1, 2. പൗലോസ്‌ അപ്പോ​സ്‌തലൻ യരുശ​ലേ​മി​ലേക്കു വരാൻ ഇടയായ സാഹച​ര്യം എന്താണ്‌, അവിടെ അദ്ദേഹം എന്തെല്ലാം വെല്ലു​വി​ളി​കൾ നേരി​ടും?

 യരുശ​ലേം! വീണ്ടും ഒരിക്കൽക്കൂ​ടി പൗലോസ്‌ അതിന്റെ ജനസാ​ന്ദ്ര​മായ ഇടുങ്ങിയ തെരു​വീ​ഥി​ക​ളി​ലൂ​ടെ നടന്നു​നീ​ങ്ങു​ക​യാണ്‌. മറ്റേ​തൊ​രു സ്ഥലത്തെ​ക്കാ​ളും ദൈവ​ജ​ന​ത്തി​ന്റെ ചരി​ത്ര​ത്തിൽ ഇടം​നേ​ടി​യി​ട്ടുള്ള ഒരു നഗരമാണ്‌ ഇത്‌. അതിന്റെ മഹത്ത്വ​പൂർണ​മായ ഭൂതകാ​ല​ത്തിൽ അഭിമാ​നം​കൊ​ള്ളു​ന്ന​വ​രാണ്‌ അവിടത്തെ നിവാ​സി​ക​ളിൽ അനേക​രും. അവി​ടെ​യുള്ള ക്രിസ്‌ത്യാ​നി​ക​ളിൽ പലരു​ടെ​യും കാര്യ​ത്തി​ലും അതുതന്നെ സത്യമാ​ണെന്ന്‌ പൗലോ​സിന്‌ അറിയാം. യഹോവ തന്റെ ജനവു​മാ​യി ഇടപെ​ട്ടി​രുന്ന രീതിക്ക്‌ മാറ്റം​വ​ന്നി​രി​ക്കു​ന്നു​വെന്നു മനസ്സി​ലാ​ക്കി​യി​ട്ടും തങ്ങളുടെ ചിന്താ​ഗ​തി​യിൽ പൊരു​ത്ത​പ്പെ​ടു​ത്തൽ വരുത്താൻ അവർക്കു കഴിയു​ന്നില്ല. ഇവി​ടെ​യുള്ള ക്രിസ്‌ത്യാ​നി​കൾക്ക്‌ ഭൗതിക സഹായം എത്തിച്ചു​കൊ​ടു​ക്കു​ന്ന​തി​നാണ്‌ എഫെ​സൊ​സിൽനിന്ന്‌ വീണ്ടും ഈ മഹാന​ഗ​ര​ത്തി​ലേക്കു വരാൻ പൗലോസ്‌ തീരു​മാ​നി​ച്ചത്‌. എന്നാൽ ഭൗതിക സഹായ​ത്തി​നു പുറമേ അവർക്ക്‌ ആത്മീയ സഹായ​വും ആവശ്യ​മാ​ണെന്ന്‌ പൗലോസ്‌ ഇപ്പോൾ തിരി​ച്ച​റി​യു​ന്നു. (പ്രവൃ. 19:21) മുന്നി​ലുള്ള അപകടങ്ങൾ ഗണ്യമാ​ക്കാ​തെ​യാണ്‌ തന്റെ ഉദ്യമം പൂർത്തി​യാ​ക്കു​ന്ന​തി​നാ​യി അദ്ദേഹം ഇറങ്ങി​ത്തി​രി​ച്ചി​രി​ക്കു​ന്നത്‌.

² ഏതു തരത്തി​ലുള്ള പ്രശ്‌ന​ങ്ങ​ളാ​യി​രി​ക്കും പൗലോ​സിന്‌ ഇപ്പോൾ യരുശ​ലേ​മിൽ നേരി​ടേ​ണ്ടി​വ​രുക? ഒന്ന്‌ ക്രിസ്‌തു​വി​ന്റെ അനുഗാ​മി​ക​ളിൽനി​ന്നു​തന്നെ ഉള്ളതാണ്‌; പൗലോ​സി​നെ​ക്കു​റി​ച്ചു കേട്ട ചില വാർത്തകൾ അവരെ അസ്വസ്ഥ​രാ​ക്കി​യി​രു​ന്നു. എന്നാൽ അതി​നെ​ക്കാൾ വലിയ വെല്ലു​വി​ളി​കൾ ക്രിസ്‌തു​വി​ന്റെ ശത്രു​ക്ക​ളിൽനിന്ന്‌ അദ്ദേഹ​ത്തി​നു നേരി​ടേ​ണ്ടി​വ​രു​മാ​യി​രു​ന്നു. അവർ പൗലോ​സിന്‌ എതിരെ വ്യാജാ​രോ​പ​ണങ്ങൾ കൊണ്ടു​വ​രു​ക​യും അദ്ദേഹത്തെ അടിക്കു​ക​യും അദ്ദേഹ​ത്തിന്‌ ജീവഹാ​നി വരുത്താൻ ശ്രമി​ക്കു​ക​യും ചെയ്യു​മാ​യി​രു​ന്നു. ഇതൊക്കെ അങ്ങേയറ്റം ഭീതി​ദ​മായ അനുഭ​വങ്ങൾ ആയിരി​ക്കു​മെ​ങ്കി​ലും സത്യത്തി​നു​വേണ്ടി പ്രതി​വാ​ദം​ചെ​യ്യാ​നുള്ള അവസരങ്ങൾ അതിലൂ​ടെ പൗലോ​സി​നു ലഭിക്കു​മാ​യി​രു​ന്നു. അത്തരം വെല്ലു​വി​ളി​കളെ നേരി​ടവെ, അദ്ദേഹം പ്രകട​മാ​ക്കിയ താഴ്‌മ​യും ധൈര്യ​വും വിശ്വാ​സ​വും ഇന്നത്തെ ക്രിസ്‌ത്യാ​നി​കൾക്ക്‌ അനുക​ര​ണീ​യ​മായ ഒരു മാതൃ​ക​യാ​യി ഉതകുന്നു. അത്‌ എങ്ങനെ​യെന്ന്‌ നമുക്കു നോക്കാം.

3-5. (എ) പൗലോസ്‌ യരുശ​ലേ​മിൽ ഏതു യോഗ​ത്തിൽ സംബന്ധി​ച്ചു, അവർ അവിടെ എന്തു ചർച്ച​ചെ​യ്‌തു? (ബി) യരുശ​ലേ​മി​ലെ ആ യോഗ​ത്തിൽനിന്ന്‌ നമുക്ക്‌ എന്തെല്ലാം പാഠങ്ങൾ ഉൾക്കൊ​ള്ളാ​നാ​കും?

³ യരുശ​ലേ​മിൽ എത്തിയ​തി​ന്റെ പിറ്റേന്ന്‌ പൗലോ​സും സംഘവും സഭയിൽ നേതൃ​ത്വം വഹിച്ചി​രുന്ന മൂപ്പന്മാ​രെ കാണാൻ പോയി. അപ്പോ​സ്‌ത​ല​ന്മാ​രെ​ക്കു​റി​ച്ചൊ​ന്നും ആ വിവര​ണ​ത്തിൽ പരാമർശി​ച്ചി​ട്ടില്ല; സാധ്യ​ത​യ​നു​സ​രിച്ച്‌ ആ സമയമാ​യ​പ്പോ​ഴേ​ക്കും അവരൊ​ക്കെ പ്രസം​ഗ​വേ​ല​യ്‌ക്കാ​യി മറ്റു പല ദേശങ്ങ​ളി​ലേ​ക്കും പോയി​രു​ന്നു. എന്നിരു​ന്നാ​ലും യേശു​വി​ന്റെ സഹോ​ദ​ര​നായ  യാക്കോബ്‌ അപ്പോ​ഴും അവി​ടെ​യു​ണ്ടാ​യി​രു​ന്നു. (ഗലാ. 2:9) പൗലോ​സി​നോ​ടൊ​പ്പം “മൂപ്പന്മാ​രെ​ല്ലാം” കൂടിവന്ന ആ യോഗ​ത്തിൽ ആധ്യക്ഷ്യം​വ​ഹി​ച്ചത്‌ മിക്കവാ​റും യാക്കോബ്‌ ആയിരി​ക്കണം.—പ്രവൃ. 21:18.

⁴ പൗലോസ്‌ ആ മൂപ്പന്മാ​രെ വന്ദനം ചെയ്‌തിട്ട്‌ ‘തന്റെ ശുശ്രൂ​ഷ​യി​ലൂ​ടെ ജനതകൾക്കി​ട​യിൽ ദൈവം ചെയ്‌ത കാര്യ​ങ്ങ​ളെ​ക്കു​റിച്ച്‌’ അവരോ​ടു വിവരി​ച്ചു. (പ്രവൃ. 21:19) കേട്ട കാര്യങ്ങൾ അവർക്ക്‌ അത്യന്തം പ്രോ​ത്സാ​ഹ​ജ​ന​ക​മാ​യി​രു​ന്നി​രി​ക്കണം. ഇന്ന്‌ മറ്റു ദേശങ്ങ​ളി​ലെ രാജ്യ​വേ​ല​യു​ടെ പുരോ​ഗ​തി​യെ​ക്കു​റി​ച്ചു കേൾക്കു​ന്നത്‌ നമുക്കും പ്രോ​ത്സാ​ഹനം പകരു​ന്നി​ല്ലേ?—സുഭാ. 25:25.

⁵ താൻ യൂറോ​പ്പിൽനി​ന്നു കൊണ്ടു​വന്ന സംഭാ​വ​ന​യെ​ക്കു​റിച്ച്‌ യോഗ​ത്തി​നി​ട​യിൽ പൗലോസ്‌ പരാമർശി​ച്ചി​രി​ക്കണം. ദൂര​ദേ​ശ​ങ്ങ​ളി​ലുള്ള ആ സഹോ​ദ​രങ്ങൾ തങ്ങളെ​ക്കു​റിച്ച്‌ എത്ര ചിന്തയു​ള്ള​വ​രാ​ണെന്നു മനസ്സി​ലാ​ക്കി​യ​പ്പോൾ അവിടെ കൂടി​യി​രു​ന്ന​വർക്ക്‌ വളരെ​യേറെ സന്തോ​ഷ​വും വിലമ​തി​പ്പും തോന്നി​യെ​ന്ന​തി​നു സംശയ​മില്ല. പൗലോ​സി​ന്റെ വാക്കുകൾ കേട്ട്‌ “അവർ (മൂപ്പന്മാർ) ദൈവത്തെ മഹത്ത്വ​പ്പെ​ടു​ത്തി” എന്ന്‌ വിവരണം പറയുന്നു. (പ്രവൃ. 21:20എ) സമാന​മാ​യി ഇന്നും ദുരന്ത​ങ്ങ​ളാ​ലും ഗുരു​ത​ര​മായ രോഗ​ങ്ങ​ളാ​ലും കഷ്ടപ്പെ​ടു​ന്നവർ, സഹവി​ശ്വാ​സി​ക​ളിൽനി​ന്നുള്ള സമയോ​ചി​ത​മായ സഹായ​ത്തെ​യും പ്രോ​ത്സാ​ഹ​ന​ങ്ങ​ളെ​യും വളരെ​യ​ധി​കം വിലമ​തി​ക്കു​ന്നു.

6. പൗലോസ്‌ ഏതു പ്രശ്‌ന​ത്തെ​ക്കു​റിച്ച്‌ അറിയു​ന്നു?

⁶ അടുത്ത​താ​യി, പൗലോ​സി​നോ​ടു ബന്ധപ്പെട്ട്‌ യഹൂദ്യ​യിൽ ഒരു പ്രശ്‌നം ഉരുത്തി​രി​ഞ്ഞി​രി​ക്കു​ന്ന​താ​യി മൂപ്പന്മാർ അദ്ദേഹ​ത്തോ​ടു പറയുന്നു: “സഹോ​ദരാ, ജൂതന്മാ​രായ ആയിര​ക്ക​ണ​ക്കി​നു വിശ്വാ​സി​ക​ളു​ണ്ടെന്ന്‌ അറിയാ​മ​ല്ലോ. അവർ എല്ലാവ​രും വളരെ കണിശ​മാ​യി നിയമം പാലി​ക്കു​ന്ന​വ​രാണ്‌. എന്നാൽ മക്കളെ പരി​ച്ഛേദന ചെയ്യി​ക്കു​ക​യോ ആചാരങ്ങൾ അനുഷ്‌ഠി​ക്കു​ക​യോ വേണ്ടെന്നു പറഞ്ഞു​കൊണ്ട്‌ പൗലോസ്‌ ജനതകൾക്കി​ട​യി​ലുള്ള ജൂതന്മാ​രെ​യെ​ല്ലാം മോശ​യു​ടെ നിയമം ഉപേക്ഷി​ക്കാൻ പഠിപ്പി​ക്കു​ന്നു എന്നൊരു വാർത്ത അവർ കേട്ടി​ട്ടുണ്ട്‌.” a—പ്രവൃ. 21:20ബി, 21.

7, 8. (എ) യഹൂദ്യ​യി​ലുള്ള പല ക്രിസ്‌ത്യാ​നി​കൾക്കും തെറ്റായ എന്തു വീക്ഷണ​മാണ്‌ ഉണ്ടായി​രു​ന്നത്‌? (ബി) ആ ജൂത ക്രിസ്‌ത്യാ​നി​ക​ളു​ടെ ചിന്താ​ഗതി വിശ്വാ​സ​ത്യാ​ഗം അല്ലായി​രു​ന്നത്‌ എന്തു​കൊണ്ട്‌?

 ⁷ മോശ​യു​ടെ നിയമം നീങ്ങി​പ്പോ​യിട്ട്‌ 20-ലേറെ വർഷം കഴിഞ്ഞി​രു​ന്നെ​ങ്കി​ലും അതു പിൻപ​റ്റ​ണ​മെന്ന്‌ ഇത്രയ​ധി​കം ക്രിസ്‌ത്യാ​നി​കൾ ഇപ്പോ​ഴും ശഠിച്ചി​രു​ന്നത്‌ എന്തു​കൊ​ണ്ടാണ്‌? (കൊലോ. 2:14) എ.ഡി. 49-ൽ യരുശ​ലേ​മി​ലെ അപ്പോ​സ്‌ത​ല​ന്മാ​രും മൂപ്പന്മാ​രും, ജനതക​ളിൽനി​ന്നുള്ള വിശ്വാ​സി​കൾ പരി​ച്ഛേ​ദ​ന​യേൽക്കു​ക​യും മോശ​യു​ടെ നിയമം പിൻപ​റ്റു​ക​യും ചെയ്യേ​ണ്ട​തി​ല്ലെന്ന്‌ സഭകളെ എഴുതി അറിയി​ച്ചി​രു​ന്നു. (പ്രവൃ. 15:23-29) എന്നിരു​ന്നാ​ലും ആ കത്തിൽ ജൂത പശ്ചാത്ത​ല​ത്തിൽനിന്ന്‌ വിശ്വാ​സി​ക​ളാ​യി​ത്തീർന്ന​വ​രെ​പ്പറ്റി ഒന്നും പരാമർശി​ച്ചി​രു​ന്നില്ല. മോശ​യു​ടെ നിയമം പ്രാബ​ല്യ​ത്തി​ലി​ല്ലെന്ന വസ്‌തു​ത​യെ​ക്കു​റിച്ച്‌ അവരിൽ പലർക്കും വ്യക്തമായ ഒരു ഗ്രാഹ്യ​മി​ല്ലാ​യി​രു​ന്നു​താ​നും.

⁸ തെറ്റായ അത്തര​മൊ​രു ചിന്താ​ഗതി വെച്ചു​പു​ലർത്തി​യി​രു​ന്ന​തി​നാൽ ആ ജൂത വിശ്വാ​സി​കൾ ക്രിസ്‌ത്യാ​നി​ക​ളാ​യി​രി​ക്കാൻ യോഗ്യ​ര​ല്ലെന്നു വരുമാ​യി​രു​ന്നോ? ഒരിക്ക​ലു​മില്ല. ഒരു കാലത്ത്‌ പുറജാ​തി ദൈവ​ങ്ങളെ ആരാധി​ച്ചി​രു​ന്ന​വ​രോ ആ മതത്തിന്റെ ആചാര​ങ്ങ​ളും വിശ്വാ​സ​ങ്ങ​ളും ഇപ്പോ​ഴും പിൻപ​റ്റു​ന്ന​വ​രോ ആയിരു​ന്നില്ല അവർ. സുപ്ര​ധാ​ന​മാ​യി അവർ കണക്കാ​ക്കി​യി​രുന്ന മോശ​യു​ടെ നിയമം വാസ്‌ത​വ​ത്തിൽ അവർക്കു നൽകി​യത്‌ യഹോ​വ​തന്നെ ആയിരു​ന്നു; ആ നിയമ​സം​ഹിത അതിൽത്തന്നെ തെറ്റായ ഒന്നായി​രു​ന്നില്ല; അത്‌ ഭൂതങ്ങ​ളിൽനി​ന്നു​ള്ള​തും ആയിരു​ന്നില്ല. എന്നാൽ ആ നിയമം പഴയ ഉടമ്പടി പ്രകാ​ര​മു​ള്ള​താ​യി​രു​ന്നു; ക്രിസ്‌ത്യാ​നി​ക​ളാ​കട്ടെ, പുതിയ ഉടമ്പടി​യിൻകീ​ഴിൽ ഉള്ളവരും. സത്യാ​രാ​ധ​ന​യോ​ടുള്ള ബന്ധത്തിൽ നിയമ ഉടമ്പടി പ്രകാ​ര​മുള്ള ആചാരങ്ങൾ കാലഹ​ര​ണ​പ്പെ​ട്ടി​രു​ന്നു. മോശ​യു​ടെ നിയമം പിൻപ​റ്റ​ണ​മെന്നു വാദി​ച്ചി​രുന്ന എബ്രായ ക്രിസ്‌ത്യാ​നി​കൾക്ക്‌ ക്രിസ്‌തീയ പഠിപ്പി​ക്ക​ലു​ക​ളു​ടെ ശരിയായ ഗ്രാഹ്യം ഇല്ലായി​രു​ന്നു; ദൈവാം​ഗീ​കാ​രം നേടു​ന്ന​തിന്‌ പഴയ ഉടമ്പടി പ്രകാ​ര​മുള്ള ആചാരങ്ങൾ തുടർന്നും പിൻപ​റ്റേ​ണ്ട​തു​ണ്ടെ​ന്നും അവർ കരുതി​യി​രു​ന്നു. നിയമ ഉടമ്പടി​യെ​ക്കു​റിച്ച്‌ ദൈവം പുതു​താ​യി വെളി​പ്പെ​ടു​ത്തി​ക്കൊ​ടുത്ത കാര്യ​ങ്ങൾക്കു ചേർച്ച​യിൽ അവർ തങ്ങളുടെ ചിന്താ​ഗ​തി​യിൽ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ടി​യി​രു​ന്നു. b—യിരെ. 31:31-34; ലൂക്കോ. 22:20.

9. മോശ​യു​ടെ നിയമ​ത്തെ​ക്കു​റിച്ച്‌ പൗലോസ്‌ എന്തു പഠിപ്പി​ച്ചു?

⁹ “മക്കളെ പരി​ച്ഛേദന ചെയ്യി​ക്കു​ക​യോ ആചാരങ്ങൾ അനുഷ്‌ഠി​ക്കു​ക​യോ വേണ്ടെന്ന്‌” പൗലോസ്‌ ജനതക​ളു​ടെ ഇടയി​ലുള്ള ജൂതന്മാ​രെ പഠിപ്പി​ക്കു​ന്നു​വെന്ന ശ്രുതി​യു​ടെ കാര്യ​മോ? പൗലോസ്‌ ജനതക​ളു​ടെ അപ്പോ​സ്‌ത​ല​നാ​യി​രു​ന്നു. അതു​കൊണ്ട്‌ അവരോ​ടു സംസാ​രി​ച്ച​പ്പോൾ മോശ​യു​ടെ നിയമ​ത്തി​നു കീഴ്‌പെ​ടേ​ണ്ട​തി​ല്ലെന്ന തീരു​മാ​ന​ത്തെ​ക്കു​റിച്ച്‌ അദ്ദേഹം ഊന്നി​പ്പ​റഞ്ഞു. മോശ​യു​ടെ നിയമ​ത്തോ​ടുള്ള കീഴ്‌പെടൽ എന്ന നിലയിൽ പരി​ച്ഛേ​ദ​ന​യേൽക്കാൻ ജനതക​ളിൽപ്പെട്ട ക്രിസ്‌ത്യാ​നി​കളെ നിർബ​ന്ധി​ക്കു​ന്നത്‌ തെറ്റാ​ണെന്ന വസ്‌തു​ത​യും അദ്ദേഹം ചൂണ്ടി​ക്കാ​ട്ടി. (ഗലാ. 5:1-7) താൻ പോയ നഗരങ്ങ​ളി​ലെ​ല്ലാം ജൂതന്മാ​രോ​ടും അദ്ദേഹം സന്തോ​ഷ​വാർത്ത പ്രസം​ഗി​ച്ചു. കേൾക്കാൻ മനസ്സു​കാ​ണി​ച്ച​വ​രോ​ടൊ​ക്കെ അദ്ദേഹം, യേശു​വി​ന്റെ മരണം മോശ​യു​ടെ നിയമ​ത്തി​നു നീക്കം​വ​രു​ത്തി​യെ​ന്നും അതു​കൊണ്ട്‌ ആ നിയമ​ത്തി​ന്റെ പ്രവൃ​ത്തി​ക​ളാ​ലല്ല, വിശ്വാ​സ​ത്താ​ലാണ്‌ നീതീ​ക​രണം സാധ്യ​മാ​കു​ന്ന​തെ​ന്നും തീർച്ച​യാ​യും വിശദീ​ക​രി​ച്ചി​രി​ക്കണം.—റോമ. 2:28, 29; 3:21-26.

10. മോശ​യു​ടെ നിയമ​ത്തോ​ടും പരി​ച്ഛേ​ദ​ന​യോ​ടും ഉള്ള ബന്ധത്തിൽ സന്തുലി​ത​മായ എന്തു വീക്ഷണ​മാണ്‌ പൗലോ​സിന്‌ ഉണ്ടായി​രു​ന്നത്‌?

¹⁰ എന്നിരു​ന്നാ​ലും ശബത്തിൽ വേല​ചെ​യ്യാ​തി​രി​ക്കു​ക​യോ ചില ആഹാര​സാ​ധ​നങ്ങൾ വർജി​ക്കു​ക​യോ ചെയ്യു​ന്ന​തു​പോ​ലുള്ള ചില ജൂത ആചാരങ്ങൾ പിൻപ​റ്റാൻ ആഗ്രഹി​ച്ചി​രു​ന്ന​വ​രോട്‌ പൗലോസ്‌ സമാനു​ഭാ​വം കാണിച്ചു. (റോമ. 14:1-6) പരി​ച്ഛേ​ദ​ന​യോ​ടുള്ള ബന്ധത്തി​ലും അദ്ദേഹം തന്റേതായ നിയമ​ങ്ങ​ളൊ​ന്നും വെച്ചില്ല. എന്തിന്‌, തിമൊ​ഥെ​യൊ​സി​ന്റെ അപ്പൻ ഒരു ഗ്രീക്കു​കാ​രൻ ആയിരു​ന്ന​തി​നാൽ ജൂതന്മാർ ഒരുപക്ഷേ, അദ്ദേഹത്തെ അംഗീ​ക​രി​ക്കാ​തി​രി​ക്കു​മോ എന്നു വിചാ​രിച്ച്‌ തിമൊ​ഥെ​യൊ​സി​നെ പരി​ച്ഛേദന കഴിപ്പി​ക്കാൻപോ​ലും പൗലോസ്‌ മനസ്സു​കാ​ണി​ച്ചി​രു​ന്നു. (പ്രവൃ. 16:3) വ്യക്തി​പ​ര​മായ തീരു​മാ​ന​ത്തി​നു വിട്ടി​രുന്ന ഒരു കാര്യ​മാ​യി​രു​ന്നു പരി​ച്ഛേദന. അതേക്കു​റിച്ച്‌ ഗലാത്യ​യി​ലു​ള്ള​വ​രോട്‌ പൗലോസ്‌ പറഞ്ഞു: “പരി​ച്ഛേ​ദ​ന​യേൽക്കു​ന്ന​തോ പരി​ച്ഛേ​ദ​ന​യേൽക്കാ​തി​രി​ക്കു​ന്ന​തോ അല്ല, സ്‌നേ​ഹ​ത്തി​ലൂ​ടെ പ്രവർത്തി​ക്കുന്ന വിശ്വാ​സ​മാ​ണു പ്രധാനം.” (ഗലാ. 5:6) എന്നിരു​ന്നാ​ലും മോശ​യു​ടെ നിയമ​ത്തിൻ കീഴിൽ വരുന്ന​തി​നോ യഹോ​വ​യു​ടെ അംഗീ​കാ​രം നേടു​ന്ന​തി​നുള്ള ഒരു നിബന്ധ​ന​യെ​ന്ന​നി​ല​യി​ലോ പരി​ച്ഛേ​ദ​ന​യേൽക്കു​ന്നത്‌ വിശ്വാ​സ​രാ​ഹി​ത്യ​ത്തി​ന്റെ തെളി​വാ​യി​രി​ക്കു​മാ​യി​രു​ന്നു.

11. മൂപ്പന്മാർ പൗലോ​സിന്‌ എന്തു നിർദേശം നൽകി, അത്‌ അനുസ​രി​ക്കു​ന്ന​തിൽ എന്താണ്‌ ഉൾപ്പെ​ട്ടി​രു​ന്നത്‌? (അടിക്കു​റി​പ്പു കാണുക.)

¹¹ അതു​കൊണ്ട്‌ പൗലോ​സി​നെ​ക്കു​റി​ച്ചു കേട്ട​തൊ​ക്കെ  വളച്ചൊ​ടിച്ച വാർത്ത​ക​ളാ​യി​രു​ന്നു. അതു പക്ഷേ, ജൂത ക്രിസ്‌ത്യാ​നി​കളെ വളരെ അസ്വസ്ഥ​രാ​ക്കി. അക്കാര​ണ​ത്താൽ മൂപ്പന്മാർ പൗലോ​സിന്‌ പിൻവ​രുന്ന നിർദേശം നൽകി: “നേർച്ച നേർന്നി​ട്ടുള്ള നാലു പേർ ഇവി​ടെ​യുണ്ട്‌. ആ പുരു​ഷ​ന്മാ​രെ കൂട്ടി​ക്കൊ​ണ്ടു​പോ​യി അവരുടെ തല വടിപ്പി​ക്കുക. അവരോ​ടൊ​പ്പം താങ്കളും ആചാര​പ്ര​കാ​രം സ്വയം ശുദ്ധീ​ക​രി​ക്കണം; അവരുടെ ചെലവു​കൾ വഹിക്കു​ക​യും വേണം. താങ്ക​ളെ​പ്പറ്റി കേട്ട​തൊ​ന്നും ശരിയ​ല്ലെ​ന്നും താങ്കളും നിയമം പാലി​ച്ചു​കൊണ്ട്‌ നേരോ​ടെ നടക്കു​ന്ന​യാ​ളാ​ണെ​ന്നും അപ്പോൾ എല്ലാവർക്കും മനസ്സി​ലാ​കും.” c—പ്രവൃ. 21:23, 24.

12. യരുശ​ലേ​മി​ലെ മൂപ്പന്മാ​രു​ടെ നിർദേ​ശ​ത്തോ​ടുള്ള പൗലോ​സി​ന്റെ പ്രതി​ക​രണം അദ്ദേഹം വഴക്കവും സഹകരണ മനോ​ഭാ​വ​വും ഉള്ളവനാ​യി​രു​ന്നു​വെന്ന്‌ തെളി​യി​ക്കു​ന്നത്‌ എങ്ങനെ?

¹² യഥാർഥ പ്രശ്‌നം, മോശ​യു​ടെ നിയമം പിൻപ​റ്റു​ന്നതു സംബന്ധിച്ച ജൂത ക്രിസ്‌ത്യാ​നി​ക​ളു​ടെ ശാഠ്യ​മാണ്‌, തന്നെക്കു​റി​ച്ചുള്ള ശ്രുതി​കളല്ല എന്ന്‌ പൗലോ​സി​നു വേണ​മെ​ങ്കിൽ വാദി​ക്കാ​മാ​യി​രു​ന്നു. എന്നിരു​ന്നാ​ലും, ദൈവിക തത്ത്വങ്ങ​ളു​ടെ ലംഘനം ഉൾപ്പെ​ട്ടി​ട്ടി​ല്ലാ​ത്തി​ട​ത്തോ​ളം മൂപ്പന്മാർ പറയു​ന്നത്‌ അനുസ​രി​ക്കാൻ അദ്ദേഹം മനസ്സൊ​രു​ക്ക​മു​ള്ള​വ​നാ​യി​രു​ന്നു. മുമ്പ്‌ അദ്ദേഹം ഇങ്ങനെ എഴുതി​യി​രു​ന്നു: “ഞാൻ നിയമ​ത്തി​നു കീഴി​ല​ല്ലെ​ങ്കി​ലും നിയമ​ത്തിൻകീ​ഴി​ലു​ള്ള​വരെ നേടാൻവേണ്ടി ഞാൻ അവർക്കു നിയമ​ത്തിൻകീ​ഴി​ലു​ള്ള​വ​നെ​പ്പോ​ലെ​യാ​യി.” (1 കൊരി. 9:20) ഈ അവസര​ത്തിൽ യരുശ​ലേ​മി​ലെ മൂപ്പന്മാ​രോ​ടു സഹകരി​ച്ചു​കൊണ്ട്‌ പൗലോസ്‌ “നിയമ​ത്തിൻകീ​ഴി​ലു​ള്ള​വ​നെ​പ്പോ​ലെ​യാ​യി.” ഇന്ന്‌ മൂപ്പന്മാ​രോ​ടു സഹകരി​ച്ചു പ്രവർത്തി​ക്കാ​നും നമ്മു​ടേ​തായ വിധത്തിൽ കാര്യങ്ങൾ ചെയ്യണ​മെന്ന്‌ വാശി​പി​ടി​ക്കാ​തി​രി​ക്കാ​നും പൗലോസ്‌ അങ്ങനെ നമുക്ക്‌ നല്ലൊരു മാതൃ​ക​വെ​ക്കു​ന്നു.—എബ്രാ. 13:17.

13. (എ) ചില ജൂതന്മാർ ആലയത്തിൽവെച്ച്‌ ജനത്തെ ഇളക്കി​യത്‌ എന്തു​കൊണ്ട്‌? (ബി) പൗലോ​സി​ന്റെ ജീവൻ സംരക്ഷി​ക്ക​പ്പെ​ട്ടത്‌ എങ്ങനെ?

¹³ പൗലോസ്‌ ആലയത്തിൽ ചെന്ന​പ്പോ​ഴും പ്രശ്‌നങ്ങൾ ഉണ്ടായി. നേർച്ച​യു​ടെ കാലം തികയാ​റാ​യ​പ്പോൾ ഏഷ്യയിൽനി​ന്നുള്ള ചില ജൂതന്മാർ അദ്ദേഹത്തെ അവിടെ കണ്ടിട്ട്‌ അദ്ദേഹം ജനതക​ളിൽപ്പെ​ട്ട​വരെ ആലയത്തിൽ കൊണ്ടു​വ​രു​ന്നു​വെന്നു പറഞ്ഞ്‌ ജനത്തെ ഇളക്കി. റോമൻ സൈന്യാ​ധി​പൻ തക്കസമ​യത്ത്‌ ഇടപെ​ട്ട​തു​കൊ​ണ്ടാണ്‌ പൗലോ​സി​നു ജീവഹാ​നി സംഭവി​ക്കാ​തി​രു​ന്നത്‌. ആ സൈന്യാ​ധി​പൻ പക്ഷേ, പൗലോ​സി​നെ ബന്ധനസ്ഥ​നാ​ക്കി. തുടർന്നുള്ള നാലു വർഷത്തി​ലേറെ പൗലോസ്‌ തടവി​ലാ​യി​രു​ന്നു. എന്നാൽ പൗലോ​സി​നെ ബന്ധിത​നാ​ക്കി​യ​തോ​ടെ പ്രശ്‌നങ്ങൾ തീർന്നില്ല. ആ ജൂതന്മാ​രോട്‌ സൈന്യാ​ധി​പൻ പൗലോ​സി​നെ ആക്രമി​ക്കു​ന്ന​തി​ന്റെ കാരണം ആരാഞ്ഞ​പ്പോൾ അവർ പല ആരോ​പ​ണ​ങ്ങ​ളും ഉന്നയിച്ചു; പക്ഷേ, ആ ബഹളത്തി​നി​ട​യിൽ അവർ പറയു​ന്ന​തൊ​ന്നും അയാൾക്കു വ്യക്തമാ​യില്ല. സാഹച​ര്യം കൂടുതൽ വഷളാ​യ​തി​നാൽ പടയാ​ളി​കൾക്ക്‌ അദ്ദേഹത്തെ അവി​ടെ​നിന്ന്‌ എടുത്തു​കൊ​ണ്ടു പോ​കേ​ണ്ടി​വന്നു. അവർ പടയാ​ളി​ക​ളു​ടെ പാളയ​ത്തി​ലേക്കു കടക്കാ​റാ​യ​പ്പോൾ പൗലോസ്‌ സൈന്യാ​ധി​പ​നോട്‌, “ഈ ജനത്തോ​ടു സംസാ​രി​ക്കാൻ എന്നെ അനുവ​ദി​ക്കേ​ണമേ എന്നു ഞാൻ അങ്ങയോട്‌ അപേക്ഷി​ക്കു​ക​യാണ്‌” എന്നു പറഞ്ഞു. (പ്രവൃ. 21:39) അയാൾ അതിന്‌ അനുമതി നൽകി. അങ്ങനെ പൗലോസ്‌ തന്റെ വിശ്വാ​സ​ത്തെ​ക്കു​റിച്ച്‌ ധൈര്യ​പൂർവം സംസാ​രി​ക്കാൻതു​ടങ്ങി.

14, 15. (എ) പൗലോസ്‌ ജൂതന്മാ​രോട്‌ എന്താണു വിശദീ​ക​രി​ച്ചത്‌? (ബി) പൗലോ​സി​നോ​ടുള്ള ജൂതന്മാ​രു​ടെ കോപ​ത്തി​നു കാരണം കണ്ടുപി​ടി​ക്കു​ന്ന​തി​നാ​യി ആ സൈന്യാ​ധി​പൻ എന്തെല്ലാം മാർഗങ്ങൾ അവലം​ബി​ച്ചു?

¹⁴ “എനിക്കു പറയാ​നു​ള്ളതു കേട്ടു​കൊ​ള്ളുക,” പൗലോസ്‌ പറഞ്ഞു. (പ്രവൃ. 22:1) എബ്രായ ഭാഷയി​ലാണ്‌  അദ്ദേഹം അവരോ​ടു സംസാ​രി​ച്ചത്‌. അത്‌ ആ ജനത്തെ അൽപ്പ​മൊ​ന്നു ശാന്തരാ​ക്കി. താൻ ഇപ്പോൾ ക്രിസ്‌തു​വി​ന്റെ അനുഗാ​മി​യാ​യി​രി​ക്കു​ന്ന​തി​ന്റെ കാരണം അദ്ദേഹം അവരോട്‌ വ്യക്തമാ​യി വിശദീ​ക​രി​ച്ചു. ആ ജൂതന്മാർക്കു വേണ​മെ​ങ്കിൽ പരി​ശോ​ധിച്ച്‌ ഉറപ്പു​വ​രു​ത്താ​മാ​യി​രുന്ന കാര്യ​ങ്ങ​ളാണ്‌ പൗലോസ്‌ തന്റെ പ്രഭാ​ഷ​ണ​ത്തിൽ ഉൾപ്പെ​ടു​ത്തി​യത്‌. അദ്ദേഹം പ്രശസ്‌ത പണ്ഡിത​നായ ഗമാലി​യേ​ലി​ന്റെ കാൽക്ക​ലി​രുന്ന്‌ പഠിച്ചി​ട്ടു​ള്ള​വ​നും ക്രിസ്‌തു​വി​ന്റെ അനുഗാ​മി​കളെ ഉപദ്ര​വി​ച്ചി​ട്ടു​ള്ള​വ​നും ആയിരു​ന്നു​വെന്ന വസ്‌തുത സാധ്യ​ത​യ​നു​സ​രിച്ച്‌ അവിടെ കൂടി​യി​രുന്ന ചിലർക്കെ​ങ്കി​ലും അറിയാ​മാ​യി​രു​ന്നു. എന്നാൽ ദമസ്‌കൊ​സി​ലേക്കു പോകുന്ന വഴി, പുനരു​ത്ഥാ​നം​പ്രാ​പിച്ച ക്രിസ്‌തു അദ്ദേഹ​ത്തി​നു പ്രത്യ​ക്ഷ​പ്പെട്ട്‌ അദ്ദേഹ​ത്തോ​ടു സംസാ​രി​ച്ചു. പൗലോ​സി​ന്റെ കൂടെ യാത്ര ചെയ്‌തി​രു​ന്നവർ ഒരു വെളിച്ചം കാണു​ക​യും ഒരു ശബ്ദം കേൾക്കു​ക​യും ചെയ്‌തു, കേട്ട കാര്യങ്ങൾ അവർക്കു വ്യക്തമാ​യി മനസ്സി​ലാ​യി​ല്ലെ​ങ്കി​ലും. (പ്രവൃ. 9:7-ന്റെയും 22:9-ന്റെയും പഠനക്കു​റിപ്പ്‌ കാണുക, nwtsty) ആ ദർശന​ത്തെ​ത്തു​ടർന്ന്‌ അന്ധനാ​യി​ത്തീർന്ന പൗലോ​സി​നെ കൂടെ​യു​ണ്ടാ​യി​രു​ന്നവർ ദമസ്‌കൊ​സി​ലേക്കു കൂട്ടി​ക്കൊ​ണ്ടു പോയി. അവി​ടെ​വെച്ച്‌, ആ പ്രദേ​ശത്തെ ജൂതന്മാർക്ക്‌ പരിച​യ​മുള്ള അനന്യാസ്‌ എന്നൊ​രാൾ അത്ഭുത​ക​ര​മാ​യി അദ്ദേഹ​ത്തി​നു കാഴ്‌ച മടക്കി​ക്കൊ​ടു​ത്തു.

¹⁵ താൻ യരുശ​ലേ​മിൽ മടങ്ങി​യെ​ത്തി​യ​പ്പോൾ ആലയത്തിൽവെച്ച്‌ യേശു തനിക്കു പ്രത്യ​ക്ഷ​നായ കാര്യം പൗലോസ്‌ തുടർന്ന്‌ വിശദീ​ക​രി​ച്ചു. അതു കേട്ട്‌ ആ ജൂതന്മാർ അങ്ങേയറ്റം കോപാ​ക്രാ​ന്ത​രാ​യി. “ഇങ്ങനെ​യു​ള്ള​വനെ ഈ ഭൂമി​യിൽ വെച്ചേ​ക്ക​രുത്‌, ഇവൻ ജീവ​നോ​ടി​രി​ക്കാൻ പാടില്ല” എന്ന്‌ അവർ അത്യു​ച്ച​ത്തിൽ വിളി​ച്ചു​പ​റഞ്ഞു. (പ്രവൃ. 22:22) പൗലോ​സി​നെ രക്ഷിക്കാ​നാ​യി അദ്ദേഹത്തെ പടയാ​ളി​ക​ളു​ടെ പാളയ​ത്തി​ലേക്കു കൊണ്ടു​പോ​കാൻ ആ സൈന്യാ​ധി​പൻ ആജ്ഞാപി​ച്ചു. അദ്ദേഹ​ത്തി​ന്റെ നേരെ​യുള്ള ജൂതന്മാ​രു​ടെ കോപ​ത്തി​നു കാരണം കണ്ടുപി​ടി​ക്കു​ന്ന​തി​നാ​യി അദ്ദേഹത്തെ ചാട്ടയ്‌ക്ക​ടിച്ച്‌ തെളി​വെ​ടു​ക്കാൻ അയാൾ ഉത്തരവി​ട്ടു. എന്നിരു​ന്നാ​ലും താൻ ഒരു റോമൻ പൗരനാ​ണെന്ന്‌ വെളി​പ്പെ​ടു​ത്തി​ക്കൊണ്ട്‌ നിയമം അനുശാ​സി​ക്കുന്ന സംരക്ഷ​ണ​ത്തി​നുള്ള അവകാശം പൗലോസ്‌ പ്രയോ​ജ​ന​പ്പെ​ടു​ത്തി. യഹോ​വ​യു​ടെ സാക്ഷി​ക​ളും സമാന​മാ​യി തങ്ങളുടെ വിശ്വാ​സ​ത്തി​നു​വേണ്ടി, ലഭ്യമായ നിയമ​സം​ര​ക്ഷണം ഉപയോ​ഗ​പ്പെ​ടു​ത്താ​റുണ്ട്‌. (“ റോമൻ നിയമ​വും റോമൻ പൗരന്മാ​രും” എന്ന ചതുര​വും “ ആധുനി​ക​കാല  നിയമ​പോ​രാ​ട്ടങ്ങൾ” എന്ന ചതുര​വും കാണുക.) പൗലോസ്‌ ഒരു റോമൻ പൗരനാ​ണെന്നു കേട്ട​പ്പോൾ അദ്ദേഹ​ത്തിൽനിന്ന്‌ വിവരങ്ങൾ ശേഖരി​ക്കു​ന്ന​തിന്‌ മറ്റെ​ന്തെ​ങ്കി​ലും മാർഗം അവലം​ബി​ക്കേ​ണ്ട​തു​ണ്ടെന്ന്‌ ആ സൈന്യാ​ധി​പൻ തിരി​ച്ച​റി​ഞ്ഞു. പിറ്റേന്ന്‌ അയാൾ അദ്ദേഹത്തെ ജൂതന്മാ​രു​ടെ പരമോ​ന്നത കോട​തി​യായ സൻഹെ​ദ്രി​നു മുമ്പാകെ കൊണ്ടു​വന്നു. പൗലോ​സി​നെ വിചാ​ര​ണ​ചെ​യ്യു​ന്ന​തി​നാ​യി പ്രത്യേ​കം വിളി​ച്ചു​കൂ​ട്ടി​യ​താ​യി​രു​ന്നു ആ സഭ.

16, 17. (എ) പൗലോസ്‌ സൻഹെ​ദ്രി​നെ അഭിസം​ബോ​ധ​ന​ചെ​യ്‌ത​പ്പോൾ എന്തു സംഭവി​ച്ചു​വെന്ന്‌ വിവരി​ക്കുക. (ബി) തന്നെ അടിച്ച സാഹച​ര്യ​ത്തിൽ പൗലോസ്‌ താഴ്‌മ പ്രകട​മാ​ക്കി​യത്‌ എങ്ങനെ?

¹⁶ സൻഹെ​ദ്രി​നോ​ടു പിൻവ​രു​ന്ന​പ്ര​കാ​രം പറഞ്ഞു​കൊണ്ട്‌ പൗലോസ്‌ തന്റെ പ്രതി​വാ​ദം ആരംഭി​ച്ചു: “സഹോ​ദ​ര​ന്മാ​രേ, ഈ നിമി​ഷം​വരെ ദൈവ​മു​മ്പാ​കെ തികച്ചും ശുദ്ധമായ മനസ്സാ​ക്ഷി​യോ​ടെ​യാ​ണു ഞാൻ ജീവി​ച്ചി​ട്ടു​ള്ളത്‌.” (പ്രവൃ. 23:1) അത്രമാ​ത്രം പറയാനേ അദ്ദേഹ​ത്തി​നു കഴിഞ്ഞു​ള്ളൂ; അപ്പോ​ഴേ​ക്കും എന്തു സംഭവി​ച്ചു​വെന്ന്‌ വിവരണം പറയുന്നു: “ഇതു കേട്ട്‌ മഹാപു​രോ​ഹി​ത​നായ അനന്യാസ്‌ അടുത്ത്‌ നിന്നവ​രോ​ടു പൗലോ​സി​ന്റെ മുഖത്ത്‌ അടിക്കാൻ ആജ്ഞാപി​ച്ചു.” (പ്രവൃ. 23:2) എത്ര വലി​യൊ​രു അവഹേ​ളനം! എത്ര മുൻവി​ധി​പ​ര​മായ പെരു​മാ​റ്റം! വാസ്‌ത​വ​ത്തിൽ, അങ്ങനെ ചെയ്യു​ക​വഴി അവർ പൗലോ​സി​നെ ഒരു നുണയ​നെന്നു മുദ്ര​കു​ത്തു​ക​യാ​യി​രു​ന്നു, തെളി​വു​ക​ളൊ​ന്നും പരിഗ​ണി​ക്കാ​തെ​തന്നെ. പൗലോസ്‌ അതി​നോട്‌ പിൻവ​രും​വി​ധം പ്രതി​ക​രി​ച്ച​തിൽ അതിശ​യി​ക്കാ​നില്ല: “വെള്ള തേച്ച ചുവരേ, ദൈവം നിന്നെ അടിക്കും. എന്നെ നിയമ​പ്ര​കാ​രം ന്യായം വിധി​ക്കാൻ ഇരിക്കുന്ന നീ നിയമം ലംഘി​ച്ചു​കൊണ്ട്‌ എന്നെ അടിക്കാൻ കല്‌പി​ക്കു​ന്നോ?” —പ്രവൃ. 23:3.

¹⁷ പൗലോ​സി​നെ അടിച്ച​തിൽ ആർക്കും ഒരു വിഷമ​വും തോന്നി​യില്ല. എന്നാൽ അദ്ദേഹ​ത്തി​ന്റെ പ്രതി​ക​രണം അവി​ടെ​യു​ണ്ടാ​യി​രുന്ന ചിലരെ ഞെട്ടിച്ചു. “ദൈവ​ത്തി​ന്റെ മഹാപു​രോ​ഹി​ത​നെ​യാ​ണോ നീ അപമാ​നി​ക്കു​ന്നത്‌” അവർ അദ്ദേഹ​ത്തോ​ടു ചോദി​ച്ചു. എന്നാൽ താഴ്‌മ​യും മോശ​യു​ടെ നിയമ​ത്തോ​ടുള്ള ആദരവും വെളി​വാ​ക്കു​ന്ന​താ​യി​രു​ന്നു അദ്ദേഹ​ത്തി​ന്റെ മറുപടി: “സഹോ​ദ​ര​ന്മാ​രേ, ഇദ്ദേഹം മഹാപു​രോ​ഹി​ത​നാ​ണെന്നു ഞാൻ അറിഞ്ഞില്ല. ‘നിന്റെ ജനത്തിന്റെ അധികാ​രി​യെ നിന്ദി​ക്ക​രുത്‌’ എന്ന്‌ എഴുതി​യി​ട്ടു​ണ്ട​ല്ലോ.” d (പ്രവൃ. 23:4, 5; പുറ. 22:28) തുടർന്ന്‌ പൗലോസ്‌ വ്യത്യ​സ്‌ത​മായ ഒരു സമീപനം സ്വീക​രി​ച്ചു. സൻഹെ​ദ്രി​നിൽ പരീശ​ന്മാ​രും സദൂക്യ​രും ഉണ്ടെന്നു തിരി​ച്ച​റിഞ്ഞ അദ്ദേഹം പറഞ്ഞു: “സഹോ​ദ​ര​ന്മാ​രേ, ഞാൻ ഒരു പരീശ​നാണ്‌, പരീശ​കു​ടും​ബ​ത്തിൽ ജനിച്ചവൻ. മരിച്ച​വ​രു​ടെ പുനരു​ത്ഥാ​ന​ത്തി​ലുള്ള എന്റെ പ്രത്യാശ കാരണ​മാണ്‌ എന്നെ ഇപ്പോൾ ന്യായം വിധി​ക്കു​ന്നത്‌.” —പ്രവൃ. 23:6.

18. താൻ ഒരു പരീശ​നാ​ണെന്ന്‌ പൗലോസ്‌ പറഞ്ഞത്‌ എന്തു​കൊണ്ട്‌, ചില സാഹച​ര്യ​ങ്ങ​ളിൽ നമുക്കും സമാന​മായ ഒരു ന്യായ​വാദ രീതി എങ്ങനെ ഉപയോ​ഗി​ക്കാ​വു​ന്ന​താണ്‌?

¹⁸ താൻ ഒരു പരീശ​നാ​ണെന്ന്‌ പൗലോസ്‌ പറഞ്ഞത്‌ എന്തു​കൊ​ണ്ടാ​യി​രി​ക്കാം? അദ്ദേഹം  ഒരു “പരീശ​കു​ടും​ബ​ത്തിൽ” പിറന്ന​വ​നാ​യി​രു​ന്നു. അതു​കൊ​ണ്ടു​തന്നെ പലരും അദ്ദേഹത്തെ ഒരു പരീശ​നാ​യി കണക്കാ​ക്കു​മാ​യി​രു​ന്നു. e എന്നാൽ പൗലോ​സിന്‌ എങ്ങനെ​യാണ്‌ പുനരു​ത്ഥാ​ന​ത്തെ​പ്പ​റ്റി​യുള്ള പരീശ​വി​ശ്വാ​സ​ത്തോട്‌ ഏതെങ്കി​ലും തരത്തിൽ യോജി​ക്കാ​നാ​കു​മാ​യി​രു​ന്നത്‌? മരണത്തെ അതിജീ​വിച്ച്‌ സുഖദുഃ​ഖങ്ങൾ അനുഭ​വി​ക്കാ​നാ​കുന്ന ഒരു ആത്മാവ്‌ ഉണ്ടെന്നും നീതി​മാ​ന്മാ​രു​ടെ ആത്മാവ്‌ വീണ്ടും മനുഷ്യ​നാ​യി ജീവി​ക്കു​മെ​ന്നും പരീശ​ന്മാർ വിശ്വ​സി​ച്ചി​രു​ന്ന​താ​യി പറയ​പ്പെ​ടു​ന്നു. പൗലോ​സി​ന്റെ വിശ്വാ​സം പക്ഷേ, അത്തരത്തി​ലുള്ള ഒന്നായി​രു​ന്നില്ല. അദ്ദേഹം വിശ്വ​സി​ച്ചി​രു​ന്നത്‌ യേശു പഠിപ്പി​ച്ച​തു​പോ​ലുള്ള പുനരു​ത്ഥാ​ന​ത്തി​ലാണ്‌. (യോഹ. 5:25-29) എന്നിട്ടും, മരിച്ച​വർക്ക്‌ ഒരു ഭാവി ജീവിത പ്രത്യാ​ശ​യുണ്ട്‌ എന്ന കാര്യ​ത്തിൽ പൗലോസ്‌ അവരു​മാ​യി യോജി​ച്ചു. ഭാവി ജീവി​ത​ത്തിൽ വിശ്വ​സി​ക്കാ​തി​രുന്ന സദൂക്യ​രു​ടെ​തിൽനിന്ന്‌ തികച്ചും വ്യത്യ​സ്‌ത​മായ ഒരു വിശ്വാ​സ​മാ​യി​രു​ന്നു അത്‌. മറ്റു മതത്തിൽപ്പെ​ട്ട​വ​രോ​ടു സംസാ​രി​ക്കു​മ്പോൾ ഇതേ ന്യായ​വാദ രീതി നമുക്കും പിൻപ​റ്റാ​വു​ന്ന​താണ്‌. അവരെ​പ്പോ​ലെ​തന്നെ നാമും ഒരു ദൈവ​ത്തിൽ വിശ്വ​സി​ക്കു​ന്നുണ്ട്‌ എന്ന്‌ നമുക്കു പറയാം, വിശ്വ​സി​ക്കു​ന്നത്‌ മറ്റൊരു ദൈവ​ത്തി​ലാ​ണെ​ങ്കി​ലും.

19. സൻഹെ​ദ്രി​നിൽ ഭിന്നിപ്പ്‌ ഉണ്ടായത്‌ എന്തു​കൊണ്ട്‌?

¹⁹ പൗലോ​സി​ന്റെ ആ പ്രസ്‌താ​വന സൻഹെ​ദ്രി​നിൽ ഭിന്നത ഉളവാക്കി. തിരു​വെ​ഴു​ത്തു​കൾ ഇങ്ങനെ പറയുന്നു: “തുടർന്ന്‌ അവിടെ വലിയ ഒച്ചപ്പാട്‌ ഉണ്ടായി. പരീശ​ന്മാ​രു​ടെ പക്ഷത്തുള്ള ചില ശാസ്‌ത്രി​മാർ എഴു​ന്നേറ്റ്‌ ശക്തമായി വാദി​ക്കാൻതു​ടങ്ങി. അവർ പറഞ്ഞു: ‘ഇയാളിൽ ഞങ്ങൾ ഒരു കുറ്റവും കാണു​ന്നില്ല; എന്നാൽ ഒരു ആത്മവ്യ​ക്തി​യോ ദൈവ​ദൂ​ത​നോ ഇയാ​ളോ​ടു സംസാ​രി​ച്ചി​ട്ടു​ണ്ടെ​ങ്കിൽ—.’” (പ്രവൃ. 23:9) ഒരു ദൈവ​ദൂ​തൻ അദ്ദേഹ​ത്തോ​ടു സംസാ​രി​ച്ചി​രി​ക്കാ​മെന്ന പ്രസ്‌താ​വന സദൂക്യർക്ക്‌ ഒട്ടും ഉൾക്കൊ​ള്ളാ​നാ​കു​മാ​യി​രു​ന്നില്ല; കാരണം, അവർ ദൂതന്മാ​രിൽ വിശ്വ​സി​ച്ചി​രു​ന്നില്ല. (“ സദൂക്യ​രും പരീശ​ന്മാ​രും” എന്ന ചതുരം കാണുക.) സാഹച​ര്യം അങ്ങേയറ്റം വഷളാ​യ​തി​നാൽ ആ സൈന്യാ​ധി​പൻ വീണ്ടും പൗലോ​സി​ന്റെ രക്ഷയ്‌ക്കെത്തി. (പ്രവൃ. 23:10) എന്നാൽ അതോടെ അപകട​ങ്ങ​ളെ​ല്ലാം പൂർണ​മാ​യി ഒഴിഞ്ഞു​പോ​യി​രു​ന്നോ? പൗലോ​സിന്‌ തുടർന്ന്‌ എന്തു സംഭവി​ച്ചു? അടുത്ത അധ്യാ​യ​ത്തി​ലൂ​ടെ അതാണു നാം കാണാൻ പോകു​ന്നത്‌.