ശരീരം മുഴുവൻ നീരു​വെച്ച മനുഷ്യ​നെ സുഖ​പ്പെ​ടു​ത്തി​യ​ശേഷം യേശു ഇപ്പോ​ഴും പരീശന്റെ വീട്ടിൽത്ത​ന്നെ​യാണ്‌. അവിടെ ഭക്ഷണത്തി​നു വന്ന അതിഥി​കൾ പ്രധാ​ന​പ്പെട്ട ഇരിപ്പി​ടങ്ങൾ തിര​ഞ്ഞെ​ടു​ക്കു​ന്നതു യേശു കാണുന്നു. താഴ്‌മ​യു​ടെ ഒരു പാഠം പഠിപ്പി​ക്കാൻ യേശു ഈ അവസരം ഉപയോ​ഗി​ക്കു​ന്നു.

“ആരെങ്കി​ലും നിങ്ങളെ ഒരു വിവാ​ഹ​വി​രു​ന്നി​നു ക്ഷണിച്ചാൽ പ്രധാ​ന​പ്പെട്ട ഇരിപ്പി​ട​ത്തിൽ ചെന്ന്‌ ഇരിക്ക​രുത്‌. അയാൾ നിങ്ങ​ളെ​ക്കാൾ ബഹുമാ​ന്യ​നായ ഒരാളെ ക്ഷണിച്ചി​ട്ടു​ണ്ടാ​കാം. നിങ്ങളെ ക്ഷണിച്ച​യാൾ വന്ന്‌ നിങ്ങ​ളോട്‌, ‘ഈ ഇരിപ്പി​ടം ഇദ്ദേഹ​ത്തി​നു കൊടു​ക്കുക’ എന്നു പറഞ്ഞാൽ, നിങ്ങൾക്ക്‌ ആകെ നാണ​ക്കേ​ടാ​കും, എഴു​ന്നേറ്റ്‌ ഏറ്റവും പിന്നിൽ പോയി ഇരി​ക്കേ​ണ്ടി​വ​രും.”​—ലൂക്കോസ്‌ 14:8, 9.

യേശു ഇങ്ങനെ​യും പറയുന്നു: “നിങ്ങളെ ക്ഷണിക്കു​മ്പോൾ, ചെന്ന്‌ ഏറ്റവും പിന്നിൽ ഇരിക്കുക. അപ്പോൾ ക്ഷണിച്ച​യാൾ വന്ന്‌ നിങ്ങ​ളോട്‌, ‘സ്‌നേ​ഹി​താ, മുമ്പി​ലേക്കു കയറി ഇരിക്കുക’ എന്നു പറയും. അപ്പോൾ മറ്റെല്ലാ അതിഥി​ക​ളു​ടെ​യും മുന്നിൽ നിങ്ങൾക്കു ബഹുമാ​നം ലഭിക്കും.” നല്ല പെരു​മാ​റ്റ​ശീ​ലങ്ങൾ ഉണ്ടായി​രി​ക്കു​ന്നതു മാത്രമല്ല ഇതിൽ ഉൾപ്പെ​ട്ടി​രി​ക്കു​ന്നത്‌. യേശു വിശദീ​ക​രി​ക്കു​ന്നു: “തന്നെത്തന്നെ ഉയർത്തു​ന്ന​വനെ ദൈവം താഴ്‌ത്തും. തന്നെത്തന്നെ താഴ്‌ത്തു​ന്ന​വ​നെ​യോ ദൈവം ഉയർത്തും.” (ലൂക്കോസ്‌ 14:10, 11) അതെ, താഴ്‌മ നട്ടുവ​ളർത്താ​നാ​ണു യേശു കേൾവി​ക്കാ​രെ പ്രോ​ത്സാ​ഹി​പ്പി​ക്കു​ന്നത്‌.

തന്നെ ഭക്ഷണത്തി​നു ക്ഷണിച്ച പരീശ​നോ​ടു യേശു മറ്റൊരു കാര്യം പറയുന്നു. ദൈവം അംഗീ​ക​രി​ക്കുന്ന രീതി​യിൽ എങ്ങനെ ഒരു വിരു​ന്നു​കൊ​ടു​ക്കാ​മെ​ന്നാണ്‌ യേശു വിശദീ​ക​രി​ക്കു​ന്നത്‌. “ഒരു വിരുന്നു നടത്തു​മ്പോൾ കൂട്ടു​കാ​രെ​യോ സഹോ​ദ​ര​ന്മാ​രെ​യോ ബന്ധുക്ക​ളെ​യോ പണക്കാ​രായ അയൽക്കാ​രെ​യോ അല്ല ക്ഷണി​ക്കേ​ണ്ടത്‌. കാരണം, അവർ തിരിച്ച്‌ താങ്ക​ളെ​യും ക്ഷണി​ച്ചേ​ക്കാം. അതോടെ, താങ്കൾക്കുള്ള പ്രതി​ഫലം കിട്ടി​ക്ക​ഴി​ഞ്ഞു. അതു​കൊണ്ട്‌ വിരുന്നു നടത്തു​മ്പോൾ പാവ​പ്പെ​ട്ട​വ​രെ​യും വികലാം​ഗ​രെ​യും മുടന്ത​രെ​യും അന്ധരെ​യും ക്ഷണിക്കുക. തിരി​ച്ചു​ത​രാൻ അവരുടെ കൈയിൽ ഒന്നുമി​ല്ലാ​ത്ത​തു​കൊണ്ട്‌ താങ്കൾക്കു സന്തോ​ഷി​ക്കാം.”​—ലൂക്കോസ്‌ 14:12-14.

ബന്ധുക്ക​ളെ​യും കൂട്ടു​കാ​രെ​യും അയൽക്കാ​രെ​യും ഭക്ഷണത്തി​നു ക്ഷണിക്കുക സ്വാഭാ​വി​ക​മാണ്‌. ഇതൊ​ന്നും തെറ്റാ​ണെന്നല്ല യേശു പറയു​ന്നത്‌. മറിച്ച്‌ പാവ​പ്പെ​ട്ട​വ​രെ​യും വികലാം​ഗ​രെ​യും അന്ധരെ​യും മറ്റും ക്ഷണിക്കു​ന്നെ​ങ്കിൽ വലിയ അനു​ഗ്ര​ഹങ്ങൾ കിട്ടു​മെന്നു വ്യക്തമാ​ക്കു​ക​യാ​യി​രു​ന്നു യേശു. “നീതി​മാ​ന്മാ​രു​ടെ പുനരു​ത്ഥാ​ന​ത്തിൽ താങ്കൾക്കു പ്രതി​ഫലം ലഭിക്കും” എന്ന്‌ യേശു ആതി​ഥേ​യ​നോ​ടു പറയുന്നു. യേശു​വി​ന്റെ​കൂ​ടെ​യു​ണ്ടാ​യി​രുന്ന അതിഥി​ക​ളിൽ ഒരാൾ അതി​നോ​ടു യോജി​ച്ചു​കൊണ്ട്‌, “ദൈവ​രാ​ജ്യ​ത്തിൽ വിരു​ന്നിന്‌ ഇരിക്കു​ന്നവൻ സന്തുഷ്ടൻ” എന്നു പറയുന്നു. (ലൂക്കോസ്‌ 14:15) ഇത്‌ എത്ര വലിയ ഒരു പദവി​യാ​യി​രി​ക്കു​മെന്ന്‌ അയാൾക്കു മനസ്സി​ലാ​യി. എങ്കിലും എല്ലാവർക്കും ഇത്തരത്തി​ലുള്ള വിലമ​തി​പ്പില്ല. യേശു തുടർന്ന്‌ ഒരു ദൃഷ്ടാ​ന്ത​ത്തി​ലൂ​ടെ അതു വ്യക്തമാ​ക്കു​ന്നു:

“ഒരാൾ വലി​യൊ​രു അത്താഴ​വി​രുന്ന്‌ ഒരുക്കി അനേകരെ ക്ഷണിച്ചു. . . . അടിമയെ അയച്ച്‌, അയാൾ ക്ഷണിച്ചി​രു​ന്ന​വ​രോട്‌, ‘വരൂ, എല്ലാം തയ്യാറാണ്‌ ’ എന്ന്‌ അറിയി​ച്ചു. എന്നാൽ എല്ലാവ​രും ഒരു​പോ​ലെ ഒഴിക​ഴി​വു​കൾ പറഞ്ഞു​തു​ടങ്ങി. ആദ്യ​ത്തെ​യാൾ അടിമ​യോ​ടു പറഞ്ഞു: ‘ഞാൻ ഒരു വയൽ വാങ്ങി. എനിക്കു പോയി അതൊന്നു കാണണം. എന്നോടു ക്ഷമിക്കൂ.’ മറ്റൊ​രാൾ പറഞ്ഞു: ‘ഞാൻ അഞ്ചു ജോടി കാളയെ വാങ്ങി. അവ എങ്ങനെ​യു​ണ്ടെന്നു നോക്കാൻ പോകു​ക​യാണ്‌. എന്നോടു ക്ഷമിക്കണം.’ വേറൊ​രാൾ പറഞ്ഞു: ‘ഞാൻ കല്യാണം കഴിച്ചതേ ഉള്ളൂ. അതു​കൊണ്ട്‌ എനിക്കു വരാൻ കഴിയില്ല.’”​—ലൂക്കോസ്‌ 14:16-20.

അതൊക്കെ മുടന്തൻ ന്യായ​ങ്ങ​ളാണ്‌! കാരണം വാങ്ങു​ന്ന​തി​നു മുമ്പാണ്‌ സാധാ​ര​ണ​ഗ​തി​യിൽ വയൽ കാണാ​നും മൃഗങ്ങളെ നോക്കാ​നും ഒക്കെ പോകു​ന്നത്‌. വാങ്ങി​ച്ച​തി​നു ശേഷം അത്ര തിരക്കു​കൂ​ട്ടി അതു നോക്കാൻ പോ​കേ​ണ്ട​തില്ല. ഇനി, മൂന്നാ​മത്തെ ആളാ​ണെ​ങ്കിൽ കല്യാണം കഴിക്കാൻ ഒരുങ്ങു​കയല്ല, ഇപ്പോൾത്തന്നെ വിവാ​ഹി​ത​നാണ്‌. അതു​കൊണ്ട്‌ ഈ പ്രധാ​ന​പ്പെട്ട ക്ഷണം സ്വീക​രി​ക്കു​ന്ന​തിൽനിന്ന്‌ അത്‌ അയാളെ തടയരു​താ​ത്ത​താണ്‌. ഈ ഒഴിക​ഴി​വു​കൾ കേട്ട്‌ യജമാനൻ ദേഷ്യ​ത്തോ​ടെ അടിമ​യോ​ടു പറയുന്നു:

“വേഗം ചെന്ന്‌ നഗരത്തി​ലെ പ്രധാ​ന​തെ​രു​വു​ക​ളി​ലും ഇടവഴി​ക​ളി​ലും കാണുന്ന ദരി​ദ്ര​രെ​യും വികലാം​ഗ​രെ​യും അന്ധരെ​യും മുടന്ത​രെ​യും കൂട്ടി​ക്കൊ​ണ്ടു​വരൂ.” അടിമ അങ്ങനെ ചെയ്‌ത​തി​നു ശേഷവും സ്ഥലം ബാക്കി​യുണ്ട്‌. അപ്പോൾ യജമാനൻ അടിമ​യോ​ടു പറയുന്നു: “തെരു​വു​ക​ളി​ലും ഊടു​വ​ഴി​ക​ളി​ലും ചെന്ന്‌ കാണു​ന്ന​വ​രെ​യെ​ല്ലാം വരാൻ നിർബ​ന്ധി​ക്കുക. എന്റെ വീട്‌ ആളുക​ളെ​ക്കൊണ്ട്‌ നിറയട്ടെ. ഞാൻ നിങ്ങ​ളോ​ടു പറയുന്നു: ഞാൻ ക്ഷണിച്ചവർ ആരും എന്റെ അത്താഴ​വി​രുന്ന്‌ ആസ്വദി​ക്കില്ല.”​—ലൂക്കോസ്‌ 14:21-24.

യേശു ഇപ്പോൾ പറഞ്ഞ കാര്യം, സ്വർഗ​രാ​ജ്യ​ത്തി​നു​വേ​ണ്ടി​യു​ള്ള​വരെ ദൈവ​മായ യഹോവ യേശു​ക്രിസ്‌തു​വി​ലൂ​ടെ ക്ഷണിക്കു​ന്ന​തി​നെ നന്നായി ഉദാഹ​രി​ക്കു​ന്നു. ജൂതന്മാർക്കാ​യി​രു​ന്നു ആദ്യക്ഷണം, പ്രത്യേ​കിച്ച്‌ മതനേ​താ​ക്ക​ന്മാർക്ക്‌.  പക്ഷേ യേശു ശുശ്രൂഷ ചെയ്‌ത കാല​ത്തെ​ല്ലാം അവരിൽ മിക്കവ​രും ആ ക്ഷണം നിരസി​ച്ചു. എന്നാൽ അവർക്കു മാത്രമല്ല ഈ ക്ഷണം വെച്ചു​നീ​ട്ടി​യത്‌. ഭാവി​യിൽ രണ്ടാമത്തെ ക്ഷണം, താഴേ​ക്കി​ട​യി​ലുള്ള ജൂതന്മാർക്കും ജൂതമതം സ്വീക​രി​ച്ച​വർക്കും വെച്ചു​നീ​ട്ടു​മെ​ന്നാ​ണു യേശു ഇവിടെ വ്യക്തമാ​ക്കു​ന്നത്‌. അതിനു ശേഷം മൂന്നാ​മ​ത്തേ​തും അവസാ​ന​ത്തേ​തും ആയ ക്ഷണം നൽകുന്നു. ദൈവ​മു​മ്പാ​കെ ജൂതന്മാർ വില​കെ​ട്ട​വ​രാ​യി കണ്ടിരു​ന്ന​വർക്കാ​യി​രു​ന്നു ഈ ക്ഷണം.​—പ്രവൃ​ത്തി​കൾ 10:28-48.

യേശു പറഞ്ഞ കാര്യം, അവി​ടെ​യു​ണ്ടാ​യി​രുന്ന അതിഥി​ക​ളിൽ ഒരാളു​ടെ വാക്കുകൾ എത്ര ശരിയാ​ണെന്നു വ്യക്തമാ​ക്കു​ന്നു: “ദൈവ​രാ​ജ്യ​ത്തിൽ വിരു​ന്നിന്‌ ഇരിക്കു​ന്നവൻ സന്തുഷ്ടൻ!”