യഹോ​വയെ സ്‌നേ​ഹി​ക്കുന്ന പ്രിയരേ:

വർഷം 1971. ആ വർഷം നടന്ന “ദിവ്യ​നാ​മം” ഡിസ്‌ട്രി​ക്‌റ്റ്‌ സമ്മേള​ന​ത്തിൽ, ഹാജരാ​യ​വ​രെ​യെ​ല്ലാം ആവേശ​ഭ​രി​ത​രാ​ക്കി​ക്കൊണ്ട്‌ പല പ്രസി​ദ്ധീ​ക​ര​ണങ്ങൾ പ്രകാ​ശനം ചെയ്‌തു. ‘ആരെയും അതിശ​യി​പ്പി​ക്കുന്ന പ്രസി​ദ്ധീ​ക​ര​ണങ്ങൾ’ എന്നാണ്‌ അവയെ വിശേ​ഷി​പ്പി​ച്ചത്‌. അതിൽ ഒന്നി​നെ​ക്കു​റിച്ച്‌ ഒരു സഹോ​ദരൻ പറഞ്ഞത്‌, “വരാനി​രി​ക്കുന്ന സംഭവങ്ങൾ ഇത്ര ആവേ​ശോ​ജ്ജ്വ​ല​മാ​യി വരച്ചു​കാ​ട്ടുന്ന ഒരു പ്രസി​ദ്ധീ​ക​രണം ഇതേവരെ കണ്ടിട്ടില്ല!” എന്നാണ്‌. ഏതായി​രു​ന്നു ആ പുസ്‌തകം? “ഞാൻ യഹോവ ആകുന്നു എന്ന്‌ ജനതകൾ അറിയും”​—എങ്ങനെ? (ഇംഗ്ലീഷ്‌) എന്നായി​രു​ന്നു അതിന്റെ പേര്‌. എന്നാൽ ഈ പുസ്‌തകം ഇത്ര​യേറെ ആവേശ​മു​ണർത്താ​നുള്ള കാരണം എന്തായി​രു​ന്നു? യഹസ്‌കേൽ പുസ്‌ത​ക​ത്തി​ലെ പ്രവച​ന​ങ്ങ​ളെ​ക്കു​റി​ച്ചുള്ള പുതു​ക്കിയ ചില വിശദീ​ക​ര​ണങ്ങൾ അതിലു​ണ്ടാ​യി​രു​ന്നു. മുഴു​മ​നു​ഷ്യ​സ​മൂ​ഹ​ത്തി​ന്റെ​യും ഭാവിയെ ബാധി​ക്കുന്ന പ്രവച​ന​ങ്ങ​ളാ​യി​രു​ന്നു അവ.

‘യഹോ​വ​യെന്ന്‌ അറിയും’ പുസ്‌തകം പ്രകാ​ശനം ചെയ്‌ത​പ്പോൾ ദൈവ​ജ​ന​ത്തി​ന്റെ സംഖ്യ ഏകദേശം 15 ലക്ഷമാ​യി​രു​ന്നെ​ങ്കിൽ ഇന്ന്‌ അത്‌ 80 ലക്ഷത്തി​ല​ധി​ക​മാ​യി കുതി​ച്ചു​യർന്നി​രി​ക്കു​ന്നു. (യശ. 60:22) അവർ സംസാ​രി​ക്കുന്ന ഭാഷക​ളു​ടെ എണ്ണമോ? അത്‌ ഇപ്പോൾ 900-ത്തിലധി​കം വരും. (സെഖ. 8:23) യഹസ്‌കേൽ പ്രവാ​ചകൻ ദൈവ​പ്ര​ചോ​ദി​ത​നാ​യി രേഖ​പ്പെ​ടു​ത്തിയ പ്രവച​നങ്ങൾ വിശദ​മാ​യി ചർച്ച ചെയ്യുന്ന ഒരു പുസ്‌തകം പഠിക്കാൻ അവരിൽ പലർക്കും ഇതേവരെ അവസരം കിട്ടി​യി​ട്ടില്ല.

അതിനു പുറമേ, 1971-നു ശേഷമുള്ള പതിറ്റാ​ണ്ടു​ക​ളിൽ വെളിച്ചം കൂടു​തൽക്കൂ​ടു​തൽ തെളി​ഞ്ഞു​വ​ന്ന​തോ​ടെ പല ബൈബിൾസ​ത്യ​ങ്ങ​ളെ​ക്കു​റി​ച്ചു​മുള്ള അറിവിന്‌ ഏറെ വ്യക്തത ലഭിച്ചു. (സുഭാ. 4:18) ‘വേറെ ആടുകളെ’ ദൈവ​ത്തി​ന്റെ സ്‌നേ​ഹി​ത​രാ​യി കണക്കാക്കി നീതി​മാ​ന്മാ​രാ​യി പ്രഖ്യാ​പി​ക്കു​ന്ന​തി​നെ​ക്കു​റിച്ച്‌ 1985-ൽ നമുക്കു വ്യക്തമാ​യി. (യോഹ. 10:16; റോമ. 5:18; യാക്കോ. 2:23) ഇനി, ആളുകളെ ‘ചെമ്മരി​യാ​ടു​ക​ളാ​യും’ ‘കോലാ​ടു​ക​ളാ​യും’ അന്തിമ​മാ​യി ന്യായം വിധി​ക്കു​ന്നത്‌, വരാനി​രി​ക്കുന്ന ‘മഹാക​ഷ്ട​ത​യു​ടെ’ സമയത്താ​യി​രി​ക്കു​മെന്ന്‌ 1995-ൽ നമ്മൾ മനസ്സി​ലാ​ക്കി. (മത്താ. 24:21; 25:31, 32) നമ്മുടെ ഗ്രാഹ്യ​ത്തിൽ ഇത്തരം ചില മാറ്റങ്ങൾ വന്നപ്പോൾ യഹസ്‌കേൽ പുസ്‌ത​ക​ത്തി​ലെ പല ഭാഗങ്ങ​ളെ​ക്കു​റി​ച്ചു​മുള്ള നമ്മുടെ അറിവി​നും മാറ്റം വന്നു.

സമീപ​വർഷ​ങ്ങ​ളിൽ ആ വെളി​ച്ച​ത്തി​ന്റെ ശോഭ കൂടു​തൽക്കൂ​ടു​തൽ വർധി​ച്ചു​കൊ​ണ്ടി​രി​ക്കു​ക​യാണ്‌. യേശു​വി​ന്റെ ദൃഷ്ടാ​ന്ത​ങ്ങ​ളിൽനി​ന്നുള്ള പാഠങ്ങൾതന്നെ ഉദാഹ​ര​ണ​മാ​യി എടുക്കുക. അത്തരം പല പാഠങ്ങ​ളും ഇന്നു മുമ്പെ​ന്ന​ത്തേ​തി​ലും വ്യക്തമാണ്‌. അതി​വേഗം പാഞ്ഞടു​ക്കുന്ന മഹാക​ഷ്ട​ത​യു​ടെ സമയത്ത്‌ അരങ്ങേ​റാ​നി​രി​ക്കുന്ന സംഭവ​ങ്ങ​ളി​ലേ​ക്കാണ്‌ ആ ദൃഷ്ടാ​ന്ത​ങ്ങ​ളിൽ പലതും വിരൽ ചൂണ്ടു​ന്നത്‌. യഹസ്‌കേൽ പുസ്‌ത​ക​ത്തി​ലെ ചില പ്രവച​ന​ങ്ങ​ളെ​ക്കു​റി​ച്ചുള്ള നമ്മുടെ അറിവി​നും സമാന​മാ​യി മാറ്റം വന്നിട്ടുണ്ട്‌. മാഗോ​ഗി​ലെ ഗോഗ്‌ (38, 39 അധ്യാ​യങ്ങൾ), സെക്ര​ട്ട​റി​യു​ടെ എഴുത്തു​പ​ക​ര​ണ​ച്ചെ​പ്പുള്ള മനുഷ്യൻ (അധ്യായം 9) എന്നിവ​രെ​ക്കു​റി​ച്ചും ഉണങ്ങിയ അസ്ഥികൾ നിറഞ്ഞ താഴ്‌വര, ഒന്നായി​ത്തീ​രുന്ന രണ്ടു വടി (അധ്യായം 37) എന്നിവ​യെ​ക്കു​റി​ച്ചും ഉള്ള പ്രവച​നങ്ങൾ അവയിൽ ചിലതാണ്‌. നമ്മുടെ ഗ്രാഹ്യ​ത്തിൽ ഇത്തരം ചില മാറ്റങ്ങൾ വന്നതു​കൊണ്ട്‌, ‘യഹോ​വ​യെന്ന്‌ അറിയും’ പുസ്‌ത​ക​ത്തിൽ വർഷങ്ങൾക്കു മുമ്പ്‌ വിശദീ​ക​രിച്ച പല കാര്യ​ങ്ങൾക്കും മാറ്റം വന്നിരി​ക്കു​ന്നു.

അതു​കൊ​ണ്ടു​ത​ന്നെ, “യഹസ്‌കേ​ലി​ന്റെ പ്രവച​ന​ങ്ങ​ളു​ടെ പുതു​ക്കിയ വിശദീ​ക​ര​ണ​ങ്ങ​ളുള്ള ഒരു പുസ്‌തകം എപ്പോ​ഴാ​യി​രി​ക്കും കിട്ടു​ന്നത്‌” എന്ന്‌ യഹോ​വ​യു​ടെ ജനത്തിൽ പലരും ചോദി​ക്കാ​റുണ്ട്‌. അതിനുള്ള ഉത്തരമാണ്‌ യഹോവ ശുദ്ധാ​രാ​ധന പുനഃ​സ്ഥാ​പി​ക്കു​ന്നു! എന്ന ഈ പുസ്‌തകം. ഇതിൽ 22 അധ്യാ​യ​ങ്ങ​ളുണ്ട്‌. അവ വായിച്ച്‌, അതിലെ അതിമ​നോ​ഹ​ര​മായ ചിത്ര​ങ്ങ​ളെ​ക്കു​റിച്ച്‌ ധ്യാനി​ക്കു​മ്പോൾ ഈ പ്രസി​ദ്ധീ​ക​രണം എത്രമാ​ത്രം ഗവേഷണം ചെയ്‌താ​ണു തയ്യാറാ​ക്കി​യി​രി​ക്കു​ന്ന​തെന്നു നിങ്ങൾക്കു ബോധ്യ​മാ​കും. ഹൃദയ​ഹാ​രി​യായ ഒരു ബൈബിൾപുസ്‌ത​ക​മാണ്‌ യഹസ്‌കേൽ. യഹോവ അതു നമുക്കു നൽകി​യത്‌ എന്തിനാ​ണെന്നു മനസ്സി​ലാ​ക്കാൻ ഞങ്ങൾ പ്രാർഥ​നാ​പൂർവം വളരെ​യേറെ ചിന്തിച്ചു. അതിനു സഹായിച്ച ചില ചോദ്യ​ങ്ങൾ ഇതാണ്‌: യഹസ്‌കേ​ലി​ന്റെ കാലത്ത്‌ ജീവി​ച്ചി​രു​ന്ന​വർക്ക്‌ യഹസ്‌കേൽ പുസ്‌തകം എന്തെല്ലാം പാഠങ്ങൾ പകർന്നു​നൽകി? ഇന്നു നമുക്ക്‌ ആ ബൈബിൾപുസ്‌ത​ക​ത്തിൽനിന്ന്‌ എന്തെല്ലാം പഠിക്കാം? ഭാവി​യിൽ നടക്കാ​നി​രി​ക്കുന്ന സംഭവ​ങ്ങ​ളെ​ക്കു​റിച്ച്‌ പറയുന്ന പ്രവച​നങ്ങൾ ഏതൊ​ക്കെ​യാണ്‌? യഹസ്‌കേ​ലി​ന്റെ പ്രവച​ന​ങ്ങൾക്കു മാതൃക-പ്രതി​മാ​തൃക വിശദീ​ക​ര​ണങ്ങൾ  കണ്ടെത്താൻ നമ്മൾ ശ്രമി​ക്കേ​ണ്ട​തു​ണ്ടോ? ഇവയുടെ ഉത്തരങ്ങൾ, നമ്മൾ വളരെ പ്രിയ​പ്പെ​ടുന്ന യഹസ്‌കേൽ പുസ്‌ത​ക​ത്തെ​ക്കു​റി​ച്ചുള്ള നമ്മുടെ അറിവി​നു മുമ്പെ​ന്ന​ത്തേ​തി​ലും വ്യക്തത പകർന്നി​രി​ക്കു​ന്നു.

യഹസ്‌കേൽ പുസ്‌തകം ആദി​യോ​ടന്തം വായി​ച്ചു​ക​ഴി​യു​മ്പോൾ നിങ്ങൾക്ക്‌ യഹോ​വ​യു​ടെ സംഘട​ന​യു​ടെ സ്വർഗീ​യ​ഭാ​ഗ​ത്തോ​ടു ഭയാദ​രവ്‌ തോന്നും. ആരാധ​ന​യു​ടെ കാര്യ​ത്തിൽ, സ്വർഗ​ത്തി​ലും ഭൂമി​യി​ലും ഉള്ളവർക്കാ​യി യഹോവ വെച്ചി​രി​ക്കുന്ന ഉന്നതമായ നിലവാ​ര​ങ്ങ​ളും നിങ്ങളെ അതിശ​യി​പ്പി​ച്ചേ​ക്കാം. ആ നിലവാ​രങ്ങൾ പാലി​ച്ചാൽ മാത്രമേ യഹോവ ആരാധന സ്വീക​രി​ക്കു​ക​യു​ള്ളൂ. യഹോവ ഇതി​നോ​ടകം തന്റെ ജനത്തി​നാ​യി ചെയ്‌തി​രി​ക്കുന്ന കാര്യ​ങ്ങ​ളെ​ക്കു​റി​ച്ചും വളരെ പെട്ടെന്ന്‌ അവർക്കു​വേണ്ടി ചെയ്യാ​നി​രി​ക്കുന്ന കാര്യ​ങ്ങ​ളെ​ക്കു​റി​ച്ചും ശുദ്ധാ​രാ​ധന പുസ്‌ത​ക​ത്തിൽനിന്ന്‌ പഠിക്കു​മ്പോൾ നിങ്ങൾക്ക്‌ യഹോ​വ​യോ​ടു കൂടുതൽ നന്ദി തോന്നും. ഈ പുസ്‌തകം ആവർത്തി​ച്ചാ​വർത്തിച്ച്‌ ഊന്നി​പ്പ​റ​യുന്ന രണ്ടു വിഷയ​ങ്ങ​ളുണ്ട്‌: ഒന്ന്‌, യഹോ​വയെ പ്രസാ​ദി​പ്പി​ക്ക​ണ​മെ​ങ്കിൽ യഹോ​വ​യാ​ണു പ്രപഞ്ച​ത്തി​ന്റെ പരമാ​ധി​കാ​രി​യെന്നു നമ്മൾ അറിയു​ക​യും അംഗീ​ക​രി​ക്കു​ക​യും വേണം. രണ്ട്‌, നമ്മുടെ ആരാധന യഹോവ അംഗീ​ക​രി​ക്ക​ണ​മെ​ങ്കിൽ യഹോ​വ​യു​ടെ ഉന്നതമായ നിലവാ​ര​ങ്ങ​ള​നു​സ​രിച്ച്‌ നമ്മൾ ജീവി​ക്കണം.

യഹോ​വ​യു​ടെ മഹത്ത്വ​മേ​റിയ, പരിശു​ദ്ധ​നാ​മത്തെ ആദരി​ക്കും​വി​ധം യഹോ​വയെ ആരാധി​ക്കാ​നുള്ള നിങ്ങളു​ടെ തീരു​മാ​ന​ത്തിന്‌ ഈ പ്രസി​ദ്ധീ​ക​രണം കരു​ത്തേ​കട്ടെ എന്നാണു ഞങ്ങളുടെ ആത്മാർഥ​മായ ആഗ്രഹം. ഒപ്പം, “ഞാൻ യഹോ​വ​യാ​ണെന്നു ജനതകൾ അറി​യേ​ണ്ടി​വ​രും” എന്ന വാക്കുകൾ നിറ​വേ​റുന്ന കാലത്തി​നാ​യി ആകാം​ക്ഷ​യോ​ടെ കാത്തി​രി​ക്കാ​നും ഈ പുസ്‌തകം നിങ്ങളെ സഹായി​ക്കട്ടെ!​—യഹ. 36:23; 38:23.

നമ്മുടെ സ്‌നേ​ഹ​വാ​നായ പിതാവ്‌ യഹസ്‌കേൽ പ്രവാ​ച​ക​നെ​ക്കൊണ്ട്‌ എഴുതിച്ച പുസ്‌തകം പഠിക്കാൻ നിങ്ങൾ ശ്രമി​ക്കു​മ്പോൾ അതിന്മേൽ യഹോ​വ​യു​ടെ സമൃദ്ധ​മായ അനു​ഗ്ര​ഹ​മു​ണ്ടാ​കട്ടെ!