1, 2. ബർന്നബാ​സും ശൗലും നടത്താ​നി​രുന്ന മിഷനറി പര്യട​ന​ത്തി​ന്റെ പ്രത്യേ​കത എന്തായി​രു​ന്നു, പ്രവൃ​ത്തി​കൾ 1:8-ന്റെ നിവൃ​ത്തി​യിൽ അവരുടെ പ്രവർത്തനം എന്തു പങ്കുവ​ഹി​ക്കു​മാ​യി​രു​ന്നു?

 അന്ത്യോ​ക്യ സഭയ്‌ക്ക്‌ ആവേശ​ജ​ന​ക​മായ ഒരു ദിവസ​മാ​യി​രു​ന്നു അത്‌. വിദൂ​ര​ദേ​ശ​ങ്ങ​ളിൽ സന്തോ​ഷ​വാർത്ത എത്തിക്കു​ന്ന​തിന്‌ സഭയിലെ പ്രവാ​ച​ക​ന്മാ​രിൽനി​ന്നും അധ്യാ​പ​ക​രിൽനി​ന്നും ബർന്നബാ​സി​നെ​യും ശൗലി​നെ​യും പരിശു​ദ്ധാ​ത്മാവ്‌ തിര​ഞ്ഞെ​ടു​ത്തി​രി​ക്കു​ന്നു! a (പ്രവൃ. 13:1, 2) സന്തോ​ഷ​വാർത്ത അറിയി​ക്കു​ന്ന​തിന്‌ യോഗ്യ​ത​യുള്ള പുരു​ഷ​ന്മാ​രെ ഇതിനു​മു​മ്പും അയച്ചി​ട്ടു​ണ്ടെ​ന്നു​ള്ളത്‌ സത്യമാണ്‌. എന്നാൽ ആ മിഷന​റി​മാർ പോയത്‌ ക്രിസ്‌ത്യാ​നി​ത്വം അതി​നോ​ട​കം​തന്നെ വേരു​പി​ടി​ച്ചി​ട്ടുള്ള സ്ഥലങ്ങളി​ലേ​ക്കാ​യി​രു​ന്നു. (പ്രവൃ. 8:14; 11:22) എന്നാൽ ബർന്നബാ​സും ശൗലും ഇപ്പോൾ പോകാ​നി​രി​ക്കു​ന്നത്‌ ഭൂരി​പക്ഷം ആളുക​ളും സന്തോ​ഷ​വാർത്ത കേട്ടി​ട്ടി​ല്ലാത്ത ദേശങ്ങ​ളി​ലേ​ക്കാണ്‌. ഒരു സഹായി​യെന്ന നിലയിൽ യോഹ​ന്നാൻ മർക്കോ​സും അവരെ അനുഗ​മി​ക്കു​ന്നുണ്ട്‌.

² ഏതാണ്ട്‌ 14 വർഷം​മുമ്പ്‌ യേശു തന്റെ അനുഗാ​മി​ക​ളോട്‌ ഇങ്ങനെ പറഞ്ഞി​രു​ന്നു: “നിങ്ങൾ യരുശ​ലേ​മി​ലും യഹൂദ്യ​യിൽ എല്ലായി​ട​ത്തും ശമര്യ​യി​ലും ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും.” (പ്രവൃ. 1:8) ബർന്നബാ​സി​നും ശൗലി​നും ലഭിച്ച മിഷനറി നിയമനം യേശു​വി​ന്റെ ഈ പ്രാവ​ച​നിക വാക്കു​ക​ളു​ടെ നിവൃ​ത്തി​യിൽ കൂടു​ത​ലായ ഒരു പങ്കുവ​ഹി​ക്കു​മാ​യി​രു​ന്നു. b

3. ഒന്നാം നൂറ്റാ​ണ്ടിൽ ദീർഘ​ദൂ​ര​യാ​ത്രകൾ ക്ലേശക​ര​മാ​യി​രു​ന്നത്‌ എന്തു​കൊണ്ട്‌?

³ ഇന്ന്‌ ധാരാളം വാഹന​സൗ​ക​ര്യ​മൊ​ക്കെ ഉള്ളതി​നാൽ വിദൂര സ്ഥലങ്ങളിൽപ്പോ​ലും ആളുകൾക്ക്‌ വേഗത്തിൽ എത്തി​ച്ചേ​രാ​നാ​കും. എന്നാൽ എ.ഡി. ഒന്നാം നൂറ്റാ​ണ്ടി​ലെ സ്ഥിതി അതായി​രു​ന്നില്ല. അന്ന്‌ സാധാ​ര​ണ​മാ​യി ആളുകൾ കാൽന​ട​യാ​യാണ്‌ സഞ്ചരി​ച്ചി​രു​ന്നത്‌, പലപ്പോ​ഴും ദുർഘ​ടം​പി​ടിച്ച പാതക​ളി​ലൂ​ടെ. ഒരു ദിവസം​കൊണ്ട്‌ ഏറിയാൽ 30 കിലോ​മീ​റ്ററേ പിന്നി​ടാ​നാ​കു​മാ​യി​രു​ന്നു​ള്ളൂ; അതാകട്ടെ, അങ്ങേയറ്റം ക്ഷീണി​പ്പി​ക്കു​ന്ന​തു​മാ​യി​രു​ന്നു. c അതു​കൊ​ണ്ടു​തന്നെ, തങ്ങളുടെ നിയമ​ന​ത്തെ​ക്കു​റിച്ച്‌ ആകാം​ക്ഷ​യു​ള്ള​വ​രാ​യി​രു​ന്നെ​ങ്കി​ലും, അത്‌ ആത്മത്യാ​ഗ​വും നല്ല ശ്രമവും ആവശ്യ​മാ​ക്കി​ത്തീർക്കുന്ന ഒന്നാ​ണെന്ന്‌ പൗലോ​സി​നും ബർന്നബാ​സി​നും അറിയാ​മാ​യി​രു​ന്നു.—മത്താ. 16:24.

4. (എ) ബർന്നബാ​സും ശൗലും എങ്ങനെ​യാണ്‌ തിര​ഞ്ഞെ​ടു​ക്ക​പ്പെ​ട്ടത്‌, ആ നിയമ​നത്തെ സഹവി​ശ്വാ​സി​കൾ എങ്ങനെ കണ്ടു? (ബി) ദിവ്യാ​ധി​പത്യ നിയമ​നങ്ങൾ ലഭിക്കു​ന്ന​വരെ നമുക്ക്‌ എങ്ങനെ പിന്തു​ണ​യ്‌ക്കാം?

⁴ എന്നാൽ എന്തു​കൊ​ണ്ടാ​യി​രി​ക്കും അവരെ​ത്തന്നെ, അതായത്‌ ബർന്നബാ​സി​നെ​യും  ശൗലി​നെ​യും, ഈ ‘പ്രത്യേ​ക​പ്ര​വർത്ത​ന​ത്തി​നു​വേണ്ടി മാറ്റി​നി​റു​ത്താൻ’ പരിശു​ദ്ധാ​ത്മാവ്‌ നിർദേ​ശി​ച്ചത്‌? (പ്രവൃ. 13:2) അതേക്കു​റിച്ച്‌ ബൈബിൾ ഒന്നും പറയു​ന്നില്ല. ഈ പുരു​ഷ​ന്മാ​രെ തിര​ഞ്ഞെ​ടു​ക്കു​ന്ന​തിൽ പരിശു​ദ്ധാ​ത്മാ​വി​ന്റെ വഴിന​ട​ത്തിപ്പ്‌ ഉണ്ടായി​രു​ന്നു​വെ​ന്നു​മാ​ത്രമേ നമുക്ക​റി​യാ​വൂ. ബർന്നബാ​സി​ന്റെ​യും ശൗലി​ന്റെ​യും നിയമ​നത്തെ അന്ത്യോ​ക്യ സഭയിലെ പ്രവാ​ച​ക​ന്മാ​രും അധ്യാ​പ​ക​രും എതിർത്ത​താ​യി യാതൊ​രു സൂചന​യു​മില്ല. അവർ അതിനെ പൂർണ​മ​ന​സ്സോ​ടെ പിന്തു​ണച്ചു. അവർ ബർന്നബാ​സി​നും ശൗലി​നും വേണ്ടി “ഉപവസി​ക്കു​ക​യും പ്രാർഥി​ക്കു​ക​യും” അതു​പോ​ലെ ‘അവരുടെ മേൽ കൈകൾ വെച്ച്‌ അവരെ പറഞ്ഞയ​യ്‌ക്കു​ക​യും’ ചെയ്‌തു​വെന്ന്‌ വിവരണം പറയുന്നു. തങ്ങളുടെ ക്രിസ്‌തീയ സഹോ​ദ​ര​ന്മാർ യാതൊ​രു അസൂയ​യും കൂടാതെ അങ്ങനെ പ്രവർത്തി​ച്ച​തിൽ ബർന്നബാ​സി​നും ശൗലി​നും എത്ര സന്തോഷം തോന്നി​യി​രി​ക്കണം! (പ്രവൃ. 13:3) സഭയിൽ മേൽവി​ചാ​ര​ക​ന്മാ​രാ​യി നിയമി​ത​രാ​കു​ന്നവർ ഉൾപ്പെടെ ദിവ്യാ​ധി​പത്യ നിയമ​നങ്ങൾ ലഭിക്കു​ന്ന​വരെ നാമും പിന്തു​ണ​യ്‌ക്കേ​ണ്ട​തുണ്ട്‌. അത്തരം പദവികൾ ലഭിക്കു​ന്ന​വ​രോട്‌ അസൂയ​പ്പെ​ടു​ന്ന​തി​നു പകരം നാം ‘അവരുടെ അധ്വാനം ഓർത്ത്‌ അവരോ​ടു സ്‌നേ​ഹ​ത്തോ​ടെ സാധാ​ര​ണ​യിൽ കവിഞ്ഞ പരിഗണന കാണി​ക്കണം.’—1 തെസ്സ. 5:13.

5. സൈ​പ്രസ്‌ ദ്വീപിൽ പൗലോ​സും ബർന്നബാ​സും നടത്തിയ സാക്ഷീ​ക​ര​ണ​ത്തെ​ക്കു​റി​ച്ചു വിശദീ​ക​രി​ക്കുക.

⁵ അന്ത്യോ​ക്യക്ക്‌ അടുത്തുള്ള സെലൂക്യ തുറമു​ഖം​വരെ കാൽന​ട​യാ​യി യാത്ര​ചെയ്‌ത ബർന്നബാ​സും ശൗലും അവി​ടെ​നിന്ന്‌ സൈ​പ്രസ്‌ ദ്വീപി​ലേക്കു കപ്പൽക​യറി. ഏതാണ്ട്‌ 200 കിലോ​മീ​റ്റർ അകലെ​യാ​യി​രു​ന്നു സൈ​പ്രസ്‌. d ബർന്നബാസ്‌ ആ നാട്ടു​കാ​ര​നാ​യി​രു​ന്ന​തി​നാൽ അവിടെ സന്തോ​ഷ​വാർത്ത എത്തിക്കാൻ അദ്ദേഹം അത്യന്തം ആകാം​ക്ഷ​യു​ള്ള​വ​നാ​യി​രു​ന്നി​രി​ക്കണം.  സൈ​പ്ര​സി​ന്റെ കിഴക്കൻ തീരത്തുള്ള സലമീസ്‌ പട്ടണത്തി​ലെ​ത്തിയ ബർന്നബാ​സും ശൗലും സമയം ഒട്ടും പാഴാ​ക്കാ​തെ “ജൂതന്മാ​രു​ടെ സിന​ഗോ​ഗു​ക​ളിൽ ചെന്ന്‌ ദൈവ​വ​ചനം പ്രസം​ഗി​ച്ചു.” e (പ്രവൃ. 13:5) ദ്വീപി​ന്റെ ഒരറ്റം​മു​തൽ മറ്റേയ​റ്റം​വരെ അവർ സഞ്ചരിച്ചു. സാധ്യ​ത​യ​നു​സ​രിച്ച്‌ മാർഗ​മ​ധ്യേ​യുള്ള പ്രധാന പട്ടണങ്ങ​ളി​ലെ​ല്ലാം അവർ സാക്ഷീ​ക​രി​ച്ചു. ബർന്നബാ​സും ശൗലും സന്ദർശിച്ച സ്ഥലങ്ങൾ കണക്കി​ലെ​ടു​ക്കു​മ്പോൾ അവർ ഏതാണ്ട്‌ 160 കിലോ​മീ​റ്റർ കാൽന​ട​യാ​യി സഞ്ചരി​ച്ചെ​ന്നു​വേണം കരുതാൻ!

6, 7. (എ) സെർഗ്യൊസ്‌ പൗലോസ്‌ ആരായി​രു​ന്നു, സന്തോ​ഷ​വാർത്ത കേൾക്കു​ന്ന​തിൽനിന്ന്‌ അദ്ദേഹത്തെ പിന്തി​രി​പ്പി​ക്കാൻ ബർ-യേശു ശ്രമി​ച്ചത്‌ എന്തു​കൊണ്ട്‌? (ബി) ബർ-യേശു​വി​ന്റെ എതിർപ്പി​നെ ശൗൽ നേരി​ട്ടത്‌ എങ്ങനെ?

⁶ അക്കാലത്ത്‌ വ്യാജാ​രാ​ധ​ന​യിൽ ആണ്ടുകി​ട​ന്നി​രുന്ന ഒരു സ്ഥലമാ​യി​രു​ന്നു സൈ​പ്രസ്‌. ബർന്നബാ​സും ശൗലും ആ ദ്വീപി​ന്റെ പടിഞ്ഞാ​റൻ തീരത്തുള്ള പാഫൊ​സിൽ എത്തിയ​പ്പോൾ ഉണ്ടായ സംഭവ​ത്തിൽനിന്ന്‌ അതു വ്യക്തമാണ്‌. അവിടെ അവർ “ബർ-യേശു എന്നൊരു ജൂതനെ കണ്ടുമു​ട്ടി. ഒരു കള്ളപ്ര​വാ​ച​ക​നും ആഭിചാ​ര​ക​നും ആയിരുന്ന അയാൾ സെർഗ്യൊസ്‌ പൗലോസ്‌ എന്ന ബുദ്ധി​മാ​നായ നാടു​വാ​ഴി​യോ​ടൊ​പ്പ​മാ​യി​രു​ന്നു.” f ഒന്നാം നൂറ്റാ​ണ്ടിൽ അഭിജ്ഞ​രായ പല റോമാ​ക്കാ​രും—സെർഗ്യൊസ്‌ പൗലോ​സി​നെ​പ്പോ​ലെ ‘ബുദ്ധി​മാ​ന്മാ​രാ​യ​വർപോ​ലും’—സുപ്ര​ധാന തീരു​മാ​നങ്ങൾ എടുക്കു​ന്ന​തി​നാ​യി ആഭിചാ​ര​ക​ന്മാ​രു​ടെ​യോ ജ്യോ​തി​ഷി​ക​ളു​ടെ​യോ സഹായം തേടി​യി​രു​ന്നു. എന്നിരു​ന്നാ​ലും സെർഗ്യൊസ്‌ പൗലോസ്‌ രാജ്യ​സ​ന്ദേ​ശ​ത്തിൽ ആകൃഷ്ട​നാ​കു​ക​യും ‘ദൈവ​വ​ചനം കേൾക്കാൻ അതിയാ​യി ആഗ്രഹി​ക്കു​ക​യും’ ചെയ്‌തു. എന്നാൽ എലീമാസ്‌ (“എലീമാസ്‌ എന്ന സ്ഥാന​പ്പേ​രി​ന്റെ അർഥം ആഭിചാ​രകൻ എന്നാണ്‌”) എന്നും അറിയ​പ്പെ​ട്ടി​രുന്ന ബർ-യേശു​വിന്‌ അത്‌ ഒട്ടും രസിച്ചില്ല.—പ്രവൃ. 13:6-8.

⁷ ബർ-യേശു രാജ്യ​സ​ന്ദേ​ശത്തെ ശക്തമായി എതിർത്തു. അയാളെ സംബന്ധി​ച്ചി​ട​ത്തോ​ളം സെർഗ്യൊസ്‌ പൗലോ​സി​ന്റെ ഉപദേ​ഷ്ടാവ്‌ എന്ന തന്റെ സ്ഥാനം കൈവി​ട്ടു​പോ​കാ​തെ കാക്കു​ന്ന​തി​നുള്ള ഏക മാർഗം ബർന്നബാ​സി​നെ​യും ശൗലി​നെ​യും ‘വിശ്വ​സി​ക്കു​ന്ന​തിൽനിന്ന്‌ നാടു​വാ​ഴി​യെ പിന്തി​രി​പ്പി​ക്കു​ക​യാ​യി​രു​ന്നു.’ (പ്രവൃ. 13:8) എന്നാൽ സെർഗ്യൊസ്‌ പൗലോ​സി​ന്റെ താത്‌പ​ര്യം കെടു​ത്തി​ക്ക​ള​യാൻ ആ ആഭിചാ​ര​കനു കഴിഞ്ഞോ? വിവരണം തുടർന്നു പറയുന്നു: “പൗലോസ്‌ എന്നു പേരുള്ള ശൗൽ പരിശു​ദ്ധാ​ത്മാവ്‌ നിറഞ്ഞ്‌ അയാളെ സൂക്ഷി​ച്ചു​നോ​ക്കി​ക്കൊണ്ട്‌ പറഞ്ഞു: ‘എല്ലാ തരം വഞ്ചനയും ദുഷ്ടത​യും നിറഞ്ഞ​വനേ, പിശാ​ചി​ന്റെ സന്തതിയേ, നീതി​യു​ടെ ശത്രുവേ,  യഹോ​വ​യു​ടെ നേർവ​ഴി​കൾ വളച്ചൊ​ടി​ക്കു​ന്നതു മതിയാക്ക്‌! ഇതാ, യഹോ​വ​യു​ടെ കൈ നിനക്ക്‌ എതിരെ വന്നിരി​ക്കു​ന്നു! കുറച്ച്‌ സമയ​ത്തേക്കു നീ അന്ധനാ​യി​രി​ക്കും, നീ സൂര്യ​പ്ര​കാ​ശം കാണില്ല.’ ഉടനെ അയാൾക്കു കണ്ണിൽ കനത്ത മൂടലും ഇരുട്ടും അനുഭ​വ​പ്പെട്ടു. തന്നെ കൈപി​ടിച്ച്‌ നടത്താൻ ആളുകളെ തിരഞ്ഞ്‌ അയാൾ നടന്നു.” g ഈ അത്ഭുത​പ്ര​വൃ​ത്തി​യു​ടെ ഫലം എന്തായി​രു​ന്നു? “ഇതു കണ്ട്‌ യഹോ​വ​യു​ടെ ഉപദേ​ശ​ത്തിൽ വിസ്‌മ​യിച്ച നാടു​വാ​ഴി ഒരു വിശ്വാ​സി​യാ​യി​ത്തീർന്നു.”—പ്രവൃ. 13:9-12.

8. നമുക്ക്‌ എങ്ങനെ പൗലോ​സി​ന്റെ ധൈര്യം അനുക​രി​ക്കാം?

⁸ ബർ-യേശു​വി​നെ പൗലോസ്‌ ഭയപ്പെ​ട്ടില്ല. സമാന​മാ​യി, രാജ്യ​സ​ന്ദേ​ശ​ത്തിൽ താത്‌പ​ര്യം കാണി​ക്കു​ന്ന​വ​രു​ടെ വിശ്വാ​സം കെടു​ത്തി​ക്ക​ള​യാൻ ശ്രമി​ക്കു​ന്ന​വരെ നാമും ഭയക്കേ​ണ്ട​തില്ല. നാം പറയുന്ന വാക്കുകൾ ‘ഉപ്പു ചേർത്ത്‌ രുചി​വ​രു​ത്തി​യ​തു​പോ​ലെ ഹൃദ്യ​മാ​യി​രി​ക്കണം.’ (കൊലോ. 4:6) എന്നാൽ പ്രശ്‌നങ്ങൾ ഉണ്ടാ​യേ​ക്കു​മോ എന്നു വിചാ​രിച്ച്‌ സന്തോ​ഷ​വാർത്ത അറിയി​ക്കു​ന്ന​തിൽനിന്ന്‌ നാം ഒഴിഞ്ഞു​മാ​റി നിൽക്കില്ല. ‘യഹോ​വ​യു​ടെ നേർവ​ഴി​കൾ വളച്ചൊ​ടി​ക്കാൻ’ ശ്രമിച്ച ബർ-യേശു​വി​നെ​പ്പോ​ലെ​യാണ്‌ ഇന്നത്തെ വ്യാജ​മ​തങ്ങൾ. അവയെ തുറന്നു​കാ​ണി​ക്കാൻ നാം ഒരിക്ക​ലും പേടി​ക്കേ​ണ്ട​തില്ല. (പ്രവൃ. 13:10) പൗലോ​സി​നെ​പ്പോ​ലെ നമുക്കും നിർഭയം സത്യം ഘോഷി​ക്കു​ക​യും ആത്മാർഥ​ഹൃ​ദ​യ​രാ​യ​വ​രു​ടെ പക്കൽ സന്തോ​ഷ​വാർത്ത എത്തിക്കു​ക​യും ചെയ്യാം. ദൈവിക പിന്തു​ണ​യു​ടെ ദൃശ്യ​മായ തെളി​വു​കൾ ഒരുപക്ഷേ പൗലോ​സി​ന്റെ കാര്യ​ത്തി​ലെ​ന്ന​പോ​ലെ നമുക്കു കാണാ​നാ​യി​ല്ലെ​ങ്കി​ലും, യോഗ്യ​രാ​യ​വരെ സത്യത്തി​ലേക്ക്‌ ആകർഷി​ക്കാൻ യഹോവ തന്റെ പരിശു​ദ്ധാ​ത്മാ​വി​നെ ഉപയോ​ഗി​ക്കു​മെ​ന്ന​തിൽ നമുക്ക്‌ ഉറപ്പു​ള്ള​വ​രാ​യി​രി​ക്കാം.—യോഹ. 6:44.

9. ക്രിസ്‌തീയ സഭയിൽ നേതൃ​ത്വ​മെ​ടു​ക്കുന്ന പുരു​ഷ​ന്മാർക്ക്‌ പൗലോ​സും ബർന്നബാ​സും നല്ലൊരു മാതൃ​ക​വെ​ച്ചത്‌ എങ്ങനെ?

⁹ ആ പുരു​ഷ​ന്മാർ പാഫൊ​സിൽനിന്ന്‌ ഏതാണ്ട്‌ 250 കിലോ​മീ​റ്റർ അകലെ ഏഷ്യാ​മൈ​ന​റി​ന്റെ തീരത്തുള്ള പെർഗ​യി​ലേക്കു കപ്പൽക​യ​റിയ സമയമാ​യ​പ്പോ​ഴേ​ക്കും നേതൃ​ത്വ​ത്തി​ന്റെ കാര്യ​ത്തിൽ ഒരു മാറ്റം സംഭവി​ച്ചി​രു​ന്നു. പ്രവൃ​ത്തി​കൾ 13:13-ൽ, “പൗലോ​സും കൂട്ടരും” എന്നാണ്‌ അവരുടെ ആ സംഘത്തെ പരാമർശി​ക്കു​ന്നത്‌. ആ വാക്കുകൾ വ്യക്തമാ​ക്കു​ന്നത്‌, സംഘത്തി​ന്റെ പ്രവർത്ത​ന​ങ്ങൾക്ക്‌ അപ്പോൾ നേതൃ​ത്വം വഹിച്ചി​രു​ന്നത്‌ പൗലോസ്‌ ആണെന്നാണ്‌. എന്നാൽ അതുനി​മി​ത്തം ബർന്നബാസ്‌ പൗലോ​സി​നോട്‌ അസൂയ​പ്പെ​ട്ട​താ​യി യാതൊ​രു സൂചന​യു​മില്ല. പകരം ഈ രണ്ടു പുരു​ഷ​ന്മാ​രും ദൈവ​സേ​വ​ന​ത്തിൽ  തുടർന്നും ഒരുമി​ച്ചു പ്രവർത്തി​ച്ചു. ഇന്ന്‌ ക്രിസ്‌തീയ സഭയിൽ നേതൃ​ത്വ​മെ​ടു​ക്കുന്ന പുരു​ഷ​ന്മാർക്ക്‌ അനുക​ര​ണീ​യ​മായ എത്ര നല്ല മാതൃക! പ്രാമു​ഖ്യ​ത​യ്‌ക്കു​വേണ്ടി മത്സരി​ക്കാ​തെ, യേശു​വി​ന്റെ പിൻവ​രുന്ന വാക്കുകൾ ക്രിസ്‌ത്യാ​നി​കൾ മനസ്സിൽപ്പി​ടി​ക്കു​ന്നു: “നിങ്ങളോ എല്ലാവ​രും സഹോ​ദ​ര​ന്മാർ.” യേശു ഇങ്ങനെ​യും കൂട്ടി​ച്ചേർത്തു: “തന്നെത്തന്നെ ഉയർത്തു​ന്ന​വനെ ദൈവം താഴ്‌ത്തും. തന്നെത്തന്നെ താഴ്‌ത്തു​ന്ന​വ​നെ​യോ ദൈവം ഉയർത്തും.”—മത്താ. 23:8, 12.

10. പെർഗ​യിൽനിന്ന്‌ പിസി​ദ്യ​യി​ലെ അന്ത്യോ​ക്യ​യി​ലേ​ക്കുള്ള യാത്ര​യെ​ക്കു​റി​ച്ചു വിവരി​ക്കുക.

¹⁰ പെർഗ​യി​ലെ​ത്തി​യ​പ്പോൾ യോഹ​ന്നാൻ മർക്കോസ്‌ പൗലോ​സി​നെ​യും ബർന്നബാ​സി​നെ​യും വിട്ട്‌ യരുശ​ലേ​മി​ലേക്കു മടങ്ങി​പ്പോ​യി. മർക്കോസ്‌ പെട്ടെന്ന്‌ മടങ്ങി​പ്പോ​യ​തി​ന്റെ കാരണം ബൈബിൾ വ്യക്തമാ​ക്കു​ന്നില്ല. എന്നാൽ പൗലോ​സും ബർന്നബാ​സും അവരുടെ പര്യടനം തുടർന്നു. അവർ പെർഗ​യിൽനിന്ന്‌ ഗലാത്യ സംസ്ഥാ​ന​ത്തി​ലുള്ള പിസി​ദ്യ​യി​ലെ അന്ത്യോ​ക്യ എന്ന പട്ടണത്തി​ലെത്തി. അത്‌ ക്ലേശപൂർണ​മായ ഒരു യാത്ര​യാ​യി​രു​ന്നി​രി​ക്കണം; കാരണം സമു​ദ്ര​നി​ര​പ്പിൽനിന്ന്‌ ഏതാണ്ട്‌ 3,600 അടി ഉയരത്തി​ലുള്ള ഒരു പട്ടണമാ​യി​രു​ന്നു അത്‌. അപകടം​നി​റഞ്ഞ മലമ്പാ​ത​ക​ളിൽ കൊള്ള​ക്കാ​രു​ടെ ശല്യവും പതിവാ​യി​രു​ന്നു. പോരാ​ത്ത​തിന്‌ ഈ സമയത്ത്‌ പൗലോ​സിന്‌ ചില ആരോ​ഗ്യ​പ്ര​ശ്‌ന​ങ്ങ​ളും ഉണ്ടായി​രു​ന്നി​രി​ക്കണം. h

11, 12. പിസി​ദ്യ​യി​ലെ അന്ത്യോ​ക്യ​യി​ലുള്ള സിന​ഗോ​ഗിൽ പ്രസം​ഗി​ക്കവെ, പൗലോസ്‌ തന്റെ ശ്രോ​താ​ക്ക​ളു​ടെ താത്‌പ​ര്യം ഉണർത്തി​യത്‌ എങ്ങനെ?

¹¹ പിസി​ദ്യ​യി​ലെ അന്ത്യോ​ക്യ​യി​ലെ​ത്തിയ പൗലോ​സും ബർന്നബാ​സും ശബത്തു​ദി​വസം സിന​ഗോ​ഗിൽ ചെന്നു. വിവരണം പറയുന്നു: “നിയമ​ത്തിൽനി​ന്നും പ്രവാ​ച​ക​പു​സ്‌ത​ക​ങ്ങ​ളിൽനി​ന്നും ഉള്ള വായന​യ്‌ക്കു ശേഷം സിന​ഗോ​ഗി​ന്റെ അധ്യക്ഷ​ന്മാർ അവരോട്‌, ‘സഹോ​ദ​ര​ന്മാ​രേ, ജനത്തോട്‌ എന്തെങ്കി​ലും പ്രോ​ത്സാ​ഹ​ന​വാ​ക്കു​കൾ പറയാ​നു​ണ്ടെ​ങ്കിൽ ഇപ്പോൾ പറയാം’ എന്ന്‌ അറിയി​ച്ചു.” (പ്രവൃ. 13:15) അങ്ങനെ, പൗലോസ്‌ പ്രസം​ഗി​ക്കാ​നാ​യി എഴു​ന്നേ​റ്റു​നി​ന്നു.

¹² “ഇസ്രാ​യേൽപു​രു​ഷ​ന്മാ​രേ, ദൈവത്തെ ഭയപ്പെ​ടുന്ന മറ്റുള്ള​വരേ,” എന്ന സംബോ​ധ​ന​യോ​ടെ​യാണ്‌ പൗലോസ്‌ തന്റെ പ്രഭാ​ഷണം ആരംഭി​ച്ചത്‌. (പ്രവൃ. 13:16) പൗലോ​സി​ന്റെ ശ്രോ​താ​ക്ക​ളിൽ ജൂതന്മാ​രും ജൂതമതം സ്വീക​രി​ച്ച​വ​രും ഉണ്ടായി​രു​ന്നു. പൗലോസ്‌ എങ്ങനെ​യാണ്‌, ദൈ​വോ​ദ്ദേ​ശ്യ​ത്തിൽ യേശു വഹിക്കുന്ന  പങ്കി​നെ​ക്കു​റിച്ച്‌ അജ്ഞരാ​യി​രുന്ന അവരുടെ താത്‌പ​ര്യം ഉണർത്തി​യത്‌? ആദ്യമാ​യി പൗലോസ്‌, ജൂത ജനതയു​ടെ ചരിത്രം ചുരു​ക്ക​മാ​യി വിവരി​ച്ചു. ‘ജനം ഈജി​പ്‌ത്‌ ദേശത്ത്‌ പരദേ​ശി​ക​ളാ​യി താമസി​ച്ചി​രുന്ന കാലത്ത്‌ ദൈവം അവരെ ഉയർത്തി​യ​തി​നെ​ക്കു​റി​ച്ചും’ അവരെ വിടു​വി​ച്ചു കൊണ്ടു​വ​ന്ന​തി​നു​ശേഷം ‘വിജന​ഭൂ​മി​യിൽ 40 വർഷ​ത്തോ​ളം ദൈവം അവരെ സഹിച്ച​തി​നെ​ക്കു​റി​ച്ചും’ പൗലോസ്‌ പറഞ്ഞു. വാഗ്‌ദ​ത്ത​ദേശം അവകാ​ശ​മാ​ക്കാൻ ഇസ്രാ​യേ​ല്യർക്കു കഴിഞ്ഞത്‌ എങ്ങനെ​യെ​ന്നും യഹോവ ‘ആ ദേശം അവർക്ക്‌ ഒരു അവകാ​ശ​മാ​യി നിയമി​ച്ചു​കൊ​ടു​ത്തത്‌’ എങ്ങനെ​യെ​ന്നും അദ്ദേഹം വിശദ​മാ​ക്കി. (പ്രവൃ. 13:17-19) ശബത്താ​ച​ര​ണ​ത്തി​ന്റെ ഭാഗമാ​യി അൽപ്പം​മുമ്പ്‌ അവിടെ വായി​ച്ചു​കേട്ട ചില തിരു​വെ​ഴു​ത്തു​ഭാ​ഗ​ങ്ങളെ അധിക​രി​ച്ചാ​യി​രി​ക്കാം പൗലോസ്‌ സംസാ​രി​ച്ച​തെന്ന്‌ ചിലർ അഭി​പ്രാ​യ​പ്പെ​ടു​ന്നു. അതു ശരിയാ​ണെ​ങ്കിൽ, ‘എല്ലാ തരം ആളുകൾക്കും എല്ലാമാ​യി​ത്തീ​രാൻ’ പൗലോസ്‌ ശ്രമി​ച്ചി​രു​ന്നു എന്നതി​നുള്ള മറ്റൊരു ഉദാഹ​ര​ണ​മാ​ണത്‌.—1 കൊരി. 9:22.

13. രാജ്യ​സ​ന്ദേശം ശ്രോ​താ​ക്ക​ളു​ടെ ഹൃദയത്തെ സ്‌പർശി​ക്കും​വി​ധം നമുക്ക്‌ എങ്ങനെ അവതരി​പ്പി​ക്കാ​നാ​കും?

¹³ സന്തോ​ഷ​വാർത്ത പ്രസം​ഗി​ക്കു​മ്പോൾ നാമും നമ്മുടെ സന്ദേശം ആകർഷ​ക​മാ​ക്കി​ത്തീർക്കാൻ ശ്രമി​ക്കേ​ണ്ട​തുണ്ട്‌. ഉദാഹ​ര​ണ​ത്തിന്‌ ആളുക​ളു​ടെ മതപശ്ചാ​ത്തലം മനസ്സി​ലാ​ക്കു​ന്നെ​ങ്കിൽ അവർക്കു താത്‌പ​ര്യ​മുള്ള വിഷയ​ങ്ങ​ളെ​ക്കു​റി​ച്ചു നമുക്കു സംസാ​രി​ക്കാ​നാ​യേ​ക്കും. അതു​പോ​ലെ, അവർക്കു പരിചി​ത​മായ ബൈബിൾ ഭാഗങ്ങൾ ഉദ്ധരി​ക്കു​ന്ന​തും സഹായ​ക​മാ​യി​രി​ക്കും. ഇനി, സ്വന്തം ബൈബി​ളിൽനിന്ന്‌ തിരു​വെ​ഴു​ത്തു​കൾ വായി​ക്കാ​നും അവരോട്‌ ആവശ്യ​പ്പെ​ടാ​വു​ന്ന​താണ്‌. രാജ്യ​സ​ന്ദേശം ശ്രോ​താ​ക്ക​ളു​ടെ ഹൃദയത്തെ സ്‌പർശി​ക്കും​വി​ധം അവതരി​പ്പി​ക്കാ​നുള്ള വഴികൾ തേടുക.

14. (എ) പൗലോസ്‌ എങ്ങനെ​യാണ്‌ യേശു​വി​നെ​ക്കു​റി​ച്ചുള്ള സന്തോ​ഷ​വാർത്ത അവതരി​പ്പി​ച്ചത്‌? (ബി) അദ്ദേഹ​ത്തി​ന്റെ ശ്രോ​താ​ക്കൾ എങ്ങനെ പ്രതി​ക​രി​ച്ചു?

¹⁴ ഇസ്രാ​യേ​ലി​ന്റെ രാജപ​ര​മ്പ​ര​യിൽനി​ന്നാണ്‌ ‘യേശു എന്ന രക്ഷകൻ’ വന്നതെ​ന്നും യോഹ​ന്നാൻ സ്‌നാ​പകൻ യേശു​വി​നെ​ക്കു​റി​ച്ചാണ്‌ പ്രസം​ഗി​ച്ച​തെ​ന്നും ഉള്ള കാര്യം പൗലോസ്‌ അടുത്ത​താ​യി തന്റെ ശ്രോ​താ​ക്ക​ളു​ടെ ശ്രദ്ധയിൽപ്പെ​ടു​ത്തി. അതിനു​ശേഷം, യേശു വധിക്ക​പ്പെ​ട്ട​തി​നെ​ക്കു​റി​ച്ചും ദൈവം യേശു​വി​നെ മരിച്ച​വ​രിൽനിന്ന്‌ ഉയിർപ്പി​ച്ച​തി​നെ​ക്കു​റി​ച്ചും പൗലോസ്‌ വിശദീ​ക​രി​ച്ചു. (പ്രവൃ. 13:20-37) തുടർന്ന്‌ പൗലോസ്‌ ഇങ്ങനെ പ്രസ്‌താ​വി​ച്ചു: “ഇത്‌ അറിഞ്ഞു​കൊ​ള്ളൂ. യേശു​വി​ലൂ​ടെ ലഭിക്കുന്ന പാപ​മോ​ച​ന​ത്തെ​ക്കു​റി​ച്ചാ​ണു ഞങ്ങൾ നിങ്ങ​ളോ​ടു പ്രഖ്യാ​പി​ക്കു​ന്നത്‌. . . . വിശ്വ​സി​ക്കുന്ന എല്ലാവ​രെ​യും ദൈവം യേശു​വി​ലൂ​ടെ കുറ്റവി​മു​ക്ത​രാ​ക്കും.” അതിനു​ശേഷം, അവിടെ കൂടി​യി​രു​ന്ന​വർക്ക്‌ പൗലോസ്‌ ഇങ്ങനെ​യൊ​രു മുന്നറി​യി​പ്പു നൽകി: “അതു​കൊണ്ട്‌ പ്രവാ​ച​ക​പു​സ്‌ത​ക​ങ്ങ​ളിൽ പറഞ്ഞി​രി​ക്കുന്ന ഇക്കാര്യം നിങ്ങൾക്കു സംഭവി​ക്കാ​തി​രി​ക്കാൻ സൂക്ഷി​ച്ചു​കൊ​ള്ളുക: ‘നിന്ദി​ക്കു​ന്ന​വരേ, ഇതു കണ്ട്‌ ആശ്ചര്യ​പ്പെ​ടുക, നശിച്ചു​പോ​കുക. നിങ്ങളു​ടെ കാലത്ത്‌ ഞാൻ ഒരു കാര്യം ചെയ്യും. നിങ്ങൾക്കു വിവരി​ച്ചു​ത​ന്നാ​ലും നിങ്ങൾ ഒരിക്ക​ലും വിശ്വ​സി​ക്കി​ല്ലാത്ത ഒരു കാര്യം​തന്നെ.’” അവിടെ കൂടി​യി​രു​ന്ന​വ​രു​ടെ പ്രതി​ക​രണം അതിശ​യി​പ്പി​ക്കു​ന്ന​താ​യി​രു​ന്നു: “ഈ കാര്യ​ങ്ങ​ളെ​ക്കു​റിച്ച്‌ അടുത്ത ശബത്തി​ലും സംസാ​രി​ക്കണം എന്ന്‌ ആളുകൾ അവരോട്‌ അപേക്ഷി​ച്ചു.” മാത്രമല്ല, സിന​ഗോ​ഗി​ലെ കൂട്ടം പിരി​ഞ്ഞ​പ്പോൾ, ‘ജൂതന്മാ​രും ജൂതമതം സ്വീക​രിച്ച്‌ സത്യ​ദൈ​വത്തെ ആരാധി​ച്ചി​രു​ന്ന​വ​രും പൗലോ​സി​നെ​യും ബർന്നബാ​സി​നെ​യും അനുഗ​മി​ക്കു​ക​യും’ ചെയ്‌തു.—പ്രവൃ. 13:38-43.

15. ശബത്തിൽ പൗലോ​സി​ന്റെ പ്രസം​ഗത്തെ തുടർന്ന്‌ എന്തു സംഭവി​ച്ചു?

¹⁵ പിറ്റേ ശബത്തിൽ “നഗരത്തി​ലെ എല്ലാവ​രും​തന്നെ” പൗലോസ്‌ പറയു​ന്നത്‌ കേൾക്കാ​നാ​യി വന്നു​ചേർന്നു. എന്നാൽ ചില ജൂതന്മാർക്ക്‌ അത്‌ ഇഷ്ടമാ​യില്ല. അവർ “പൗലോസ്‌ പറയുന്ന കാര്യ​ങ്ങളെ എതിർത്തു​കൊണ്ട്‌ ദൈവത്തെ നിന്ദി​ക്കാൻതു​ടങ്ങി.” അപ്പോൾ പൗലോ​സും ബർന്നബാ​സും സധൈ​ര്യം ഇങ്ങനെ പറഞ്ഞു: “ദൈവ​വ​ചനം ആദ്യം നിങ്ങ​ളോ​ടു പ്രസം​ഗി​ക്കേ​ണ്ടത്‌ ആവശ്യ​മാ​യി​രു​ന്നു. എന്നാൽ നിങ്ങൾ ഇതാ, അതു തള്ളിക്ക​ളഞ്ഞ്‌ നിത്യ​ജീ​വനു  യോഗ്യ​ര​ല്ലെന്നു തെളി​യി​ച്ചി​രി​ക്കു​ന്നു. അതു​കൊണ്ട്‌ ഞങ്ങൾ ജനതക​ളി​ലേക്കു തിരി​യു​ക​യാണ്‌. യഹോവ ഇങ്ങനെ​യൊ​രു കല്‌പന ഞങ്ങൾക്കു തന്നിരി​ക്കു​ന്നു: ‘ഭൂമി​യു​ടെ അറ്റംവരെ നീ ഒരു രക്ഷയാ​യി​രി​ക്കേ​ണ്ട​തി​നു ഞാൻ നിന്നെ ജനതകൾക്ക്‌ ഒരു വെളി​ച്ച​മാ​യി നിയോ​ഗി​ച്ചി​രി​ക്കു​ന്നു.’”—പ്രവൃ. 13:44-47; യശ. 49:6.

16. പൗലോ​സി​ന്റെ​യും ബർന്നബാ​സി​ന്റെ​യും വാക്കു​ക​ളോ​ടു ജൂതന്മാർ പ്രതി​ക​രി​ച്ചത്‌ എങ്ങനെ, ജൂതന്മാ​രിൽനിന്ന്‌ എതിർപ്പു​ണ്ടാ​യ​പ്പോൾ പൗലോ​സും ബർന്നബാ​സും എന്തു ചെയ്‌തു?

¹⁶ ആ വാക്കുകൾ കേട്ട്‌ ജനതക​ളിൽപ്പെ​ട്ടവർ അത്യധി​കം സന്തോ​ഷി​ച്ചു. ‘നിത്യ​ജീ​വനു യോഗ്യ​രാ​ക്കുന്ന തരം മനോ​ഭാ​വ​മു​ണ്ടാ​യി​രു​ന്ന​വ​രെ​ല്ലാം വിശ്വാ​സി​ക​ളാ​യി​ത്തീ​രു​ക​യും’ ചെയ്‌തു. (പ്രവൃ. 13:48) യഹോ​വ​യു​ടെ വചനം വൈകാ​തെ​തന്നെ ദേശ​മെ​ങ്ങും വ്യാപി​ച്ചു. എന്നാൽ ജൂതന്മാ​രു​ടെ പ്രതി​ക​രണം തികച്ചും വ്യത്യ​സ്‌ത​മാ​യി​രു​ന്നു. ദൈവ​വ​ചനം ആദ്യമാ​യി പ്രസം​ഗി​ക്ക​പ്പെ​ട്ടത്‌ ജൂതന്മാ​രോ​ടാ​ണെ​ങ്കി​ലും അവർ മിശി​ഹയെ തള്ളിക്ക​ള​യു​ക​യും അങ്ങനെ ദൈവ​ത്തി​ന്റെ ന്യായ​വി​ധിക്ക്‌ പാത്ര​മാ​യി​ത്തീ​രു​ക​യും ചെയ്‌തി​രി​ക്കു​ന്നു എന്നാണ​ല്ലോ ഫലത്തിൽ പൗലോ​സും ബർന്നബാ​സും അവരോ​ടു പറഞ്ഞത്‌. കുപി​ത​രായ ആ ജൂതന്മാർ, നഗരത്തി​ലെ പ്രമു​ഖ​സ്‌ത്രീ​ക​ളെ​യും പ്രമാ​ണി​ക​ളെ​യും ഇളക്കു​ക​യും അവർ ‘പൗലോ​സി​നെ​യും ബർന്നബാ​സി​നെ​യും ഉപദ്ര​വിച്ച്‌ അവരുടെ നാട്ടിൽനിന്ന്‌ പുറത്താ​ക്കി​ക്ക​ള​യു​ക​യും’ ചെയ്‌തു. അപ്പോൾ അവർ “കാലിലെ പൊടി അവർക്കു നേരെ തട്ടിക്ക​ള​ഞ്ഞിട്ട്‌ ഇക്കോ​ന്യ​യി​ലേക്കു പോയി.” എന്നാൽ അതോടെ പിസി​ദ്യ​യി​ലെ അന്ത്യോ​ക്യ​യിൽ ക്രിസ്‌തീയ പ്രവർത്ത​നങ്ങൾ നിലച്ചു​പോ​യോ? ഇല്ല! അവി​ടെ​യുള്ള ശിഷ്യ​ന്മാർ “സന്തോ​ഷ​ത്തോ​ടെ പരിശു​ദ്ധാ​ത്മാവ്‌ നിറഞ്ഞ​വ​രാ​യി” തങ്ങളുടെ പ്രവർത്തനം തുടർന്നു.—പ്രവൃ. 13:50-52.

17-19. പൗലോ​സി​ന്റെ​യും ബർന്നബാ​സി​ന്റെ​യും നല്ല മാതൃക നമുക്ക്‌ എങ്ങനെ അനുക​രി​ക്കാ​നാ​കും, അതു നമുക്ക്‌ സന്തോഷം കൈവ​രു​ത്തു​ന്നത്‌ എങ്ങനെ?

¹⁷ വിശ്വ​സ്‌ത​രായ ഈ ശിഷ്യ​ന്മാർ എതിർപ്പി​നോ​ടു പ്രതി​ക​രിച്ച വിധത്തിൽനിന്ന്‌ നമുക്ക്‌ ഒരു സുപ്ര​ധാന പാഠം ഉൾക്കൊ​ള്ളാ​നാ​കും. സന്തോ​ഷ​വാർത്ത പ്രസം​ഗി​ക്കു​ന്ന​തിൽനിന്ന്‌ നമ്മെ പിന്തി​രി​പ്പി​ക്കാൻ സമൂഹ​ത്തി​ലെ പ്രമു​ഖ​രായ വ്യക്തികൾ സമ്മർദം ചെലു​ത്തി​യാൽപ്പോ​ലും നാം ഒരിക്ക​ലും പ്രസം​ഗ​പ്ര​വർത്തനം നിറു​ത്തി​ക്ക​ള​യ​രുത്‌. ഇനി, അന്ത്യോ​ക്യ​യി​ലെ ആളുകൾ സന്തോ​ഷ​വാർത്ത തിരസ്‌ക​രി​ച്ച​പ്പോൾ പൗലോ​സും ബർന്നബാ​സും ചെയ്‌ത​തെ​ന്താ​ണെ​ന്നും ശ്രദ്ധി​ക്കുക. അവർ ‘കാലിലെ പൊടി അവർക്കു നേരെ തട്ടിക്ക​ളഞ്ഞു.’ അത്‌ ദേഷ്യ​ത്തി​ന്റെ ഒരു പ്രകട​ന​മാ​യി​രു​ന്നില്ല, മറിച്ച്‌ ആ ആളുകൾക്ക്‌ സംഭവി​ക്കാൻ പോകു​ന്ന​തിന്‌ തങ്ങൾ ഉത്തരവാ​ദി​കളല്ല എന്നതിന്റെ സൂചന​യാ​യി​രു​ന്നു. മറ്റുള്ളവർ എങ്ങനെ പ്രതി​ക​രി​ക്ക​ണ​മെന്നു നിശ്ചയി​ക്കാ​നുള്ള അധികാ​രം തങ്ങൾക്കി​ല്ലെന്ന്‌ പൗലോ​സി​നും ബർന്നബാ​സി​നും അറിയാ​മാ​യി​രു​ന്നു. അവർക്ക്‌ ആകെക്കൂ​ടി ചെയ്യാൻ കഴിയു​മാ​യി​രു​ന്നത്‌ പ്രസം​ഗ​പ്ര​വർത്തനം തുടരുക എന്നതാ​യി​രു​ന്നു. അതുത​ന്നെ​യാണ്‌ അവർ ചെയ്‌ത​തും. ഇക്കോ​ന്യ​യി​ലേക്കു പോയ അവർ അവിടെ പ്രസം​ഗ​പ്ര​വർത്തനം തുടർന്നു.

¹⁸ അന്ത്യോ​ക്യ​യി​ലുള്ള ശിഷ്യ​ന്മാ​രു​ടെ കാര്യ​മോ? അവർക്കും എതിർപ്പു​കൾ നേരി​ടേ​ണ്ടി​വന്നു. എന്നാൽ അവരുടെ സന്തോഷം ആളുകൾ സന്തോ​ഷ​വാർത്ത സ്വീക​രി​ക്കു​ന്ന​തി​നെ ആശ്രയി​ച്ചാ​യി​രു​ന്നില്ല. “ദൈവ​ത്തി​ന്റെ വചനം കേട്ടനു​സ​രി​ക്കു​ന്ന​വ​രാണ്‌ അനുഗൃ​ഹീ​തർ” എന്ന്‌ യേശു പറഞ്ഞി​രു​ന്നു. (ലൂക്കോ. 11:28) അതെ, പിസി​ദ്യ​യി​ലെ അന്ത്യോ​ക്യ​യി​ലുള്ള ശിഷ്യ​ന്മാർ യേശു​വി​ന്റെ വാക്കു​കൾക്കു ചേർച്ച​യിൽ പ്രവർത്തി​ക്കാൻ ദൃഢചി​ത്ത​രാ​യി​രു​ന്നു.

¹⁹ പൗലോ​സി​നെ​യും ബർന്നബാ​സി​നെ​യും​പോ​ലെ, സന്തോ​ഷ​വാർത്ത പ്രസം​ഗി​ക്കുക എന്നതാണ്‌ നമ്മുടെ ഉത്തരവാ​ദി​ത്വ​മെന്ന്‌ നമുക്ക്‌ എല്ലായ്‌പോ​ഴും ഓർക്കാം. നമ്മുടെ സന്ദേശം സ്വീക​രി​ക്ക​ണ​മോ വേണ്ടയോ എന്നു തീരു​മാ​നി​ക്കേ​ണ്ടത്‌ നമ്മുടെ ശ്രോ​താ​ക്ക​ളാണ്‌. ഇനി, നാം പ്രസം​ഗി​ക്കുന്ന ആളുകൾ നിസ്സംഗ മനോ​ഭാ​വം ഉള്ളവരാ​ണെ​ങ്കിൽ ഒന്നാം നൂറ്റാ​ണ്ടി​ലെ ശിഷ്യ​ന്മാ​രിൽനി​ന്നു പഠിച്ച പാഠം നമുക്ക്‌ മനസ്സിൽപ്പി​ടി​ക്കാം. സത്യത്തെ വിലമ​തി​ക്കു​ക​യും പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പി​നു കീഴ്‌പെ​ടു​ക​യും ചെയ്യു​ന്നെ​ങ്കിൽ എതിർപ്പു​കൾക്കു​മ​ധ്യേ നമുക്കും സന്തോ​ഷി​ക്കാ​നാ​കും.—ഗലാ. 5:18, 22.