1, 2. (എ) പൗലോസ്‌ ഇപ്പോൾ ഏത്‌ സാഹച​ര്യ​ത്തി​ലാണ്‌? (ബി) പൗലോസ്‌ സീസറി​ന്റെ മുമ്പാകെ അപ്പീലി​നു പോകാൻ അപേക്ഷി​ച്ച​തി​നോ​ടുള്ള ബന്ധത്തിൽ ഏതു ചോദ്യം ഉയർന്നു​വ​രു​ന്നു?

 കൈസ​ര്യ​യിൽ പൗലോസ്‌ ഇപ്പോ​ഴും ശക്തമായ കാവലിൽത്ത​ന്നെ​യാണ്‌. രണ്ടു വർഷം​മുമ്പ്‌ യഹൂദ്യ​യിൽ മടങ്ങി​യെത്തി ദിവസ​ങ്ങൾക്ക​കം​തന്നെ ജൂതന്മാർ അദ്ദേഹത്തെ മൂന്നു പ്രാവ​ശ്യ​മെ​ങ്കി​ലും കൊല്ലാൻ ശ്രമി​ച്ചി​രു​ന്നു. (പ്രവൃ. 21:27-36; 23:10, 12-15, 27) അദ്ദേഹ​ത്തി​ന്റെ ശത്രു​ക്കൾക്ക്‌ ഇതുവരെ വിജയി​ക്കാൻ കഴിഞ്ഞി​ട്ടി​ല്ലെ​ങ്കി​ലും അവർ തങ്ങളുടെ ശ്രമം തുടരു​ക​യാണ്‌. ഇപ്പോൾ അവരുടെ കൈയിൽ അകപ്പെ​ടു​മെന്നു തോന്നി​യ​തി​നാൽ, പൗലോസ്‌ റോമൻ ഗവർണ​റായ ഫെസ്‌തൊ​സി​നോട്‌ പറഞ്ഞു: “ഞാൻ സീസറി​ന്റെ മുമ്പാകെ അപ്പീലി​നു പോകാൻ ആഗ്രഹി​ക്കു​ന്നു!”—പ്രവൃ. 25:11.

² റോമൻ ചക്രവർത്തി​യു​ടെ മുമ്പാകെ അപ്പീലി​നു പോകാ​നുള്ള പൗലോ​സി​ന്റെ തീരു​മാ​നത്തെ യഹോവ പിന്തു​ണ​ച്ചോ? അതറി​യു​ന്നതു പ്രധാ​ന​മാണ്‌; കാരണം ഈ അവസാ​ന​കാ​ലത്ത്‌ സന്തോ​ഷ​വാർത്ത സമഗ്ര​മാ​യി അറിയി​ക്കു​ന്ന​വ​രാണ്‌ നാമും. ‘സന്തോ​ഷ​വാർത്ത​യ്‌ക്കു​വേണ്ടി വാദിച്ച്‌ അതു നിയമ​പ​ര​മാ​യി സ്ഥാപി​ച്ചെ​ടു​ക്കു​ന്ന​തിൽ’ പൗലോസ്‌ നമുക്ക്‌ ഒരു മാതൃ​ക​വെ​ച്ചത്‌ എങ്ങനെ​യെന്ന്‌ ഈ അധ്യാ​യ​ത്തി​ലൂ​ടെ നാം മനസ്സി​ലാ​ക്കും.—ഫിലി. 1:7.

3, 4. (എ) പൗലോ​സി​നെ യരുശ​ലേ​മി​ലേക്കു കൊണ്ടു​വ​രാൻ ജൂതന്മാർ അപേക്ഷി​ച്ച​തി​ന്റെ കാരണം എന്തായി​രു​ന്നു, പൗലോസ്‌ മരണത്തിൽനിന്ന്‌ എങ്ങനെ രക്ഷപ്പെട്ടു? (ബി) പൗലോ​സി​ന്റെ കാര്യ​ത്തി​ലെ​ന്ന​പോ​ലെ ഇന്നത്തെ ദൈവ​ദാ​സ​ന്മാ​രെ​യും യഹോവ പരിപാ​ലി​ക്കു​ന്നത്‌ എങ്ങനെ?

³ അധികാ​ര​മേറ്റ്‌ മൂന്നു ദിവസം കഴിഞ്ഞ​പ്പോൾ യഹൂദ്യ​യു​ടെ പുതിയ ഗവർണ​റായ ഫെസ്‌തൊസ്‌ യരുശ​ലേ​മി​ലേക്കു പോയി. a അപ്പോൾ മുഖ്യ​പു​രോ​ഹി​ത​ന്മാ​രും ജൂത​പ്ര​മാ​ണി​ക​ളും അദ്ദേഹ​ത്തി​ന്റെ അടുക്കൽ ചെന്ന്‌ പൗലോ​സി​നെ​തി​രെ ഗൗരവ​മേ​റിയ ആരോ​പ​ണങ്ങൾ ഉന്നയിച്ചു. ആ പുതിയ ഭരണാ​ധി​കാ​രി, തങ്ങളു​മാ​യും അതു​പോ​ലെ മുഴു ജൂതജ​ന​ത​യു​മാ​യും സമാധാ​ന​ബന്ധം പുലർത്താ​നുള്ള സമ്മർദ​ത്തിൻകീ​ഴി​ലാ​ണെന്ന്‌ അവർക്ക​റി​യാ​മാ​യി​രു​ന്നു. അതു​കൊണ്ട്‌ അവർ ഇപ്പോൾ ഫെസ്‌തൊ​സി​നോട്‌ ഒരു സഹായം അഭ്യർഥി​ക്കു​ന്നു: പൗലോ​സി​നെ യരുശ​ലേ​മിൽ കൊണ്ടു​വന്ന്‌ അവി​ടെ​വെച്ച്‌ വിചാ​ര​ണ​ചെ​യ്യുക. എന്നാൽ ഈ അപേക്ഷ​യ്‌ക്കു പിന്നിൽ ഒരു ഗൂഢോ​ദ്ദേ​ശ്യ​മു​ണ്ടാ​യി​രു​ന്നു. കൈസ​ര്യ​യിൽനിന്ന്‌ യരുശ​ലേ​മി​ലേക്ക്‌ കൊണ്ടു​വ​രു​ന്ന​വഴി പൗലോ​സി​നെ വധിക്കുക എന്നതാ​യി​രു​ന്നു അത്‌. എന്നാൽ ഫെസ്‌തൊസ്‌ അവരുടെ അപേക്ഷ കൈ​ക്കൊ​ണ്ടില്ല. പകരം, അദ്ദേഹം പറഞ്ഞു: “പൗലോസ്‌ എന്തെങ്കി​ലും തെറ്റ്‌ ചെയ്‌തി​ട്ടു​ണ്ടെ​ങ്കിൽ നിങ്ങൾക്കി​ട​യി​ലെ അധികാ​ര​പ്പെ​ട്ട​വർക്ക്‌ എന്നോ​ടൊ​പ്പം (കൈസ​ര്യ​യി​ലേക്കു) വന്ന്‌ അതു ബോധി​പ്പി​ക്കാ​വു​ന്ന​താണ്‌.” (പ്രവൃ. 25:5) അങ്ങനെ പൗലോസ്‌ ഒരിക്കൽക്കൂ​ടി മരണത്തിൽനി​ന്നു രക്ഷപ്പെട്ടു.

 ⁴ പൗലോസ്‌ പ്രയാ​സ​ക​ര​മായ സാഹച​ര്യ​ങ്ങ​ളി​ലൂ​ടെ കടന്നു​പോ​യ​പ്പോ​ഴെ​ല്ലാം യഹോവ, കർത്താ​വായ യേശു​ക്രി​സ്‌തു​വി​ലൂ​ടെ അദ്ദേഹത്തെ ശക്തീക​രി​ച്ചു. ഒരു ദർശന​ത്തിൽ യേശു പൗലോ​സി​നോട്‌, “ധൈര്യ​മാ​യി​രി​ക്കുക!” എന്നു പറഞ്ഞത്‌ നിങ്ങൾ ഓർക്കു​ന്നു​ണ്ടാ​കും. (പ്രവൃ. 23:11) ഇന്നത്തെ ദൈവ​ദാ​സ​ന്മാ​രും പ്രതി​ബ​ന്ധ​ങ്ങ​ളും ഭീഷണി​ക​ളും നേരി​ടു​ന്നു. കഷ്ടങ്ങൾ ഉണ്ടാകു​മ്പോ​ഴെ​ല്ലാം യഹോവ നമ്മെ അത്ഭുത​ക​ര​മാ​യി സംരക്ഷി​ക്കു​ന്നി​ല്ലെ​ങ്കി​ലും ജ്ഞാനവും സഹിച്ചു​നിൽക്കാ​നാ​വ​ശ്യ​മായ ശക്തിയും യഹോവ നമുക്കു പ്രദാ​നം​ചെ​യ്യു​ന്നു. സ്‌നേ​ഹ​വാ​നായ ദൈവം നൽകുന്ന ‘അസാധാ​ര​ണ​ശ​ക്തി​യിൽ’ നമുക്ക്‌ എല്ലായ്‌പോ​ഴും ആശ്രയി​ക്കാ​നാ​കും.—2 കൊരി. 4:7.

5. ഫെസ്‌തൊസ്‌ പൗലോ​സി​നോട്‌ എങ്ങനെ പെരു​മാ​റി?

⁵ കുറച്ചു ദിവസ​ങ്ങൾക്കു​ശേഷം ഫെസ്‌തൊസ്‌ കൈസ​ര്യ​യിൽ തന്റെ ‘ന്യായാ​സ​ന​ത്തിൽ ഇരുന്നു.’ b പൗലോ​സി​നെ അദ്ദേഹ​ത്തി​ന്റെ മുമ്പാകെ കൊണ്ടു​വന്നു. പൗലോ​സി​ന്റെ ആരോ​പ​ക​രും അവിടെ ഹാജരാ​യി​രു​ന്നു. തനി​ക്കെ​തി​രെ​യുള്ള അടിസ്ഥാ​ന​ര​ഹി​ത​മായ ആരോ​പ​ണങ്ങൾ കേട്ട്‌ പൗലോസ്‌ ഇങ്ങനെ പ്രതി​ക​രി​ച്ചു: “ജൂതന്മാ​രു​ടെ നിയമ​ത്തി​നോ ദേവാ​ല​യ​ത്തി​നോ സീസറി​നോ എതിരാ​യി ഞാൻ ഒരു പാപവും ചെയ്‌തി​ട്ടില്ല.” ഒരു കുറ്റവും ചെയ്‌തി​ട്ടി​ല്ലാത്ത പൗലോ​സി​നെ അപ്പോൾ വിട്ടയ​യ്‌ക്കേ​ണ്ട​താ​യി​രു​ന്നു. എന്നാൽ ഫെസ്‌തൊസ്‌ എന്താണു ചെയ്‌തത്‌? ജൂതന്മാ​രു​ടെ പ്രീതി​നേ​ടാൻ ആഗ്രഹിച്ച അദ്ദേഹം പൗലോ​സി​നോ​ടു ചോദി​ച്ചു: “യരുശ​ലേ​മി​ലേക്കു വരാനും ഇക്കാര്യ​ങ്ങൾ സംബന്ധിച്ച്‌ എന്റെ മുമ്പാകെ വിചാരണ നേരി​ടാ​നും നിനക്കു സമ്മതമാ​ണോ?” (പ്രവൃ. 25:6-9) എന്തൊരു അന്യായം! പൗലോ​സി​നെ യരുശ​ലേ​മി​ലേക്കു കൊണ്ടു​പോ​യി​രു​ന്നെ​ങ്കിൽ ഈ ആരോ​പ​കർതന്നെ അദ്ദേഹത്തെ വിചാ​ര​ണ​ചെ​യ്‌ത്‌ മരണശിക്ഷ വിധി​ക്കു​മെ​ന്നു​ള്ളത്‌ ഉറപ്പാ​യി​രു​ന്നു. ന്യായം നടപ്പാ​ക്കു​ന്ന​തി​നു പകരം, ഈ സാഹച​ര്യ​ത്തെ രാഷ്‌ട്രീയ മുത​ലെ​ടു​പ്പി​നുള്ള ഒരു അവസര​മാ​യാണ്‌ ഫെസ്‌തൊസ്‌ കണ്ടത്‌. മുൻ ഗവർണ​റാ​യി​രുന്ന പൊന്തി​യൊസ്‌ പീലാ​ത്തൊ​സും ഇതേ  വിധത്തിൽ പ്രവർത്തി​ച്ചി​ട്ടുണ്ട്‌, പൗലോ​സി​നെ​ക്കാൾ പ്രമു​ഖ​നായ ഒരു തടവു​കാ​രന്റെ കാര്യ​ത്തിൽ. (യോഹ. 19:12-16) നമ്മുടെ കാലത്തും ന്യായാ​ധി​പ​ന്മാർ ഇത്തരത്തിൽ രാഷ്‌ട്രീയ സമ്മർദ​ങ്ങൾക്കു വഴി​പ്പെ​ട്ടേ​ക്കാം. അതു​കൊണ്ട്‌ ദൈവ​ജ​ന​വു​മാ​യി ബന്ധപ്പെട്ട കേസു​ക​ളിൽ കോട​തി​കൾ അന്യാ​യ​മാ​യി തീർപ്പുകല്പിക്കുന്നെങ്കിൽ നാം അതിശ​യി​ക്കേ​ണ്ട​തില്ല.

6, 7. പൗലോസ്‌ സീസറി​ന്റെ മുമ്പാകെ അപ്പീലി​നു പോകാൻ അപേക്ഷി​ച്ചത്‌ എന്തു​കൊണ്ട്‌, അതുവഴി അദ്ദേഹം ഇന്നത്തെ സത്യ​ക്രി​സ്‌ത്യാ​നി​കൾക്ക്‌ എന്തു മാതൃ​ക​വെച്ചു?

⁶ ജൂതന്മാ​രു​ടെ ഇംഗി​ത​ത്തി​നു വഴങ്ങാ​നുള്ള ഫെസ്‌തൊ​സി​ന്റെ ആഗ്രഹം പൗലോ​സി​ന്റെ ജീവൻ അപകട​ത്തി​ലാ​ക്കു​മാ​യി​രു​ന്നു. അതു​കൊണ്ട്‌ ഒരു റോമൻ പൗര​നെ​ന്ന​നി​ല​യിൽ തനിക്കുള്ള അവകാശം പൗലോസ്‌ പ്രയോ​ജ​ന​പ്പെ​ടു​ത്തി. അദ്ദേഹം ഫെസ്‌തൊ​സി​നോ​ടു പറഞ്ഞു: “ഞാൻ സീസറി​ന്റെ ന്യായാ​സ​ന​ത്തി​നു മുമ്പാ​കെ​യാ​ണു നിൽക്കു​ന്നത്‌. എന്നെ ന്യായം വിധി​ക്കേ​ണ്ടത്‌ ഇവി​ടെ​വെ​ച്ചാണ്‌. അങ്ങയ്‌ക്കു നന്നായി അറിയാ​വു​ന്ന​തു​പോ​ലെ ജൂതന്മാ​രോ​ടു ഞാൻ ഒരു അന്യാ​യ​വും ചെയ്‌തി​ട്ടില്ല. . . . ഞാൻ സീസറി​ന്റെ മുമ്പാകെ അപ്പീലി​നു പോകാൻ ആഗ്രഹി​ക്കു​ന്നു!” ഒരിക്കൽ അപ്പീലിന്‌ അപേക്ഷി​ച്ചാൽ അതിനു മാറ്റം​വ​രു​ത്താൻ കഴിയു​മാ​യി​രു​ന്നില്ല. “നീ സീസറി​ന്റെ മുമ്പാകെ അപ്പീലി​നു പോകാൻ അപേക്ഷി​ച്ച​ല്ലോ; അതു​കൊണ്ട്‌ സീസറി​ന്റെ അടു​ത്തേ​ക്കു​തന്നെ നിന്നെ വിടാം” എന്നു പറഞ്ഞു​കൊണ്ട്‌ ഫെസ്‌തൊസ്‌ അക്കാര്യം ഊന്നി​പ്പ​റഞ്ഞു. (പ്രവൃ. 25:10-12) ഒരു ഉന്നതാ​ധി​കാ​രി​യു​ടെ മുമ്പാകെ അപ്പീലിന്‌ അപേക്ഷി​ച്ചു​കൊണ്ട്‌ പൗലോസ്‌ ഇന്നത്തെ സത്യ​ക്രി​സ്‌ത്യാ​നി​കൾക്കാ​യി ഒരു മാതൃ​ക​വെച്ചു. ‘നിയമ​ത്തി​ന്റെ പേരും പറഞ്ഞ്‌ കുഴപ്പങ്ങൾ ഉണ്ടാക്കാൻ’ എതിരാ​ളി​കൾ ശ്രമി​ക്കു​മ്പോൾ യഹോ​വ​യു​ടെ സാക്ഷികൾ സന്തോ​ഷ​വാർത്ത പ്രസം​ഗി​ക്കു​ന്ന​തി​നുള്ള തങ്ങളുടെ അവകാശം സ്ഥാപി​ച്ചെ​ടു​ക്കു​ന്ന​തി​നാ​യി നിയമ​വ​ഴി​കൾ തേടുന്നു. c—സങ്കീ. 94:20.

⁷ അങ്ങനെ, ചെയ്യാത്ത കുറ്റത്തിന്‌ രണ്ടി​ലേറെ വർഷം തടവു​ശിക്ഷ അനുഭ​വിച്ച പൗലോ​സിന്‌ ഒടുവിൽ റോമിൽ ചെന്ന്‌ പ്രതി​വാ​ദം നടത്താ​നുള്ള അവസരം ലഭിച്ചു. എന്നാൽ അങ്ങോട്ടു പോകു​ന്ന​തി​നു​മുമ്പ്‌ മറ്റൊരു ഭരണാ​ധി​കാ​രി അദ്ദേഹത്തെ കാണാൻ ആഗ്രഹി​ച്ചു.

8, 9. അഗ്രിപ്പ രാജാവ്‌ കൈസ​ര്യ​യിൽ എത്തിയത്‌ എന്തിന്‌?

⁸ പൗലോസ്‌ അപ്പീലി​നാ​യി ഫെസ്‌തൊ​സി​നോട്‌ അപേക്ഷിച്ച്‌ കുറെ​ദി​വസം കഴിഞ്ഞ​പ്പോൾ അഗ്രിപ്പ രാജാ​വും സഹോ​ദരി ബർന്നീ​ക്ക​യും കൂടി പുതിയ ഗവർണർക്ക്‌ “അഭിന​ന്ദ​നങ്ങൾ അറിയി​ക്കാ​നാ​യി” എത്തി. d റോമൻ ഭരണകാ​ലത്ത്‌, പുതു​താ​യി നിയമി​ത​രാ​കുന്ന ഗവർണർമാർക്ക്‌ ആശംസ അർപ്പി​ക്കാൻ അധികാ​രി​കൾ അവരെ സന്ദർശി​ക്കുന്ന പതിവു​ണ്ടാ​യി​രു​ന്നു. ഫെസ്‌തൊ​സിന്‌ അഭിവാ​ദനം അർപ്പി​ക്കു​ക​വഴി, ഭാവി​യിൽ പ്രയോ​ജനം ചെയ്‌തേ​ക്കാ​വുന്ന രാഷ്‌ട്രീ​യ​ബ​ന്ധ​വും സൗഹൃ​ദ​വും ശക്തി​പ്പെ​ടു​ത്തു​ക​യാ​യി​രു​ന്നു അഗ്രിപ്പ.—പ്രവൃ. 25:13.

⁹ ഫെസ്‌തൊ​സിൽനിന്ന്‌ പൗലോ​സി​നെ​ക്കു​റി​ച്ചു കേട്ട​പ്പോൾ അഗ്രിപ്പ രാജാ​വിന്‌ പൗലോസ്‌ പറയു​ന്നതു കേൾക്കാൻ ആകാം​ക്ഷ​യാ​യി. അങ്ങനെ, പിറ്റേന്ന്‌ പൗലോ​സി​നെ അവരുടെ മുമ്പാകെ ഹാജരാ​ക്കി. എന്നാൽ ആ ഭരണാ​ധി​കാ​രി​ക​ളു​ടെ അധികാ​ര​ത്തെ​യും പ്രൗഢി​യെ​യും ഒക്കെ നിഷ്‌പ്ര​ഭ​മാ​ക്കു​ന്ന​താ​യി​രു​ന്നു വെറു​മൊ​രു തടവു​കാ​ര​നായ പൗലോസ്‌ അന്നു നടത്തിയ പ്രഭാ​ഷണം.—പ്രവൃ. 25:22-27.

10, 11. അഗ്രിപ്പ രാജാ​വി​നോട്‌ പൗലോസ്‌ ആദരവു കാണി​ച്ചത്‌ എങ്ങനെ, തന്റെ മുൻകാല ജീവി​ത​ത്തെ​ക്കു​റി​ച്ചുള്ള എന്തെല്ലാം കാര്യങ്ങൾ പൗലോസ്‌ രാജാ​വി​നോ​ടു പറഞ്ഞു?

¹⁰ പൗലോസ്‌ ആദ്യം​തന്നെ, തനിക്കു പ്രതി​വാ​ദം നടത്താൻ അവസരം നൽകി​യ​തിന്‌ അഗ്രിപ്പ രാജാ​വിന്‌ നന്ദിപ​റഞ്ഞു. ജൂതന്മാ​രു​ടെ ആചാര​ങ്ങ​ളെ​യും അവർക്കി​ട​യി​ലെ തർക്കങ്ങ​ളെ​യും കുറിച്ച്‌ നന്നായി അറിയാ​വു​ന്ന​വ​നെ​ന്ന​നി​ല​യിൽ അഗ്രി​പ്പയെ പൗലോസ്‌ പ്രശം​സി​ച്ചു.  തുടർന്ന്‌ തന്റെ മുൻകാല ജീവി​ത​ത്തെ​ക്കു​റിച്ച്‌ പൗലോസ്‌ വിവരി​ച്ചു. “ഞങ്ങളുടെ മതത്തിൽ ഏറ്റവു​മ​ധി​കം നിഷ്‌ഠ പുലർത്തുന്ന വിഭാ​ഗ​മായ പരീശ​ന്മാ​രിൽപ്പെ​ട്ട​വ​നാ​യി​രു​ന്നു ഞാൻ” എന്ന്‌ അദ്ദേഹം പറഞ്ഞു. (പ്രവൃ. 26:5) ഒരു പരീശ​നെ​ന്ന​നി​ല​യിൽ പൗലോസ്‌ മിശി​ഹ​യു​ടെ വരവി​നാ​യി പ്രതീ​ക്ഷി​ച്ചി​രു​ന്നു. ആ മിശിഹ യേശു​ക്രി​സ്‌തു​വാ​ണെന്ന കാര്യം ഇപ്പോൾ ഒരു ക്രിസ്‌ത്യാ​നി​യെ​ന്ന​നി​ല​യിൽ അദ്ദേഹം ധൈര്യ​സ​മേതം വ്യക്തമാ​ക്കി. പൗലോ​സി​നും അദ്ദേഹ​ത്തി​ന്റെ ആരോ​പ​കർക്കും പൊതു​വാ​യി ഉണ്ടായി​രുന്ന ഒരു വിശ്വാ​സ​ത്തി​ന്റെ പേരിൽ, അതായത്‌ അവരുടെ പൂർവി​ക​രോ​ടു ദൈവം ചെയ്‌ത വാഗ്‌ദാ​നം നിവൃ​ത്തി​യേ​റു​മെന്ന പ്രത്യാ​ശ​നി​മി​ത്തം ആയിരു​ന്നു അദ്ദേഹം അപ്പോൾ വിചാ​ര​ണയെ നേരി​ടു​ന്നത്‌. പൗലോ​സി​ന്റെ ആ വിശദീ​ക​രണം കേട്ട​പ്പോൾ അദ്ദേഹം പറയു​ന്നതു കേൾക്കാൻ അഗ്രിപ്പ രാജാ​വിന്‌ ഏറെ താത്‌പ​ര്യ​മാ​യി. e

¹¹ ക്രിസ്‌ത്യാ​നി​ക​ളോ​ടുള്ള തന്റെ ക്രൂര​മായ പെരു​മാ​റ്റം ഓർത്തു​കൊണ്ട്‌ പൗലോസ്‌ പറഞ്ഞു: “നസറെ​ത്തു​കാ​ര​നായ യേശു​വി​ന്റെ പേരിന്‌ എതിരാ​യി പലതും ചെയ്യേ​ണ്ട​തു​ണ്ടെന്ന്‌ ഉറച്ച്‌ വിശ്വ​സിച്ച ഒരാളാ​ണു ഞാൻ. . . . അവരോ​ടുള്ള (ക്രിസ്‌തു​വി​ന്റെ അനുഗാ​മി​ക​ളോ​ടുള്ള) കടുത്ത ദേഷ്യം കാരണം അവരെ ഉപദ്ര​വി​ക്കാൻ ഞാൻ ദൂരെ​യുള്ള നഗരങ്ങൾവരെ പോയി.” (പ്രവൃ. 26:9-11) പൗലോസ്‌ പറഞ്ഞതിൽ ഒട്ടും അതിശ​യോ​ക്തി​യി​ല്ലാ​യി​രു​ന്നു. ക്രിസ്‌ത്യാ​നി​കൾക്കു നേരെ​യുള്ള അദ്ദേഹ​ത്തി​ന്റെ ക്രൂര​മായ പെരു​മാ​റ്റ​ത്തെ​ക്കു​റിച്ച്‌ പലർക്കും അറിയാ​മാ​യി​രു​ന്നു. (ഗലാ. 1:13, 23) ‘ഇയാൾക്ക്‌ ഇത്തരത്തി​ലൊ​രു മാറ്റം വന്നത്‌ എങ്ങനെ​യാ​യി​രി​ക്കും?’ എന്ന്‌ അഗ്രിപ്പ ചിന്തി​ച്ചി​രി​ക്കണം.

12, 13. (എ) തന്റെ പരിവർത്ത​ന​ത്തിന്‌ ഇടയാ​ക്കിയ സംഭവം പൗലോസ്‌ വിവരി​ച്ചത്‌ എങ്ങനെ? (ബി) പൗലോസ്‌ ‘മുടി​ങ്കോ​ലിൽ തൊഴി​ക്കു​ക​യാ​യി​രു​ന്നത്‌’ എങ്ങനെ?

¹² പൗലോ​സി​ന്റെ തുടർന്നുള്ള വാക്കുകൾ അഗ്രി​പ്പ​യു​ടെ സംശയ​ത്തിന്‌ ഉത്തര​മേകി: “ഒരിക്കൽ ഞാൻ മുഖ്യ​പു​രോ​ഹി​ത​ന്മാ​രിൽനിന്ന്‌ അനുമ​തി​യും അധികാ​ര​വും വാങ്ങി  ദമസ്‌കൊ​സി​ലേക്കു പോകു​ക​യാ​യി​രു​ന്നു. അപ്പോൾ രാജാവേ, വഴിയിൽവെച്ച്‌ നട്ടുച്ച​നേ​രത്ത്‌ സൂര്യ​പ്ര​കാ​ശ​ത്തെ​യും വെല്ലുന്ന ഒരു വെളിച്ചം ആകാശ​ത്തു​നിന്ന്‌ എന്റെയും എന്റെകൂ​ടെ യാത്ര ചെയ്‌തി​രു​ന്ന​വ​രു​ടെ​യും ചുറ്റും മിന്നു​ന്നതു ഞാൻ കണ്ടു. ഞങ്ങൾ എല്ലാവ​രും നിലത്ത്‌ വീണു​പോ​യി. അപ്പോൾ, ‘ശൗലേ, ശൗലേ, നീ എന്തിനാണ്‌ എന്നെ ഉപദ്ര​വി​ക്കു​ന്നത്‌? മുടി​ങ്കോ​ലിൽ തൊഴി​ക്കു​ന്നതു നിനക്കു ദോഷം ചെയ്യും’ എന്ന്‌ എബ്രായ ഭാഷയിൽ ഒരു ശബ്ദം എന്നോടു പറഞ്ഞു. ‘പ്രഭോ, അങ്ങ്‌ ആരാണ്‌’ എന്നു ഞാൻ ചോദി​ച്ച​പ്പോൾ കർത്താവ്‌ എന്നോടു പറഞ്ഞു: ‘നീ ഉപദ്ര​വി​ക്കുന്ന യേശു​വാ​ണു ഞാൻ.’” f—പ്രവൃ. 26:12-15.

¹³ ഈ ദർശനം ഉണ്ടാകു​ന്ന​തി​നു​മുമ്പ്‌, ഒരുത​ര​ത്തിൽപ്പ​റ​ഞ്ഞാൽ പൗലോസ്‌ ‘മുടി​ങ്കോ​ലിൽ തൊഴി​ക്കു​ക​യാ​യി​രു​ന്നു.’ മുടി​ങ്കോ​ലി​ന്റെ കൂർത്ത അഗ്രത്തിൽ തൊഴി​ക്കുന്ന ഒരു ചുമട്ടു​മൃ​ഗ​ത്തിന്‌ മുറി​വേൽക്കു​മാ​യി​രു​ന്നു. സമാന​മാ​യി, ദൈ​വേ​ഷ്ട​ത്തി​നു വിരു​ദ്ധ​മാ​യി പ്രവർത്തി​ക്കു​ന്ന​തി​ലൂ​ടെ പൗലോസ്‌ തനിക്കു​തന്നെ ആത്മീയ​ഹാ​നി വരുത്തു​ക​യാ​യി​രു​ന്നു; തികഞ്ഞ ആത്മാർഥ​ത​യോ​ടെ​യാ​ണെ​ങ്കി​ലും തെറ്റായ മാർഗ​ത്തി​ലാണ്‌ അദ്ദേഹം ചരിച്ചി​രു​ന്നത്‌. എന്നാൽ പൗലോസ്‌ ദമസ്‌കൊ​സി​ലേക്കു പോകവെ, ഉയിർത്തെ​ഴു​ന്നേറ്റ യേശു അദ്ദേഹ​ത്തി​നു പ്രത്യ​ക്ഷ​പ്പെ​ടു​ക​യും ചിന്താ​ഗ​തി​ക്കു മാറ്റം​വ​രു​ത്താൻ പൗലോ​സി​നെ സഹായി​ക്കു​ക​യും ചെയ്‌തു.—യോഹ. 16:1, 2.

14, 15. ജീവി​ത​ത്തിൽ താൻ വരുത്തിയ മാറ്റങ്ങ​ളെ​ക്കു​റിച്ച്‌ പൗലോസ്‌ എന്തു പറഞ്ഞു?

¹⁴ പൗലോസ്‌ തന്റെ ജീവി​ത​ത്തിൽ വലുതും നിർണാ​യ​ക​വും ആയ മാറ്റങ്ങൾതന്നെ വരുത്തി. അഗ്രി​പ്പ​യോട്‌ അദ്ദേഹം പറഞ്ഞു: “സ്വർഗ​ത്തിൽനിന്ന്‌ ലഭിച്ച ആ ദർശന​ത്തോ​ടു ഞാൻ അനുസ​ര​ണ​ക്കേടു കാണി​ച്ചില്ല. മാനസാ​ന്ത​ര​പ്പെ​ട​ണ​മെ​ന്നും മാനസാ​ന്ത​ര​ത്തി​നു ചേർച്ച​യിൽ പ്രവർത്തി​ച്ചു​കൊണ്ട്‌ ദൈവ​ത്തി​ലേക്കു തിരി​യ​ണ​മെ​ന്നും ഉള്ള സന്ദേശം ഞാൻ ആദ്യം ദമസ്‌കൊ​സി​ലു​ള്ള​വ​രോ​ടും പിന്നെ യരുശ​ലേ​മി​ലു​ള്ള​വ​രോ​ടും യഹൂദ്യ ദേശ​മെ​ങ്ങു​മു​ള്ള​വ​രോ​ടും തുടർന്ന്‌ മറ്റു ജനതക​ളിൽപ്പെ​ട്ട​വ​രോ​ടും അറിയി​ച്ചു.” (പ്രവൃ. 26:19, 20) അന്ന്‌ ആ നട്ടുച്ച​നേ​രത്ത്‌ ദർശന​ത്തി​ലൂ​ടെ യേശു​ക്രി​സ്‌തു നൽകിയ നിയോ​ഗം വർഷങ്ങ​ളാ​യി പൗലോസ്‌ നിറ​വേ​റ്റു​ക​യാ​യി​രു​ന്നു. എന്തായി​രു​ന്നു അതിന്റെ ഫലം? പൗലോസ്‌ പ്രസം​ഗിച്ച  സന്തോ​ഷ​വാർത്ത​യോട്‌ അനുകൂ​ല​മാ​യി പ്രതി​ക​രി​ച്ചവർ തങ്ങളുടെ അധാർമി​ക​വും സത്യവി​രു​ദ്ധ​വും ആയ പ്രവൃ​ത്തി​ക​ളെ​പ്രതി അനുത​പി​ക്കു​ക​യും ദൈവ​ത്തി​ലേക്കു തിരി​യു​ക​യും ചെയ്‌തു. അവർ സമൂഹ​ത്തി​ലെ ക്രമസ​മാ​ധാ​ന​ത്തി​നു ഭംഗം​വ​രു​ത്താ​ത്ത​വ​രും നിയമ​ങ്ങളെ ആദരി​ക്കു​ന്ന​വ​രും ആയ നല്ല പൗരന്മാ​രാ​യി​ത്തീർന്നു.

¹⁵ പൗലോ​സി​ന്റെ ജൂത എതിരാ​ളി​കൾ പക്ഷേ, ഇക്കാര്യ​ങ്ങൾക്കൊ​ന്നും ഒരു വിലയും കല്പിച്ചില്ല. പൗലോസ്‌ പറഞ്ഞു: “അതു​കൊ​ണ്ടാണ്‌ ജൂതന്മാർ ദേവാ​ല​യ​ത്തിൽവെച്ച്‌ എന്നെ പിടി​കൂ​ടി കൊല്ലാൻ ശ്രമി​ച്ചത്‌. എന്നാൽ ഈ ദിവസം​വരെ ദൈവ​ത്തി​ന്റെ സഹായ​ത്താൽ, ചെറി​യ​വ​രെ​ന്നോ വലിയ​വ​രെ​ന്നോ വ്യത്യാ​സ​മി​ല്ലാ​തെ എല്ലാവ​രോ​ടും ഞാൻ സന്തോ​ഷ​വാർത്ത അറിയി​ച്ചു​കൊ​ണ്ടി​രി​ക്കു​ന്നു.”—പ്രവൃ. 26:21, 22.

16. നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ ന്യായാ​ധി​പ​ന്മാ​രോ​ടും ഭരണാ​ധി​കാ​രി​ക​ളോ​ടും സംസാ​രി​ക്കു​മ്പോൾ നമുക്ക്‌ എങ്ങനെ പൗലോ​സി​ന്റെ മാതൃക അനുക​രി​ക്കാം?

¹⁶ സത്യ​ക്രി​സ്‌ത്യാ​നി​ക​ളെ​ന്ന​നി​ല​യിൽ നാം വിശ്വാ​സ​ത്തി​നു​വേണ്ടി സംസാ​രി​ക്കാൻ ‘എപ്പോ​ഴും ഒരുങ്ങി​യി​രി​ക്കേ​ണ്ട​തുണ്ട്‌.’ (1 പത്രോ. 3:15) ന്യായാ​ധി​പ​ന്മാ​രോ​ടും ഭരണാ​ധി​കാ​രി​ക​ളോ​ടും നമ്മുടെ വിശ്വാ​സ​ങ്ങ​ളെ​ക്കു​റി​ച്ചു സംസാ​രി​ക്കു​മ്പോൾ, പൗലോസ്‌ അഗ്രി​പ്പ​യോ​ടും ഫെസ്‌തൊ​സി​നോ​ടും സംസാ​രി​ച്ച​വി​ധം അനുക​രി​ക്കു​ന്നത്‌ സഹായ​ക​മാ​യി​രു​ന്നേ​ക്കാം. ബൈബിൾസ​ത്യം നമ്മു​ടെ​ത​ന്നെ​യോ നമ്മുടെ സന്ദേശ​ത്തി​നു ശ്രദ്ധ​കൊ​ടു​ത്ത​വ​രു​ടെ​യോ ജീവിതം മെച്ച​പ്പെ​ടു​ത്തി​യി​രി​ക്കു​ന്നത്‌ എങ്ങനെ​യെന്ന്‌ ആദരപൂർവം വിശദീ​ക​രി​ക്കു​ന്നത്‌ അധികാ​രി​ക​ളു​ടെ മനോ​ഭാ​വ​ത്തി​നു മാറ്റം​വ​രു​ത്തി​യേ​ക്കാം.

17. പൗലോ​സി​ന്റെ പ്രതി​വാ​ദ​ത്തോട്‌ ഫെസ്‌തൊസ്‌ എങ്ങനെ പ്രതി​ക​രി​ച്ചു, സമാന​മായ എന്തു മനോ​ഭാ​വം ഇന്നും കാണാ​റുണ്ട്‌?

¹⁷ പൗലോ​സി​ന്റെ പ്രചോ​ദ​നാ​ത്മ​ക​മായ പ്രഭാ​ഷണം കേട്ട ആ ഭരണാ​ധി​കാ​രി​കൾക്ക്‌ പ്രതി​ക​രി​ക്കാ​തി​രി​ക്കാൻ കഴിഞ്ഞില്ല. തുടർന്ന്‌ എന്താണു സംഭവി​ച്ചത്‌ എന്നു നോക്കുക: “പൗലോസ്‌ ഇങ്ങനെ സ്വന്തം ഭാഗം വാദി​ച്ചു​കൊ​ണ്ടി​രി​ക്കു​മ്പോൾ ഫെസ്‌തൊസ്‌ വിളി​ച്ചു​പ​റഞ്ഞു: ‘പൗലോ​സേ, നിനക്കു ഭ്രാന്താണ്‌! അറിവ്‌ കൂടി​പ്പോ​യി​ട്ടു നിനക്കു ഭ്രാന്തു പിടി​ച്ചി​രി​ക്കു​ന്നു!’” (പ്രവൃ. 26:24) ഫെസ്‌തൊ​സി​നെ​പ്പോ​ലെ പ്രതി​ക​രി​ക്കു​ന്ന​വരെ ഇന്നും കാണാ​റുണ്ട്‌. ബൈബിൾസ​ത്യ​ങ്ങൾ യഥാർഥ​മാ​യി പഠിപ്പി​ക്കു​ന്ന​വരെ പലരും മതഭ്രാ​ന്ത​രാ​യി കണക്കാ​ക്കു​ന്നു. ലോക​പ്ര​കാ​രം ജ്ഞാനി​ക​ളാ​യ​വർക്ക്‌ പുനരു​ത്ഥാ​നം സംബന്ധിച്ച ബൈബിൾ പഠിപ്പി​ക്കൽ അംഗീ​ക​രി​ക്കാൻ പലപ്പോ​ഴും ബുദ്ധി​മു​ട്ടാണ്‌.

18. ഫെസ്‌തൊ​സി​നോട്‌ പൗലോസ്‌ എന്തു മറുപടി പറഞ്ഞു, അത്‌ അഗ്രി​പ്പ​യിൽ എന്തു പ്രതി​ക​രണം ഉളവാക്കി?

¹⁸ ആ ഗവർണ​റോട്‌ പൗലോസ്‌ ഇങ്ങനെ ഉത്തരം പറഞ്ഞു: “അഭിവ​ന്ദ്യ​നായ ഫെസ്‌തൊ​സേ, എനിക്കു ഭ്രാന്തില്ല. സുബോ​ധ​ത്തോ​ടെ​യാ​ണു ഞാൻ സംസാ​രി​ക്കു​ന്നത്‌. ഞാൻ പറയു​ന്നതു മുഴുവൻ സത്യമാണ്‌. രാജാ​വി​നു കാര്യങ്ങൾ നന്നായി അറിയാ​വു​ന്ന​തു​കൊ​ണ്ടാ​ണു ഞാൻ അദ്ദേഹ​ത്തോട്‌ ഇത്ര സ്വാത​ന്ത്ര്യ​ത്തോ​ടെ സംസാ​രി​ക്കു​ന്നത്‌. . . . അഗ്രിപ്പ രാജാവേ, അങ്ങ്‌ പ്രവാ​ച​ക​ന്മാ​രിൽ വിശ്വ​സി​ക്കു​ന്നു​ണ്ടോ? ഉണ്ടെന്ന്‌ എനിക്ക്‌ അറിയാം.” അപ്പോൾ അഗ്രിപ്പ പൗലോ​സി​നോട്‌, “അൽപ്പസ​മ​യം​കൊണ്ട്‌ നീ എന്നെ ഒരു ക്രിസ്‌ത്യാ​നി​യാ​ക്കു​മ​ല്ലോ” എന്നു പറഞ്ഞു. (പ്രവൃ. 26:25-28) അദ്ദേഹം അതു പറഞ്ഞത്‌ ആത്മാർഥ​ത​യോ​ടെ​യാ​ണെ​ങ്കി​ലും അല്ലെങ്കി​ലും പൗലോ​സി​ന്റെ സാക്ഷ്യ​ത്തിന്‌ രാജാ​വി​ന്റെ​മേൽ വലിയ സ്വാധീ​നം​ചെ​ലു​ത്താൻ കഴിഞ്ഞു​വെ​ന്നാണ്‌ അതു കാണി​ക്കു​ന്നത്‌.

19. പൗലോ​സി​നെ​ക്കു​റിച്ച്‌ ഫെസ്‌തൊ​സും അഗ്രി​പ്പ​യും എന്തു നിഗമ​ന​ത്തിൽ എത്തി?

¹⁹ തുടർന്ന്‌ ആ യോഗ​ത്തി​നു സമാപ്‌തി കുറി​ച്ചു​കൊണ്ട്‌ അഗ്രി​പ്പ​യും ഫെസ്‌തൊ​സും പോകാ​നാ​യി എഴു​ന്നേറ്റു. “അവർ അവി​ടെ​നിന്ന്‌ പോകു​മ്പോൾ, ‘മരണശി​ക്ഷ​യോ ജയിൽശി​ക്ഷ​യോ അർഹി​ക്കു​ന്ന​തൊ​ന്നും ഈ മനുഷ്യൻ ചെയ്‌തി​ട്ടില്ല’ എന്നു തമ്മിൽ പറഞ്ഞു. ‘സീസറി​ന്റെ മുമ്പാകെ അപ്പീലി​നു പോകാൻ അപേക്ഷി​ച്ചി​ല്ലാ​യി​രു​ന്നെ​ങ്കിൽ ഇയാളെ ഇപ്പോൾ വിട്ടയ​യ്‌ക്കാ​മാ​യി​രു​ന്നു’ എന്ന്‌ അഗ്രിപ്പ ഫെസ്‌തൊ​സി​നോ​ടു പറഞ്ഞു.” (പ്രവൃ. 26:31, 32) പൗലോസ്‌ നിരപ​രാ​ധി​യാ​ണെന്ന കാര്യം അവർക്ക്‌ ബോധ്യ​പ്പെ​ട്ടി​രു​ന്നു. ഒരുപക്ഷേ, ഈ സംഭവ​ത്തോ​ടെ ക്രിസ്‌ത്യാ​നി​ക​ളോ​ടുള്ള അവരുടെ മനോ​ഭാ​വ​ത്തി​നു മാറ്റം​വ​ന്നി​രി​ക്കണം.

20. പൗലോസ്‌ ഉന്നതാ​ധി​കാ​രി​ക​ളു​ടെ മുമ്പാകെ ഹാജരാ​യ​തു​കൊണ്ട്‌ എന്തെല്ലാം പ്രയോ​ജ​ന​ങ്ങ​ളു​ണ്ടാ​യി?

²⁰ ഈ വിവര​ണ​ത്തിൽ നാം കണ്ട ശക്തരായ ആ ഭരണാ​ധി​കാ​രി​കൾ രണ്ടു പേരും ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത സ്വീക​രി​ച്ചെന്നു തോന്നു​ന്നില്ല. എന്നാൽ പൗലോസ്‌ അപ്പോ​സ്‌തലൻ ആ അധികാ​രി​ക​ളു​ടെ മുമ്പാകെ ഹാജരാ​യ​തു​കൊണ്ട്‌ എന്തെങ്കി​ലും പ്രയോ​ജ​ന​മു​ണ്ടാ​യോ? തീർച്ച​യാ​യും. പൗലോ​സി​നെ യഹൂദ്യ​യി​ലെ ‘രാജാ​ക്ക​ന്മാ​രു​ടെ​യും ഗവർണർമാ​രു​ടെ​യും മുന്നിൽ ഹാജരാ​ക്കി​യത്‌,’ മറ്റു രീതി​യിൽ സാക്ഷ്യം ലഭിക്കു​ന്ന​തിന്‌ സാധ്യ​ത​യി​ല്ലാ​തി​രുന്ന റോമൻ അധികാ​രി​കൾക്കു​പോ​ലും സന്തോ​ഷ​വാർത്ത കേൾക്കാൻ അവസര​മേകി. (ലൂക്കോ. 21:12, 13) കൂടാതെ, പൗലോ​സി​ന്റെ അനുഭ​വ​ങ്ങ​ളും പരി​ശോ​ധ​ന​ക​ളി​ന്മ​ധ്യേ അദ്ദേഹം കാണിച്ച വിശ്വ​സ്‌ത​ത​യും സഹവി​ശ്വാ​സി​കൾക്ക്‌ വളരെ​യ​ധി​കം പ്രോ​ത്സാ​ഹനം പകർന്നു.—ഫിലി. 1:12-14.

21. എതിർപ്പു​കൾ ഗണ്യമാ​ക്കാ​തെ രാജ്യ​വേ​ല​യിൽ മുന്നേ​റു​ന്നത്‌ എന്തു സത്‌ഫ​ലങ്ങൾ കൈവ​രു​ത്തി​യേ​ക്കാം?

²¹ ഇന്നും അതു സത്യമാണ്‌. പരി​ശോ​ധ​ന​ക​ളും എതിർപ്പു​ക​ളും ഗണ്യമാ​ക്കാ​തെ രാജ്യ​വേ​ല​യിൽ നാം മുന്നേ​റു​മ്പോൾ പല സത്‌ഫ​ല​ങ്ങ​ളും നമുക്കു ലഭി​ച്ചേ​ക്കാം. മറ്റു രീതി​യിൽ കണ്ടുമു​ട്ടാൻ കഴിയാത്ത അധികാ​രി​കൾക്കു​പോ​ലും സാക്ഷ്യം നൽകാൻ നമുക്കു സാധി​ച്ചേ​ക്കും. നാം വിശ്വ​സ്‌ത​ത​യോ​ടെ സഹിച്ചു​നിൽക്കു​ന്നത്‌ സന്തോ​ഷ​വാർത്ത സമഗ്ര​മാ​യി അറിയി​ക്കുന്ന വേലയിൽ സധൈ​ര്യം മുന്നേ​റാൻ നമ്മുടെ ക്രിസ്‌തീയ സഹോ​ദ​ര​ങ്ങളെ പ്രചോ​ദി​പ്പി​ക്കു​ക​യും അവർക്കൊ​രു പ്രോ​ത്സാ​ഹ​ന​മാ​യി ഉതകു​ക​യും ചെയ്‌തേ​ക്കാം.