നിങ്ങൾ നി​കു​തി അടയ്‌ക്ക​ണോ?

നികുതി അടയ്‌ക്കാൻ ആളുകൾക്കു പൊതു​വേ താത്‌പ​ര്യ​മില്ല. തങ്ങൾ കൊടു​ക്കുന്ന നികു​തി​പ്പണം ഗവൺമെ​ന്റി​ന്റെ കഴിവി​ല്ലാ​യ്‌മ​യും ദുരു​പ​യോ​ഗ​വും വഞ്ചനയും ഒക്കെ കാരണം പാഴാ​യി​പ്പോ​കു​ന്ന​താ​യി പലരും കരുതു​ന്നു. മറ്റു ചിലർ നികുതി കൊടു​ക്കു​ന്ന​തി​നെ എതിർക്കു​ന്നതു നികു​തി​പ്പണം അന്യാ​യ​മായ കാര്യ​ങ്ങൾക്കു​വേണ്ടി ഉപയോ​ഗി​ക്കു​ന്ന​തു​കൊ​ണ്ടാണ്‌. തങ്ങൾ നികുതി കൊടു​ക്കാ​ത്ത​തി​ന്റെ കാരണം വിശദീ​ക​രി​ച്ചു​കൊണ്ട്‌ പശ്ചി​മേ​ഷ്യ​യിൽ താമസി​ക്കുന്ന ഒരാൾ ഇങ്ങനെ പറഞ്ഞു: “ഞങ്ങളുടെ മക്കളെ കൊല്ലാ​നുള്ള വെടി​യു​ണ്ടകൾ വാങ്ങാ​നാ​യി ഗവൺമെ​ന്റി​നു ഞങ്ങൾ പണം കൊടു​ക്കില്ല.”

ഇതു​പോ​ലെ​യു​ള്ള ചിന്തകൾ മറ്റു പലർക്കും ഉണ്ടായി​ട്ടുണ്ട്‌. നികുതി അടയ്‌ക്കാൻ തന്റെ മനസ്സാക്ഷി അനുവ​ദി​ക്കാ​ത്ത​തി​ന്റെ കാരണ​ത്തെ​ക്കു​റിച്ച്‌ ഗാന്ധിജി ഇങ്ങനെ പറഞ്ഞു: “സായു​ധ​സൈ​ന്യ​മുള്ള ഗവൺമെ​ന്റു​കളെ പിന്തു​ണ​യ്‌ക്കുന്ന ഏതൊരു വ്യക്തി​യും നേരി​ട്ടോ അല്ലാ​തെ​യോ അതിന്റെ പാപങ്ങ​ളിൽ പങ്കാളി​യാ​കു​ക​യാണ്‌. നികുതി അടച്ചു​കൊണ്ട്‌ ഗവൺമെ​ന്റി​നെ പിന്തു​ണ​യ്‌ക്കുന്ന ഓരോ​രു​ത്ത​രും അതു പ്രായ​മാ​യ​വ​രോ ചെറു​പ്പ​ക്കാ​രോ ആരായാ​ലും അവരും ഗവൺമെ​ന്റി​ന്റെ പാപങ്ങ​ളിൽ പങ്കു ചേരു​ക​യാണ്‌.”

19-ാം നൂറ്റാ​ണ്ടി​ലെ അമേരി​ക്കൻ തത്ത്വചി​ന്ത​ക​നായ ഹെൻറി ഡേവിഡ്‌ തോ​റോ​യും നികുതി കൊടു​ക്കു​ന്ന​തി​നെ എതിർത്ത​യാ​ളാണ്‌. യുദ്ധത്തെ പിന്തു​ണ​യ്‌ക്കാൻ നികു​തി​പ്പണം ഉപയോ​ഗി​ക്കു​ന്ന​തു​കൊ​ണ്ടാണ്‌ അദ്ദേഹ​ത്തി​ന്റെ മനസ്സാക്ഷി അതിന്‌ അനുവ​ദി​ക്കാ​തി​രു​ന്നത്‌. അദ്ദേഹം ഇങ്ങനെ ചോദി​ച്ചു: “ഒരു പൗരൻ തന്റെ മനസ്സാക്ഷി തത്‌കാ​ല​ത്തേ​ക്കാ​ണെ​ങ്കി​ലും ഭരണാ​ധി​കാ​രി​കൾക്കു മുമ്പിൽ അടിയ​റവ്‌ വെക്കേ​ണ്ട​തു​ണ്ടോ? അങ്ങനെ​യാ​ണെ​ങ്കിൽപ്പി​ന്നെ ഓരോ​രു​ത്തർക്കും എന്തിനാ​ണു മനസ്സാക്ഷി?”

ഇതു ക്രിസ്‌ത്യാ​നി​ക​ളെ​യും ബാധി​ക്കുന്ന ഒരു കാര്യ​മാണ്‌. കാരണം എല്ലാ കാര്യ​ങ്ങ​ളി​ലും ശുദ്ധമായ ഒരു മനസ്സാ​ക്ഷി​യു​ണ്ടാ​യി​രി​ക്ക​ണ​മെന്നു ബൈബിൾ പഠിപ്പി​ക്കു​ന്നു. (2 തിമൊ​ഥെ​യൊസ്‌ 1:3) അതേസ​മയം നികുതി പിരി​ക്കാ​നുള്ള ഗവൺമെ​ന്റു​ക​ളു​ടെ അധികാ​ര​ത്തെ​യും ബൈബിൾ അംഗീ​ക​രി​ക്കു​ന്നു. ബൈബിൾ പറയുന്നു: “എല്ലാവ​രും ഉന്നതാ​ധി​കാ​രി​കൾക്ക്‌ (മനുഷ്യ​ഗ​വൺമെ​ന്റു​കൾക്ക്‌) കീഴ്‌പെ​ട്ടി​രി​ക്കട്ടെ. കാരണം ദൈവ​ത്തിൽനി​ന്ന​ല്ലാ​തെ ഒരു അധികാ​ര​വു​മില്ല. നിലവി​ലുള്ള അധികാ​രി​കളെ അതാതു സ്ഥാനങ്ങ​ളിൽ നിറു​ത്തി​യി​രി​ക്കു​ന്നതു ദൈവ​മാണ്‌. അതു​കൊണ്ട്‌ കീഴ്‌പെ​ട്ടി​രി​ക്കാൻ തക്കതായ കാരണ​മുണ്ട്‌. ക്രോധം പേടി​ച്ചി​ട്ടു മാത്രമല്ല നിങ്ങളു​ടെ മനസ്സാ​ക്ഷി​യെ കരുതി​യും നിങ്ങൾ അങ്ങനെ ചെയ്യണം. നിങ്ങൾ നികുതി കൊടു​ക്കു​ന്ന​തും അതു​കൊ​ണ്ടാണ്‌. അവർ ദൈവ​ത്തി​നു​വേണ്ടി എപ്പോ​ഴും പൊതു​ജ​ന​സേ​വനം ചെയ്യു​ന്ന​വ​രാ​ണ​ല്ലോ. എല്ലാവർക്കും കൊടു​ക്കേ​ണ്ടതു കൊടു​ക്കുക: നികുതി കൊടു​ക്കേ​ണ്ട​വനു നികുതി.”—റോമർ 13:1, 5-7.

ഇക്കാര​ണ​ത്താൽ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ നികുതി അടയ്‌ക്കുന്ന കാര്യ​ത്തിൽ പേരു​കേ​ട്ട​വ​രാ​യി​രു​ന്നു, നികു​തി​പ്പ​ണ​ത്തി​ന്റെ ഏറിയ പങ്കും അക്കാലത്ത്‌ സൈന്യ​ത്തെ പിന്തു​ണ​യ്‌ക്കാൻ ഉപയോ​ഗി​ച്ചി​ട്ടു​പോ​ലും. ഇന്ന്‌ യഹോ​വ​യു​ടെ സാക്ഷി​ക​ളു​ടെ കാര്യ​ത്തി​ലും ഇതു സത്യമാണ്‌. എന്നാൽ ക്രിസ്‌ത്യാ​നി​കൾക്കു പിന്തു​ണ​യ്‌ക്കാൻ പറ്റാത്ത കാര്യ​ങ്ങൾക്കു​പോ​ലും നികു​തി​പ്പണം ഉപയോ​ഗി​ക്കു​മ്പോ​ഴും നമ്മൾ നികുതി അടയ്‌ക്കു​ന്നത്‌ എന്തു​കൊ​ണ്ടാണ്‌? നികുതി അടയ്‌ക്കേണ്ട സാഹച​ര്യ​ങ്ങ​ളിൽ ഒരു ക്രിസ്‌ത്യാ​നി തന്റെ മനസ്സാ​ക്ഷി​യെ അവഗണി​ക്കു​ക​യാ​ണോ?

നികു​തി​യും മനസ്സാ​ക്ഷി​യും

ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ കൊടു​ക്കേ​ണ്ടി​യി​രുന്ന നികു​തി​യു​ടെ വലി​യൊ​രു ഭാഗവും സൈനിക ആവശ്യ​ങ്ങൾക്കു​വേണ്ടി ഉപയോ​ഗി​ച്ചു എന്നതു ശ്രദ്ധേ​യ​മാണ്‌. മനസ്സാ​ക്ഷി​പ​ര​മായ ഈ കാരണ​ത്താ​ലാ​ണു ഗാന്ധി​ജി​യും തോ​റോ​യും നികുതി കൊടു​ക്കു​ന്ന​തി​നെ എതിർത്തത്‌.

റോമർ 13-ാം അധ്യാ​യ​ത്തി​ലെ കല്‌പന ക്രിസ്‌ത്യാ​നി​കൾ അനുസ​രി​ക്കു​ന്നത്‌ ശിക്ഷ ഭയന്നിട്ടു മാത്രമല്ല. അവരുടെ ‘മനസ്സാ​ക്ഷിക്ക്‌’ അനുസ​രി​ച്ചും കൂടെ​യാണ്‌. (റോമർ 13:5) അതെ, തന്റെ മനസ്സാ​ക്ഷി​ക്കു വിരു​ദ്ധ​മായ കാര്യ​ങ്ങൾക്കു​വേണ്ടി നികു​തി​പ്പണം ഉപയോ​ഗി​ക്കു​മ്പോൾപ്പോ​ലും ഒരു ക്രിസ്‌ത്യാ​നി​യു​ടെ മനസ്സാക്ഷി അവനോ​ടു നികുതി കൊടു​ക്കാൻ ആവശ്യ​പ്പെ​ടു​ന്നു. ഇതു നന്നായി മനസ്സി​ലാ​ക്കാൻ നമ്മുടെ മനസ്സാക്ഷി എങ്ങനെ​യാണ്‌ പ്രവർത്തി​ക്കു​ന്ന​തെന്നു തിരി​ച്ച​റി​യണം. നമ്മൾ ചെയ്യു​ന്നത്‌ ശരിയാ​ണോ തെറ്റാ​ണോ എന്ന്‌ നമ്മുടെ ഉള്ളിൽനിന്ന്‌ പറയുന്ന ഒരു ശബ്ദമാണ്‌ അത്‌.

തോറോ അഭി​പ്രാ​യ​പ്പെ​ട്ട​തു​പോ​ലെ എല്ലാവ​രു​ടെ​യും ഉള്ളിൽ അങ്ങനെ​യൊ​രു ശബ്ദമുണ്ട്‌. പക്ഷേ അതിനെ എപ്പോ​ഴും ആശ്രയി​ക്കാൻ പറ്റില്ല. ദൈവത്തെ സന്തോ​ഷി​പ്പി​ക്ക​ണ​മെ​ങ്കിൽ നമ്മുടെ മനസ്സാക്ഷി ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യി​ലാ​യി​രി​ക്കണം. ദൈവ​ത്തി​ന്റെ ചിന്തകൾ നമ്മുടെ ചിന്തക​ളെ​ക്കാൾ വളരെ ഉയർന്ന​താ​യ​തു​കൊണ്ട്‌ അതുമാ​യി ചേർന്നു​പോ​കാൻ നമ്മൾ നമ്മുടെ ചിന്താ​രീ​തി​ക്കും മാറ്റം വരുത്തണം. ദൈവം ചിന്തി​ക്കു​ന്ന​തു​പോ​ലെ ചിന്തി​ക്കാൻ നമ്മൾ പഠിക്കു​ക​യും വേണം. (സങ്കീർത്തനം 19:7) അതു​കൊണ്ട്‌ മനുഷ്യ​ഗ​വൺമെ​ന്റു​ക​ളെ​ക്കു​റി​ച്ചുള്ള ദൈവ​ത്തി​ന്റെ കാഴ്‌ച​പ്പാട്‌ എന്താ​ണെന്നു മനസ്സി​ലാ​ക്കു​ന്നത്‌ പ്രധാ​ന​മാണ്‌. അക്കാര്യ​ത്തിൽ ദൈവ​ത്തി​ന്റെ കാഴ്‌ച​പ്പാട്‌ എന്താ​ണെന്നു നമുക്ക്‌ ഇപ്പോൾ നോക്കാം.

അപ്പൊ​സ്‌ത​ല​നാ​യ പൗലോസ്‌ മനുഷ്യ​ഗ​വൺമെ​ന്റു​കളെ ‘പൊതു​ജ​ന​സേ​വകർ’ എന്ന്‌ വിളി​ച്ച​താ​യി നമ്മൾ കണ്ടു. (റോമർ 13:6) എന്തു​കൊ​ണ്ടാണ്‌ അങ്ങനെ പറഞ്ഞത്‌? കാരണം അവർ സമൂഹ​ത്തി​നു​വേണ്ടി വിലപ്പെട്ട സേവനങ്ങൾ ചെയ്യു​ക​യും നിയമം നടപ്പാ​ക്കു​ക​യും ചെയ്യുന്നു. ഏറ്റവും അഴിമതി നിറഞ്ഞ ഗവൺമെ​ന്റു​കൾ പോലും പൊതു​വി​ദ്യാ​ഭ്യാ​സം, തപാൽ വിതരണം, അഗ്നിസു​രക്ഷ, നിയമ​പാ​ലനം തുടങ്ങിയ സേവനങ്ങൾ ചെയ്യുന്നു. ഗവൺമെ​ന്റു​കൾ ചെയ്യുന്ന തെറ്റായ കാര്യ​ങ്ങ​ളെ​ക്കു​റിച്ച്‌ ദൈവ​ത്തിന്‌ അറിയാ​മെ​ങ്കി​ലും കുറച്ചു​കാ​ല​ത്തേക്ക്‌ ആ സ്ഥാനങ്ങ​ളിൽ തുടരാൻ ദൈവം അവരെ അനുവ​ദി​ച്ചി​രി​ക്കു​ന്നു. നമ്മൾ അവരോട്‌ ആദരവ്‌ കാണി​ക്കാ​നും അവർ ആവശ്യ​പ്പെ​ടുന്ന നികുതി അടയ്‌ക്കാ​നും ദൈവം ആഗ്രഹി​ക്കു​ന്നു.

എന്നാൽ ഇനി വളരെ കുറച്ചു​കാ​ലം​കൂ​ടി മാത്രമേ നമ്മളെ ഭരിക്കാൻ ദൈവം മനുഷ്യ​ഗ​വൺമെ​ന്റു​കളെ അനുവ​ദി​ക്കു​ക​യു​ള്ളൂ. മനുഷ്യ​ഗ​വൺമെ​ന്റു​കൾക്കു പകരം ദൈവ​ത്തി​ന്റെ സ്വർഗീ​യ​ഗ​വൺമെന്റ്‌ ഭരണം ഏറ്റെടു​ക്കും. അതിലൂ​ടെ നൂറ്റാ​ണ്ടു​ക​ളാ​യി മനുഷ്യ​ഗ​വൺമെ​ന്റു​കൾ വരുത്തി​വെച്ച എല്ലാ കേടു​പാ​ടു​ക​ളും ഇല്ലാതാ​ക്കുക എന്നതാണു ദൈവ​ത്തി​ന്റെ ഉദ്ദേശ്യം. (ദാനി​യേൽ 2:44; മത്തായി 6:10) ആ സമയം വരെ നികുതി അടയ്‌ക്കാ​തി​രു​ന്നു​കൊ​ണ്ടോ മറ്റേ​തെ​ങ്കി​ലും രീതി​യി​ലോ നമ്മൾ ഗവൺമെ​ന്റി​നെ അനുസ​രി​ക്കാ​തി​രി​ക്കാൻ ദൈവം പ്രതീ​ക്ഷി​ക്കു​ന്നില്ല.

നികു​തി​പ്പ​ണം യുദ്ധത്തെ പിന്തു​ണ​യ്‌ക്കാൻ ഉപയോ​ഗി​ക്കു​ന്ന​തു​കൊണ്ട്‌ നികുതി അടയ്‌ക്കു​ന്നതു പാപമാ​ണെന്നു ഗാന്ധി​ജി​യെ​പ്പോ​ലെ നിങ്ങൾക്കും തോന്നു​ന്നു​ണ്ടോ? ഒരു മാനു​ഷിക കാഴ്‌ച​പ്പാ​ടിൽ നോക്കു​മ്പോൾ നമുക്ക്‌ അങ്ങനെ തോന്നി​യേ​ക്കാം. ഒരു കുന്നിൻ മുകളിൽനിന്ന്‌ ഒരു പ്രദേശം നോക്കുന്ന വ്യക്തിക്ക്‌ താഴെ​നിന്ന്‌ നോക്കു​ന്ന​തി​നെ​ക്കാൾ കൂടുതൽ വ്യക്തവും വിശാ​ല​വു​മാ​യി ആ സ്ഥലം കാണാൻ കഴിയും. അതു​പോ​ലെ ദൈവ​ത്തി​ന്റെ വീക്ഷണം നമ്മുടെ വീക്ഷണ​ത്തെ​ക്കാൾ എത്ര ഉയർന്ന​താ​ണെന്നു ചിന്തി​ക്കു​ന്നതു നമ്മുടെ ചിന്തകൾക്കു വേണ്ട മാറ്റം വരുത്താൻ നമ്മളെ സഹായി​ക്കും. യശയ്യ പ്രവാ​ച​ക​നി​ലൂ​ടെ ദൈവം ഇങ്ങനെ പറഞ്ഞു: “ആകാശം ഭൂമി​യെ​ക്കാൾ ഉയർന്നി​രി​ക്കു​ന്ന​തു​പോ​ലെ, എന്റെ വഴികൾ നിങ്ങളു​ടെ വഴിക​ളെ​ക്കാ​ളും എന്റെ ചിന്തകൾ നിങ്ങളു​ടെ ചിന്തക​ളെ​ക്കാ​ളും ഉയർന്നി​രി​ക്കു​ന്നു.”—യശയ്യ 55:8, 9.

എത്ര​ത്തോ​ളം അധികാ​ര​മുണ്ട്‌?

നികുതി അടയ്‌ക്കണം എന്നു ബൈബിൾ പറയു​ന്നു​ണ്ടെ​ങ്കി​ലും നമ്മുടെ എല്ലാ കാര്യ​ത്തി​ലും മനുഷ്യ​ഗ​വൺമെ​ന്റു​കൾക്ക്‌ അധികാ​ര​മു​ണ്ടെന്ന്‌ അതിന്‌ അർഥമില്ല. ഈ ഗവൺമെ​ന്റു​കൾക്കു ദൈവം പരിമി​ത​മായ അധികാ​രമേ നൽകി​യി​ട്ടു​ള്ളൂ എന്ന്‌ യേശു പഠിപ്പി​ച്ചു. യേശു​വി​ന്റെ കാലത്ത്‌ ഭരിച്ചി​രുന്ന റോമൻ ഗവൺമെ​ന്റി​നു നികുതി കൊടു​ക്കു​ന്നതു ശരിയാ​ണോ എന്ന്‌ ഒരാൾ ചോദി​ച്ച​പ്പോൾ യേശു ശ്രദ്ധേ​യ​മായ ഈ മറുപടി നൽകി: “സീസർക്കു​ള്ളതു സീസർക്കും ദൈവ​ത്തി​നു​ള്ളതു ദൈവ​ത്തി​നും കൊടു​ക്കുക.”—മർക്കോസ്‌ 12:13-17.

“സീസർ” അതായത്‌ ഗവൺമെ​ന്റു​കൾ പണം അച്ചടി​ക്കു​ക​യും അതിന്റെ മൂല്യം നിശ്ചയി​ക്കു​ക​യും ചെയ്യുന്നു. അതു​കൊണ്ട്‌ നികു​തി​യു​ടെ രൂപത്തിൽ അതു തിരികെ ചോദി​ക്കാൻ ഗവൺമെ​ന്റു​കൾക്ക്‌ അവകാശം ഉണ്ടെന്നാ​ണു ദൈവം പറയു​ന്നത്‌. എന്നാൽ യേശു പറഞ്ഞതു​പോ​ലെ “ദൈവ​ത്തി​നു​ള്ളത്‌” അതായത്‌ നമ്മുടെ ജീവി​ത​വും ആരാധ​ന​യും ഒരു മാനു​ഷി​ക​ഗ​വൺമെ​ന്റി​നും അവകാ​ശ​പ്പെ​ടാൻ കഴിയു​ന്നതല്ല. ഗവൺമെ​ന്റി​ന്റെ നിയമങ്ങൾ ദൈവ​ത്തി​ന്റെ നിയമ​ങ്ങൾക്ക്‌ എതിരാ​യി വരു​മ്പോൾ ക്രിസ്‌ത്യാ​നി​കൾ “മനുഷ്യ​രെയല്ല, ദൈവ​ത്തെ​യാണ്‌ അനുസ​രി​ക്കേ​ണ്ടത്‌.”—പ്രവൃ​ത്തി​കൾ 5:29.

തങ്ങളുടെ നികു​തി​പ്പണം എങ്ങനെ​യാ​ണു ചെലവ​ഴി​ക്കു​ന്ന​തെന്നു ചിന്തി​ക്കു​മ്പോൾ ഇന്നു നമ്മൾ അസ്വസ്ഥ​രാ​കാൻ സാധ്യ​ത​യുണ്ട്‌. എങ്കിലും നികുതി അടയ്‌ക്കാ​തി​രി​ക്കു​ന്ന​തി​ലൂ​ടെ​യോ ഗവൺമെ​ന്റി​ന്റെ തീരു​മാ​ന​ങ്ങളെ ചോദ്യം ചെയ്യു​ന്ന​തി​ലൂ​ടെ​യോ നമ്മൾ ഗവൺമെ​ന്റു​കൾക്കെ​തി​രെ പ്രവർത്തി​ക്കു​ന്നില്ല. യേശു ഒരിക്കൽ ഇങ്ങനെ പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല.” (യോഹ​ന്നാൻ 18:36) ഗവൺമെ​ന്റു​കൾക്കെ​തി​രെ നമ്മൾ പ്രവർത്തി​ച്ചാൽ മനുഷ്യ​രു​ടെ പ്രശ്‌ന​ങ്ങൾക്കുള്ള ദൈവ​ത്തി​ന്റെ പരിഹാ​ര​ത്തിൽ വിശ്വാ​സ​മി​ല്ലെന്നു കാണി​ക്കു​ക​യാ​യി​രി​ക്കും. പകരം ദൈവം തന്റെ പുത്ര​നായ യേശു​വി​ന്റെ ഭരണത്തി​ലൂ​ടെ മനുഷ്യ​രു​ടെ പ്രശ്‌ന​ങ്ങ​ളിൽ ഇടപെ​ടുന്ന സമയത്തി​നാ​യി നമ്മൾ ക്ഷമയോ​ടെ കാത്തി​രി​ക്കും.

ബൈബിൾ പറയു​ന്നത്‌ അനുസ​രി​ക്കു​ന്ന​തു​കൊ​ണ്ടുള്ള പ്രയോ​ജ​നം

നികുതി അടയ്‌ക്കു​ന്ന​തി​നെ​ക്കു​റിച്ച്‌ ബൈബിൾ പറയു​ന്നത്‌ അനുസ​രി​ച്ചാൽ നമുക്ക്‌ ഒരുപാ​ടു പ്രയോ​ജ​ന​ങ്ങ​ളുണ്ട്‌. നിയമം ലംഘി​ക്കു​ന്ന​വർക്കുള്ള ശിക്ഷയിൽനി​ന്നും പിടി​ക്ക​പ്പെ​ടു​മോ എന്ന ഭയത്തിൽനി​ന്നും നമുക്ക്‌ ഒഴിവു​ള്ള​വ​രാ​യി​രി​ക്കാം. (റോമർ 13:3-5) ഏറ്റവും പ്രധാ​ന​മാ​യി നിയമം അനുസ​രി​ക്കു​ന്ന​തി​ലൂ​ടെ ദൈവ​ത്തി​ന്റെ മുന്നിൽ ഒരു ശുദ്ധമായ മനസ്സാ​ക്ഷി​യു​ണ്ടാ​യി​രി​ക്കാൻ കഴിയും. നികുതി കൊടു​ക്കാ​തി​രി​ക്കു​ക​യോ കുറച്ച്‌ കാണി​ക്കു​ക​യോ ഒക്കെ ചെയ്യു​ന്ന​വരെ അപേക്ഷിച്ച്‌ നമുക്ക്‌ കുറച്ച്‌ സാമ്പത്തി​ക​ന​ഷ്ട​മൊ​ക്കെ ഉണ്ടാ​യേ​ക്കാം. എന്നാൽ തന്നിൽ ആശ്രയി​ക്കുന്ന തന്റെ വിശ്വ​സ്‌ത​ദാ​സ​ന്മാ​രെ ദൈവം പരിപാ​ലി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാം. ബൈബി​ളി​ന്റെ ഒരു എഴുത്തു​കാ​ര​നായ ദാവീദ്‌ ഇങ്ങനെ പറഞ്ഞു: “ഞാൻ ഒരിക്കൽ ചെറു​പ്പ​മാ​യി​രു​ന്നു, ഇപ്പോ​ഴോ പ്രായം ചെന്നി​രി​ക്കു​ന്നു; എന്നാൽ, ഒരു നീതി​മാൻപോ​ലും ഉപേക്ഷി​ക്ക​പ്പെ​ട്ട​താ​യോ അവന്റെ മക്കൾ ആഹാരം ഇരക്കു​ന്ന​താ​യോ ഇതുവരെ കണ്ടിട്ടില്ല.”—സങ്കീർത്തനം 37:25.

ഇനി, നികുതി അടയ്‌ക്കാ​നുള്ള ബൈബി​ളി​ന്റെ കല്‌പന അനുസ​രി​ക്കു​ന്ന​തി​ലൂ​ടെ നമുക്കു മനസ്സമാ​ധാ​ന​വും കിട്ടും. നിങ്ങൾ കൊടു​ക്കുന്ന നികു​തി​പ്പണം ഉപയോ​ഗിച്ച്‌ ഗവൺമെന്റ്‌ എന്തു ചെയ്യുന്നു എന്നതിനു ദൈവം നിങ്ങളെ ഉത്തരവാ​ദി​യാ​ക്കു​ന്നില്ല. നിങ്ങൾ കൊടു​ക്കുന്ന വാടക ഉപയോ​ഗിച്ച്‌ വീട്ടുടമ എന്തു ചെയ്യുന്നു എന്നതിന്‌ നിങ്ങൾ ഉത്തരവാ​ദി​യ​ല്ലാ​ത്ത​തു​പോ​ലെ തന്നെ. ബൈബിൾ പഠിക്കു​ന്ന​തി​നു മുമ്പ്‌ തങ്ങളുടെ നാട്ടിൽ ഭരണമാ​റ്റ​ത്തി​നു​വേണ്ടി വർഷങ്ങ​ളോ​ളം ശ്രമി​ച്ച​യാ​ളാ​ണു ദക്ഷിണ യൂറോ​പ്പിൽനി​ന്നുള്ള സ്റ്റെൽവി​യോ. ആ ശ്രമം ഉപേക്ഷി​ച്ച​തി​നെ​ക്കു​റിച്ച്‌ അദ്ദേഹം ഇങ്ങനെ​യാ​ണു പറഞ്ഞത്‌: “ലോകത്ത്‌ നീതി​യും സമാധാ​ന​വും സാഹോ​ദ​ര്യ​വും കൊണ്ടു​വ​രാൻ മനുഷ്യ​ഗ​വൺമെ​ന്റു​കൾക്കു സാധി​ക്കു​ക​യി​ല്ലെന്ന്‌ എനിക്ക്‌ അംഗീ​ക​രി​ക്കേണ്ടി വന്നു. ഇപ്പോൾ ഉള്ളതിൽനിന്ന്‌ വ്യത്യ​സ്‌ത​മായ, മെച്ചപ്പെട്ട ഒരു സാമൂ​ഹിക അന്തരീക്ഷം ദൈവ​രാ​ജ്യ​ത്തിൽ മാത്രമേ സാധ്യ​മാ​കു​ക​യു​ള്ളൂ.”

സ്റ്റെൽവി​യോ​യെ​പ്പോ​ലെ ‘ദൈവ​ത്തി​നു​ള്ളതു ദൈവ​ത്തിന്‌’ കൊടു​ക്കു​ന്നെ​ങ്കിൽ നിങ്ങൾക്കും നീതി കളിയാ​ടുന്ന ആ രാജ്യ​ത്താ​യി​രി​ക്കാൻ കഴിയും. അതെ, മനുഷ്യ​ഭ​രണം വരുത്തി​വെച്ച കേടു​പാ​ടു​ക​ളും അനീതി​യും എല്ലാം ഇല്ലാതാ​ക്കുന്ന ദൈവ​ത്തി​ന്റെ നീതി​യുള്ള ഗവൺമെന്റ്‌ മുഴു​ഭൂ​മി​യെ​യും ഭരിക്കു​ന്നതു കാണാൻ നിങ്ങളും അവിടെ ഉണ്ടായി​രി​ക്കും.

[ആകർഷകവാക്യം]

ദൈവത്തിന്റെ ചിന്തകൾ നമ്മുടെ ചിന്തക​ളെ​ക്കാൾ വളരെ ഉയർന്ന​താ​യ​തു​കൊണ്ട്‌ അതുമാ​യി ചേർന്നു​പോ​കാൻ നമ്മൾ നമ്മുടെ ചിന്താ​രീ​തി​ക്കു മാറ്റം വരുത്തണം

[ആകർഷകവാക്യം]

എല്ലാ നികു​തി​യും കൊടു​ക്കു​ന്ന​തി​ലൂ​ടെ ക്രിസ്‌ത്യാ​നി​കൾക്കു ദൈവ​മു​മ്പാ​കെ നല്ല ഒരു മനസ്സാക്ഷി ഉണ്ടായി​രി​ക്കാ​നാ​കും. തങ്ങളുടെ എല്ലാ ആവശ്യ​ങ്ങ​ളും ദൈവം നടത്തി​ത്ത​രു​മെന്ന ബോധ്യ​വും അവർക്കുണ്ട്‌

[ചിത്രങ്ങൾ]

“സീസർക്കു​ള്ളതു സീസർക്കും ദൈവ​ത്തി​നു​ള്ളതു ദൈവ​ത്തി​നും കൊടു​ക്കുക.”

[കടപ്പാട്‌]

Copyright British Museum