അധ്യായം പതി​നെട്ട്‌

യഹോവ താഴ്‌മ​യു​ള്ള​വ​രു​ടെ മനസ്സിനു ചൈത​ന്യം വരുത്തു​ന്നു

യെശയ്യാവു 57:1-21

1. യഹോവ എന്ത്‌ ഉറപ്പു നൽകി, അവന്റെ വാക്കുകൾ ഏതെല്ലാം ചോദ്യ​ങ്ങൾ ഉയർത്തു​ന്നു?

 “ഉന്നതനും ഉയർന്നി​രി​ക്കു​ന്ന​വ​നും ശാശ്വ​ത​വാ​സി​യും പരിശു​ദ്ധൻ എന്നു നാമമു​ള്ള​വ​നു​മാ​യവൻ ഇപ്രകാ​രം അരുളി​ച്ചെ​യ്യു​ന്നു: ഞാൻ ഉന്നതനും പരിശു​ദ്ധ​നു​മാ​യി വസിക്കു​ന്നു; താഴ്‌മ​യു​ള്ള​വ​രു​ടെ മനസ്സി​ന്നും മനസ്‌താ​പ​മു​ള്ള​വ​രു​ടെ ഹൃദയ​ത്തി​ന്നും ചൈത​ന്യം വരുത്തു​വാൻ മനസ്‌താ​പ​വും മനോ​വി​ന​യ​വു​മു​ള്ള​വ​രോ​ടു കൂടെ​യും വസിക്കു​ന്നു.” (യെശയ്യാ​വു 57:15) പൊ.യു.മു. എട്ടാം നൂറ്റാ​ണ്ടിൽ പ്രവാ​ച​ക​നായ യെശയ്യാവ്‌ അപ്രകാ​രം എഴുതി. ആ സന്ദേശത്തെ പ്രോ​ത്സാ​ഹ​ജ​ന​ക​മാ​ക്കിയ എന്താണ്‌ യഹൂദ​യിൽ സംഭവി​ച്ചു​കൊ​ണ്ടി​രു​ന്നത്‌? ആ നിശ്വസ്‌ത വാക്കുകൾ ഇന്നു ക്രിസ്‌ത്യാ​നി​കളെ എങ്ങനെ സഹായി​ക്കു​ന്നു? യെശയ്യാ​വു 57-ാം അധ്യാ​യ​ത്തി​ന്റെ പരിചി​ന്തനം ആ ചോദ്യ​ങ്ങൾക്ക്‌ ഉത്തരം കണ്ടെത്താൻ നമ്മെ സഹായി​ക്കും.

“ഇങ്ങോട്ടു അടുത്തു​വ​രു​വിൻ”

2. (എ) യെശയ്യാ​വു 57-ാം അധ്യാ​യ​ത്തി​ലെ വാക്കുകൾ എപ്പോ​ഴാ​ണു ബാധക​മാ​കു​ന്നത്‌? (ബി) യെശയ്യാ​വി​ന്റെ നാളിൽ നീതി​മാ​ന്മാ​രു​ടെ അവസ്ഥ എന്താണ്‌?

² യെശയ്യാ പ്രവച​ന​ത്തി​ന്റെ ഈ ഭാഗം യെശയ്യാ​വി​ന്റെ നാളിൽത്തന്നെ ബാധക​മാ​കു​ന്ന​താ​യി തോന്നു​ന്നു. ദുഷ്ടത എത്ര രൂക്ഷമാ​യി​രി​ക്കു​ന്നു എന്ന്‌ നോക്കുക: “നീതി​മാൻ നശിക്കു​ന്നു; ആരും അതു ഗണ്യമാ​ക്കു​ന്നില്ല; ഭക്തന്മാ​രും കഴിഞ്ഞു​പോ​കു​ന്നു; നീതി​മാൻ അനർത്ഥ​ത്തി​ന്നു മുമ്പെ കഴിഞ്ഞു​പോ​കു​ന്നു എന്നു ആരും ഗ്രഹി​ക്കു​ന്നില്ല. അവൻ സമാധാ​ന​ത്തി​ലേക്കു പ്രവേ​ശി​ക്കു​ന്നു; നേരായി നടക്കു​ന്ന​വ​രൊ​ക്കെ​യും താന്താന്റെ കിടക്ക​യിൽ വിശ്രാ​മം പ്രാപി​ക്കു​ന്നു.” (യെശയ്യാ​വു 57:1, 2) നീതി​മാൻ വീഴു​ന്നെ​ങ്കിൽ, ആരും അതു ഗൗനി​ക്കു​ന്നില്ല. അവന്റെ അകാല മരണം ആരും ശ്രദ്ധി​ക്കു​ന്നില്ല. മരണം അവനു സമാധാ​ന​വും ഭക്തി​കെ​ട്ടവർ  വരുത്തുന്ന കഷ്ടതക​ളിൽ നിന്നുള്ള വിടു​ത​ലും അനർഥ​ത്തിൽ നിന്നുള്ള രക്ഷയും കൈവ​രു​ത്തു​ന്നു. ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനത ദയനീ​യ​മായ ഒരു അവസ്ഥയി​ലേക്ക്‌ അധഃപ​തി​ച്ചി​രി​ക്കു​ക​യാണ്‌. സംഭവി​ക്കുന്ന കാര്യങ്ങൾ യഹോവ കാണു​ന്നു​ണ്ടെന്ന്‌ മാത്രമല്ല തങ്ങളെ അവൻ പിന്താ​ങ്ങു​ക​യും ചെയ്യു​ന്നു​വെന്ന അറിവ്‌ വിശ്വ​സ്‌തർക്ക്‌ തീർച്ച​യാ​യും ആശ്വാസം പകരുന്നു!

3. യഹൂദ​യി​ലെ ദുഷ്ട തലമു​റയെ യഹോവ അഭിസം​ബോ​ധന ചെയ്യു​ന്നത്‌ എങ്ങനെ, എന്തു​കൊണ്ട്‌?

³ പിൻവരുന്ന പ്രകാരം പറഞ്ഞു​കൊണ്ട്‌ യഹോവ യഹൂദ​യി​ലെ ദുഷ്ടത​ല​മു​റയെ വിളി​ച്ചു​വ​രു​ത്തു​ന്നു: “ക്ഷുദ്ര​ക്കാ​ര​ത്തി​യു​ടെ മക്കളേ, വ്യഭി​ചാ​രി​യു​ടെ​യും വേശ്യ​യു​ടെ​യും സന്തതിയേ; ഇങ്ങോട്ടു അടുത്തു​വ​രു​വിൻ.” (യെശയ്യാ​വു 57:3) ക്ഷുദ്ര​ക്കാ​രി​യു​ടെ​യും വ്യഭി​ചാ​രി​യു​ടെ​യും വേശ്യ​യു​ടെ​യും മക്കൾ എന്ന ലജ്ജാക​ര​മായ വിശേ​ഷ​ണങ്ങൾ അവർക്കു ലഭിച്ചി​രി​ക്കു​ന്നു. അവർ ഏർപ്പെ​ടുന്ന വ്യാജാ​രാ​ധ​ന​യിൽ മ്ലേച്ഛമായ വിഗ്ര​ഹാ​രാ​ധ​ന​യും ആത്മവി​ദ്യ​യും  അധാർമിക ലൈം​ഗിക നടത്തയും മറ്റും ഉൾപ്പെ​ടു​ന്നു. അതു​കൊണ്ട്‌ യഹോവ ആ പാപി​ക​ളോട്‌ ചോദി​ക്കു​ന്നു: “നിങ്ങൾ ആരെയാ​കു​ന്നു കളിയാ​ക്കു​ന്നതു? ആരു​ടെ​നേ​രെ​യാ​കു​ന്നു നിങ്ങൾ വായ്‌പി​ളർന്നു നാക്കു നീട്ടു​ന്നതു? നിങ്ങൾ അതി​ക്ര​മ​ക്കാ​രും [“ലംഘന​ത്തി​ന്റെ മക്കളും,” NW] വ്യാജ​സ​ന്ത​തി​യും അല്ലയോ? നിങ്ങൾ കരു​വേ​ല​ങ്ങൾക്ക​രി​ക​ത്തും ഓരോ പച്ചമര​ത്തിൻകീ​ഴി​ലും ജ്വലിച്ചു, പാറപ്പി​ളർപ്പു​കൾക്കു താഴെ തോട്ടു​വ​ക്ക​ത്തു​വെച്ചു കുഞ്ഞു​ങ്ങളെ അറുക്കു​ന്നു​വ​ല്ലോ.”—യെശയ്യാ​വു 57:4, 5.

4. യഹൂദ​യി​ലെ ദുഷ്ടന്മാർ എന്തു സംബന്ധിച്ച്‌ കുറ്റക്കാ​രാണ്‌?

⁴ യഹൂദയിലെ ദുഷ്ടന്മാർ ഞെട്ടി​ക്കുന്ന തരത്തി​ലുള്ള വ്യാജാ​രാ​ധ​ന​യിൽ പരസ്യ​മാ​യി ഏർപ്പെട്ട്‌ ‘കളിയാ​യി’ രസിക്കു​ക​യാണ്‌. അവരെ തിരു​ത്താൻ ദൈവം അയച്ചി​രി​ക്കുന്ന പ്രവാ​ച​ക​ന്മാ​രെ അവർ പരിഹ​സി​ക്കു​ക​യും നിന്ദാ​പൂർവം, നിർല​ജ്ജ​മായ രീതി​യിൽ നാക്കു നീട്ടി​ക്കാ​ണി​ക്കു​ക​യും ചെയ്യുന്നു. അവർ അബ്രാ​ഹാ​മി​ന്റെ സന്തതികൾ ആണെങ്കി​ലും, മത്സരഗതി അവരെ ലംഘന​ത്തി​ന്റെ മക്കളും വ്യാജ​സ​ന്ത​തി​ക​ളും ആക്കിത്തീർക്കു​ന്നു. (യെശയ്യാ​വു 1:4; 30:9; യോഹ​ന്നാൻ 8:39, 44) ദേശത്തെ വൻമര​ങ്ങ​ളു​ടെ ഇടയിൽ അവർ വ്യാജാ​രാ​ധ​ന​യിൽ തിമിർക്കു​ക​യാണ്‌. എത്ര ക്രൂര​മായ ആരാധന! എന്തിന്‌, അവർ സ്വന്തം മക്കളെ പോലും കുരുതി കൊടു​ക്കു​ന്നു. ഏതു മ്ലേച്ഛതകൾ നിമി​ത്ത​മാ​ണോ ആ ദേശത്തു​നിന്ന്‌ യഹോവ ജാതി​കളെ നീക്കി​ക്ക​ള​ഞ്ഞത്‌ അവരെ പോലെ ഈ യഹൂദാ നിവാ​സി​കൾ പ്രവർത്തി​ക്കു​ക​യാണ്‌!—1 രാജാ​ക്ക​ന്മാർ 14:23; 2 രാജാ​ക്ക​ന്മാർ 16:3, 4; യെശയ്യാ​വു 1:29.

കല്ലുകൾക്ക്‌ പാനീ​യ​ബലി അർപ്പി​ക്കു​ന്നു

5, 6. (എ) യഹൂദാ നിവാ​സി​കൾ യഹോ​വയെ ആരാധി​ക്കു​ന്ന​തി​നു പകരം എന്തു ചെയ്‌തി​രി​ക്കു​ന്നു? (ബി) യഹൂദ​യി​ലെ വിഗ്ര​ഹാ​രാ​ധന എത്ര വ്യക്തവും വ്യാപ​ക​വു​മാണ്‌?

⁵ യഹൂദാ നിവാ​സി​കൾ വിഗ്ര​ഹാ​രാ​ധ​ന​യി​ലേക്ക്‌ എത്രമാ​ത്രം കൂപ്പു​കു​ത്തി​യി​രി​ക്കു​ന്നു എന്നു നോക്കുക: “തോട്ടി​ലെ മിനു​സ​മുള്ള കല്ലു നിന്റെ പങ്കു; അതു തന്നേ നിന്റെ ഓഹരി; അതിന്ന​ല്ലോ നീ പാനീ​യ​ബലി പകർന്നു ഭോജ​ന​ബലി അർപ്പി​ച്ചി​രി​ക്കു​ന്നതു? ഈ വക കണ്ടിട്ടു ഞാൻ ക്ഷമിച്ചി​രി​ക്കു​മോ?” (യെശയ്യാ​വു 57:6) യഹൂദർ ദൈവ​ത്തി​ന്റെ ഉടമ്പടി ജനതയാണ്‌. എന്നിട്ടും അവനെ ആരാധി​ക്കു​ന്ന​തി​നു പകരം, അവർ തോട്ടിൽനിന്ന്‌ കല്ലുക​ളെ​ടുത്ത്‌ അവയെ ദൈവ​ങ്ങ​ളാ​യി പൂജി​ക്കു​ന്നു. തന്റെ പങ്ക്‌ യഹോവ ആണെന്ന്‌ ദാവീദ്‌ പ്രഖ്യാ​പി​ച്ചു. എന്നാൽ ഈ പാപി​ക​ളോ, ജീവനി​ല്ലാത്ത  ശിലാ​ദൈ​വ​ങ്ങളെ തങ്ങളുടെ പങ്കാക്കു​ക​യും അവയ്‌ക്ക്‌ പാനീ​യ​ബ​ലി​കൾ അർപ്പി​ക്കു​ക​യും ചെയ്‌തി​രി​ക്കു​ന്നു. (സങ്കീർത്തനം 16:5; ഹബക്കൂക്‌ 2:19) തന്റെ നാമം വഹിക്കു​ന്ന​വ​രു​ടെ ഈ വികല​മായ ആരാധ​ന​യിൽ യഹോ​വ​യ്‌ക്ക്‌ എന്ത്‌ ആശ്വാ​സ​മാണ്‌ കണ്ടെത്താ​നാ​കുക?

⁶ വൻമരങ്ങൾക്കു കീഴി​ലും പാറപ്പി​ളർപ്പു​ക​ളി​ലും മലമു​ക​ളി​ലും നഗരങ്ങ​ളി​ലും എന്നു വേണ്ട, എല്ലായി​ട​ത്തും യഹൂദ വിഗ്ര​ഹാ​രാ​ധന നടത്തു​ക​യാണ്‌. എന്നാൽ ഇതെല്ലാം കാണുന്ന യഹോവ, യെശയ്യാവ്‌ മുഖാ​ന്തരം അവളുടെ ദുർന്നടത്ത തുറന്നു​കാ​ട്ടു​ന്നു: “പൊക്ക​വും ഉയരവും ഉള്ള മലയിൽ നീ നിന്റെ കിടക്ക വിരി​ച്ചി​രി​ക്കു​ന്നു; അവി​ടേക്കു തന്നേ നീ ബലിക​ഴി​പ്പാൻ കയറി​ച്ചെന്നു. കതകി​ന്നും കട്ടി​ളെ​ക്കും പുറകിൽ നീ നിന്റെ അടയാളം വെച്ചു.” (യെശയ്യാ​വു 57:7, 8എ) ഉയരമുള്ള സ്ഥലങ്ങളിൽ യഹൂദ തന്റെ ആത്മീയ അശുദ്ധി​യു​ടെ കിടക്ക വിരി​ക്കു​ന്നു. a അവിടെ അവൾ അന്യ ദൈവ​ങ്ങൾക്കു ബലി അർപ്പി​ക്കു​ന്നു. സ്വകാര്യ ഭവനങ്ങ​ളിൽ പോലും കതകി​നും കട്ടിള​യ്‌ക്കും പിന്നിൽ വിഗ്ര​ഹ​ങ്ങ​ളുണ്ട്‌.

7. യഹൂദ അധാർമിക ആരാധ​ന​യിൽ ഏർപ്പെ​ടു​ന്നത്‌ എങ്ങനെ​യുള്ള മനോ​ഭാ​വ​ത്തോ​ടെ​യാണ്‌?

⁷ അശുദ്ധാരാധനയിൽ യഹൂദ ഉൾപ്പെ​ട്ടത്‌ എന്തു​കൊണ്ട്‌ എന്നു ചിലർ ചിന്തി​ച്ചേ​ക്കാം. യഹോ​വയെ ഉപേക്ഷി​ക്കാൻ ശക്തമായ എന്തെങ്കി​ലും പ്രേര​ക​ഘ​ടകം അതിനു പിന്നിൽ പ്രവർത്തി​ച്ചോ? ഇല്ല. അവൾ അതു സ്വന്ത ഇഷ്ടത്താൽ, ആകാം​ക്ഷാ​പൂർവം ചെയ്യു​ന്ന​താണ്‌. യഹോവ ഇങ്ങനെ പ്രസ്‌താ​വി​ക്കു​ന്നു: “നീ എന്നെ വിട്ടു ചെന്നു മററു​ള്ള​വർക്കു നിന്നെ​ത്തന്നേ അനാവൃ​ത​യാ​ക്കി കയറി നിന്റെ കിടക്ക വിസ്‌താ​ര​മാ​ക്കി അവരു​മാ​യി ഉടമ്പടി​ചെ​യ്‌തു അവരുടെ ശയനം കൊതി​ച്ചു ആംഗ്യം [“പുരു​ഷ​ലിം​ഗം,” NW] നോക്കി​ക്കൊ​ണ്ടി​രു​ന്നു.” (യെശയ്യാ​വു 57:8ബി) യഹൂദ വ്യാജ ദൈവ​ങ്ങ​ളു​മാ​യി ഒരു ഉടമ്പടി ചെയ്‌തി​രി​ക്കു​ന്നു, അവരു​മാ​യുള്ള അവിഹിത ബന്ധത്തിന്‌ അവൾ താത്‌പ​ര്യ​പ്പെ​ടു​ന്നു. ആ ദൈവ​ങ്ങ​ളു​ടെ ആരാധ​ന​യു​ടെ ഒരു പ്രത്യേ​ക​ത​യായ അധാർമിക ലൈം​ഗിക നടപടി​കൾ അവൾ വിശേ​ഷി​ച്ചും പ്രിയ​പ്പെ​ടു​ന്നു. അതിൽ പുരു​ഷ​ലിം​ഗ​ത്തി​ന്റെ പ്രതീ​ക​ങ്ങ​ളു​ടെ ഉപയോ​ഗം ഒരുപക്ഷേ ഉൾപ്പെ​ട്ടി​രി​ക്കാം!

8. ഏതു രാജാ​വി​ന്റെ വാഴ്‌ച​ക്കാ​ല​ത്താണ്‌ യഹൂദ​യിൽ വിഗ്ര​ഹാ​രാ​ധന പ്രത്യേ​കിച്ച്‌ തഴച്ചു​വ​ളർന്നത്‌?

 ⁸ യഹൂദയിലെ നിരവധി ദുഷ്ട രാജാ​ക്ക​ന്മാ​രു​ടെ വാഴ്‌ച​ക്കാ​ലത്ത്‌ അവിടെ അങ്ങേയറ്റം അധാർമി​ക​വും ക്രൂര​വു​മായ വിഗ്ര​ഹാ​രാ​ധന നടന്നി​രു​ന്നു. ഉദാഹ​ര​ണ​ത്തിന്‌, മനശ്ശെ പൂജാ​ഗി​രി​കൾ പണിയു​ക​യും ബാലിനു ബലിപീ​ഠങ്ങൾ നിർമി​ക്കു​ക​യും ആലയത്തി​ന്റെ രണ്ടു പ്രാകാ​ര​ങ്ങ​ളിൽ വ്യാജമത ബലിപീ​ഠങ്ങൾ സ്ഥാപി​ക്കു​ക​യും ചെയ്‌തു. അവൻ തന്റെ പുത്ര​ന്മാ​രെ അഗ്നി​പ്ര​വേശം ചെയ്യി​ക്കു​ക​യും മന്ത്രവാ​ദ​വും ഭൂതവി​ദ്യ​യും ആചരി​ക്കു​ക​യും ആത്മവിദ്യ പ്രോ​ത്സാ​ഹി​പ്പി​ക്കു​ക​യും ചെയ്‌തു. രാജാ​വായ മനശ്ശെ താൻ ഉണ്ടാക്കിയ അശേരാ​പ്ര​തി​ഷ്‌ഠ​യു​ടെ ബിംബം യഹോ​വ​യു​ടെ ആലയത്തിൽ സ്ഥാപി​ക്കുക പോലും ചെയ്‌തു. b “യഹോവ യിസ്രാ​യേൽമ​ക്ക​ളു​ടെ മുമ്പിൽനി​ന്നു നശിപ്പിച്ച ജാതി​ക​ളെ​ക്കാ​ളും അധികം ദോഷം ചെയ്‌വാൻ” മനശ്ശെ യഹൂദയെ വശീക​രി​ച്ചു​ക​ളഞ്ഞു. (2 രാജാ​ക്ക​ന്മാർ 21:2-9) മനശ്ശെ​യു​ടെ പേര്‌ യെശയ്യാ​വു 1:1-ൽ കാണു​ന്നി​ല്ലെ​ങ്കി​ലും, യെശയ്യാ​വി​ന്റെ വധത്തിനു പിന്നി​ലു​ള്ളത്‌ അവന്റെ കൈക​ളാ​ണെന്നു ചിലർ വിശ്വ​സി​ക്കു​ന്നു.

‘നീ ദൂതന്മാ​രെ അയച്ചു’

9. യഹൂദ ‘ദൂര​ത്തേക്ക്‌’ ദൂതന്മാ​രെ അയയ്‌ക്കു​ന്നത്‌ എന്തിന്‌?

⁹ വ്യാജദൈവങ്ങളെ സേവി​ച്ചതു മാത്ര​മാ​യി​രു​ന്നില്ല യഹൂദ​യു​ടെ കുറ്റം. യെശയ്യാവ്‌ മുഖാ​ന്തരം യഹോവ ഇപ്രകാ​രം അരുളി​ച്ചെ​യ്യു​ന്നു: “നീ തൈല​വും​കൊ​ണ്ടു മോ​ലെ​ക്കി​ന്റെ അടുക്കൽ ചെന്നു, നിന്റെ പരിമ​ള​വർഗ്ഗം ധാരാളം ചെലവു ചെയ്‌തു, നിന്റെ ദൂതന്മാ​രെ ദൂരത്ത​യച്ചു പാതാ​ള​ത്തോ​ളം ഇറങ്ങി​ച്ചെന്നു.” (യെശയ്യാ​വു 57:9) അവിശ്വസ്‌ത യഹൂദാ രാജ്യം “മോ​ലെ​ക്കി​ന്റെ,” എബ്രാ​യ​യിൽ “രാജാ​വി​ന്റെ”—സാധ്യ​ത​യ​നു​സ​രിച്ച്‌ ഒരു വിദേശ ശക്തിയു​ടെ രാജാ​വി​ന്റെ—അടുക്കൽ ചെന്ന്‌ അവന്‌ തൈല​വും പരിമ​ള​വർഗ​വും പോലുള്ള വില​യേ​റി​യ​തും ആകർഷ​ക​വു​മായ സമ്മാനങ്ങൾ നൽകുന്നു. യഹൂദ ദൂര​ത്തേക്ക്‌ ദൂതന്മാ​രെ അയയ്‌ക്കു​ന്നു. എന്തിന്‌? തങ്ങളുടെ ദേശവു​മാ​യി രാഷ്‌ട്രീയ സഖ്യങ്ങ​ളിൽ ഏർപ്പെ​ടാൻ പുറജാ​തി രാഷ്‌ട്ര​ങ്ങളെ സ്വാധീ​നി​ക്കു​ന്ന​തിന്‌. യഹോ​വ​യ്‌ക്കു പുറം​തി​രി​ഞ്ഞു കളഞ്ഞ അവൾ വിദേശ രാജാ​ക്ക​ന്മാ​രിൽ ആശ്രയം അർപ്പി​ക്കു​ന്നു.

10. (എ) ആഹാസ്‌ രാജാവ്‌ അശ്ശൂർ രാജാ​വു​മാ​യി സഖ്യം കൂടു​ന്നത്‌ എങ്ങനെ? (ബി) ഏതു വിധത്തിൽ യഹൂദ “പാതാ​ള​ത്തോ​ളം ഇറങ്ങി​ച്ചെന്നു”?

 ¹⁰ ഇതിന്റെ ഒരു ഉദാഹ​ര​ണ​മാണ്‌ ആഹാസ്‌ രാജാ​വി​ന്റെ നാളു​ക​ളിൽ സംഭവി​ച്ചത്‌. ഇസ്രാ​യേ​ലും അരാമും (സിറിയ) യഹൂദ​യ്‌ക്കെ​തി​രെ സഖ്യം ചേർന്ന​പ്പോൾ, ഭയന്നു​പോയ യഹൂദ​യു​ടെ അവിശ്വസ്‌ത രാജാ​വായ ആഹാസ്‌ അശ്ശൂർ രാജാ​വായ തിഗ്ലത്ത്‌-പിലേസർ മൂന്നാ​മന്റെ അടുക്ക​ലേക്ക്‌ ദൂതന്മാ​രെ അയച്ച്‌ ഇങ്ങനെ പറയുന്നു: ‘ഞാൻ നിന്റെ ദാസനും നിന്റെ പുത്ര​നും ആകുന്നു; നീ വന്നു എന്നോടു എതിർത്തി​രി​ക്കുന്ന അരാം​രാ​ജാ​വി​ന്റെ കയ്യിൽനി​ന്നും യിസ്രാ​യേൽരാ​ജാ​വി​ന്റെ കയ്യിൽനി​ന്നും എന്നെ രക്ഷി​ക്കേണം.’ അശ്ശൂർ രാജാ​വി​നെ സ്വാധീ​നി​ക്കാൻ ആഹാസ്‌ വെള്ളി​യും സ്വർണ​വും കൊടു​ത്ത​യ​യ്‌ക്കു​ന്നു. അപ്പോൾ അശ്ശൂർ രാജാവ്‌ അതിൽ സന്തോ​ഷി​ക്കു​ക​യും അരാമി​ന്റെ​മേൽ ഉഗ്രമായ ഒരു ആക്രമണം അഴിച്ചു​വി​ടു​ക​യും ചെയ്യുന്നു. (2 രാജാ​ക്ക​ന്മാർ 16:7-9) പുറജാ​തി ജനതക​ളു​മാ​യുള്ള ഇടപെ​ട​ലു​ക​ളിൽ, യഹൂദ “പാതാ​ള​ത്തോ​ളം” കുനി​യു​ന്നു. അത്തരം ഇടപെ​ട​ലു​കൾ നിമിത്തം അവൾ മരിക്കും, അഥവാ ഒരു രാജഭ​ര​ണ​മുള്ള സ്വതന്ത്ര രാഷ്‌ട്രം എന്ന നിലയിൽ അവൾ അസ്‌തി​ത്വ​ത്തിൽനിന്ന്‌ ഇല്ലാതാ​കും.

11. യഹൂദ വ്യാജ​മായ എന്തു സുരക്ഷി​ത​ത്വ​ബോ​ധം പ്രകട​മാ​ക്കു​ന്നു?

¹¹ യഹോവ യഹൂദയെ അഭിസം​ബോ​ധന ചെയ്‌തു​കൊണ്ട്‌ പറയുന്നു:  “വഴിയു​ടെ ദൂരം​കൊ​ണ്ടു നീ തളർന്നു​പോ​യി​ട്ടും അതു നിഷ്‌ഫ​ല​മെന്നു നീ പറഞ്ഞില്ല; നിന്റെ കൈവശം ജീവശക്തി കണ്ടതു​കൊ​ണ്ടു നിനക്കു ക്ഷീണം തോന്നി​യില്ല.” (യെശയ്യാ​വു 57:10) വിശ്വാ​സ​ത്യാ​ഗ​പ​ര​മായ വഴിക​ളിൽ കഠിന​മാ​യി യത്‌നി​ക്കുന്ന ആ ജനത അതിന്റെ ശ്രമങ്ങ​ളു​ടെ ഫലശൂ​ന്യത കാണു​ന്ന​തിൽ പരാജ​യ​പ്പെ​ടു​ന്നു. നേരെ മറിച്ച്‌, സ്വന്തം ശക്തിയാൽ താൻ വിജയി​ക്കു​മെന്ന്‌ അവൾ വ്യർഥ​മാ​യി വിശ്വ​സി​ക്കു​ന്നു. താൻ ഓജസ്സു​റ്റ​വ​ളും ആരോ​ഗ്യ​വ​തി​യും ആണെന്ന്‌ അവൾക്കു തോന്നു​ന്നു. എത്ര ഭോഷത്തം!

12. യഹൂദ​യിൽ ഉണ്ടായി​രു​ന്ന​തി​നു സമാന​മായ ഏത്‌ അവസ്ഥകൾ ക്രൈ​സ്‌ത​വ​ലോ​ക​ത്തിൽ കാണാം?

¹² യെശയ്യാവിന്റെ നാളിലെ യഹൂദയെ പോലെ പ്രവർത്തി​ക്കുന്ന ഒരു സംഘടന ഇന്നുണ്ട്‌. ക്രൈ​സ്‌ത​വ​ലോ​കം. യേശു​വി​ന്റെ നാമം ഉപയോ​ഗി​ക്കു​ന്നെ​ങ്കി​ലും, അവൾ രാഷ്‌ട്ര​ങ്ങ​ളു​മാ​യി സഖ്യങ്ങൾ ഉണ്ടാക്കു​ക​യും തന്റെ ആരാധനാ സ്ഥലങ്ങളെ വിഗ്ര​ഹ​ങ്ങൾകൊണ്ട്‌ നിറയ്‌ക്കു​ക​യും ചെയ്‌തി​രി​ക്കു​ന്നു. അവളുടെ അനുയാ​യി​കൾ തങ്ങളുടെ സ്വകാര്യ ഭവനങ്ങ​ളിൽ പോലും വിഗ്ര​ഹങ്ങൾ സ്ഥാപി​ച്ചി​രി​ക്കു​ന്നു. ക്രൈ​സ്‌ത​വ​ലോ​കം അതിന്റെ യുവജ​ന​ങ്ങളെ രാഷ്‌ട്ര​ങ്ങ​ളു​ടെ യുദ്ധങ്ങ​ളാ​കുന്ന ബലിപീ​ഠ​ങ്ങ​ളിൽ ഹോമി​ച്ചി​രി​ക്കു​ന്നു. ക്രിസ്‌ത്യാ​നി​ക​ളോട്‌ “വിഗ്ര​ഹാ​രാ​ധന വിട്ടോ​ടു​വിൻ” എന്നു കൽപ്പി​ക്കുന്ന സത്യ​ദൈ​വ​ത്തി​ന്റെ വികാ​ര​ങ്ങളെ ഇതെല്ലാം എത്രയ​ധി​കം വ്രണ​പ്പെ​ടു​ത്തു​ന്നു​ണ്ടാ​കണം! (1 കൊരി​ന്ത്യർ 10:14) രാഷ്‌ട്രീ​യ​ത്തിൽ ഉൾപ്പെ​ട്ടു​കൊണ്ട്‌ ക്രൈ​സ്‌ത​വ​ലോ​കം ‘ഭൂമി​യി​ലെ രാജാ​ക്ക​ന്മാ​രു​മാ​യി വേശ്യാ​വൃ​ത്തി ചെയ്‌തി​രി​ക്കു​ന്നു.’ (വെളി​പ്പാ​ടു 17:1, 2) അവൾ ഐക്യ​രാ​ഷ്‌ട്ര​ങ്ങളെ സജീവ​മാ​യി പിന്തു​ണ​യ്‌ക്കു​ന്നു. ഈ മതവേ​ശ്യക്ക്‌ എന്താണു സംഭവി​ക്കാൻ പോകു​ന്നത്‌? അതിന്റെ പൂർവ​മാ​തൃ​ക​യായ അവിശ്വസ്‌ത യഹൂദ​യോട്‌—വിശേ​ഷാൽ തലസ്ഥാ​ന​ന​ഗ​രി​യായ യെരൂ​ശ​ലേ​മി​നാൽ പ്രതി​നി​ധാ​നം ചെയ്‌തി​രി​ക്കു​ന്നു—യഹോവ എന്താണു പറയു​ന്നത്‌?

‘നിന്റെ വിഗ്ര​ഹ​സ​മൂ​ഹം നിന്നെ രക്ഷിക്ക​യില്ല’

13. യഹൂദ എന്തു “കപടം” കാണി​ക്കു​ന്നു, യഹോ​വ​യു​ടെ ക്ഷമയോട്‌ അവൾ എങ്ങനെ പ്രതി​ക​രി​ക്കു​ന്നു?

¹³ ‘കപടം കാണി​പ്പാൻ നീ ആരെയാ​കു​ന്നു ശങ്കിച്ചു ഭയപ്പെ​ട്ടതു?’ എന്ന്‌ യഹോവ ചോദി​ക്കു​ന്നു. ഉചിത​മായ ചോദ്യം! യഹൂദ തീർച്ച​യാ​യും യഹോ​വ​യോട്‌ ആരോ​ഗ്യാ​വ​ഹ​വും ഭക്തിപു​ര​സ്സ​ര​വു​മായ ഭയം പ്രകട​മാ​ക്കു​ന്നില്ല. അതിനാ​ലാണ്‌ അവൾ ഭോഷ്‌കു  പറയു​ന്ന​വ​രു​ടെ​യും വ്യാജ ദൈവ​ങ്ങളെ ആരാധി​ക്കു​ന്ന​വ​രു​ടെ​യും ഒരു ജനത ആയിത്തീർന്നി​രി​ക്കു​ന്നത്‌. യഹോവ തുടർന്ന്‌ പറയുന്നു: ‘നീ എന്നെ ഓർക്ക​യോ കൂട്ടാ​ക്കു​ക​യോ ചെയ്യാ​തി​രി​ക്കു​ന്നു. ഞാൻ ബഹുകാ​ലം മിണ്ടാതെ ഇരുന്നി​ട്ട​ല്ല​യോ നീ എന്നെ ഭയപ്പെ​ടാ​തി​രി​ക്കു​ന്നത്‌?’ (യെശയ്യാ​വു 57:11) യഹൂദ​യു​ടെ​മേൽ തത്‌ക്ഷണം ശിക്ഷ നടപ്പാ​ക്കാ​തെ യഹോവ മിണ്ടാ​തി​രി​ക്കു​ന്നു. യഹൂദ അത്‌ നന്ദി​യോ​ടെ തിരി​ച്ച​റി​യു​ന്നു​ണ്ടോ? ഇല്ല. പകരം, അവൾ ദൈവ​ത്തി​ന്റെ ക്ഷമയെ നിസ്സം​ഗ​ത​യാ​യി വീക്ഷി​ക്കു​ന്നു. അവൾക്ക്‌ അവനോട്‌ യാതൊ​രു ഭയവും തോന്നാ​താ​യി​രി​ക്കു​ന്നു.

14, 15. യഹൂദ​യു​ടെ പ്രവൃ​ത്തി​ക​ളെ​യും അവളുടെ “വിഗ്ര​ഹ​സ​മൂഹ”ത്തെയും കുറിച്ച്‌ യഹോവ എന്തു പറയുന്നു?

¹⁴ എന്നിരുന്നാലും, ദൈവ​ത്തി​ന്റെ ദീർഘ​ക്ഷ​മ​യു​ടെ സമയം അവസാ​നി​ക്കും. ആ കാല​ത്തേക്കു നോക്കി​ക്കൊണ്ട്‌ യഹോവ ഇങ്ങനെ പ്രഖ്യാ​പി​ക്കു​ന്നു: “നിന്റെ നീതി ഞാൻ വെളി​ച്ച​ത്താ​ക്കും; നിന്റെ പ്രവൃ​ത്തി​ക​ളോ നിനക്കു പ്രയോ​ജ​ന​മാ​ക​യില്ല. നീ നിലവി​ളി​ക്കു​മ്പോൾ നിന്റെ വിഗ്ര​ഹ​സ​മൂ​ഹം നിന്നെ രക്ഷിക്കട്ടെ [“രക്ഷിക്കു​ക​യില്ല,” NW]; എന്നാൽ അവയെ ഒക്കെയും കാററു പാററി​ക്കൊ​ണ്ടു​പോ​കും; ഒരു ശ്വാസം അവയെ നീക്കി​ക്ക​ള​യും.” (യെശയ്യാ​വു 57:12, 13എ) യഹോവ യഹൂദ​യു​ടെ കപടമായ നീതി വെളി​ച്ച​ത്താ​ക്കും. അവളുടെ വ്യാജ​മായ പ്രവൃ​ത്തി​കൾ യാതൊ​രു പ്രയോ​ജ​ന​വും ചെയ്യു​ക​യില്ല. അവളുടെ “വിഗ്ര​ഹ​സ​മൂ​ഹം” അവളെ രക്ഷിക്കു​ക​യില്ല. ദുരന്തം സംഭവി​ക്കു​മ്പോൾ, അവൾ ആശ്രയം വെച്ചി​രി​ക്കുന്ന ദൈവങ്ങൾ വെറു​മൊ​രു ശ്വാസ​ത്താൽ എന്നപോ​ലെ പാറി​പ്പോ​കും.

¹⁵ പൊ.യു.മു. 607-ൽ യഹോ​വ​യു​ടെ വാക്കുകൾ നിവൃ​ത്തി​യേ​റു​ന്നു. ആ വർഷം ബാബി​ലോ​ണി​യൻ രാജാ​വായ നെബൂ​ഖ​ദ്‌നേസർ വന്ന്‌ യെരൂ​ശ​ലേം നശിപ്പി​ക്കു​ക​യും ആലയത്തി​നു തീവെ​ക്കു​ക​യും മിക്കവ​രെ​യും ബന്ദിക​ളാ​യി പിടി​ച്ചു​കൊ​ണ്ടു​പോ​കു​ക​യും ചെയ്യുന്നു. ‘ഇങ്ങനെ യെഹൂദ സ്വദേശം വിട്ടു​പോ​കേ​ണ്ടി​വന്നു.’—2 രാജാ​ക്ക​ന്മാർ 25:1-21.

16. ക്രൈ​സ്‌ത​വ​ലോ​ക​ത്തി​നും മഹാബാ​ബി​ലോ​ണി​ന്റെ ശേഷിച്ച ഭാഗത്തി​നും എന്തു സംഭവി​ക്കും?

¹⁶ സമാനമായി, യഹോ​വ​യു​ടെ ക്രോ​ധ​ദി​വ​സ​ത്തിൽ ക്രൈ​സ്‌ത​വ​ലോ​കത്തെ അതിന്റെ വിഗ്ര​ഹ​സ​മൂ​ഹം രക്ഷിക്കു​ക​യില്ല. (യെശയ്യാ​വു 2:19-22; 2 തെസ്സ​ലൊ​നീ​ക്യർ 1:6-10) ലോക​ത്തി​ലെ സകല  വ്യാജ​മ​ത​ങ്ങ​ളും കൂടി​ച്ചേർന്ന ‘മഹതി​യാം ബാബി​ലോ​ണി​ന്റെ’ ശേഷിച്ച ഭാഗ​ത്തോ​ടൊ​പ്പം ക്രൈ​സ്‌ത​വ​ലോ​ക​വും നശിപ്പി​ക്ക​പ്പെ​ടും. പത്തു കൊമ്പു​ക​ളോ​ടു കൂടിയ പ്രതീ​കാ​ത്മക കടുഞ്ചു​വപ്പു മൃഗവും അതിന്റെ പത്തു കൊമ്പു​ക​ളും മഹാബാ​ബി​ലോ​ണി​നെ “ശൂന്യ​വും നഗ്നവു​മാ​ക്കി അവളുടെ മാംസം തിന്നു​ക​ള​യും; അവളെ തീകൊ​ണ്ടു ദഹിപ്പി​ക്ക​യും ചെയ്യും.” (വെളി​പ്പാ​ടു 17:3, 16, 17) “എന്റെ ജനമാ​യു​ള്ളോ​രേ, അവളുടെ പാപങ്ങ​ളിൽ കൂട്ടാ​ളി​ക​ളാ​കാ​തെ​യും അവളുടെ ബാധക​ളിൽ ഓഹരി​ക്കാ​രാ​കാ​തെ​യു​മി​രി​പ്പാൻ അവളെ വിട്ടു​പോ​രു​വിൻ” എന്ന കൽപ്പന അനുസ​രി​ച്ചി​രി​ക്കു​ന്ന​തിൽ നാം എത്ര സന്തോ​ഷ​മു​ള്ള​വ​രാണ്‌! (വെളി​പ്പാ​ടു 18:4, 5) നമുക്ക്‌ ഒരിക്ക​ലും അവളി​ലേ​ക്കോ അവളുടെ വഴിക​ളി​ലേ​ക്കോ മടങ്ങാ​തി​രി​ക്കാം.

‘എന്നെ ആശ്രയി​ക്കു​ന്നവൻ ദേശത്തെ അവകാ​ശ​മാ​ക്കും’

17. ‘യഹോ​വ​യിൽ ആശ്രയി​ക്കു​ന്ന​വന്‌’ എന്തു വാഗ്‌ദാ​നം വെച്ചു​നീ​ട്ടി​യി​രി​ക്കു​ന്നു, അത്‌ എപ്പോൾ നിവൃ​ത്തി​യേ​റും?

¹⁷ യെശയ്യാ പ്രവച​ന​ത്തി​ലെ അടുത്ത വാക്കുകൾ എന്താണ്‌? “എന്നെ ആശ്രയി​ക്കു​ന്നവൻ ദേശത്തെ അവകാ​ശ​മാ​ക്കി എന്റെ വിശു​ദ്ധ​പർവ്വ​തത്തെ കൈവ​ശ​മാ​ക്കും.” (യെശയ്യാ​വു 57:13ബി) യഹോവ ഇവിടെ ആരോ​ടാണ്‌ സംസാ​രി​ക്കു​ന്നത്‌? അവൻ ആസന്നമായ വിപത്തിന്‌ അപ്പുറ​ത്തേക്കു നോക്കു​ക​യും ബാബി​ലോ​ണിൽ നിന്നുള്ള തന്റെ ജനത്തിന്റെ വിടു​ത​ലി​നെ​യും തന്റെ വിശുദ്ധ പർവത​മായ യെരൂ​ശ​ലേ​മിൽ സത്യാ​രാ​ധ​ന​യു​ടെ പുനഃ​സ്ഥി​തീ​ക​ര​ണ​ത്തെ​യും കുറിച്ച്‌ മുൻകൂ​ട്ടി പറയു​ക​യും ചെയ്യുന്നു. (യെശയ്യാ​വു 66:20; ദാനീ​യേൽ 9:16) വിശ്വ​സ്‌ത​രാ​യി നില​കൊ​ള്ളുന്ന യഹൂദരെ സംബന്ധി​ച്ചി​ട​ത്തോ​ളം അത്‌ എത്ര വലിയ പ്രോ​ത്സാ​ഹ​ന​ത്തി​ന്റെ ഉറവാണ്‌! കൂടു​ത​ലാ​യി യഹോവ ഇങ്ങനെ പറയുന്നു: “നികത്തു​വിൻ, നികത്തു​വിൻ, വഴി ഒരുക്കു​വിൻ; എന്റെ ജനത്തിന്റെ വഴിയിൽനി​ന്നു ഇടർച്ച നീക്കി​ക്ക​ള​വിൻ എന്നു അവൻ അരുളി​ച്ചെ​യ്യു​ന്നു.” (യെശയ്യാ​വു 57:14) തന്റെ ജനത്തെ വിടു​വി​ക്കാ​നുള്ള ദൈവ​ത്തി​ന്റെ സമയം വരു​മ്പോൾ വഴി സജ്ജമാ​യി​രി​ക്കും, എല്ലാ ഇടർച്ച​ക​ളും നീക്ക​പ്പെ​ട്ടി​രി​ക്കും.—2 ദിനവൃ​ത്താ​ന്തം 36:22, 23.

18. യഹോ​വ​യു​ടെ ഔന്നത്യ​ത്തെ എങ്ങനെ വർണി​ച്ചി​രി​ക്കു​ന്നു, എന്നാൽ സ്‌നേ​ഹ​പു​ര​സ്സ​ര​മായ എന്തു കരുതൽ അവൻ പ്രകട​മാ​ക്കു​ന്നു?

¹⁸ ഈ ഘട്ടത്തി​ലാണ്‌ തുടക്ക​ത്തിൽ ഉദ്ധരിച്ച വാക്കുകൾ യെശയ്യാവ്‌ ഘോഷി​ക്കു​ന്നത്‌: “ഉന്നതനും ഉയർന്നി​രി​ക്കു​ന്ന​വ​നും ശാശ്വ​ത​വാ​സി​യും  പരിശു​ദ്ധൻ എന്നു നാമമു​ള്ള​വ​നു​മാ​യവൻ ഇപ്രകാ​രം അരുളി​ച്ചെ​യ്യു​ന്നു: ഞാൻ ഉന്നതനും പരിശു​ദ്ധ​നു​മാ​യി വസിക്കു​ന്നു; താഴ്‌മ​യു​ള്ള​വ​രു​ടെ മനസ്സി​ന്നും മനസ്‌താ​പ​മു​ള്ള​വ​രു​ടെ ഹൃദയ​ത്തി​ന്നും ചൈത​ന്യം വരുത്തു​വാൻ മനസ്‌താ​പ​വും മനോ​വി​ന​യ​വു​മു​ള്ള​വ​രോ​ടു കൂടെ​യും വസിക്കു​ന്നു.” (യെശയ്യാ​വു 57:15) യഹോ​വ​യു​ടെ സിംഹാ​സനം ഏറ്റവും ഉന്നതമായ സ്വർഗ​ത്തി​ലാണ്‌. അതി​നെ​ക്കാൾ ശ്രേഷ്‌ഠ​മോ ഉന്നതമോ ആയ യാതൊ​രു സ്ഥാനവും ഇല്ല. അവി​ടെ​യി​രു​ന്നു​കൊണ്ട്‌ അവൻ സകലതും—ദുഷ്ടർ ചെയ്യുന്ന പാപങ്ങൾ മാത്രമല്ല, തന്നെ സേവി​ക്കാൻ ശ്രമി​ക്കു​ന്ന​വ​രു​ടെ നീതി​പ്ര​വൃ​ത്തി​ക​ളും—കാണുന്നു എന്നത്‌ എത്ര ആശ്വാ​സ​ക​ര​മാണ്‌! (സങ്കീർത്തനം 102:22; 103:6) തന്നെയു​മല്ല, അവൻ മർദി​ത​രു​ടെ രോദ​നങ്ങൾ കേൾക്കു​ക​യും മനസ്സു തകർന്ന​വ​രു​ടെ ഹൃദയ​ങ്ങൾക്ക്‌ ചൈത​ന്യം പകരു​ക​യും ചെയ്യുന്നു. ഈ വാക്കുകൾ പുരാതന കാലത്തെ അനുതാ​പ​മുള്ള യഹൂദ​ന്മാ​രു​ടെ ഹൃദയ​ങ്ങളെ സ്‌പർശി​ച്ചി​രി​ക്കണം. നിസ്സം​ശ​യ​മാ​യും, അവ ഇന്നു നമ്മുടെ ഹൃദയ​ങ്ങ​ളെ​യും സ്‌പർശി​ക്കു​ന്നു.

19. എപ്പോ​ഴാണ്‌ യഹോ​വ​യു​ടെ കോപം നിലയ്‌ക്കു​ന്നത്‌?

¹⁹ യഹോവയുടെ തുടർന്നുള്ള വാക്കു​ക​ളും ആശ്വാ​സ​പ്ര​ദ​മാണ്‌: “ഞാൻ എന്നേക്കും വാദി​ക്ക​യില്ല; എല്ലായ്‌പോ​ഴും കോപി​ക്ക​യു​മില്ല; അല്ലെങ്കിൽ അവരുടെ ആത്മാവും ഞാൻ സൃഷ്ടി​ച്ചി​ട്ടുള്ള ദേഹി​ക​ളും എന്റെ മുമ്പിൽനി​ന്നു ക്ഷയിച്ചു​പോ​കു​മ​ല്ലോ.” (യെശയ്യാ​വു 57:16) യഹോ​വ​യു​ടെ കോപം ഒരിക്ക​ലും അവസാ​നി​ക്കാ​തെ തുടർന്നി​രു​ന്നെ​ങ്കിൽ, അവന്റെ സൃഷ്ടി​ക​ളിൽ യാതൊ​ന്നും ജീവി​ച്ചി​രി​ക്കു​മാ​യി​രു​ന്നില്ല. എന്നാൽ, സന്തോ​ഷ​ക​ര​മെന്നു പറയട്ടെ യഹോ​വ​യു​ടെ കോപം തത്‌കാ​ല​ത്തേക്കു മാത്ര​മു​ള്ള​താണ്‌. അതിന്റെ ഉദ്ദേശ്യം നിവൃ​ത്തി​യേറി കഴിയു​മ്പോൾ അത്‌ ഇല്ലാതാ​കു​ന്നു. തന്റെ സൃഷ്ടി​യോ​ടുള്ള യഹോ​വ​യു​ടെ സ്‌നേ​ഹ​ത്തോട്‌ ആഴമായ വിലമ​തിപ്പ്‌ വളർത്തി​യെ​ടു​ക്കാൻ ഈ നിശ്വസ്‌ത ഉൾക്കാഴ്‌ച നമ്മെ സഹായി​ക്കു​ന്നു.

20. (എ) അനുതാ​പ​മി​ല്ലാത്ത ദുഷ്‌പ്ര​വൃ​ത്തി​ക്കാ​ര​നോട്‌ യഹോവ എങ്ങനെ ഇടപെ​ടു​ന്നു? (ബി) അനുതാ​പ​മുള്ള ഒരു വ്യക്തിയെ യഹോവ ആശ്വസി​പ്പി​ക്കു​ന്നത്‌ എങ്ങനെ?

²⁰ യഹോവ തുടർന്നു പറയുന്ന കാര്യങ്ങൾ നമ്മുടെ ഉൾക്കാഴ്‌ച വർധി​പ്പി​ക്കു​ന്നു. അവൻ ആദ്യം ഇങ്ങനെ പറയുന്നു: “അവരുടെ അത്യാ​ഗ്ര​ഹ​ത്തി​ന്റെ അകൃത്യം​നി​മി​ത്തം ഞാൻ കോപി​ച്ചു അവരെ അടിച്ചു; ഞാൻ കോപി​ച്ചു മുഖം മറെച്ചു; എന്നാറെ  അവർ തിരിഞ്ഞു തങ്ങൾക്കു തോന്നിയ വഴിയിൽ നടന്നു.” (യെശയ്യാ​വു 57:17) അത്യാ​ഗ്രഹം മൂലമുള്ള തെറ്റുകൾ കണിശ​മാ​യും ദൈവ​കോ​പം ക്ഷണിച്ചു​വ​രു​ത്തു​ന്ന​വ​യാണ്‌. ഒരുവൻ ഹൃദയ​ത്തിൽ മത്സരി​യാ​യി തുടരു​ന്നി​ട​ത്തോ​ളം കാലം യഹോ​വ​യ്‌ക്ക്‌ അവനോട്‌ കോപം ഉണ്ടായി​രി​ക്കും. എന്നാൽ മത്സരി​യായ ഒരുവൻ ശിക്ഷണ​ത്തോ​ടു പ്രതി​ക​രി​ക്കു​ന്നെ​ങ്കി​ലോ? തന്റെ സ്‌നേ​ഹ​വും അനുക​മ്പ​യും പ്രവർത്ത​ന​ത്തിന്‌ തന്നെ പ്രേരി​പ്പി​ക്കു​ന്നത്‌ എങ്ങനെ​യെന്ന്‌ യഹോവ പ്രകട​മാ​ക്കു​ന്നു: “ഞാൻ അവരുടെ വഴികളെ കണ്ടിരി​ക്കു​ന്നു; ഞാൻ അവരെ സൌഖ്യ​മാ​ക്കും; ഞാൻ അവരെ നടത്തി അവർക്കു, അവരുടെ ദുഃഖി​ത​ന്മാർക്കു തന്നേ, വീണ്ടും ആശ്വാസം വരുത്തും.” (യെശയ്യാ​വു 57:18) ശിക്ഷണ നടപടി സ്വീക​രി​ച്ച​ശേഷം, അനുതാ​പ​മു​ള്ള​വനെ യഹോവ സൗഖ്യ​മാ​ക്കുക മാത്രമല്ല അവനെ​യും കൂടെ ഉള്ളവ​രെ​യും ആശ്വസി​പ്പി​ക്കു​ക​യും ചെയ്യുന്നു. പൊ.യു.മു. 537-ൽ യഹൂദ​ന്മാർക്ക്‌ സ്വദേ​ശ​ത്തേക്കു മടങ്ങി​വ​രാൻ കഴിഞ്ഞ​തും അതു​കൊ​ണ്ടു​ത​ന്നെ​യാണ്‌. യഹൂദ​യ്‌ക്ക്‌ പിന്നീട്‌ ഒരിക്ക​ലും ഒരു സ്വതന്ത്ര രാജ്യം ആയിത്തീ​രാൻ കഴിയു​ക​യില്ല. എങ്കിലും, യെരൂ​ശ​ലേ​മി​ലെ ആലയം പുനർനിർമി​ക്ക​പ്പെ​ടു​ക​യും സത്യാ​രാ​ധന പുനഃ​സ്ഥാ​പി​ക്ക​പ്പെ​ടു​ക​യും ചെയ്യുന്നു.

21. (എ) 1919-ൽ യഹോവ അഭിഷിക്ത ക്രിസ്‌ത്യാ​നി​ക​ളു​ടെ മനസ്സിന്‌ ചൈത​ന്യം പകർന്നത്‌ എങ്ങനെ? (ബി) നാം ഓരോ​രു​ത്ത​രും ഏതു ഗുണം നട്ടുവ​ളർത്തേ​ണ്ട​താണ്‌?

²¹ “ഉന്നതനും ഉയർന്നി​രി​ക്കു​ന്ന​വ​നും” ആയ യഹോവ 1919-ൽ അഭിഷിക്ത ശേഷി​പ്പി​ന്റെ ക്ഷേമത്തിൽ താത്‌പ​ര്യം പ്രകട​മാ​ക്കി. അവരുടെ അനുതാ​പ​മുള്ള താഴ്‌മ​യുള്ള മനോ​ഭാ​വം നിമിത്തം മഹാ​ദൈ​വ​മായ യഹോവ ദയാപു​ര​സ്സരം അവരുടെ യാതന ശ്രദ്ധി​ക്കു​ക​യും ബാബി​ലോ​ണി​യൻ അടിമ​ത്ത​ത്തിൽനിന്ന്‌ അവരെ വിടു​വി​ക്കു​ക​യും ചെയ്‌തു. അവൻ എല്ലാ പ്രതി​ബ​ന്ധ​ങ്ങ​ളും നീക്കം ചെയ്യു​ക​യും തനിക്കാ​യി വിശുദ്ധ സേവനം അർപ്പി​ക്കാൻ കഴിയു​മാറ്‌ അവരെ സ്വാത​ന്ത്ര്യ​ത്തി​ലേക്കു നയിക്കു​ക​യും ചെയ്‌തു. അങ്ങനെ യെശയ്യാവ്‌ മുഖാ​ന്ത​ര​മുള്ള യഹോ​വ​യു​ടെ വാക്കു​കൾക്ക്‌ ആ സമയത്ത്‌ ഒരു നിവൃത്തി ഉണ്ടായി. ആ വാക്കു​കൾക്കു പിന്നിൽ നമ്മിൽ ഓരോ​രു​ത്തർക്കും ബാധക​മാ​കുന്ന ശാശ്വത തത്ത്വങ്ങൾ കാണാം. താഴ്‌മ​യു​ള്ള​വ​രു​ടെ ആരാധന മാത്രമേ യഹോവ സ്വീക​രി​ക്കു​ക​യു​ള്ളൂ. ദൈവ​ദാ​സ​ന്മാ​രിൽ ഒരാൾ പാപം ചെയ്യു​ക​യാ​ണെ​ങ്കിൽ, താമസി​യാ​തെ അതു സമ്മതി​ക്കാ​നും ശാസന സ്വീക​രി​ച്ചു​കൊണ്ട്‌ തെറ്റു തിരു​ത്താ​നും അയാൾ സന്നദ്ധനാ​യി​രി​ക്കണം. യഹോവ  താഴ്‌മ​യു​ള്ള​വരെ സൗഖ്യ​മാ​ക്കു​ക​യും ആശ്വസി​പ്പി​ക്കു​ക​യും “നിഗളി​ക​ളോ​ടു എതിർത്തു​നി​ല്‌ക്ക​യും” ചെയ്യു​ന്നു​വെന്ന്‌ നമുക്ക്‌ ഒരിക്ക​ലും മറക്കാ​തി​രി​ക്കാം.—യാക്കോബ്‌ 4:6.

“ദൂരസ്ഥ​ന്നും സമീപ​സ്ഥ​ന്നും സമാധാ​നം”

22. യഹോവ മുൻകൂ​ട്ടി പറയു​ന്നതു പോലെ (എ) അനുത​പി​ക്കു​ന്ന​വ​രു​ടെ ഭാവി എന്തായി​രി​ക്കും? (ബി) ദുഷ്ടന്മാ​രു​ടെ ഭാവി എന്തായി​രി​ക്കും?

²² അനുതപിക്കുന്നവരുടെ ഭാവിയെ ദുഷ്ടവ​ഴി​ക​ളിൽ നടക്കു​ന്ന​വ​രു​ടെ ഭാവി​യു​മാ​യി വിപരീത താരത​മ്യം ചെയ്‌തു​കൊണ്ട്‌ യഹോവ പ്രഖ്യാ​പി​ക്കു​ന്നു: “ഞാൻ അധരങ്ങ​ളു​ടെ ഫലം സൃഷ്ടി​ക്കും; ദൂരസ്ഥ​ന്നും സമീപ​സ്ഥ​ന്നും സമാധാ​നം, . . . ഞാൻ അവരെ സൌഖ്യ​മാ​ക്കും . . . ദുഷ്ടന്മാ​രോ കലങ്ങി​മ​റി​യുന്ന കടൽപോ​ലെ​യാ​കു​ന്നു; അതിന്നു അടങ്ങി​യി​രി​പ്പാൻ കഴിക​യില്ല; അതിലെ വെള്ളം ചേറും ചെളി​യും മേലോ​ട്ടു തള്ളുന്നു. ദുഷ്ടന്മാർക്കു സമാധാ​ന​മില്ല.”—യെശയ്യാ​വു 57:19-21.

23. എന്താണ്‌ അധരഫലം, ഏതു വിധത്തിൽ യഹോവ ഈ ഫലം ‘സൃഷ്ടി​ക്കു​ന്നു’?

²³ അധരഫലം ദൈവ​ത്തിന്‌ അർപ്പി​ക്കുന്ന സ്‌തു​തി​യാ​ഗ​മാണ്‌, അതായത്‌ അവന്റെ നാമത്തി​ന്റെ പരസ്യ പ്രഖ്യാ​പനം. (എബ്രായർ 13:15, NW) അപ്പോൾ യഹോവ എങ്ങനെ​യാണ്‌ പരസ്യ പ്രഖ്യാ​പനം ‘സൃഷ്ടി​ക്കു​ന്നത്‌’? സ്‌തു​തി​യാ​ഗം അർപ്പി​ക്ക​ണ​മെ​ങ്കിൽ ഒരു വ്യക്തി ആദ്യം ദൈവത്തെ കുറിച്ചു പഠിക്കു​ക​യും അവനിൽ വിശ്വാ​സം പ്രകട​മാ​ക്കു​ക​യും ചെയ്യേ​ണ്ട​തുണ്ട്‌. ദൈവാ​ത്മാ​വി​ന്റെ ഫലമായ വിശ്വാ​സം, താൻ കേട്ട കാര്യങ്ങൾ മറ്റുള്ള​വ​രോ​ടു പറയാൻ അയാളെ പ്രേരി​പ്പി​ക്കു​ന്നു. മറ്റു വാക്കു​ക​ളിൽ പറഞ്ഞാൽ, അങ്ങനെ ചെയ്യു​മ്പോൾ അയാൾ പരസ്യ പ്രഖ്യാ​പനം നടത്തു​ക​യാണ്‌. (റോമർ 10:13-15; ഗലാത്യർ 5:22, NW) യഹോ​വ​യു​ടെ സ്‌തുതി ഘോഷി​ക്കാൻ ദാസന്മാ​രെ നിയോ​ഗി​ക്കു​ന്നത്‌ ആത്യന്തി​ക​മാ​യി അവൻ തന്നെയാണ്‌ എന്ന കാര്യം നാം ഓർക്കണം. അത്തരം സ്‌തു​തി​യാ​ഗങ്ങൾ അർപ്പി​ക്കുക സാധ്യ​മാ​ക്കി​ത്തീർത്തു​കൊണ്ട്‌ തന്റെ ജനത്തെ വിടു​വി​ക്കു​ന്നത്‌ യഹോ​വ​യാണ്‌. (1 പത്രൊസ്‌ 2:9) അതിനാൽ, യഹോവ അധരഫലം സൃഷ്ടി​ക്കു​ന്ന​താ​യി പറയാ​വു​ന്ന​താണ്‌.

24. (എ) ആർ ദൈവ​സ​മാ​ധാ​നം അറിയു​ന്നു, അതിന്റെ ഫലമെന്ത്‌? (ബി) ആർ സമാധാ​നം അറിയു​ന്നില്ല, അതിന്റെ ഫലമെന്ത്‌?

²⁴ യഹോവയ്‌ക്കു സ്‌തു​തി​ഗീ​തങ്ങൾ പാടി​ക്കൊണ്ട്‌ സ്വദേ​ശ​ത്തേക്കു മടങ്ങി​വ​രവേ, എത്ര പുളക​പ്ര​ദ​മായ അധരഫ​ല​മാണ്‌ യഹൂദ​ന്മാർ അർപ്പി​ക്കേ​ണ്ടി​യി​രു​ന്നത്‌! അവർ ‘ദൂരത്ത്‌,’ അതായത്‌  മടങ്ങി​വ​ര​വും പ്രതീ​ക്ഷിച്ച്‌ യഹൂദ​യിൽനിന്ന്‌ അകലെ, ആയിരു​ന്നാ​ലും ‘സമീപത്ത്‌,’ അതായത്‌ ഇപ്പോൾ സ്വദേ​ശത്ത്‌, ആയിരു​ന്നാ​ലും ദൈവ​സ​മാ​ധാ​നത്തെ കുറിച്ച്‌ അറിയു​ന്ന​തിൽ അവർ സന്തോ​ഷി​ക്കേ​ണ്ട​താണ്‌. എന്നാൽ അതിൽനിന്ന്‌ എത്രയോ ഭിന്നമാണ്‌ ദുഷ്ടന്മാ​രു​ടെ അവസ്ഥ! യഹോ​വ​യു​ടെ ശിക്ഷണ നടപടി​ക​ളോ​ടു പ്രതി​ക​രി​ക്കാൻ പരാജ​യ​പ്പെ​ടുന്ന അവർ ആരായി​രു​ന്നാ​ലും എവിടെ ആയിരു​ന്നാ​ലും അവർക്ക്‌ അൽപ്പം പോലും സമാധാ​നം ഉണ്ടായി​രി​ക്കു​ക​യില്ല. അശാന്ത​മായ കടൽ പോലെ ഇളകി​മ​റി​യുന്ന അവർ പുറ​പ്പെ​ടു​വി​ക്കു​ന്നത്‌ അധരഫ​ലമല്ല, പിന്നെ​യോ “ചേറും ചെളി​യും,” അശുദ്ധ​മായ സകലതും ആണ്‌.

25. എല്ലായി​ട​ത്തു​മു​ള്ളവർ സമാധാ​നം അറിയാൻ ഇടയാ​യി​രി​ക്കു​ന്നത്‌ എങ്ങനെ?

²⁵ ഇന്നും യഹോ​വ​യു​ടെ ദാസന്മാർ എല്ലായി​ട​ത്തും ദൈവ​രാ​ജ്യ സുവാർത്ത ഘോഷി​ക്കു​ന്നു. 230-ലധികം ദേശങ്ങ​ളിൽ എല്ലായി​ട​ത്തു​മുള്ള ക്രിസ്‌ത്യാ​നി​കൾ ഏകസത്യ​ദൈ​വ​ത്തിന്‌ സ്‌തുതി ഘോഷി​ച്ചു​കൊണ്ട്‌ തങ്ങളുടെ അധരഫലം അർപ്പി​ക്കു​ന്നു. അവർ പാടുന്ന സ്‌തു​തി​കൾ “ഭൂമി​യു​ടെ അററത്തു” പോലും കേൾക്കാം. (യെശയ്യാ​വു 42:10-12) അവരുടെ മൊഴി​കൾ കേട്ട്‌ പ്രതി​ക​രി​ക്കു​ന്നവർ ദൈവ​വ​ച​ന​മായ ബൈബി​ളി​ലെ സത്യം സ്വീക​രി​ക്കു​ക​യാണ്‌. അവർ, ‘സമാധാ​ന​ത്തി​ന്റെ ദൈവത്തെ’ സേവി​ക്കു​ന്ന​തിൽനി​ന്നു ലഭിക്കുന്ന സമാധാ​നം അറിയാൻ ഇടയാ​യി​രി​ക്കു​ന്നു.—റോമർ 16:20.

26. (എ) ദുഷ്ടന്മാർക്ക്‌ എന്തു സംഭവി​ക്കാൻ പോകു​ന്നു? (ബി) സൗമ്യർക്ക്‌ മഹത്തായ ഏതു വാഗ്‌ദാ​നം ലഭിച്ചി​രി​ക്കു​ന്നു, എന്തായി​രി​ക്കണം നമ്മുടെ ദൃഢനി​ശ്ചയം?

²⁶ അതേ, ദുഷ്ടന്മാർ രാജ്യ​സ​ന്ദേ​ശ​ത്തി​നു ശ്രദ്ധ കൊടു​ക്കു​ന്നില്ല. അവർ ഇനിമേൽ നീതി​മാ​ന്മാ​രു​ടെ സമാധാ​നം കെടു​ത്താൻ അനുവ​ദി​ക്ക​പ്പെ​ടു​ക​യില്ല. “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല” എന്ന്‌ യഹോവ വാഗ്‌ദാ​നം ചെയ്യുന്നു. യഹോ​വയെ അഭയം പ്രാപി​ക്കു​ന്നവർ അത്ഭുത​ക​ര​മായ വിധത്തിൽ ദേശം കൈവ​ശ​മാ​ക്കും. “സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” (സങ്കീർത്തനം 37:10, 11, 29) അപ്പോൾ നമ്മുടെ ഭൂമി എത്ര മനോ​ഹ​ര​മാ​യി​രി​ക്കും! സകല നിത്യ​ത​യി​ലും യഹോ​വ​യ്‌ക്കു സ്‌തുതി പാടാൻ കഴി​യേ​ണ്ട​തിന്‌ ദൈവ സമാധാ​നം നഷ്ടമാ​ക്കാ​തി​രി​ക്കാൻ നമു​ക്കെ​ല്ലാം ദൃഢനി​ശ്ചയം ഉള്ളവരാ​യി​രി​ക്കാം.

[അടിക്കു​റി​പ്പു​കൾ]

[അധ്യയന ചോദ്യ​ങ്ങൾ]

[263-ാം പേജിലെ ചിത്രം]

യഹൂദ പച്ചമര​ത്തി​നു കീഴിൽ അധാർമി​കാ​രാ​ധന നടത്തുന്നു

[267-ാം പേജിലെ ചിത്രം]

യഹൂദ ദേശ​ത്തെ​ങ്ങും ബലിപീ​ഠങ്ങൾ നിർമി​ക്കു​ന്നു

 [275-ാം പേജിലെ ചിത്രം]

“ഞാൻ അധരങ്ങ​ളു​ടെ ഫലം സൃഷ്ടി​ക്കും”