അധ്യായം പതിനാറ്‌

ഭഗ്നാശ​രായ ബന്ദികൾക്കു പ്രത്യാ​ശ​യു​ടെ സന്ദേശം

യെശയ്യാവു 55:1-13

1. ബാബി​ലോ​ണിൽ ആയിരുന്ന യഹൂദ പ്രവാ​സി​ക​ളു​ടെ അവസ്ഥ വിവരി​ക്കുക.

 യഹൂദ​യു​ടെ ചരി​ത്ര​ത്തി​ലെ ഒരു ഇരുണ്ട കാലഘട്ടം ആയിരു​ന്നു അത്‌. ശത്രുക്കൾ ദൈവ​ത്തി​ന്റെ ഉടമ്പടി​ജ​ന​തയെ ബലം പ്രയോ​ഗിച്ച്‌ അവരുടെ മാതൃ​ദേ​ശ​ത്തു​നിന്ന്‌ പിടി​ച്ചു​കൊ​ണ്ടു​പോ​യി. അവർ ബാബി​ലോ​ണി​ലെ പ്രവാ​സ​ത്തിൽ കഷ്ടത അനുഭ​വി​ക്കു​ക​യാ​യി​രു​ന്നു. അനുദിന കാര്യങ്ങൾ നിർവ​ഹി​ക്കു​ന്ന​തിന്‌ ഒരു പരിധി​വരെ അവർക്ക്‌ സ്വാത​ന്ത്ര്യം ഉണ്ടായി​രു​ന്നു. (യിരെ​മ്യാ​വു 29:4-7) ചിലർ തൊഴിൽ വൈദ​ഗ്‌ധ്യം സമ്പാദി​ക്കു​ക​യോ ബിസി​ന​സിൽ ഏർപ്പെ​ടു​ക​യോ ചെയ്‌തു. a (നെഹെ​മ്യാ​വു 3:8, 31, 32) എന്നിരു​ന്നാ​ലും, ആ യഹൂദ ബന്ദികളെ സംബന്ധി​ച്ചി​ട​ത്തോ​ളം ജീവിതം അത്ര സുഗമ​മാ​യി​രു​ന്നില്ല. അവർ അക്ഷരീ​യ​വും ആത്മീയ​വു​മാ​യി അടിമ​ത്ത​ത്തിൽ ആയിരു​ന്നു. എങ്ങനെ എന്നു നമുക്കു നോക്കാം.

2, 3. പ്രവാസം യഹൂദ​രു​ടെ സത്യാ​രാ​ധ​നയെ എങ്ങനെ ബാധിച്ചു?

² പൊ.യു.മു. 607-ൽ ബാബി​ലോ​ണി​യൻ സൈന്യം യെരൂ​ശ​ലേ​മി​നെ ആക്രമി​ച്ച​പ്പോൾ, അവിടത്തെ ജനതയെ നശിപ്പി​ച്ച​തി​നു പുറമേ, അവർ സത്യാ​രാ​ധ​ന​യു​ടെ​മേൽ കനത്ത ഒരു പ്രഹരം ഏൽപ്പി​ക്കു​ക​യും ചെയ്‌തു. അവർ യഹോ​വ​യു​ടെ ആലയത്തി​ലെ വസ്‌തു​ക്കൾ കവർച്ച ചെയ്യു​ക​യും അതിനെ നശിപ്പി​ക്കു​ക​യും ചെയ്‌തു. ലേവി ഗോ​ത്ര​ത്തി​ലുള്ള ചിലരെ ബന്ദിക​ളാ​ക്കു​ക​യും മറ്റു ചിലരെ വധിക്കു​ക​യും ചെയ്‌തു​കൊണ്ട്‌ പൗരോ​ഹി​ത്യ ക്രമീ​ക​ര​ണത്തെ തുടച്ചു​നീ​ക്കി. ആരാധ​ന​യ്‌ക്കാ​യി ആലയവും യാഗപീ​ഠ​വും സംഘടിത പൗരോ​ഹി​ത്യ​വും ഇല്ലാതെ വന്നതി​നാൽ, ന്യായ​പ്ര​മാ​ണ​ത്തിൽ വിവരി​ച്ചി​രുന്ന പ്രകാരം സത്യ​ദൈ​വ​ത്തിന്‌ യാഗങ്ങൾ അർപ്പി​ക്കാൻ യഹൂദ​ന്മാർക്കു കഴിയാ​താ​യി.

 ³ പരിച്ഛേദന നിർവ​ഹി​ച്ചു​കൊ​ണ്ടും സാധ്യ​മാ​കു​ന്നി​ട​ത്തോ​ളം ന്യായ​പ്ര​മാ​ണം പിൻപ​റ്റി​ക്കൊ​ണ്ടും തങ്ങളുടെ മതത്തിന്റെ വ്യവസ്ഥകൾ പാലി​ക്കാൻ വിശ്വ​സ്‌ത​രായ യഹൂദ​ന്മാർക്ക്‌ അപ്പോ​ഴും സാധി​ക്കു​മാ​യി​രു​ന്നു. ഉദാഹ​ര​ണ​ത്തിന്‌, ന്യായ​പ്ര​മാ​ണം വിലക്കി​യി​രുന്ന ഭക്ഷ്യസാ​ധ​നങ്ങൾ വർജി​ക്കാ​നും ശബത്ത്‌ ആചരി​ക്കാ​നും അവർക്കു കഴിയു​മാ​യി​രു​ന്നു. പക്ഷേ അങ്ങനെ ചെയ്യു​മ്പോൾ തങ്ങളെ ബന്ദിക​ളാ​ക്കിയ ബാബി​ലോ​ണി​യ​രു​ടെ പരിഹാ​സം അവർക്കു സഹി​ക്കേ​ണ്ടി​വ​രു​മാ​യി​രു​ന്നു. കാരണം, യഹൂദ​ന്മാ​രു​ടെ മതാചാ​ര​ങ്ങളെ ഭോഷ​ത്ത​മാ​യാ​ണു ബാബി​ലോ​ണി​യർ വീക്ഷി​ച്ചി​രു​ന്നത്‌. യഹൂദ പ്രവാ​സി​ക​ളു​ടെ ആശയറ്റ അവസ്ഥയെ കുറിച്ച്‌ സങ്കീർത്ത​ന​ക്കാ​രൻ വിവരി​ക്കു​ന്നു: “ബാബേൽ നദിക​ളു​ടെ​തീ​രത്തു ഞങ്ങൾ ഇരുന്നു, സീയോ​നെ ഓർത്ത​പ്പോൾ ഞങ്ങൾ കരഞ്ഞു. അതിന്റെ നടുവി​ലെ അലരി​വൃ​ക്ഷ​ങ്ങ​ളി​ന്മേൽ ഞങ്ങൾ ഞങ്ങളുടെ കിന്നര​ങ്ങളെ തൂക്കി​യി​ട്ടു. ഞങ്ങളെ ബദ്ധരാ​ക്കി​ക്കൊ​ണ്ടു​പോ​യവർ: സീയോൻ ഗീതങ്ങ​ളിൽ ഒന്നു ചൊല്ലു​വിൻ എന്നു പറഞ്ഞു ഗീതങ്ങ​ളെ​യും ഞങ്ങളെ പീഡി​പ്പി​ച്ചവർ സന്തോ​ഷ​ത്തെ​യും ഞങ്ങളോ​ടു ചോദി​ച്ചു.”—സങ്കീർത്തനം 137:1-3.

4. യഹൂദ​ന്മാർ വിമോ​ച​ന​ത്തി​നാ​യി മറ്റു ജനതക​ളി​ലേക്കു നോക്കു​ന്നത്‌ വ്യർഥ​മാ​യി​രി​ക്കു​മാ​യി​രു​ന്നത്‌ എന്തു​കൊണ്ട്‌, എന്നാൽ സഹായ​ത്തി​നാ​യി അവർക്ക്‌ ആരി​ലേക്കു തിരി​യാൻ കഴിയു​മാ​യി​രു​ന്നു?

⁴ ആ അവസ്ഥയിൽ ആശ്വാ​സ​ത്തി​നാ​യി യഹൂദ ബന്ദികൾക്ക്‌ ആരി​ലേക്കു തിരി​യാൻ കഴിയു​മാ​യി​രു​ന്നു? അവർക്ക്‌ രക്ഷ എവി​ടെ​നി​ന്നു വരുമാ​യി​രു​ന്നു? ചുറ്റു​മുള്ള ഏതെങ്കി​ലും ജനതക​ളിൽനിന്ന്‌ അതു ലഭിക്കു​മാ​യി​രു​ന്നില്ല! ബാബി​ലോ​ണി​യൻ സൈന്യ​ത്തെ എതിർക്കാ​നുള്ള ശക്തി അവയ്‌ക്ക്‌ ഇല്ലായി​രു​ന്നു എന്നു മാത്രമല്ല, ആ ജനതക​ളിൽ പലതും യഹൂദ​രോട്‌ ശത്രുത പുലർത്തു​ക​യും ചെയ്‌തി​രു​ന്നു. എന്നാൽ തീർത്തും ആശയറ്റ ഒരു സാഹച​ര്യം ആയിരു​ന്നില്ല യഹൂദ​രു​ടേത്‌. ഒരു സ്വതന്ത്ര ജനത ആയിരു​ന്ന​പ്പോൾ അവർ യഹോ​വ​യ്‌ക്കെ​തി​രെ മത്സരി​ച്ചെ​ങ്കി​ലും, അവർ പ്രവാ​സ​ത്തിൽ ആയിരു​ന്ന​പ്പോൾ അവൻ അവർക്ക്‌ കരുണാ​പൂർവം ഊഷ്‌മ​ള​മായ ഒരു ക്ഷണം വെച്ചു​നീ​ട്ടി.

‘വെള്ളത്തി​നു വരുവിൻ’

5. ‘വെള്ളത്തി​നു വരുവിൻ’ എന്ന വാക്കു​ക​ളു​ടെ പ്രസക്തി എന്ത്‌?

⁵ യെശയ്യാവ്‌ മുഖാ​ന്തരം യഹോവ ബാബി​ലോ​ണി​ലെ യഹൂദാ പ്രവാ​സി​ക​ളോട്‌ പ്രാവ​ച​നി​ക​മാ​യി സംസാ​രി​ക്കു​ന്നു: “ദാഹാർത്തരേ, നിങ്ങ​ളെ​ല്ലാം വെള്ളത്തി​ന​ടു​ത്തേക്ക്‌ വരൂ; പണമി​ല്ലാ​ത്ത​വനേ  വരൂ, വാങ്ങി ഭക്ഷിക്കൂ! പണമോ വിലയോ കൊടു​ക്കാ​തെ, വന്ന്‌ വീഞ്ഞും പാലും വാങ്ങൂ.” (യെശയ്യാ​വു 55:1, “ഓശാന ബൈബിൾ”) പ്രതീ​കാ​ത്മ​ക​മാ​യി വളരെ അർഥമുള്ള വാക്കു​ക​ളാണ്‌ അവ. ഉദാഹ​ര​ണ​ത്തിന്‌, ‘വെള്ളത്തി​നു വരുവിൻ’ എന്ന ക്ഷണത്തെ കുറിച്ചു ചിന്തി​ക്കുക. വെള്ളമി​ല്ലാ​തെ ജീവനു നിലനിൽപ്പില്ല. അമൂല്യ​മായ ഈ ദ്രാവകം ഇല്ലാ​തെ​വ​ന്നാൽ മനുഷ്യർക്ക്‌ ഒരു ആഴ്‌ച​യി​ല​ധി​കം ജീവി​ച്ചി​രി​ക്കാ​നാ​വില്ല. അതു​കൊണ്ട്‌ യഹൂദ പ്രവാ​സി​ക​ളിൽ തന്റെ വാക്കു​കൾക്ക്‌ ഉണ്ടാകാൻ പോകുന്ന പ്രഭാ​വത്തെ കുറിച്ചു സൂചി​പ്പി​ക്കാൻ യഹോവ ഇവിടെ വെള്ളത്തെ ഒരു രൂപക​മാ​യി ഉചിത​മാ​യും ഉപയോ​ഗി​ക്കു​ന്നു. വളരെ ഉഷ്‌ണ​മു​ള്ള​പ്പോൾ ലഭിക്കുന്ന ശീതള പാനീയം പോലെ, അവന്റെ സന്ദേശം അവർക്കു നവോ​ന്മേഷം പകരും. സത്യത്തി​നും നീതി​ക്കു​മാ​യുള്ള അവരുടെ ദാഹത്തെ ശമിപ്പി​ച്ചു​കൊണ്ട്‌ അത്‌ അവരെ ഭഗ്നാശ​മായ അവസ്ഥയിൽനിന്ന്‌ ഉയർത്തും. അത്‌ അവർക്ക്‌ അടിമ​ത്ത​ത്തിൽ നിന്നുള്ള സ്വാത​ന്ത്ര്യ​ത്തി​ന്റെ പ്രത്യാശ പകരും. എന്നാൽ പ്രയോ​ജനം നേടു​ന്ന​തിന്‌ യഹൂദ പ്രവാ​സി​കൾ ദൈവ​ത്തി​ന്റെ സന്ദേശം ഉൾക്കൊ​ള്ളു​ക​യും  അതിനു ശ്രദ്ധ കൊടു​ക്കു​ക​യും അതനു​സ​രി​ച്ചു പ്രവർത്തി​ക്കു​ക​യും വേണം.

6. യഹൂദ​ന്മാർ “വീഞ്ഞും പാലും” വാങ്ങു​ന്നെ​ങ്കിൽ അവർക്ക്‌ എങ്ങനെ പ്രയോ​ജനം ലഭിക്കും?

⁶ യഹോവ “വീഞ്ഞും പാലും” കൂടെ വാഗ്‌ദാ​നം ചെയ്യുന്നു. പാല്‌ ഇളംശ​രീ​രത്തെ ബലിഷ്‌ഠ​മാ​ക്കു​ന്നു, വളർച്ച​യ്‌ക്കു സഹായി​ക്കു​ന്നു. സമാന​മാ​യി, യഹോ​വ​യു​ടെ വാക്കുകൾ അവന്റെ ജനത്തെ ആത്മീയ​മാ​യി ബലിഷ്‌ഠ​രാ​ക്കു​ക​യും അവനു​മാ​യുള്ള ബന്ധത്തെ ശക്തി​പ്പെ​ടു​ത്താൻ സഹായി​ക്കു​ക​യും ചെയ്യും. എന്നാൽ വീഞ്ഞിന്റെ കാര്യ​മോ? ഉത്സവ വേളക​ളി​ലാണ്‌ വീഞ്ഞ്‌ മിക്ക​പ്പോ​ഴും ഉപയോ​ഗി​ക്കാറ്‌. ബൈബി​ളിൽ അതിനെ സമൃദ്ധി​യോ​ടും സന്തോ​ഷ​ത്തോ​ടും ബന്ധിപ്പി​ച്ചി​രി​ക്കു​ന്നു. (സങ്കീർത്തനം 104:15) ‘വീഞ്ഞ്‌ വാങ്ങി​ക്കൊൾവിൻ’ എന്നു തന്റെ ജനത്തോ​ടു പറയു​ക​വഴി മുഴു​ഹൃ​ദ​യ​ത്തോ​ടെ സത്യാ​രാ​ധ​ന​യി​ലേ​ക്കുള്ള മടങ്ങി​വ​രവ്‌ അവരെ ‘വേണ്ടും​വണ്ണം സന്തോ​ഷി​ക്കാൻ’ ഇടയാ​ക്കു​മെന്ന്‌ അവർക്ക്‌ ഉറപ്പു കൊടു​ക്കു​ക​യാണ്‌.—ആവർത്ത​ന​പു​സ്‌തകം 16:15; സങ്കീർത്തനം 19:8; സദൃശ​വാ​ക്യ​ങ്ങൾ 10:22.

7. പ്രവാ​സി​ക​ളോ​ടുള്ള യഹോ​വ​യു​ടെ അനുകമ്പ ശ്രദ്ധേ​യ​മാ​യി​രി​ക്കു​ന്നത്‌ എന്തു​കൊണ്ട്‌, അത്‌ അവനെ കുറിച്ചു നമ്മെ എന്തു പഠിപ്പി​ക്കു​ന്നു?

⁷ പ്രവാസികളായ യഹൂദർക്ക്‌ ഇത്തരത്തിൽ ആത്മീയ നവോ​ന്മേഷം പ്രദാനം ചെയ്യുന്ന യഹോ​വ​യു​ടെ കരുണ എത്ര വലിയ​താണ്‌! യഹൂദ​രു​ടെ അനുസ​ര​ണ​ക്കേ​ടി​നെ​യും മത്സര​ത്തെ​യും കുറിച്ച്‌ ചിന്തി​ച്ചാൽ, അവന്റെ അനുകമ്പ വളരെ ശ്രദ്ധേ​യ​മാ​ണെന്നു കാണാം. അവർ യഹോ​വ​യു​ടെ അംഗീ​കാ​രം അർഹി​ക്കു​ന്നതു കൊണ്ടല്ല ഇത്‌. എന്നിരു​ന്നാ​ലും, സങ്കീർത്ത​ന​ക്കാ​ര​നായ ദാവീദ്‌ അവർക്കും നൂറ്റാ​ണ്ടു​കൾക്കു മുമ്പ്‌ ഇങ്ങനെ എഴുതി: “യഹോവ കരുണ​യും കൃപയും നിറഞ്ഞവൻ ആകുന്നു; ദീർഘ​ക്ഷ​മ​യും മഹാദ​യ​യും ഉള്ളവൻ തന്നേ. അവൻ എല്ലായ്‌പോ​ഴും ഭർത്സി​ക്ക​യില്ല; എന്നേക്കും കോപം സംഗ്ര​ഹി​ക്ക​യു​മില്ല.” (സങ്കീർത്തനം 103:8, 9) അവരു​മാ​യുള്ള ബന്ധം അവസാ​നി​പ്പി​ക്കു​ന്ന​തി​നു പകരം, സമാധാന ബന്ധത്തി​ലേക്കു വരാൻ യഹോവ ആദ്യ പടി സ്വീക​രി​ക്കു​ന്നു. തീർച്ച​യാ​യും അവൻ ‘ദയയിൽ പ്രസാ​ദി​ക്കുന്ന’ ഒരു ദൈവ​മാണ്‌.—മീഖാ 7:18.

അസ്ഥാന​ത്തുള്ള ആശ്രയം

8. പല യഹൂദ​രും തങ്ങളുടെ ആശ്രയം വെച്ചത്‌ എവിടെ, ഏതു മുന്നറി​യി​പ്പി​നെ അവഗണി​ച്ചു​കൊണ്ട്‌?

⁸ ഇതുവരെ പല യഹൂദ​രും രക്ഷയ്‌ക്കാ​യി യഹോ​വ​യിൽ  പൂർണ ആശ്രയം വെച്ചി​ട്ടില്ല. ഉദാഹ​ര​ണ​ത്തിന്‌, യെരൂ​ശ​ലേ​മി​ന്റെ പതനത്തി​നു മുമ്പ്‌ അതിലെ ഭരണാ​ധി​കാ​രി​കൾ സഹായ​ത്തി​നാ​യി പ്രബല രാഷ്‌ട്ര​ങ്ങ​ളി​ലേക്കു തിരിഞ്ഞു, അങ്ങനെ ആലങ്കാ​രി​ക​മാ​യി അവർ ഈജി​പ്‌തു​മാ​യും (മിസ്ര​യീം) ബാബി​ലോ​ണു​മാ​യും പരസം​ഗ​ത്തിൽ ഏർപ്പെട്ടു. (യെഹെ​സ്‌കേൽ 16:26-29; 23:14, 15) നല്ല കാരണ​ത്തോ​ടെ​തന്നെ യിരെ​മ്യാവ്‌ അവർക്ക്‌ ഈ മുന്നറി​യി​പ്പു നൽകി: “മനുഷ്യ​നിൽ ആശ്രയി​ച്ചു ജഡത്തെ തന്റെ ഭുജമാ​ക്കി ഹൃദയം​കൊ​ണ്ടു യഹോ​വയെ വിട്ടു​മാ​റുന്ന മനുഷ്യൻ ശപിക്ക​പ്പെ​ട്ടവൻ.” (യിരെ​മ്യാ​വു 17:5) എന്നാൽ ദൈവ​ജനം ചെയ്‌തത്‌ അതാണ്‌!

9. പല യഹൂദ​രും ‘അപ്പമല്ലാ​ത്ത​തി​നു ദ്രവ്യം ചെലവി​ടു​ന്നത്‌’ എങ്ങനെ?

⁹ എന്നാൽ തങ്ങൾ ആശ്രയം വെച്ച ആ രാഷ്‌ട്ര​ങ്ങ​ളിൽ ഒന്നിന്റെ അടിമ​ക​ളാ​യി​ത്തീർന്നി​രി​ക്കു​ക​യാണ്‌ അവർ ഇപ്പോൾ. അവർ അതിൽനിന്ന്‌ ഒരു പാഠം പഠിച്ചോ? പലരും പഠിച്ചില്ല എന്നു തോന്നു​ന്നു. കാരണം, യഹോവ ഇപ്രകാ​രം ചോദി​ക്കു​ന്നു: “അപ്പമല്ലാ​ത്ത​തി​ന്നു ദ്രവ്യ​വും തൃപ്‌തി​വ​രു​ത്താ​ത്ത​തി​ന്നു നിങ്ങളു​ടെ പ്രയത്‌ന​ഫ​ല​വും ചെലവി​ടു​ന്ന​തെ​ന്തി​ന്നു?” (യെശയ്യാ​വു 55:2എ) ബന്ദിക​ളായ യഹൂദർ യഹോ​വയെ അല്ലാതെ മറ്റാ​രെ​യെ​ങ്കി​ലും ആശ്രയി​ക്കു​ന്നെ​ങ്കിൽ, അവർ ‘അപ്പമല്ലാ​ത്ത​തി​നു ദ്രവ്യം ചെലവി​ടു​ക​യാണ്‌.’ ബന്ദികളെ തിരിച്ച്‌ അയയ്‌ക്കാ​തി​രി​ക്കുക എന്ന നയമുള്ള ബാബി​ലോ​ണിൽനിന്ന്‌ അവർക്കു തീർച്ച​യാ​യും മോചനം ഉണ്ടാകു​ക​യില്ല. സത്യത്തിൽ, ബാബി​ലോ​ണിന്‌ സാമ്രാ​ജ്യ​ത്വ ശക്തിയും വാണി​ജ്യ​വും വ്യാജാ​രാ​ധ​ന​യും ഉണ്ടെങ്കി​ലും പ്രവാ​സി​ക​ളായ യഹൂദ​ന്മാർക്ക്‌ നൽകാൻ അതിന്റെ പക്കൽ യാതൊ​ന്നു​മില്ല.

10. (എ) പ്രവാ​സി​ക​ളായ യഹൂദ​ന്മാർ യഹോവ പറയു​ന്നത്‌ ശ്രദ്ധി​ക്കു​ന്നെ​ങ്കിൽ, അവൻ അവർക്ക്‌ എങ്ങനെ പ്രതി​ഫലം കൊടു​ക്കും? (ബി) യഹോവ ദാവീ​ദു​മാ​യി ചെയ്‌ത ഉടമ്പടി എന്ത്‌?

¹⁰ യഹോവ തന്റെ ജനത്തോട്‌ ഇങ്ങനെ അഭ്യർഥി​ക്കു​ന്നു: “എന്റെ വാക്കു ശ്രദ്ധിച്ചു കേട്ടു നന്മ അനുഭ​വി​പ്പിൻ; പുഷ്ട​ഭോ​ജനം കഴിച്ചു മോദി​ച്ചു കൊൾവിൻ. നിങ്ങൾ ചെവി ചായിച്ചു എന്റെ അടുക്കൽ വരുവിൻ; നിങ്ങൾക്കു ജീവനു​ണ്ടാ​കേ​ണ്ട​തി​ന്നു കേട്ടു​കൊൾവിൻ; ദാവീ​ദി​ന്റെ നിശ്ചല​കൃ​പകൾ [“ദാവീ​ദി​നോ​ടുള്ള എന്റെ സ്‌നേഹം,” “ഓശാന ബൈ.”] എന്ന ഒരു ശാശ്വ​ത​നി​യമം ഞാൻ നിങ്ങ​ളോ​ടു ചെയ്യും.” (യെശയ്യാ​വു 55:2ബി, 3) ആത്മീയ അർഥത്തിൽ വികല​പോ​ഷി​ത​രായ ഈ ജനത്തിന്റെ ഏക പ്രത്യാശ യഹോ​വ​യി​ങ്കൽ മാത്ര​മാണ്‌. അവൻ ഇപ്പോൾ യെശയ്യാവ്‌ മുഖാ​ന്തരം അവരോട്‌ പ്രാവ​ച​നി​ക​മാ​യി സംസാ​രി​ക്കു​ന്നു. കാരണം, താൻ  പറയു​ന്നതു ശ്രദ്ധി​ച്ചാൽ അവർക്ക്‌ ‘ജീവനു​ണ്ടാ​കു’മെന്ന്‌ ദൈവം പ്രസ്‌താ​വി​ക്കു​ന്ന​തി​നാൽ അവരുടെ ജീവൻതന്നെ അവന്റെ സന്ദേശ​ത്തി​നു ശ്രദ്ധ കൊടു​ക്കു​ന്ന​തി​നെ ആശ്രയി​ച്ചി​രി​ക്കു​ന്നു. എന്നാൽ, തന്നെ അനുസ​രി​ക്കു​ന്ന​വ​രു​മാ​യി യഹോവ ചെയ്യാൻ പോകുന്ന “ശാശ്വ​ത​നി​യമം” എന്താണ്‌? ആ നിയമം അഥവാ ഉടമ്പടി ‘ദാവീ​ദി​നോ​ടുള്ള സ്‌നേഹ’ത്തോടു ബന്ധപ്പെ​ട്ടി​രി​ക്കു​ന്നു. നൂറ്റാ​ണ്ടു​കൾക്കു മുമ്പ്‌, ‘നിന്റെ സിംഹാ​സനം എന്നേക്കും ഉറെച്ചി​രി​ക്കും’ എന്ന്‌ യഹോവ ദാവീ​ദി​നോട്‌ വാഗ്‌ദാ​നം ചെയ്‌തി​രു​ന്നു. (2 ശമൂവേൽ 7:16) അതിനാൽ ഇവിടെ പരാമർശി​ക്കുന്ന “ശാശ്വ​ത​നി​യമം” ഭരണാ​ധി​പ​ത്യ​വു​മാ​യി ബന്ധപ്പെ​ട്ടി​രി​ക്കു​ന്നു.

നിത്യ രാജത്വ​ത്തിന്‌ ഒരു ശാശ്വത അവകാശി

11. ബാബി​ലോ​ണി​ലെ പ്രവാ​സി​കളെ സംബന്ധി​ച്ചി​ട​ത്തോ​ളം, ദാവീ​ദി​നു ദൈവം നൽകിയ വാഗ്‌ദാ​ന​ത്തി​ന്റെ നിവൃത്തി വിദൂ​ര​മെന്നു തോന്നി​യേ​ക്കാ​വു​ന്നത്‌ എന്തു​കൊണ്ട്‌?

¹¹ ദാവീദിന്റെ പരമ്പര​യി​ലുള്ള ഭരണാ​ധി​പ​ത്യം എന്ന ആശയം ആ യഹൂദ പ്രവാ​സി​കളെ സംബന്ധി​ച്ചി​ട​ത്തോ​ളം ഒരു വിദൂര സ്വപ്‌ന​മാ​യി തോന്നി​യേ​ക്കാം എന്നതു ശരിതന്നെ. അവർക്ക്‌ അവരുടെ ദേശം മാത്രമല്ല ദേശീ​യ​ത്വ​വും നഷ്ടമാ​യി​രി​ക്കു​ന്നു! എന്നാൽ അതു താത്‌കാ​ലി​ക​മാണ്‌. ദാവീ​ദു​മാ​യുള്ള ഉടമ്പടി യഹോവ മറന്നി​ട്ടില്ല. മാനു​ഷിക വീക്ഷണ​ത്തിൽ ഒട്ടും സാധ്യത ഇല്ലാത്ത​താ​ണെന്നു തോന്നി​യാ​ലും, ദാവീ​ദി​ന്റെ പരമ്പര​യി​ലുള്ള നിത്യ രാജത്വം സംബന്ധിച്ച ദൈ​വോ​ദ്ദേ​ശ്യം തീർച്ച​യാ​യും വിജയി​ക്കും. എന്നാൽ എങ്ങനെ, എപ്പോൾ? പൊ.യു.മു. 537-ൽ യഹോവ തന്റെ ജനത്തെ ബാബി​ലോ​ണി​യൻ പ്രവാ​സ​ത്തിൽനി​ന്നു വിടു​വിച്ച്‌ അവരെ മാതൃ​ദേ​ശത്ത്‌ പുനഃ​സ്ഥി​തീ​ക​രി​ക്കു​ന്നു. നിത്യ​മാ​യി നിലനിൽക്കുന്ന ഒരു രാജ്യം സ്ഥാപി​ക്ക​പ്പെ​ടു​ന്ന​തിൽ അതു കലാശി​ക്കു​ന്നു​ണ്ടോ? ഇല്ല. മറ്റൊരു പുറജാ​തീയ സാമ്രാ​ജ്യ​മായ മേദോ-പേർഷ്യ അവരുടെ മേൽ അധീശ​ത്വം തുടരു​ന്നു. ജാതി​ക​ളു​ടെ ഭരണ “കാലം” ഇനിയും അവസാ​നി​ച്ചി​ട്ടില്ല. (ലൂക്കൊസ്‌ 21:24) ഇസ്രാ​യേ​ലിൽ രാജാവ്‌ ഇല്ലാത്ത​തി​നാൽ, ദാവീ​ദിന്‌ യഹോവ നൽകിയ വാഗ്‌ദാ​നം നൂറ്റാ​ണ്ടു​കൾ കഴിഞ്ഞേ നിവൃ​ത്തി​യേറൂ.

12. ദാവീ​ദു​മാ​യി നടത്തിയ രാജ്യ ഉടമ്പടി നിവർത്തി​ക്കു​ന്നതു സംബന്ധിച്ച്‌ യഹോവ എന്തു നടപടി കൈ​ക്കൊ​ണ്ടു?

¹² ബാബിലോണിയൻ അടിമ​ത്ത​ത്തിൽനിന്ന്‌ ഇസ്രാ​യേൽ മോചി​ത​മാ​യി 500-ലധികം വർഷം കഴിഞ്ഞ്‌ രാജ്യ ഉടമ്പടി നിവർത്തി​ക്കു​ന്നതു  സംബന്ധിച്ച ഒരു പ്രമുഖ നടപടി യഹോവ കൈ​ക്കൊ​ണ്ടു. തന്റെ സൃഷ്ടി​പ്ര​വർത്ത​ന​ത്തി​ന്റെ തുടക്ക​മായ ആദ്യജാ​തന്റെ ജീവനെ യഹോവ സ്വർഗീയ മഹത്ത്വ​ത്തിൽനിന്ന്‌ യഹൂദ കന്യക​യായ മറിയ​യു​ടെ ഗർഭാ​ശ​യ​ത്തി​ലേക്കു മാറ്റി. (കൊ​ലൊ​സ്സ്യർ 1:15-17) അതേക്കു​റിച്ച്‌ യഹോ​വ​യു​ടെ ദൂതൻ മറിയ​യോട്‌ ഇങ്ങനെ പറഞ്ഞു: “അവൻ വലിയവൻ ആകും; അത്യു​ന്ന​തന്റെ പുത്രൻ എന്നു വിളി​ക്ക​പ്പെ​ടും; കർത്താ​വായ ദൈവം അവന്റെ പിതാ​വായ ദാവീ​ദി​ന്റെ സിംഹാ​സനം അവന്നു കൊടു​ക്കും. അവൻ യാക്കോ​ബ്‌ഗൃ​ഹ​ത്തി​ന്നു എന്നേക്കും രാജാ​വാ​യി​രി​ക്കും; അവന്റെ രാജ്യ​ത്തി​ന്നു അവസാനം ഉണ്ടാക​യില്ല എന്നു പറഞ്ഞു.” (ലൂക്കൊസ്‌ 1:32, 33) യേശു ദാവീ​ദി​ന്റെ വംശത്തിൽ ജനിക്കു​ക​യും രാജ്യാ​ധി​കാ​ര​ത്തി​നുള്ള അവകാശം കരസ്ഥമാ​ക്കു​ക​യും ചെയ്‌തു. സിംഹാ​സ​നസ്ഥൻ ആയിക്ക​ഴി​യു​മ്പോൾ യേശു “എന്നെ​ന്നേ​ക്കും” ഭരണം നടത്തു​മാ​യി​രു​ന്നു. (യെശയ്യാ​വു 9:7; ദാനീ​യേൽ 7:14) അങ്ങനെ, ദാവീ​ദിന്‌ ഒരു ശാശ്വത അവകാ​ശി​യെ നൽകു​മെന്ന്‌ യഹോവ നൂറ്റാ​ണ്ടു​കൾക്കു മുമ്പ്‌ നൽകിയ വാഗ്‌ദാ​നം നിവർത്തി​ക്കാ​നുള്ള വഴി ഇപ്പോൾ തുറന്നി​രി​ക്കു​ന്നു.

“വംശങ്ങൾക്കു പ്രഭു”

13. ഭൗമിക ശുശ്രൂ​ഷ​ക്കാ​ല​ത്തും സ്വർഗാ​രോ​ഹണ ശേഷവും യേശു ‘ജാതി​കൾക്കുള്ള ഒരു സാക്ഷി’ ആയിരു​ന്നത്‌ എങ്ങനെ?

¹³ ഈ ഭാവി രാജാവ്‌ എന്തു ചെയ്യും? യഹോവ പറയുന്നു: “ഞാൻ അവനെ ജാതി​കൾക്കു സാക്ഷി​യും വംശങ്ങൾക്കു പ്രഭു​വും അധിപ​തി​യും ആക്കിയി​രി​ക്കു​ന്നു.” (യെശയ്യാ​വു 55:4) വളർന്നു​വ​ന്ന​പ്പോൾ യേശു യഹോ​വ​യു​ടെ ഭൗമിക പ്രതി​നി​ധി, ജനതകൾക്കുള്ള ദൈവ​ത്തി​ന്റെ സാക്ഷി, ആയി സേവിച്ചു. ഭൂമി​യി​ലെ അവന്റെ ശുശ്രൂഷ ‘യിസ്രാ​യേൽഗൃ​ഹ​ത്തി​ലെ കാണാ​തെ​പോയ ആടുകളെ’ ഉദ്ദേശി​ച്ചു​ള്ളത്‌ ആയിരു​ന്നു. എന്നുവ​രി​കി​ലും, സ്വർഗാ​രോ​ഹ​ണ​ത്തി​നു തൊട്ടു​മുമ്പ്‌ യേശു തന്റെ അനുഗാ​മി​ക​ളോ​ടാ​യി ഇങ്ങനെ പറഞ്ഞു: “ആകയാൽ നിങ്ങൾ പുറ​പ്പെട്ടു . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ; ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ടു.” (മത്തായി 10:5, 6; 15:24; 28:19, 20) പിൽക്കാ​ലത്ത്‌ രാജ്യ​സ​ന്ദേശം യഹൂദ​ര​ല്ലാ​ത്ത​വ​രു​ടെ പക്കലു​മെത്തി.  അവരിൽ ചിലർ ദാവീ​ദു​മാ​യുള്ള ഉടമ്പടി​യു​ടെ നിവൃ​ത്തി​യിൽ പങ്കു​ചേർന്നു. (പ്രവൃ​ത്തി​കൾ 13:46) ആ വിധത്തിൽ, യേശു തന്റെ മരണത്തി​നും പുനരു​ത്ഥാ​ന​ത്തി​നും സ്വർഗാ​രോ​ഹ​ണ​ത്തി​നും ശേഷവും ‘ജാതി​കൾക്കുള്ള’ യഹോ​വ​യു​ടെ “സാക്ഷി”യായി തുടർന്നു.

14, 15. (എ) താൻ “പ്രഭു​വും അധിപ​തി​യും” ആണെന്നു യേശു തെളി​യി​ച്ചത്‌ എങ്ങനെ? (ബി) യേശു​വി​ന്റെ ഒന്നാം നൂറ്റാ​ണ്ടി​ലെ അനുഗാ​മി​കൾക്ക്‌ എന്തു പ്രത്യാശ ഉണ്ടായി​രു​ന്നു?

¹⁴ യേശു ഒരു “പ്രഭു​വും അധിപ​തി​യും” കൂടി ആയിരി​ക്ക​ണ​മാ​യി​രു​ന്നു. ഈ പ്രാവ​ച​നിക വർണന​യ്‌ക്കു ചേർച്ച​യിൽ, ഭൂമി​യിൽ ആയിരു​ന്ന​പ്പോൾ അവൻ തന്റെ ശിരഃ​സ്ഥാ​നം സംബന്ധിച്ച ഉത്തരവാ​ദി​ത്വ​ങ്ങൾ പൂർണ​മാ​യി സ്വീക​രി​ക്കു​ക​യും എല്ലാ വിധങ്ങ​ളി​ലും നേതൃ​ത്വം വഹിക്കു​ക​യും ചെയ്‌തു. അവൻ വൻ ജനക്കൂ​ട്ട​ങ്ങളെ ആകർഷി​ക്കു​ക​യും അവരെ സത്യത്തി​ന്റെ വചനങ്ങൾ പഠിപ്പി​ക്കു​ക​യും തന്റെ നേതൃ​ത്വം പിൻപ​റ്റു​ന്ന​വർക്കു ലഭിക്കാ​നി​രി​ക്കുന്ന അനു​ഗ്ര​ഹ​ങ്ങളെ കുറിച്ചു പറയു​ക​യും ചെയ്‌തു. (മത്തായി 4:24; 7:28, 29; 11:5) അവൻ തന്റെ ശിഷ്യ​ന്മാ​രെ നന്നായി പരിശീ​ലി​പ്പി​ക്കു​ക​യും പ്രസംഗ നിയമനം ഏറ്റെടു​ക്കാൻ അവരെ സജ്ജരാ​ക്കു​ക​യും ചെയ്‌തു. (ലൂക്കൊസ്‌ 10:1-12; പ്രവൃ​ത്തി​കൾ 1:8; കൊ​ലൊ​സ്സ്യർ 1:23) വെറും മൂന്നര വർഷം​കൊണ്ട്‌ യേശു നാനാ വംശജ​രായ ആയിര​ക്ക​ണ​ക്കിന്‌ അംഗങ്ങൾ ഐക്യ​ത്തോ​ടെ കൂടി​വ​ന്നി​രി​ക്കുന്ന ഒരു അന്താരാ​ഷ്‌ട്ര സഭയ്‌ക്ക്‌ അടിസ്ഥാ​ന​മി​ട്ടു! ബൃഹത്തായ അത്തര​മൊ​രു വേല ഒരു യഥാർഥ ‘പ്രഭു​വി​നും അധിപ​തി​ക്കും’ മാത്രമേ നിവർത്തി​ക്കാ​നാ​കൂ. b

¹⁵ ഒന്നാം നൂറ്റാ​ണ്ടി​ലെ ക്രിസ്‌തീയ സഭയി​ലേക്കു കൂട്ടി​ച്ചേർക്ക​പ്പെ​ട്ടവർ ദൈവ​ത്തി​ന്റെ പരിശു​ദ്ധാ​ത്മാ​വി​നാൽ അഭിഷി​ക്ത​രാ​യി. യേശു​വി​നോ​ടൊ​പ്പം സ്വർഗീയ രാജ്യ​ത്തിൽ സഹ ഭരണാ​ധി​കാ​രി​കൾ ആയിരി​ക്കു​ക​യെന്ന പ്രത്യാശ അവർക്ക്‌ ഉണ്ടായി​രു​ന്നു. (വെളി​പ്പാ​ടു 14:1) എന്നിരു​ന്നാ​ലും, യെശയ്യാ​വി​ന്റെ പ്രവച​ന​ത്തിന്‌ ക്രിസ്‌ത്യാ​നി​ത്വ​ത്തി​ന്റെ ആദിമ നാളു​ക​ളിൽ മാത്രമല്ല നിവൃ​ത്തി​യു​ള്ളത്‌. ദൈവ​രാ​ജ്യ​ത്തി​ന്റെ രാജാവ്‌ എന്ന നിലയിൽ യേശു​ക്രി​സ്‌തു ഭരണം ആരംഭി​ച്ചത്‌ 1914-ലാണ്‌ എന്നു തെളിവു പ്രകട​മാ​ക്കു​ന്നു. താമസി​യാ​തെ,  ഭൂമി​യി​ലെ അഭിഷിക്ത ക്രിസ്‌ത്യാ​നി​ക​ളു​ടെ ഇടയിൽ ഒരു പ്രത്യേക സാഹച​ര്യം ഉടലെ​ടു​ത്തു. പൊ.യു.മു. ആറാം നൂറ്റാ​ണ്ടി​ലെ യഹൂദ പ്രവാ​സി​ക​ളു​ടേ​തി​നു സമാന​മായ ഒന്നായി​രു​ന്നു അത്‌. വാസ്‌ത​വ​ത്തിൽ, ആ ക്രിസ്‌ത്യാ​നി​കൾക്കു സംഭവി​ച്ചത്‌ യെശയ്യാ പ്രവച​ന​ത്തി​ന്റെ ഒരു വലിയ നിവൃ​ത്തി​യാണ്‌.

ആധുനി​ക​കാല പ്രവാ​സ​വും വിടു​ത​ലും

16. 1914-ൽ യേശു​വി​ന്റെ സിംഹാ​സ​നാ​രോ​ഹ​ണത്തെ തുടർന്ന്‌ എന്ത്‌ അരിഷ്‌ടത ഉണ്ടായി?

¹⁶ യേശു 1914-ൽ രാജാ​വാ​യി സിംഹാ​സ​നാ​രോ​ഹണം ചെയ്‌ത​പ്പോൾ ലോക​ത്തിൽ അഭൂത​പൂർവ​മായ അരിഷ്ടത ഉണ്ടായി. എന്തു​കൊണ്ട്‌? കാരണം, രാജാ​വായ യേശു സാത്താ​നെ​യും ദുഷ്ടാത്മ ജീവി​ക​ളെ​യും സ്വർഗ​ത്തിൽനി​ന്നു പുറത്താ​ക്കി. ഭൂമി​യി​ലേക്ക്‌ എത്തിയ സാത്താൻ വിശു​ദ്ധ​ന്മാ​രിൽ ശേഷി​ക്കു​ന്ന​വർക്കെ​തി​രെ, അഭിഷിക്ത ക്രിസ്‌ത്യാ​നി​ക​ളു​ടെ ശേഷി​പ്പി​നെ​തി​രെ യുദ്ധം ചെയ്യാൻ തുടങ്ങി. (വെളി​പ്പാ​ടു 12:7-12, 17) അതിന്റെ പാരമ്യം 1918-ൽ ആയിരു​ന്നു. ആ വർഷം പ്രസം​ഗ​വേല ഏതാണ്ട്‌ നിലച്ചതു പോലെ കാണ​പ്പെട്ടു, മാത്രമല്ല വാച്ച്‌ ടവർ സൊ​സൈ​റ്റി​യു​ടെ ചുമതല വഹിക്കുന്ന ഉദ്യോ​ഗ​സ്ഥരെ അധികാ​രി​കൾ വ്യാജ​മാ​യി രാജ്യ​ദ്രോ​ഹ​ക്കു​റ്റം ചുമത്തി തടവി​ലാ​ക്കു​ക​യും ചെയ്‌തു. അങ്ങനെ യഹോ​വ​യു​ടെ ആധുനി​ക​കാല ദാസന്മാർ ഒരു ആത്മീയ പ്രവാ​സ​ത്തി​ലാ​യി, അതു പുരാതന യഹൂദ​ന്മാ​രു​ടെ അക്ഷരീയ അവസ്ഥയ്‌ക്കു സമാന​മാ​യി​രു​ന്നു. അവർക്കു വലിയ അപമാനം സഹി​ക്കേ​ണ്ടി​വന്നു.

17. അഭിഷി​ക്ത​രു​ടെ അവസ്ഥയ്‌ക്ക്‌ 1919-ൽ മാറ്റം വന്നത്‌ എങ്ങനെ, അവർ ബലിഷ്‌ഠ​രാ​ക്ക​പ്പെ​ട്ടത്‌ എങ്ങനെ?

¹⁷ എന്നിരുന്നാലും, ദൈവ​ത്തി​ന്റെ അഭിഷിക്ത ദാസന്മാ​രു​ടെ ആ പ്രവാ​സാ​വസ്ഥ അധിക​നാൾ നീണ്ടു​നി​ന്നില്ല. തടവി​ലാ​ക്ക​പ്പെട്ട ഉദ്യോ​ഗസ്ഥർ 1919 മാർച്ച്‌ 26-ന്‌ മോചി​ത​രാ​യി. അവർക്കെ​തി​രെ​യുള്ള എല്ലാ ആരോ​പ​ണ​ങ്ങ​ളും പിൻവ​ലി​ക്ക​പ്പെട്ടു. വിമോ​ചി​ത​രായ തന്റെ ജനതയു​ടെ മേൽ യഹോവ തന്റെ ആത്മാവി​നെ പകരു​ക​യും മുന്നി​ലുള്ള വേലയ്‌ക്കാ​യി അവരെ ശക്തരാ​ക്കു​ക​യും ചെയ്‌തു. സന്തോ​ഷ​ക​ര​മെന്നു പറയട്ടെ, “ജീവജലം സൌജ​ന്യ​മാ​യി വാങ്ങട്ടെ” എന്ന ആഹ്വാനം അവർ ചെവി​ക്കൊ​ണ്ടു. (വെളി​പ്പാ​ടു 22:17) അവർ ‘വില കൂടാതെ വീഞ്ഞും പാലും വാങ്ങി,’ മാത്രമല്ല അഭിഷിക്ത ശേഷി​പ്പി​നു മുൻകൂ​ട്ടി കാണാൻ കഴിയാഞ്ഞ അത്ഭുത​ക​ര​മായ ഒരു വികസ​ന​പ്ര​വർത്ത​ന​ത്തി​നാ​യി അവർ ആത്മീയ​മാ​യി ബലിഷ്‌ഠ​രാ​ക്ക​പ്പെ​ടു​ക​യും ചെയ്‌തു.

 ഒരു മഹാപു​രു​ഷാ​രം ദൈവ​ത്തി​ന്റെ അഭിഷി​ക്തനെ മഹത്ത്വ​പ്പെ​ടു​ത്തു​ന്നു

18. യേശു​ക്രി​സ്‌തു​വി​ന്റെ അനുഗാ​മി​ക​ളു​ടെ ഇടയിൽ ഏതു രണ്ട്‌ കൂട്ടങ്ങൾ ഉണ്ട്‌, അവർ ഇന്ന്‌ എന്തായി​ത്തീർന്നി​രി​ക്കു​ന്നു?

¹⁸ യേശുവിന്റെ ശിഷ്യ​ന്മാർക്ക്‌ രണ്ടുതരം പ്രത്യാ​ശ​ക​ളുണ്ട്‌. ആദ്യം, 1,44,000 വരുന്ന ‘ചെറിയ ആട്ടിൻകൂ​ട്ടം’ കൂട്ടി​ച്ചേർക്ക​പ്പെട്ടു. ‘ദൈവ​ത്തി​ന്റെ യിസ്രാ​യേൽ’ ആയ അവർ യഹൂദ, പുറജാ​തീയ പശ്ചാത്ത​ല​ങ്ങ​ളിൽ നിന്നുള്ള അഭിഷിക്ത ക്രിസ്‌ത്യാ​നി​ക​ളാണ്‌. അവർക്ക്‌ യേശു​വി​നോ​ടൊ​പ്പം അവന്റെ സ്വർഗ​രാ​ജ്യ​ത്തിൽ വാഴു​ക​യെന്ന പ്രത്യാ​ശ​യുണ്ട്‌. (ലൂക്കൊസ്‌ 12:32; ഗലാത്യർ 6:16; വെളി​പ്പാ​ടു 14:1) പിന്നീട്‌, ഈ അന്ത്യനാ​ളു​ക​ളിൽ ‘വേറെ ആടുകളു’ടെ “ഒരു മഹാപു​രു​ഷാ​രം” രംഗ​പ്ര​വേശം ചെയ്യു​ക​യു​ണ്ടാ​യി. ഒരു പറുദീ​സാ ഭൂമി​യിൽ എന്നേക്കും ജീവി​ക്കു​ക​യെന്ന പ്രത്യാ​ശ​യാണ്‌ അവർക്കു​ള്ളത്‌. എണ്ണം ക്ലിപ്‌ത​മ​ല്ലാത്ത ഈ മഹാപു​രു​ഷാ​രം, മഹോ​പ​ദ്രവം പൊട്ടി​പ്പു​റ​പ്പെ​ടു​ന്ന​തി​നു മുമ്പ്‌ ചെറിയ ആട്ടിൻകൂ​ട്ട​ത്തി​ന്റെ ശേഷി​പ്പി​നോ​ടൊ​പ്പം സേവി​ക്കു​ന്നു. അങ്ങനെ ഇരു കൂട്ടവും ചേർന്ന്‌ ‘ഒരിട​യന്റെ’ കീഴി​ലുള്ള ‘ഒരാട്ടിൻകൂ​ട്ടം’ ആയിത്തീർന്നി​രി​ക്കു​ന്നു.—വെളി​പ്പാ​ടു 7:9, 10; യോഹ​ന്നാൻ 10:16.

19. ദൈവ​ത്തി​ന്റെ ഇസ്രാ​യേ​ലി​നു മുമ്പ്‌ അറിയി​ല്ലാ​യി​രുന്ന “ഒരു ജാതി” ആ ആത്മീയ ജനതയു​ടെ വിളി​യോട്‌ എങ്ങനെ പ്രതി​ക​രി​ച്ചി​രി​ക്കു​ന്നു?

¹⁹ യെശയ്യാ പ്രവച​ന​ത്തി​ലെ പിൻവ​രുന്ന വാക്കു​ക​ളിൽനി​ന്നു മഹാപു​രു​ഷാ​ര​ത്തി​ന്റെ കൂട്ടി​ച്ചേർപ്പി​നെ സംബന്ധിച്ച വിവരങ്ങൾ മനസ്സി​ലാ​ക്കാ​നാ​കും: “നീ അറിയാത്ത ഒരു ജാതിയെ നീ വിളി​ക്കും; നിന്നെ അറിയാത്ത ഒരു ജാതി നിന്റെ ദൈവ​മായ യഹോ​വ​നി​മി​ത്ത​വും യിസ്രാ​യേ​ലി​ന്റെ പരിശു​ദ്ധൻനി​മി​ത്ത​വും അവൻ നിന്നെ മഹത്വ​പ്പെ​ടു​ത്തി​യി​രി​ക്ക​യാൽ തന്നേ നിന്റെ അടുക്കൽ ഓടി​വ​രും.” (യെശയ്യാ​വു 55:5) ആത്മീയ പ്രവാ​സ​ത്തിൽ നിന്നുള്ള അഭിഷിക്ത ശേഷി​പ്പി​ന്റെ വിടു​ത​ലി​നെ തുടർന്നുള്ള വർഷങ്ങ​ളിൽ, യഹോ​വ​യു​ടെ ആരാധ​ന​യി​ലേക്ക്‌ ഒരു വലിയ “ജാതി”യെ വിളി​ക്കു​ന്ന​തിൽ തങ്ങൾ ഒരു മാധ്യ​മ​മാ​യി വർത്തി​ക്കു​മെന്ന്‌ അവർ ആദ്യം മനസ്സി​ലാ​ക്കി​യി​രു​ന്നില്ല. എങ്കിലും കാലം കടന്നു​പോ​യ​പ്പോൾ, സ്വർഗീയ പ്രത്യാശ ഇല്ലാത്ത ആത്മാർഥ​ഹൃ​ദ​യ​രായ വ്യക്തികൾ അഭിഷി​ക്ത​രോ​ടൊ​പ്പം സഹവസി​ക്കാ​നും അവരു​ടേതു പോലുള്ള തീക്ഷ്‌ണ​ത​യോ​ടെ​തന്നെ യഹോ​വയെ സേവി​ക്കാ​നും തുടങ്ങി. ഈ നവാഗതർ, യഹോവ ദൈവ​ജ​ന​ത്തി​ന്റെ ഇടയിൽ ഉണ്ടെന്നു തിരി​ച്ച​റി​ഞ്ഞു​കൊണ്ട്‌ അവരുടെ മഹത്ത്വ​പ്പെ​ടു​ത്ത​പ്പെട്ട അവസ്ഥ ശ്രദ്ധി​ക്കാൻ തുടങ്ങി. (സെഖര്യാ​വു 8:23) 1930-കളിൽ, തങ്ങളുടെ ഇടയിൽ  എണ്ണത്തിൽ വർധി​ച്ചു​കൊ​ണ്ടി​രുന്ന ഈ ആളുകൾ ആരാ​ണെന്ന്‌ അഭിഷി​ക്തർ വ്യക്തമാ​യി തിരി​ച്ച​റി​ഞ്ഞു. അങ്ങനെ ഒരു വലിയ കൂട്ടി​ച്ചേർക്കൽ വേല ഇനിയും നടക്കാ​നി​രി​ക്കു​ന്ന​താ​യി അവർ മനസ്സി​ലാ​ക്കി. ആ മഹാപു​രു​ഷാ​രം നല്ല കാരണ​ത്തോ​ടെ​തന്നെ ദൈവ​ത്തി​ന്റെ ഉടമ്പടി ജനത​യോ​ടു സഹവസി​ക്കാൻ ധൃതി​പ്പെ​ട്ടു​വന്നു.

20. (എ) നമ്മുടെ നാളിൽ ‘യഹോ​വയെ അന്വേ​ഷി​ക്കു​ന്നത്‌’ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌, അത്‌ എങ്ങനെ ചെയ്യാ​നാ​കും? (ബി) തന്നെ അന്വേ​ഷി​ക്കു​ന്ന​വ​രോട്‌ യഹോവ എങ്ങനെ പ്രതി​ക​രി​ക്കും?

²⁰ യെശയ്യാവിന്റെ നാളിൽ പിൻവ​രുന്ന ആഹ്വാനം നൽക​പ്പെട്ടു: “യഹോ​വയെ കണ്ടെത്താ​കുന്ന സമയത്തു അവനെ അന്വേ​ഷി​പ്പിൻ; അവൻ അടുത്തി​രി​ക്കു​മ്പോൾ അവനെ വിളി​ച്ച​പേ​ക്ഷി​പ്പിൻ.” (യെശയ്യാ​വു 55:6) നമ്മുടെ നാളു​ക​ളിൽ, ഈ വാക്കുകൾ ദൈവ​ത്തി​ന്റെ ഇസ്രാ​യേ​ലി​ന്റെ ഭാഗമാ​യി​രി​ക്കു​ന്ന​വർക്കും എണ്ണത്തിൽ വർധി​ച്ചു​വ​രുന്ന മഹാപു​രു​ഷാ​ര​ത്തി​നും വളരെ ഉചിത​മാണ്‌. യഹോ​വ​യു​ടെ അനു​ഗ്രഹം ചില വ്യവസ്ഥ​ക​ളോ​ടു കൂടി​യ​താണ്‌, അവൻ അനിശ്ചിത കാല​ത്തേക്കു തന്റെ ക്ഷണം വെച്ചു​നീ​ട്ടു​ക​യു​മില്ല. ദൈവ​പ്രീ​തി തേടാ​നുള്ള സമയം ഇപ്പോ​ഴാണ്‌. യഹോ​വ​യു​ടെ ന്യായ​വി​ധി​ക്കുള്ള നിയമിത സമയം വരു​മ്പോൾ, സമയം വളരെ വൈകി​പ്പോ​യി​രി​ക്കും. അതു​കൊണ്ട്‌ യെശയ്യാവ്‌ പറയുന്നു: “ദുഷ്ടൻ തന്റെ വഴി​യെ​യും നീതി​കെ​ട്ടവൻ തന്റെ വിചാ​ര​ങ്ങ​ളെ​യും ഉപേക്ഷി​ച്ചു യഹോ​വ​യി​ങ്ക​ലേക്കു തിരി​യട്ടെ; അവൻ അവനോ​ടു കരുണ​കാ​ണി​ക്കും; നമ്മുടെ ദൈവ​ത്തി​ങ്ക​ലേക്കു തിരി​യട്ടെ; അവൻ ധാരാളം ക്ഷമിക്കും.”—യെശയ്യാ​വു 55:7.

21. ഇസ്രാ​യേൽ ജനത തങ്ങളുടെ പൂർവ​പി​താ​ക്ക​ന്മാർ നടത്തിയ പ്രഖ്യാ​പ​ന​ത്തോട്‌ വിശ്വാ​സ​മി​ല്ലായ്‌മ കാട്ടി​യത്‌ എങ്ങനെ?

²¹ “യഹോ​വ​യി​ങ്ക​ലേക്കു തിരി​യട്ടെ” എന്ന പ്രയോ​ഗം സൂചി​പ്പി​ക്കു​ന്നത്‌, അനുത​പി​ക്കേ​ണ്ട​വർക്ക്‌ മുമ്പ്‌ ദൈവ​വു​മാ​യി ഒരു ബന്ധം ഉണ്ടായി​രു​ന്നു എന്നാണ്‌. യെശയ്യാ പ്രവച​ന​ത്തി​ന്റെ ഈ ഭാഗത്തി​ന്റെ പല വശങ്ങൾക്കും ബാബി​ലോ​ണി​ലെ യഹൂദ പ്രവാ​സി​ക​ളു​ടെ​മേൽ ആദ്യ നിവൃത്തി ഉണ്ടെന്ന്‌ ഈ പദപ്ര​യോ​ഗം കാണി​ക്കു​ന്നു. നൂറ്റാ​ണ്ടു​കൾക്കു മുമ്പ്‌, ഈ പ്രവാ​സി​ക​ളു​ടെ പൂർവ​പി​താ​ക്ക​ന്മാർ പിൻവ​രുന്ന പ്രകാരം പറഞ്ഞു​കൊണ്ട്‌ യഹോ​വയെ അനുസ​രി​ക്കാ​നുള്ള അവരുടെ ദൃഢനി​ശ്ചയം പ്രകട​മാ​ക്കി: “മറ്റു ദൈവ​ങ്ങളെ സേവി​ക്കാൻ തക്കവണ്ണം യഹോ​വയെ ഉപേക്ഷി​ക്കു​ന്നത്‌ ഞങ്ങളെ സംബന്ധി​ച്ചി​ട​ത്തോ​ളം അചിന്ത​നീ​യ​മാണ്‌.” (യോശുവ 24:16, NW) ‘അചിന്ത​നീ​യ​മാ​യത്‌’ ആവർത്തി​ച്ചാ​വർത്തിച്ച്‌ സംഭവി​ച്ച​താ​യി ചരിത്രം സാക്ഷ്യ​പ്പെ​ടു​ത്തു​ന്നു! ദൈവ​ജ​ന​ത്തി​ന്റെ വിശ്വാ​സ​മി​ല്ലായ്‌മ  നിമി​ത്ത​മാണ്‌ അവർ ഇപ്പോൾ ബാബി​ലോ​ണിൽ പ്രവാ​സി​കൾ ആയിരി​ക്കു​ന്നത്‌.

22. തന്റെ ചിന്തക​ളും വഴിക​ളും മനുഷ്യ​രു​ടേ​തി​നെ​ക്കാൾ ഉയർന്ന​താ​ണെന്ന്‌ യഹോവ പറയു​ന്നത്‌ എന്തു​കൊണ്ട്‌?

²² അവർ അനുത​പി​ച്ചാൽ എന്തു സംഭവി​ക്കും? താൻ ‘ധാരാ​ള​മാ​യി ക്ഷമിക്കും’ എന്ന്‌ യെശയ്യാവ്‌ മുഖാ​ന്തരം യഹോവ വാഗ്‌ദാ​നം ചെയ്യുന്നു. എന്നിട്ട്‌ അവൻ ഇങ്ങനെ കൂട്ടി​ച്ചേർക്കു​ന്നു: “എന്റെ വിചാ​രങ്ങൾ നിങ്ങളു​ടെ വിചാ​രങ്ങൾ അല്ല; നിങ്ങളു​ടെ വഴികൾ എന്റെ വഴിക​ളു​മല്ല എന്നു യഹോവ അരുളി​ച്ചെ​യ്യു​ന്നു. ആകാശം ഭൂമി​ക്കു​മീ​തെ ഉയർന്നി​രി​ക്കു​ന്ന​തു​പോ​ലെ എന്റെ വഴികൾ നിങ്ങളു​ടെ വഴിക​ളി​ലും എന്റെ വിചാ​രങ്ങൾ നിങ്ങളു​ടെ വിചാ​ര​ങ്ങ​ളി​ലും ഉയർന്നി​രി​ക്കു​ന്നു.” (യെശയ്യാ​വു 55:8, 9) യഹോവ പൂർണ​ത​യു​ള്ള​വ​നും അവന്റെ വിചാ​ര​ങ്ങ​ളും വഴിക​ളും മനുഷ്യർക്ക്‌ എത്താവു​ന്ന​തി​ലും ഉയർന്ന​തു​മാണ്‌. ദൈവം പ്രകട​മാ​ക്കുന്ന കരുണ പോലും അതേ അളവിൽ മനുഷ്യർക്കു പ്രകട​മാ​ക്കാൻ സാധ്യമല്ല. ഇതു ചിന്തി​ക്കുക: നാം ഒരു സഹമനു​ഷ്യ​നോ​ടു ക്ഷമിക്കു​മ്പോൾ, അത്‌ ഒരു പാപി മറ്റൊരു പാപി​യോ​ടു ക്ഷമിക്കുന്ന അവസ്ഥയാണ്‌. ഇന്നോ നാളെ​യോ ഒരു സഹമനു​ഷ്യൻ നമ്മോടു ക്ഷമിക്കേണ്ട അവസ്ഥ വരു​മെന്ന്‌ നമുക്ക​റി​യാം. (മത്തായി 6:12) എന്നാൽ തനിക്ക്‌ ക്ഷമ ആവശ്യ​മി​ല്ലെ​ങ്കി​ലും, യഹോവ ‘ധാരാ​ള​മാ​യി ക്ഷമിക്കു​ന്നു’! വാസ്‌ത​വ​ത്തിൽ, അവൻ മഹാ സ്‌നേ​ഹദയ ഉള്ള ദൈവ​മാണ്‌. മുഴു​ഹൃ​ദയാ തന്നി​ലേക്കു മടങ്ങി​വ​രു​ന്ന​വ​രു​ടെ മേൽ യഹോവ കരുണ നിമിത്തം  ആകാശ​ത്തി​ന്റെ കിളി​വാ​തി​ലു​കളെ തുറന്ന്‌ അനു​ഗ്രഹം ചൊരി​യു​ന്നു.—മലാഖി 3:10.

യഹോ​വ​യി​ലേക്കു മടങ്ങു​ന്ന​വർക്ക്‌ അനു​ഗ്ര​ഹ​ങ്ങൾ

23. യഹോവ തന്റെ വചനത്തി​ന്റെ നിവൃ​ത്തി​യു​ടെ ഉറപ്പിനെ ദൃഷ്ടാ​ന്തീ​ക​രി​ക്കു​ന്നത്‌ എങ്ങനെ?

²³ യഹോവ തന്റെ ജനത്തിന്‌ ഈ വാഗ്‌ദാ​നം നൽകുന്നു: “മഴയും ഹിമവും ആകാശ​ത്തു​നി​ന്നു പെയ്യു​ക​യും അവി​ടേക്കു മടങ്ങാതെ വിതെ​പ്പാൻ വിത്തും തിന്മാൻ ആഹാര​വും നല്‌ക​ത്ത​ക്ക​വണ്ണം ഭൂമിയെ നനെച്ചു ഫലവത്താ​ക്കി വിളയി​ക്കു​ന്ന​തു​പോ​ലെ എന്റെ വായിൽനി​ന്നു പുറ​പ്പെ​ടുന്ന എന്റെ വചനം ആയിരി​ക്കും; അതു വെറുതെ എന്റെ അടുക്ക​ലേക്കു മടങ്ങി​വ​രാ​തെ എനിക്കു ഇഷ്ടമു​ള്ളതു നിവർത്തി​ക്ക​യും ഞാൻ അയച്ച കാര്യം സാധി​പ്പി​ക്ക​യും ചെയ്യും.” (യെശയ്യാ​വു 55:10, 11) യഹോവ പറയുന്ന സകലതും തീർച്ച​യാ​യും നിവൃ​ത്തി​യേ​റും. ആകാശ​ത്തു​നി​ന്നു പെയ്യുന്ന മഴയും ഹിമവും ഭൂമിയെ പൂരി​ത​മാ​ക്കി ഫലം പുറ​പ്പെ​ടു​വി​ക്കു​ന്നു. അതു​പോ​ലെ, യഹോ​വ​യു​ടെ വായിൽനി​ന്നു പുറ​പ്പെ​ടുന്ന വചനം തികച്ചും ആശ്രയ​യോ​ഗ്യ​മാ​യി​രി​ക്കും. തന്റെ വാഗ്‌ദാ​നം അവൻ വീഴ്‌ച​കൂ​ടാ​തെ നിവർത്തി​ക്കും.—സംഖ്യാ​പു​സ്‌തകം 23:19.

24, 25. യെശയ്യാവ്‌ മുഖാ​ന്തരം യഹോവ നൽകിയ നിർദേ​ശ​പ്ര​കാ​രം പ്രവർത്തി​ക്കുന്ന യഹൂദ പ്രവാ​സി​കളെ എന്ത്‌ അനു​ഗ്ര​ഹങ്ങൾ കാത്തി​രി​ക്കു​ന്നു?

²⁴ അതിനാൽ, യെശയ്യാവ്‌ മുഖാ​ന്തരം യഹോവ തങ്ങളോട്‌ പ്രാവ​ച​നി​ക​മാ​യി അരുളി​ച്ചെ​യ്‌തി​രി​ക്കുന്ന വചനങ്ങൾ യഹൂദ​ന്മാർ ചെവി​ക്കൊ​ള്ളു​ന്നെ​ങ്കിൽ,  യഹോവ വാഗ്‌ദാ​നം ചെയ്‌തി​രി​ക്കുന്ന രക്ഷ അവർക്കു നിശ്ചയ​മാ​യും ലഭിക്കും. തത്‌ഫ​ല​മാ​യി, അവർക്കു വലിയ സന്തോ​ഷ​മു​ണ്ടാ​കും. യഹോവ ഇങ്ങനെ പ്രസ്‌താ​വി​ക്കു​ന്നു: “നിങ്ങൾ സന്തോ​ഷ​ത്തോ​ടെ പുറ​പ്പെ​ടും; സമാധാ​ന​ത്തോ​ടെ നിങ്ങളെ പറഞ്ഞയ​ക്കും; മലകളും കുന്നു​ക​ളും നിങ്ങളു​ടെ മുമ്പിൽ പൊട്ടി ആർക്കും; ദേശത്തി​ലെ സകല വൃക്ഷങ്ങ​ളും കൈ കൊട്ടും. മുള്ളിന്നു പകരം സരളവൃ​ക്ഷം മുളെ​ക്കും; പറക്കാ​രെക്കു പകരം കൊഴു​ന്തു മുളെ​ക്കും; അതു യഹോ​വെക്കു ഒരു കീർത്തി​യാ​യും ഛേദി​ക്ക​പ്പെ​ടാത്ത ശാശ്വ​ത​മാ​യോ​രു അടയാ​ള​മാ​യും ഇരിക്കും.”—യെശയ്യാ​വു 55:12, 13.

²⁵ പൊ.യു.മു. 537-നെ തുടർന്നുള്ള വർഷങ്ങ​ളിൽ, യഹൂദ പ്രവാ​സി​കൾ ബാബി​ലോ​ണിൽനി​ന്നു സന്തോ​ഷ​ത്തോ​ടെ പുറ​പ്പെട്ടു പോകു​ന്നു. (സങ്കീർത്തനം 126:1, 2) യെരൂ​ശ​ലേ​മിൽ എത്തു​മ്പോൾ, മുള്ളും പറക്കാ​ര​യും വളർന്നു​നിൽക്കുന്ന ഒരു ദേശമാണ്‌ അവർ കാണു​ന്നത്‌. ദശകങ്ങ​ളോ​ളം അവിടം ശൂന്യ​മാ​യി കിടന്നി​രു​ന്നു​വെന്ന്‌ ഓർക്കുക. എന്നാൽ അതിനു മനോ​ഹ​ര​മായ പരിവർത്തനം വരുത്തു​ന്ന​തിൽ മടങ്ങി​യെ​ത്തിയ ദൈവ​ജ​ന​ത്തി​നു പങ്കു വഹിക്കാ​നാ​കും! മുള്ളി​നും പറക്കാ​ര​യ്‌ക്കും പകരം, ഉയരമുള്ള സരളവൃ​ക്ഷ​വും കൊഴു​ന്തും വളരും. യഹോ​വ​യു​ടെ ജനം ‘പൊട്ടി ആർത്തു​കൊണ്ട്‌’ അവനെ സേവി​ക്കവേ, അവന്റെ അനു​ഗ്രഹം വ്യക്തമാ​യും പ്രകട​മാ​കും. അതു ദേശം സന്തോ​ഷി​ക്കു​ന്നതു പോ​ലെ​യാ​യി​രി​ക്കും.

26. എന്ത്‌ അനുഗൃ​ഹീത അവസ്ഥയാണ്‌ ഇന്നു ദൈവ​ജനം ആസ്വദി​ക്കു​ന്നത്‌?

²⁶ അഭിഷിക്ത ക്രിസ്‌ത്യാ​നി​ക​ളു​ടെ ശേഷിപ്പ്‌ 1919-ൽ ആത്മീയ പ്രവാ​സ​ത്തിൽനി​ന്നു വിടു​വി​ക്ക​പ്പെട്ടു. (യെശയ്യാ​വു 66:8) വേറെ ആടുക​ളു​ടെ മഹാപു​രു​ഷാ​ര​ത്തോ​ടൊ​പ്പം അവർ ഇപ്പോൾ ഒരു ആത്മീയ പറുദീ​സ​യിൽ സന്തോ​ഷ​ത്തോ​ടെ ദൈവത്തെ സേവി​ക്കു​ക​യാണ്‌. ബാബി​ലോ​ണി​യൻ സ്വാധീ​ന​ത്തി​ന്റെ യാതൊ​രു കളങ്കവു​മി​ല്ലാത്ത അവർ അനുഗൃ​ഹീ​ത​മായ ഒരു അവസ്ഥയി​ലാണ്‌. അത്‌ യഹോ​വ​യ്‌ക്ക്‌ “കീർത്തി” ആയിരി​ക്കു​ന്നു. അവരുടെ ആത്മീയ സമൃദ്ധി അവന്റെ നാമത്തെ മഹത്ത്വ​പ്പെ​ടു​ത്തു​ക​യും യഥാർഥ പ്രവച​ന​ത്തി​ന്റെ ദൈവം എന്ന നിലയിൽ അവനെ വാഴ്‌ത്തു​ക​യും ചെയ്യുന്നു. ദൈവം അവരെ​പ്രതി ചെയ്‌തി​രി​ക്കുന്ന കാര്യങ്ങൾ അവന്റെ ദൈവ​ത്വം പ്രകട​മാ​ക്കു​ന്നു. മാത്രമല്ല, തന്റെ വചന​ത്തോ​ടുള്ള അവന്റെ വിശ്വ​സ്‌ത​ത​യു​ടെ​യും അനുതാ​പ​മു​ള്ള​വ​രോ​ടുള്ള കരുണ​യു​ടെ​യും തെളിവു കൂടി​യാണ്‌ അത്‌. ‘ദ്രവ്യ​വും വിലയും കൂടാതെ വീഞ്ഞും പാലും വാങ്ങു​ന്ന​തിൽ’ തുടരു​ന്നവർ അവനെ എന്നേക്കും സേവി​ക്കു​ന്ന​തിൽ സന്തോ​ഷി​ക്കട്ടെ!

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

[234-ാം പേജിലെ ചിത്രം]

ആത്മീയ ദാഹമുള്ള യഹൂദർക്ക്‌ ‘വെള്ളത്തി​നു വരാനും’ ‘വീഞ്ഞും പാലും വാങ്ങാ​നും’ ഉള്ള ക്ഷണം നൽകി​യി​രി​ക്കു​ന്നു

 [239-ാം പേജിലെ ചിത്രം]

താൻ വംശങ്ങൾക്കു “പ്രഭു​വും അധിപ​തി​യും” ആണെന്ന്‌ യേശു തെളി​യി​ച്ചു

[244, 245 പേജു​ക​ളി​ലെ ചിത്രങ്ങൾ]

‘ദുഷ്ടൻ തന്റെ വഴി ഉപേക്ഷി​ക്കട്ടെ’