ആമുഖം
ഇതു പരിചിന്തിക്കുക: ഒരു വ്യവസായവത്കൃത രാജ്യത്ത്, 90 ശതമാനത്തിലധികം ആളുകൾ തങ്ങൾ വളരെ സന്തുഷ്ടരാണെന്നോ ഒരുവിധം സന്തുഷ്ടരാണെന്നോ കരുതുന്നു. എന്നാൽ ആ ദേശത്ത് ഏറ്റവും വ്യാപകമായി ഉപയോഗിക്കപ്പെടുന്ന 10-ൽ 3 ഔഷധങ്ങളും വിഷാദത്തിനു വേണ്ടിയുള്ളവയാണ്. അതേ രാജ്യത്ത്, 91 ശതമാനം ആളുകൾ, തങ്ങളുടേത് സംതൃപ്തമായ കുടുംബജീവിതമാണ് എന്നു കരുതുന്നു. എന്നാൽ അവിടത്തെ വിവാഹങ്ങളിൽ ഏതാണ്ട് പകുതിയും വിവാഹമോചനത്തിൽ കലാശിക്കുന്നതായാണ് കണക്കുകൾ വെളിപ്പെടുത്തുന്നത്.
വാസ്തവത്തിൽ, 18 രാജ്യങ്ങളിലെ ആളുകളെ—ലോകജനസംഖ്യയുടെ ഏതാണ്ട് പകുതിയെ പ്രതിനിധീകരിക്കുന്നു—ഉൾക്കൊള്ളിച്ചു നടത്തിയ ഒരു സർവേ കാണിക്കുന്നത് “അശുഭപ്രതീക്ഷയുടെ കരിമ്പടം ലോകത്തിന്റെ നല്ലൊരു ഭാഗത്തെയും മൂടിയിരിക്കുന്നു” എന്നാണ്. അതുകൊണ്ട് അനേകരുടെയും ജീവിതം പൂർണമായും തൃപ്തികരമല്ല എന്നതു വ്യക്തമാണ്. നിങ്ങളുടെ കാര്യമോ? നിങ്ങളുടെ ജീവിതം യഥാർഥത്തിൽ സംതൃപ്തമാക്കാൻ സഹായിക്കുക എന്ന ഉദ്ദേശ്യത്തിലാണ് ഈ ലഘുപത്രിക തയ്യാറാക്കിയിരിക്കുന്നത്.