ലക്ഷക്കണ​ക്കിന്‌ ക്രിസ്‌ത്യാ​നി​കൾ ക്രിസ്‌തു​മസ്സ്‌ ആഘോ​ഷി​ക്കു​ന്നില്ല. ക്രിസ്‌തു​മസ്സ്‌ ആഘോ​ഷി​ക്കാ​ത്തത്‌ ഒരു നഷ്ടമായി അവർക്ക്‌ തോന്നു​ന്നു​ണ്ടോ? അവരുടെ കുട്ടി​കൾക്ക്‌ അതു​കൊണ്ട്‌ വിഷമ​മു​ണ്ടോ? ലോക​മെ​ങ്ങു​മുള്ള യഹോ​വ​യു​ടെ സാക്ഷികൾ ഈ വിഷയ​ത്തെ​ക്കു​റിച്ച്‌ എന്താണ്‌ പറയു​ന്ന​തെന്നു നോക്കാം.

യേശു​ക്രി​സ്‌തു​വി​നെ ഓർമി​ക്കു​ന്നത്‌: “യഹോ​വ​യു​ടെ സാക്ഷി​ക​ളിൽ ഒരാൾ ആകുന്ന​തി​നു മുമ്പ്‌ ഞാൻ പള്ളിയി​ലൊ​ന്നും അങ്ങനെ പോയി​രു​ന്നില്ല. ക്രിസ്‌തു​മ​സ്സി​നോ ഈസ്റ്ററി​നോ വല്ലതും പോയാ​ലാ​യി. ഇനി പോയാൽത്തന്നെ യേശു​ക്രി​സ്‌തു​വി​നെ കുറി​ച്ചൊ​ന്നും ഞാൻ ചിന്തി​ച്ചി​രു​ന്നില്ല. ഇപ്പോൾ ഞാൻ ക്രിസ്‌തു​മസ്സ്‌ ആഘോ​ഷി​ക്കാ​റില്ല. പക്ഷേ ആഴ്‌ച​യിൽ രണ്ടു ദിവസം ക്രിസ്‌തീ​യ​യോ​ഗ​ങ്ങൾക്കു പോകു​ന്നുണ്ട്‌. യേശു​വി​നെ കുറിച്ച്‌ ബൈബിൾ പറയുന്ന കാര്യങ്ങൾ മറ്റുള്ള​വരെ പഠിപ്പി​ക്കു​ക​യും ചെയ്യുന്നു!”—ഈവ്‌, ഓസ്‌​ട്രേ​ലിയ.

സമ്മാനങ്ങൾ കൊടു​ക്കു​ന്ന​തി​ന്റെ സന്തോഷം: “ഒട്ടും പ്രതീ​ക്ഷി​ക്കാ​ത്ത​പ്പോൾ സർ​പ്രൈസ്‌ ആയിട്ട്‌ എന്തെങ്കി​ലും സമ്മാനങ്ങൾ കിട്ടു​ന്നത്‌ എനിക്ക്‌ എന്തിഷ്ട​മാ​ണെ​ന്നോ! മറ്റുള്ള​വർക്ക്‌ എന്തെങ്കി​ലു​മൊ​ക്കെ കൊടു​ക്കു​ന്ന​തും എനിക്കി​ഷ്ട​മാണ്‌, അവർക്കു​വേണ്ടി കാർഡു​കൾ ഉണ്ടാക്കു​ക​യോ പടങ്ങൾ വരയ്‌ക്കു​ക​യോ ഒക്കെ ചെയ്യു​ന്നത്‌. അപ്പോൾ അവർക്കും സന്തോ​ഷ​മാ​കും, എനിക്കും സന്തോഷം കിട്ടും.”—രൂബേൻ, ഉത്തര അയർലൻഡ്‌.

മറ്റുള്ള​വരെ സഹായി​ക്കു​ന്നത്‌: “സുഖമി​ല്ലാ​തി​രി​ക്കു​ന്ന​വർക്കു​വേണ്ടി ഭക്ഷണം ഉണ്ടാക്കി കൊടു​ക്കു​ന്നത്‌ ഞങ്ങൾക്ക്‌ വലിയ സന്തോ​ഷ​മാണ്‌. ഇനി ചില​പ്പോ​ഴൊ​ക്കെ ഒരു കേക്കോ പൂക്കളോ അല്ലെങ്കിൽ അവരെ സന്തോ​ഷി​പ്പി​ക്കാൻ ചെറിയ ഒരു ഗിഫ്‌റ്റോ ഒക്കെ ഞങ്ങൾ കൊടു​ക്കും. വർഷത്തിൽ എപ്പോൾ വേണ​മെ​ങ്കി​ലും ഇങ്ങനെ​യൊ​ക്കെ ചെയ്യാൻ കഴിയു​മ​ല്ലോ, അതു രസമാണ്‌.”—എമിലി, ഓസ്‌​ട്രേ​ലിയ.

കുടും​ബാം​ഗ​ങ്ങ​ളു​മാ​യി ഒത്തുകൂ​ടു​ന്നത്‌: “വീട്ടി​ലെ​ല്ലാ​വ​രും കൂടി ഒരുമി​ച്ചു​കൂ​ടു​മ്പോൾ ഞങ്ങളുടെ മക്കൾക്ക്‌ അവരുടെ അങ്കിൾമാ​രെ​യും ആന്റിമാ​രെ​യും കസിൻസി​നെ​യും ഒക്കെ നന്നായി അടുത്ത​റി​യാൻ കഴിയു​ന്നു. അതിനു​വേണ്ടി പ്രത്യേ​കം ഒരു അവധി ദിവസം നോ​ക്കേ​ണ്ടാ​ത്തത്‌ ഞങ്ങൾക്ക്‌ വലിയ ഒരു സൗകര്യ​മാണ്‌. ഞങ്ങളുടെ വീട്ടു​കാ​രോ​ടുള്ള സ്‌നേഹം കാരണ​മാണ്‌ അവരെ ചെന്നു കാണു​ന്ന​തെന്ന്‌ അവർക്ക​റി​യാം.”—വെൻഡി, കേയ്‌മൻ ദ്വീപുകൾ.

സമാധാ​നം: “ക്രിസ്‌തു​മ​സ്സി​ന്റെ സമയത്ത്‌ ആകെ​യൊ​രു തിരക്കാണ്‌. അതിനി​ട​യ്‌ക്ക്‌ സമാധാ​ന​ത്തെ​ക്കു​റിച്ച്‌ ആരും​തന്നെ ചിന്തി​ക്കു​മെന്ന്‌ എനിക്കു തോന്നു​ന്നില്ല. മനുഷ്യ​രു​ടെ ഭാവി​യെ​ക്കു​റിച്ച്‌ ബൈബി​ളിൽ പറയുന്ന കാര്യങ്ങൾ പഠിച്ചത്‌ എനിക്കു വലിയ സമാധാ​നം തന്നു. എന്റെ മക്കൾക്ക്‌ നല്ലൊരു ഭാവി​യു​ണ്ടെന്ന്‌ എനിക്ക്‌ ഇപ്പോൾ അറിയാം.”—സാൻഡ്ര, സ്‌പെയിൻ.