ഇസ്രാ​യേ​ലി​ന്റെ അവസ്ഥ ആകെ പരിതാ​പ​ക​ര​മാണ്‌. വിശ്വാ​സ​ത്യാ​ഗം അവളുടെ ഐക്യം തകർത്തി​രി​ക്കു​ന്നു. ഇതെല്ലാം അവൾ ചെയ്‌തു​കൂ​ട്ടി​യ​തി​ന്റെ അനന്തര​ഫ​ല​ങ്ങ​ളാണ്‌​—അവൾ ശുദ്ധാ​രാ​ധ​നയെ അശുദ്ധ​മാ​ക്കി, ദൈവ​നാ​മത്തെ അപകീർത്തി​പ്പെ​ടു​ത്തി. എന്നാൽ ഈയൊ​രു അവസ്ഥയിൽപ്പോ​ലും പ്രതീ​ക്ഷയ്‌ക്കു വക നൽകുന്ന പ്രവച​നങ്ങൾ യഹോവ ഒന്നിനു പുറകേ ഒന്നായി യഹസ്‌കേ​ലി​ലൂ​ടെ അറിയി​ക്കു​ന്നു. ഉജ്ജ്വല​മായ വാങ്‌മ​യ​ചി​ത്ര​ങ്ങ​ളും ഭയാദ​രവ്‌ ഉണർത്തുന്ന ദർശന​ങ്ങ​ളും അടങ്ങുന്ന പ്രവച​നങ്ങൾ! ബന്ദിക​ളാ​യി പോ​കേ​ണ്ടി​വന്ന ഇസ്രാ​യേ​ല്യർക്കു മാത്രമല്ല ശുദ്ധാ​രാ​ധന പുനഃ​സ്ഥാ​പി​ക്ക​പ്പെ​ടാൻ ആകാം​ക്ഷ​യോ​ടെ കാത്തി​രി​ക്കുന്ന എല്ലാവർക്കും പ്രോ​ത്സാ​ഹനം പകരു​ന്ന​വ​യാണ്‌ അവ.