്തര​ഫലം എന്താണ്‌? അതാണ്‌ ഇന്നത്തെ ക്രൈ​സ്‌ത​വ​ലോ​കം. അതിലെ മതനേ​താ​ക്ക​ന്മാർ ഇന്ന്‌ തങ്ങളുടെ രാഷ്‌ട്രീയ സുഹൃ​ത്തു​ക്ക​ളു​ടെ​മേൽ ദൈവാ​നു​ഗ്ര​ഹ​ത്തി​നാ​യി പ്രാർഥി​ക്കു​ക​യും തുടർന്ന്‌ ശോഭ​ന​മായ ഒരു ഭാവി സംബന്ധിച്ച വാഗ്‌ദാ​നം വെച്ചു​നീ​ട്ടു​ക​യും ചെയ്യുന്നു. ക്രൈ​സ്‌ത​വ​ലോക മതനേ​താ​ക്ക​ന്മാർ ആത്മീയ കാര്യങ്ങൾ സംബന്ധിച്ച്‌ അന്ധരും നിശ്ശബ്ദ​രും ഉറക്കം​തൂ​ങ്ങി​ക​ളും ആണെന്നു തെളി​ഞ്ഞി​രി​ക്കു​ന്നു.

24. ആത്മീയ ഇസ്രാ​യേ​ലി​ന്റെ​യും അന്യജാ​തി​ക്കാ​രു​ടെ​യും ഇടയിൽ എങ്ങനെ​യുള്ള ഐക്യം നിലനിൽക്കു​ന്നു?

²⁴ എന്നിരുന്നാലും, തന്റെ വലിയ ആത്മീയ പ്രാർഥ​നാ​ല​യ​ത്തിൽ ദൈവ​ത്തി​ന്റെ ഇസ്രാ​യേ​ലി​ന്റെ അവസാന അംഗങ്ങ​ളോ​ടൊത്ത്‌ ആരാധി​ക്കാൻ യഹോവ ദശലക്ഷ​ക്ക​ണ​ക്കിന്‌ അന്യജാ​തി​ക്കാ​രെ കൊണ്ടു​വ​രി​ക​യാണ്‌. ഈ അന്യജാ​തി​ക്കാർ പല രാഷ്‌ട്ര​ങ്ങ​ളി​ലും വർഗങ്ങ​ളി​ലും ഭാഷക​ളി​ലും നിന്നു​ള്ളവർ ആണെങ്കി​ലും, തമ്മിൽത്ത​മ്മി​ലും ദൈവ​ത്തി​ന്റെ ഇസ്രാ​യേ​ലു​മാ​യും ഐക്യ​ത്തിൽ കഴിയു​ന്നു. യേശു​ക്രി​സ്‌തു മുഖാ​ന്തരം ദൈവ​ത്തി​ലൂ​ടെ മാത്രമേ രക്ഷ വരിക​യു​ള്ളൂ എന്ന്‌ അവർക്കു ബോധ്യ​മാ​യി​രി​ക്കു​ന്നു. സ്‌നേ​ഹ​ത്താൽ പ്രചോ​ദി​ത​രായ അവർ തങ്ങളുടെ വിശ്വാ​സത്തെ കുറിച്ചു ഘോഷി​ക്കാൻ ക്രിസ്‌തു​വി​ന്റെ സഹോ​ദ​ര​ന്മാ​രോ​ടൊ​പ്പം ചേരുന്നു. പിൻവ​രുന്ന പ്രകാരം എഴുതിയ നിശ്വസ്‌ത അപ്പൊ​സ്‌ത​ലന്റെ വാക്കു​ക​ളിൽനിന്ന്‌ അവർ ആഴമായ ആശ്വാസം കണ്ടെത്തു​ന്നു: “യേശു​വി​നെ കർത്താവു എന്നു വായി​കൊ​ണ്ടു ഏററു​പ​റ​ക​യും ദൈവം അവനെ മരിച്ച​വ​രിൽനി​ന്നു ഉയിർത്തെ​ഴു​ന്നേ​ല്‌പി​ച്ചു എന്നു ഹൃദയം​കൊ​ണ്ടു വിശ്വ​സി​ക്ക​യും ചെയ്‌താൽ നീ രക്ഷിക്ക​പ്പെ​ടും.”—റോമർ 10:9.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

 [250-ാം പേജിലെ ചിത്രം]

പ്രാർഥിക്കുന്നതിനും പഠിക്കു​ന്ന​തി​നും ധ്യാനി​ക്കു​ന്ന​തി​നു​മുള്ള അവസരം ശബത്ത്‌ പ്രദാനം ചെയ്യു​മാ​യി​രു​ന്നു

[256-ാം പേജിലെ ചിത്രങ്ങൾ]

1935-ൽ വാഷി​ങ്‌ടൺ ഡി.സി.-ൽ നടന്ന ഒരു കൺ​വെൻ​ഷ​നിൽ വേറെ ആടുകൾ ആരാ​ണെന്ന്‌ വ്യക്തമാ​യി വിശദീ​ക​രി​ക്ക​പ്പെട്ടു (താഴത്തെ ചിത്രം സ്‌നാ​പനം, വലത്ത്‌ കൺ​വെൻ​ഷൻ കാര്യ​പ​രി​പാ​ടി)

[259-ാം പേജിലെ ചിത്രം]

വന്യമൃഗങ്ങളെ വിരു​ന്നി​നു ക്ഷണിക്കു​ന്നു

 [261-ാം പേജിലെ ചിത്രങ്ങൾ]

അന്യജാതിക്കാരും ദൈവ​ത്തി​ന്റെ ഇസ്രാ​യേ​ലും ഐക്യ​ത്തിൽ കഴിയു​ന്നു