ഗലീല​ക്ക​ട​ലി​നു കിഴക്കു​വ​ശ​ത്തു​വെച്ച്‌ യേശു ആയിര​ങ്ങളെ അത്ഭുത​ക​ര​മാ​യി പോഷി​പ്പി​ച്ചു. പക്ഷേ, അവർ യേശു​വി​നെ രാജാ​വാ​ക്കാൻ നോക്കി​യ​പ്പോൾ യേശു അവി​ടെ​നിന്ന്‌ രക്ഷപ്പെട്ടു. അന്നു രാത്രി​യിൽ യേശു ഇളകി​മ​റി​യുന്ന കടലി​ലൂ​ടെ നടന്നു, വിശ്വാ​സ​ക്കു​റവ്‌ കാരണം മുങ്ങി​ത്താ​ഴാൻതു​ട​ങ്ങിയ പത്രോ​സി​നെ രക്ഷിച്ചു. യേശു കൊടു​ങ്കാ​റ്റി​നെ ശാന്തമാ​ക്കു​ക​യും ചെയ്‌തു. അല്ലായി​രു​ന്നെ​ങ്കിൽ ഒരുപക്ഷേ ശിഷ്യ​ന്മാർ യാത്ര ചെയ്‌തി​രുന്ന വള്ളം തകർന്നേനേ.

യേശു വീണ്ടും കടലിന്റെ പടിഞ്ഞാ​റു​വ​ശ​ത്തുള്ള കഫർന്ന​ഹൂം പ്രദേ​ശ​ത്താണ്‌. യേശു അത്ഭുത​ക​ര​മാ​യി പോഷി​പ്പി​ച്ചവർ യേശു​വി​നെ കണ്ടെത്തു​മ്പോൾ, “അങ്ങ്‌ എപ്പോ​ഴാണ്‌ ഇവിടെ എത്തിയത്‌ ” എന്നു ചോദി​ക്കു​ന്നു. അവർ തന്നെ അന്വേ​ഷി​ക്കു​ന്നതു വീണ്ടും അപ്പം കിട്ടാ​നാണ്‌ എന്നു പറഞ്ഞ്‌ യേശു അവരെ ശാസി​ക്കു​ന്നു. “നശിച്ചു​പോ​കുന്ന ആഹാര​ത്തി​നു​വേ​ണ്ടി​യല്ല, നിത്യ​ജീ​വൻ നേടി​ത്ത​രുന്ന നശിക്കാത്ത ആഹാര​ത്തി​നു​വേണ്ടി പ്രയത്‌നി​ക്കുക” എന്നും യേശു അവരോ​ടു പറയുന്നു. അപ്പോൾ അവർ യേശു​വി​നോട്‌, “ദൈവ​ത്തി​ന്റെ അംഗീ​കാ​രം കിട്ടാൻ ഞങ്ങൾ എന്താണു ചെയ്യേ​ണ്ടത്‌ ” എന്നു ചോദി​ക്കു​ന്നു.​—യോഹ​ന്നാൻ 6:25-28.

മോശയ്‌ക്കു കൊടുത്ത നിയമ​ത്തിൽ പറഞ്ഞി​രി​ക്കുന്ന കാര്യങ്ങൾ ചെയ്യു​ന്ന​തി​നെ​ക്കു​റി​ച്ചാ​യി​രി​ക്കാം അവർ ചിന്തി​ക്കു​ന്നത്‌. പക്ഷേ, യേശു പറയു​ന്നത്‌ അതി​നെ​ക്കാൾ വളരെ മൂല്യ​മുള്ള ഒരു കാര്യം ചെയ്യു​ന്ന​തി​നെ​ക്കു​റി​ച്ചാണ്‌. “ദൈവം അയച്ചവനെ വിശ്വ​സി​ക്കുക; അതാണു ദൈവം അംഗീ​ക​രി​ക്കുന്ന പ്രവൃത്തി” എന്ന്‌ യേശു പറയുന്നു. പക്ഷേ യേശു ഇത്ര​യെ​ല്ലാം ചെയ്‌തി​ട്ടും ആളുകൾ യേശു​വിൽ വിശ്വ​സി​ക്കു​ന്നില്ല. യേശു​വിൽ വിശ്വ​സി​ക്ക​ണ​മെ​ങ്കിൽ ഒരു അടയാളം കാണി​ക്ക​ണ​മെന്ന്‌ അവർ ആവശ്യ​പ്പെ​ടു​ന്നു. “എന്ത്‌ അടയാളം കാണി​ക്കും” എന്ന്‌ അവർ യേശു​വി​നോ​ടു ചോദി​ക്കു​ന്നു. “നമ്മുടെ പൂർവി​കർ വിജന​ഭൂ​മി​യിൽവെച്ച്‌ മന്ന കഴിച്ചി​ല്ലേ? ‘അവർക്കു കഴിക്കാൻ ദൈവം സ്വർഗ​ത്തിൽനിന്ന്‌ അപ്പം കൊടു​ത്തു’ എന്ന്‌ എഴുതി​യി​ട്ടു​ണ്ട​ല്ലോ,” അവർ പറയുന്നു.​—യോഹ​ന്നാൻ 6:29-31; സങ്കീർത്തനം 78:24.

അടയാളം കാണി​ക്കാൻ അവർ ആവശ്യ​പ്പെ​ട്ട​പ്പോൾ അത്ഭുത​ക​ര​മാ​യി അപ്പം നൽകി​യത്‌ ശരിക്കും ആരാ​ണെന്നു യേശു വ്യക്തമാ​ക്കു​ന്നു: “ഞാൻ നിങ്ങ​ളോ​ടു പറയുന്നു: മോശ നിങ്ങൾക്കു സ്വർഗ​ത്തിൽനിന്ന്‌ അപ്പം തന്നില്ല. എന്നാൽ എന്റെ പിതാവ്‌ സ്വർഗ​ത്തിൽനിന്ന്‌ ശരിക്കുള്ള അപ്പം നിങ്ങൾക്കു തരുന്നു. ദൈവ​ത്തി​ന്റെ അപ്പമോ, സ്വർഗ​ത്തിൽനിന്ന്‌ ഇറങ്ങി​വന്ന്‌ ലോക​ത്തി​നു ജീവൻ നൽകു​ന്ന​വ​നാണ്‌.” യേശു പറഞ്ഞതി​ന്റെ അർഥം മനസ്സി​ലാ​ക്കാ​തെ അവർ, “കർത്താവേ, ഞങ്ങൾക്ക്‌ എപ്പോ​ഴും ആ അപ്പം തരണേ” എന്നു പറയുന്നു. (യോഹ​ന്നാൻ 6:32-34) യേശു ഏത്‌ “അപ്പ”ത്തെക്കു​റി​ച്ചാണ്‌ പറയു​ന്നത്‌?

യേശു വിശദീ​ക​രി​ക്കു​ന്നു: “ഞാനാണു ജീവന്റെ അപ്പം. എന്റെ അടുത്ത്‌ വരുന്ന​വന്‌ ഒരിക്ക​ലും വിശക്കില്ല. എന്നിൽ വിശ്വ​സി​ക്കു​ന്ന​വന്‌ ഒരിക്ക​ലും ദാഹി​ക്കു​ക​യു​മില്ല. എന്നാൽ ഞാൻ പറഞ്ഞതു​പോ​ലെ, നിങ്ങൾ എന്നെ കണ്ടിട്ടു​പോ​ലും വിശ്വ​സി​ക്കു​ന്നില്ല. . . . ഞാൻ സ്വർഗ​ത്തിൽനിന്ന്‌ ഇറങ്ങി​വ​ന്നത്‌ എന്റെ സ്വന്തം ഇഷ്ടം ചെയ്യാനല്ല, എന്നെ അയച്ച പിതാ​വി​ന്റെ ഇഷ്ടം ചെയ്യാ​നാണ്‌. എന്നെ അയച്ച പിതാ​വി​ന്റെ ഇഷ്ടമോ, പിതാവ്‌ എനിക്കു തന്നവരിൽ ആരും നഷ്ടപ്പെ​ട്ടു​പോ​ക​രു​തെ​ന്നും അവസാ​ന​നാ​ളിൽ അവരെ​യെ​ല്ലാം ഞാൻ ഉയിർപ്പി​ക്കണം എന്നും ആണ്‌. പുത്രനെ അംഗീ​ക​രിച്ച്‌ അവനിൽ വിശ്വ​സി​ക്കുന്ന ഏതൊ​രാൾക്കും നിത്യ​ജീ​വൻ കിട്ടണ​മെ​ന്ന​താണ്‌ എന്റെ പിതാ​വി​ന്റെ ഇഷ്ടം. അവസാ​ന​നാ​ളിൽ ഞാൻ അയാളെ ഉയിർപ്പി​ക്കും.”​—യോഹ​ന്നാൻ 6:35-40.

ഇതു കേട്ട്‌ ആളുകൾക്കു നല്ല ദേഷ്യം വരുന്നു. ആ ജൂതന്മാർ യേശു​വി​നെ​ക്കു​റിച്ച്‌ പിറു​പി​റു​ക്കാ​നും തുടങ്ങു​ന്നു. “സ്വർഗ​ത്തിൽനിന്ന്‌ ഇറങ്ങിവന്ന അപ്പമാണ്‌ ” താനെന്ന്‌ യേശു​വിന്‌ എങ്ങനെ അവകാ​ശ​പ്പെ​ടാ​നാ​കും? (യോഹ​ന്നാൻ 6:41) അവരുടെ നോട്ട​ത്തിൽ യേശു ഗലീല​ന​ഗ​ര​മായ നസറെ​ത്തിൽനി​ന്നുള്ള വെറും സാധാ​ര​ണ​മ​നു​ഷ്യ​നാണ്‌. യേശു​വി​ന്റെ അപ്പനും അമ്മയും ആരാ​ണെ​ന്നും അവർക്ക്‌ അറിയാം. ആളുകൾ ചോദി​ക്കു​ന്നു: “ഇവൻ യോ​സേ​ഫി​ന്റെ മകനായ യേശു​വല്ലേ? ഇവന്റെ അപ്പനെ​യും അമ്മയെ​യും നമുക്ക്‌ അറിയാ​വു​ന്ന​തല്ലേ?”​—യോഹ​ന്നാൻ 6:42.

“നിങ്ങൾ ഇങ്ങനെ പിറു​പി​റു​ക്കേണ്ടാ,” യേശു പറയുന്നു. “എന്നെ അയച്ച പിതാവ്‌ ആകർഷി​ക്കാ​തെ ഒരു മനുഷ്യ​നും എന്റെ അടുത്ത്‌ വരാൻ കഴിയില്ല. അവസാ​ന​നാ​ളിൽ ഞാൻ അയാളെ ഉയിർപ്പി​ക്കും. ‘അവരെ​യെ​ല്ലാം യഹോവ പഠിപ്പി​ക്കും’ എന്നു പ്രവാ​ച​ക​പുസ്‌ത​ക​ങ്ങ​ളിൽ എഴുതി​യി​ട്ടു​ണ്ട​ല്ലോ. പിതാ​വിൽനിന്ന്‌ കേട്ടു​പ​ഠി​ച്ച​വ​രെ​ല്ലാം എന്റെ അടു​ത്തേക്കു വരുന്നു. ദൈവ​ത്തിൽനി​ന്നു​ള്ള​വ​ന​ല്ലാ​തെ മറ്റ്‌ ഏതെങ്കി​ലും മനുഷ്യൻ പിതാ​വി​നെ കണ്ടിട്ടു​ണ്ടെന്നല്ല ഇതിന്‌ അർഥം. എന്നാൽ ദൈവ​ത്തിൽനി​ന്നു​ള്ളവൻ പിതാ​വി​നെ കണ്ടിട്ടുണ്ട്‌. സത്യം​സ​ത്യ​മാ​യി ഞാൻ നിങ്ങ​ളോ​ടു പറയുന്നു: വിശ്വ​സി​ക്കു​ന്ന​വനു നിത്യ​ജീ​വ​നുണ്ട്‌.”​—യോഹ​ന്നാൻ 6:43-47; യശയ്യ 54:13.

മുമ്പ്‌ നിക്കോ​ദേ​മൊ​സി​നോ​ടു സംസാ​രി​ക്കു​മ്പോൾ, യേശു നിത്യ​ജീ​വ​നെ​ക്കു​റിച്ച്‌, മനുഷ്യ​പു​ത്ര​നി​ലുള്ള വിശ്വാ​സ​വു​മാ​യി  അത്‌ എങ്ങനെ ബന്ധപ്പെ​ട്ടി​രി​ക്കു​ന്നെന്ന്‌, പറഞ്ഞു: “(ദൈവ​ത്തിന്റ ഏകജാ​ത​നായ മകനിൽ) വിശ്വ​സി​ക്കുന്ന ആരും നശിച്ചു​പോ​കാ​തെ നിത്യ​ജീ​വൻ” നേടും. (യോഹ​ന്നാൻ 3:15, 16) എന്നാൽ യേശു ഇപ്പോൾ സംസാ​രി​ക്കു​ന്നത്‌ വലിയ ഒരു സദസ്സി​നോ​ടാണ്‌. അവർ നിത്യ​ജീ​വൻ നേടു​ന്ന​തിൽ തനിക്ക്‌ ഒരു പങ്കു​ണ്ടെന്ന്‌ യേശു അവരോ​ടു പറയുന്നു. അതു മന്നയി​ലൂ​ടെ​യോ ഗലീല​യിൽ സാധാരണ കാണുന്ന അപ്പത്തി​ലൂ​ടെ​യോ അവർക്കു നേടാ​നാ​കില്ല. പിന്നെ എങ്ങനെ​യാണ്‌ അവർക്കു നിത്യ​ജീ​വൻ നേടാ​നാ​കു​ന്നത്‌? “ഞാനാണു ജീവന്റെ അപ്പം” എന്ന്‌ യേശു വീണ്ടും പറയുന്നു.​—യോഹ​ന്നാൻ 6:48.

സ്വർഗ​ത്തിൽനി​ന്നുള്ള അപ്പത്തെ സംബന്ധിച്ച ഈ സംസാരം ഇവി​ടെ​യൊ​ന്നും അവസാ​നി​ക്കു​ന്നില്ല. കഫർന്ന​ഹൂ​മി​ലെ സിന​ഗോ​ഗിൽ യേശു പഠിപ്പി​ക്കു​മ്പോൾ വീണ്ടും ഇതെക്കു​റിച്ച്‌ ചൂടു​പി​ടിച്ച ചർച്ച നടക്കുന്നു.