1-3. യേശു അപ്പോ​സ്‌ത​ല​ന്മാ​രെ വിട്ടു പോയത്‌ എങ്ങനെ, ഏതു ചോദ്യ​ങ്ങൾ ഉദിക്കു​ന്നു?

 കഴിഞ്ഞു​പോയ വാരങ്ങൾ അപ്പോ​സ്‌ത​ല​ന്മാ​രെ സംബന്ധി​ച്ചി​ട​ത്തോ​ളം ആഹ്ലാദ​ഭ​രി​ത​മാ​യി​രു​ന്നു. അത്‌ ഒരിക്ക​ലും അവസാ​നി​ക്കാ​തി​രു​ന്നെ​ങ്കിൽ എന്ന്‌ അവർ ആഗ്രഹി​ക്കു​ന്നു. അതീവ ദുഃഖി​ത​രാ​യി​രുന്ന അവർ, യേശു​വി​ന്റെ പുനരു​ത്ഥാ​ന​ത്തോ​ടെ ഇപ്പോൾ ആഹ്ലാദ​ത്തി​ന്റെ കൊടു​മു​ടി​യിൽ എത്തിയി​രി​ക്കു​ക​യാണ്‌. കഴിഞ്ഞ 40 ദിവസ​ത്തി​നി​ട​യിൽ യേശു പലവട്ടം തന്റെ അനുഗാ​മി​കൾക്ക്‌ പ്രത്യ​ക്ഷ​നാ​യി; അവർക്ക്‌ കൂടു​ത​ലായ പ്രബോ​ധ​ന​വും പ്രോ​ത്സാ​ഹ​ന​വും നൽകി. പക്ഷേ, ഇന്നത്തെ ദിവസ​ത്തിന്‌ ഒരു പ്രത്യേ​ക​ത​യുണ്ട്‌: യേശു അവർക്ക്‌ അവസാ​ന​മാ​യി പ്രത്യ​ക്ഷ​പ്പെ​ട്ടി​രി​ക്കു​ക​യാണ്‌.

² ഇപ്പോൾ, ഒലിവു​മ​ല​യിൽ ഒരുമി​ച്ചാ​യി​രി​ക്കു​മ്പോൾ യേശു പറയു​ന്ന​തെ​ല്ലാം അപ്പോ​സ്‌ത​ല​ന്മാർ ശ്രദ്ധി​ച്ചു​കേൾക്കു​ന്നു. എന്നാൽ അത്‌ പെട്ടെന്ന്‌ അവസാ​നി​ച്ച​തു​പോ​ലെ അവർക്കു തോന്നു​ന്നു. സംസാ​രി​ച്ചു​തീർന്ന​ശേഷം യേശു കൈകൾ ഉയർത്തി അവരെ അനു​ഗ്ര​ഹി​ക്കു​ന്നു. തുടർന്ന്‌, യേശു മെല്ലെ ആകാശ​ത്തേക്ക്‌ ഉയരുന്നു! അത്ഭുതം​കൂ​റുന്ന കണ്ണുക​ളോ​ടെ അപ്പോ​സ്‌ത​ല​ന്മാർ  ഉറ്റു​നോ​ക്കു​ക​യാണ്‌. അവസാനം, ഒരു മേഘം യേശു​വി​നെ മറയ്‌ക്കു​ന്നു. ഇപ്പോൾ, അവർക്ക്‌ യേശു​വി​നെ കാണാൻ കഴിയു​ന്നില്ല. എന്നിട്ടും, അവർ ആകാശ​ത്തേ​ക്കു​തന്നെ നോക്കി​ക്കൊ​ണ്ടി​രി​ക്കു​ക​യാണ്‌.—ലൂക്കോ. 24:50; പ്രവൃ. 1:9, 10.

³ ഈ സംഭവം യേശു​വി​ന്റെ അപ്പോ​സ്‌ത​ല​ന്മാ​രു​ടെ ജീവി​ത​ത്തി​ലെ ഒരു വഴിത്തി​രി​വാ​യി. അവരുടെ കർത്താവ്‌ അവരെ വിട്ട്‌ സ്വർഗ​ത്തി​ലേക്കു പോയി​രി​ക്കു​ന്നു. അവർ ഇപ്പോൾ എന്തു ചെയ്യും? താൻ തുടങ്ങി​വെച്ച വേല ഏറ്റെടു​ക്കാൻ യേശു അവരെ സജ്ജരാ​ക്കി​യി​രു​ന്നു എന്നതിനു സംശയ​മില്ല. പ്രധാ​ന​പ്പെട്ട ഈ വേലയ്‌ക്കാ​യി യേശു എങ്ങനെ​യാണ്‌ അവരെ ഒരുക്കി​യത്‌? അവർ അതനു​സ​രിച്ച്‌ പ്രവർത്തി​ച്ചോ? ഇന്നത്തെ ക്രിസ്‌ത്യാ​നി​ക​ളു​ടെ കാര്യ​ത്തിൽ അതിന്‌ എന്തു പ്രസക്തി​യാ​ണു​ള്ളത്‌? പ്രവൃ​ത്തി​കൾ ഒന്നാം അധ്യാ​യ​ത്തിൽ ഈ ചോദ്യ​ങ്ങൾക്കുള്ള ഉത്തരമുണ്ട്‌.

4. ലൂക്കോസ്‌ പ്രവൃ​ത്തി​ക​ളു​ടെ പുസ്‌തകം തുടങ്ങു​ന്ന​തെ​ങ്ങനെ?

⁴ തെയോ​ഫി​ലൊസ്‌ എന്ന വ്യക്തിയെ സംബോ​ധന ചെയ്‌തു​കൊ​ണ്ടാണ്‌ ലൂക്കോസ്‌ പ്രവൃ​ത്തി​ക​ളു​ടെ പുസ്‌തകം ആരംഭി​ക്കു​ന്നത്‌. ലൂക്കോസ്‌ തന്റെ സുവി​ശേഷം എഴുതി​യ​തും ഇദ്ദേഹ​ത്തി​നു​ത​ന്നെ​യാണ്‌. a പ്രവൃ​ത്തി​ക​ളു​ടെ പുസ്‌തകം വാസ്‌ത​വ​ത്തിൽ ആ സുവി​ശേ​ഷ​ത്തി​ന്റെ ഒരു തുടർച്ച​യാണ്‌; കാരണം, സുവി​ശേ​ഷ​ത്തി​ന്റെ അവസാ​ന​ഭാ​ഗത്ത്‌ രേഖ​പ്പെ​ടു​ത്തി​യി​രി​ക്കുന്ന സംഭവങ്ങൾ ചുരു​ക്കി​പ്പ​റ​ഞ്ഞു​കൊ​ണ്ടാണ്‌ ലൂക്കോസ്‌ ആ വിവരണം ആരംഭി​ക്കു​ന്നത്‌. പുതിയ ചില വിശദാം​ശങ്ങൾ ഉൾപ്പെ​ടു​ത്തി​യി​ട്ടു​മുണ്ട്‌.

5, 6. (എ) യേശു​വി​ന്റെ അനുഗാ​മി​ക​ളു​ടെ വിശ്വാ​സം ശക്തമായി നിലനി​റു​ത്താൻ എന്തു സഹായി​ക്കു​മാ​യി​രു​ന്നു? (ബി) ഇന്നത്തെ ക്രിസ്‌ത്യാ​നി​ക​ളു​ടെ വിശ്വാ​സം ‘ബോധ്യം വരുത്തുന്ന അനേകം തെളി​വു​ക​ളിൽ’ അധിഷ്‌ഠി​ത​മാ​യി​രി​ക്കു​ന്നത്‌ എങ്ങനെ?

⁵ യേശു​വി​ന്റെ അനുഗാ​മി​ക​ളു​ടെ വിശ്വാ​സം ശക്തമായി നിലനി​റു​ത്താൻ എന്തു സഹായി​ക്കു​മാ​യി​രു​ന്നു? പ്രവൃ​ത്തി​കൾ 1:3-ൽ നാം ഇങ്ങനെ വായി​ക്കു​ന്നു: “ബോധ്യം വരുത്തുന്ന അനേകം തെളി​വു​കൾ യേശു അവർക്കു നൽകി.” ബൈബി​ളിൽ, “വൈദ്യ​നായ” ലൂക്കോസ്‌ മാത്രമേ ‘ബോധ്യം വരുത്തുന്ന തെളി​വു​കൾ’ എന്നു വിവർത്തനം ചെയ്‌തി​രി​ക്കുന്ന ഗ്രീക്ക്‌ പദം ഉപയോ​ഗി​ച്ചി​ട്ടു​ള്ളൂ. (കൊലോ. 4:14) വൈദ്യ​ശാ​സ്‌ത്ര രംഗത്ത്‌ ഉപയോ​ഗി​ച്ചി​രുന്ന ഒരു പദമാണ്‌ ഇത്‌. വസ്‌തു​നി​ഷ്‌ഠ​മായ, ഈടുറ്റ തെളി​വു​ക​ളെ​യാണ്‌ ഇത്‌ കുറി​ക്കു​ന്നത്‌. അത്തരത്തി​ലുള്ള തെളി​വു​ക​ളാണ്‌ യേശു നൽകി​യത്‌. പലപ്രാ​വ​ശ്യം യേശു തന്റെ അനുഗാ​മി​കൾക്കു പ്രത്യ​ക്ഷ​നാ​യി; ചില​പ്പോൾ ഒന്നോ രണ്ടോ പേർക്ക്‌, മറ്റു ചില​പ്പോൾ എല്ലാ അപ്പോ​സ്‌ത​ല​ന്മാർക്കും. ഒരവസ​ര​ത്തിൽ, 500-ലധികം ശിഷ്യ​ന്മാർക്ക്‌ യേശു പ്രത്യ​ക്ഷ​പ്പെ​ടു​ക​യു​ണ്ടാ​യി. (1 കൊരി. 15:3-6) അതെ, ബോധ്യം വരുത്തുന്ന തെളി​വു​കൾതന്നെ!

⁶ ഇന്ന്‌ സത്യ​ക്രി​സ്‌ത്യാ​നി​ക​ളു​ടെ വിശ്വാ​സ​വും ‘ബോധ്യം വരുത്തുന്ന അനേകം തെളി​വു​ക​ളിൽ’ അധിഷ്‌ഠി​ത​മാണ്‌. യേശു ഭൂമി​യിൽ ജീവി​ച്ചി​രു​ന്നെ​ന്നും നമ്മുടെ പാപങ്ങൾക്കു​വേണ്ടി മരി​ച്ചെ​ന്നും പിന്നീട്‌ ഉയിർത്തെ​ഴു​ന്നേ​റ്റെ​ന്നും ഉള്ളതിന്‌ തെളി​വു​ക​ളു​ണ്ടോ? തീർച്ച​യാ​യും! ആവശ്യ​മായ സർവ​തെ​ളി​വു​ക​ളും, ദൈവ​പ്ര​ചോ​ദി​ത​മായ തിരു​വെ​ഴു​ത്തു​ക​ളിൽ കാണുന്ന ആശ്രയ​യോ​ഗ്യ​മായ ദൃക്‌സാ​ക്ഷി​വി​വ​ര​ണ​ങ്ങ​ളിൽ ഉണ്ട്‌. ഈ വിവര​ണങ്ങൾ പ്രാർഥ​നാ​പൂർവം പഠിക്കു​ന്നത്‌ നമ്മുടെ വിശ്വാ​സത്തെ കരുത്തു​റ്റ​താ​ക്കും; കാരണം, ഈടുറ്റ തെളി​വു​ക​ളാ​ണ​ല്ലോ യഥാർഥ വിശ്വാ​സത്തെ അന്ധമായ വിശ്വാ​സ​ത്തിൽനി​ന്നു വ്യത്യ​സ്‌ത​മാ​ക്കു​ന്നത്‌. നിത്യ​ജീ​വൻ നേടാൻ യഥാർഥ വിശ്വാ​സം കൂടിയേ തീരൂ.—യോഹ. 3:16.

7. പ്രസംഗ-പഠിപ്പി​ക്കൽ വേലയിൽ യേശു ശിഷ്യ​ന്മാർക്കാ​യി എന്തു മാതൃക വെച്ചു?

 ⁷ യേശു ശിഷ്യ​ന്മാ​രോട്‌ “ദൈവ​രാ​ജ്യ​ത്തെ​ക്കു​റിച്ച്‌” സംസാ​രി​ക്കു​ക​യും ചെയ്‌തു. ഉദാഹ​ര​ണ​ത്തിന്‌, മിശിഹ കഷ്ടം സഹിച്ച്‌ മരി​ക്കേ​ണ്ടി​വ​രും എന്നു കാണി​ക്കുന്ന പ്രവച​നങ്ങൾ യേശു അവർക്ക്‌ വിശദീ​ക​രി​ച്ചു​കൊ​ടു​ത്തു. (ലൂക്കോ. 24:13-32, 46, 47) മിശിഹ എന്ന തന്റെ സ്ഥാന​ത്തെ​ക്കു​റി​ച്ചു വ്യക്തമാ​ക്കി​യ​പ്പോൾ ദൈവ​രാ​ജ്യം എന്ന വിഷയം യേശു ഊന്നി​പ്പ​റ​യു​ക​യു​ണ്ടാ​യി; കാരണം യേശു​വാ​യി​രു​ന്ന​ല്ലോ അതിന്റെ നിയു​ക്ത​രാ​ജാവ്‌. ദൈവ​രാ​ജ്യ​മാ​യി​രു​ന്നു എല്ലായ്‌പോ​ഴും യേശു​വി​ന്റെ പ്രസം​ഗ​വേ​ല​യു​ടെ മുഖ്യ​വി​ഷയം. ഇന്ന്‌ യേശു​വി​ന്റെ അനുയാ​യി​ക​ളും അതേ വിഷയത്തെ ആസ്‌പ​ദ​മാ​ക്കി​യാണ്‌ പ്രസം​ഗി​ക്കു​ന്നത്‌.—മത്താ. 24:14; ലൂക്കോ. 4:43.

8, 9. (എ) യേശു​വി​ന്റെ അപ്പോ​സ്‌ത​ല​ന്മാർക്ക്‌ ഏത്‌ രണ്ടു തെറ്റി​ദ്ധാ​ര​ണ​ക​ളാണ്‌ ഉണ്ടായി​രു​ന്നത്‌? (ബി) യേശു അവരെ തിരു​ത്തി​യത്‌ എങ്ങനെ, ഇന്നത്തെ ക്രിസ്‌ത്യാ​നി​കൾക്ക്‌ അതിൽനിന്ന്‌ എന്തു പഠിക്കാ​നാ​കും?

⁸ ഒലിവു​മ​ല​യിൽവെച്ച്‌ നടന്ന ആ അവസാന കൂടി​ക്കാ​ഴ്‌ച​യിൽ അപ്പോ​സ്‌ത​ല​ന്മാർ യേശു​വി​നോട്‌ ഇങ്ങനെ ചോദി​ച്ചു: “കർത്താവേ, അങ്ങ്‌ ഇസ്രാ​യേ​ലി​നു രാജ്യം പുനഃ​സ്ഥാ​പി​ച്ചു​കൊ​ടു​ക്കു​ന്നത്‌ ഇപ്പോ​ഴാ​ണോ?” (പ്രവൃ. 1:6) അവരുടെ തെറ്റായ രണ്ടു ധാരണ​ക​ളാണ്‌ ഈ ചോദ്യ​ത്തി​ലൂ​ടെ വെളി​വാ​യത്‌: (1) ദൈവം ജഡിക ഇസ്രാ​യേ​ലിന്‌ രാജ്യം പുനഃ​സ്ഥാ​പി​ച്ചു​കൊ​ടു​ക്കും; (2) ദൈവ​രാ​ജ്യം ‘ഇപ്പോൾ,’ അതായത്‌ ഉടൻതന്നെ ഭരണം തുടങ്ങും. ആകട്ടെ, യേശു അവരുടെ തെറ്റി​ദ്ധാ​രണ തിരു​ത്തി​യത്‌ എങ്ങനെ​യാണ്‌?

⁹ ആദ്യത്തെ തെറ്റി​ദ്ധാ​രണ പെട്ടെ​ന്നു​തന്നെ മാറി​ക്കൊ​ള്ളും എന്ന്‌ സാധ്യ​ത​യ​നു​സ​രിച്ച്‌ യേശു​വിന്‌ അറിയാ​മാ​യി​രു​ന്നു; കാരണം, വെറും പത്തു ദിവസ​ത്തി​നു​ശേഷം, ആത്മീയ ഇസ്രാ​യേൽ എന്ന ഒരു പുതിയ ജനതയു​ടെ പിറവിക്ക്‌ അവർ സാക്ഷ്യം വഹിക്കു​മാ​യി​രു​ന്നു! ജഡിക ഇസ്രാ​യേ​ലു​മാ​യുള്ള ദൈവ​ത്തി​ന്റെ പ്രത്യേ​ക​ബന്ധം ഏതാണ്ട്‌ അവസാ​നി​ച്ചി​രു​ന്നു. ഇനി, രണ്ടാമത്തെ തെറ്റി​ദ്ധാ​ര​ണ​യു​ടെ കാര്യ​മോ? യേശു സ്‌നേ​ഹ​പൂർവം അവരെ ഇങ്ങനെ ഓർമി​പ്പി​ച്ചു: “പിതാ​വി​ന്റെ അധികാ​ര​പ​രി​ധി​യിൽപ്പെട്ട സമയങ്ങ​ളെ​യും കാലങ്ങ​ളെ​യും കുറിച്ച്‌ നിങ്ങൾ അറിയേണ്ട ആവശ്യ​മില്ല.” (പ്രവൃ. 1:7) സമയം നിശ്ചയി​ക്കു​ക​യും അതു പാലി​ക്കു​ക​യും ചെയ്യു​ന്ന​തിൽ യഹോ​വ​യ്‌ക്കു തുല്യ​നാ​യി മറ്റാരു​മില്ല. ഈ വ്യവസ്ഥി​തി അവസാ​നി​ക്കുന്ന “ദിവസ​വും മണിക്കൂ​റും” “പിതാ​വി​ന​ല്ലാ​തെ ആർക്കും” അറിയി​ല്ലെന്ന്‌ ഭൂമി​യി​ലാ​യി​രി​ക്കെ യേശു പറയു​ക​യു​ണ്ടാ​യി. പുത്ര​നു​പോ​ലും അപ്പോൾ അത്‌ അറിയി​ല്ലാ​യി​രു​ന്നു. (മത്താ. 24:36) അതു​കൊണ്ട്‌ അന്ത്യം എപ്പോൾ വരും എന്നതി​നെ​ക്കു​റിച്ച്‌ ആകുല​പ്പെ​ടുന്ന ക്രിസ്‌ത്യാ​നി​കൾ വാസ്‌ത​വ​ത്തിൽ, തങ്ങൾ അറി​യേ​ണ്ട​തി​ല്ലാത്ത ഒരു കാര്യ​ത്തെ​പ്പ​റ്റി​യാണ്‌ ഉത്‌ക​ണ്‌ഠ​പ്പെ​ടു​ന്നത്‌.

10. അപ്പോ​സ്‌ത​ല​ന്മാ​രു​ടെ ഏതു മനോ​ഭാ​വം നമുക്കും ഉണ്ടായി​രി​ക്കണം, എന്തു​കൊണ്ട്‌?

¹⁰ യേശു​വി​ന്റെ അപ്പോ​സ്‌ത​ല​ന്മാർക്ക്‌ തെറ്റായ ചില ധാരണകൾ ഉണ്ടായി​രു​ന്നു​വെന്നു കരുതി നാം ഒരിക്ക​ലും അവരെ തുച്ഛീ​ക​രി​ക്ക​രുത്‌. അവർ വിശ്വാ​സ​ത്തി​ന്റെ മികച്ച മാതൃ​ക​ക​ളാ​യി​രു​ന്നു. അവർ താഴ്‌മ​യോ​ടെ തിരുത്തൽ സ്വീക​രി​ച്ചു. തെറ്റായ ധാരണ​ക​ളിൽനിന്ന്‌ ഉരുത്തി​രിഞ്ഞ ആ ചോദ്യം​പോ​ലും വാസ്‌ത​വ​ത്തിൽ അവരുടെ നല്ല മനോ​ഭാ​വ​ത്തെ​യാണ്‌ കാണി​ക്കു​ന്നത്‌. “എപ്പോ​ഴും ഉണർന്നി​രി​ക്കുക” എന്ന്‌ കൂടെ​ക്കൂ​ടെ യേശു തന്റെ അനുഗാ​മി​കളെ ഓർമി​പ്പി​ച്ചി​രു​ന്നു. (മത്താ. 24:42; 25:13; 26:41) അതിനു​ചേർച്ച​യിൽ, ആത്മീയ​മാ​യി ഉണർന്നി​രുന്ന അവർ യഹോവ നടപടി​യെ​ടു​ക്കാൻ പോകു​ന്നു​വെന്നു സൂചി​പ്പി​ക്കുന്ന തെളി​വി​നാ​യി കാത്തി​രി​ക്കു​ക​യാ​യി​രു​ന്നു. ഇന്ന്‌ നമുക്കും അതേ മനോ​ഭാ​വ​മു​ണ്ടാ​യി​രി​ക്കണം. ‘അവസാ​ന​കാ​ലം’ പാരമ്യ​ത്തി​ലെ​ത്തി​നിൽക്കുന്ന ഇക്കാലത്ത്‌ അതു സർവ​പ്ര​ധാ​ന​മാണ്‌!—2 തിമൊ. 3:1-5.

11, 12. (എ) യേശു അനുഗാ​മി​കൾക്ക്‌ എന്തു നിയമനം നൽകി? (ബി) പ്രസം​ഗ​നി​യ​മനം നൽകി​യ​തി​നോട്‌ അനുബ​ന്ധിച്ച്‌ യേശു പരിശു​ദ്ധാ​ത്മാ​വി​നെ​ക്കു​റി​ച്ചു പറഞ്ഞത്‌ ഉചിത​മാ​യി​രു​ന്നത്‌ എന്തു​കൊണ്ട്‌?

¹¹ അപ്പോ​സ്‌ത​ല​ന്മാർ ഏതു കാര്യ​ത്തി​ലാണ്‌ ശ്രദ്ധ​കേ​ന്ദ്രീ​ക​രി​ക്കേ​ണ്ട​തെന്ന്‌ യേശു അവരെ ഓർമി​പ്പി​ക്കു​ക​യു​ണ്ടാ​യി: “പരിശു​ദ്ധാ​ത്മാവ്‌ നിങ്ങളു​ടെ മേൽ വരു​മ്പോൾ നിങ്ങൾക്കു  ശക്തി കിട്ടും. അങ്ങനെ നിങ്ങൾ യരുശ​ലേ​മി​ലും യഹൂദ്യ​യിൽ എല്ലായി​ട​ത്തും ശമര്യ​യി​ലും ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും.” (പ്രവൃ. 1:8) ആദ്യം, യേശു വധിക്ക​പ്പെട്ട യരുശ​ലേ​മിൽ യേശു​വി​ന്റെ പുനരു​ത്ഥാ​ന​ത്തെ​ക്കു​റി​ച്ചുള്ള വാർത്ത ഉദ്‌ഘോ​ഷി​ക്കേ​ണ്ടി​യി​രു​ന്നു. അതിനു​ശേഷം, യഹൂദ്യ​യിൽ എല്ലായി​ട​ത്തും പിന്നെ ശമര്യ​യി​ലും തുടർന്ന്‌ മറ്റു ഭാഗങ്ങ​ളി​ലും ആ വാർത്ത അറിയി​ക്കേ​ണ്ടി​യി​രു​ന്നു.

¹² പരിശു​ദ്ധാ​ത്മാ​വി​ന്റെ സഹായ​ത്തെ​ക്കു​റിച്ച്‌ ഒരിക്കൽക്കൂ​ടി ഉറപ്പു​നൽകി​യ​ശേ​ഷ​മാണ്‌ യേശു പ്രസം​ഗ​നി​യ​മ​ന​ത്തെ​ക്കു​റി​ച്ചു പറഞ്ഞത്‌ എന്ന കാര്യം ശ്രദ്ധി​ക്കുക. പ്രവൃ​ത്തി​ക​ളു​ടെ പുസ്‌ത​ക​ത്തിൽ ‘പരിശു​ദ്ധാ​ത്മാ​വി​നെ​ക്കു​റി​ച്ചുള്ള’ പരാമർശം 40-ലേറെ പ്രാവ​ശ്യം നാം കാണുന്നു; അതി​ലൊ​ന്നാണ്‌ ഇത്‌. പരിശു​ദ്ധാ​ത്മാ​വി​ന്റെ സഹായ​മി​ല്ലാ​തെ ദൈ​വേഷ്ടം നിവർത്തി​ക്കാൻ നമുക്കാ​വി​ല്ലെന്ന്‌ ഈ ബൈബിൾ പുസ്‌തകം വീണ്ടും​വീ​ണ്ടും നമ്മെ ഓർമി​പ്പി​ക്കു​ന്നു. ആ സ്ഥിതിക്ക്‌, പരിശു​ദ്ധാ​ത്മാ​വി​നു​വേണ്ടി പതിവാ​യി പ്രാർഥി​ക്കു​ന്നത്‌ എത്ര പ്രധാ​ന​മാണ്‌! (ലൂക്കോ. 11:13) എന്നത്തെ​ക്കാ​ളു​മ​ധി​കം ഇന്ന്‌ നമുക്കത്‌ ആവശ്യ​മാണ്‌.

13. ഇന്ന്‌ ദൈവ​ജ​ന​ത്തി​നു ലഭിച്ചി​രി​ക്കുന്ന പ്രസം​ഗ​നി​യ​മനം എത്ര ബൃഹത്താണ്‌, നാം അത്‌ സർവാ​ത്മനാ സ്വീക​രി​ക്കേ​ണ്ടത്‌ എന്തു​കൊണ്ട്‌?

¹³ “ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും” എന്ന പദപ്ര​യോ​ഗ​ത്തിന്‌ ഇന്ന്‌ പുതിയ അർഥം കൈവ​ന്നി​രി​ക്കു​ക​യാണ്‌. എന്നുവ​രി​കി​ലും, യഹോ​വ​യു​ടെ സാക്ഷികൾ, സകലതരം ആളുക​ളെ​യും സന്തോ​ഷ​വാർത്ത അറിയി​ക്കാ​നുള്ള നിയമനം മനസ്സോ​ടെ ഏറ്റെടു​ത്തി​രി​ക്കു​ന്നു; കാരണം, ദൈവ​ത്തി​ന്റെ ഇഷ്ടം അതാ​ണെന്ന്‌ അവർക്ക​റി​യാം—കഴിഞ്ഞ അധ്യാ​യ​ത്തിൽ നാം അതെക്കു​റിച്ച്‌ കണ്ടിരു​ന്ന​ല്ലോ. (1 തിമൊ. 2:3, 4) എന്നാൽ നിങ്ങളു​ടെ കാര്യ​ത്തിൽ അതു സത്യമാ​ണോ? ജീവര​ക്ഷാ​ക​ര​മായ ഈ വേലയിൽ നിങ്ങൾ തിര​ക്കോ​ടെ ഏർപ്പെ​ടു​ന്നു​ണ്ടോ? ഇതി​നെ​ക്കാൾ സംതൃ​പ്‌തി​ദാ​യ​ക​മായ മറ്റൊരു വേലയില്ല! ഇതു ചെയ്യു​ന്ന​തി​നുള്ള ശക്തി യഹോവ നിങ്ങൾക്കു നൽകും. ഫലപ്ര​ദ​മാ​യ​വി​ധ​ത്തിൽ ഈ വേല ചെയ്യു​ന്ന​തിന്‌ നാം അവലം​ബി​ക്കേണ്ട രീതി​ക​ളെ​യും നമുക്ക്‌ ഉണ്ടായി​രി​ക്കേണ്ട മനോ​ഭാ​വ​ത്തെ​യും കുറിച്ച്‌ പ്രവൃ​ത്തി​ക​ളു​ടെ പുസ്‌ത​ക​ത്തിൽനിന്ന്‌ നമ്മൾ പലതും പഠിക്കും.

14, 15. (എ) ക്രിസ്‌തു​വി​ന്റെ മടങ്ങി​വ​ര​വി​നെ​ക്കു​റിച്ച്‌ ദൂതന്മാർ എന്തു പറഞ്ഞു, അവർ പറഞ്ഞതി​ന്റെ അർഥ​മെ​ന്താണ്‌? (അടിക്കു​റി​പ്പും കാണുക.) (ബി) ക്രിസ്‌തു, പോയ “വിധത്തിൽത്തന്നെ” മടങ്ങി​വന്നു എന്നു പറയു​ന്നത്‌ എന്തു​കൊണ്ട്‌?

¹⁴ യേശു സ്വർഗാ​രോ​ഹണം ചെയ്‌ത​തി​നെ​ക്കു​റിച്ച്‌ ഈ അധ്യാ​യ​ത്തി​ന്റെ തുടക്ക​ത്തിൽ നാം കണ്ടു. യേശു മേഘങ്ങൾക്കി​ട​യിൽ മറഞ്ഞി​ട്ടും, ആ 11 അപ്പോ​സ്‌ത​ല​ന്മാർ ആകാശ​ത്തേക്കു നോക്കി​ക്കൊണ്ട്‌ അവി​ടെ​ത്തന്നെ നിൽക്കു​ക​യാ​യി​രു​ന്നു. അപ്പോൾ, രണ്ടു ദൂതന്മാർ പ്രത്യ​ക്ഷ​പ്പെട്ട്‌ ശാസന കലർന്ന സ്വരത്തിൽ ഇങ്ങനെ പറഞ്ഞു: “ഗലീല​ക്കാ​രേ, നിങ്ങൾ എന്തിനാണ്‌ ആകാശ​ത്തേക്കു നോക്കി​നിൽക്കു​ന്നത്‌? നിങ്ങളു​ടെ അടുത്തു​നിന്ന്‌ ആകാശ​ത്തേക്ക്‌ എടുക്ക​പ്പെട്ട ഈ യേശു, ആകാശ​ത്തേക്കു പോകു​ന്ന​താ​യി നിങ്ങൾ കണ്ട അതേ വിധത്തിൽത്തന്നെ വരും.” (പ്രവൃ. 1:11) ചില മതങ്ങൾ പഠിപ്പി​ക്കു​ന്ന​തു​പോ​ലെ, അതേ ശരീര​ത്തിൽ യേശു മടങ്ങി​വ​രു​മെ​ന്നാ​ണോ ദൂതന്മാർ ഉദ്ദേശി​ച്ചത്‌? ഒരിക്ക​ലു​മല്ല. അത്‌ നമു​ക്കെ​ങ്ങനെ അറിയാം?

¹⁵ യേശു അതേ രൂപത്തിൽ വരു​മെന്നല്ല, പകരം “അതേ വിധത്തിൽ” വരു​മെ​ന്നാണ്‌ ദൂതന്മാർ പറഞ്ഞത്‌. b അങ്ങനെ​യെ​ങ്കിൽ, ഏതു വിധത്തി​ലാണ്‌ യേശു പോയത്‌? ദൂതന്മാർ ആ പ്രസ്‌താ​വന നടത്തു​മ്പോ​ഴേ​ക്കും യേശു അപ്രത്യ​ക്ഷ​നാ​യി​ക്ക​ഴി​ഞ്ഞി​രു​ന്നു. ഭൗമിക മണ്ഡലം വിട്ട്‌ യേശു തന്റെ സ്വർഗീയ പിതാ​വി​ന്റെ അടുക്ക​ലേക്കു പോയി എന്ന കാര്യം ഏതാനും പേർ—അതെ, യേശു​വി​ന്റെ അപ്പോ​സ്‌ത​ല​ന്മാർ—മാത്രമേ തിരി​ച്ച​റി​ഞ്ഞു​ള്ളൂ. യേശു മടങ്ങി​വ​രു​ന്ന​തും അതേ വിധത്തിൽ ആയിരി​ക്കേ​ണ്ടി​യി​രു​ന്നു. അങ്ങനെ​ത​ന്നെ​യാണ്‌ സംഭവി​ച്ച​തും. ഇന്ന്‌ ആത്മീയ ഉൾക്കാ​ഴ്‌ച​യു​ള്ളവർ മാത്ര​മാണ്‌ യേശു രാജ്യാ​ധി​കാ​ര​ത്തോ​ടെ ‘വന്നിരി​ക്കുന്ന’ കാര്യം തിരി​ച്ച​റി​യു​ന്നത്‌. (ലൂക്കോ. 17:20) യേശു​വി​ന്റെ സാന്നി​ധ്യം തിരി​ച്ച​റി​യി​ക്കുന്ന തെളിവ്‌ നാം മനസ്സി​ലാ​ക്കു​ക​യും അതി​നെ​ക്കു​റിച്ച്‌ മറ്റുള്ള​വ​രോ​ടു പറയു​ക​യും വേണം. അങ്ങനെ അവരും, നാം ജീവി​ക്കുന്ന ഈ കാലത്തി​ന്റെ അടിയ​ന്തി​രത മനസ്സി​ലാ​ക്കാ​നി​ട​യാ​കും.

16-18. (എ) ആരാധ​ന​യ്‌ക്കാ​യുള്ള ക്രിസ്‌തീയ കൂടി​വ​ര​വു​ക​ളെ​ക്കു​റിച്ച്‌ പ്രവൃ​ത്തി​കൾ 1:13, 14-ൽനിന്ന്‌ എന്തു പഠിക്കാ​നാ​കും? (ബി) യേശു​വി​ന്റെ അമ്മയായ മറിയ​യിൽനിന്ന്‌ നമുക്ക്‌ എന്തു പഠിക്കാൻ കഴിയും? (സി) ക്രിസ്‌തീയ യോഗങ്ങൾ ഇന്ന്‌ ജീവത്‌പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁶ അപ്പോ​സ്‌ത​ല​ന്മാർ യരുശ​ലേ​മി​ലേക്ക്‌ ‘വലിയ സന്തോ​ഷ​ത്തോ​ടെ മടങ്ങി​യ​തിൽ’ അതിശ​യി​ക്കാ​നില്ല. (ലൂക്കോ. 24:52) എന്നാൽ ക്രിസ്‌തു​വി​ന്റെ വഴിന​ട​ത്തി​പ്പി​നോ​ടും നിർദേ​ശ​ങ്ങ​ളോ​ടും അവർ എങ്ങനെ പ്രതി​ക​രി​ക്കു​മാ​യി​രു​ന്നു? അവർ ഒരു ‘മേൽമു​റി​യിൽ’ കൂടി​വ​ന്ന​താ​യി പ്രവൃ​ത്തി​കൾ 1:13, 14-ൽ നാം വായി​ക്കു​ന്നു. അത്തരം കൂടി​വ​ര​വു​ക​ളെ​ക്കു​റി​ച്ചുള്ള ചില വിശദാം​ശ​ങ്ങ​ളും നമുക്ക്‌ അതിൽനി​ന്നു പഠിക്കാ​നാ​കും. അക്കാലത്ത്‌ പലസ്‌തീ​നി​ലെ പല വീടു​കൾക്കും മുകളി​ലൊ​രു മുറി​യു​ണ്ടാ​യി​രു​ന്നു. അതി​ലേ​ക്കുള്ള ഗോവണി പുറത്താ​യി​രു​ന്നു. ഇവിടെ പറഞ്ഞി​രി​ക്കുന്ന “മേൽമു​റി” പ്രവൃ​ത്തി​കൾ 12:12-ൽ പരാമർശി​ച്ചി​രി​ക്കുന്ന വീടിന്റെ (മർക്കോ​സി​ന്റെ അമ്മ മറിയ​യു​ടെ വീട്‌) മുകളി​ലാ​യി​രു​ന്നോ? എന്തായി​രു​ന്നാ​ലും, ക്രിസ്‌തു​വി​ന്റെ അനുഗാ​മി​കൾക്കു കൂടി​വ​രാൻ പറ്റുന്ന ഒരു സാധാരണ സ്ഥലമാ​യി​രു​ന്നി​രി​ക്കാം അത്‌. എന്നാൽ ആരാണ്‌ അവിടെ കൂടി​വ​ന്നത്‌, അവർ എന്താണ്‌ ചെയ്‌തത്‌?

¹⁷ അപ്പോ​സ്‌ത​ല​ന്മാ​രോ പുരു​ഷ​ന്മാ​രോ മാത്രമല്ല അവിടെ കൂടി​വ​ന്നത്‌ എന്ന കാര്യം ശ്രദ്ധേ​യ​മാണ്‌. യേശു​വി​ന്റെ അമ്മ മറിയ ഉൾപ്പെടെ ‘ചില സ്‌ത്രീ​ക​ളും’ അവിടെ ഉണ്ടായി​രു​ന്നു. ബൈബി​ളിൽ മറിയ​യെ​ക്കു​റി​ച്ചുള്ള അവസാ​നത്തെ പരാമർശ​മാ​ണിത്‌. പ്രത്യേക സ്ഥാനമാ​ന​ങ്ങ​ളൊ​ന്നും പ്രതീ​ക്ഷി​ക്കാ​തെ, എളിമ​യോ​ടെ തന്റെ ആത്മീയ സഹോ​ദ​രീ​സ​ഹോ​ദ​ര​ന്മാ​രോ​ടൊ​പ്പം ആരാധ​ന​യ്‌ക്കാ​യി മറിയ​യും കൂടി​വ​ന്നി​രി​ക്കു​ന്നു. യേശു​വി​ന്റെ ജീവി​ത​കാ​ല​ത്തൊ​ന്നും യേശു​വിൽ വിശ്വ​സി​ക്കാ​തി​രുന്ന യേശു​വി​ന്റെ നാലു സഹോ​ദ​ര​ന്മാ​രും ഇപ്പോൾ അമ്മയായ മറിയ​യോ​ടൊ​പ്പ​മുണ്ട്‌. അത്‌ മറിയ​യ്‌ക്ക്‌ എത്ര പ്രോ​ത്സാ​ഹനം പകർന്നി​രി​ക്കണം! (മത്താ. 13:55; യോഹ. 7:5) യേശു മരിച്ച്‌ ഉയിർത്തെ​ഴു​ന്നേ​റ്റ​ശേ​ഷ​മാണ്‌ യേശു​വി​ന്റെ സഹോ​ദ​ര​ന്മാർ വിശ്വാ​സി​ക​ളാ​യി​ത്തീർന്നത്‌.—1 കൊരി. 15:7.

¹⁸ ആകട്ടെ, ഈ ശിഷ്യ​ന്മാർ കൂടി​വ​ന്നത്‌ എന്തിനാണ്‌? അവർ “ഒരേ മനസ്സോ​ടെ പ്രാർഥ​ന​യിൽ മുഴു​കി​യി​രു​ന്നു” എന്ന്‌ ബൈബിൾ പറയുന്നു. (പ്രവൃ. 1:14) കൂടി​വ​ര​വു​കൾ എന്നും ക്രിസ്‌തീയ ആരാധ​ന​യു​ടെ ഒരു അവിഭാ​ജ്യ ഘടകമാ​യി​രു​ന്നി​ട്ടുണ്ട്‌. പരസ്‌പരം പ്രോ​ത്സാ​ഹി​പ്പി​ക്കാ​നും പ്രബോ​ധ​ന​ങ്ങ​ളും ഉപദേ​ശ​ങ്ങ​ളും കൈ​ക്കൊ​ള്ളാ​നും അതിലു​പരി, നമ്മുടെ സ്വർഗീയ പിതാ​വായ യഹോ​വയെ ഒത്തൊ​രു​മിച്ച്‌ ആരാധി​ക്കാ​നും വേണ്ടി​യാണ്‌ നാം കൂടി​വ​രു​ന്നത്‌. ആ സമയത്തെ നമ്മുടെ പ്രാർഥ​ന​യും സ്‌തു​തി​ഗീ​ത​ങ്ങ​ളും യഹോ​വയെ അതിയാ​യി സന്തോ​ഷി​പ്പി​ക്കു​ന്നു. മാത്രമല്ല, നമ്മെ സംബന്ധി​ച്ചി​ട​ത്തോ​ളം, അത്‌ ജീവത്‌പ്ര​ധാ​ന​വു​മാണ്‌. പ്രോ​ത്സാ​ഹ​ന​മേ​കുന്ന, പവി​ത്ര​മായ ഇത്തരം കൂടി​വ​ര​വു​കൾ നമുക്ക്‌ ഒരിക്ക​ലും മുടക്കാ​തി​രി​ക്കാം.—എബ്രാ. 10:24, 25.

19-21. (എ) സഭാപ​ര​മായ കാര്യ​ങ്ങ​ളിൽ പത്രോസ്‌ സുപ്ര​ധാ​ന​മായ ഒരു പങ്കുവ​ഹി​ച്ചു എന്നതിൽനിന്ന്‌ നമുക്ക്‌ എന്തു പഠിക്കാം? (ബി) യൂദാ​സി​നു പകരം മറ്റൊ​രാ​ളെ തിര​ഞ്ഞെ​ടു​ക്കേ​ണ്ടി​വ​ന്നത്‌ എന്തു​കൊ​ണ്ടാണ്‌, ആ സാഹച​ര്യം കൈകാ​ര്യം​ചെയ്‌ത വിധത്തിൽനിന്ന്‌ നമുക്ക്‌ എന്തു പഠിക്കാ​നാ​കും?

¹⁹ ഈ ശിഷ്യ​ന്മാ​രു​ടെ മുമ്പാകെ ഇപ്പോൾ സംഘാ​ട​ന​ത്തോ​ടു ബന്ധപ്പെട്ട ഗൗരവ​മുള്ള ഒരു പ്രശ്‌നം ഉയർന്നു​വ​ന്നി​രി​ക്കു​ക​യാണ്‌. അതു കൈകാ​ര്യം ചെയ്യു​ന്ന​തിന്‌ നേതൃ​ത്വ​മെ​ടു​ക്കു​ന്നത്‌ അപ്പോ​സ്‌ത​ല​നായ പത്രോ​സാണ്‌. (15-26 വാക്യങ്ങൾ) തന്റെ കർത്താ​വി​നെ മൂന്നു വട്ടം തള്ളിപ്പറഞ്ഞ പത്രോസ്‌ ഏതാനും ആഴ്‌ച​കൾക്കു​ള്ളിൽ എത്ര മാറി​യി​രി​ക്കു​ന്നു! (മർക്കോ. 14:72) പത്രോ​സി​ന്റെ ഈ അനുഭവം തെറ്റു​ചെ​യ്യാൻ പ്രവണ​ത​യു​ള്ള​വ​രായ നമുക്കും ആശ്വാ​സ​മേ​കു​ന്നു. അതെ, യഹോവ “നല്ലവനും” യഥാർഥ പശ്ചാത്താ​പ​മു​ള്ള​വ​രോട്‌ “ക്ഷമിക്കാൻ സന്നദ്ധനും” ആണെന്ന വസ്‌തുത നമുക്ക്‌ എല്ലായ്‌പോ​ഴും മനസ്സിൽപ്പി​ടി​ക്കാം.—സങ്കീ. 86:5.

²⁰ യേശു​വി​നെ ഒറ്റി​ക്കൊ​ടുത്ത യൂദാ​സി​നു പകരം മറ്റൊ​രാൾ ആ സ്ഥാനം ഏറ്റെടു​ക്കേ​ണ്ട​തു​ണ്ടെന്ന്‌ പത്രോസ്‌ മനസ്സി​ലാ​ക്കു​ന്നു. പക്ഷേ, അത്‌ ആരായി​രി​ക്കും? യേശു​വി​ന്റെ ശുശ്രൂ​ഷ​യിൽ ഉടനീളം യേശു​വി​നോ​ടൊ​പ്പം ഉണ്ടായി​രി​ക്കു​ക​യും യേശു​വി​ന്റെ പുനരു​ത്ഥാ​ന​ത്തി​നു  സാക്ഷ്യം വഹിക്കു​ക​യും ചെയ്‌ത ഒരാളാ​യി​രി​ക്ക​ണ​മാ​യി​രു​ന്നു പുതിയ അപ്പോ​സ്‌തലൻ. (പ്രവൃ. 1:21, 22) യേശു​വി​ന്റെ പിൻവ​രുന്ന വാഗ്‌ദാ​ന​ത്തി​നു ചേർച്ച​യി​ലാ​യി​രു​ന്നു അത്‌: “എന്നെ അനുഗ​മി​ച്ചി​രി​ക്കുന്ന നിങ്ങളും 12 സിംഹാ​സ​ന​ത്തിൽ ഇരുന്ന്‌ ഇസ്രാ​യേ​ലി​ന്റെ 12 ഗോ​ത്ര​ത്തെ​യും ന്യായം വിധി​ക്കും.” (മത്താ. 19:28) യേശു​വി​ന്റെ ഭൗമിക ശുശ്രൂ​ഷ​ക്കാ​ലത്ത്‌ യേശു​വി​നെ അനുഗ​മിച്ച 12 പേർ, യേശു​വി​ന്റെ 12 അപ്പോ​സ്‌ത​ല​ന്മാർ, പുതിയ യരുശ​ലേ​മി​ന്റെ ‘12 അടിസ്ഥാ​ന​ശി​ലകൾ’ ആയിരി​ക്ക​ണ​മെന്ന്‌ യഹോവ ഉദ്ദേശി​ച്ചി​രു​ന്ന​താ​യി കാണ​പ്പെ​ടു​ന്നു. (വെളി. 21:2, 14) “അവന്റെ മേൽവി​ചാ​ര​ക​സ്ഥാ​നം മറ്റൊ​രാൾ ഏറ്റെടു​ക്കട്ടെ” എന്ന പ്രവചനം യൂദാ​സി​നെ​ക്കു​റിച്ച്‌ ഉള്ളതാ​യി​രു​ന്നു​വെന്ന്‌ മനസ്സി​ലാ​ക്കാൻ ദൈവം പത്രോ​സി​നെ സഹായി​ക്കു​ക​യാ​യി​രു​ന്നു.—സങ്കീ. 109:8.

²¹ പുതിയ അപ്പോ​സ്‌ത​ലനെ എങ്ങനെ​യാണ്‌ തിര​ഞ്ഞെ​ടു​ത്തത്‌? ബൈബിൾക്കാ​ല​ങ്ങ​ളിൽ നറുക്കി​ടു​ന്നത്‌ ഒരു സാധാരണ രീതി​യാ​യി​രു​ന്നു. ഇവി​ടെ​യും അതുത​ന്നെ​യാണ്‌ ചെയ്‌തത്‌. (സുഭാ. 16:33) എന്നാൽ നറുക്കി​ന്റെ ഇത്തരത്തി​ലുള്ള ഉപയോ​ഗ​ത്തെ​ക്കു​റിച്ച്‌ ബൈബി​ളിൽ കാണുന്ന അവസാ​നത്തെ പരാമർശ​മാ​ണിത്‌. തെളി​വ​നു​സ​രിച്ച്‌, പരിശു​ദ്ധാ​ത്മാവ്‌ പകര​പ്പെ​ട്ട​തോ​ടെ ഈ രീതി മേലാൽ ആവശ്യ​മി​ല്ലാ​താ​യി​ത്തീർന്നു. ആകട്ടെ, ഈ സാഹച​ര്യ​ത്തിൽ അപ്പോ​സ്‌ത​ല​ന്മാർ അങ്ങനെ ചെയ്‌ത​തി​ന്റെ കാരണ​മെ​ന്താ​യി​രു​ന്നു? അപ്പോ​സ്‌ത​ല​ന്മാ​രു​ടെ പ്രാർഥന ശ്രദ്ധി​ക്കുക: “എല്ലാവ​രു​ടെ​യും ഹൃദയ​ങ്ങളെ അറിയുന്ന യഹോവേ, . . . ഈ രണ്ടു പുരു​ഷ​ന്മാ​രിൽ ആരെയാണ്‌ അങ്ങ്‌ തിര​ഞ്ഞെ​ടു​ത്തി​രി​ക്കു​ന്ന​തെന്നു കാണി​ച്ചു​ത​രേ​ണമേ.” (പ്രവൃ. 1:23-25) പുതിയ അപ്പോ​സ്‌തലൻ ആരായാ​ലും അയാൾ യഹോവ തിര​ഞ്ഞെ​ടു​ക്കുന്ന ആളായി​രി​ക്കണം എന്ന്‌ അവർ ആഗ്രഹി​ച്ചു. മത്ഥിയാ​സിന്‌ നറുക്കു വീണു. അങ്ങനെ​യാണ്‌ മത്ഥിയാസ്‌ ‘12 അപ്പോ​സ്‌ത​ല​ന്മാ​രിൽ’ ഒരാളാ​യത്‌. c സാധ്യ​ത​യ​നു​സ​രിച്ച്‌, യേശു പ്രസം​ഗി​ക്കാൻ അയച്ച 70 ശിഷ്യ​ന്മാ​രിൽ ഒരാളാ​യി​രു​ന്നു മത്ഥിയാസ്‌.—പ്രവൃ. 6:2.

22, 23. ഇന്ന്‌ സഭയിൽ നേതൃ​ത്വം വഹിക്കു​ന്ന​വരെ നാം അനുസ​രി​ക്കു​ക​യും അവർക്കു കീഴ്‌പെ​ടു​ക​യും ചെയ്യേ​ണ്ടത്‌ എന്തു​കൊണ്ട്‌?

²² ദൈവ​ജ​ന​ത്തി​നി​ട​യിൽ സംഘാ​ടനം എത്ര പ്രധാ​ന​മാ​ണെന്ന്‌ നമ്മെ ഓർമി​പ്പി​ക്കു​ന്ന​താണ്‌ മേൽപ്പറഞ്ഞ സംഭവം. ഇന്നും, ക്രിസ്‌തീയ സഭയിൽ മേൽവി​ചാ​ര​ക​ന്മാ​രാ​യി സേവി​ക്കു​ന്ന​തിന്‌ പക്വത​യുള്ള പുരു​ഷ​ന്മാ​രെ തിര​ഞ്ഞെ​ടു​ക്കാ​റുണ്ട്‌. മേൽവി​ചാ​ര​ക​ന്മാർക്കു​വേണ്ട തിരു​വെ​ഴു​ത്തു യോഗ്യ​തകൾ ശ്രദ്ധാ​പൂർവം വിലയി​രു​ത്തി​യ​ശേഷം മൂപ്പന്മാർ പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പി​നാ​യി പ്രാർഥി​ക്കു​ന്നു. അതു​കൊണ്ട്‌ പരിശു​ദ്ധാ​ത്മാ​വി​നാൽ നിയമി​ക്ക​പ്പെ​ട്ട​വ​രാ​യി​ട്ടാണ്‌ അത്തരം പുരു​ഷ​ന്മാ​രെ സഭ കാണു​ന്നത്‌. അവരുടെ നേതൃ​ത്വ​ത്തിന്‌ കീഴ്‌പെ​ട്ടി​രി​ക്കു​ക​യും അവരെ അനുസ​രി​ക്കു​ക​യും ചെയ്യുക എന്നതാണ്‌ നമ്മുടെ ധർമം. അത്‌ സഭയിൽ ഐക്യ​വും സഹകര​ണ​വും ഊട്ടി​വ​ളർത്തും.—എബ്രാ. 13:17.

²³ യേശു​വി​ന്റെ പുനരു​ത്ഥാ​ന​ത്തി​നു സാക്ഷ്യം വഹിക്കു​ക​യും സംഘട​നാ​പ​ര​മായ മാറ്റങ്ങൾ നേരിൽ കാണു​ക​യും ചെയ്‌തത്‌ അടുത്ത​താ​യി നടക്കാ​നി​രുന്ന ഒരു സുപ്ര​ധാന സംഭവ​ത്തി​നാ​യി ശിഷ്യ​ന്മാ​രെ സജ്ജരാക്കി. ആ സംഭവ​ത്തെ​ക്കു​റി​ച്ചു ചർച്ച​ചെ​യ്യു​ന്ന​താണ്‌ അടുത്ത അധ്യായം.