1, 2. എങ്ങനെ​യു​ള്ളൊ​രു വേശ്യ​യോ​ടാ​ണു നമുക്ക്‌ അങ്ങേയറ്റം അറപ്പു തോന്നു​ന്നത്‌?

 വേശ്യ​യാ​യി​ത്തീർന്ന ഒരാളെ കാണു​ന്നതു ശരിക്കും വേദനി​പ്പി​ക്കുന്ന ഒരു അനുഭ​വ​മാണ്‌. ഇത്ര മോശ​മായ ജീവി​ത​ത്തി​ലേക്ക്‌ ആ വ്യക്തിയെ തള്ളിവി​ട്ടത്‌ എന്താ​ണെന്നു നമ്മൾ ചിന്തി​ച്ചേ​ക്കാം. കുടും​ബ​ത്തിൽനി​ന്നുള്ള ഉപദ്ര​വ​വും പീഡന​വും കാരണം നിൽക്ക​ക്ക​ള്ളി​യി​ല്ലാ​തെ​യാ​ണോ അവൾക്ക്‌ ഇത്ര ചെറു​പ്രാ​യ​ത്തി​ലേ തെരു​വി​ലേക്ക്‌ ഇറങ്ങേ​ണ്ടി​വ​ന്നത്‌? അതോ പട്ടിണി സഹിക്ക​വ​യ്യാ​തെ ഒടുവിൽ അവൾക്കു സ്വയം വിൽക്കേ​ണ്ടി​വ​ന്ന​താ​ണോ? ഇനി, അവൾ നിർദ​യ​നായ ഭർത്താ​വി​ന്റെ ക്രൂര​ത​യിൽനിന്ന്‌ ഓടി​ര​ക്ഷ​പ്പെ​ട്ട​താ​ണോ? ഈ ദുഷ്ട​ലോ​ക​ത്തിൽ ഇത്തരം കദനക​ഥകൾ ഒട്ടും വിരളമല്ല. അതു​കൊ​ണ്ടു​തന്നെ യേശു​ക്രിസ്‌തു വേശ്യ​മാ​രായ ചില സ്‌ത്രീ​ക​ളോ​ടു പലപ്പോ​ഴും വളരെ കരുണ​യോ​ടെ ഇടപെട്ടു. പശ്ചാത്ത​പിച്ച്‌ തങ്ങളുടെ ജീവി​ത​രീ​തി​ക്കു മാറ്റം വരുത്തു​ന്ന​വർക്ക്‌ ഒരു നല്ല ഭാവി പ്രതീ​ക്ഷി​ക്കാ​മെന്നു യേശു ഊന്നി​പ്പ​റഞ്ഞു.​—മത്താ. 21:28-32; ലൂക്കോ. 7:36-50.

² എന്നാൽ നമുക്ക്‌ ഇപ്പോൾ മറ്റൊരു വേശ്യാസ്‌ത്രീ​യെ​ക്കു​റിച്ച്‌ ചിന്തി​ക്കാം. അവൾ ആ ജീവി​ത​രീ​തി മനഃപൂർവം തിര​ഞ്ഞെ​ടു​ത്ത​താണ്‌. ഇതൊരു മോശ​മായ ജീവി​ത​മാ​ണെന്ന്‌ അവൾക്കു തോന്നു​ന്നതേ ഇല്ല. താൻ വിജയി​ച്ചു എന്നൊരു ഭാവമാണ്‌ അവൾക്ക്‌! ഈ തൊഴി​ലിൽനിന്ന്‌ കിട്ടുന്ന പണത്തോ​ടും സ്വാധീ​ന​ത്തോ​ടും അവൾക്ക്‌ അത്യാർത്തി​യാണ്‌. ഇനി സ്‌നേ​ഹ​മുള്ള, വിശ്വസ്‌ത​നായ ഒരു ഭർത്താവ്‌ ഉണ്ടായി​രി​ക്കെ​യാണ്‌ അവൾ അദ്ദേഹത്തെ മനഃപൂർവം വഞ്ചിച്ച്‌ ഇതിന്‌ ഇറങ്ങി​ത്തി​രി​ച്ച​തെ​ങ്കി​ലോ? ആ സ്‌ത്രീ​യോ​ടും അവൾ തിര​ഞ്ഞെ​ടുത്ത ജീവി​ത​രീ​തി​യോ​ടും  നമുക്ക്‌ അങ്ങേയറ്റം അറപ്പു തോന്നും, അല്ലേ? വ്യാജ​മ​ത​ത്തോ​ടുള്ള തന്റെ മനോ​ഭാ​വം വെളി​പ്പെ​ടു​ത്താൻ യഹോവ പലപ്പോ​ഴും ഒരു വേശ്യ​യെ​ക്കു​റി​ച്ചുള്ള വർണന ഉപയോ​ഗി​ച്ച​തി​ന്റെ ഒരു പ്രധാ​ന​കാ​ര​ണ​വും ഇതുത​ന്നെ​യാണ്‌.

3. ഈ അധ്യാ​യ​ത്തിൽ ഏതൊക്കെ ബൈബിൾവി​വ​ര​ണങ്ങൾ നമ്മൾ ചർച്ച ചെയ്യും?

³ ഇസ്രാ​യേ​ലി​ലെ​യും യഹൂദ​യി​ലെ​യും ദൈവ​ജ​ന​ത്തി​ന്റെ കടുത്ത അവിശ്വസ്‌ത​തയെ വേശ്യാ​വൃ​ത്തി​യോട്‌ ഉപമി​ച്ചി​രി​ക്കുന്ന ശ്രദ്ധേ​യ​മായ രണ്ടു ബൈബിൾവി​വ​ര​ണങ്ങൾ യഹസ്‌കേൽ പുസ്‌ത​ക​ത്തിൽ കാണാം. (യഹ., അധ്യാ. 16-ഉം 23-ഉം) ആ വിവര​ണ​ങ്ങ​ളി​ലേക്കു ശ്രദ്ധ തിരി​ക്കു​ന്ന​തി​നു മുമ്പ്‌ മറ്റൊരു ആലങ്കാ​രി​ക​വേ​ശ്യ​യെ​ക്കു​റിച്ച്‌ നമുക്കു നോക്കാം. അവളുടെ വേശ്യാ​വൃ​ത്തി യഹസ്‌കേൽ ജീവി​ച്ചി​രു​ന്ന​തി​നും ഏറെ നാൾ മുമ്പ്‌ തുടങ്ങി​യ​താണ്‌, അന്ന്‌ ഇസ്രാ​യേൽ എന്നൊരു ജനത​പോ​ലു​മില്ല. ആ വേശ്യാ​വൃ​ത്തി ഇപ്പോ​ഴും അവിരാ​മം തുടരു​ക​യാണ്‌. ആരാണ്‌ ആ വേശ്യ? ബൈബി​ളി​ലെ അവസാ​ന​പുസ്‌ത​ക​മായ വെളി​പാ​ടിൽ അതിനുള്ള ഉത്തരമുണ്ട്‌.

4, 5. “ബാബി​ലോൺ എന്ന മഹതി” ആരാണ്‌, അങ്ങനെ പറയാ​നുള്ള കാരണം എന്താണ്‌? (അധ്യാ​യ​ത്തി​ന്റെ തുടക്ക​ത്തി​ലെ ചിത്രം കാണുക.)

⁴ യേശു, ഒന്നാം നൂറ്റാ​ണ്ടി​ന്റെ അവസാ​ന​ത്തോട്‌ അടുത്ത്‌ അപ്പോസ്‌ത​ല​നായ യോഹ​ന്നാ​നു നൽകിയ ദർശന​ത്തിൽ ഒരു അസാധാ​ര​ണ​ക​ഥാ​പാ​ത്രം രംഗത്ത്‌ എത്തുന്ന​താ​യി കാണാം. ആ സ്‌ത്രീ​യെ “മഹാ​വേശ്യ” എന്നും “ബാബി​ലോൺ എന്ന മഹതി​—വേശ്യ​ക​ളു​ടെ . . . മാതാവ്‌” എന്നും വിളി​ച്ചി​രി​ക്കു​ന്നു. (വെളി. 17:1, 5) വാസ്‌ത​വ​ത്തിൽ അവൾ ആരാണ്‌? നൂറ്റാ​ണ്ടു​ക​ളോ​ളം ഈ ചോദ്യം മതനേ​താ​ക്ക​ളെ​യും ബൈബിൾപ​ണ്ഡി​ത​ന്മാ​രെ​യും ഒരു​പോ​ലെ കുഴപ്പി​ച്ചി​ട്ടുണ്ട്‌. അവൾ ബാബി​ലോൺ ആണെന്നോ റോം ആണെന്നോ റോമൻക​ത്തോ​ലി​ക്കാ സഭയാ​ണെ​ന്നോ ഒക്കെ കരുതു​ന്ന​വ​രുണ്ട്‌. ഇത്തരം പല അഭി​പ്രാ​യങ്ങൾ നിലവി​ലു​ണ്ടെ​ങ്കി​ലും ആ “മഹാ​വേശ്യ” വാസ്‌ത​വ​ത്തിൽ ആരാ​ണെന്ന്‌ യഹോ​വ​യു​ടെ സാക്ഷികൾ പതിറ്റാ​ണ്ടു​കൾക്കു മുമ്പേ മനസ്സി​ലാ​ക്കി​യി​രു​ന്നു. വ്യാജ​മ​ത​ലോ​ക​സാ​മ്രാ​ജ്യ​ത്തെ​യാണ്‌ അവൾ ചിത്രീ​ക​രി​ച്ചത്‌. അങ്ങനെ പറയാ​നുള്ള കാരണം എന്താണ്‌?

⁵ ഈ വേശ്യയെ, “ഭൂമി​യി​ലെ രാജാ​ക്ക​ന്മാ​രു​മാ​യി” അഥവാ രാഷ്‌ട്രീ​യ​ശ​ക്തി​ക​ളു​മാ​യി അവിഹി​ത​ബന്ധം പുലർത്തു​ന്ന​തി​ന്റെ പേരിൽ കുറ്റം വിധി​ച്ചി​ട്ടുണ്ട്‌. അതിൽനിന്ന്‌ അവൾ ഒരു രാഷ്‌ട്രീ​യ​ശക്തി അല്ലെന്നു വ്യക്തം. ഇനി, ബാബി​ലോൺ എന്ന മഹതി മരണമ​ട​യു​മ്പോൾ ‘ഭൂമി​യി​ലെ വ്യാപാ​രി​കൾ,’ അഥവാ ഈ ലോക​ത്തി​ലെ ബിസി​നെസ്സ്‌-വാണിജ്യ ഘടകങ്ങൾ ദുഃഖി​ക്കു​ന്ന​താ​യും വെളി​പാട്‌ പുസ്‌തകം പറയുന്നു. അതു​കൊണ്ട്‌ ബാബി​ലോൺ എന്ന മഹതി കുറി​ക്കു​ന്നതു വാണി​ജ്യ​മേ​ഖ​ല​യെ​യും അല്ല. എങ്കിൽപ്പി​ന്നെ അവൾ ആരാണ്‌? അവൾ ‘ഭൂതവി​ദ്യ​യു​ടെ​യും’ വിഗ്ര​ഹാ​രാ​ധ​ന​യു​ടെ​യും വഞ്ചനയു​ടെ​യും കുറ്റം പേറു​ന്ന​താ​യി പറഞ്ഞി​ട്ടു​ണ്ടെന്നു ശ്രദ്ധി​ക്കുക. ഈ ആരോ​പ​ണങ്ങൾ ശരിക്കും ചേരു​ന്നത്‌ ഇന്നത്തെ ദുഷിച്ച മതസം​ഘ​ട​ന​കൾക്കല്ലേ? ആ വേശ്യ ഇത്തരം മതസം​ഘ​ട​ന​ക​ളാ​ണെന്നു പറയാൻ മറ്റു ചില കാരണ​ങ്ങ​ളു​മുണ്ട്‌. അവൾ ഈ ലോക​ത്തി​ലെ രാഷ്‌ട്രീ​യ​ഘ​ട​ക​ങ്ങ​ളു​ടെ മേൽ സവാരി ചെയ്യു​ന്ന​താ​യി, അഥവാ അവയുടെ മേൽ ഒരള​വോ​ളം സ്വാധീ​നം ചെലു​ത്തു​ന്ന​താ​യി, വർണി​ച്ചി​രി​ക്കു​ന്നു. അവൾ ദൈവ​മായ യഹോ​വ​യു​ടെ വിശ്വസ്‌ത​ദാ​സരെ ക്രൂര​മാ​യി ഉപദ്ര​വി​ക്കു​ന്ന​താ​യും പറഞ്ഞി​ട്ടുണ്ട്‌. (വെളി. 17:2, 3; 18:11, 23, 24) വാസ്‌ത​വ​ത്തിൽ, വ്യാജ​മ​ത​സം​ഘ​ട​നകൾ നമ്മുടെ ഈ കാലം​വരെ ചെയ്‌തി​രി​ക്കു​ന്ന​തും ഇതൊ​ക്കെ​ത്ത​ന്നെ​യല്ലേ?

6. ബാബി​ലോൺ എന്ന മഹതിയെ ‘വേശ്യ​ക​ളു​ടെ മാതാവ്‌’ എന്നു വിളി​ച്ചി​രി​ക്കു​ന്നത്‌ എന്തു​കൊ​ണ്ടാണ്‌?

⁶ ബാബി​ലോൺ എന്ന മഹതിയെ “മഹാ​വേശ്യ” എന്നു മാത്രമല്ല ‘വേശ്യ​ക​ളു​ടെ മാതാവ്‌’ എന്നും വിളി​ച്ചി​രി​ക്കു​ന്നത്‌ എന്തു​കൊ​ണ്ടാണ്‌? വ്യാജ​മ​ത​ത്തിന്‌  അസംഖ്യം ഉപവി​ഭാ​ഗ​ങ്ങ​ളുണ്ട്‌ എന്നതാണു കാരണം. എണ്ണിയാൽ തീരാ​ത്തത്ര അവാന്ത​ര​വി​ഭാ​ഗ​ങ്ങ​ളും മതശാ​ഖ​ക​ളും അതിനുണ്ട്‌. ബാബേൽ അഥവാ ബാബി​ലോൺ എന്ന പുരാ​ത​ന​ന​ഗ​ര​ത്തിൽവെച്ച്‌ ഭാഷ കലക്കി​യ​തി​നെ​ത്തു​ടർന്ന്‌ അവി​ടെ​നിന്ന്‌ അനേകം വ്യാജ​മ​തോ​പ​ദേ​ശങ്ങൾ ലോക​മെ​ങ്ങും പരക്കാൻതു​ടങ്ങി. ഭൂമി​യി​ലെ​മ്പാ​ടും ഒന്നിനു​പു​റകേ ഒന്നായി അനേകം മതവി​ഭാ​ഗങ്ങൾ കൂണു​പോ​ലെ മുളച്ചു​പൊ​ങ്ങി. ബാബി​ലോൺ നഗരം വ്യാജ​മ​ത​ങ്ങ​ളു​ടെ കളി​ത്തൊ​ട്ടി​ലാ​യ​തു​കൊണ്ട്‌ മഹാ​വേ​ശ്യ​യെ, “ബാബി​ലോൺ എന്ന മഹതി” എന്നു വിളി​ക്കു​ന്നത്‌ എന്തു​കൊ​ണ്ടും ചേരും! (ഉൽപ. 11:1-9) അതെ, ഒരർഥ​ത്തിൽ ഇന്നത്തെ വ്യാജ​മ​ത​ങ്ങ​ളെ​ല്ലാം ഒരു മഹാ​വേ​ശ്യ​യു​ടെ, അഥവാ ഒരൊറ്റ സംഘട​ന​യു​ടെ ‘പുത്രി​മാ​രാണ്‌.’ ആളുകളെ ഭൂതവി​ദ്യ​യി​ലേ​ക്കും വിഗ്ര​ഹാ​രാ​ധ​ന​യി​ലേ​ക്കും ദൈവ​നി​ന്ദാ​ക​ര​മായ വിശ്വാ​സ​ങ്ങ​ളി​ലേ​ക്കും ആചാര​ങ്ങ​ളി​ലേ​ക്കും വശീക​രി​ക്കാൻ സാത്താൻ ഉപയോ​ഗി​ക്കുന്ന ഒരു കെണി​യാണ്‌ അത്തരം മതങ്ങൾ. അതു​കൊ​ണ്ടു​തന്നെ ലോകം മുഴുവൻ പടർന്നു​പ​ന്ത​ലി​ച്ചി​രി​ക്കുന്ന ആ ദുഷിച്ച സംഘട​ന​യെ​ക്കു​റിച്ച്‌ ദൈവ​ജ​ന​ത്തിന്‌ ഇങ്ങനെ​യൊ​രു മുന്നറി​യി​പ്പു നൽകി​യി​രി​ക്കു​ന്ന​തിൽ ഒട്ടും അതിശ​യി​ക്കാ​നില്ല: ‘എന്റെ ജനമേ, അവളുടെ പാപങ്ങ​ളിൽ പങ്കാളി​ക​ളാ​കാൻ ആഗ്രഹി​ക്കു​ന്നി​ല്ലെ​ങ്കിൽ അവളിൽനിന്ന്‌ പുറത്ത്‌ കടക്ക്‌.’​—വെളി​പാട്‌ 18:4, 5 വായി​ക്കുക.

7. ബാബി​ലോൺ എന്ന മഹതി​യിൽനിന്ന്‌ ‘പുറത്ത്‌ കടക്കാ​നുള്ള’ മുന്നറി​യി​പ്പി​നു നമ്മൾ ചെവി കൊടു​ക്കേ​ണ്ടത്‌ എന്തു​കൊണ്ട്‌?

⁷ നിങ്ങൾ ആ മുന്നറി​യി​പ്പി​നു ചെവി കൊടു​ത്തി​ട്ടു​ണ്ടോ? ഓർക്കുക, മനുഷ്യ​രെ ‘ആത്മീയ​കാ​ര്യ​ങ്ങൾക്കാ​യുള്ള ദാഹ​ത്തോ​ടെ’ സൃഷ്ടി​ച്ചത്‌ യഹോ​വ​യാണ്‌. (മത്താ. 5:3) അതു​കൊ​ണ്ടു​തന്നെ യഹോ​വയ്‌ക്കു ശുദ്ധാ​രാ​ധന അർപ്പി​ച്ചാൽ മാത്രമേ ആ ദാഹം ശരിയാ​യി ശമിപ്പി​ക്കാൻ നമുക്കാ​കൂ. ആത്മീയ​വേ​ശ്യാ​വൃ​ത്തി​യിൽനിന്ന്‌ കഴിയു​ന്നി​ട​ത്തോ​ളം അകലം പാലി​ക്കാ​നാണ്‌ യഹോ​വ​യു​ടെ ദാസന്മാർ സ്വാഭാ​വി​ക​മാ​യും ആഗ്രഹി​ക്കു​ന്നത്‌. പക്ഷേ പിശാ​ചായ സാത്താന്റെ ലക്ഷ്യമോ? ഇത്തരം ആത്മീയ​വേ​ശ്യാ​വൃ​ത്തി​യി​ലേക്കു ദൈവ​ജ​നത്തെ വശീക​രി​ക്കാൻ സാത്താനു വലിയ ഇഷ്ടമാണ്‌. മിക്ക​പ്പോ​ഴും അവൻ അതിൽ വിജയി​ച്ചി​ട്ടു​മുണ്ട്‌. യഹസ്‌കേ​ലി​ന്റെ കാലമാ​യ​പ്പോ​ഴേ​ക്കും ദൈവ​ജനം ആത്മീയ​വേ​ശ്യാ​വൃ​ത്തി തുടങ്ങി​യിട്ട്‌ നാളുകൾ ഏറെയാ​യി​രു​ന്നു. അവരുടെ ആ ചരിത്രം പരി​ശോ​ധി​ക്കു​ന്നതു നമുക്കു പ്രയോ​ജനം ചെയ്യും. കാരണം യഹോ​വ​യു​ടെ നിലവാ​ര​ങ്ങ​ളെ​ക്കു​റി​ച്ചും നീതി​യെ​ക്കു​റി​ച്ചും കരുണ​യെ​ക്കു​റി​ച്ചും നമ്മളോട്‌ അതിന്‌ ഏറെ പറയാ​നുണ്ട്‌!

8-10. ശുദ്ധാ​രാ​ധ​നയ്‌ക്കുള്ള ഏതു സുപ്ര​ധാ​ന​വ്യ​വ​സ്ഥ​യാ​ണു വ്യാജ​മ​ത​കാ​ര്യ​ങ്ങ​ളിൽ ഉൾപ്പെ​ടു​ന്ന​തി​നെ​ക്കു​റി​ച്ചുള്ള യഹോ​വ​യു​ടെ വികാരം വെളി​പ്പെ​ടു​ത്തു​ന്നത്‌? ഒരു ഉദാഹ​രണം പറയുക.

⁸ യഹസ്‌കേൽ പുസ്‌ത​ക​ത്തിൽ യഹോവ വേശ്യ​യെ​ക്കു​റി​ച്ചുള്ള ദൃഷ്ടാന്തം ഉപയോ​ഗി​ച്ചത്‌, ചില സംഭവങ്ങൾ തന്നെ എത്രമാ​ത്രം ബാധി​ച്ചെന്നു കാണി​ക്കാ​നാണ്‌. തന്റെ ജനം അവിശ്വസ്‌ത​ത​യി​ലും വഷളത്ത​ത്തി​ലും മുഴുകി തന്നെ വഞ്ചിച്ച​പ്പോൾ തന്റെ മനസ്സ്‌ എത്ര​ത്തോ​ളം വേദനി​ച്ചെന്ന്‌ യഹോവ അതിലൂ​ടെ വ്യക്തമാ​ക്കി. ദൈവം യഹസ്‌കേ​ലി​നെ​ക്കൊണ്ട്‌ എഴുതിച്ച രണ്ടു വിവര​ണ​ങ്ങ​ളിൽനിന്ന്‌ ആ ഹൃദയ​വി​കാ​രങ്ങൾ നമുക്കു വിശദ​മാ​യി വായി​ച്ചെ​ടു​ക്കാം. എന്നാൽ യഹോവ എന്തു​കൊ​ണ്ടാ​ണു തന്റെ ജനത്തെ വേശ്യ​ക​ളോട്‌ ഉപമി​ച്ചത്‌?

⁹ അതിന്റെ ഉത്തരം, ശുദ്ധാ​രാ​ധന അർപ്പി​ക്കാൻ നമ്മൾ പാലി​ക്കേണ്ട ഒരു വ്യവസ്ഥ​യു​മാ​യി ബന്ധപ്പെ​ട്ടി​രി​ക്കു​ന്നു. സുപ്ര​ധാ​ന​മായ ആ വ്യവസ്ഥ​യെ​ക്കു​റിച്ച്‌ ഈ പുസ്‌ത​ക​ത്തി​ന്റെ 5-ാം അധ്യാ​യ​ത്തിൽ നമ്മൾ പഠിച്ചി​രു​ന്നു. ഇസ്രാ​യേ​ല്യർക്കു കൊടുത്ത നിയമ​ത്തിൽ യഹോവ ഇങ്ങനെ പറഞ്ഞു: “ഞാനല്ലാ​തെ മറ്റു ദൈവങ്ങൾ നിനക്കു​ണ്ടാ​ക​രുത്‌. . . . നിന്റെ ദൈവ​മായ യഹോവ എന്ന ഞാൻ സമ്പൂർണ​ഭക്തി ആഗ്രഹി​ക്കുന്ന ദൈവ​മാണ്‌.” (പുറ. 20:3, 5) മറ്റൊ​രി​ക്കൽ യഹോവ അതേ സത്യം ഇങ്ങനെ ഊന്നി​പ്പ​റഞ്ഞു: “മറ്റൊരു ദൈവ​ത്തി​നു മുന്നിൽ നിങ്ങൾ കുമ്പി​ടാൻ പാടില്ല. കാരണം സമ്പൂർണ​ഭക്തി ആഗ്രഹി​ക്കു​ന്നവൻ എന്നൊരു  പേരാണ്‌ യഹോ​വയ്‌ക്കു​ള്ളത്‌. അതെ, ദൈവം സമ്പൂർണ​ഭക്തി ആഗ്രഹി​ക്കു​ന്നു.” (പുറ. 34:14) ഇക്കാര്യം ഇതിലും വ്യക്തമാ​യി എങ്ങനെ പറയാ​നാണ്‌? നമ്മുടെ ആരാധന യഹോവ സ്വീക​രി​ക്ക​ണ​മെ​ങ്കിൽ നമ്മൾ ആരാധി​ക്കു​ന്നത്‌ യഹോ​വയെ മാത്ര​മാ​യി​രി​ക്കണം.

¹⁰ ഇതു മനസ്സി​ലാ​ക്കാൻ ഒരു വിവാ​ഹ​ബ​ന്ധത്തെ ഉദാഹ​ര​ണ​മാ​യി എടുക്കാം. തന്റെ ഇണ തന്റേതു​മാ​ത്ര​മാ​യി​രി​ക്കണം എന്നു പ്രതീ​ക്ഷി​ക്കാ​നുള്ള അവകാശം ഒരു പരിധി​വരെ ഭാര്യ​ക്കും ഭർത്താ​വി​നും ഉണ്ട്‌. ഇവരിൽ ഒരാൾ മറ്റാ​രോ​ടെ​ങ്കി​ലും പ്രേമാ​ത്മ​ക​മോ ലൈം​ഗി​ക​മോ ആയ താത്‌പ​ര്യം കാണി​ച്ചാൽ മറ്റേ ഇണയ്‌ക്ക്‌ അസൂയ തോന്നാൻ സാധ്യ​ത​യുണ്ട്‌, താൻ വഞ്ചിക്ക​പ്പെ​ട്ട​താ​യും ആ വ്യക്തിക്കു തോന്നാം. അതു ന്യായ​മാ​ണു​താ​നും! (എബ്രായർ 13:4 വായി​ക്കുക.) ആരാധ​ന​യു​ടെ കാര്യ​വും ഇതു​പോ​ലെ​യാണ്‌. തനിക്കു​വേണ്ടി സമ്പൂർണ​മാ​യി സമർപ്പിച്ച ഒരു ജനത, അഥവാ തന്റെ സ്വന്തജനം, വ്യാജ​ദൈ​വ​ങ്ങ​ളി​ലേക്കു തിരി​യു​മ്പോൾ താൻ വഞ്ചിക്ക​പ്പെ​ട്ട​താ​യി യഹോ​വയ്‌ക്കു തോന്നു​ന്ന​തും തികച്ചും ന്യായ​മാണ്‌. വഞ്ചിക്ക​പ്പെ​ട്ടെന്ന ആ ചിന്ത, തന്നെ എത്രമാ​ത്രം ബാധി​ച്ചെന്ന്‌ യഹസ്‌കേൽ 16-ാം അധ്യാ​യ​ത്തിൽ യഹോവ ശക്തമായ ഭാഷയിൽ വിവരി​ച്ചി​ട്ടുണ്ട്‌.

11. യരുശ​ലേ​മി​നെ​ക്കു​റി​ച്ചും അവളുടെ ഉത്ഭവ​ത്തെ​ക്കു​റി​ച്ചും യഹോവ വർണി​ച്ചത്‌ എങ്ങനെ​യാണ്‌?

¹¹ 16-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന ഈ വാക്കു​ക​ളാണ്‌ യഹസ്‌കേൽ പുസ്‌ത​ക​ത്തിൽ യഹോ​വ​യു​ടേ​താ​യി രേഖ​പ്പെ​ടു​ത്തി​യി​രി​ക്കുന്ന ഏറ്റവും നീളമുള്ള സംഭാ​ഷണം. എബ്രാ​യ​തി​രു​വെ​ഴു​ത്തു​ക​ളിൽ കാണുന്ന ഏറ്റവും ദൈർഘ്യ​മുള്ള പ്രവച​ന​ങ്ങ​ളിൽ ഒന്നുമാണ്‌ ഇത്‌. അവിശ്വസ്‌ത​യ​ഹൂ​ദ​യു​ടെ പ്രതീ​ക​മായ യരുശ​ലേം നഗര​ത്തെ​ക്കു​റി​ച്ചാണ്‌ യഹോവ പ്രധാ​ന​മാ​യും ഇവിടെ സംസാ​രി​ക്കു​ന്നത്‌. അവളുടെ ഉത്ഭവ​ത്തെ​ക്കു​റി​ച്ചും വഞ്ചന​യെ​ക്കു​റി​ച്ചും വർണി​ക്കുന്ന ആ ദുരന്തകഥ ആരിലും ഞെട്ടലു​ള​വാ​ക്കും! പിറന്നു​വീ​ണ​പ്പോൾ, വേണ്ട പരിച​രണം നൽകാ​നോ കുളി​പ്പി​ച്ചു​വൃ​ത്തി​യാ​ക്കാ​നോ ആരുമി​ല്ലാ​തെ നിസ്സഹാ​യാ​വ​സ്ഥ​യി​ലാ​യി​രു​ന്നു അവൾ. ആ ദേശത്തു​ണ്ടാ​യി​രുന്ന, വ്യാജ​മ​ത​വി​ശ്വാ​സി​ക​ളായ കനാന്യ​രാ​യി​രു​ന്നു അവളുടെ മാതാ​പി​താ​ക്കൾ. അതെ, ദാവീദ്‌ യരുശ​ലേം നഗരം കീഴട​ക്കു​ന്ന​തി​നു മുമ്പ്‌ ഏറെക്കാ​ലം അതു കനാന്യ​ഗോ​ത്ര​ക്കാ​രായ യബൂസ്യ​രു​ടെ നിയ​ന്ത്ര​ണ​ത്തി​ലാ​യി​രു​ന്നു. എന്നാൽ ആ അനാഥ​ക്കു​ഞ്ഞി​നോട്‌ അഥവാ യരുശ​ലേ​മി​നോട്‌ അലിവ്‌ തോന്നി​യിട്ട്‌ യഹോവ അവളെ കുളി​പ്പി​ച്ചു​വൃ​ത്തി​യാ​ക്കി, വേണ്ട പരിച​രണം നൽകി. കാലാ​ന്ത​ര​ത്തിൽ അവൾ യഹോ​വയ്‌ക്കു ഭാര്യ​യെ​പ്പോ​ലെ​യാ​യി. അത്‌ എങ്ങനെ? ഇസ്രാ​യേ​ല്യർ യരുശ​ലേ​മിൽ താമസ​മാ​ക്കി​യ​പ്പോ​ഴാണ്‌ ആ നഗരം യഹോ​വയ്‌ക്കു ഭാര്യ​യെ​പ്പോ​ലെ​യാ​യത്‌. കാരണം, മുമ്പ്‌ മോശ​യു​ടെ കാലത്ത്‌ സ്വമന​സ്സാ​ലെ യഹോ​വ​യു​മാ​യി ഒരു ഉടമ്പടി​ബ​ന്ധ​ത്തി​ലേക്കു വന്നവരാ​യി​രു​ന്നു അവർ. (പുറ. 24:7, 8) യരുശ​ലേം ആ ദേശത്തി​ന്റെ തലസ്ഥാ​ന​ന​ഗ​രി​യാ​യി മാറി​യ​പ്പോൾ, ധനിക​നും പ്രതാ​പ​ശാ​ലി​യും ആയ ഒരു ഭർത്താവ്‌ അതിമ​നോ​ഹ​ര​മായ ആഭരണങ്ങൾ അണിയിച്ച്‌ തന്റെ ഭാര്യ​യോ​ടു സ്‌നേഹം പ്രകടി​പ്പി​ക്കു​ന്ന​തു​പോ​ലെ യഹോവ ആ നഗരത്തെ അനു​ഗ്ര​ഹി​ക്കു​ക​യും ഐശ്വ​ര്യ​സ​മൃ​ദ്ധ​മാ​ക്കു​ക​യും മനോ​ഹ​ര​മാ​ക്കു​ക​യും ചെയ്‌തു.​—യഹ. 16:1-14.

12. യരുശ​ലേ​മിൽ അവിശ്വ​സ്‌തത തലപൊ​ക്കി​യത്‌ എങ്ങനെ?

¹² പക്ഷേ പിന്നീട്‌ എന്തു സംഭവി​ച്ചു? യഹോവ പറയുന്നു: “നീ നിന്റെ സൗന്ദര്യ​ത്തിൽ ആശ്രയി​ക്കാൻതു​ടങ്ങി. നിന്റെ പ്രശസ്‌തി നിന്നെ ഒരു വേശ്യ​യാ​ക്കി. എല്ലാ വഴി​പോ​ക്ക​രു​മാ​യും നീ തോന്നി​യ​തു​പോ​ലെ വേശ്യാ​വൃ​ത്തി​യിൽ മുഴുകി. അങ്ങനെ നിന്റെ സൗന്ദര്യം അവരു​ടേ​താ​യി.”(യഹ. 16:15) ശലോ​മോ​ന്റെ കാലത്ത്‌ യഹോവ തന്റെ ജനത്തി​ന്മേൽ അനു​ഗ്ര​ഹങ്ങൾ കോരി​ച്ചൊ​രി​ഞ്ഞ​തു​കൊണ്ട്‌ യരുശ​ലേം വളരെ പ്രതാ​പ​മുള്ള, ഐശ്വ​ര്യ​സ​മ്പൂർണ​മായ ഒരു നഗരമാ​യി മാറി. അതി​നോ​ടു കിടപി​ടി​ക്കാൻപോന്ന നഗരങ്ങൾ വേറെ ഇല്ലായി​രു​ന്നെ​ന്നു​തന്നെ പറയാം. (1 രാജാ. 10:23, 27) എന്നാൽ പതി​യെ​പ്പ​തി​യെ അവിശ്വ​സ്‌തത തലപൊ​ക്കി. അന്യ​ദേ​ശ​ക്കാ​രായ അനേകം ഭാര്യ​മാ​രു​ണ്ടാ​യി​രുന്ന ശലോ​മോൻ  അവരെ സന്തോ​ഷി​പ്പി​ക്കാൻ, വ്യാജ​ദൈ​വ​ങ്ങ​ളു​ടെ ആരാധ​ന​യാൽ യരുശ​ലേ​മി​നെ മലിന​മാ​ക്കാൻതു​ടങ്ങി. (1 രാജാ. 11:1-8) അദ്ദേഹ​ത്തി​ന്റെ പിൻഗാ​മി​ക​ളാ​യി സിംഹാ​സ​ന​മേ​റിയ പലരും അതിലും മോശ​മാ​യി​രു​ന്നു. അവർ വ്യാജാ​രാ​ധ​ന​യാൽ ആ ദേശം മുഴുവൻ മലിന​മാ​ക്കി. അത്തരം വേശ്യാ​വൃ​ത്തി​യും വഞ്ചനയും യഹോ​വയെ എങ്ങനെ​യാ​ണു ബാധി​ച്ചത്‌? “ഇത്തരം കാര്യങ്ങൾ നടക്കാൻ പാടി​ല്ലാ​ത്ത​താണ്‌. ഇനി ഒരിക്ക​ലും ഇങ്ങനെ നടക്കാൻ പാടില്ല” എന്നാണ്‌ യഹോവ പറഞ്ഞത്‌. (യഹ. 16:16) എന്നാൽ വഴി​തെ​റ്റി​പ്പോയ ആ ജനം വഷളത്ത​ത്തി​ന്റെ ചെളി​ക്കു​ണ്ടി​ലേക്ക്‌ ആണ്ടു​പൊയ്‌ക്കൊ​ണ്ടി​രു​ന്നു!

13. യരുശ​ലേ​മി​ലെ ദൈവ​ജനം കാണിച്ച ദുഷ്ടത എന്തായി​രു​ന്നു?

¹³ താൻ തിര​ഞ്ഞെ​ടുത്ത ജനത്തിന്റെ ദുഷ്ടത തുറന്നു​കാ​ട്ടി​ക്കൊണ്ട്‌ യഹോവ പറഞ്ഞു: “എനിക്കു നിന്നി​ലു​ണ്ടായ നിന്റെ പുത്ര​ന്മാ​രെ​യും പുത്രി​മാ​രെ​യും നീ വിഗ്ര​ഹ​ങ്ങൾക്കു ബലി അർപ്പിച്ചു. നിന്റെ വേശ്യാ​വൃ​ത്തി​കൊണ്ട്‌ മതിയാ​കാ​ഞ്ഞി​ട്ടാ​ണോ നീ ഇതും​കൂ​ടെ ചെയ്‌തത്‌? നീ എന്റെ പുത്ര​ന്മാ​രെ കശാപ്പു ചെയ്‌തു. നീ അവരെ തീയിൽ ബലി അർപ്പിച്ചു.” (യഹ. 16:20, 21) ഇതു പറഞ്ഞ​പ്പോൾ യഹോ​വയ്‌ക്കു തോന്നിയ വേദന​യും അറപ്പും എത്രയാ​യി​രി​ക്കു​മെന്ന്‌ ഒന്ന്‌ ആലോ​ചി​ച്ചു​നോ​ക്കൂ! നമ്മൾ പറയാൻപോ​ലും അറയ്‌ക്കുന്ന ആ ക്രൂര​തകൾ സാത്താൻ എത്ര ദുഷ്ടനാ​ണെ​ന്നാ​ണു തെളി​യി​ക്കു​ന്നത്‌. യഹോ​വ​യു​ടെ ജനത്തെ​ക്കൊണ്ട്‌ ഇത്തരം മ്ലേച്ഛമായ കാര്യങ്ങൾ ചെയ്യി​ക്കു​ന്ന​തിൽ ആനന്ദം കണ്ടെത്തു​ന്ന​വ​നാണ്‌ അവൻ. പക്ഷേ യഹോവ എല്ലാം കാണു​ന്നുണ്ട്‌. സാത്താന്റെ അതിഹീ​ന​മായ ക്രൂര​കൃ​ത്യ​ങ്ങ​ളു​ടെ തിക്തഫ​ല​ങ്ങൾപോ​ലും ഇല്ലായ്‌മ ചെയ്യാൻ ദൈവ​ത്തി​നാ​കും. യഹോവ നീതി നടപ്പാ​ക്കു​ക​തന്നെ ചെയ്യും.​—ഇയ്യോബ്‌ 34:24 വായി​ക്കുക.

14. യഹോ​വ​യു​ടെ ദൃഷ്ടാ​ന്ത​ത്തിൽ യരുശ​ലേ​മി​ന്റെ രണ്ടു സഹോ​ദ​രി​മാർ ആരൊ​ക്കെ​യാ​യി​രു​ന്നു, മൂവരിൽ ഏറ്റവും ദുഷി​ച്ചവൾ ആരായി​രു​ന്നു?

¹⁴ ഇത്ര​യെ​ല്ലാം ചെയ്‌തു​കൂ​ട്ടി​യി​ട്ടും യരുശ​ലേ​മിന്‌ ഒരു കൂസലു​മി​ല്ലാ​യി​രു​ന്നു. അവൾ അവളുടെ വേശ്യാ​വൃ​ത്തി തുടർന്നു. അവൾ മറ്റു വേശ്യ​മാ​രെ​ക്കാൾ നാണം​കെ​ട്ട​വ​ളാ​ണെ​ന്നു​പോ​ലും യഹോവ പറഞ്ഞു. കാരണം, ആളുകൾക്ക്‌ അങ്ങോട്ടു പണം കൊടു​ത്താണ്‌ അവൾ അവരു​മാ​യി അവിഹി​ത​ബന്ധം പുലർത്തി​യി​രു​ന്നത്‌. (യഹ. 16:34) ഇനി, യരുശ​ലേം അവളുടെ ‘അമ്മയെ​പ്പോ​ലെ​ത​ന്നെ​യാണ്‌’ എന്നും ദൈവം പറഞ്ഞു. അങ്ങനെ പറഞ്ഞ​പ്പോൾ ദൈവ​ത്തി​ന്റെ മനസ്സി​ലു​ണ്ടാ​യി​രു​ന്നത്‌, മുമ്പ്‌ ആ ദേശത്ത്‌ വാണി​രുന്ന വ്യാജാ​രാ​ധ​ക​രായ ജനതക​ളാ​യി​രു​ന്നു. (യഹ. 16:44, 45) കുടും​ബ​ബ​ന്ധങ്ങൾ ദൃഷ്ടാ​ന്ത​മാ​ക്കി കാര്യങ്ങൾ അവതരി​പ്പിച്ച യഹോവ തുടർന്ന്‌ പറഞ്ഞതു ശമര്യ​യെ​ക്കു​റി​ച്ചാണ്‌. യരുശ​ലേ​മി​നും മുമ്പേ മതപര​മായ വേശ്യാ​വൃ​ത്തി​യി​ലേക്കു തിരിഞ്ഞ ശമര്യ യരുശ​ലേ​മി​ന്റെ മൂത്ത സഹോ​ദ​രി​യാ​ണെന്നു ദൈവം പറഞ്ഞു. സൊ​ദോം എന്ന മറ്റൊരു സഹോ​ദ​രി​യെ​ക്കു​റി​ച്ചും ദൈവം പരാമർശി​ച്ചു. എന്നാൽ തീർത്തും വഴിപി​ഴ​ച്ച​വ​ളും അഹങ്കാ​രി​യും ആയിരുന്ന അവൾ പണ്ടുതന്നെ നാശത്തിന്‌ ഇരയാ​യ​തു​കൊണ്ട്‌ യഹോവ ഇവിടെ സൊ​ദോ​മി​ന്റെ കാര്യം ഒരു പഴഞ്ചൊ​ല്ലാ​യി​ട്ടാണ്‌ അവതരി​പ്പി​ച്ചത്‌. ചുരു​ക്ക​ത്തിൽ, യരുശ​ലേം ദുഷ്ടത​യു​ടെ കാര്യ​ത്തിൽ ശമര്യയെ മാത്രമല്ല സൊ​ദോ​മി​നെ​പ്പോ​ലും കടത്തി​വെട്ടി എന്നു പറയു​ക​യാ​യി​രു​ന്നു യഹോവ. (യഹ. 16:46-50) ആവർത്തി​ച്ചാ​വർത്തിച്ച്‌ മുന്നറി​യി​പ്പു കിട്ടി​യി​ട്ടും അതെല്ലാം അവഗണിച്ച ദൈവ​ജനം അവരുടെ മോശ​മായ വഴികൾ വിട്ടു​മാ​റി​യതേ ഇല്ല.

15. യഹോവ യരുശ​ലേ​മിന്‌ എതിരെ ന്യായ​വി​ധി നടപ്പാ​ക്കു​ന്ന​തി​ന്റെ ഉദ്ദേശ്യം എന്തായി​രു​ന്നു, യഹോവ പ്രത്യാ​ശയ്‌ക്കു വക നൽകി​യത്‌ എങ്ങനെ?

¹⁵ യഹോവ ഇപ്പോൾ എന്തു ചെയ്യു​മാ​യി​രു​ന്നു? യരുശ​ലേ​മി​നോ​ടു യഹോവ പറഞ്ഞു: ‘നീ സുഖി​പ്പിച്ച നിന്റെ കാമു​ക​ന്മാ​രെ​യെ​ല്ലാം ഞാൻ നിനക്ക്‌ എതിരെ ഒന്നിച്ചു​കൂ​ട്ടും. ഞാൻ നിന്നെ അവരുടെ കൈയിൽ ഏൽപ്പി​ക്കും.’ മുമ്പ്‌ ആ ജനത്തിന്റെ സഖ്യക​ക്ഷി​ക​ളാ​യി​രുന്ന വ്യാജാ​രാ​ധ​ക​രായ ജനതകൾ അവളുടെ സൗന്ദര്യം ഇല്ലാതാ​ക്കി, അമൂല്യ​വസ്‌തു​ക്കൾ കൊള്ള​യ​ടിച്ച്‌, അവളെ നശിപ്പി​ക്കു​മാ​യി​രു​ന്നു. “അവർ നിന്നെ കല്ലെറി​യും. നിന്നെ അവർ വാളു​കൊണ്ട്‌ വെട്ടി​നു​റു​ക്കും” എന്നും യഹോവ പറഞ്ഞു. യഹോവ ഇങ്ങനെ​യൊ​രു ന്യായ​വി​ധി നടപ്പാ​ക്കു​ന്ന​തി​ന്റെ ഉദ്ദേശ്യ​മോ? തന്റെ ജനത്തെ ഒന്നടങ്കം നശിപ്പി​ക്കുക എന്നതല്ല  മറിച്ച്‌ അവരുടെ ‘വേശ്യാ​വൃ​ത്തി അവസാ​നി​പ്പി​ക്കുക’ എന്നതാ​യി​രു​ന്നു ദൈവ​ത്തി​ന്റെ ലക്ഷ്യം. ദൈവം ഇങ്ങനെ​യും പറഞ്ഞു: “അങ്ങനെ നിനക്ക്‌ എതി​രെ​യുള്ള എന്റെ ഉഗ്ര​കോ​പം ശമിക്കും. നിനക്ക്‌ എതി​രെ​യുള്ള എന്റെ രോഷം ഇല്ലാതാ​കും. ഞാൻ ശാന്തനാ​കും. എനിക്കു മേലാൽ കോപം തോന്നില്ല.” ഈ പുസ്‌ത​ക​ത്തി​ന്റെ 9-ാം അധ്യാ​യ​ത്തിൽ കണ്ടതു​പോ​ലെ, പ്രവാ​സി​ക​ളായ തന്റെ ജനത്തെ മാതൃ​ദേ​ശ​ത്തേക്കു തിരി​ച്ചു​കൊ​ണ്ടു​വന്ന്‌ ശുദ്ധാ​രാ​ധന പുനഃ​സ്ഥാ​പി​ക്കുക എന്നതാ​യി​രു​ന്നു ആത്യന്തി​ക​മാ​യി യഹോ​വ​യു​ടെ ഉദ്ദേശ്യം. അതിന്റെ കാരണ​മോ? “നിന്റെ ചെറു​പ്പ​കാ​ലത്ത്‌ നിന്നോ​ടു ചെയ്‌ത ഉടമ്പടി ഞാൻ ഓർക്കും” എന്നാണ്‌ യഹോവ അതെക്കു​റിച്ച്‌ പറഞ്ഞത്‌. (യഹ. 16:37-42, 60) ആ ജനം അവിശ്വ​സ്‌തത കാണി​ച്ചെ​ങ്കി​ലും യഹോവ അവരോ​ടു കറയറ്റ വിശ്വ​സ്‌തത കാണി​ക്കു​മാ​യി​രു​ന്നു!​—വെളി​പാട്‌ 15:4 വായി​ക്കുക.

16, 17. (എ) ഒഹൊ​ല​യും ഒഹൊ​ലീ​ബ​യും ക്രൈസ്‌തവലോകത്തിന്റെ പ്രാവ​ച​നി​ക​മാ​തൃ​ക​ക​ളാ​ണെന്നു നമ്മൾ ഇപ്പോൾ പറയാ​ത്തത്‌ എന്തു​കൊണ്ട്‌? (“വേശ്യ​ക​ളായ സഹോ​ദ​രി​മാർ” എന്ന ചതുരം കാണുക.) (ബി) യഹസ്‌കേൽ 16, 23 അധ്യാ​യ​ങ്ങ​ളിൽനിന്ന്‌ പ്രാ​യോ​ഗി​ക​മായ എന്തെല്ലാം പാഠങ്ങ​ളാ​ണു നമ്മൾ പഠിക്കു​ന്നത്‌?

¹⁶ അതെ, യഹോവ ശക്തമായ ഭാഷയിൽ കാര്യങ്ങൾ അവതരി​പ്പി​ച്ചി​രി​ക്കുന്ന യഹസ്‌കേൽ 16-ാം അധ്യാ​യ​ത്തി​ലെ ആ ദൈർഘ്യ​മേ​റിയ വിവരണം, യഹോ​വ​യു​ടെ നീതി​യുള്ള നിലവാ​ര​ങ്ങ​ളെ​ക്കു​റി​ച്ചും നീതി​ബോ​ധ​ത്തെ​ക്കു​റി​ച്ചും ആഴമായ കരുണ​യെ​ക്കു​റി​ച്ചും എത്ര​യെത്ര കാര്യ​ങ്ങ​ളാ​ണു നമ്മളെ പഠിപ്പി​ക്കു​ന്നത്‌! യഹസ്‌കേൽ 23-ാം അധ്യാ​യ​വും ഏതാണ്ട്‌ അതു​പോ​ലെ​യാ​ണെന്നു പറയാം. തന്റെ ജനത്തിന്റെ വേശ്യാ​വൃ​ത്തി​യെ​ക്കു​റിച്ച്‌ ഒരു വളച്ചു​കെ​ട്ടു​മി​ല്ലാ​തെ തുറന്ന​ടിച്ച യഹോ​വ​യു​ടെ വാക്കുകൾ സത്യ​ക്രിസ്‌ത്യാ​നി​ക​ളും ഇന്നു വളരെ ഗൗരവ​ത്തോ​ടെ​യാ​ണു കാണു​ന്നത്‌. യഹോ​വ​യു​ടെ ഹൃദയത്തെ വേദനി​പ്പിച്ച യഹൂദ​യെ​യും യരുശ​ലേ​മി​നെ​യും പോ​ലെ​യാ​കാൻ നമുക്ക്‌ ഒട്ടും ആഗ്രഹ​മില്ല. അതു​കൊ​ണ്ടു​തന്നെ നമ്മൾ എല്ലാ തരം വിഗ്ര​ഹാ​രാ​ധ​ന​യും തീർത്തും ഒഴിവാ​ക്കു​ന്നു. അത്യാ​ഗ്ര​ഹ​വും, പണത്തോ​ടും വസ്‌തു​വ​ക​ക​ളോ​ടും ഉള്ള അമിതസ്‌നേ​ഹ​വും ഇതിൽപ്പെ​ടും. കാരണം അവയെ​യും വിഗ്ര​ഹാ​രാ​ധ​ന​യു​ടെ രൂപങ്ങ​ളാ​യി കണക്കാ​ക്കാം. (മത്താ. 6:24; കൊലോ. 3:5) ഈ അവസാ​ന​നാ​ളു​ക​ളിൽ കരുണാ​മ​യ​നായ ദൈവം ശുദ്ധാ​രാ​ധന പുനഃ​സ്ഥാ​പി​ച്ചി​രി​ക്കു​ന്ന​തിൽ നമ്മളെ​ല്ലാം ശരിക്കും നന്ദിയു​ള്ള​വ​രാണ്‌! അതിനു കളങ്ക​മേൽക്കാൻ യഹോവ ഇനി ഒരിക്ക​ലും അനുവ​ദി​ക്കില്ല! ആത്മീയ ഇസ്രാ​യേ​ലു​മാ​യി യഹോവ ചെയ്‌തി​രി​ക്കു​ന്നതു “നിത്യ​മായ ഒരു ഉടമ്പടി” ആണ്‌. ഒരിക്ക​ലും അവിശ്വ​സ്‌തത അഥവാ ആത്മീയ​വേ​ശ്യാ​വൃ​ത്തി അതിനു തുരങ്കം വെക്കില്ല. (യഹ. 16:60) അതു​കൊണ്ട്‌ ശുദ്ധി​യുള്ള ദൈവ​ജ​ന​ത്തി​ന്റെ ഭാഗമാ​യി​രി​ക്കാൻ അവസരം കിട്ടി​യ​തിൽ നമു​ക്കെ​ല്ലാം നന്ദിയു​ള്ള​വ​രാ​യി​രി​ക്കാം.

¹⁷ എന്നാൽ യഹസ്‌കേ​ലിൽ വർണി​ച്ചി​രി​ക്കുന്ന വേശ്യ​കൾക്കെ​തി​രെ​യുള്ള യഹോ​വ​യു​ടെ വാക്കുകൾ ‘മഹാ​വേ​ശ്യ​യെ​ക്കു​റിച്ച്‌’ അഥവാ ‘ബാബി​ലോൺ എന്ന മഹതി​യെ​ക്കു​റിച്ച്‌’ നമ്മളെ എന്താണു പഠിപ്പി​ക്കു​ന്നത്‌? നമുക്കു നോക്കാം.

18, 19. യഹസ്‌കേൽ പുസ്‌ത​ക​ത്തിൽ വിവരി​ച്ചി​രി​ക്കുന്ന വേശ്യ​ക​ളു​ടെ​യും വെളി​പാ​ടി​ലെ വേശ്യ​യു​ടെ​യും കാര്യ​ത്തിൽ എന്തെല്ലാം സമാന​തകൾ കാണാം?

¹⁸ യഹോവ മാറ്റമി​ല്ലാ​ത്ത​വ​നാണ്‌. (യാക്കോ. 1:17) വ്യാജ​മതം എന്ന മഹാ​വേ​ശ്യ​യോ​ടുള്ള യഹോ​വ​യു​ടെ മനോ​ഭാ​വ​ത്തിന്‌ ഒരിക്ക​ലും മാറ്റം വന്നിട്ടില്ല. അതു​കൊ​ണ്ടു​തന്നെ യഹസ്‌കേൽ പുസ്‌ത​ക​ത്തി​ലെ വേശ്യ​കൾക്കെ​തി​രെ​യുള്ള യഹോ​വ​യു​ടെ ന്യായ​വി​ധി​യും വെളി​പാട്‌ പുസ്‌ത​ക​ത്തി​ലെ ‘മഹാ​വേ​ശ്യ​യെ’ കാത്തി​രി​ക്കുന്ന സംഭവ​ങ്ങ​ളും തമ്മിൽ അനേകം സമാന​ത​ക​ളു​ള്ള​തിൽ അതിശ​യി​ക്കാ​നില്ല.

¹⁹ ഒരു ഉദാഹ​രണം നോക്കാം. യഹസ്‌കേ​ലി​ന്റെ പ്രവച​ന​ങ്ങ​ളി​ലെ വേശ്യ​മാർക്കുള്ള ശിക്ഷ യഹോവ നേരിട്ട്‌ നടപ്പാ​ക്കു​ക​യാ​യി​രു​ന്നില്ല. അവിശ്വസ്‌ത​രായ ദൈവ​ജ​ന​വു​മാ​യി ആത്മീയ​വേ​ശ്യാ​വൃ​ത്തി​യിൽ മുഴു​കിയ അതേ ജനതകൾത​ന്നെ​യാണ്‌ അവരെ ശിക്ഷി​ച്ചത്‌. വ്യാജ​മ​ത​ലോ​ക​സാ​മ്രാ​ജ്യ​ത്തി​ന്റെ കാര്യ​വും ഇതി​നോ​ടു സമാന​മാണ്‌. “ഭൂമി​യി​ലെ രാജാ​ക്ക​ന്മാ​രു​മാ​യി” ആത്മീയ​വേ​ശ്യാ​വൃ​ത്തി​യിൽ  ഏർപ്പെ​ട്ട​തിന്‌ അവളെ കുറ്റം വിധി​ച്ചി​രി​ക്കു​ന്ന​താ​യി കാണാം. അവളുടെ ശിക്ഷ നടപ്പാ​ക്കു​ന്ന​തോ? ആ രാഷ്‌ട്രീ​യ​ഘ​ട​ക​ങ്ങൾതന്നെ “വേശ്യയെ വെറുത്ത്‌ അവളെ നശിപ്പി​ക്കു​ക​യും നഗ്നയാ​ക്കു​ക​യും ചെയ്യും” എന്നും “അവ അവളുടെ മാംസം തിന്നിട്ട്‌ അവളെ ചുട്ടു​ക​രിച്ച്‌ ഇല്ലാതാ​ക്കും” എന്നും നമ്മൾ വായി​ക്കു​ന്നു. തികച്ചും അപ്രതീ​ക്ഷി​ത​മായ ഒരു സംഭവ​മാ​യി​രി​ക്കും അത്‌! എന്നാൽ ലോക​ഗ​വൺമെ​ന്റു​കൾ ഇത്തര​മൊ​രു നീക്കത്തി​നു മുതി​രാ​നുള്ള കാരണം എന്തായി​രി​ക്കും? ‘ദൈവ​ത്തി​ന്റെ ഉദ്ദേശ്യം നടപ്പാ​ക്കാൻ അവരുടെ ഹൃദയ​ത്തിൽ തോന്നി​പ്പി​ക്കു​ന്നത്‌’ ദൈവ​മാ​യി​രി​ക്കും എന്നാണു തിരു​വെ​ഴു​ത്തു​കൾ പറയു​ന്നത്‌.​—വെളി. 17:1-3, 15-17.

20. ബാബി​ലോ​ണി​ന്റെ ന്യായ​വി​ധി അന്തിമ​മാ​യി​രി​ക്കും എന്ന്‌ എങ്ങനെ അറിയാം?

²⁰ അതെ, ക്രൈസ്‌ത​വ​ലോ​ക​ത്തി​ലെ അനേകം മതവി​ഭാ​ഗങ്ങൾ ഉൾപ്പെടെ എല്ലാ വ്യാജ​മ​ത​ങ്ങൾക്കും എതി​രെ​യുള്ള തന്റെ ന്യായ​വി​ധി നടപ്പാ​ക്കാൻ യഹോവ ഈ ലോക​രാഷ്‌ട്ര​ങ്ങളെ ഉപയോ​ഗി​ക്കും. ആ ന്യായ​വി​ധി അന്തിമ​മാ​യി​രി​ക്കും. ഒരു കാരണ​വ​ശാ​ലും അവളോ​ടു ക്ഷമിക്കില്ല; തന്റെ വഴികൾ വിട്ടു​മാ​റാൻ പിന്നീട്‌ അവൾക്ക്‌ അവസരം കിട്ടില്ല. “പിന്നെ ആരും അവളെ കാണില്ല” എന്നാണു ബാബി​ലോ​ണി​നെ​ക്കു​റിച്ച്‌ വെളി​പാട്‌ പുസ്‌ത​ക​ത്തിൽ പറയു​ന്നത്‌. (വെളി. 18:21) അവൾ മരണമ​ട​യു​മ്പോൾ ദൈവ​ദൂ​ത​ന്മാർ അതീവ​സ​ന്തോ​ഷ​ത്തോ​ടെ ഇങ്ങനെ പറയും: “യാഹിനെ സ്‌തു​തി​പ്പിൻ! അവളിൽനി​ന്നുള്ള പുക എന്നു​മെ​ന്നേ​ക്കും ഉയരും.” (വെളി. 19:3) നിത്യ​ത​യി​ലു​ട​നീ​ളം പ്രാബ​ല്യ​ത്തി​ലി​രി​ക്കുന്ന  ഒരു വിധി​യാ​യി​രി​ക്കും അത്‌. പിന്നീട്‌ ഒരിക്ക​ലും ഒരു വ്യാജ​മ​ത​വും തലപൊ​ക്കില്ല, ശുദ്ധാ​രാ​ധ​നയെ കളങ്ക​പ്പെ​ടു​ത്താൻ അതു മേലാൽ ഉണ്ടായി​രി​ക്കില്ല! ബാബി​ലോ​ണിന്‌ എതി​രെ​യുള്ള ഉഗ്രമായ ന്യായ​വി​ധി​യും തീകൊ​ണ്ടുള്ള നാശവും ഉയർത്തുന്ന പുക ഒരു ആലങ്കാ​രി​കാർഥ​ത്തിൽ എന്നു​മെ​ന്നേ​ക്കും ഉയരും!

21. വ്യാജ​മ​ത​ത്തി​ന്റെ നാശം ഏതു കാലഘ​ട്ട​ത്തി​നു തുടക്കം കുറി​ക്കും, അതിനു സമാപനം കുറി​ക്കു​ന്നത്‌ ഏതു സംഭവ​മാ​യി​രി​ക്കും?

²¹ ഈ ലോക​ഗ​വൺമെ​ന്റു​കൾ ബാബി​ലോൺ എന്ന മഹതി​ക്കെ​തി​രെ തിരി​യു​മ്പോൾ അവർ നടപ്പാ​ക്കു​ന്നതു ദൈവ​ത്തി​ന്റെ ന്യായ​വി​ധി​യാ​യി​രി​ക്കും. യഹോ​വ​യു​ടെ ഉദ്ദേശ്യ​നി​വൃ​ത്തി​യി​ലെ ഒരു സുപ്ര​ധാ​ന​നാ​ഴി​ക​ക്ക​ല്ലാ​യി​രി​ക്കും അത്‌. ഈ സംഭവം മഹാക​ഷ്ട​തയ്‌ക്കു തുടക്ക​മി​ടും. അതാകട്ടെ, മുമ്പൊ​രി​ക്ക​ലും ഉണ്ടായി​ട്ടി​ല്ലാ​ത്തത്ര പ്രശ്‌നങ്ങൾ നിറഞ്ഞ ഒരു കാലമാ​യി​രി​ക്കും. (മത്താ. 24:21) മഹാക​ഷ്ട​തയ്‌ക്കു സമാപനം കുറി​ക്കുന്ന സംഭവ​മാ​യി​രി​ക്കും അർമ​ഗെ​ദോൻ. ഈ ദുഷ്ടവ്യ​വ​സ്ഥി​തിക്ക്‌ എതി​രെ​യുള്ള യഹോ​വ​യു​ടെ യുദ്ധമാണ്‌ അത്‌. (വെളി. 16:14, 16) മഹാക​ഷ്ട​ത​യു​ടെ സമയത്ത്‌ നടക്കാ​നി​രി​ക്കുന്ന സംഭവ​ങ്ങ​ളെ​ക്കു​റിച്ച്‌ യഹസ്‌കേൽ പുസ്‌ത​ക​ത്തി​നു നമ്മളോ​ടു ധാരാളം കാര്യങ്ങൾ പറയാ​നുണ്ട്‌. അതെക്കു​റിച്ച്‌ ഈ പ്രസി​ദ്ധീ​ക​ര​ണ​ത്തി​ന്റെ തുടർന്നുള്ള അധ്യാ​യ​ങ്ങ​ളിൽ നമ്മൾ പഠിക്കും. എന്നാൽ നമ്മൾ ഓർത്തി​രുന്ന്‌, പ്രാവർത്തി​ക​മാ​ക്കേണ്ട ഏതെല്ലാം പ്രാ​യോ​ഗി​ക​പാ​ഠ​ങ്ങ​ളാണ്‌ യഹസ്‌കേൽ 16-ഉം 23-ഉം അധ്യാ​യങ്ങൾ നമ്മളെ പഠിപ്പി​ക്കു​ന്നത്‌?

22, 23. യഹസ്‌കേ​ലി​ലെ​യും വെളി​പാ​ടി​ലെ​യും വേശ്യ​മാ​രെ​ക്കു​റി​ച്ചുള്ള വിവര​ണങ്ങൾ പഠിച്ചതു നമ്മുടെ വിശു​ദ്ധ​സേ​വ​നത്തെ എങ്ങനെ സ്വാധീ​നി​ക്കണം?

²² ശുദ്ധാ​രാ​ധന അർപ്പി​ക്കു​ന്ന​വരെ വഴി​തെ​റ്റി​ക്കാൻ സാത്താനു വലിയ ഇഷ്ടമാണ്‌. നമ്മളെ ശുദ്ധാ​രാ​ധ​ന​യിൽനിന്ന്‌ അകറ്റി, യഹസ്‌കേൽ പുസ്‌ത​ക​ത്തി​ലെ ആ വേശ്യ​മാ​രു​ടേ​തു​പോ​ലുള്ള ഒരു ജീവി​ത​ഗ​തി​യി​ലേക്കു തള്ളിവി​ടു​ന്ന​തി​നെ​ക്കാൾ സന്തോ​ഷ​മുള്ള ഒരു കാര്യം സാത്താനു വേറെ​യില്ല. എന്നാൽ നമ്മുടെ ആരാധ​ന​യെ​ക്കു​റിച്ച്‌ നമ്മൾ ഒരു കാര്യം എപ്പോ​ഴും ഓർക്കണം: യഹോവ ഒരിക്ക​ലും തന്നോ​ടുള്ള അവിശ്വ​സ്‌തത വെച്ചു​പൊ​റു​പ്പി​ക്കില്ല! (സംഖ്യ 25:11) അതു​കൊ​ണ്ടു​തന്നെ വ്യാജ​മ​ത​ത്തോ​ടു പരമാ​വധി അകലം പാലി​ക്കാൻ നമ്മൾ ശ്രദ്ധയു​ള്ള​വ​രാ​യി​രി​ക്കും. അതെ, ദൈവ​ദൃ​ഷ്ടി​യിൽ ‘അശുദ്ധ​മാ​യത്‌ ഒന്നും നമ്മൾ തൊടില്ല.’ (യശ. 52:11) ഇനി, അനൈ​ക്യം മുഖമു​ദ്ര​യായ ഈ ലോക​ത്തി​ലെ രാഷ്‌ട്രീയ പോരാ​ട്ട​ങ്ങ​ളി​ലും കലഹങ്ങ​ളി​ലും ഉൾപ്പെ​ടാ​തെ നമ്മൾ നിഷ്‌പ​ക്ഷ​രാ​യി​രി​ക്കു​ന്ന​തും അതു​കൊ​ണ്ടു​ത​ന്നെ​യാണ്‌. (യോഹ. 15:19) കാരണം, സാത്താൻ ഉന്നമി​പ്പി​ക്കുന്ന മറ്റൊരു വ്യാജ​മ​ത​മാ​യി​ത്ത​ന്നെ​യാ​ണു ദേശീ​യ​താ​വാ​ദ​ത്തെ​യും നമ്മൾ കാണു​ന്നത്‌. അതിൽനിന്ന്‌ അകലം പാലി​ച്ചു​കൊ​ണ്ടും നമ്മൾ വിശ്വസ്‌ത​രാ​ണെന്നു തെളി​യി​ക്കു​ന്നു!

²³ പരിപാ​വ​ന​മായ ആ ആത്മീയാ​ല​യ​ത്തിൽ യഹോ​വയെ ആരാധി​ക്കാ​നാ​കു​ന്നത്‌ എത്ര വലി​യൊ​രു പദവി​യാ​ണെന്നു നമുക്ക്‌ എപ്പോ​ഴും ഓർക്കാം. അനുഗൃ​ഹീ​ത​മായ ആ ക്രമീ​ക​ര​ണത്തെ വളരെ അമൂല്യ​മാ​യി കാണു​ന്ന​തു​കൊണ്ട്‌ വ്യാജ​മ​ത​ത്തിൽനി​ന്നും അവളുടെ വേശ്യാ​വൃ​ത്തി​യിൽനി​ന്നും പരമാ​വധി അകലം പാലി​ക്കാൻ നമുക്ക്‌ ഉറച്ച തീരു​മാ​ന​മെ​ടു​ക്കാം!