പാഠം 2
സാധാരണ സംസാരിക്കുന്നതുപോലെ
2 കൊരിന്ത്യർ 2:17
ചുരുക്കം: സ്വാഭാവികശൈലിയിൽ, ആത്മാർഥതയോടെ സംസാരിക്കുക. പറയുന്ന വിഷയത്തിലും കേൾവിക്കാരിലും നിങ്ങൾക്കു താത്പര്യമുണ്ടെന്ന് അതു തെളിയിക്കും.
എങ്ങനെ ചെയ്യാം:
-
പ്രാർഥനയോടെ നന്നായി തയ്യാറാകുക. തയ്യാറാകുമ്പോൾ ദൈവത്തോടു പ്രാർഥിക്കുക. പേടി തോന്നിയാൽപ്പോലും അതിൽ ശ്രദ്ധിക്കാതെ സന്ദേശത്തിൽ ശ്രദ്ധിച്ചുകൊണ്ട് സംസാരിക്കാൻ സഹായിക്കണമെന്ന് അപേക്ഷിക്കുക. പറയാൻപോകുന്ന പ്രധാന പോയിന്റുകളെക്കുറിച്ച് നിങ്ങളുടെ മനസ്സിൽ വ്യക്തമായ ധാരണയുണ്ടായിരിക്കണം. മനസ്സിലുള്ള വിവരങ്ങൾ സ്വന്തം വാക്കുകളിൽ പറയുക; അച്ചടിച്ച വിവരങ്ങൾ കാണാപ്പാഠം പഠിച്ച് അതേപടി പറയരുത്.
-
ഹൃദയത്തിൽനിന്ന് സംസാരിക്കുക. നിങ്ങൾക്കു പറയാനുള്ള കാര്യങ്ങൾ ആളുകൾ കേൾക്കേണ്ടതിന്റെ പ്രാധാന്യത്തെക്കുറിച്ച് ചിന്തിക്കുക. അതിലായിരിക്കണം നിങ്ങളുടെ മുഖ്യശ്രദ്ധ. അപ്പോൾ, നിങ്ങളുടെ ശരീരനിലയിലും ആംഗ്യങ്ങളിലും മുഖഭാവങ്ങളിലും, ആത്മാർഥതയും സൗഹൃദഭാവവും തെളിഞ്ഞുനിൽക്കും.
-
കേൾവിക്കാരെ നോക്കി സംസാരിക്കുക. ആളുകളുടെ കണ്ണിൽ നോക്കി സംസാരിക്കുക. എന്നാൽ അവർക്ക് അസ്വസ്ഥത തോന്നുന്ന രീതിയിൽ നോക്കരുത്. ഒരു പ്രസംഗം നടത്തുമ്പോൾ സദസ്സിന്റെ ഒരറ്റംമുതൽ മറ്റേ അറ്റംവരെ വെറുതേ കണ്ണോടിക്കുന്നതിനു പകരം വ്യക്തികളുടെ മുഖത്ത് നോക്കി സംസാരിക്കുക.