വിശ്വാ​സ​ത്തി​ന്റെ കാര്യ​ത്തിൽ മുന്തിയ മാതൃക വെച്ചതാ​യി ബൈബിൾ ചരി​ത്ര​ത്തിൽ കാണ​പ്പെ​ടുന്ന ഒരു വ്യക്തി​യാണ്‌ അബ്രാ​ഹാം. ഊർ എന്ന സമ്പന്ന നഗരത്തി​ലെ സുഖജീ​വി​തം വെടിഞ്ഞ അവൻ കുറേ കാലം ഹാരാ​നിൽ താമസി​ച്ചു. അവി​ടെ​നി​ന്നു യാത്ര പുറ​പ്പെ​ട്ട​ശേഷം പിന്നീ​ടുള്ള കാലം മുഴുവൻ അബ്രാ​ഹാം കൂടാ​ര​ങ്ങ​ളി​ലാ​ണു പാർത്തത്‌, ഒരു നാടോ​ടി​യെ പോലെ. (ഉല്‌പത്തി 12:1-3; പ്രവൃ​ത്തി​കൾ 7:2-7; എബ്രായർ 11:8-10) എങ്കിലും അവനെ കുറിച്ച്‌ ഇപ്രകാ​രം രേഖ​പ്പെ​ടു​ത്ത​പ്പെ​ട്ടി​രി​ക്കു​ന്നു: “പ്രായം​ചെ​ന്ന​വ​നും സംതൃ​പ്‌ത​നു​മാ​യി തികഞ്ഞ വാർധ​ക്യ​ത്തിൽ അബ്രാ​ഹാം മരിച്ചു.” (ഉല്‌പത്തി 25:8, NW) മരണശ​യ്യ​യി​ലാ​യി​രി​ക്കെ അബ്രാ​ഹാ​മി​നു തന്റെ ജീവി​ത​ത്തി​ലേക്കു സംതൃ​പ്‌തി​യോ​ടെ തിരി​ഞ്ഞു​നോ​ക്കാൻ കഴിഞ്ഞത്‌ എന്തു​കൊ​ണ്ടാ​യി​രു​ന്നു? ജീവി​ത​കാ​ലത്ത്‌ കൈവ​രിച്ച നേട്ടങ്ങൾ നിമി​ത്ത​മാ​യി​രു​ന്നില്ല അവന്‌ അതു കഴിഞ്ഞത്‌. “ദൈവ​ത്തി​ന്റെ സ്‌നേ​ഹി​തൻ” എന്നു പിന്നീടു വിളി​ക്ക​പ്പെ​ടാൻ ഇടയാ​ക​ത്ത​ക്ക​വണ്ണം അവന്‌ ദൈവ​ത്തിൽ അതിശ​ക്ത​മായ വിശ്വാ​സം ഉണ്ടായി​രു​ന്നു. (യാക്കോബ്‌ 2:23; യെശയ്യാ​വു 41:8) തന്റെ സ്രഷ്ടാ​വു​മാ​യി നട്ടുവ​ളർത്തിയ അർഥപൂർണ​മായ ഈ ബന്ധമാണ്‌ അബ്രാ​ഹാ​മി​ന്റെ ജീവി​തത്തെ സംതൃ​പ്‌ത​മാ​ക്കി​യത്‌.

² ദൈവ​വു​മാ​യി സൗഹൃദം നട്ടുവ​ളർത്തു​ന്ന​പക്ഷം, 4,000-ത്തോളം വർഷം മുമ്പ്‌ ജീവിച്ച അബ്രാ​ഹാ​മി​നെ പോലെ നിങ്ങൾക്കും അർഥവ​ത്തായ, സംതൃ​പ്‌ത​മായ ഒരു ജീവിതം നയിക്കാൻ സാധി​ക്കും. പ്രപഞ്ച സ്രഷ്ടാ​വി​ന്റെ സ്‌നേ​ഹി​തൻ ആയിരി​ക്കുക എന്ന ആശയം നിങ്ങളെ വിസ്‌മ​യി​പ്പി​ച്ചേ​ക്കാം. എന്നാൽ അത്‌ സാധ്യ​മാണ്‌. എങ്ങനെ? അവനെ അറിയു​ക​യും സ്‌നേ​ഹി​ക്കു​ക​യും ചെയ്യു​ന്ന​തി​ലൂ​ടെ. (1 കൊരി​ന്ത്യർ 8:3; ഗലാത്യർ 4:9) സ്രഷ്ടാ​വു​മാ​യുള്ള അത്തര​മൊ​രു ബന്ധം നിങ്ങളു​ടെ ജീവി​തത്തെ അർഥസ​മ്പു​ഷ്ട​വും സംതൃ​പ്‌ത​വും ആക്കും.

 ³ യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തിൽ വിശ്വാ​സം അർപ്പി​ക്കാൻ സന്നദ്ധരാ​യ​വർക്ക്‌, ഒരു സന്തുഷ്ട​ജീ​വി​തം ആസ്വദി​ക്കാൻ ആവശ്യ​മായ മാർഗ​നിർദേ​ശങ്ങൾ യഹോവ പ്രദാനം ചെയ്‌തി​ട്ടുണ്ട്‌. (യെശയ്യാ​വു 48:17) നന്മയും തിന്മയും ഏതെന്നു സ്വയം തീരു​മാ​നി​ച്ചു​കൊണ്ട്‌ ആദാം ദൈവ​ത്തോ​ടു മത്സരിച്ച കാര്യം ഓർക്കുക. തന്റെ പുത്രന്റെ മറുവി​ല​യാ​ഗം മുഖാ​ന്തരം യഹോവ മാനവ​കു​ടും​ബത്തെ വിലയ്‌ക്കു വാങ്ങു​ക​യും അങ്ങനെ പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നു വിടുതൽ പ്രാപി​ക്കാ​നുള്ള വഴി തുറന്നു​കൊ​ടു​ക്കു​ക​യും ചെയ്‌തി​രി​ക്കു​ന്ന​താ​യി നാം കണ്ടുക​ഴി​ഞ്ഞു. എന്നാൽ ആ ക്രമീ​ക​ര​ണ​ത്തിൽനി​ന്നു പ്രയോ​ജനം അനുഭ​വി​ക്ക​ണ​മെ​ങ്കിൽ, ഓരോ വ്യക്തി​യും മറുവി​ലയെ അംഗീ​ക​രി​ക്കു​ക​യും നന്മയും തിന്മയും സംബന്ധിച്ച്‌ സ്വന്തമായ മാനദ​ണ്ഡങ്ങൾ വെക്കു​ന്നത്‌ അവസാ​നി​പ്പി​ക്കു​ക​യും ചെയ്യേ​ണ്ട​തുണ്ട്‌. ദൈവം നൽകി​യി​രി​ക്കുന്ന നിയമ​ങ്ങൾക്കും തത്ത്വങ്ങൾക്കും ചേർച്ച​യിൽ നാം ജീവി​ക്കേ​ണ്ട​തുണ്ട്‌.

⁴ ബൈബിൾ പഠിക്കു​ക​യും അതിലെ തത്ത്വങ്ങൾ ബാധക​മാ​ക്കു​ക​യും ചെയ്യു​ന്ന​തിൽ തുടരു​ന്നു​വെ​ങ്കിൽ നന്മയും തിന്മയും സംബന്ധിച്ച ദൈവിക മാനദ​ണ്ഡ​ങ്ങ​ളു​ടെ മൂല്യത്തെ നിങ്ങൾ വിലമ​തി​ക്കാ​നി​ട​യാ​കു​മെ​ന്ന​തിൽ സംശയ​മില്ല. (സങ്കീർത്തനം 19:7-9) യഹോ​വ​യു​ടെ പ്രവാ​ച​ക​നായ മോശെ ദൈവ​ത്തോ​ടു പറഞ്ഞതു​പോ​ലെ പറയാൻ നിങ്ങളും പ്രേരി​ത​നാ​കും: “ആകയാൽ എന്നോടു കൃപയു​ണ്ടെ​ങ്കിൽ നിന്റെ വഴി എന്നെ അറിയി​ക്കേ​ണമേ; . . . ഞാൻ നിന്നെ അറിയു​മാ​റാ​കട്ടെ.” (പുറപ്പാ​ടു 33:13; സങ്കീർത്തനം 25:4) ഈ “ദുർഘ​ട​സമയ”ത്ത്‌ നാം അഭിമു​ഖീ​ക​രി​ച്ചു​കൊ​ണ്ടി​രി​ക്കുന്ന പ്രശ്‌ന​ങ്ങളെ വിജയ​ക​ര​മാ​യി കൈകാ​ര്യം ചെയ്യാൻ ആവശ്യ​മായ തത്ത്വങ്ങൾ ബൈബിൾ പ്രദാനം ചെയ്യുന്നു. (2 തിമൊ​ഥെ​യൊസ്‌ 3:1) ബൈബി​ളി​ലെ തത്ത്വങ്ങൾ പഠിക്കു​ക​യും ബാധക​മാ​ക്കു​ക​യും ചെയ്യു​ന്തോ​റും ആ ഗ്രന്ഥ​ത്തോ​ടുള്ള നിങ്ങളു​ടെ വിലമ​തിപ്പ്‌ വളർന്നു​വ​രും. കൂടാതെ, യഹോ​വയെ മെച്ചമാ​യി അറിയു​ന്ന​തി​നും അവനു​മാ​യുള്ള സൗഹൃദം ശക്തി​പ്പെ​ടു​ന്ന​തി​നും അത്‌ ഇടയാ​ക്കു​ക​യും ചെയ്യും.

⁵ അബ്രാ​ഹാം “പ്രായം​ചെ​ന്ന​വ​നും സംതൃ​പ്‌ത​നു​മാ​യി”ട്ടാണ്‌ മരിച്ചത്‌ എന്നുള്ളതു ശരിതന്നെ. എങ്കിലും മരണം ഉള്ളിട​ത്തോ​ളം കാലം ജീവിതം വളരെ ഹ്രസ്വ​മാ​ണെ​ന്നു​തന്നെ നമുക്കു തോന്നും. കാരണം, എത്രതന്നെ പ്രായം​ചെ​ന്നാ​ലും ശരി നാമാ​രും മരിക്കാൻ ആഗ്രഹി​ക്കു​ന്നില്ല. ജീവി​ക്കാ​നുള്ള ആഗ്രഹം മനുഷ്യ​സ​ഹ​ജ​മാണ്‌. ബൈബിൾ അതിന്റെ കാരണം വ്യക്തമാ​ക്കു​ന്നു: “[ദൈവം] . . . നിത്യ​ത​യും മനുഷ്യ​രു​ടെ ഹൃദയ​ത്തിൽ വെച്ചി​രി​ക്കു​ന്നു; എങ്കിലും ദൈവം . . . ചെയ്യുന്ന [“ചെയ്‌ത,” NW] പ്രവൃ​ത്തി​യെ ഗ്രഹി​പ്പാൻ അവർക്കു കഴിവില്ല.” (സഭാ​പ്ര​സം​ഗി 3:11) നിത്യ​മാ​യി ജീവി​ച്ചാൽപ്പോ​ലും, യഹോ​വ​യു​ടെ മുഴു പ്രവൃ​ത്തി​ക​ളെ​യും അഥവാ സൃഷ്ടി​ക​ളെ​യും കുറിച്ച്‌ പൂർണ​മായ ഗ്രാഹ്യം നേടാൻ നമുക്ക്‌ ഒരിക്ക​ലും സാധി​ക്കു​ക​യില്ല. യഹോ​വ​യു​ടെ വിസ്‌മ​യാ​വ​ഹ​മായ പ്രവൃ​ത്തി​കൾ നാം എത്രതന്നെ നിരീ​ക്ഷി​ച്ചാ​ലും പഠിച്ചാ​ലും ആസ്വദി​ച്ചാ​ലും അതിന്‌ ഒരു അവസാ​ന​മു​ണ്ടാ​യി​രി​ക്കു​ക​യില്ല!—സങ്കീർത്തനം 19:1-4; 104:24; 139:14.

 ⁶ ഇന്നത്തെ​പ്പോ​ലെ പ്രശ്‌ന​പൂ​രി​ത​മായ ഒരു ഭൂമി​യിൽ എന്നേക്കും ജീവി​ച്ചി​രി​ക്കുക എന്നത്‌ ആകർഷ​ക​മായ ഒരു ആശയമാ​യി നിങ്ങൾക്കു തോന്നാൻ ഇടയില്ല. എന്നാൽ അതോർത്തു നാം വിഷമി​ക്കേ​ണ്ട​തില്ല. കാരണം ബൈബിൾ ഇപ്രകാ​രം വാഗ്‌ദാ​നം ചെയ്യുന്നു: “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.” (2 പത്രൊസ്‌ 3:13) ‘പുതിയ ആകാശം’ എന്നത്‌ ഒരു പുതിയ സ്വർഗീയ ഗവൺമെ​ന്റി​നെ, അതായത്‌ മുഴു ഭൂമി​യെ​യും ഭരിക്കാ​നി​രി​ക്കുന്ന ദൈവരാജ്യത്തെ, പരാമർശി​ക്കു​ന്നു. ‘പുതിയ ഭൂമി’ എന്നതാ​കട്ടെ, ആ രാജ്യ​ത്തി​ന്റെ ഭരണാ​ധി​പ​ത്യ​ത്തിന്‌ അനുസ​ര​ണ​ത്തോ​ടെ കീഴ്‌പെ​ട്ടി​രി​ക്കുന്ന ഒരു പുതിയ മാനവ സമുദാ​യത്തെ അർഥമാ​ക്കു​ന്നു. ഇത്‌ യാഥാർഥ്യ​മാ​ക്കാൻ, യഹോവ പെട്ടെ​ന്നു​തന്നെ “ഭൂമിയെ നശിപ്പി​ക്കുന്ന”വർക്കെ​തി​രെ നടപടി കൈ​ക്കൊ​ള്ളും.—വെളി​പ്പാ​ടു 11:18; 2 പത്രൊസ്‌ 3:10.

⁷ എന്നാൽ എത്ര പെട്ടെന്ന്‌? യേശു​ക്രി​സ്‌തു ‘ലോകാ​വ​സാ​ന​ത്തി​ന്റെ അടയാളങ്ങൾ’ എന്ന നിലയിൽ രാഷ്‌ട്രങ്ങൾ തമ്മിലുള്ള യുദ്ധങ്ങൾ, ‘ക്ഷാമം, അവിട​വി​ടെ ഉണ്ടാകുന്ന ഭൂകമ്പങ്ങൾ,’ ‘മഹാവ്യാ​ധി​കൾ,’ ‘പെരു​കുന്ന അധർമം’ എന്നിവയെ കുറിച്ചു പരാമർശി​ക്കു​ക​യു​ണ്ടാ​യി. (മത്തായി 24:3-13; ലൂക്കൊസ്‌ 21:10, 11; 2 തിമൊ​ഥെ​യൊസ്‌ 3:1-5) എന്നിട്ട്‌ അവൻ ഇങ്ങനെ പ്രവചി​ച്ചു: “ഇതു സംഭവി​ക്കു​ന്നതു കാണു​മ്പോൾ ദൈവ​രാ​ജ്യം അടുത്തി​രി​ക്കു​ന്നു എന്നു ഗ്രഹി​പ്പിൻ.” (ലൂക്കൊസ്‌ 21:31) അതേ, യഹോവ ദുഷ്ടന്മാ​രെ നശിപ്പി​ക്കുന്ന ആ സമയം അതി​വേഗം സമീപി​ച്ചു​കൊ​ണ്ടി​രി​ക്കു​ക​യാണ്‌. *

⁸ യഹോവ ഭൂമി​യിൽനിന്ന്‌ ദുഷ്ടത നീക്കം ചെയ്യുന്ന “സർവ്വശ​ക്ത​നായ ദൈവ​ത്തി​ന്റെ മഹാദി​വസ”ത്തിനു​ശേഷം ഈ ഭൂമി ഒരു പറുദീ​സ​യാ​യി മാറും. (വെളി​പ്പാ​ടു 16:14, 16; യെശയ്യാ​വു 51:3) അപ്പോൾ “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:29) എന്നാൽ മരിച്ചു​പോ​യ​വ​രു​ടെ കാര്യ​മോ? യേശു ഇപ്രകാ​രം പറഞ്ഞു: “ഇതിങ്കൽ ആശ്ചര്യ​പ്പെ​ട​രു​തു; കല്ലറക​ളിൽ ഉളളവർ എല്ലാവ​രും അവന്റെ ശബ്ദം കേട്ടു, നന്മ ചെയ്‌തവർ ജീവന്നാ​യും തിന്മ ചെയ്‌തവർ ന്യായ​വി​ധി​ക്കാ​യും പുനരു​ത്ഥാ​നം ചെയ്‌വാ​നു​ളള നാഴിക വരുന്നു.” (യോഹ​ന്നാൻ 5:28, 29) ഓരോ വ്യക്തി​യി​ലും തത്‌പ​ര​നായ യഹോവ, മരണത്തിൽ നിദ്ര കൊള്ളു​ന്ന​വരെ ജീവനി​ലേക്കു തിരികെ കൊണ്ടു​വ​രാൻ ആഗ്രഹി​ക്കു​ന്നു. ഇന്ന്‌ ജനിതക എഞ്ചിനീ​യ​റി​ങ്ങി​ലൂ​ടെ മനുഷ്യ​രു​ടെ ക്ലോണു​കൾ അഥവാ പകർപ്പു​കൾ സൃഷ്ടി​ക്കാൻ ശാസ്‌ത്രജ്ഞർ ശ്രമി​ക്കുന്ന കാര്യം നമുക്ക്‌ അറിയാം. എന്നാൽ സ്രഷ്ടാ​വിന്‌ ക്ലോണിങ്‌ പോലുള്ള രീതി​ക​ളൊ​ന്നും അവലം​ബി​ക്കേണ്ട ആവശ്യ​മില്ല. വീണ്ടെ​ടു​പ്പി​നു യോഗ്യ​നായ ഓരോ മനുഷ്യ​നെ​യും കുറി​ച്ചുള്ള സകല വിശദാം​ശ​ങ്ങ​ളും ഓർക്കാ​നും അവരെ ജീവനി​ലേക്കു തിരികെ കൊണ്ടു​വ​രാ​നും ഉള്ള  പ്രാപ്‌തി അവനുണ്ട്‌. അതേ, മരിച്ചു​പോയ പ്രിയ​പ്പെ​ട്ട​വ​രു​മാ​യി പറുദീസ ഭൂമി​യിൽ വീണ്ടും ഒന്നു​ചേ​രാ​നുള്ള അവസരം നിങ്ങൾക്കുണ്ട്‌!

⁹ പറുദീ​സ​യി​ലെ ജീവിതം എങ്ങനെ​യുള്ള ഒന്നായി​രി​ക്കും? സ്രഷ്ടാ​വി​നെ ഐക്യ​ത്തിൽ സ്‌തു​തി​ക്കുന്ന സന്തുഷ്ട​രായ സ്‌ത്രീ​പു​രു​ഷ​ന്മാ​രെ​ക്കൊണ്ട്‌ ഈ ഭൂമി നിറഞ്ഞി​രി​ക്കും. “എനിക്കു ദീനം എന്നു യാതൊ​രു നിവാ​സി​യും പറകയില്ല.” (യെശയ്യാ​വു 33:24; 54:13) അനാ​രോ​ഗ്യ​ക​ര​മായ സമ്മർദ​മോ വൈകാ​രി​ക​വും മാനസി​ക​വു​മായ തകരാ​റു​ക​ളോ ആർക്കും ഉണ്ടായി​രി​ക്കു​ക​യില്ല. എല്ലാവർക്കും ആഹാരം സുഭി​ക്ഷ​മാ​യി ലഭ്യമാ​കും, യഹോ​വ​യു​ടെ ഉദ്ദേശ്യ​ത്തി​നു ചേർച്ച​യിൽ അർഥവ​ത്തായ വേല ചെയ്യു​ന്ന​തി​ന്റെ സന്തോഷം മനുഷ്യർ അനുഭ​വി​ക്കും. (സങ്കീർത്തനം 72:16; യെശയ്യാ​വു 65:23) മനുഷ്യ​നും മനുഷ്യ​നും തമ്മിലും മനുഷ്യ​നും മൃഗങ്ങ​ളും തമ്മിലും സമാധാ​നം ഉണ്ടായി​രി​ക്കും. സർവോ​പരി, ‘ദൈവ​വു​മാ​യും സമാധാ​നം’ ആസ്വദി​ക്കാൻ മനുഷ്യർക്കു സാധി​ക്കും.—റോമർ 5:1; സങ്കീർത്തനം 37:11; 72:7; യെശയ്യാ​വു 11:6-9.

¹⁰ ആ പറുദീ​സ​യിൽ ആയിരി​ക്കാ​നും തികച്ചും സംതൃ​പ്‌ത​മായ ഒരു ജീവിതം ആസ്വദി​ക്കാ​നും നിങ്ങൾ എന്തു ചെയ്യണം? യേശു​ക്രി​സ്‌തു ഇപ്രകാ​രം പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം അവർ ഉൾക്കൊ​ള്ളു​ന്ന​തി​ന്റെ അർഥം നിത്യ​ജീ​വൻ എന്നാണ്‌.” (യോഹ​ന്നാൻ 17:3, NW) അതു​കൊണ്ട്‌, യഹോ​വ​യെ​യും യേശു​ക്രി​സ്‌തു​വി​നെ​യും കുറി​ച്ചുള്ള പരിജ്ഞാ​നം സമ്പാദി​ക്കു​ന്ന​തിൽ തുടരുക; ദൈവം നിങ്ങളിൽനിന്ന്‌ എന്ത്‌ ആവശ്യ​പ്പെ​ടു​ന്നു എന്നു മനസ്സി​ലാ​ക്കുക. അങ്ങനെ ചെയ്യു​മ്പോൾ നിങ്ങൾക്ക്‌ യഹോ​വ​യാം ദൈവത്തെ പ്രസാ​ദി​പ്പി​ക്കാൻ സാധി​ക്കും. അതാകട്ടെ, നിങ്ങളു​ടെ ജീവി​തത്തെ അങ്ങേയറ്റം സംതൃ​പ്‌ത​മായ ഒന്നാക്കി​ത്തീർക്കു​ക​യും ചെയ്യും.