സകല കഷ്ടപ്പാ​ടു​കൾക്കും ഉടൻ അവസാനം!

 ജീവി​ത​ത്തിൽ എപ്പോ​ഴെ​ങ്കി​ലും നിങ്ങൾ ഇങ്ങനെ ചോദി​ച്ചി​ട്ടു​ണ്ടാ​യി​രി​ക്കും: ‘ഇത്രയ​ധി​കം കഷ്ടപ്പാ​ടു​കൾ ഉള്ളത്‌ എന്തു​കൊ​ണ്ടാണ്‌?’ മാനവ കുടും​ബം ആയിര​ക്ക​ണ​ക്കി​നു വർഷങ്ങ​ളാ​യി യുദ്ധം, ദാരി​ദ്ര്യം, വിപത്തു​കൾ, കുറ്റകൃ​ത്യം, അനീതി, രോഗം, മരണം എന്നിവ​യാൽ വലയു​ക​യാണ്‌. കഴിഞ്ഞ നൂറു വർഷങ്ങൾ മുമ്പെ​ന്ന​ത്തെ​ക്കാൾ കഷ്ടപ്പാടു നിറഞ്ഞ​വ​യാ​യി​രു​ന്നു. ഇതി​നെ​ല്ലാം എന്നെങ്കി​ലും ഒരു അവസാനം ഉണ്ടാകു​മോ?

ഉത്തരം ആശ്വാ​സ​ദാ​യ​ക​മാണ്‌: അവസാനം ഉണ്ടാകു​മെന്നു മാത്രമല്ല അതു വളരെ പെട്ടെന്നു സംഭവി​ക്കു​ക​യും ചെയ്യും! ദൈവ​വ​ച​ന​മായ ബൈബിൾ പറയുന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; . . . എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” എത്ര കാല​ത്തേക്ക്‌? “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”—സങ്കീർത്തനം 37:10, 11, 29.

ദൈവം ദുഷ്ടത​യും കഷ്ടപ്പാ​ടും നീക്കം​ചെ​യ്യു​ന്ന​തി​നെ തുടർന്ന്‌, ഭൂമി ഒരു പറുദീ​സ​യാ​യി മാറ്റ​പ്പെ​ടും. അപ്പോൾ സമ്പൂർണ ആരോ​ഗ്യ​ത്തി​ലും സന്തോ​ഷ​ത്തി​ലും എന്നേക്കും ജീവി​ക്കാൻ ആളുകൾക്കു കഴിയും. ദൈവ​വ​ചനം മുൻകൂ​ട്ടി​പ്പ​റ​യു​ന്നു: “[ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല.”—വെളി​പ്പാ​ടു 21:4, 5എ.

ആ പുതിയ ലോക​ത്തി​ലെ അനു​ഗ്ര​ഹ​ങ്ങ​ളിൽ പങ്കു​ചേ​രാൻ ദൈവം, മരണമ​ട​ഞ്ഞ​വ​രെ​പ്പോ​ലും തിരികെ വരുത്തും: “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.” (പ്രവൃ​ത്തി​കൾ 24:15) അതു​കൊ​ണ്ടാണ്‌ യേശു​ക്രി​സ്‌തു​വിന്‌, തന്നിൽ വിശ്വാ​സം പ്രകട​മാ​ക്കിയ അനുതാ​പ​മു​ണ്ടാ​യി​രുന്ന ദുഷ്‌പ്ര​വൃ​ത്തി​ക്കാ​ര​നോട്‌ ഇങ്ങനെ പറയാൻ കഴിഞ്ഞത്‌: “നീ എന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കും.”—ലൂക്കൊസ്‌ 23:43, NW.

 കഷ്ടപ്പാ​ടു​കൾ ആരംഭി​ച്ചത്‌ എന്തു​കൊണ്ട്‌?

മനുഷ്യർക്ക്‌ വിസ്‌മ​യാ​വ​ഹ​മായ അത്തര​മൊ​രു ഭാവി ഉണ്ടായി​രി​ക്കാൻ ഉദ്ദേശിച്ച ദൈവം, കഷ്ടപ്പാ​ടു​കൾ ആരംഭി​ക്കാൻ അനുവ​ദി​ച്ചത്‌ എന്തു​കൊ​ണ്ടാണ്‌? എന്തു കാരണ​ത്താ​ലാണ്‌ ഇത്ര സുദീർഘ​മായ ഒരു കാലയ​ള​വി​ലേക്ക്‌ അവൻ ദുരി​തങ്ങൾ അനുവ​ദി​ച്ചി​രി​ക്കു​ന്നത്‌?

ദൈവം ആദ്യമ​നു​ഷ്യ​ജോ​ഡി​യായ ആദാമി​നെ​യും ഹവ്വാ​യെ​യും സൃഷ്ടി​ച്ച​പ്പോൾ അവർ ശാരീ​രി​ക​മാ​യും മാനസി​ക​മാ​യും പൂർണ​രാ​യി​രു​ന്നു. അവൻ അവരെ മനോ​ഹ​ര​മായ ഒരു തോട്ട​ത്തിൽ ആക്കുക​യും അവർക്കു സംതൃ​പ്‌തി​ദാ​യ​ക​മായ വേല നിയമി​ച്ചു​കൊ​ടു​ക്കു​ക​യും ചെയ്‌തു. ബൈബിൾ പ്രസ്‌താ​വി​ക്കു​ന്നു: “താൻ ഉണ്ടാക്കി​യ​തി​നെ ഒക്കെയും ദൈവം നോക്കി, അതു എത്രയും നല്ലതു എന്നു കണ്ടു.” (ഉല്‌പത്തി 1:31) ദൈവത്തെ അനുസ​രി​ച്ചി​രു​ന്നെ​ങ്കിൽ ആദാമും ഹവ്വായും പൂർണ​ത​യുള്ള മക്കൾക്കു ജന്മം​കൊ​ടു​ക്കു​മാ​യി​രു​ന്നു. മാത്രമല്ല, ഭൂമി ഒരു ആഗോള പറുദീ​സ​യാ​യി​ത്തീ​രു​ക​യും ആളുകൾ അവിടെ സമാധാ​ന​ത്തി​ലും സന്തോ​ഷ​ത്തി​ലും നിത്യം ജീവി​ക്കു​ക​യും ചെയ്യു​മാ​യി​രു​ന്നു.

ആദാമി​നെ​യും ഹവ്വാ​യെ​യും സൃഷ്ടി​ച്ച​പ്പോൾ, ദൈവം അവർക്ക്‌ ഇച്ഛാസ്വാ​ത​ന്ത്ര്യ​മെന്ന അത്ഭുത​ക​ര​മായ ദാനം നൽകി. തന്നിമി​ത്തം അവർ, തീരു​മാ​ന​ങ്ങ​ളെ​ടു​ക്കാ​നോ തിര​ഞ്ഞെ​ടു​പ്പു നടത്താ​നോ സ്വാത​ന്ത്ര്യ​മി​ല്ലാത്ത യന്ത്രമ​നു​ഷ്യ​രെ​പ്പോ​ലെ ആയിരി​ക്കു​മാ​യി​രു​ന്നില്ല. എന്നിരു​ന്നാ​ലും നിലനിൽക്കുന്ന സന്തുഷ്ടി ആസ്വദി​ക്കു​ന്ന​തിന്‌ അവർ ഇച്ഛാസ്വാ​ത​ന്ത്ര്യം ശരിയായ വിധത്തിൽ അതായത്‌ ദൈവ​ത്തി​ന്റെ നിയമങ്ങൾ അനുസ​രി​ക്കു​ന്ന​തിന്‌ ഉപയോ​ഗി​ക്ക​ണ​മാ​യി​രു​ന്നു. ദൈവം പറയുന്നു: “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.” (യെശയ്യാ​വു 48:17) ഇച്ഛാസ്വാ​ത​ന്ത്ര്യം ദുരു​പ​യോ​ഗം ചെയ്യു​ന്നത്‌ വിപത്‌ക​ര​മാ​യി​രി​ക്കു​മാ​യി​രു​ന്നു, കാരണം ദൈവ​ത്തിൽനി​ന്നു സ്വത​ന്ത്ര​മാ​യി​നി​ന്നു​കൊണ്ട്‌ വിജയ​ക​ര​മാ​യി ജീവി​ക്കാൻ പര്യാ​പ്‌ത​മായ വിധത്തി​ലല്ല മനുഷ്യർ സൃഷ്ടി​ക്ക​പ്പെ​ട്ടത്‌. ബൈബിൾ പ്രസ്‌താ​വി​ക്കു​ന്നു: “മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല.”—യിരെ​മ്യാ​വു 10:23.

സങ്കടക​ര​മെ​ന്നു​പ​റ​യട്ടെ, ദൈവ​ത്തിൽനി​ന്നു സ്വത​ന്ത്ര​രാ​യാ​ലും വിജയ​ക​ര​മാ​യി ജീവി​ക്കാൻ കഴിയു​മെന്ന്‌ നമ്മുടെ ആദ്യമാ​താ​പി​താ​ക്കൾ വിചാ​രി​ച്ചു.  എന്നാൽ അവർ ദൈവ​ത്തി​ന്റെ ഭരണാ​ധി​കാ​രത്തെ നിഷേ​ധി​ച്ച​പ്പോൾ അവർക്ക്‌ അവന്റെ പിന്തുണ ഇല്ലാതാ​കു​ക​യും പൂർണത നഷ്ടമാ​കു​ക​യും ചെയ്‌തു. അങ്ങനെ അവർ ക്ഷയോ​ന്മു​ഖ​രാ​യി​ത്തീർന്ന്‌ ക്രമേണ വാർധ​ക്യ​ത്തി​നും മരണത്തി​നും അധീന​രാ​യി. നാം അവരുടെ സന്തതി​ക​ളാ​യ​തി​നാൽ നമുക്ക്‌ അപൂർണ​ത​യും മരണവും പാരമ്പ​ര്യ​മാ​യി കിട്ടി​യി​രി​ക്കു​ന്നു.—റോമർ 5:12.

മുഖ്യ വിവാ​ദ​വി​ഷയം—പരമാ​ധി​കാ​രം

ദൈവം ആദാമി​നെ​യും ഹവ്വാ​യെ​യും നശിപ്പി​ച്ചു​ക​ളഞ്ഞ്‌ മറ്റൊരു മനുഷ്യ​ജോ​ഡി​യെ സൃഷ്ടി​ക്കാ​തി​രു​ന്നത്‌ എന്തു​കൊ​ണ്ടാണ്‌? ദൈവ​ത്തി​ന്റെ സാർവ​ത്രിക പരമാ​ധി​കാ​രം അതായത്‌, ഭരിക്കാ​നുള്ള അവന്റെ അധികാ​രം വെല്ലു​വി​ളി​ക്ക​പ്പെട്ടു എന്നതാണു കാരണം. ആ വെല്ലു​വി​ളി​യിൽ ഈ ചോദ്യ​ങ്ങൾ ഉൾപ്പെ​ട്ടി​രു​ന്നു: ഭരിക്കാൻ അധികാ​ര​മു​ള്ളത്‌ ആർക്കാണ്‌, ആരു​ടേ​താ​ണു ശരിയായ ഭരണം? വിപു​ല​മായ അർഥത്തിൽ, ദൈവ​ത്തി​ന്റെ ഭരണത്തിൽനി​ന്നു വിമു​ക്ത​രാ​യി മനുഷ്യർക്കു മെച്ചപ്പെട്ട ജീവിതം നയിക്കാൻ സാധി​ക്കു​മോ? ഈ സംഗതി പരീക്ഷി​ച്ചു​നോ​ക്കാൻ മതിയായ സമയവും തികഞ്ഞ സ്വാത​ന്ത്ര്യ​വും അനുവ​ദി​ക്കു​ക​വഴി, തന്റെ ഭരണമാ​ണോ അതോ മാനുഷ ഭരണമാ​ണോ മനുഷ്യർക്കു കൂടുതൽ മെച്ച​മെന്ന്‌ എന്നെ​ന്നേ​ക്കു​മാ​യി സ്ഥാപി​ക്കാൻ ദൈവ​ത്തി​നു സാധി​ക്കു​മാ​യി​രു​ന്നു. അനുവ​ദി​ക്ക​പ്പെ​ടുന്ന സമയം, ദൈവ​ത്തി​ന്റെ മാർഗ​നിർദേ​ശ​മി​ല്ലാ​തെ മനുഷ്യർക്ക്‌ രാഷ്‌ട്രീ​യ​വും സാമൂ​ഹി​ക​വും സാമ്പത്തി​ക​വും മതപര​വും ആയ എല്ലാത്തരം സമ്പ്രദാ​യ​ങ്ങ​ളും പരീക്ഷി​ച്ചു​നോ​ക്കാൻ മതിയാ​യത്‌ ആയിരി​ക്ക​ണ​മാ​യി​രു​ന്നു.

പരീക്ഷ​ണ​ങ്ങൾ എന്തു തെളി​യി​ച്ചി​രി​ക്കു​ന്നു? ആയിര​ക്ക​ണ​ക്കി​നു വർഷങ്ങ​ളി​ലെ മാനുഷ ചരിത്രം ഒന്നി​നൊ​ന്നു വർധി​ച്ചു​വ​ന്നി​ട്ടുള്ള കഷ്ടപ്പാ​ടു​ക​ളു​ടെ കഥയാണ്‌ നമ്മോടു പറയു​ന്നത്‌. കഴിഞ്ഞ നൂറ്റാ​ണ്ടിൽ, മുമ്പൊ​രി​ക്ക​ലും ഉണ്ടാകാത്ത തരത്തി​ലുള്ള കടുത്ത യാതന​ക​ളാണ്‌ മനുഷ്യ​കു​ടും​ബം അനുഭ​വി​ച്ചത്‌. നാസികൾ നടത്തിയ കൂട്ട​ക്കൊല ദശലക്ഷ​ങ്ങ​ളു​ടെ ജീവൻ അപഹരി​ച്ചു. 10 കോടി​യി​ലേറെ ആളുക​ളു​ടെ ജീവനാണ്‌ യുദ്ധങ്ങൾ കവർന്നെ​ടു​ത്തി​ട്ടു​ള്ളത്‌. കുറ്റകൃ​ത്യ​ങ്ങ​ളും അക്രമ​വും തേർവാഴ്‌ച നടത്തുന്നു. മയക്കു​മ​രു​ന്നു ദുരു​പ​യോ​ഗം ലോക​വ്യാ​പ​ക​മാണ്‌. ലൈം​ഗി​ക​മാ​യി പകരുന്ന രോഗങ്ങൾ കാട്ടു​തീ​പോ​ലെ പടരു​ക​യാണ്‌. ഓരോ വർഷവും കോടി​ക്ക​ണ​ക്കിന്‌ ആളുകൾ പട്ടിണി​യും രോഗ​ങ്ങ​ളും നിമിത്തം മരിക്കു​ന്നു. കുടും​ബ​ജീ​വി​ത​വും  ധാർമിക മൂല്യ​ങ്ങ​ളും എവി​ടെ​യും ജീർണാ​വ​സ്ഥ​യി​ലാണ്‌. ഈ പ്രശ്‌ന​ങ്ങൾക്കുള്ള പരിഹാ​രം ഒരു മാനുഷ ഭരണകൂ​ട​ത്തി​ന്റെ​യും പക്കൽ ഇല്ല. അവയ്‌ക്കൊ​ന്നി​നും വാർധ​ക്യ​ത്തെ​യോ രോഗ​ങ്ങ​ളെ​യോ മരണ​ത്തെ​യോ തുടച്ചു​നീ​ക്കാൻ കഴിഞ്ഞി​ട്ടില്ല.

നമ്മുടെ കാല​ത്തേക്ക്‌ ബൈബിൾ മുൻകൂ​ട്ടി​പ്പറഞ്ഞ അതേ അവസ്ഥയി​ലാണ്‌ ഇന്നു മനുഷ്യ​വർഗം. ദൈവ​വ​ചനം നമ്മുടെ കാലഘ​ട്ടത്തെ, ഈ വ്യവസ്ഥി​തി​യു​ടെ “അന്ത്യനാ​ളു​കൾ” [NW] ആയി തിരി​ച്ച​റി​യി​ക്കു​ന്നു, അന്ത്യനാ​ളു​ക​ളിൽ “ഇടപെ​ടാൻ പ്രയാ​സ​മായ ദുർഘ​ട​സ​മ​യങ്ങൾ ഇവിടെ ഉണ്ടായി​രി​ക്കും” [NW] എന്ന്‌ ബൈബിൾ മുൻകൂ​ട്ടി​പ്പ​റ​ഞ്ഞി​രു​ന്നു. മാത്രമല്ല, ബൈബിൾ പ്രവചി​ച്ച​തു​പോ​ലെ, “ദുഷ്ടമ​നു​ഷ്യ​രും മായാ​വി​ക​ളും . . . മേല്‌ക്കു​മേൽ ദോഷ​ത്തിൽ മുതിർന്നു”വന്നിരി​ക്കു​ക​യാണ്‌.—2 തിമൊ​ഥെ​യൊസ്‌ 3:1-5, 13, 14.

കഷ്ടപ്പാ​ടു​കൾ പെട്ടെ​ന്നു​തന്നെ അവസാ​നി​ക്കും

ദൈവ​ത്തിൽനി​ന്നു സ്വത​ന്ത്ര​നാ​യി​നി​ന്നു​കൊണ്ട്‌ മനുഷ്യൻ നടത്തിയ ദാരു​ണ​മായ പരീക്ഷ​ണ​ത്തി​ന്റെ അവസാ​ന​ത്തോ​ടു നാം അടുത്തു​കൊ​ണ്ടി​രി​ക്കു​ക​യാ​ണെന്ന്‌ എല്ലാ തെളി​വു​ക​ളും സൂചി​പ്പി​ക്കു​ന്നു. ദൈവ​ത്തിൽനി​ന്നു സ്വത​ന്ത്ര​രാ​യി​നി​ന്നുള്ള മാനുഷ ഭരണം ഒരിക്ക​ലും വിജയി​ക്കു​ക​യി​ല്ലെന്നു സംശയാ​തീ​ത​മാ​യി തെളി​ഞ്ഞു​ക​ഴി​ഞ്ഞു. ദൈവ​ത്തി​ന്റെ ഭരണത്തി​നു മാത്രമേ സമാധാ​ന​വും സന്തോ​ഷ​വും പൂർണ ആരോ​ഗ്യ​വും നിത്യ​ജീ​വ​നും പ്രദാ​നം​ചെ​യ്യാൻ കഴിയു​ക​യു​ള്ളൂ. അതു​കൊണ്ട്‌, ദുഷ്ടത​യും കഷ്ടപ്പാ​ടും യഹോവ ഇനി ഏറെ നാൾ വെച്ചു​പൊ​റു​പ്പി​ക്കു​ക​യില്ല. സംതൃ​പ്‌തി​ക​ര​മ​ല്ലാത്ത ഈ മുഴു വ്യവസ്ഥി​തി​യെ​യും നശിപ്പി​ച്ചു​കൊണ്ട്‌ ദൈവം പെട്ടെ​ന്നു​തന്നെ മാനുഷ കാര്യാ​ദി​ക​ളിൽ ഇടപെ​ടും.

ബൈബിൾ പ്രവചനം പറയുന്നു: “ഈ രാജാ​ക്ക​ന്മാ​രു​ടെ [ഇപ്പോ​ഴത്തെ മാനുഷ ഭരണകൂ​ട​ങ്ങ​ളു​ടെ] കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം [സ്വർഗ​ത്തിൽ] സ്ഥാപി​ക്കും; . . . അതു ഈ രാജത്വ​ങ്ങളെ [ഇപ്പോ​ഴുള്ള ഭരണകൂ​ട​ങ്ങളെ] ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” (ദാനീ​യേൽ 2:44) തന്റെ സ്വർഗീയ രാജ്യം മുഖാ​ന്ത​ര​മുള്ള യഹോ​വ​യു​ടെ പരമാ​ധി​കാ​ര​ത്തി​ന്റെ, അതായത്‌ ഭരിക്കാ​നുള്ള അവന്റെ അധികാ​ര​ത്തി​ന്റെ സംസ്ഥാ​പ​ന​മാണ്‌ ബൈബി​ളി​ന്റെ മുഖ്യ പഠിപ്പി​ക്കൽ. ‘അന്ത്യനാ​ളു​ക​ളു​ടെ’ അടയാ​ള​ത്തി​ന്റെ ഒരു പ്രധാന സവി​ശേഷത മുൻകൂ​ട്ടി​പ്പ​റ​ഞ്ഞു​കൊണ്ട്‌ യേശു പ്രഖ്യാ​പി​ച്ചു: “രാജ്യ​ത്തി​ന്റെ ഈ  സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:14.

അന്ത്യം വരു​മ്പോൾ ആർ അതിജീ​വി​ക്കും? ബൈബിൾ ഉത്തരം നൽകുന്നു: “നേരു​ള്ളവർ ദേശത്തു വസിക്കും; നിഷ്‌ക​ള​ങ്ക​ന്മാർ അതിൽ ശേഷി​ച്ചി​രി​ക്കും. എന്നാൽ ദുഷ്ടന്മാർ ദേശത്തു​നി​ന്നു ഛേദി​ക്ക​പ്പെ​ടും.” (സദൃശ​വാ​ക്യ​ങ്ങൾ 2:21, 22) യഹോ​വ​യു​ടെ ഇഷ്ടം മനസ്സി​ലാ​ക്കു​ക​യും അതു പ്രവർത്തി​ക്കു​ക​യും ചെയ്യു​ന്ന​വ​രാണ്‌ നേരു​ള്ളവർ. യേശു​ക്രി​സ്‌തു പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” (യോഹ​ന്നാൻ 17:3) അതേ, ‘ലോകം ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.’—1 യോഹ​ന്നാൻ 2:17.

മറ്റു പ്രകാ​ര​ത്തിൽ സൂചി​പ്പി​ച്ചി​ട്ടി​ല്ലെ​ങ്കിൽ, ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​കൾ സത്യ​വേ​ദ​പു​സ്‌ത​ക​ത്തിൽനിന്ന്‌ ഉള്ളതാണ്‌. NW വരുന്നി​ടത്ത്‌ ഉപയോ​ഗി​ച്ചി​രി​ക്കു​ന്നത്‌ ആധുനിക ഇംഗ്ലീ​ഷി​ലുള്ള വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം—റഫറൻസു​ക​ളോ​ടു കൂടി​യത്‌ ആണ്‌.