1-3. യഹസ്‌കേൽ യരുശ​ലേം​ദേ​വാ​ല​യ​ത്തി​ലെ ഏതു സാഹച​ര്യം കാണാ​നാണ്‌ യഹോവ ആഗ്രഹി​ച്ചത്‌, യഹസ്‌കേൽ തുടർന്ന്‌ എന്തു ചെയ്യണ​മാ​യി​രു​ന്നു? (2-ാം ഭാഗത്തി​ന്റെ തുടക്ക​ത്തി​ലെ ചിത്ര​വും വിവര​ങ്ങ​ളും കാണുക.)

 പുരോ​ഹി​തന്റെ മകനാ​യ​തു​കൊണ്ട്‌ യഹസ്‌കേൽ പ്രവാ​ച​കന്‌, മോശ​യി​ലൂ​ടെ ദൈവം കൊടുത്ത നിയമ​ത്തിൽ ആഴമായ അറിവു​ണ്ടാ​യി​രു​ന്നു. അതു​കൊ​ണ്ടു​തന്നെ യരുശ​ലേ​മി​ലെ ആലയം, അവിടെ യഹോ​വയ്‌ക്ക്‌ അർപ്പി​ക്കേണ്ട ശുദ്ധാ​രാ​ധന എന്നിവ​യെ​ക്കു​റി​ച്ചും അദ്ദേഹ​ത്തിന്‌ അറിയാ​മാ​യി​രു​ന്നു. (യഹ. 1:3; മലാ. 2:7) എന്നാൽ യഹസ്‌കേ​ലി​നെ​യും വിശ്വസ്‌ത​രായ മറ്റെല്ലാ ജൂതന്മാ​രെ​യും ഞെട്ടി​ക്കുന്ന സംഭവ​ങ്ങ​ളാണ്‌ ഇപ്പോൾ യഹോ​വ​യു​ടെ ആലയത്തിൽ നടക്കു​ന്നത്‌. വർഷം ബി.സി. 612!

² യഹസ്‌കേ​ലി​നൊ​പ്പം ബാബി​ലോ​ണിൽ പ്രവാ​സി​ക​ളാ​യി കഴിഞ്ഞി​രുന്ന ചില ജൂതന്മാർ ഇപ്പോൾ അദ്ദേഹ​ത്തി​ന്റെ വീട്ടിൽ കൂടി​യി​രി​ക്കു​ക​യാണ്‌. ‘യഹൂദാ​മൂ​പ്പ​ന്മാ​രാണ്‌’ അവർ. യഹസ്‌കേൽ, ദേവാ​ല​യ​ത്തി​ലെ പരിതാ​പ​ക​ര​മായ സാഹച​ര്യ​ങ്ങൾ നേരിൽ കണ്ടിട്ട്‌ അതെല്ലാം അവരോ​ടു വിവരി​ക്കാൻ യഹോവ ഇപ്പോൾ ആഗ്രഹി​ക്കു​ന്നു. (യഹസ്‌കേൽ 8:1-4 വായി​ക്കുക; യഹ. 11:24, 25; 20:1-3) ബാബി​ലോ​ണി​ലെ കെബാർ നദിക്ക്‌ അടുത്തുള്ള തെൽ-അബീബി​ലെ വീട്ടിൽനിന്ന്‌ യഹോവ ഇപ്പോൾ യഹസ്‌കേ​ലി​നെ പരിശു​ദ്ധാ​ത്മാ​വി​ന്റെ ശക്തിയാൽ (ഒരു ദർശന​ത്തിൽ) പടിഞ്ഞാ​റേക്ക്‌, നൂറു​ക​ണ​ക്കി​നു കിലോ​മീ​റ്റർ അകലെ​യുള്ള യരുശ​ലേ​മി​ലേക്ക്‌, കൊണ്ടു​പോ​കു​ന്നു. എന്നിട്ട്‌ ദേവാ​ല​യ​ത്തി​ന്റെ അകത്തെ മുറ്റത്തി​ന്റെ വടക്കേ കവാട​ത്തി​നു മുന്നിൽ നിറു​ത്തു​ന്നു. ഇനി, ഒരു ദർശന​ത്തി​ലൂ​ടെ​ത്തന്നെ യഹോവ അദ്ദേഹ​ത്തിന്‌ ആ ദേവാ​ലയം കാണി​ച്ചു​കൊ​ടു​ക്കാൻപോ​കു​ക​യാണ്‌.

 ³ ആ ജനത ആത്മീയ​മാ​യി എത്രമാ​ത്രം അധഃപ​തി​ച്ചെന്ന്‌ തെളി​യി​ക്കു​ന്ന​താ​യി​രു​ന്നു യഹസ്‌കേൽ തുടർന്ന്‌ കാണാൻപോ​കുന്ന, ഞെട്ടി​ക്കുന്ന നാലു രംഗങ്ങൾ. യഹോ​വയ്‌ക്ക്‌ അർപ്പി​ച്ചി​രുന്ന ശുദ്ധാ​രാ​ധ​നയ്‌ക്ക്‌ എന്തു സംഭവി​ച്ചു? ഈ ദിവ്യ​ദർശ​ന​ത്തി​നു നമ്മുടെ ജീവി​ത​ത്തിൽ എന്തു പ്രാധാ​ന്യ​മാ​ണു​ള്ളത്‌? നമുക്കും ഇപ്പോൾ യഹസ്‌കേ​ലി​ന്റെ​കൂ​ടെ പോയി ആ രംഗങ്ങൾ ഒന്നു കാണാം. എന്നാൽ അതിനു മുമ്പ്‌, യഹോ​വയ്‌ക്കു തന്റെ ആരാധ​ക​രിൽനിന്ന്‌ എന്തു പ്രതീ​ക്ഷി​ക്കാൻ അവകാ​ശ​മു​ണ്ടെന്നു നമുക്കു നോക്കാം.

4. യഹോവ തന്റെ ആരാധ​ക​രിൽനിന്ന്‌ എന്തു പ്രതീ​ക്ഷി​ക്കു​ന്നു?

⁴ യഹസ്‌കേൽ ജീവി​ച്ചി​രു​ന്ന​തിന്‌ ഏതാണ്ട്‌ ഒൻപതു നൂറ്റാണ്ടു മുമ്പു​തന്നെ, തന്റെ ആരാധ​ക​രിൽനിന്ന്‌ താൻ എന്താണു പ്രതീ​ക്ഷി​ക്കു​ന്ന​തെന്ന്‌ യഹോവ വ്യക്തമാ​ക്കി​യി​രു​ന്നു. യഹോവ ഇസ്രായേല്യർക്കു a കൊടുത്ത പത്തു കല്‌പ​ന​ക​ളിൽ രണ്ടാമ​ത്തേത്‌ ഇതായി​രു​ന്നു: “നിന്റെ ദൈവ​മായ യഹോവ എന്ന ഞാൻ സമ്പൂർണ​ഭക്തി ആഗ്രഹി​ക്കുന്ന ദൈവ​മാണ്‌.” (പുറ. 20:5) മറ്റൊരു ദൈവ​ത്തെ​യും ആരാധി​ക്കു​ന്നതു താൻ അനുവ​ദി​ച്ചു​കൊ​ടു​ക്കി​ല്ലെ​ന്നാ​ണു “സമ്പൂർണ​ഭക്തി” എന്നു പറഞ്ഞതി​ലൂ​ടെ യഹോവ സൂചി​പ്പി​ച്ചത്‌. നമ്മുടെ ആരാധ​ന​യു​ടെ അഥവാ ഭക്തിയു​ടെ സ്വീകർത്താവ്‌ യഹോവ മാത്ര​മാ​യി​രി​ക്ക​ണ​മെ​ന്നും അതാണു ശുദ്ധാ​രാ​ധ​ന​യു​ടെ ആദ്യത്തെ വ്യവസ്ഥ​യെ​ന്നും ഈ പുസ്‌ത​ക​ത്തി​ന്റെ 2-ാം അധ്യാ​യ​ത്തിൽ നമ്മൾ കണ്ടല്ലോ. യഹോ​വ​യു​ടെ ആരാധകർ, യഹോ​വയ്‌ക്കു ജീവി​ത​ത്തിൽ ഒന്നാം സ്ഥാനം കൊടു​ക്ക​ണ​മെ​ന്നാണ്‌ അതിന്‌ അർഥം. (പുറ. 20:3) ചുരു​ക്കി​പ്പ​റ​ഞ്ഞാൽ, തന്റെ ആരാധകർ ആത്മീയ​മാ​യി ശുദ്ധി​യു​ള്ള​വ​രാ​യി​രി​ക്കാ​നാണ്‌ യഹോവ ആഗ്രഹി​ക്കു​ന്നത്‌. ശുദ്ധാ​രാ​ധ​ന​യും വ്യാജാ​രാ​ധ​ന​യും കൂട്ടി​ക്ക​ലർത്തു​ന്നത്‌ യഹോ​വയ്‌ക്ക്‌ ഇഷ്ടമല്ല. ബി.സി. 1513-ൽ പൂർണ​മ​ന​സ്സോ​ടെ യഹോ​വ​യു​മാ​യി നിയമ​യു​ട​മ്പടി ചെയ്‌ത​വ​രാ​യി​രു​ന്നു ഇസ്രാ​യേ​ല്യർ. യഹോ​വയ്‌ക്കു സമ്പൂർണ​ഭക്തി കൊടു​ത്തു​കൊ​ള്ളാം എന്നാണ്‌ അവർ അതിലൂ​ടെ സമ്മതി​ച്ചത്‌. (പുറ. 24:3-8) യഹോവ എപ്പോ​ഴും തന്റെ ഉടമ്പടി​ക​ളോ​ടു വിശ്വസ്‌ത​നാ​യ​തു​കൊണ്ട്‌ തന്റെ ഉടമ്പടി​ജ​ന​ത​യിൽനി​ന്നും അതേ വിശ്വസ്‌തത തിരികെ പ്രതീ​ക്ഷി​ച്ചു.​—ആവ. 7:9, 10; 2 ശമു. 22:26.

5, 6. ഇസ്രാ​യേ​ല്യർ യഹോ​വയ്‌ക്കു സമ്പൂർണ​ഭക്തി നൽകേ​ണ്ടി​യി​രു​ന്നത്‌ എന്തു​കൊണ്ട്‌?

⁵ യഹോവ ഇസ്രാ​യേ​ല്യ​രിൽനിന്ന്‌ സമ്പൂർണ​ഭക്തി ആഗ്രഹി​ച്ചതു ന്യായ​മാ​യി​രു​ന്നോ? തീർച്ച​യാ​യും! കാരണം യഹോവ സർവശ​ക്ത​നായ ദൈവ​മാണ്‌, അഖിലാ​ണ്ഡ​പ​ര​മാ​ധി​കാ​രി​യാണ്‌, ജീവന്റെ ഉറവും പരിപാ​ല​ക​നും ആണ്‌. (സങ്കീ. 36:9; പ്രവൃ. 17:28) യഹോവ ഇസ്രാ​യേ​ല്യ​രു​ടെ വിമോ​ച​ക​നും ആയിരു​ന്നു. പത്തു കല്‌പന നൽകുന്ന സമയത്ത്‌ യഹോവ ആ ജനത്തെ ഇങ്ങനെ ഓർമി​പ്പി​ച്ചി​രു​ന്നു: “അടിമ​വീ​ടായ ഈജിപ്‌ത്‌ ദേശത്തു​നിന്ന്‌ നിന്നെ വിടു​വിച്ച്‌ കൊണ്ടു​വന്ന നിന്റെ ദൈവ​മായ യഹോ​വ​യാ​ണു ഞാൻ.” (പുറ. 20:2) അതെ, ഇസ്രാ​യേ​ല്യർ അവരുടെ ഹൃദയ​ങ്ങ​ളിൽ യഹോ​വയ്‌ക്ക്‌ അതുല്യ​മായ ഒരു സ്ഥാനം നൽകണ​മാ​യി​രു​ന്നു.

⁶ യഹോവ മാറ്റമി​ല്ലാ​ത്ത​വ​നാണ്‌. (മലാ. 3:6) സമ്പൂർണ​ഭക്തി ആവശ്യ​പ്പെ​ടുന്ന കാര്യ​ത്തിൽ യഹോ​വയ്‌ക്ക്‌ ഇന്നും ഒരു മാറ്റവും വന്നിട്ടില്ല. അങ്ങനെ​യെ​ങ്കിൽ യഹസ്‌കേ​ലി​നെ കാണി​ക്കാ​നി​രുന്ന, അസ്വസ്ഥത ഉളവാ​ക്കുന്ന ആ നാലു രംഗങ്ങൾ യഹോ​വ​യു​ടെ ഹൃദയത്തെ എങ്ങനെ ബാധി​ച്ചു​കാ​ണു​മെന്നു ചിന്തി​ക്കുക!

7. (എ) ദേവാ​ല​യ​ത്തി​ന്റെ വടക്കേ കവാട​ത്തി​നു മുന്നിൽ വിശ്വാ​സ​ത്യാ​ഗി​ക​ളായ ജൂതന്മാർ എന്തു ചെയ്യു​ക​യാ​യി​രു​ന്നു, യഹോ​വ​യു​ടെ പ്രതി​ക​രണം എന്തായി​രു​ന്നു? (അധ്യാ​യ​ത്തി​ന്റെ തുടക്ക​ത്തി​ലെ ചിത്രം കാണുക.) (ബി) അത്‌ യഹോ​വ​യിൽ രോഷം ജനിപ്പി​ച്ചു എന്നു പറയു​ന്നത്‌ ഏത്‌ അർഥത്തി​ലാണ്‌? (അടിക്കു​റി​പ്പു കാണുക.)

⁷ യഹസ്‌കേൽ 8:5, 6 വായി​ക്കുക. യഹസ്‌കേൽ ഞെട്ടി​ത്ത​രിച്ച്‌ നിന്നു​കാ​ണും! ദേവാ​ല​യ​ത്തി​ന്റെ വടക്കേ കവാട​ത്തി​നു മുന്നിൽ വിശ്വാ​സ​ത്യാ​ഗി​ക​ളായ  ജൂതന്മാർ അതാ, ഒരു വിഗ്ര​ഹത്തെ ആരാധി​ക്കു​ന്നു! ഒരുപക്ഷേ അതു കനാന്യർ ബാലിന്റെ ഭാര്യ​യാ​യി കരുതി​യി​രുന്ന അശേര എന്ന വ്യാജ​ദേ​വ​ത​യു​ടെ ഒരു പൂജാസ്‌തൂ​പ​മാ​യി​രു​ന്നു. അത്‌ എന്തുത​ന്നെ​യാ​യാ​ലും, വിഗ്ര​ഹാ​രാ​ധി​ക​ളായ ആ ഇസ്രാ​യേ​ല്യർ തങ്ങൾ യഹോ​വ​യു​മാ​യി ചെയ്‌ത ഉടമ്പടി​യി​ലെ വ്യവസ്ഥകൾ ലംഘിച്ചു. യഹോ​വയ്‌ക്ക്‌ അവകാ​ശ​പ്പെട്ട, യഹോ​വയ്‌ക്കു മാത്രം അർഹത​പ്പെട്ട ഭക്തി അവർ ഒരു വിഗ്ര​ഹ​ത്തി​നു നൽകി​യ​പ്പോൾ യഹോ​വയ്‌ക്കു രോഷം തോന്നി. യഹോ​വയ്‌ക്ക്‌ അങ്ങനെ തോന്നി​യതു തികച്ചും ന്യായ​മാ​യി​രു​ന്നു​താ​നും. b (ആവ. 32:16; യഹ. 5:13) ഒന്നു ചിന്തി​ച്ചു​നോ​ക്കൂ: 400-ലധികം വർഷമാ​യി ദേവാ​ല​യ​ത്തി​ലെ വിശു​ദ്ധ​മ​ന്ദി​ര​ത്തിന്‌ യഹോ​വ​യു​ടെ സാന്നി​ധ്യ​വു​മാ​യി അടുത്ത ഒരു ബന്ധമു​ണ്ടാ​യി​രു​ന്ന​താണ്‌. (1 രാജാ. 8:10-13) പക്ഷേ ആ വിഗ്ര​ഹാ​രാ​ധകർ ഇപ്പോൾ ഇതാ, ദേവാ​ല​യ​വ​ള​പ്പി​നു​ള്ളിൽത്തന്നെ വിഗ്ര​ഹ​ങ്ങളെ ആരാധി​ക്കു​ന്നു! ഒടുവിൽ അവർ കാരണം യഹോവ തന്റെ ‘വിശു​ദ്ധ​മ​ന്ദി​രം വിട്ട്‌ അകന്നു​പോ​യി.’

8. രോഷ​ത്തി​ന്റെ പ്രതീ​ക​ത്തെ​ക്കു​റിച്ച്‌ യഹസ്‌കേൽ കണ്ട ദർശന​ത്തിന്‌ ഇന്നു നമ്മുടെ കാലത്ത്‌ എന്ത്‌ അർഥമാ​ണു​ള്ളത്‌?

⁸ രോഷ​ത്തി​ന്റെ ആ പ്രതീ​ക​ത്തെ​ക്കു​റിച്ച്‌ യഹസ്‌കേൽ കണ്ട ദർശന​ത്തിന്‌ ഇന്നു നമ്മുടെ കാലത്ത്‌ എന്ത്‌ അർഥമാ​ണു​ള്ളത്‌? വിശ്വാ​സ​ത്യാ​ഗി​യായ യഹൂദ, ക്രൈസ്‌ത​വ​ലോ​കത്തെ നമ്മുടെ മനസ്സി​ലേക്കു കൊണ്ടു​വ​രു​ന്നു. ക്രൈസ്‌ത​വ​സ​ഭ​ക​ളിൽ വിഗ്ര​ഹാ​രാ​ധന വ്യാപ​ക​മാണ്‌. അതു​കൊ​ണ്ടു​തന്നെ ആളുകൾ ദൈവത്തെ ആരാധി​ക്കു​ന്ന​താ​യി അവകാ​ശ​പ്പെ​ടു​ന്നെ​ങ്കി​ലും ദൈവം അതു സ്വീക​രി​ക്കു​ന്നില്ല. യഹോവ മാറ്റമി​ല്ലാ​ത്ത​വ​നാ​യ​തു​കൊണ്ട്‌ ക്രൈസ്‌ത​വ​ലോ​ക​വും വിശ്വാ​സ​ത്യാ​ഗി​യായ യഹൂദ​യെ​പ്പോ​ലെ യഹോ​വ​യിൽ ധാർമി​ക​രോ​ഷം ജനിപ്പി​ച്ചി​ട്ടുണ്ട്‌, സംശയ​മില്ല. (യാക്കോ. 1:17) തീർച്ച​യാ​യും ക്രിസ്‌ത്യാ​നി​ത്വ​ത്തി​ന്റെ വികല​രൂ​പ​മായ ക്രൈസ്‌ത​വ​ലോ​ക​ത്തിൽനിന്ന്‌ യഹോവ ഏറെ അകലെ​യാണ്‌!

9, 10. ദേവാ​ല​യ​ത്തി​ലെ വിഗ്ര​ഹാ​രാ​ധ​ക​രിൽനിന്ന്‌ എന്തു പാഠമാ​ണു നമുക്കു പഠിക്കാ​നു​ള്ളത്‌?

⁹ ദേവാ​ല​യ​ത്തി​ലെ ആ വിഗ്ര​ഹാ​രാ​ധ​ക​രിൽനിന്ന്‌ എന്തു പാഠമാ​ണു നമുക്കു പഠിക്കാ​നു​ള്ളത്‌? യഹോ​വയ്‌ക്കു സമ്പൂർണ​ഭക്തി നൽകാൻ നമ്മൾ ‘വിഗ്ര​ഹാ​രാ​ധന വിട്ട്‌ ഓടണം.’ (1 കൊരി. 10:14) എന്നാൽ ‘ഞാൻ യഹോ​വയെ ആരാധി​ക്കു​മ്പോൾ വിഗ്ര​ഹ​ങ്ങ​ളോ മറ്റു പ്രതീ​ക​ങ്ങ​ളോ ഒരിക്ക​ലും ഉപയോ​ഗി​ക്കില്ല’ എന്നായി​രി​ക്കാം നമ്മൾ ചിന്തി​ക്കു​ന്നത്‌. പക്ഷേ വിഗ്ര​ഹാ​രാ​ധ​നയ്‌ക്കു പല രൂപങ്ങ​ളുണ്ട്‌. അവയിൽ ചിലത്‌ ഒറ്റ നോട്ട​ത്തിൽ വിഗ്ര​ഹാ​രാ​ധ​ന​യാ​ണെന്നു തോന്നു​കയേ ഇല്ല. ഒരു ഗ്രന്ഥം അതെക്കു​റിച്ച്‌ പറയു​ന്നത്‌ ഇതാണ്‌: “വിലയോ മൂല്യ​മോ അധികാ​ര​മോ ഉള്ള എന്തെങ്കി​ലും, നമുക്കു ദൈവ​ത്തെ​ക്കാൾ പ്രാധാ​ന്യ​മു​ള്ള​താ​യി മാറി​യാൽ അതിനെ വിഗ്ര​ഹാ​രാ​ധന എന്നു വിളി​ക്കാം.” വസ്‌തു​വ​ക​ക​ളോ പണമോ ലൈം​ഗി​ക​ത​യോ വിനോ​ദ​മോ പോലെ എന്തും അതിൽ ഉൾപ്പെ​ടാം എന്നാണ്‌ അതിന്‌ അർഥം. അവ നമ്മുടെ ജീവി​ത​ത്തിൽ ഒന്നാം സ്ഥാനം കവർന്നെ​ടു​ക്കു​ക​യും അങ്ങനെ യഹോ​വയ്‌ക്കു സമ്പൂർണ​ഭക്തി കൊടു​ക്കു​ന്ന​തിൽനിന്ന്‌ നമ്മളെ തടയു​ക​യും ചെയ്‌താൽ അതു വിഗ്ര​ഹാ​രാ​ധ​ന​യാണ്‌. (മത്താ. 6:19-21, 24; എഫെ. 5:5; കൊലോ. 3:5) അതു​കൊണ്ട്‌ എല്ലാ തരം വിഗ്ര​ഹാ​രാ​ധ​നയ്‌ക്കും എതിരെ നമ്മൾ ജാഗ്രത പാലി​ക്കണം. കാരണം യഹോവ നമ്മുടെ ഹൃദയ​ങ്ങ​ളിൽ അതുല്യ​മായ ഒരു സ്ഥാനം അർഹി​ക്കു​ന്നു, യഹോവ മാത്ര​മാ​ണു നമ്മുടെ ആരാധ​നയ്‌ക്ക്‌ അർഹൻ!​—1 യോഹ. 5:21.

¹⁰ ഈ ഒന്നാം രംഗത്തിൽ യഹോവ യഹസ്‌കേ​ലി​നു കാണി​ച്ചു​കൊ​ടുത്ത കാര്യ​ങ്ങളെ, ‘ഭയങ്കര​മായ വൃത്തി​കേ​ടു​കൾ’ എന്നുതന്നെ വിശേ​ഷി​പ്പി​ക്കാം. എന്നാൽ “ഇതിലും ഭയങ്കര​മായ വൃത്തി​കേ​ടു​കൾ നീ കാണാ​നി​രി​ക്കു​ന്നതേ ഉള്ളൂ” എന്നാണ്‌ യഹോവ ആ വിശ്വസ്‌ത​പ്ര​വാ​ച​ക​നോ​ടു തുടർന്ന്‌ പറഞ്ഞത്‌. പക്ഷേ ദേവാ​ല​യ​വ​ള​പ്പി​നു​ള്ളിൽവെച്ച്‌ രോഷ​ത്തി​ന്റെ വിഗ്ര​ഹ​പ്ര​തീ​കത്തെ ആരാധി​ക്കു​ന്ന​തി​നെ​ക്കാൾ ഭയങ്കര​മാ​യി വേറെ എന്താണു​ള്ളത്‌?

11. ദേവാ​ല​യ​ത്തി​ന്റെ അകത്തെ മുറ്റത്തുള്ള യാഗപീ​ഠ​ത്തിന്‌ അടുത്ത്‌ എത്തിയ യഹസ്‌കേൽ അസ്വസ്ഥ​ജ​ന​ക​മായ എന്തെല്ലാം കാഴ്‌ച​ക​ളാ​ണു കണ്ടത്‌?

¹¹ യഹസ്‌കേൽ 8:7-12 വായി​ക്കുക. യഹസ്‌കേൽ ഒരു ചുവർ കുത്തി​ത്തു​രന്ന്‌ ദേവാ​ല​യ​ത്തി​ന്റെ അകത്തെ മുറ്റത്ത്‌ പ്രവേ​ശി​ക്കു​ന്നു. അദ്ദേഹം ഇപ്പോൾ യാഗപീ​ഠ​ത്തിന്‌ അടുത്താണ്‌. അവിടെ ചുവരിൽ നിറയെ ‘ഇഴജന്തു​ക്ക​ളു​ടെ​യും അറപ്പു തോന്നുന്ന മൃഗങ്ങ​ളു​ടെ​യും രൂപങ്ങ​ളും’ “എല്ലാ മ്ലേച്ഛവി​ഗ്ര​ഹ​ങ്ങ​ളും” c കൊത്തി​വെ​ച്ചി​രി​ക്കു​ന്നു. വ്യാജ​ദൈ​വ​ങ്ങ​ളു​ടെ പ്രതീ​ക​ങ്ങ​ളാ​യി​രു​ന്നു അവ. അതി​നെ​ക്കാൾ അസ്വസ്ഥത ജനിപ്പി​ക്കുന്ന കാഴ്‌ച​യാണ്‌ അടുത്ത​താ​യി യഹസ്‌കേൽ കണ്ടത്‌. “ഇസ്രാ​യേൽഗൃ​ഹ​ത്തി​ലെ 70 മൂപ്പന്മാർ” “ഇരുട്ടത്ത്‌” വ്യാജ​ദൈ​വ​ങ്ങൾക്കു സുഗന്ധ​ക്കൂട്ട്‌ അർപ്പി​ക്കു​ന്നു! ഇസ്രാ​യേ​ല്യർക്കു കൊടുത്ത നിയമ​ത്തിൻകീ​ഴിൽ, ഇത്തരം സുഗന്ധ​ക്കൂ​ട്ടു കത്തിക്കു​ന്നതു വിശ്വസ്‌താ​രാ​ധകർ അർപ്പി​ക്കുന്ന സ്വീകാ​ര്യ​മായ പ്രാർഥ​ന​ക​ളെ​യാ​ണു പ്രതീ​ക​പ്പെ​ടു​ത്തി​യത്‌. (സങ്കീ. 141:2) പക്ഷേ ആ 70 മൂപ്പന്മാർ വ്യാജ​ദൈ​വ​ങ്ങൾക്കു സുഗന്ധ​ക്കൂട്ട്‌ അർപ്പി​ച്ച​പ്പോൾ ഉയർന്ന പുക, മനംമ​ടു​പ്പി​ക്കുന്ന രൂക്ഷഗ​ന്ധ​മാ​യാ​ണു ദൈവ​ത്തി​നു തോന്നി​യത്‌. അതെ, അവരുടെ പ്രാർഥ​നകൾ ദൈവ​ത്തിന്‌ അസഹ്യ​മായ ദുർഗ​ന്ധം​പോ​ലെ​യാ​യി​രു​ന്നു. (സുഭാ. 15:8) ‘യഹോവ തങ്ങളെ കാണു​ന്നില്ല’ എന്നു കരുതിയ ആ മൂപ്പന്മാർക്കു തെറ്റി! യഹോവ അവരെ കാണു​ന്നു​ണ്ടാ​യി​രു​ന്നു! തന്റെ ആലയത്തിൽ അവർ ചെയ്‌തു​കൂ​ട്ടുന്ന കാര്യ​ങ്ങ​ളെ​ല്ലാം ഒന്നും വിടാതെ യഹോവ യഹസ്‌കേ​ലി​നു കാണി​ച്ചു​കൊ​ടു​ക്കു​ക​യും ചെയ്‌തു.

12. ‘ഇരുട്ട​ത്തു​പോ​ലും’ നമ്മൾ വിശ്വസ്‌ത​രാ​യി​രി​ക്കേ​ണ്ടത്‌ എന്തു​കൊണ്ട്‌, ഇക്കാര്യ​ത്തിൽ പ്രത്യേ​കിച്ച്‌ ആരാണു മാതൃക വെക്കേ​ണ്ടത്‌?

 ¹² വ്യാജ​ദൈ​വ​ങ്ങൾക്കു സുഗന്ധ​ക്കൂട്ട്‌ അർപ്പിച്ച 70 ഇസ്രാ​യേ​ല്യ​മൂ​പ്പ​ന്മാ​രെ​ക്കു​റി​ച്ചുള്ള യഹസ്‌കേ​ലി​ന്റെ വിവരണം നമ്മളെ എന്താണു പഠിപ്പി​ക്കു​ന്നത്‌? ദൈവം നമ്മുടെ പ്രാർഥ​നകൾ കേൾക്ക​ണ​മെ​ങ്കിൽ, നമ്മുടെ ആരാധന ദൈവ​ദൃ​ഷ്ടി​യിൽ ശുദ്ധമാ​യി​രി​ക്ക​ണ​മെ​ങ്കിൽ, നമ്മൾ ‘ഇരുട്ട​ത്തു​പോ​ലും’ വിശ്വസ്‌ത​രാ​യി​രി​ക്കണം. (സുഭാ. 15:29) എല്ലാം കാണുന്ന യഹോ​വ​യു​ടെ കണ്ണുകൾ എപ്പോ​ഴും നമ്മുടെ മേൽ ഉണ്ടെന്ന്‌ ഓർക്കുക. യഹോ​വയെ ഒരു യഥാർഥ​വ്യ​ക്തി​യാ​യി​ട്ടാ​ണു നമ്മൾ കാണു​ന്ന​തെ​ങ്കിൽ മറ്റാരും കാണാ​ത്ത​പ്പോൾപ്പോ​ലും യഹോ​വയ്‌ക്ക്‌ ഇഷ്ടമല്ലാ​ത്ത​തൊ​ന്നും നമ്മൾ ചെയ്യില്ല. (എബ്രാ. 4:13) ബൈബിൾത​ത്ത്വ​ങ്ങൾ അനുസ​രിച്ച്‌ ജീവി​ക്കു​ന്ന​തിൽ പ്രത്യേ​കിച്ച്‌ സഭാമൂ​പ്പ​ന്മാർ നല്ലൊരു മാതൃ​ക​യാ​യി​രി​ക്കണം. (1 പത്രോ. 5:2, 3) ക്രിസ്‌തീ​യ​യോ​ഗ​ങ്ങ​ളിൽ സഭ​യു​ടെ മുന്നിൽ നിന്ന്‌ ആരാധ​നയ്‌ക്കു നേതൃ​ത്വ​മെ​ടു​ക്കുന്ന മൂപ്പന്മാർ ‘ഇരുട്ട​ത്തു​പോ​ലും,’ അതായത്‌ മറ്റുള്ളവർ കാണാ​ത്ത​പ്പോൾപ്പോ​ലും, ബൈബിൾത​ത്ത്വ​ങ്ങൾ അനുസ​രിച്ച്‌ ജീവി​ക്കാൻ സഭ​യി​ലുള്ള​വർ ന്യായ​മാ​യും പ്രതീ​ക്ഷി​ക്കും.​—സങ്കീ. 101:2, 3.

13. ദേവാ​ല​യ​ക​വാ​ട​ങ്ങ​ളിൽ ഒന്നിന്റെ മുന്നിൽവെച്ച്‌ വിശ്വാ​സ​ത്യാ​ഗി​ക​ളായ സ്‌ത്രീ​കൾ എന്തു ചെയ്യു​ന്ന​താ​യാണ്‌ യഹസ്‌കേൽ കണ്ടത്‌?

¹³ യഹസ്‌കേൽ 8:13, 14 വായി​ക്കുക. അവരുടെ വൃത്തി​കെട്ട ആചാരങ്ങൾ വെളി​പ്പെ​ടു​ത്തിയ ആ രണ്ടു രംഗങ്ങൾക്കു ശേഷം യഹോവ യഹസ്‌കേ​ലി​നോ​ടു വീണ്ടും പറഞ്ഞു: “അവർ ഇതിലും ഭയങ്കര​മായ വൃത്തി​കേ​ടു​കൾ ചെയ്‌തു​കൂ​ട്ടു​ന്നതു നീ കാണാ​നി​രി​ക്കു​ന്നതേ ഉള്ളൂ.” പ്രവാ​ചകൻ അടുത്ത​താ​യി എന്താണു കണ്ടത്‌? “യഹോ​വ​യു​ടെ ഭവനത്തി​ന്റെ വടക്കേ കവാട​ത്തി​ന്റെ മുന്നിൽ . . . സ്‌ത്രീ​കൾ ഇരുന്ന്‌ തമ്മൂസ്‌ ദേവ​നെ​ച്ചൊ​ല്ലി വിലപി​ക്കു​ന്നു.” മെസൊ​പ്പൊ​ത്താ​മ്യ​യി​ലെ ഒരു ദേവനാ​യി​രു​ന്നു തമ്മൂസ്‌. സുമേ​റി​യൻ ഗ്രന്ഥങ്ങ​ളിൽ ഡുമുസി എന്നു വിളി​ച്ചി​രി​ക്കുന്ന തമ്മൂസ്‌, പ്രത്യുത്‌പാ​ദ​ന​ത്തി​ന്റെ​യും ഫലപു​ഷ്ടി​യു​ടെ​യും ദേവത​യായ ഇഷ്‌താ​റി​ന്റെ ഭർത്താ​വോ കാമു​ക​നോ ആണെന്നു കരുത​പ്പെ​ടു​ന്നു. d തെളി​വ​നു​സ​രിച്ച്‌, തമ്മൂസി​ന്റെ മരണ​ത്തോ​ടു ബന്ധപ്പെട്ട ഏതോ മതാചാ​ര​ത്തി​ന്റെ ഭാഗമാ​യാണ്‌ ആ ഇസ്രാ​യേ​ല്യസ്‌ത്രീ​കൾ കരഞ്ഞു​കൊ​ണ്ടി​രു​ന്നത്‌. യഹോ​വ​യു​ടെ ആലയത്തിൽവെച്ച്‌ തമ്മൂസി​നെ​ച്ചൊ​ല്ലി വിലപി​ച്ച​പ്പോൾ ആ സ്‌ത്രീ​കൾ ശുദ്ധാ​രാ​ധ​ന​യു​ടെ കേന്ദ്ര​ത്തിൽവെച്ച്‌ ഒരു വ്യാജ​മ​താ​ചാ​രം അനുഷ്‌ഠി​ക്കു​ക​യാ​യി​രു​ന്നു. എന്നാൽ അതെല്ലാം ദേവാ​ല​യ​ത്തിൽവെ​ച്ചാണ്‌ ചെയ്‌തത്‌ എന്നതു​കൊണ്ട്‌ ദൈവം അതു സ്വീക​രി​ച്ചെ​ന്നാ​ണോ? ഒരിക്ക​ലു​മല്ല. വാസ്‌ത​വ​ത്തിൽ, വിശ്വാ​സ​ത്യാ​ഗി​ക​ളായ ആ സ്‌ത്രീ​കൾ ചെയ്‌തു​കൊ​ണ്ടി​രു​ന്നത്‌ ‘വൃത്തി​കേ​ടു​ക​ളാണ്‌’ എന്നാണ്‌ യഹോവ പറഞ്ഞത്‌.

14. വിശ്വാ​സ​ത്യാ​ഗി​ക​ളായ സ്‌ത്രീ​കൾ ചെയ്‌ത കാര്യ​ങ്ങളെ യഹോവ വീക്ഷിച്ച വിധത്തിൽനിന്ന്‌ നമുക്ക്‌ എന്തു പഠിക്കാം?

¹⁴ ആ സ്‌ത്രീ​കൾ ചെയ്‌ത കാര്യ​ങ്ങളെ യഹോവ വീക്ഷിച്ച വിധത്തിൽനിന്ന്‌ നമുക്ക്‌ എന്താണു പഠിക്കാ​നു​ള്ളത്‌? നമ്മുടെ ആരാധന ശുദ്ധമാ​യി​രി​ക്ക​ണ​മെ​ങ്കിൽ നമ്മൾ ഒരിക്ക​ലും ശുദ്ധാ​രാ​ധ​നയെ അശുദ്ധ​മായ വ്യാജ​മ​താ​ചാ​ര​ങ്ങ​ളു​മാ​യി ഇടകലർത്ത​രുത്‌. അതു​കൊ​ണ്ടു​തന്നെ വ്യാജമത ഉത്ഭവങ്ങ​ളുള്ള ആചരണ​ങ്ങ​ളിൽനി​ന്നും ആഘോ​ഷ​ങ്ങ​ളിൽനി​ന്നും നമ്മൾ പൂർണ​മാ​യി വിട്ടു​നിൽക്കണം. അവയുടെ ഉത്ഭവ​ത്തെ​ക്കു​റിച്ച്‌ നമ്മൾ അത്ര​യേറെ ചിന്തി​ക്ക​ണോ? വേണം! ഇന്നു ക്രിസ്‌തു​മസ്‌, ഈസ്റ്റർ എന്നിവ​പോ​ലുള്ള ആഘോ​ഷ​ങ്ങ​ളു​മാ​യി ബന്ധപ്പെട്ട ചില ആചാര​ങ്ങൾക്കു പ്രത്യ​ക്ഷ​ത്തിൽ ഒരു കുഴപ്പ​വു​മില്ല എന്നു തോന്നി​യേ​ക്കാം. പക്ഷേ ഇതു​പോ​ലുള്ള ആഘോ​ഷ​ങ്ങ​ളെ​ല്ലാം ഏതൊക്കെ വ്യാജ​മ​താ​ചാ​ര​ങ്ങ​ളിൽനിന്ന്‌ ഉത്ഭവി​ച്ച​താ​ണെന്ന്‌ യഹോ​വയ്‌ക്കു നന്നായി അറിയാം. കാലം കുറെ കടന്നു​പോ​യ​തു​കൊ​ണ്ടോ വ്യാജ​മ​താ​ചാ​ര​ങ്ങളെ ശുദ്ധാ​രാ​ധ​ന​യു​മാ​യി ഇടകലർത്താൻ ശ്രമി​ച്ച​തു​കൊ​ണ്ടോ യഹോ​വയ്‌ക്ക്‌ അവയോ​ടുള്ള വെറുപ്പു കുറയില്ല.​—2 കൊരി. 6:17; വെളി. 18:2, 4.

15, 16. ദേവാ​ല​യ​ത്തി​ന്റെ അകത്തെ മുറ്റത്ത്‌ 25 പുരു​ഷ​ന്മാർ എന്തു ചെയ്യു​ക​യാ​യി​രു​ന്നു, അവർ ചെയ്‌ത കാര്യങ്ങൾ യഹോ​വയെ അങ്ങേയറ്റം അപമാ​നി​ച്ചത്‌ എങ്ങനെ?

¹⁵ യഹസ്‌കേൽ 8:15-18 വായി​ക്കുക. “ഇവയെ​ക്കാൾ മോശ​മായ ഭയങ്കര വൃത്തി​കേ​ടു​കൾ നീ കാണാ​നി​രി​ക്കു​ന്നതേ ഉള്ളൂ” എന്ന പരിചി​ത​മായ വാക്കു​ക​ളോ​ടെ​യാ​ണു നാലാ​മ​ത്തേ​തും അവസാ​ന​ത്തേ​തും ആയ രംഗം യഹോവ യഹസ്‌കേ​ലി​നു കാണി​ച്ചു​കൊ​ടു​ക്കു​ന്നത്‌. അതു കേട്ട​പ്പോൾ, ‘ഇതുവരെ കണ്ടതി​ലും ഭയങ്കര​മായ എന്താണ്‌ ഇനി കാണാ​നു​ള്ളത്‌’ എന്നു പ്രവാ​ചകൻ ചിന്തി​ച്ചു​കാ​ണും. യഹസ്‌കേൽ ഇപ്പോൾ ദേവാ​ല​യ​ത്തി​ന്റെ അകത്തെ മുറ്റത്താണ്‌. അവിടെ അതാ, ദേവാ​ല​യ​ത്തി​ന്റെ വാതി​ലിന്‌ അടുത്ത്‌ 25 പുരു​ഷ​ന്മാർ ‘കിഴ​ക്കോ​ട്ടു നോക്കി സൂര്യനെ കുമ്പിട്ട്‌’ ആരാധി​ക്കു​ന്നു. മറ്റൊരു കാര്യ​ത്തി​നും യഹോ​വയെ ഇത്ര​ത്തോ​ളം അപമാ​നി​ക്കാ​നാ​കി​ല്ലാ​യി​രു​ന്നു. എന്തു​കൊ​ണ്ടാണ്‌ അങ്ങനെ പറയു​ന്നത്‌?

¹⁶ ആ രംഗ​മൊ​ന്നു ഭാവന​യിൽ കാണുക: ദേവാ​ല​യ​ത്തി​ന്റെ ദർശനം കിഴ​ക്കോ​ട്ടാ​യി​രു​ന്നു. ആലയത്തി​ലേക്കു വരുന്നവർ കിഴക്കുള്ള ഉദയസൂ​ര്യ​നു പുറം​തി​രിഞ്ഞ്‌, പടിഞ്ഞാ​റു​വ​ശ​ത്തിന്‌ അഭിമു​ഖ​മാ​യാണ്‌ അതി​ലേക്കു പ്രവേ​ശി​ച്ചി​രു​ന്നത്‌. പക്ഷേ ദർശന​ത്തി​ലെ 25 പുരു​ഷ​ന്മാർ “യഹോ​വ​യു​ടെ ആലയത്തി​നു പുറം​തി​രിഞ്ഞ്‌,” കിഴ​ക്കോ​ട്ടു നോക്കി സൂര്യനെ ആരാധി​ക്കു​ക​യാണ്‌. അതുവഴി അവർ യഹോ​വയ്‌ക്കാ​ണു പുറം​തി​രി​ഞ്ഞത്‌. കാരണം ആ ദേവാ​ലയം ‘യഹോ​വ​യു​ടെ ഭവനമാ​യി​രു​ന്നു.’ (1 രാജാ. 8:10-13) ആ 25 പുരു​ഷ​ന്മാർ വിശ്വാ​സ​ത്യാ​ഗി​ക​ളാ​യി​രു​ന്നു. യഹോ​വയെ തീർത്തും അവഗണിച്ച അവർ ആവർത്തനം 4:15-19-ലെ കല്‌പ​ന​യാ​ണു ലംഘി​ച്ചത്‌. സമ്പൂർണ​ഭ​ക്തിക്ക്‌ അർഹനായ ദൈവത്തെ ശരിക്കും അസ്വസ്ഥ​നാ​ക്കുന്ന ഒരു നടപടി!

17, 18. (എ) ദേവാ​ല​യ​ത്തി​ലെ സൂര്യാ​രാ​ധ​ക​രെ​ക്കു​റി​ച്ചുള്ള വിവര​ണ​ത്തിൽനിന്ന്‌ നമുക്ക്‌ എന്താണു പഠിക്കാ​നു​ള്ളത്‌? (ബി) ഇസ്രാ​യേ​ല്യ​രു​ടെ വിശ്വാ​സ​ത്യാ​ഗം അവരുടെ ഏതെല്ലാം ബന്ധങ്ങളെ അപകട​ത്തി​ലാ​ക്കി, എങ്ങനെ?

¹⁷ ആ സൂര്യാ​രാ​ധ​ക​രെ​ക്കു​റി​ച്ചുള്ള വിവര​ണ​ത്തിൽനിന്ന്‌ നമുക്ക്‌ എന്താണു പഠിക്കാ​നു​ള്ളത്‌? നമ്മുടെ ആരാധന ശുദ്ധമാ​യി​രി​ക്ക​ണ​മെ​ങ്കിൽ ആത്മീയ​വെ​ളി​ച്ച​ത്തി​നാ​യി നമ്മൾ യഹോ​വ​യി​ലേക്കു നോക്കണം. ഓർക്കുക: “യഹോവ ഒരു സൂര്യ​നും” യഹോ​വ​യു​ടെ വചനം നമ്മുടെ “വഴികൾക്ക്‌ ഒരു വെളി​ച്ച​വും ആണ്‌.” (സങ്കീ. 84:11; 119:105) ദൈവ​വ​ച​ന​ത്തി​ലൂ​ടെ​യും തന്റെ സംഘട​ന​യിൽനി​ന്നുള്ള ബൈബി​ള​ധിഷ്‌ഠിത പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും യഹോവ നമ്മുടെ ഹൃദയ​വും മനസ്സും പ്രകാ​ശി​പ്പി​ക്കു​ന്നു. ഇപ്പോൾത്തന്നെ സംതൃപ്‌തി​യോ​ടെ ജീവി​ക്കാ​നും ഭാവി​യിൽ നിത്യ​ജീ​വൻ സ്വന്തമാ​ക്കാ​നും ആ മാർഗ​ദീ​പം നമ്മളെ സഹായി​ക്കും. എന്നാൽ നമ്മുടെ ജീവി​ത​ത്തി​നു വഴി കാട്ടാൻ നമ്മൾ ലോക​ത്തി​ലേ​ക്കാ​ണു നോക്കു​ന്ന​തെ​ങ്കിൽ അത്‌ യഹോ​വയ്‌ക്കു പുറം​തി​രി​യു​ന്ന​തു​പോ​ലെ​യാണ്‌. യഹോ​വയെ അപമാ​നി​ക്കു​ന്ന​തി​നു തുല്യ​മായ ആ പ്രവൃത്തി യഹോ​വ​യു​ടെ ഹൃദയത്തെ എത്രമാ​ത്രം വേദനി​പ്പി​ക്കു​മെ​ന്നോ! നമ്മുടെ ദൈവ​ത്തോട്‌ അങ്ങനെ ചെയ്യാൻ നമ്മൾ ഒട്ടും ആഗ്രഹി​ക്കില്ല. സത്യത്തി​നു പുറം​തി​രി​യുന്ന വിശ്വാ​സ​ത്യാ​ഗി​കളെ ഒഴിവാ​ക്കണം എന്നൊരു മുന്നറി​യി​പ്പും ഈ ദർശന​ത്തി​ലുണ്ട്‌.​—സുഭാ. 11:9.

¹⁸ നമ്മൾ ഇതുവരെ കണ്ടതു​പോ​ലെ, വിഗ്ര​ഹാ​രാ​ധ​ന​യു​ടെ​യും വ്യാജാ​രാ​ധ​ന​യു​ടെ​യും ഞെട്ടി​ക്കുന്ന നാലു രംഗങ്ങൾക്കാണ്‌ യഹസ്‌കേൽ സാക്ഷ്യം വഹിച്ചത്‌. വിശ്വാ​സ​ത്യാ​ഗി​യായ യഹൂദ ആത്മീയ​മാ​യി എത്ര​ത്തോ​ളം അധഃപ​തി​ച്ചെന്ന്‌ അതു വെളി​പ്പെ​ടു​ത്തി. ആ ഇസ്രാ​യേ​ല്യർ ആത്മീയ​മാ​യി അശുദ്ധ​രാ​യ​പ്പോൾ ദൈവ​വു​മാ​യി ആ ജനതയ്‌ക്കു​ണ്ടാ​യി​രുന്ന ബന്ധം തകർന്നു. സ്വാഭാ​വി​ക​മാ​യും, ആളുകൾ അത്തരത്തിൽ ആത്മീയ​മാ​യി അശുദ്ധ​രാ​യാൽ അവിടെ ധാർമി​ക​മായ അധഃപ​ത​ന​വും ഉണ്ടാകും. അതു​കൊ​ണ്ടു​തന്നെ വിശ്വാ​സ​ത്യാ​ഗി​ക​ളായ ആ ഇസ്രാ​യേ​ല്യർ എല്ലാ ധാർമി​ക​മൂ​ല്യ​ങ്ങ​ളും കാറ്റിൽപ്പ​റ​ത്തി​യ​തിൽ അതിശ​യി​ക്കാ​നില്ല. അതു ദൈവ​വു​മാ​യുള്ള അവരുടെ ബന്ധത്തെ മാത്രമല്ല സഹമനു​ഷ്യ​രു​മാ​യുള്ള ബന്ധത്തെ​യും അപകട​ത്തി​ലാ​ക്കി. വിശ്വാ​സ​ത്യാ​ഗി​യായ  യഹൂദ​യു​ടെ ധാർമി​കാ​ധഃ​പ​തനം ദൈവം പ്രവാ​ച​ക​നി​ലൂ​ടെ വർണി​ച്ച​തി​നെ​ക്കു​റി​ച്ചാ​ണു നമ്മൾ ഇനി കാണാൻപോ​കു​ന്നത്‌.

19. യഹോ​വ​യു​ടെ ഉടമ്പടി​ജ​ന​ത്തി​ന്റെ ധാർമി​ക​മായ അധഃപ​ത​നത്തെ യഹസ്‌കേൽ എങ്ങനെ​യാ​ണു വർണി​ച്ചത്‌?

¹⁹ യഹസ്‌കേൽ 22:3-12 വായി​ക്കുക. രാജാ​വു​മു​തൽ പ്രജകൾവരെ, ആ ജനത മുഴുവൻ ധാർമി​ക​മാ​യി അധഃപ​തി​ച്ചു​പോ​യി. നിരപ​രാ​ധി​ക​ളു​ടെ രക്തം ചൊരി​ഞ്ഞു​കൊണ്ട്‌ അവരുടെ നേതാ​ക്ക​ന്മാ​രായ ‘തലവന്മാർ’ അധികാ​ര​ദുർവി​നി​യോ​ഗം നടത്തി. ഇവരെ കണ്ടുപ​ഠി​ച്ച​തു​കൊ​ണ്ടാ​യി​രി​ക്കാം, ജനങ്ങളും പൊതു​വേ ദൈവ​നി​യ​മ​ങ്ങൾക്ക്‌ ഒരു വിലയും കല്‌പി​ക്കാ​തെ​യാ​ണു ജീവി​ച്ചത്‌. കുടും​ബ​ങ്ങ​ളു​ടെ കാര്യ​മോ? കുട്ടികൾ മാതാ​പി​താ​ക്ക​ളോ​ടു ‘നിന്ദ​യോ​ടെ പെരു​മാ​റി;’ നിഷിദ്ധ ബന്ധു​വേഴ്‌ച​യും സർവസാ​ധാ​ര​ണ​മാ​യി​രു​ന്നു. ഇനി ആ ദേശത്തി​ന്റെ അവസ്ഥയോ? ധിക്കാ​രി​ക​ളായ ഇസ്രാ​യേ​ല്യർ അവർക്കി​ട​യിൽ വന്നുതാ​മ​സി​ക്കുന്ന വിദേ​ശി​കളെ ചൂഷണം ചെയ്‌തു. അനാഥ​രെ​യും വിധവ​മാ​രെ​യും അവർ ദ്രോ​ഹി​ച്ചു. ഇസ്രാ​യേ​ല്യ​പു​രു​ഷ​ന്മാർ തങ്ങളുടെ അയൽക്കാ​രന്റെ ഭാര്യ​യു​മാ​യി ശാരീ​രി​ക​ബ​ന്ധ​ത്തി​ലേർപ്പെട്ടു. കൈക്കൂ​ലി​യും പിടി​ച്ചു​പ​റി​യും കൊള്ള​പ്പ​ലി​ശ​യും അവരുടെ കടുത്ത അത്യാ​ഗ്രഹം തുറന്നു​കാ​ട്ടി. അതെ, ദൈവ​ത്തി​ന്റെ ഉടമ്പടി​ജനം ദൈവ​നി​യ​മ​ങ്ങളെ തീരെ വകവെ​ച്ചില്ല; ആ നിയമ​ങ്ങൾക്കു പിന്നിലെ സ്‌നേഹം കാണാൻ അവർക്കാ​യില്ല. അവരുടെ ഈ ധാർമി​കാ​ധഃ​പ​തനം യഹോ​വ​യു​ടെ ഹൃദയത്തെ എത്രമാ​ത്രം വേദനി​പ്പി​ച്ചു​കാ​ണും! “നീ എന്നെ പാടേ മറന്നു” എന്ന്‌ അവരോ​ടു പറയാൻ യഹോവ യഹസ്‌കേ​ലി​നോ​ടു നിർദേ​ശി​ച്ച​തിൽനിന്ന്‌ ആ വേദന​യു​ടെ ആഴം വായി​ച്ചെ​ടു​ക്കാം.

20. യഹൂദ​യു​ടെ ധാർമി​കാ​ശു​ദ്ധി​യെ​ക്കു​റി​ച്ചുള്ള യഹസ്‌കേ​ലി​ന്റെ വിവര​ണ​ത്തിന്‌ ഇന്നു പ്രസക്തി​യു​ള്ളത്‌ എന്തു​കൊ​ണ്ടാണ്‌?

²⁰ യഹൂദ​യു​ടെ ധാർമി​കാ​ശു​ദ്ധി​യെ​ക്കു​റി​ച്ചുള്ള യഹസ്‌കേ​ലി​ന്റെ വിവര​ണ​ത്തി​നു നമ്മുടെ നാളിൽ പ്രസക്തി​യു​ള്ളത്‌ എന്തു​കൊ​ണ്ടാണ്‌? വിശ്വാ​സ​ത്യാ​ഗി​യായ  യഹൂദ​യു​ടെ ധാർമി​കാ​ധഃ​പ​തനം, ഇന്നത്തെ ലോക​ത്തി​ന്റെ ധാർമി​ക​മാ​യി ജീർണിച്ച അവസ്ഥയാ​ണു നമ്മുടെ മനസ്സി​ലേക്കു കൊണ്ടു​വ​രു​ന്നത്‌. രാഷ്‌ട്രീ​യ​ഭ​ര​ണാ​ധി​കാ​രി​കൾ അധികാ​രം ദുരു​പ​യോ​ഗം ചെയ്‌ത്‌ സാധാ​ര​ണ​ജ​ന​ങ്ങളെ അടിച്ച​മർത്തു​ന്നു. ഇനി മതനേ​താ​ക്ക​ന്മാ​രു​ടെ, പ്രത്യേ​കിച്ച്‌ ക്രൈസ്‌ത​വ​ലോ​കത്തെ പുരോ​ഹി​ത​ന്മാ​രു​ടെ, അനു​ഗ്ര​ഹാ​ശി​സ്സു​ക​ളോ​ടെ നടക്കുന്ന യുദ്ധങ്ങ​ളിൽ ദശലക്ഷ​ങ്ങ​ളു​ടെ ജീവനാ​ണു പൊലി​യു​ന്നത്‌. ലൈം​ഗിക ധാർമി​ക​ത​യെ​ക്കു​റി​ച്ചുള്ള ബൈബി​ളി​ന്റെ ശുദ്ധവും വ്യക്തവും ആയ നിലവാ​ര​ങ്ങ​ളിൽ ഈ പുരോ​ഹി​ത​ന്മാർ വെള്ളം ചേർത്തി​രി​ക്കു​ന്നു. ഫലമോ? നമുക്കു ചുറ്റു​മുള്ള ലോകം അധാർമി​ക​ത​യു​ടെ നിലയി​ല്ലാ​ക്ക​യ​ങ്ങ​ളി​ലേക്കു മുങ്ങി​ത്താ​ഴു​ക​യാണ്‌. വിശ്വാ​സ​ത്യാ​ഗി​യായ യഹൂദ​യോ​ടു പറഞ്ഞതു​തന്നെ യഹോവ ക്രൈസ്‌ത​വ​ലോ​ക​ത്തോ​ടും പറയും: “നീ എന്നെ പാടേ മറന്നു.”

21. പുരാ​ത​ന​യ​ഹൂ​ദ​യു​ടെ ധാർമി​കാ​ശു​ദ്ധി​യിൽനിന്ന്‌ നമുക്ക്‌ എന്തു പഠിക്കാം?

²¹ പുരാ​ത​ന​യ​ഹൂ​ദ​യു​ടെ ധാർമി​കാ​ശു​ദ്ധി​യിൽനിന്ന്‌ യഹോ​വ​യു​ടെ ജനമായ നമുക്ക്‌ എന്തു പഠിക്കാം? നമ്മുടെ ആരാധന യഹോവ സ്വീക​രി​ക്ക​ണ​മെ​ങ്കിൽ, നമ്മുടെ പെരു​മാ​റ്റം എല്ലാ വിധത്തി​ലും ശുദ്ധമാ​യി​രി​ക്കണം. ധാർമി​ക​മാ​യി അധഃപ​തിച്ച ഈ ലോക​ത്തിൽ അതു പക്ഷേ അത്ര എളുപ്പമല്ല. (2 തിമൊ. 3:1-5) എന്നാൽ, ധാർമി​കാ​ശു​ദ്ധി​യു​ടെ ഏതൊരു രൂപ​ത്തെ​യും യഹോവ എങ്ങനെ​യാ​ണു കാണു​ന്ന​തെന്നു നമുക്ക്‌ അറിയാം. (1 കൊരി. 6:9, 10) ദൈവ​ത്തെ​യും ദൈവ​നി​യ​മ​ങ്ങ​ളെ​യും സ്‌നേ​ഹി​ക്കു​ന്ന​തു​കൊ​ണ്ടാ​ണു നമ്മൾ യഹോവ വെച്ചി​രി​ക്കുന്ന ധാർമി​ക​നി​ല​വാ​ര​ങ്ങ​ള​നു​സ​രിച്ച്‌ ജീവി​ക്കു​ന്നത്‌. (സങ്കീ. 119:97; 1 യോഹ. 5:3) ധാർമി​ക​മാ​യി അശുദ്ധ​രാ​കു​ന്നതു പരിശു​ദ്ധ​നായ ദൈവ​ത്തോ​ടുള്ള സ്‌നേ​ഹ​മി​ല്ലായ്‌മ​യാണ്‌. “നീ എന്നെ പാടേ മറന്നു” എന്ന്‌ യഹോവ നമ്മളോ​ടു പറയാൻ നമ്മൾ ഒരിക്ക​ലും ഇടവരു​ത്തില്ല.

22. (എ) പുരാ​ത​ന​യ​ഹൂ​ദ​യെ​ക്കു​റിച്ച്‌ യഹോവ പറഞ്ഞ കാര്യങ്ങൾ വിശക​ലനം ചെയ്‌ത നിങ്ങൾ എന്തു തീരു​മാ​നി​ച്ചി​രി​ക്കു​ന്നു? (ബി) അടുത്ത അധ്യാ​യ​ത്തിൽ നമ്മൾ എന്തു പഠിക്കും?

²² പുരാ​ത​ന​യ​ഹൂ​ദ​യു​ടെ ആത്മീയ​വും ധാർമി​ക​വും ആയ അധഃപ​ത​ന​ത്തെ​ക്കു​റിച്ച്‌ യഹോവ പറഞ്ഞ കാര്യങ്ങൾ വിശക​ലനം ചെയ്‌ത​തി​ലൂ​ടെ മൂല്യ​വ​ത്തായ പല പാഠങ്ങ​ളും നമ്മൾ പഠിച്ചു. നമ്മുടെ സമ്പൂർണ​ഭ​ക്തിക്ക്‌ എന്തു​കൊ​ണ്ടും അർഹനായ യഹോ​വയെ മാത്രം ആരാധി​ക്കാ​നുള്ള തീരു​മാ​നത്തെ ഈ വിവരണം ശക്തി​പ്പെ​ടു​ത്തി. അതിനാ​യി നമ്മൾ വിഗ്ര​ഹാ​രാ​ധ​ന​യു​ടെ എല്ലാ രൂപങ്ങ​ളിൽനി​ന്നും വിട്ടു​നിൽക്കണം, ധാർമി​ക​മാ​യി എപ്പോ​ഴും ശുദ്ധരാ​യി​രി​ക്കണം. എന്നാൽ അവിശ്വസ്‌ത​രാ​യി​ത്തീർന്ന തന്റെ ജനത്തെ യഹോവ എന്തു ചെയ്‌തു? “ഞാൻ ഉഗ്ര​കോ​പ​ത്തോ​ടെ അവർക്കെ​തി​രെ തിരി​യും” എന്നാണു ദേവാ​ല​യ​ദർശ​ന​ത്തി​ന്റെ അവസാ​ന​ഭാ​ഗത്ത്‌ യഹോവ പ്രവാ​ച​ക​നോ​ടു പറഞ്ഞത്‌. (യഹ. 8:17, 18) അവിശ്വസ്‌ത​യ​ഹൂ​ദയെ യഹോവ എന്തു ചെയ്‌തെന്ന്‌ അറിയാൻ നമുക്ക്‌ ആകാം​ക്ഷ​യുണ്ട്‌. കാരണം സമാന​മായ ഒരു ന്യായ​വി​ധി​യാണ്‌ ഈ ദുഷ്ട​ലോ​ക​ത്തെ​യും കാത്തി​രി​ക്കു​ന്നത്‌. യഹൂദയ്‌ക്ക്‌ എതി​രെ​യുള്ള യഹോ​വ​യു​ടെ ന്യായ​വി​ധി എങ്ങനെ നിറ​വേ​റി​യെന്ന്‌ അടുത്ത അധ്യാ​യ​ത്തിൽ നമ്മൾ കാണും.