അധ്യായം പതിമൂന്ന്‌

‘ഒരു​പോ​ലെ ഉല്ലസിച്ചു ഘോഷി​ക്കു​വിൻ’!

യെശയ്യാവു 52:1-12

1. യെശയ്യാ​വു 52-ാം അധ്യാ​യ​ത്തി​ലെ പ്രാവ​ച​നിക വചനങ്ങൾ സന്തോ​ഷ​ത്തി​ന്റെ ഉറവ്‌ ആയിരി​ക്കു​ന്നത്‌ എങ്ങനെ, അതിന്‌ ഏതു രണ്ടു നിവൃ​ത്തി​കൾ ഉണ്ട്‌?

 വിമോ​ചനം! അടിമ​ത്ത​ത്തി​ലാ​യി​രി​ക്കുന്ന ഒരു ജനത്തിന്‌ അതി​നെ​ക്കാ​ളേറെ ആശ്വാ​സ​മേ​കുന്ന മറ്റെന്തു പ്രത്യാ​ശ​യുണ്ട്‌? യെശയ്യാ പുസ്‌ത​ക​ത്തി​ന്റെ പ്രധാന വിഷയം വിമോ​ച​ന​വും പുനഃ​സ്ഥി​തീ​ക​ര​ണ​വും ആയതി​നാൽ, സങ്കീർത്ത​നങ്ങൾ കഴിഞ്ഞാൽപ്പി​ന്നെ സന്തോ​ഷത്തെ കുറി​ച്ചുള്ള പ്രയോ​ഗങ്ങൾ കൂടു​ത​ലാ​യി കാണ​പ്പെ​ടു​ന്നത്‌ ഈ ബൈബിൾ പുസ്‌ത​ക​ത്തി​ലാണ്‌ എന്നതിൽ അതിശ​യി​ക്കാ​നില്ല. യെശയ്യാ​വു 52-ാം അധ്യായം വിശേ​ഷി​ച്ചും ദൈവ​ജ​ന​ത്തി​നു സന്തോ​ഷി​ക്കാൻ കാരണ​മേ​കു​ന്നു. പൊ.യു.മു. 537-ൽ അതിന്റെ പ്രാവ​ച​നിക വചനങ്ങൾ യെരൂ​ശ​ലേ​മി​ന്മേൽ നിവൃ​ത്തി​യേറി. ആ വചനങ്ങൾക്ക്‌, ആത്മജീ​വി​കൾ അടങ്ങിയ യഹോ​വ​യു​ടെ സ്വർഗീയ സംഘട​ന​യായ, ചില​പ്പോ​ഴൊ​ക്കെ അമ്മയെ​ന്നും ഭാര്യ​യെ​ന്നും വിശേ​ഷി​പ്പി​ച്ചി​രി​ക്കുന്ന, ‘മീതെ​യു​ളള യെരൂ​ശ​ലേം’ ഉൾപ്പെട്ട കൂടു​ത​ലായ ഒരു നിവൃ​ത്തി​യുണ്ട്‌.—ഗലാത്യർ 4:26; വെളി​പ്പാ​ടു 12:1.

‘സീയോ​നേ, നിന്റെ ബലം ധരിച്ചു​കൊൾക’

2. സീയോൻ ഉണരു​ന്നത്‌ എപ്പോൾ, അത്‌ എങ്ങനെ സംഭവി​ക്കു​ന്നു?

² യെശയ്യാവ്‌ മുഖാ​ന്തരം യഹോവ തന്റെ പ്രിയ നഗരമായ സീയോ​നോ​ടു പറയുന്നു: “സീയോ​നേ, ഉണരുക, ഉണരുക; നിന്റെ ബലം ധരിച്ചു​കൊൾക; വിശു​ദ്ധ​ന​ഗ​ര​മായ യെരൂ​ശ​ലേമേ, നിന്റെ അലങ്കാ​ര​വ​സ്‌ത്രം ധരിച്ചു​കൊൾക; ഇനി​മേ​ലാൽ അഗ്രചർമ്മി​യും അശുദ്ധ​നും നിന്നി​ലേക്കു വരിക​യില്ല. പൊടി കുടഞ്ഞു​കളക; യെരൂ​ശ​ലേമേ, എഴു​ന്നേ​ററു ഇരിക്ക; ബദ്ധയായ സീയോൻപു​ത്രീ, നിന്റെ കഴുത്തി​ലെ ബന്ധനങ്ങളെ അഴിച്ചു​കളക.” (യെശയ്യാ​വു 52:1, 2) യെരൂ​ശ​ലേ​മി​ലെ നിവാ​സി​കൾ യഹോ​വ​യു​ടെ കോപം ഇളക്കി​വി​ട്ട​തി​നാൽ ആ നഗരം 70 വർഷമാ​യി ശൂന്യാ​വ​സ്ഥ​യി​ലാണ്‌. (2 രാജാ​ക്ക​ന്മാർ  24:4; 2 ദിനവൃ​ത്താ​ന്തം 36:15-21; യിരെ​മ്യാ​വു 25:8-11; ദാനീ​യേൽ 9:2) ദീർഘ നാളത്തെ നിഷ്‌ക്രി​യാ​വ​സ്ഥ​യിൽനിന്ന്‌ ഉണർന്ന്‌ വിമോ​ച​ന​ത്തി​ന്റെ അലങ്കാ​ര​വ​സ്‌ത്രം അണിയാൻ അവൾക്കി​പ്പോൾ സമയമാ​യി. ‘ബദ്ധയായ സീയോൻപു​ത്രി’യെ മോചി​പ്പി​ക്കാൻ യഹോവ കോ​രെ​ശി​നെ പ്രേരി​പ്പി​ച്ചി​രി​ക്കു​ന്നു. അങ്ങനെ മുൻ യെരൂ​ശ​ലേം നിവാ​സി​കൾക്കും അവരുടെ സന്തതി​കൾക്കും യെരൂ​ശ​ലേ​മി​ലേക്കു മടങ്ങി​ച്ചെന്ന്‌ സത്യാ​രാ​ധന പുനഃ​സ്ഥാ​പി​ക്കാൻ സാധി​ക്കും. അഗ്രചർമ്മി​യും അശുദ്ധ​നും യെരൂ​ശ​ലേ​മിൽ ഉണ്ടായി​ക്കൂ​ടാ.—എസ്രാ 1:1-4.

3. അഭിഷിക്ത ക്രിസ്‌ത്യാ​നി​ക​ളു​ടെ സഭയെ ‘സീയോൻപു​ത്രി’ എന്നു വിളി​ക്കാ​വു​ന്നത്‌ എന്തു​കൊണ്ട്‌, ഏത്‌ അർഥത്തിൽ അവർ സ്വത​ന്ത്ര​രാ​ക്ക​പ്പെ​ടു​ന്നു?

³ യെശയ്യാവിന്റെ ഈ വാക്കു​കൾക്ക്‌ ക്രിസ്‌തീയ സഭയോ​ടുള്ള ബന്ധത്തി​ലും നിവൃ​ത്തി​യു​ണ്ടാ​കു​ന്നു. അഭിഷിക്ത ക്രിസ്‌ത്യാ​നി​ക​ളു​ടെ സഭയെ ആധുനിക ‘സീയോൻപു​ത്രി’ എന്നു വിശേ​ഷി​പ്പി​ക്കാ​നാ​കും. കാരണം, ‘മീതെ​യുള്ള യെരൂ​ശ​ലേം’ അവളുടെ അമ്മയാണ്‌. a പുറജാ​തീയ പഠിപ്പി​ക്ക​ലു​ക​ളിൽനി​ന്നും വിശ്വാ​സ​ത്യാ​ഗി​ക​ളു​ടെ ഉപദേ​ശ​ങ്ങ​ളിൽനി​ന്നും സ്വത​ന്ത്ര​രായ അഭിഷി​ക്തർ യഹോ​വ​യു​ടെ മുമ്പാകെ ശുദ്ധമായ നില കാത്തു​സൂ​ക്ഷി​ക്കേ​ണ്ട​തുണ്ട്‌. ജഡത്തിൽ പരി​ച്ഛേദന നടത്തി​ക്കൊ​ണ്ടല്ല, മറിച്ച്‌ ഹൃദയ​പ​രി​ച്ഛേദന നടത്തി​ക്കൊ​ണ്ടു വേണം അതു ചെയ്യാൻ. (യിരെ​മ്യാ​വു 31:33; റോമർ 2:25-29) യഹോ​വ​യു​ടെ മുമ്പാകെ ആത്മീയ​വും മാനസി​ക​വും ധാർമി​ക​വു​മാ​യി ശുദ്ധി​യു​ള്ളവർ ആയിരി​ക്കു​ന്ന​തി​നെ ഇത്‌ അർഥമാ​ക്കു​ന്നു.—1 കൊരി​ന്ത്യർ 7:19; എഫെസ്യർ 2:3.

4. ‘മീതെ​യുള്ള യെരൂ​ശ​ലേം’ ഒരിക്ക​ലും യഹോ​വ​യോട്‌ അനുസ​ര​ണ​ക്കേടു കാണി​ച്ചി​ല്ലെ​ങ്കി​ലും, ഭൂമി​യി​ലെ അവളുടെ പ്രതി​നി​ധി​കൾക്കു പുരാതന യെരൂ​ശ​ലേം നിവാ​സി​ക​ളു​ടേ​തി​നു സമാന​മായ എന്ത്‌ അനുഭ​വങ്ങൾ ഉണ്ടായി?

⁴ ‘മീതെ​യുള്ള യെരൂ​ശ​ലേം’ ഒരിക്ക​ലും യഹോ​വ​യോട്‌ അനുസ​ര​ണ​ക്കേടു കാണി​ച്ചി​ട്ടില്ല. എന്നിരു​ന്നാ​ലും, അവളുടെ ഭൗമിക പ്രതി​നി​ധി​കൾ, അതായത്‌ അഭിഷിക്ത ക്രിസ്‌ത്യാ​നി​കൾ, ഒന്നാം ലോക​മ​ഹാ​യു​ദ്ധ​കാ​ലത്ത്‌ യഹോ​വ​യു​ടെ നിയമം ലംഘിച്ചു. അതു ബോധ​പൂർവം ആയിരു​ന്നില്ല. യഥാർഥ ക്രിസ്‌തീയ നിഷ്‌പക്ഷത സംബന്ധിച്ച്‌ അവർക്കു വ്യക്തമായ ഗ്രാഹ്യം ഇല്ലായി​രു​ന്ന​താണ്‌ അതിനു കാരണം. ദിവ്യാം​ഗീ​കാ​രം നഷ്ടപ്പെട്ട അവർ ആത്മീയ അർഥത്തിൽ വ്യാജമത ലോക​സാ​മ്രാ​ജ്യ​മായ “മഹാബാ​ബി​ലോ”ന്റെ അടിമ​ത്ത​ത്തി​ലാ​യി. (വെളി​പ്പാ​ടു 17:5, NW) അവരുടെ അടിമത്തം 1918 ജൂണിൽ പാരമ്യ​ത്തി​ലെത്തി. ആ വർഷം വാച്ച്‌ ടവർ സൊ​സൈ​റ്റി​യു​ടെ  എട്ട്‌ ഓഫീസ്‌ അംഗങ്ങളെ ഗൂഢാ​ലോ​ചന ഉൾപ്പെട്ട വ്യാജ​കു​റ്റം ആരോ​പിച്ച്‌ തടവി​ലാ​ക്കി. ആ ഘട്ടത്തിൽ, സംഘടി​ത​മായ രീതി​യി​ലുള്ള രാജ്യ​സു​വാർത്ത പ്രസംഗം ഏതാണ്ട്‌ നിലച്ചതു പോ​ലെ​യാ​യി. എന്നിരു​ന്നാ​ലും, 1919-ൽ ആത്മീയ​മാ​യി ഉണരു​ന്ന​തി​നുള്ള ഹൃദ്യ​മായ ഒരു ആഹ്വാനം ഉയർന്നു​കേട്ടു. അഭിഷിക്ത ക്രിസ്‌ത്യാ​നി​കൾ മഹാബാ​ബി​ലോ​ണി​ന്റെ ധാർമി​ക​വും ആത്മീയ​വു​മായ അശുദ്ധി​യിൽനി​ന്നു പൂർണ​മാ​യി വിമു​ക്ത​മാ​കാൻ തുടങ്ങി. അവർ അടിമ​ത്ത​ത്തി​ന്റെ പൊടി കുടഞ്ഞു​ക​ളഞ്ഞ്‌ എഴു​ന്നേറ്റു. “മീതെ​യുള്ള യെരൂ​ശലേ”മിന്‌ ആത്മീയ അശുദ്ധി​യു​ടെ ലാഞ്‌ഛനം പോലു​മി​ല്ലാത്ത “വിശു​ദ്ധ​നഗര”ത്തിന്റെ പ്രതാപം കൈവന്നു.

5. യഹോ​വ​യ്‌ക്ക്‌ തന്റെ ജനത്തെ ബന്ദിക​ളാ​ക്കി​യ​വർക്കു നഷ്ടപരി​ഹാ​രം നൽകാ​തെ​തന്നെ അവരെ തിരികെ വാങ്ങാ​നുള്ള പൂർണ അവകാ​ശ​മു​ണ്ടാ​യി​രു​ന്നത്‌ എന്തു​കൊണ്ട്‌?

⁵ പൊ.യു.മു. 537-ലും പൊ.യു. 1919-ലും യഹോ​വ​യ്‌ക്ക്‌ തന്റെ ജനത്തെ മോചി​പ്പി​ക്കാ​നുള്ള പൂർണ അധികാ​രം ഉണ്ടായി​രു​ന്നു. യെശയ്യാ​വു വിശദീ​ക​രി​ക്കു​ന്നതു ശ്രദ്ധി​ക്കുക: “യഹോവ ഇപ്രകാ​രം അരുളി​ച്ചെ​യ്യു​ന്നു: വിലവാ​ങ്ങാ​തെ നിങ്ങളെ വിററു​ക​ളഞ്ഞു; വില​കൊ​ടു​ക്കാ​തെ നിങ്ങളെ വീണ്ടു​കൊ​ള്ളും.” (യെശയ്യാ​വു 52:3) ദൈവ​ജ​നത്തെ അടിമ​ക​ളാ​യി പിടി​ച്ചു​കൊ​ണ്ടു പോയ​പ്പോൾ അതിനു പ്രതി​ഫ​ല​മാ​യി പുരാതന ബാബി​ലോ​ണോ മഹാബാ​ബി​ലോ​ണോ എന്തെങ്കി​ലും നൽകി​യില്ല. പണം ഉൾപ്പെട്ട എന്തെങ്കി​ലു​മൊ​രു ഇടപാട്‌ നടക്കാ​തി​രുന്ന സ്ഥിതിക്ക്‌ യഹോ​വ​ത​ന്നെ​യാണ്‌ ഇപ്പോ​ഴും തന്റെ ജനത്തിന്റെ നിയമ​പ​ര​മായ അധികാ​രി. അവന്‌ ആരോ​ടെ​ങ്കി​ലും എന്തെങ്കി​ലും കടപ്പാടു തോ​ന്നേ​ണ്ട​തു​ണ്ടോ? നിശ്ചയ​മാ​യും ഇല്ല. ഇരു കൂട്ടരു​ടെ​യും കാര്യ​ത്തിൽ, യഹോ​വ​യ്‌ക്ക്‌ തന്റെ ആരാധ​കരെ ബന്ദിക​ളാ​ക്കി​യ​വർക്കു നഷ്ടപരി​ഹാ​രം നൽകാ​തെ​തന്നെ അവരെ തിരികെ വാങ്ങാ​നുള്ള പൂർണ അവകാ​ശ​മു​ണ്ടാ​യി​രു​ന്നു.—യെശയ്യാ​വു 45:13.

6. യഹോ​വ​യു​ടെ ശത്രുക്കൾ ചരി​ത്ര​ത്തിൽനിന്ന്‌ എന്തു പാഠം പഠിക്കാൻ പരാജ​യ​പ്പെട്ടു?

⁶ യഹോവയുടെ ശത്രുക്കൾ ചരി​ത്ര​ത്തിൽനി​ന്നു പാഠം പഠിച്ചി​രു​ന്നില്ല. നാം ഇങ്ങനെ വായി​ക്കു​ന്നു: “യഹോ​വ​യായ കർത്താവു ഇപ്രകാ​രം അരുളി​ച്ചെ​യ്യു​ന്നു: എന്റെ ജനം പണ്ടു പരദേ​ശ​വാ​സം ചെയ്‌വാൻ മിസ്ര​യീ​മി​ലേക്കു ഇറങ്ങി​ച്ചെന്നു; അശ്ശൂരും അവരെ വെറുതെ പീഡി​പ്പി​ച്ചു.” (യെശയ്യാ​വു 52:4) ഈജി​പ്‌തി​ലെ ഫറവോൻ, തന്റെ ദേശ​ത്തേക്ക്‌ അതിഥി​ക​ളാ​യി ക്ഷണിച്ചു​വ​രു​ത്തിയ ഇസ്രാ​യേ​ല്യ​രെ അടിമ​ക​ളാ​ക്കി. എന്നാൽ, യഹോവ ഫറവോ​നെ​യും അവന്റെ സൈന്യ​ത്തെ​യും ചെങ്കട​ലിൽ താഴ്‌ത്തി. (പുറപ്പാ​ടു 1:11-14; 14:27, 28) അസീറി​യൻ ഭരണാ​ധി​പ​നായ സൻഹേ​രീബ്‌ യെരൂ​ശ​ലേ​മി​നെ  ഭീഷണി​പ്പെ​ടു​ത്തി​യ​പ്പോൾ യഹോ​വ​യു​ടെ ദൂതൻ ആ രാജാ​വി​ന്റെ പടയാ​ളി​ക​ളിൽ 1,85,000 പേരെ കൊന്നു​ക​ളഞ്ഞു. (യെശയ്യാ​വു 37:33-37) സമാന​മാ​യി, പുരാതന ബാബി​ലോ​ണി​നോ മഹാബാ​ബി​ലോ​ണി​നോ ദൈവ​ജ​നത്തെ ദ്രോ​ഹി​ച്ച​തി​ന്റെ പ്രത്യാ​ഘാ​ത​ങ്ങ​ളിൽനി​ന്നു രക്ഷപ്പെ​ടാ​നാ​വില്ല.

“എന്റെ ജനം എന്റെ നാമത്തെ അറിയും”

7. യഹോ​വ​യു​ടെ ജനം അടിമ​ത്ത​ത്തിൽ ആയത്‌ അവന്റെ നാമത്തെ എങ്ങനെ ബാധി​ക്കു​ക​യു​ണ്ടാ​യി?

⁷ യഹോവയുടെ ജനത്തിന്റെ അടിമത്തം അവന്റെ നാമത്തെ ബാധി​ക്കു​ന്നു. പ്രവചനം തുടർന്ന്‌ അതാണു കാണി​ക്കു​ന്നത്‌: “ഇപ്പോ​ഴോ എന്റെ ജനത്തെ വെറുതെ പിടിച്ചു കൊണ്ടു പോയി​രി​ക്ക​കൊ​ണ്ടു ഞാൻ ഇവിടെ എന്തു ചെയ്യേണ്ടു എന്നു യഹോവ അരുളി​ച്ചെ​യ്യു​ന്നു; അവരുടെ അധിപ​തി​മാർ മുറയി​ടു​ന്നു; എന്റെ നാമം ഇടവി​ടാ​തെ എല്ലായ്‌പോ​ഴും ദുഷി​ക്ക​പ്പെ​ടു​ന്നു എന്നും യഹോവ അരുളി​ച്ചെ​യ്യു​ന്നു. അതു​കൊ​ണ്ടു എന്റെ ജനം എന്റെ നാമത്തെ അറിയും; അതു​കൊ​ണ്ടു ഞാൻ, ഞാൻ തന്നെയാ​കു​ന്നു പ്രസ്‌താ​വി​ക്കു​ന്നവൻ എന്നു അവർ അന്നു അറിയും.” (യെശയ്യാ​വു 52:5, 6) ഈ സാഹച​ര്യ​ത്തി​ന്മേൽ യഹോവ എന്തിനു താത്‌പ​ര്യ​മെ​ടു​ക്കണം? ഇസ്രാ​യേൽ ബാബി​ലോ​ണിൽ അടിമ​ത്ത​ത്തിൽ ആയിരി​ക്കു​ന്ന​തി​നെ കുറിച്ച്‌ അവൻ എന്തിനു ചിന്തയു​ള്ള​വ​നാ​യി​രി​ക്കണം? യഹോവ നടപടി സ്വീക​രി​ക്കേ​ണ്ട​തുണ്ട്‌. കാരണം, ബാബി​ലോൺ അവന്റെ ജനത്തെ അടിമ​ക​ളാ​യി പിടി​ച്ചു​കൊ​ണ്ടു പോ​യെന്നു മാത്രമല്ല അവരു​ടെ​മേൽ വിജയം ആഘോ​ഷി​ക്കു​ക​യു​മാണ്‌. അത്തരം വീമ്പി​ള​ക്ക​ലി​നി​ട​യിൽ ബാബി​ലോ​ണി​യർ യഹോ​വ​യു​ടെ നാമ​ത്തോട്‌ അനാദ​രവു കാണി​ക്കു​ന്നു.  (യെഹെ​സ്‌കേൽ 36:20, 21) യെരൂ​ശ​ലേ​മി​ന്റെ ശൂന്യാ​വസ്ഥ തന്റെ ജനത്തോ​ടുള്ള യഹോ​വ​യു​ടെ ഇഷ്ടക്കേ​ടു​കൊണ്ട്‌ ഉണ്ടായ​താ​ണെന്നു മനസ്സി​ലാ​ക്കാൻ അവർ പരാജ​യ​പ്പെ​ടു​ന്നു. പകരം, യഹൂദർ അടിമ​ത്ത​ത്തി​ലാ​യത്‌ അവരുടെ ദൈവ​ത്തി​ന്റെ കഴിവി​ല്ലാ​യ്‌മ​യു​ടെ തെളി​വാ​ണെന്ന്‌ അവർ കരുതു​ന്നു. ബാബി​ലോ​ണി​ന്റെ സഹഭര​ണാ​ധി​പ​നായ ബേൽശസ്സർ, ബാബി​ലോ​ണി​യൻ ദേവന്മാ​രെ സ്‌തു​തി​ച്ചു​കൊ​ണ്ടു നടത്തിയ വിരു​ന്നിൽ യഹോ​വ​യു​ടെ ആലയത്തിൽനിന്ന്‌ എടുത്തു​കൊ​ണ്ടു​വന്ന പവി​ത്ര​മായ പാത്രങ്ങൾ ഉപയോ​ഗി​ക്കു​ക​വഴി അവനെ നിന്ദി​ക്കുക പോലും ചെയ്യുന്നു.—ദാനീ​യേൽ 5:1-4.

8. അപ്പൊ​സ്‌ത​ല​ന്മാ​രു​ടെ മരണ​ശേഷം യഹോ​വ​യു​ടെ നാമത്തിന്‌ എന്തു സംഭവി​ച്ചി​രി​ക്കു​ന്നു?

⁸ ഇതെല്ലാം “മീതെ​യുള്ള യെരൂ​ശലേ”മിനു ബാധക​മാ​കു​ന്നത്‌ എങ്ങനെ​യാണ്‌? ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രു​ടെ ഇടയിൽ വിശ്വാ​സ​ത്യാ​ഗം വേരെ​ടു​ത്തതു മുതൽ “ദൈവ​ത്തി​ന്റെ നാമം ജാതി​ക​ളു​ടെ ഇടയിൽ ദുഷി​ക്കപ്പെ”ട്ടുകൊ​ണ്ടി​രി​ക്കു​ന്നു എന്നു പറയാ​നാ​കും. (റോമർ 2:24; പ്രവൃ​ത്തി​കൾ 20:29, 30) വാസ്‌ത​വ​ത്തിൽ, അന്ധവി​ശ്വാ​സം നിമിത്തം യഹൂദർ ഒടുവിൽ ദൈവ​ത്തി​ന്റെ നാമം ഉപയോ​ഗി​ക്കാ​താ​യി​രു​ന്നു. അപ്പൊ​സ്‌ത​ല​ന്മാ​രു​ടെ മരണ​ശേഷം അധികം വൈകാ​തെ​തന്നെ വിശ്വാ​സ​ത്യാ​ഗി​ക​ളായ ക്രിസ്‌ത്യാ​നി​കൾ യഹൂദ​രു​ടെ മാതൃക പിൻപറ്റി ദൈവ​ത്തി​ന്റെ വ്യക്തിഗത നാമം ഉപയോ​ഗി​ക്കാ​താ​യി. വിശ്വാ​സ​ത്യാ​ഗ​ത്തി​ന്റെ ഫലമായി മഹാബാ​ബി​ലോ​ണി​ന്റെ ഒരു പ്രമുഖ ഭാഗമായ ക്രൈ​സ്‌ത​വ​ലോ​കം വികാസം പ്രാപി​ച്ചു. (2 തെസ്സ​ലൊ​നീ​ക്യർ 2:3, 7; വെളി​പ്പാ​ടു 17:5) ക്രൈ​സ്‌ത​വ​ലോ​ക​ത്തി​ന്റെ കൊടിയ അധാർമി​ക​ത​യും ഭീതി​ദ​മായ രക്തപാ​ത​ക​വും യഹോ​വ​യു​ടെ നാമം ദുഷി​ക്ക​പ്പെ​ടാൻ ഇടയാ​ക്കി​യി​രി​ക്കു​ന്നു.—2 പത്രൊസ്‌ 2:1, 2.

9, 10. യഹോ​വ​യു​ടെ നിലവാ​ര​ങ്ങ​ളെ​യും അവന്റെ നാമ​ത്തെ​യും കുറിച്ച്‌ ആഴമായ എന്ത്‌ ഗ്രാഹ്യ​മാണ്‌ ആധുനിക കാലങ്ങ​ളിൽ ദൈവ​ത്തി​ന്റെ ഉടമ്പടി ജനത്തിന്‌ ഉണ്ടായി​രി​ക്കു​ന്നത്‌?

⁹ വലിയ കോ​രെ​ശായ യേശു​ക്രി​സ്‌തു 1919-ൽ ദൈവ​ത്തി​ന്റെ ഉടമ്പടി ജനത്തെ മഹാബാ​ബി​ലോ​ണി​ന്റെ അടിമ​ത്ത​ത്തിൽനി​ന്നു സ്വത​ന്ത്ര​രാ​ക്കി​യ​പ്പോൾ അവർക്ക്‌ യഹോ​വ​യു​ടെ നിബന്ധ​നകൾ സംബന്ധി​ച്ചു മെച്ചമായ ഗ്രാഹ്യ​മു​ണ്ടാ​യി. അതി​നോ​ടകം അവർ ത്രിത്വം, ആത്മാവി​ന്റെ അമർത്യത, അഗ്നിന​ര​ക​ത്തി​ലെ നിത്യ​ദ​ണ്ഡനം എന്നിങ്ങനെ ക്രൈ​സ്‌ത​വ​പൂർവ പുറജാ​തീയ മതങ്ങളിൽ വേരൂ​ന്നി​യി​രുന്ന ക്രൈ​സ്‌ത​വ​ലോ​ക​ത്തി​ന്റെ പല പഠിപ്പി​ക്ക​ലു​ക​ളിൽനി​ന്നും തങ്ങളെ​ത്തന്നെ വെടി​പ്പാ​ക്കി​യി​രു​ന്നു. ഇപ്പോൾ അവർ ബാബി​ലോ​ണി​യൻ  സ്വാധീ​ന​ങ്ങ​ളിൽനി​ന്നു പൂർണ​മാ​യും മുക്തരാ​കു​ന്ന​തി​നുള്ള സകല പടിക​ളും സ്വീക​രി​ക്കാൻ തുടങ്ങി. ഈ ലോക​ത്തി​ന്റെ ദേശീ​യ​ത​യു​മാ​യി ബന്ധപ്പെട്ട കാര്യ​ങ്ങ​ളിൽ കർശന​മായ നിഷ്‌പക്ഷത പാലി​ക്കേ​ണ്ട​തി​ന്റെ പ്രാധാ​ന്യ​വും അവർ തിരി​ച്ച​റി​ഞ്ഞു. ഏതെങ്കി​ലും വിധത്തിൽ തങ്ങളു​ടെ​മേൽ വന്നിരി​ക്കാൻ ഇടയുള്ള രക്തപാ​ത​ക​ത്തിൽനി​ന്നു ശുദ്ധീ​ക​രണം പ്രാപി​ക്കാൻ പോലും അവർ ആഗ്രഹി​ച്ചു.

¹⁰ ദൈവത്തിന്റെ ആധുനിക ദാസർ യഹോ​വ​യു​ടെ നാമത്തി​ന്റെ പ്രാധാ​ന്യ​ത്തെ കുറി​ച്ചും ആഴമായ ഗ്രാഹ്യം നേടി. 1931-ൽ അവർ യഹോ​വ​യു​ടെ സാക്ഷികൾ എന്ന പേർ സ്വീക​രി​ച്ചു. അങ്ങനെ യഹോ​വ​യ്‌ക്കും അവന്റെ നാമത്തി​നും പിന്തു​ണ​യേ​കു​ന്ന​താ​യി അവർ പരസ്യ​മാ​യി പ്രഖ്യാ​പി​ച്ചു. കൂടാതെ, 1950-ൽ പുതി​യ​ലോക ഭാഷാ​ന്തരം പ്രസി​ദ്ധീ​ക​രി​ച്ചതു മുതൽ യഹോ​വ​യു​ടെ സാക്ഷികൾ ബൈബി​ളിൽ ഉചിത​മായ സ്ഥാന​ത്തെ​ല്ലാം യഹോ​വ​യു​ടെ നാമം വീണ്ടും ഉപയോ​ഗി​ക്കു​ക​യു​ണ്ടാ​യി. അതേ, സാക്ഷികൾ യഹോ​വ​യു​ടെ നാമം വിലമ​തി​ക്കു​ക​യും ഭൂമി​യു​ടെ അറ്റങ്ങ​ളോ​ളം അത്‌ പ്രസി​ദ്ധ​മാ​ക്കു​ക​യും ചെയ്യുന്നു.

‘സുവാർത്താ​ദൂ​തൻ’

11. പൊ.യു.മു. 537-ൽ നടന്ന സംഭവ​ങ്ങ​ളോ​ടുള്ള ബന്ധത്തിൽ “നിന്റെ ദൈവം വാഴുന്നു” എന്ന പ്രഖ്യാ​പനം ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

¹¹ അടുത്തതായി, ഇപ്പോ​ഴും ശൂന്യാ​വ​സ്ഥ​യിൽ ആയിരി​ക്കുന്ന സീയോ​നി​ലേക്കു വീണ്ടും യെശയ്യാവ്‌ നമ്മുടെ ശ്രദ്ധ തിരി​ക്കു​ന്നു. ഒരു സന്ദേശ​വാ​ഹകൻ സുവാർത്ത​യു​മാ​യി സമീപി​ക്കു​ന്നു: “സമാധാ​നത്തെ ഘോഷി​ച്ചു നന്മയെ സുവി​ശേ​ഷി​ക്ക​യും രക്ഷയെ പ്രസി​ദ്ധ​മാ​ക്കു​ക​യും സീയോ​നോ​ടു: നിന്റെ ദൈവം വാഴുന്നു എന്നു പറകയും ചെയ്യുന്ന സുവാർത്താ​ദൂ​തന്റെ കാൽ [“പാദങ്ങൾ, NW] പർവ്വത​ങ്ങ​ളി​ന്മേൽ എത്ര മനോ​ഹരം!” (യെശയ്യാ​വു 52:7) പൊ.യു.മു. 537-ൽ സീയോ​ന്റെ ദൈവം രാജാ​വാ​യി​ത്തീർന്നു എന്ന്‌ എങ്ങനെ പറയാ​നാ​കും? യഹോവ എല്ലായ്‌പോ​ഴും രാജാ​വാ​യി​രു​ന്നി​ട്ടി​ല്ലേ? വാസ്‌ത​വ​ത്തിൽ, അവൻ ‘നിത്യ​ത​യു​ടെ രാജാവ്‌’ ആണ്‌. (വെളി​പ്പാ​ടു 15:3, NW) എങ്കിലും, “നിന്റെ ദൈവം വാഴുന്നു” എന്ന പ്രഖ്യാ​പനം ഉചിത​മാണ്‌. കാരണം, ബാബി​ലോ​ണി​ന്റെ പതനവും യെരൂ​ശ​ലേ​മി​ലെ ആലയം പുനർനിർമി​ക്കാ​നും അവിടെ നിർമ​ലാ​രാ​ധന പുനഃ​സ്ഥാ​പി​ക്കാ​നും ഉള്ള പ്രഖ്യാ​പ​ന​വും ദൈവ​ത്തി​ന്റെ രാജത്വ​ത്തി​ന്റെ പ്രകട​ന​മാണ്‌.—സങ്കീർത്തനം 97:1.

12. ‘സുവി​ശേ​ഷി​ക്കു​ന്ന​തിൽ’ ആരാണു നേതൃ​ത്വം വഹിച്ചത്‌, എങ്ങനെ?

 ¹² യെശയ്യാവിന്റെ നാളിൽ ഏതെങ്കി​ലു​മൊ​രു വ്യക്തി​യോ വ്യക്തി​ക​ളോ ‘സുവാർത്താ​ദൂത’നായി തിരി​ച്ച​റി​യ​പ്പെ​ട്ടി​രു​ന്നില്ല. എന്നാൽ, ഇന്ന്‌ സുവാർത്താ​ദൂ​തൻ ആരാ​ണെന്നു തിരി​ച്ച​റി​യ​പ്പെ​ട്ടി​രി​ക്കു​ന്നു. യേശു​ക്രി​സ്‌തു​വാണ്‌ യഹോ​വ​യു​ടെ ഏറ്റവും പ്രമുഖ സന്ദേശ​വാ​ഹകൻ. ഭൂമി​യിൽ ആയിരു​ന്ന​പ്പോൾ അവൻ, രോഗ​വും മരണവും ഉൾപ്പെടെ ആദാമിൽ നിന്നു പാരമ്പ​ര്യ​മാ​യി ലഭിച്ച പാപത്തി​ന്റെ സകല ഫലങ്ങളിൽനി​ന്നും മോചനം ലഭിക്കു​മെന്ന സുവാർത്ത ഘോഷി​ച്ചു. (മത്തായി 9:35) ദൈവ​രാ​ജ്യ​ത്തെ കുറിച്ച്‌ ആളുകളെ പഠിപ്പി​ക്കാൻ ലഭ്യമായ എല്ലാ അവസര​ങ്ങ​ളും വിനി​യോ​ഗി​ച്ചു​കൊണ്ട്‌ നന്മ സുവി​ശേ​ഷി​ക്കു​ന്ന​തിൽ യേശു ഉത്‌കൃ​ഷ്ട​മായ മാതൃക വെച്ചു. (മത്തായി 5:1, 2; മർക്കൊസ്‌ 6:34; ലൂക്കൊസ്‌ 19:1-10; യോഹ​ന്നാൻ 4:5-26) ശിഷ്യ​ന്മാർ അവന്റെ മാതൃക പിൻപറ്റി.

13. (എ) “സുവാർത്താ​ദൂ​തന്റെ കാൽ പർവ്വത​ങ്ങ​ളി​ന്മേൽ എത്ര മനോ​ഹരം!” എന്ന പ്രയോ​ഗത്തെ പൗലൊസ്‌ അപ്പൊ​സ്‌തലൻ ബാധക​മാ​ക്കി​യത്‌ എങ്ങനെ? (ബി) സന്ദേശ​വാ​ഹ​ക​രു​ടെ പാദങ്ങൾ “മനോ​ഹരം” ആയിരി​ക്കു​ന്നു എന്നു പറയാ​വു​ന്നത്‌ എന്തു​കൊണ്ട്‌?

¹³ റോമർക്ക്‌ എഴുതിയ ലേഖന​ത്തിൽ പൗലൊസ്‌ അപ്പൊ​സ്‌തലൻ സുവാർത്ത പ്രസം​ഗി​ക്കു​ന്ന​തി​ന്റെ പ്രാധാ​ന്യം എടുത്തു​കാ​ണി​ക്കാൻ യെശയ്യാ​വു 52:7 ഉദ്ധരിച്ചു. അവിടെ അവൻ ചിന്തോ​ദ്ദീ​പ​ക​മായ ഏതാനും  ചോദ്യ​ങ്ങൾ ഉന്നയി​ക്കു​ന്നു. “പ്രസം​ഗി​ക്കു​ന്നവൻ ഇല്ലാതെ എങ്ങനെ കേൾക്കും?” അവൻ ചോദി​ച്ചു. എന്നിട്ട്‌, അവൻ ഇങ്ങനെ പറയുന്നു: ‘“നന്മ സുവി​ശേ​ഷി​ക്കു​ന്ന​വ​രു​ടെ കാൽ എത്ര മനോ​ഹരം” എന്നു എഴുതി​യി​രി​ക്കു​ന്നു​വ​ല്ലോ.’ (റോമർ 10:14, 15) യെശയ്യാ പുസ്‌ത​ക​ത്തി​ന്റെ മൂല പാഠത്തിൽ ഉപയോ​ഗി​ച്ചി​രി​ക്കുന്ന “ദൂതന്റെ” എന്ന ഏകവച​ന​ത്തി​നു പകരം “സുവി​ശേ​ഷി​ക്കു​ന്ന​വ​രു​ടെ” എന്ന ബഹുവ​ചനം ഉപയോ​ഗി​ച്ചു​കൊണ്ട്‌ പൗലൊസ്‌ യെശയ്യാ​വു 52:7 ബാധക​മാ​ക്കി. യേശു​വി​നെ അനുക​രി​ക്കുന്ന എല്ലാ ക്രിസ്‌ത്യാ​നി​ക​ളും സമാധാന സുവാർത്ത​യു​ടെ സന്ദേശ​വാ​ഹ​ക​രാണ്‌. അവരുടെ പാദങ്ങൾ മനോ​ഹ​ര​മാ​യി​രി​ക്കു​ന്നത്‌ ഏത്‌ അർഥത്തി​ലാണ്‌? യഹൂദ​യു​ടെ സമീപ​ത്തുള്ള പർവത​ങ്ങ​ളിൽനിന്ന്‌ ആ ദൂതൻ യെരൂ​ശ​ലേ​മി​നെ സമീപി​ച്ചു​കൊ​ണ്ടി​രി​ക്കു​ന്നതു പോ​ലെ​യാണ്‌ യെശയ്യാ​വു സംസാ​രി​ക്കു​ന്നത്‌. ദൂരത്തു നിന്നാ​കു​മ്പോൾ സന്ദേശ​വാ​ഹ​കന്റെ പാദങ്ങൾ കാണാൻ സാധി​ക്കു​ക​യില്ല. എന്നിരു​ന്നാ​ലും, ഇവിടെ ശ്രദ്ധാ​കേ​ന്ദ്രം സുവാർത്താ ദൂതൻത​ന്നെ​യാണ്‌, പാദങ്ങൾ സന്ദേശ​വാ​ഹ​ക​നെ​ത്തന്നെ ചിത്രീ​ക​രി​ക്കു​ന്നു. യേശു​വും അവന്റെ ശിഷ്യ​ന്മാ​രും ഒന്നാം നൂറ്റാ​ണ്ടി​ലെ സൗമ്യർക്ക്‌ മനോ​ഹ​ര​മായ ഒരു കാഴ്‌ച ആയിരു​ന്നു. സമാന​മാ​യി ആധുനി​ക​കാല സാക്ഷികൾ, സുവാർത്ത​യു​ടെ ജീവര​ക്ഷാ​ക​ര​മായ സന്ദേശം ചെവി​ക്കൊ​ള്ളുന്ന താഴ്‌മ​യു​ള്ള​വർക്ക്‌ മനോ​ഹ​ര​മായ ഒരു കാഴ്‌ച​യാണ്‌.

14. ആധുനിക നാളിൽ യഹോവ രാജാ​വാ​യി​ത്തീർന്നത്‌ എങ്ങനെ, അതു മനുഷ്യ​വർഗത്തെ അറിയി​ക്കാൻ തുടങ്ങി​യത്‌ എന്നു മുതൽ?

¹⁴ ആധുനിക നാളു​ക​ളിൽ എന്നു മുതലാണ്‌ “നിന്റെ ദൈവം വാഴുന്നു” എന്ന പ്രഖ്യാ​പനം കേൾക്കാൻ തുടങ്ങി​യി​രി​ക്കു​ന്നത്‌? 1919 മുതൽ. ആ വർഷം അമേരി​ക്ക​യി​ലെ ഒഹാ​യോ​യി​ലുള്ള സീഡാർ പോയി​ന്റിൽ നടന്ന ഒരു കൺ​വെൻ​ഷ​നിൽ വാച്ച്‌ ടവർ സൊ​സൈ​റ്റി​യു​ടെ അന്നത്തെ പ്രസി​ഡ​ന്റാ​യി​രുന്ന ജെ. എഫ്‌. റഥർഫോർഡ്‌ “രാജ്യത്തെ പ്രസി​ദ്ധ​മാ​ക്കൽ” എന്ന വിഷയത്തെ ആസ്‌പ​ദ​മാ​ക്കി ആവേശ​ഭ​രി​ത​മായ ഒരു പ്രസംഗം നടത്തി. യെശയ്യാ​വു 52:7-നെയും വെളി​പ്പാ​ടു 15:2-നെയും ആസ്‌പ​ദ​മാ​ക്കി​യുള്ള ഈ പ്രസംഗം അവിടെ ഹാജരാ​യി​രുന്ന സകലർക്കും പ്രസം​ഗ​വേ​ല​യിൽ ഏർപ്പെ​ടാൻ പ്രോ​ത്സാ​ഹനം നൽകി. അങ്ങനെ അവരുടെ “മനോഹര” പാദങ്ങൾ ‘പർവത​ങ്ങ​ളിൽ’ കാണാൻ തുടങ്ങി. ആദ്യം അഭിഷിക്ത ക്രിസ്‌ത്യാ​നി​ക​ളും പിന്നീട്‌ അവരുടെ സഹകാ​രി​ക​ളായ “വേറെ ആടുക”ളിൽ പെട്ടവ​രും യഹോവ രാജാ​വാ​യി​രി​ക്കു​ന്നു എന്ന സുവാർത്ത സതീക്ഷ്‌ണം ഘോഷി​ക്കാൻ ഇറങ്ങി​ത്തി​രി​ച്ചു. (യോഹ​ന്നാൻ 10:16) യഹോവ രാജാ​വാ​യി​ത്തീർന്നത്‌  എങ്ങനെ​യാണ്‌? 1914-ൽ അവൻ തന്റെ രാജത്വം ഒരു പുതിയ രീതി​യിൽ പ്രകട​മാ​ക്കി. അങ്ങനെ പുതു​താ​യി സ്ഥാപിച്ച സ്വർഗീയ രാജ്യ​ത്തി​ന്റെ രാജാ​വാ​യി അവൻ തന്റെ പുത്ര​നായ യേശു​ക്രി​സ്‌തു​വി​നെ അവരോ​ധി​ച്ചു. കൂടാതെ, 1919-ലും യഹോവ തന്റെ രാജത്വ​ത്തി​ന്റെ മറ്റൊരു പ്രകടനം നടത്തി. മഹാബാ​ബി​ലോ​ണിൽനിന്ന്‌ “ദൈവ​ത്തി​ന്റെ യിസ്രാ​യേ”ലിനെ വിടു​വി​ച്ചു​കൊ​ണ്ടാ​യി​രു​ന്നു അത്‌.—ഗലാത്യർ 6:16; സങ്കീർത്തനം 47:8; വെളി​പ്പാ​ടു 11:15, 17; 19:6.

“നിന്റെ കാവല്‌ക്കാർ സ്വരമു​യർത്തു​ന്നു”

15. പൊ.യു.മു. 537-ൽ സ്വരമു​യർത്തിയ ‘കാവല്‌ക്കാർ’ ആരാണ്‌?

¹⁵ “നിന്റെ ദൈവം വാഴുന്നു” എന്ന പ്രഖ്യാ​പനം എന്തെങ്കി​ലും പ്രതി​ക​രണം ഉളവാ​ക്കി​യോ? തീർച്ച​യാ​യും. യെശയ്യാവ്‌ രേഖ​പ്പെ​ടു​ത്തു​ന്നു: “നിന്റെ കാവല്‌ക്കാ​രു​ടെ ശബ്ദം കേട്ടു​വോ? അവർ ശബ്ദം ഉയർത്തി ഒരു​പോ​ലെ ഉല്ലസിച്ചു ഘോഷി​ക്കു​ന്നു; യഹോവ സീയോ​നി​ലേക്കു മടങ്ങി​വ​രു​മ്പോൾ അവർ അഭിമു​ഖ​മാ​യി കാണും.” (യെശയ്യാ​വു 52:8) പൊ.യു.മു. 537-ൽ, മടങ്ങി​യെ​ത്തുന്ന പ്രവാ​സി​കളെ സ്വാഗതം ചെയ്യാൻ അക്ഷരാർഥ​ത്തിൽ ഒരു കാവൽക്കാ​ര​നും യെരൂ​ശ​ലേ​മിൽ ഉണ്ടായി​രു​ന്നില്ല. 70 വർഷമാ​യി നഗരം ശൂന്യ​മാ​യി കിടക്കു​ക​യാണ്‌. (യിരെ​മ്യാ​വു 25:11, 12) അതു​കൊണ്ട്‌, സീയോ​ന്റെ പുനഃ​സ്ഥാ​പ​നത്തെ കുറിച്ച്‌ മുൻകൂ​ട്ടി വിവരം ലഭിക്കുന്ന, ആ വിവരം മറ്റു സീയോൻ മക്കൾക്കു കൈമാ​റാൻ ഉത്തരവാ​ദി​ത്വ​മുള്ള ഇസ്രാ​യേ​ല്യർ ആയിരി​ക്കണം സ്വരമു​യർത്തുന്ന ‘കാവല്‌ക്കാർ.’ പൊ.യു.മു. 539-ൽ യഹോവ ബാബി​ലോ​ണി​നെ കോ​രെ​ശി​ന്റെ കൈക​ളിൽ ഏൽപ്പി​ക്കു​ന്നതു കണ്ട കാവൽക്കാർക്ക്‌ യഹോവ തന്റെ ജനത്തെ വിമോ​ചി​പ്പി​ക്കു​ക​യാണ്‌ എന്ന കാര്യ​ത്തിൽ യാതൊ​രു സംശയ​വും അവശേ​ഷി​ച്ചി​രു​ന്നില്ല. തങ്ങളുടെ സന്ദേശ​ത്തോട്‌ അനുകൂ​ല​മാ​യി പ്രതി​ക​രി​ക്കു​ന്ന​വ​രോ​ടൊ​പ്പം കാവൽക്കാർ സന്തോ​ഷ​ത്തോ​ടെ, ഒരുമിച്ച്‌ ആർത്തു​ല്ല​സി​ക്കു​ന്നു.

16. കാവൽക്കാർ “അഭിമു​ഖ​മാ​യി” കാണു​ന്നത്‌ ആരെ, എന്തർഥ​ത്തിൽ?

¹⁶ ജാഗരൂകരായ കാവൽക്കാർ യഹോ​വ​യു​മാ​യി ഉറ്റ വ്യക്തിഗത ബന്ധം സ്ഥാപി​ക്കു​ന്നു. അവനെ നേരി​ട്ടെ​ന്ന​വണ്ണം, “അഭിമു​ഖ​മാ​യി” കാണുന്നു. (സംഖ്യാ​പു​സ്‌തകം 14:14) യഹോ​വ​യു​മാ​യും തങ്ങളുടെ കൂട്ടത്തിൽ പെട്ടവ​രു​മാ​യും ഉള്ള അവരുടെ അടുത്ത ബന്ധം അവരുടെ ഐക്യ​ത്തെ​യും അവർ അറിയി​ക്കുന്ന സന്ദേശ​ത്തിൽ അടങ്ങി​യി​രി​ക്കുന്ന സന്തോ​ഷ​ത്തെ​യും എടുത്തു​കാ​ണി​ക്കു​ന്നു.—1 കൊരി​ന്ത്യർ 1:10.

17, 18. (എ) ആധുനിക കാവൽക്കാ​രൻ വർഗം അതിന്റെ ശബ്ദം ഉയർത്തി​യി​രി​ക്കു​ന്നത്‌ എങ്ങനെ? (ബി) ഏത്‌ അർഥത്തി​ലാ​ണു കാവൽക്കാ​രൻ വർഗം ഒരു​പോ​ലെ ശബ്ദം ഉയർത്തി​യി​രി​ക്കു​ന്നത്‌?

 ¹⁷ ആധുനിക നിവൃ​ത്തി​യിൽ, കാവൽക്കാ​രൻ വർഗമായ “വിശ്വ​സ്‌ത​നും വിവേ​കി​യു​മായ അടിമ” ദൈവ​ത്തി​ന്റെ ദൃശ്യ സംഘട​ന​യി​ലു​ള്ള​വ​രോ​ടു മാത്രമല്ല മറ്റുള്ള​വ​രോ​ടും ശബ്ദമു​യർത്തി ഘോഷി​ച്ചി​രി​ക്കു​ന്നു. (മത്തായി 24:45-47, NW) 1919-ൽ അഭിഷി​ക്ത​രു​ടെ ശേഷി​പ്പി​നെ കൂട്ടി​ച്ചേർക്കാ​നുള്ള ഒരു വിളി ഉയർന്നു. 1922-ൽ ഒഹാ​യോ​യി​ലെ സീഡാർ പോയി​ന്റിൽ നടന്ന ഒരു കൺ​വെൻ​ഷ​നിൽവെച്ച്‌ “രാജാ​വി​നെ​യും അവന്റെ രാജ്യ​ത്തെ​യും പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ, പ്രസി​ദ്ധ​മാ​ക്കു​വിൻ” എന്ന ആഹ്വാനം നൽക​പ്പെ​ട്ട​പ്പോൾ ആ വിളി പൂർവാ​ധി​കം ശക്തമായി. 1935 മുതൽ ചെമ്മരി​യാ​ടു തുല്യ​രായ ഒരു മഹാപു​രു​ഷാ​രത്തെ കൂട്ടി​ച്ചേർക്കു​ന്ന​തിൽ ശ്രദ്ധ  നൽകാൻ തുടങ്ങി. (വെളി​പ്പാ​ടു 7:9, 10) സമീപ വർഷങ്ങ​ളിൽ യഹോ​വ​യു​ടെ രാജത്വ​ത്തെ കുറി​ച്ചുള്ള പ്രഖ്യാ​പ​ന​ത്തിന്‌ ശക്തി കൂടി​യി​രി​ക്കു​ന്നു. എങ്ങനെ? 2000-ാം ആണ്ടോടെ 230-ലധികം ദേശങ്ങ​ളി​ലാ​യി ഏകദേശം അറുപതു ലക്ഷം പേർ യഹോ​വ​യു​ടെ രാജത്വ​ത്തെ കുറിച്ചു മറ്റുള്ള​വ​രോ​ടു ഘോഷി​ക്കുന്ന വേലയിൽ പങ്കു​ചേർന്നു. കൂടാതെ, കാവൽക്കാ​രൻ വർഗത്തി​ന്റെ പ്രമുഖ ഉപകര​ണ​മായ വീക്ഷാ​ഗോ​പു​രം 130-ലധികം ഭാഷക​ളിൽ സന്തോ​ഷ​ക​ര​മായ സന്ദേശം പ്രസി​ദ്ധ​മാ​ക്കു​ന്നു.

¹⁸ അത്തരം ഏകീകരണ വേലയിൽ പങ്കു​ചേ​രു​ന്ന​തി​നു താഴ്‌മ​യും സഹോ​ദ​ര​സ്‌നേ​ഹ​വും ആവശ്യ​മാണ്‌. ആഹ്വാനം ഫലവത്താ​യി​രി​ക്കു​ന്ന​തിന്‌ അതിൽ ഉൾപ്പെ​ട്ടി​രി​ക്കുന്ന സകലരും ഒരേ സന്ദേശം പ്രസം​ഗി​ക്കു​ക​യും യഹോ​വ​യു​ടെ നാമവും അവന്റെ മറുവി​ലാ കരുത​ലും ജ്ഞാനവും സ്‌നേ​ഹ​വും രാജ്യ​വും എടുത്തു​കാ​ട്ടു​ക​യും വേണം. ലോക​മെ​മ്പാ​ടു​മുള്ള ക്രിസ്‌ത്യാ​നി​കൾ തോ​ളോ​ടു​തോൾ ചേർന്നു പ്രവർത്തി​ക്കു​മ്പോൾ യഹോ​വ​യു​മാ​യുള്ള അവരുടെ വ്യക്തിഗത ബന്ധം ബലിഷ്‌ഠ​മാ​കു​ന്നു, അങ്ങനെ അവർക്ക്‌ സദ്വർത്ത​മാ​നം ഒരു​പോ​ലെ അഥവാ ഐക്യ​ത്തിൽ ഘോഷി​ക്കാൻ കഴിയു​ന്നു.

19. (എ) “യെരൂ​ശ​ലേ​മി​ന്റെ ശൂന്യ​പ്ര​ദേശങ്ങ”ൾക്കു മനോ​ഹാ​രിത കൈവ​രു​ന്നത്‌ എങ്ങനെ? (ബി) ഏത്‌ അർഥത്തി​ലാണ്‌ യഹോവ “തന്റെ വിശു​ദ്ധ​ഭു​ജത്തെ നഗ്നമാക്കി”യത്‌?

¹⁹ ദൈവജനം ഉല്ലസിച്ചു ഘോഷി​ക്കു​മ്പോൾ അവർ വസിക്കുന്ന സ്ഥലം പോലും സന്തോ​ഷ​മു​ഖ​രി​ത​മാ​യി കാണ​പ്പെ​ടു​ന്നു. പ്രവചനം ഇങ്ങനെ തുടരു​ന്നു: “യെരൂ​ശ​ലേ​മി​ന്റെ ശൂന്യ​പ്ര​ദേ​ശ​ങ്ങളേ, പൊട്ടി ആർത്തു​കൊൾവിൻ [“ഒരു​പോ​ലെ ഉല്ലസിച്ചു ഘോഷി​ക്കു​വിൻ,” NW]; യഹോവ തന്റെ ജനത്തെ ആശ്വസി​പ്പി​ച്ചു, യെരൂ​ശ​ലേ​മി​നെ വീണ്ടെ​ടു​ത്തി​രി​ക്കു​ന്നു​വ​ല്ലോ. സകല ജാതി​ക​ളും കാൺകെ യഹോവ തന്റെ വിശു​ദ്ധ​ഭു​ജത്തെ നഗ്നമാ​ക്കി​യി​രി​ക്കു​ന്നു; ഭൂമി​യു​ടെ അററങ്ങ​ളൊ​ക്കെ​യും നമ്മുടെ ദൈവ​ത്തി​ന്റെ രക്ഷയെ കാണും.” (യെശയ്യാ​വു 52:9, 10) പ്രവാ​സി​കൾ ബാബി​ലോ​ണിൽനി​ന്നു മടങ്ങി​വ​ന്ന​തോ​ടെ ഉപേക്ഷി​ക്ക​പ്പെട്ട യെരൂ​ശ​ലേ​മി​ന്റെ ശൂന്യ​പ്ര​ദേ​ശ​ങ്ങൾക്കു മനോ​ഹാ​രിത കൈവ​രു​ന്നു. യഹോ​വ​യു​ടെ നിർമ​ലാ​രാ​ധന ഇപ്പോൾ പുനഃ​സ്ഥാ​പി​ക്കാൻ കഴിയും എന്നതാണ്‌ അതിനു കാരണം. (യെശയ്യാ​വു 35:1, 2) വാസ്‌ത​വ​ത്തിൽ, യഹോ​വ​യ്‌ക്ക്‌ അതിൽ നല്ല പങ്കുണ്ട്‌. തന്റെ ജനത്തെ രക്ഷിക്കുക എന്ന ഉദ്യമ​ത്തിൽ ഏർപ്പെ​ടു​ന്ന​തിന്‌ അവൻ “തന്റെ വിശു​ദ്ധ​ഭു​ജത്തെ നഗ്നമാക്കി,” അഥവാ തന്റെ കുപ്പായ കൈകൾ തെറു​ത്തു​ക​യറ്റി.—എസ്രാ 1:2, 3.

20. യഹോ​വ​യു​ടെ വിശു​ദ്ധ​ഭു​ജ​ത്തി​ന്റെ നഗ്നമാ​ക്ക​ലിന്‌ ആധുനിക നാളിൽ എന്തു ഫലമു​ണ്ടാ​യി​രി​ക്കു​ന്നു, ഭാവി​യിൽ എന്തു ഫലമു​ണ്ടാ​കും?

 ²⁰ വെളിപ്പാടു പുസ്‌ത​ക​ത്തി​ലെ “രണ്ടു സാക്ഷിക”ളെ അതായത്‌, അഭിഷിക്ത ശേഷി​പ്പി​നെ പുനരു​ജ്ജീ​വി​പ്പി​ക്കാൻ ഈ “അന്ത്യകാ​ലത്തു” യഹോവ തന്റെ വിശു​ദ്ധ​ഭു​ജത്തെ നഗ്നമാ​ക്കി​യി​രി​ക്കു​ന്നു. (2 തിമൊ​ഥെ​യൊസ്‌ 3:1; വെളി​പ്പാ​ടു 11:3, 7-13) 1919 മുതൽ യഹോവ അവരെ ഒരു ആത്മീയ പറുദീ​സ​യി​ലേക്ക്‌ അഥവാ ആത്മീയ ദേശ​ത്തേക്കു കൊണ്ടു​വ​ന്നി​രി​ക്കു​ന്നു. അവരി​പ്പോൾ തങ്ങളുടെ സഹകാ​രി​ക​ളായ വേറെ ആടുക​ളു​മാ​യി ആ ആത്മീയ പറുദീസ പങ്കിടു​ന്നു. ഒടുവിൽ, തന്റെ ജനത്തിന്‌ “ഹർമ്മ​ഗെ​ദ്ദോ”നിൽ രക്ഷ കൈവ​രു​ത്തു​ന്ന​തിന്‌ യഹോവ തന്റെ വിശു​ദ്ധ​ഭു​ജത്തെ നഗ്നമാ​ക്കും. (വെളി​പ്പാ​ടു 16:14, 16) അപ്പോൾ “ഭൂമി​യു​ടെ അററങ്ങ​ളൊ​ക്കെ​യും നമ്മുടെ ദൈവ​ത്തി​ന്റെ രക്ഷയെ കാണും.”

ഒരു അടിയ​ന്തിര നിബന്ധന

21. (എ) ‘യഹോ​വ​യു​ടെ ഉപകര​ണ​ങ്ങളെ ചുമക്കു​ന്നവർ’ എന്തു നിബന്ധന പിൻപ​റ്റേ​ണ്ട​തുണ്ട്‌? (ബി) ബാബി​ലോ​ണിൽനി​ന്നു പോരുന്ന യഹൂദർ പരി​ഭ്രാ​ന്ത​രാ​കേ​ണ്ട​തി​ല്ലാ​ത്തത്‌ എന്തു​കൊണ്ട്‌?

²¹ ബാബിലോണിൽനിന്നു പുറത്തു പോരു​ന്നവർ ഒരു നിബന്ധന പിൻപ​റ്റേ​ണ്ട​തുണ്ട്‌. യെശയ്യാവ്‌ എഴുതു​ന്നു: “വിട്ടു​പോ​രു​വിൻ; വിട്ടു​പോ​രു​വിൻ; അവി​ടെ​നി​ന്നു പുറ​പ്പെ​ട്ടു​പോ​രു​വിൻ; അശുദ്ധ​മാ​യ​തൊ​ന്നും തൊട​രു​തു; അതിന്റെ നടുവിൽനി​ന്നു പുറ​പ്പെ​ട്ടു​പോ​രു​വിൻ; യഹോ​വ​യു​ടെ ഉപകര​ണ​ങ്ങളെ ചുമക്കു​ന്ന​വരേ, നിങ്ങ​ളെ​ത്തന്നേ നിർമ്മ​ലീ​ക​രി​പ്പിൻ. നിങ്ങൾ ബദ്ധപ്പാ​ടോ​ടെ പോക​യില്ല, ഓടി​പ്പോ​ക​യു​മില്ല; യഹോവ നിങ്ങൾക്കു മുമ്പായി നടക്കും; യിസ്രാ​യേ​ലി​ന്റെ ദൈവം നിങ്ങൾക്കു പിമ്പട [“പിൻകാ​വ​ല്‌ക്കാ​രൻ,” “പി.ഒ.സി. ബൈ.”] ആയിരി​ക്കും.” (യെശയ്യാ​വു 52:11, 12) ബാബി​ലോ​ണിൽനി​ന്നു പോരുന്ന ഇസ്രാ​യേ​ല്യർക്കു ബാബി​ലോ​ണി​യൻ വ്യാജാ​രാ​ധ​ന​യു​മാ​യി യാതൊ​രു ബന്ധവും ഉണ്ടായി​രി​ക്കാൻ പാടില്ല. യെരൂ​ശ​ലേ​മി​ലെ ആലയത്തിൽനിന്ന്‌ കൊണ്ടു​പോയ പാത്രങ്ങൾ ചുമക്കു​ന്ന​തു​കൊണ്ട്‌ അവർ ശുദ്ധരാ​യി​രി​ക്കണം. ബാഹ്യ​മാ​യും ആചാര​പ​ര​മാ​യും മാത്രമല്ല, ഏറ്റവും പ്രധാ​ന​മാ​യി, അവർ ഹൃദയ​ത്തിൽ ശുദ്ധി​യു​ള്ളവർ ആയിരി​ക്കേ​ണ്ടി​യി​രു​ന്നു. (2 രാജാ​ക്ക​ന്മാർ 24:11-13; എസ്രാ 1:7) തന്നെയു​മല്ല, യഹോവ അവരുടെ മുമ്പാകെ പോകും. അതു​കൊണ്ട്‌ അവർ ഭയപ്പെ​ടേ​ണ്ട​തില്ല, രക്തദാ​ഹി​ക​ളായ ശത്രുക്കൾ തൊട്ടു പിന്നി​ലു​ണ്ടെന്നു കരുതി സംഭ്രാ​ന്ത​രാ​യി ഓടേ​ണ്ട​തു​മില്ല. അവർക്കു പിന്നിൽനി​ന്നു സംരക്ഷണം നൽകാ​നും ഇസ്രാ​യേ​ലി​ന്റെ ദൈവ​മുണ്ട്‌.—എസ്രാ 8:21-23.

22. അഭിഷിക്ത ക്രിസ്‌ത്യാ​നി​ക​ളു​ടെ ഇടയിൽ ശുദ്ധി ഉണ്ടായി​രി​ക്കേ​ണ്ട​തി​ന്റെ പ്രാധാ​ന്യ​ത്തി​നു പൗലൊസ്‌ ഊന്നൽ കൊടു​ക്കു​ന്നത്‌ എങ്ങനെ?

 ²² ശുദ്ധരായിരിക്കുന്നതിനുള്ള യെശയ്യാ​വി​ന്റെ വാക്കു​കൾക്ക്‌ “മീതെ​യുള്ള യെരൂ​ശലേ”മിന്റെ സന്തതി​ക​ളു​ടെ​മേൽ ഒരു വലിയ നിവൃ​ത്തി​യുണ്ട്‌. അവിശ്വാ​സി​ക​ളു​മാ​യി ഇണയല്ലാ​പ്പിണ കൂടരു​തെന്ന്‌ കൊരി​ന്തി​ലെ ക്രിസ്‌ത്യാ​നി​കളെ പൗലൊസ്‌ ഉദ്‌ബോ​ധി​പ്പി​ച്ച​പ്പോൾ അവൻ യെശയ്യാ​വു 52:11 ഉദ്ധരി​ച്ചു​കൊണ്ട്‌ ഇങ്ങനെ പറഞ്ഞു: “‘അവരുടെ  നടുവിൽനി​ന്നു പുറ​പ്പെട്ടു വേർപ്പെ​ട്ടി​രി​പ്പിൻ എന്നു കർത്താവു അരുളി​ച്ചെ​യ്യു​ന്നു; അശുദ്ധ​മാ​യതു ഒന്നും തൊട​രു​തു.’” (2 കൊരി​ന്ത്യർ 6:14-17) ബാബി​ലോ​ണിൽനി​ന്നു സ്വദേ​ശ​ത്തേക്കു മടങ്ങുന്ന ഇസ്രാ​യേ​ല്യ​രെ പോലെ ക്രിസ്‌ത്യാ​നി​ക​ളും ബാബി​ലോ​ണി​യൻ വ്യാജാ​രാ​ധ​ന​യിൽനി​ന്നു പൂർണ​മാ​യി അകന്നി​രി​ക്കണം.

23. ഇന്ന്‌ യഹോ​വ​യു​ടെ ദാസന്മാർ ഏതെല്ലാം വിധങ്ങ​ളിൽ ശുദ്ധി​യു​ള്ള​വ​രാ​യി​രി​ക്കാൻ ശ്രമി​ക്കു​ന്നു?

²³ മഹാബാബിലോണിൽനിന്ന്‌ 1919-ൽ പലായനം ചെയ്‌ത യേശു​ക്രി​സ്‌തു​വി​ന്റെ അഭിഷിക്ത അനുഗാ​മി​ക​ളു​ടെ കാര്യ​ത്തിൽ അതു വിശേ​ഷാൽ സത്യമാ​യി​രു​ന്നു. അവർ തങ്ങളുടെ ഇടയിൽനി​ന്നു ക്രമാ​നു​ഗ​ത​മാ​യി വ്യാജാ​രാ​ധ​ന​യു​ടെ എല്ലാ കണിക​ക​ളും തുടച്ചു​നീ​ക്കി. (യെശയ്യാ​വു 8:19, 20; റോമർ 15:4) ധാർമിക ശുദ്ധി​യു​ടെ പ്രാധാ​ന്യ​ത്തെ കുറിച്ച്‌ അവർ പൂർവാ​ധി​കം വ്യക്തമാ​യി മനസ്സി​ലാ​ക്കി. യഹോ​വ​യു​ടെ സാക്ഷികൾ എല്ലായ്‌പോ​ഴും ഉയർന്ന ധാർമിക നിലവാ​രം പുലർത്തി​യി​ട്ടു​ണ്ടെ​ങ്കി​ലും, സഭ ശുദ്ധമാ​യി സൂക്ഷി​ക്കു​ന്ന​തിന്‌ അധാർമിക പ്രവർത്ത​ന​ങ്ങ​ളിൽ ഏർപ്പെ​ടു​ന്ന​വർക്ക്‌ ശിക്ഷണം നൽകേ​ണ്ട​തി​ന്റെ പ്രാധാ​ന്യ​ത്തിന്‌ ഊന്നൽ നൽകി​ക്കൊ​ണ്ടുള്ള ലേഖനങ്ങൾ 1952-ലെ വീക്ഷാ​ഗോ​പു​ര​ത്തിൽ പ്രത്യ​ക്ഷ​പ്പെട്ടു. അത്തരം ശിക്ഷണ നടപടി​കൾ ആത്മാർഥ​മാ​യി അനുത​പി​ക്കു​ന്ന​തി​ന്റെ ആവശ്യം തിരി​ച്ച​റി​യാൻ തെറ്റു ചെയ്യുന്ന വ്യക്തി​യെ​യും സഹായി​ക്കു​ന്നു.—1 കൊരി​ന്ത്യർ 5:6, 7, 9-13; 2 കൊരി​ന്ത്യർ 7:8-10; 2 യോഹ​ന്നാൻ 10, 11.

24. (എ) ആധുനിക നാളു​ക​ളിൽ ‘യഹോ​വ​യു​ടെ ഉപകര​ണങ്ങൾ’ എന്തെല്ലാ​മാണ്‌? (ബി) യഹോവ തങ്ങൾക്കു മുമ്പായി പോകു​മെ​ന്നും തങ്ങളുടെ പിന്നിൽനി​ന്നു സംരക്ഷി​ക്കു​മെ​ന്നും ക്രിസ്‌ത്യാ​നി​കൾക്ക്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌?

²⁴ അഭിഷിക്ത ക്രിസ്‌ത്യാ​നി​ക​ളും വേറെ ആടുക​ളിൽപ്പെട്ട മഹാപു​രു​ഷാ​ര​വും ആത്മീയ​മാ​യി അശുദ്ധ​മായ യാതൊ​ന്നും തൊടാ​തി​രി​ക്കാൻ ദൃഢനി​ശ്ച​യ​മു​ള്ള​വ​രാണ്‌. നിർമ​ല​വും ശുദ്ധീ​ക​രി​ക്ക​പ്പെ​ട്ട​തു​മായ അവരുടെ അവസ്ഥ “യഹോ​വ​യു​ടെ ഉപകര​ണ​ങ്ങളെ”—വീടു​തോ​റു​മുള്ള സേവന​വും ബൈബി​ള​ധ്യ​യ​ന​വും മറ്റു ക്രിസ്‌തീയ പ്രവർത്ത​ന​ങ്ങ​ളും ഉൾപ്പെടെ വിശുദ്ധ സേവന​ത്തി​നാ​യി ദൈവം ചെയ്യുന്ന വില​യേ​റിയ കരുത​ലു​കളെ—ചുമക്കാൻ അവർക്കു യോഗ്യത നേടി​ക്കൊ​ടു​ക്കു​ന്നു. ശുദ്ധമായ നിലപാ​ടു കാത്തു​സൂ​ക്ഷി​ക്കു​ന്ന​തി​നാൽ, യഹോവ തങ്ങൾക്കു മുമ്പായി പോകു​മെ​ന്നും അതേസ​മ​യം​തന്നെ അവൻ തങ്ങളുടെ പിൻകാ​വൽക്കാ​രൻ ആയിരി​ക്കു​മെ​ന്നും ഇന്നു ദൈവ​ജ​ന​ത്തിന്‌ ഉറപ്പു​ണ്ടാ​യി​രി​ക്കാ​നാ​കും. ദൈവ​ത്തി​ന്റെ ശുദ്ധജനം എന്ന നിലയിൽ അവർക്ക്‌ “ഒരു​പോ​ലെ ഉല്ലസിച്ചു ഘോഷി​ക്കു”വാൻ മതിയായ കാരണ​ങ്ങ​ളുണ്ട്‌!

[അടിക്കു​റിപ്പ്‌]

[അധ്യയന ചോദ്യ​ങ്ങൾ]

[183-ാം പേജിലെ ചിത്രം]

സീയോൻ അടിമ​ത്ത​ത്തിൽനിന്ന്‌ സ്വത​ന്ത്ര​യാ​കും

[186-ാം പേജിലെ ചിത്രം]

1919 മുതൽ ‘മനോഹര പാദങ്ങൾ’ ഒരിക്കൽകൂ​ടി ‘പർവത​ങ്ങ​ളിൽ’ കാണാൻ തുടങ്ങി​യി​രി​ക്കു​ന്നു

[189-ാം പേജിലെ ചിത്രം]

യഹോവയുടെ സാക്ഷികൾ ഒരു​പോ​ലെ അഥവാ ഐക്യ​ത്തിൽ സംസാ​രി​ക്കു​ന്നു

[192-ാം പേജിലെ ചിത്രം]

‘യഹോ​വ​യു​ടെ ഉപകര​ണ​ങ്ങളെ ചുമക്കു​ന്നവർ’ ധാർമി​ക​വും ആത്മീയ​വു​മാ​യി ശുദ്ധി​യു​ള്ളവർ ആയിരി​ക്ക​ണം