1-3. പത്രോ​സിന്‌ എന്തു ദർശനം ലഭിച്ചു, അതിന്റെ അർഥം ഗ്രഹി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

 എ.ഡി. 36-ലെ ശരത്‌കാ​ലം. തുറമുഖ പട്ടണമായ യോപ്പ​യിൽ കടൽക്ക​ര​യി​ലുള്ള ഒരു വീടിന്റെ മുകളിൽ പത്രോസ്‌ പ്രാർഥ​നാ​നി​ര​ത​നാ​യി ഇരിക്കു​ക​യാണ്‌. അദ്ദേഹം അവിടെ എത്തിയിട്ട്‌ കുറെ ദിവസ​മാ​യി. വീട്ടു​ട​യ​വ​നായ ശിമോൻ ഒരു തോൽപ്പ​ണി​ക്കാ​ര​നാണ്‌. അങ്ങനെ​യുള്ള ഒരാളു​ടെ വീട്ടിൽ താമസി​ക്കാൻ സാധാ​ര​ണ​ഗ​തി​യിൽ ജൂതന്മാർ തയ്യാറാ​കില്ല. a ആ വീട്ടിൽ താമസി​ക്കാൻ പത്രോസ്‌ മനസ്സു​കാ​ണി​ച്ചു എന്നത്‌ സൂചി​പ്പി​ക്കു​ന്നത്‌ മറ്റു പശ്ചാത്ത​ല​ങ്ങ​ളിൽനി​ന്നു​ള്ള​വ​രോട്‌ അദ്ദേഹ​ത്തിന്‌ ഒരു പരിധി​വ​രെ​യെ​ങ്കി​ലും മുൻവി​ധി​ര​ഹി​ത​മായ ഒരു മനോ​ഭാ​വം ഉണ്ടായി​രു​ന്നു​വെ​ന്നാണ്‌. എന്നിരു​ന്നാ​ലും അവി​ടെ​യാ​യി​രി​ക്കെ, യഹോവ പക്ഷപാ​ത​മു​ള്ള​വനല്ല എന്നതി​നെ​ക്കു​റിച്ച്‌ പത്രോസ്‌ സുപ്ര​ധാ​ന​മായ ഒരു പാഠം പഠിക്കാൻ പോകു​ക​യാ​യി​രു​ന്നു.

² പത്രോസ്‌ പ്രാർഥി​ച്ചു​കൊ​ണ്ടി​രി​ക്കെ അദ്ദേഹ​ത്തിന്‌ ഒരു ദിവ്യ​ദർശ​ന​മു​ണ്ടാ​യി. അതിൽ പത്രോസ്‌ കണ്ട കാര്യങ്ങൾ ഏതൊരു ജൂത​നെ​യും അസ്വസ്ഥ​നാ​ക്കാൻപോ​ന്ന​താ​യി​രു​ന്നു. വലിയ ലിനൻവി​രി​പോ​ലുള്ള ഒരുതരം പാത്രം ആകാശ​ത്തു​നിന്ന്‌ ഇറങ്ങി​വ​രു​ന്നത്‌ പത്രോസ്‌ കണ്ടു. മോശ​യു​ടെ നിയമ​പ്ര​കാ​രം അശുദ്ധ​മെന്നു കണക്കാ​ക്കി​യി​രുന്ന ജീവി​ക​ളാ​യി​രു​ന്നു അതിലു​ണ്ടാ​യി​രു​ന്നത്‌. അവയെ അറുത്തു ഭക്ഷിക്കാൻ ഒരു ശബ്ദം പത്രോ​സി​നോട്‌ ആവശ്യ​പ്പെട്ടു. അപ്പോൾ പത്രോസ്‌, “അയ്യോ, അങ്ങനെ പറയരു​തു കർത്താവേ, മലിന​മോ അശുദ്ധ​മോ ആയ ഒന്നും ഞാൻ ഇതുവരെ കഴിച്ചി​ട്ടില്ല” എന്നു പറഞ്ഞു. എന്നാൽ “ദൈവം ശുദ്ധീ​ക​രി​ച്ച​വയെ നീ മലിന​മെന്നു വിളി​ക്ക​രുത്‌” എന്ന്‌ മൂന്നു പ്രാവ​ശ്യം ആ ശബ്ദം പത്രോ​സി​നോ​ടു പറയു​ക​യു​ണ്ടാ​യി. (പ്രവൃ. 10:14-16) ഈ ദർശന​ത്തി​ന്റെ അർഥ​മെ​ന്താ​ണെ​ന്നോർത്ത്‌ പത്രോസ്‌ ചിന്താ​പ​ര​വ​ശ​നാ​യി. എന്നാൽ പെട്ടെ​ന്നു​തന്നെ അതിന്റെ അർഥം പത്രോസ്‌ മനസ്സി​ലാ​ക്കു​മാ​യി​രു​ന്നു.

³ പത്രോസ്‌ കണ്ട ദർശന​ത്തി​ന്റെ അർഥ​മെ​ന്താ​യി​രു​ന്നു? അതു മനസ്സി​ലാ​ക്കു​ന്നത്‌ ആളുക​ളെ​ക്കു​റി​ച്ചുള്ള യഹോ​വ​യു​ടെ വീക്ഷണം അറിയാൻ നമ്മെ സഹായി​ക്കും. യഹോ​വ​യു​ടെ അതേ വീക്ഷണം ഉണ്ടായി​രു​ന്നാൽമാ​ത്രമേ സത്യ​ക്രി​സ്‌ത്യാ​നി​ക​ളെ​ന്ന​നി​ല​യിൽ ദൈവ​രാ​ജ്യ​ത്തെ​ക്കു​റി​ച്ചു സമഗ്ര​മാ​യി അറിയി​ക്കാൻ നമുക്കു സാധിക്കൂ. അതു​കൊണ്ട്‌ പത്രോ​സി​നു ലഭിച്ച ദർശന​ത്തി​ന്റെ അർഥം ഗ്രഹി​ക്കു​ന്ന​തി​നാ​യി നമുക്കി​പ്പോൾ അതി​നോ​ടു ബന്ധപ്പെ​ട്ടു​ണ്ടായ സംഭവങ്ങൾ ഒന്നു പരിചി​ന്തി​ക്കാം.

4, 5. കൊർന്നേ​ല്യൊസ്‌ ആരായി​രു​ന്നു, അദ്ദേഹം പ്രാർഥി​ച്ചു​കൊ​ണ്ടി​രി​ക്കു​മ്പോൾ എന്തു സംഭവി​ച്ചു?

⁴ യോപ്പ​യിൽനിന്ന്‌ ഏതാണ്ട്‌ 50 കിലോ​മീ​റ്റർ വടക്കുള്ള കൈസ​ര്യ​യിൽ താമസി​ച്ചി​രുന്ന കൊർന്നേ​ല്യൊ​സി​നും ഒരു ദിവ്യ​ദർശ​ന​മു​ണ്ടാ​യി. തലേദി​വസം ഉണ്ടായ ആ ദർശന​ത്തെ​ക്കു​റിച്ച്‌  പത്രോസ്‌ പക്ഷേ, അറിഞ്ഞി​രു​ന്നില്ല. റോമൻ സൈന്യ​ത്തി​ലെ ഒരു ശതാധി​പ​നാ​യി​രുന്ന കൊർന്നേ​ല്യൊസ്‌ ‘ദൈവ​ഭ​ക്തി​യുള്ള’ ഒരാളാ​യി​രു​ന്നു. b അദ്ദേഹ​ത്തി​ന്റെ ‘വീട്ടി​ലു​ള്ള​വ​രും ദൈവ​ഭയം’ ഉള്ളവരാ​യി​രു​ന്നു​വെന്നു വിവരണം പറയുന്നു. അതു കാണി​ക്കു​ന്നത്‌ കൊർന്നേ​ല്യൊസ്‌ മാതൃ​കാ​യോ​ഗ്യ​നായ ഒരു കുടും​ബ​നാ​ഥൻ ആയിരു​ന്നു​വെ​ന്നാണ്‌. കൊർന്നേ​ല്യൊസ്‌ ജൂതമ​ത​ത്തി​ലേക്കു പരിവർത്ത​നം​ചെയ്‌ത ഒരാളാ​യി​രു​ന്നില്ല, മറിച്ച്‌ പരി​ച്ഛേ​ദ​ന​യേൽക്കാത്ത ജനതക​ളിൽപ്പെട്ട ഒരാളാ​യി​രു​ന്നു. എന്നിട്ടും, കൊർന്നേ​ല്യൊസ്‌ ബുദ്ധി​മു​ട്ട​നു​ഭ​വി​ച്ചി​രുന്ന ജൂതന്മാ​രോ​ടു ദയ കാണി​ക്കു​ക​യും അവർക്കു ഭൗതിക സഹായം നൽകു​ക​യും ചെയ്‌തു. ആത്മാർഥ​ത​യുള്ള ഈ മനുഷ്യൻ ‘പതിവാ​യി ദൈവ​ത്തോട്‌ ഉള്ളുരു​കി പ്രാർഥി​ച്ചു​പോ​ന്നു.’—പ്രവൃ. 10:2.

⁵ ഉച്ചകഴിഞ്ഞ്‌ ഏതാണ്ട്‌ മൂന്നു​മ​ണി​യോ​ടെ, പ്രാർഥി​ച്ചു​കൊ​ണ്ടി​രി​ക്കു​മ്പോ​ഴാണ്‌ കൊർന്നേ​ല്യൊ​സി​നു ദർശനം ഉണ്ടാകു​ന്നത്‌. “നിന്റെ പ്രാർഥ​ന​ക​ളും ദാനധർമ​ങ്ങ​ളും ദൈവ​മു​മ്പാ​കെ എത്തി, ദൈവം നിന്നെ ഓർത്തി​രി​ക്കു​ന്നു” എന്ന്‌ ഒരു ദൂതൻ അദ്ദേഹ​ത്തോ​ടു പറയു​ക​യു​ണ്ടാ​യി. (പ്രവൃ. 10:4) ദൂതൻ നിർദേ​ശി​ച്ച​ത​നു​സ​രിച്ച്‌ പത്രോ​സി​നെ കൂട്ടി​ക്കൊ​ണ്ടു​വ​രു​ന്ന​തിന്‌ കൊർന്നേ​ല്യൊസ്‌ ചിലരെ യോപ്പ​യി​ലേക്ക്‌ അയച്ചു. പരി​ച്ഛേ​ദ​ന​യേൽക്കാത്ത ജനതക​ളിൽപ്പെ​ട്ട​വ​നെ​ന്ന​നി​ല​യിൽ കൊർന്നേ​ല്യൊ​സി​നു മുമ്പിൽ അതുവരെ അടഞ്ഞു​കി​ട​ന്നി​രുന്ന ഒരു വാതി​ലാണ്‌ ഇപ്പോൾ അദ്ദേഹ​ത്തി​നു തുറന്നു​കി​ട്ടു​മാ​യി​രു​ന്നത്‌. അതെ, വൈകാ​തെ​തന്നെ കൊർന്നേ​ല്യൊസ്‌ രക്ഷാദൂത്‌ കേൾക്കാൻ പോകു​ക​യാ​യി​രു​ന്നു.

6, 7. (എ) ദൈവ​ത്തെ​ക്കു​റി​ച്ചുള്ള സത്യം അറിയാൻ ആത്മാർഥ​മാ​യി ആഗ്രഹി​ക്കു​ന്ന​വ​രു​ടെ പ്രാർഥ​ന​യ്‌ക്ക്‌ ദൈവം ഉത്തരം നൽകു​ന്നു​വെന്നു കാണി​ക്കുന്ന ഒരു അനുഭവം പറയുക. (ബി) ഇത്തരം അനുഭ​വ​ങ്ങ​ളിൽനിന്ന്‌ നമുക്ക്‌ എന്തു മനസ്സി​ലാ​ക്കാം?

⁶ ദൈവ​ത്തെ​ക്കു​റി​ച്ചുള്ള സത്യം അറിയാൻ ആത്മാർഥ​മാ​യി ആഗ്രഹി​ക്കു​ന്ന​വ​രു​ടെ പ്രാർഥ​ന​യ്‌ക്ക്‌ ദൈവം ഇന്നും ഉത്തരം നൽകു​ന്നു​ണ്ടോ? പിൻവ​രുന്ന അനുഭവം ശ്രദ്ധി​ക്കുക: അൽബേ​നി​യ​യി​ലുള്ള ഒരു സ്‌ത്രീക്ക്‌ സാക്ഷി​ക​ളിൽനിന്ന്‌ ഒരു വീക്ഷാ​ഗോ​പു​രം മാസിക ലഭിച്ചു. കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​നെ​ക്കുറി​ച്ചുള്ള ഒരു ലേഖനം അതിൽ ഉണ്ടായി​രു​ന്നു. c തന്റെ വീട്ടിൽ വന്ന സഹോ​ദ​രി​യോട്‌ അവർ പറഞ്ഞു: “പറഞ്ഞാൽ ഒരുപക്ഷേ, വിശ്വ​സി​ക്കി​ല്ലാ​യി​രി​ക്കും, ദൈവ​മാണ്‌ നിങ്ങളെ ഇപ്പോൾ ഇങ്ങോട്ട്‌ അയച്ചത്‌! കാരണം, എന്റെ മക്കളെ നന്നായി വളർത്തി​ക്കൊ​ണ്ടു​വ​രാൻ സഹായി​ക്ക​ണ​മേ​യെന്ന്‌ ഞാൻ ദൈവ​ത്തോ​ടു പ്രാർഥി​ക്കു​ക​യാ​യി​രു​ന്നു. ഞാൻ അന്വേ​ഷി​ച്ചു​കൊ​ണ്ടി​രുന്ന അതേ വിവര​ങ്ങ​ളാണ്‌ നിങ്ങൾ എനിക്ക്‌ എത്തിച്ചു​ത​ന്നി​രി​ക്കു​ന്നത്‌.” ആ സ്‌ത്രീ​യും അവരുടെ മക്കളും പെട്ടെ​ന്നു​തന്നെ ബൈബിൾ പഠിക്കാൻ തുടങ്ങി; പിന്നീട്‌ അവരുടെ ഭർത്താ​വും അവരോ​ടൊ​പ്പം ചേർന്നു.

⁷ ഇത്‌ വെറും ഒറ്റപ്പെട്ട ഒരു സംഭവ​മാ​ണോ? അല്ല. ലോക​മെ​മ്പാ​ടും ഇത്തരം ധാരാളം അനുഭ​വങ്ങൾ ഉണ്ടാകു​ന്നുണ്ട്‌.  അതു​കൊ​ണ്ടു​തന്നെ അതിനെ വെറും യാദൃ​ച്ഛി​കം എന്നു പറഞ്ഞ്‌ എഴുതി​ത്ത​ള്ളാ​നാ​കില്ല. ഇത്തരം സംഭവങ്ങൾ ഏതു വസ്‌തു​ത​ക​ളി​ലേ​ക്കാ​ണു വിരൽചൂ​ണ്ടു​ന്നത്‌? ഒന്ന്‌, തന്നെ ആത്മാർഥ​മാ​യി അന്വേ​ഷി​ക്കു​ന്ന​വ​രു​ടെ പ്രാർഥ​ന​യ്‌ക്ക്‌ യഹോവ ഉത്തരം നൽകുന്നു. (1 രാജാ. 8:41-43; സങ്കീ. 65:2) രണ്ട്‌, നമ്മുടെ പ്രസം​ഗ​വേ​ല​യ്‌ക്ക്‌ ദൂതന്മാ​രു​ടെ പിന്തു​ണ​യുണ്ട്‌.—വെളി. 14:6, 7.

8, 9. പരിശു​ദ്ധാ​ത്മാവ്‌ പത്രോ​സിന്‌ എന്തു വെളി​പ്പെ​ടു​ത്തി​ക്കൊ​ടു​ത്തു, പത്രോസ്‌ അതി​നോട്‌ എങ്ങനെ പ്രതി​ക​രി​ച്ചു?

⁸ താൻ കണ്ട ദർശന​ത്തി​ന്റെ അർഥ​ത്തെ​ക്കു​റിച്ച്‌ “പത്രോ​സിന്‌ ഒരു എത്തും പിടി​യും” കിട്ടാതെ ഇരിക്കു​മ്പോ​ഴാണ്‌ കൊർന്നേ​ല്യൊസ്‌ അയച്ച ആളുകൾ അവിടെ എത്തുന്നത്‌. (പ്രവൃ. 10:17) മോശ​യു​ടെ നിയമം അശുദ്ധ​മെന്നു കണക്കാ​ക്കി​യി​രുന്ന ഭക്ഷണം കഴിക്കു​ക​യി​ല്ലെന്നു മൂന്നു തവണ ആവർത്തിച്ച പത്രോസ്‌ ഇപ്പോൾ അവരോ​ടൊ​പ്പം ജനതക​ളിൽപ്പെട്ട ഒരാളു​ടെ വീട്ടി​ലേക്കു പോകു​മോ? എന്തായാ​ലും, ഇതു സംബന്ധിച്ച ദൈ​വേഷ്ടം എന്താ​ണെന്ന്‌ പരിശു​ദ്ധാ​ത്മാവ്‌ പത്രോ​സി​നു വെളി​പ്പെ​ടു​ത്തി​ക്കൊ​ടു​ത്തു. “അതാ, നിന്നെ അന്വേ​ഷിച്ച്‌ മൂന്നു പേർ വന്നിരി​ക്കു​ന്നു. താഴേക്കു ചെന്ന്‌ ഒട്ടും മടിക്കാ​തെ അവരു​ടെ​കൂ​ടെ പോകുക. ഞാനാണ്‌ അവരെ അയച്ചത്‌” എന്ന്‌ പരിശു​ദ്ധാ​ത്മാവ്‌ പത്രോ​സി​നോ​ടു പറഞ്ഞു. (പ്രവൃ. 10:19, 20) പത്രോസ്‌ കണ്ട ആ ദർശനം, പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പി​നു ചേർച്ച​യിൽ പ്രവർത്തി​ക്കാൻ അദ്ദേഹത്തെ മാനസി​ക​മാ​യി ഒരുക്കി എന്നതിനു സംശയ​മില്ല.

⁹ തന്നെ കൂട്ടി​ക്കൊ​ണ്ടു​വ​രു​ന്ന​തിന്‌ കൊർന്നേ​ല്യൊസ്‌ ആളെ അയച്ചി​രി​ക്കു​ന്നത്‌ ദിവ്യ​നിർദേ​ശ​പ്ര​കാ​ര​മാ​ണെന്നു മനസ്സി​ലാ​ക്കിയ പത്രോസ്‌ ജനതക​ളിൽപ്പെട്ട ആ പുരു​ഷ​ന്മാ​രെ അകത്തേക്കു ക്ഷണിച്ച്‌ “അതിഥി​ക​ളാ​യി” താമസി​പ്പി​ച്ചു. (പ്രവൃ. 10:23എ) ദൈ​വേ​ഷ്ട​ത്തെ​ക്കു​റി​ച്ചു മനസ്സി​ലാ​ക്കിയ കാര്യ​ങ്ങൾക്കു ചേർച്ച​യിൽ പത്രോസ്‌ തന്റെ ചിന്താ​ഗ​തിക്ക്‌ അപ്പോൾത്തന്നെ മാറ്റം വരുത്താൻ തുടങ്ങി​യി​രു​ന്നു​വെ​ന്നാണ്‌ അതു കാണി​ക്കു​ന്നത്‌.

10. യഹോവ തന്റെ ജനത്തെ നയിക്കു​ന്നത്‌ എങ്ങനെ, ഏതെല്ലാം ചോദ്യ​ങ്ങൾ നമുക്കു നമ്മോ​ടു​തന്നെ ചോദി​ക്കാ​വു​ന്ന​താണ്‌?

¹⁰ ഇന്നും ക്രമാ​നു​ഗ​ത​മാ​യി കാര്യങ്ങൾ വെളി​പ്പെ​ടു​ത്തി​ക്കൊ​ടു​ത്തു​കൊ​ണ്ടാണ്‌ യഹോവ തന്റെ ജനത്തെ നയിക്കു​ന്നത്‌. (സുഭാ. 4:18) യഹോവ തന്റെ പരിശു​ദ്ധാ​ത്മാ​വു​മു​ഖാ​ന്തരം ‘വിശ്വ​സ്‌ത​നും വിവേ​കി​യും ആയ അടിമയെ’ നയിച്ചു​കൊ​ണ്ടി​രി​ക്കു​ന്നു. (മത്താ. 24:45) തിരു​വെ​ഴു​ത്തു ഗ്രാഹ്യ​ത്തി​ലെ പൊരു​ത്ത​പ്പെ​ടു​ത്ത​ലു​ക​ളെ​യും സംഘട​നാ​പ​ര​മായ ക്രമീ​ക​ര​ണ​ങ്ങ​ളി​ലെ മാറ്റങ്ങ​ളെ​യും കുറിച്ച്‌ അവർ നമ്മെ അറിയി​ക്കു​മ്പോൾ നമുക്കു നമ്മോ​ടു​തന്നെ പിൻവ​രുന്ന ചോദ്യ​ങ്ങൾ ചോദി​ക്കാ​വു​ന്ന​താണ്‌: ‘ഇത്തരം പൊരു​ത്ത​പ്പെ​ടു​ത്ത​ലു​ക​ളോട്‌ ഞാൻ എങ്ങനെ പ്രതി​ക​രി​ക്കു​ന്നു? ഇത്തരം കാര്യങ്ങൾ സംബന്ധിച്ച പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പിന്‌ ഞാൻ കീഴ്‌പെ​ടു​ന്നു​ണ്ടോ?’

11, 12. കൈസ​ര്യ​യിൽ എത്തിയ പത്രോസ്‌ എന്തു ചെയ്‌തു, പത്രോസ്‌ അതി​നോ​ടകം എന്തു മനസ്സി​ലാ​ക്കി​യി​രു​ന്നു?

¹¹ പത്രോ​സിന്‌ ദർശനം ലഭിച്ച​തി​ന്റെ പിറ്റേന്ന്‌ അദ്ദേഹ​വും കൊർന്നേ​ല്യൊസ്‌ അയച്ച മൂന്നു പുരു​ഷ​ന്മാ​രും യോപ്പ​യിൽനി​ന്നുള്ള “ആറു (ജൂത) സഹോ​ദ​ര​ന്മാ​രും” കൈസ​ര്യ​യി​ലേക്കു യാത്ര​യാ​യി. (പ്രവൃ. 11:12) ജനതക​ളിൽപ്പെട്ട തന്റെ “ബന്ധുക്ക​ളെ​യും ഉറ്റ സുഹൃ​ത്തു​ക്ക​ളെ​യും” വിളി​ച്ചു​കൂ​ട്ടി കൊർന്നേ​ല്യൊസ്‌ അവർക്കാ​യി കാത്തി​രി​ക്കു​ക​യാ​യി​രു​ന്നു. (പ്രവൃ. 10:24) അവിടെ എത്തിയ പത്രോസ്‌ പരി​ച്ഛേ​ദ​ന​യേൽക്കാത്ത, ജനതക​ളിൽപ്പെട്ട ആ വ്യക്തി​യു​ടെ വീട്ടിൽ പ്രവേ​ശി​ച്ചു! പത്രോ​സി​നെ സംബന്ധി​ച്ചി​ട​ത്തോ​ളം മുമ്പൊ​രി​ക്ക​ലും ചിന്തി​ക്കാൻപോ​ലും കഴിയാത്ത ഒരു കാര്യ​മാ​യി​രു​ന്നു അത്‌. പത്രോസ്‌ വിശദീ​ക​രി​ച്ചു: “ഒരു ജൂതൻ അന്യജാ​തി​ക്കാ​രന്റെ അടുത്ത്‌ ചെല്ലു​ന്ന​തും അയാ​ളോട്‌ അടുത്ത്‌ ഇടപഴ​കു​ന്ന​തും ഞങ്ങളുടെ നിയമ​ത്തി​നു വിരു​ദ്ധ​മാ​ണെന്നു നിങ്ങൾക്കു നന്നായി അറിയാ​മ​ല്ലോ; എന്നാൽ ഞാൻ ഒരാ​ളെ​യും മലിന​നെ​ന്നോ അശുദ്ധ​നെ​ന്നോ വിളി​ക്ക​രു​തെന്നു ദൈവം എനിക്കു കാണി​ച്ചു​ത​ന്നി​രി​ക്കു​ന്നു.” (പ്രവൃ. 10:28) തനിക്കു ലഭിച്ച ദർശന​ത്തെ​ക്കു​റിച്ച്‌ പത്രോ​സിന്‌ അപ്പോ​ഴേ​ക്കും വ്യക്തമായ ഒരു ധാരണ ലഭിച്ചി​രു​ന്നു: അത്‌ വെറും  ഭക്ഷ്യവ​സ്‌തു​ക്ക​ളെ​ക്കു​റി​ച്ചു​ള്ള​താ​യി​രു​ന്നില്ല, അതിൽക്ക​വിഞ്ഞ ഒരു കാര്യം പഠിപ്പി​ക്കാൻ ഉദ്ദേശി​ച്ചു​ള്ള​താ​യി​രു​ന്നു. ‘ഒരാ​ളെ​യും (ജനതക​ളിൽപ്പെ​ട്ട​വ​നെ​പ്പോ​ലും) മലിന​നാ​യി’ കണക്കാ​ക്ക​രുത്‌ എന്നുള്ള​താ​യി​രു​ന്നു ആ പാഠം.

¹² പത്രോസ്‌ പറയു​ന്നതു കേൾക്കാ​നാ​യി ആകാം​ക്ഷ​യോ​ടെ കാത്തി​രി​ക്കു​ക​യാ​യി​രു​ന്നു അവിടെ കൂടി​യി​രു​ന്നവർ. “പറയാൻ യഹോവ അങ്ങയോ​ടു കല്‌പി​ച്ചി​രി​ക്കുന്ന കാര്യങ്ങൾ കേൾക്കാ​നാ​യി ഞങ്ങൾ ഇപ്പോൾ ദൈവ​മു​മ്പാ​കെ കൂടി​വ​ന്നി​രി​ക്കു​ക​യാണ്‌,” കൊർന്നേ​ല്യൊസ്‌ പത്രോ​സി​നോ​ടു പറഞ്ഞു. (പ്രവൃ. 10:33) ഒരു താത്‌പ​ര്യ​ക്കാ​രൻ അങ്ങനെ പറഞ്ഞു​കേ​ട്ടാൽ എത്ര സന്തോഷം തോന്നും, അല്ലേ? ശക്തമായ ഒരു പ്രസ്‌താ​വ​ന​യോ​ടെ പത്രോസ്‌ തന്റെ പ്രഭാ​ഷണം ആരംഭി​ച്ചു: “ദൈവം പക്ഷപാ​ത​മു​ള്ള​വ​ന​ല്ലെന്ന്‌ എനിക്ക്‌ ഇപ്പോൾ ശരിക്കും മനസ്സി​ലാ​യി. ഏതു ജനതയിൽപ്പെട്ട ആളാ​ണെ​ങ്കി​ലും, ദൈവത്തെ ഭയപ്പെട്ട്‌ ശരിയാ​യതു പ്രവർത്തി​ക്കുന്ന മനുഷ്യ​നെ ദൈവം അംഗീ​ക​രി​ക്കു​ന്നു.” (പ്രവൃ. 10:34, 35) അതെ, ദൈവം ഒരുവനെ എങ്ങനെ വീക്ഷി​ക്കു​ന്നു​വെന്നു നിർണ​യി​ക്കു​ന്നത്‌ വർഗമോ ദേശമോ മറ്റേ​തെ​ങ്കി​ലും ബാഹ്യ​ഘ​ട​ക​ങ്ങ​ളോ അല്ലെന്ന്‌ പത്രോസ്‌ അതി​നോ​ടകം മനസ്സി​ലാ​ക്കി​യി​രു​ന്നു. പത്രോസ്‌ തുടർന്ന്‌, യേശു​വി​ന്റെ ശുശ്രൂ​ഷ​യെ​യും മരണ​ത്തെ​യും പുനരു​ത്ഥാ​ന​ത്തെ​യും കുറിച്ച്‌ അവരോ​ടു സാക്ഷീ​ക​രി​ക്കാൻ തുടങ്ങി.

13, 14. (എ) എ.ഡി. 36-ലെ, കൊർന്നേ​ല്യൊ​സി​ന്റെ​യും ജനതക​ളിൽപ്പെട്ട മറ്റുള്ള​വ​രു​ടെ​യും പരിവർത്തനം എന്തർഥ​മാ​ക്കി? (ബി) ബാഹ്യ​ഘ​ട​ക​ങ്ങ​ളു​ടെ അടിസ്ഥാ​ന​ത്തിൽ നാം ആളുകളെ വിധി​ക്ക​രു​താ​ത്തത്‌ എന്തു​കൊണ്ട്‌?

¹³ മുമ്പൊ​രി​ക്ക​ലും നടന്നി​ട്ടി​ല്ലാത്ത ഒരു കാര്യം അപ്പോൾ സംഭവി​ച്ചു: “പത്രോസ്‌ ഈ കാര്യങ്ങൾ പറഞ്ഞു​കൊ​ണ്ടി​രി​ക്കു​മ്പോൾത്തന്നെ” ‘ജനതക​ളിൽപ്പെട്ട’ ആ വ്യക്തി​ക​ളു​ടെ മേൽ പരിശു​ദ്ധാ​ത്മാവ്‌ പകര​പ്പെട്ടു. (പ്രവൃ. 10:44, 45) സ്‌നാ​ന​മേൽക്കു​ന്ന​തി​നു​മുമ്പ്‌ പരിശു​ദ്ധാ​ത്മാവ്‌ ലഭിക്കു​ന്നതു സംബന്ധിച്ച്‌ തിരു​വെ​ഴു​ത്തു​ക​ളിൽ കാണുന്ന ഒരേ​യൊ​രു പരാമർശ​മാ​ണിത്‌. ദൈവാം​ഗീ​കാ​ര​ത്തി​ന്റെ അടയാ​ള​മാ​ണി​തെന്നു തിരി​ച്ച​റിഞ്ഞ പത്രോസ്‌, ‘അവരെ (അവിടെ കൂടി​യി​രുന്ന ജനതക​ളിൽപ്പെ​ട്ട​വരെ) സ്‌നാ​ന​പ്പെ​ടു​ത്താൻ കല്പിച്ചു.’ (പ്രവൃ. 10:48) ജൂതന്മാർക്കുള്ള പ്രത്യേക പ്രീതി​യു​ടെ കാലം അവസാ​നി​ച്ചെന്ന്‌ എ.ഡി. 36-ലെ ജനതക​ളിൽപ്പെ​ട്ട​വ​രു​ടെ ഈ പരിവർത്തനം തെളി​യി​ച്ചു. (ദാനി. 9:24-27) ഈ പ്രത്യേക സന്ദർഭ​ത്തിൽ സാക്ഷീ​ക​രി​ക്കു​ന്ന​തി​നു നേതൃ​ത്വം വഹിച്ചു​കൊണ്ട്‌ പത്രോസ്‌ മൂന്നാ​മ​ത്തേ​തും അവസാ​ന​ത്തേ​തു​മായ ‘രാജ്യ​ത്തി​ന്റെ താക്കോൽ’ ഉപയോ​ഗി​ച്ചു. (മത്താ. 16:19) പരി​ച്ഛേ​ദ​ന​യേൽക്കാത്ത ജനതക​ളിൽപ്പെ​ട്ട​വർക്ക്‌ ആത്മാഭി​ഷിക്ത ക്രിസ്‌ത്യാ​നി​ക​ളാ​കാ​നുള്ള അവസരം അതിലൂ​ടെ തുറന്നു​കി​ട്ടി.

¹⁴ “ദൈവ​ത്തി​നു പക്ഷപാ​ത​മില്ല” എന്ന കാര്യം രാജ്യ​ഘോ​ഷ​ക​രായ നാമും തിരി​ച്ച​റി​യു​ന്നു. (റോമ. 2:11) ‘എല്ലാ തരം ആളുകൾക്കും രക്ഷ കിട്ടണ​മെ​ന്ന​താണ്‌’ ദൈ​വേഷ്ടം. (1 തിമൊ. 2:4) അതു​കൊണ്ട്‌ ബാഹ്യ​ഘ​ട​ക​ങ്ങ​ളു​ടെ അടിസ്ഥാ​ന​ത്തിൽ നാം ആരെയും വിധി​ക്ക​രുത്‌. വർഗമോ ദേശമോ രൂപമോ മതപശ്ചാ​ത്ത​ല​മോ ഒന്നും കണക്കി​ലെ​ടു​ക്കാ​തെ എല്ലാവ​രോ​ടും നാം പ്രസം​ഗി​ക്കേ​ണ്ട​തുണ്ട്‌. അതെ, ദൈവ​രാ​ജ്യ​ത്തെ​ക്കു​റി​ച്ചു സമഗ്ര​മാ​യി അറിയി​ക്കുക എന്നതാണ്‌ നമ്മുടെ നിയോ​ഗം.

15, 16. ജൂത പശ്ചാത്ത​ല​ത്തിൽനി​ന്നുള്ള ചില ക്രിസ്‌ത്യാ​നി​കൾ പത്രോ​സി​നെ വിമർശി​ച്ചത്‌ എന്തു​കൊണ്ട്‌, അതി​നെ​തി​രെ പത്രോസ്‌ എന്തെല്ലാം വാദങ്ങൾ നിരത്തി?

¹⁵ സംഭവിച്ച കാര്യ​ങ്ങ​ളെ​ക്കു​റിച്ച്‌ എത്രയും വേഗം യരുശ​ലേ​മി​ലെ ഭരണസം​ഘത്തെ അറിയി​ക്കു​ന്ന​തിന്‌ പത്രോസ്‌ അങ്ങോട്ടു യാത്ര​യാ​യി. എന്നാൽ പത്രോസ്‌ അവിടെ എത്തുന്ന​തി​നു​മു​മ്പു​തന്നെ, പരി​ച്ഛേ​ദ​ന​യേൽക്കാത്ത ജനതക​ളിൽപ്പെ​ട്ടവർ “ദൈവ​വ​ചനം സ്വീക​രി​ച്ചെന്ന” വാർത്ത അവി​ടെ​യു​ള്ളവർ അറിഞ്ഞി​രു​ന്നു​വെന്നു വ്യക്തം. പത്രോസ്‌ അവി​ടെ​യെ​ത്തിയ ഉടനെ “പരി​ച്ഛേ​ദ​നയെ അനുകൂ​ലി​ച്ചി​രു​ന്നവർ” വിമർശ​ന​വു​മാ​യി രംഗ​ത്തെത്തി. പത്രോസ്‌ ജനതക​ളിൽപ്പെ​ട്ട​വ​രു​ടെ ‘വീട്ടിൽ പോയി അവരോ​ടൊ​പ്പം ഭക്ഷണം കഴിച്ചത്‌’ അവർക്കു തീരെ ഉൾക്കൊ​ള്ളാ​നാ​യില്ല. (പ്രവൃ. 11:1-3) ജനതക​ളിൽപ്പെ​ട്ട​വർക്ക്‌ ക്രിസ്‌തു​വി​ന്റെ അനുഗാ​മി​ക​ളാ​യി​ത്തീ​രാൻ കഴിയു​മോ എന്നത്‌ അവർക്കൊ​രു വിഷയ​മാ​യി​രു​ന്നില്ല. യഹോ​വയെ സ്വീകാ​ര്യ​മാ​യി ആരാധി​ക്കു​ന്ന​തിന്‌  ജനതക​ളിൽപ്പെ​ട്ടവർ പരി​ച്ഛേ​ദ​ന​യുൾപ്പെ​ടെ​യുള്ള മോശ​യു​ടെ നിയമം അനുസ​രി​ക്കണം എന്ന കാര്യ​ത്തി​ലാണ്‌ ജൂത പശ്ചാത്ത​ല​ത്തിൽനി​ന്നുള്ള ആ ശിഷ്യ​ന്മാർ നിർബ​ന്ധം​പി​ടി​ച്ചത്‌. മോശ​യു​ടെ നിയമം നീക്കം​ചെ​യ്യ​പ്പെ​ട്ടു​വെന്ന്‌ അംഗീ​ക​രി​ക്കാൻ അവർക്കു ബുദ്ധി​മു​ട്ടാ​യി​രു​ന്നു.

¹⁶ എന്നാൽ താൻ അങ്ങനെ ചെയ്‌ത​തി​ന്റെ കാരണം പത്രോസ്‌ വിശദീ​ക​രി​ച്ചു. പ്രവൃ​ത്തി​കൾ 11:4-16-ൽ നാം കാണു​ന്ന​തു​പോ​ലെ, ദിവ്യ​വ​ഴി​ന​ട​ത്തി​പ്പി​ന്റെ തെളി​വെ​ന്ന​നി​ല​യിൽ നാലു കാര്യങ്ങൾ പത്രോസ്‌ ചൂണ്ടി​ക്കാ​ട്ടി: (1) തനിക്കു ദിവ്യ​ദർശനം ലഭിച്ചത്‌ (4-10 വാക്യങ്ങൾ); (2) പരിശു​ദ്ധാ​ത്മാവ്‌ നിർദേശം നൽകി​യത്‌ (11, 12 വാക്യങ്ങൾ); (3) ദൂതൻ കൊർന്നേ​ല്യൊ​സി​നെ സന്ദർശി​ച്ചത്‌ (13, 14 വാക്യങ്ങൾ); (4)  ജനതക​ളിൽപ്പെ​ട്ട​വർക്കു പരിശു​ദ്ധാ​ത്മാവ്‌ ലഭിച്ചത്‌. (15, 16 വാക്യങ്ങൾ) തുടർന്ന്‌ വിമർശ​ക​രു​ടെ വായട​പ്പി​ക്കാൻപോന്ന ഒരു ചോദ്യ​ത്തോ​ടെ പത്രോസ്‌ തന്റെ വാദം ഉപസം​ഹ​രി​ച്ചു: “കർത്താ​വായ യേശു​ക്രി​സ്‌തു​വിൽ വിശ്വ​സി​ക്കുന്ന നമുക്കു നൽകിയ അതേ സമ്മാനം​തന്നെ ദൈവം അവർക്കും നൽകി​യെ​ങ്കിൽ, ദൈവത്തെ തടയാൻ ഞാൻ ആരാണ്‌?”—പ്രവൃ. 11:17.

17, 18. (എ) പത്രോ​സി​ന്റെ വാദം കേട്ട ജൂത ക്രിസ്‌ത്യാ​നി​കൾ നിർണാ​യ​ക​മായ ഏതു തീരു​മാ​ന​മെ​ടു​ക്കാൻ നിർബ​ന്ധി​ത​രാ​യി? (ബി) സഭയുടെ ഐക്യം കാത്തു​സൂ​ക്ഷി​ക്കു​ന്നത്‌ ഒരു വെല്ലു​വി​ളി​യാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌, നമുക്കു നമ്മോ​ടു​തന്നെ ഏതെല്ലാം ചോദ്യ​ങ്ങൾ ചോദി​ക്കാം?

¹⁷ പത്രോ​സി​ന്റെ വാദം കേട്ട ആ ജൂത ക്രിസ്‌ത്യാ​നി​കൾ നിർണാ​യ​ക​മായ ഒരു തീരു​മാ​ന​മെ​ടു​ക്കാൻ നിർബ​ന്ധി​ത​രാ​യി. അവർ തങ്ങളുടെ മുൻവി​ധി ഉപേക്ഷി​ക്കു​ക​യും പുതു​താ​യി സ്‌നാ​ന​മേറ്റ ജനതക​ളിൽപ്പെ​ട്ട​വരെ സഹക്രി​സ്‌ത്യാ​നി​ക​ളാ​യി അംഗീ​ക​രി​ക്കു​ക​യും ചെയ്യു​മോ എന്നതാ​യി​രു​ന്നു അത്‌. അവരുടെ പ്രതി​ക​ര​ണ​ത്തെ​ക്കു​റിച്ച്‌ വിവരണം പറയുന്നു: “ഈ കാര്യങ്ങൾ കേട്ട​പ്പോൾ അവർ (അപ്പോ​സ്‌ത​ല​ന്മാ​രും മറ്റ്‌ ജൂത ക്രിസ്‌ത്യാ​നി​ക​ളും) പത്രോ​സി​നെ വിമർശി​ക്കു​ന്നതു നിറുത്തി. ‘ജനതക​ളിൽപ്പെ​ട്ട​വർക്കും ജീവൻ ലഭിക്കാൻവേണ്ടി, അവർക്കു മാനസാ​ന്ത​ര​പ്പെ​ടാൻ ദൈവം അവസരം നൽകി​യി​രി​ക്കു​ന്നു’ എന്നു പറഞ്ഞ്‌ അവർ ദൈവത്തെ മഹത്ത്വ​പ്പെ​ടു​ത്തി.” (പ്രവൃ. 11:18) അവരുടെ ആ ക്രിയാ​ത്മക മനോ​ഭാ​വം സഭയുടെ ഐക്യം കാത്തു​സൂ​ക്ഷി​ച്ചു.

¹⁸ സഭയുടെ ഐക്യം കാത്തു​സൂ​ക്ഷി​ക്കു​ന്നത്‌ ഇന്നും ഒരു വെല്ലു​വി​ളി​യാ​യി​രു​ന്നേ​ക്കാം; കാരണം, പല ‘ജനതക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും നിന്നു​ള്ള​വ​രാണ്‌’ സത്യാ​രാ​ധകർ. (വെളി. 7:9) വ്യത്യസ്‌ത വർഗങ്ങ​ളിൽനി​ന്നും സംസ്‌കാ​ര​ങ്ങ​ളിൽനി​ന്നും പശ്ചാത്ത​ല​ങ്ങ​ളിൽനി​ന്നും ഉള്ള ആളുകളെ നമുക്കു പല സഭകളി​ലും കാണാ​നാ​കും. അതു​കൊണ്ട്‌ നമുക്ക്‌ നമ്മോ​ടു​തന്നെ ഇങ്ങനെ ചോദി​ക്കാം: ‘ഞാൻ മനസ്സിൽനി​ന്നും മുൻവി​ധി​കൾ പൂർണ​മാ​യി പിഴു​തെ​റി​ഞ്ഞി​ട്ടു​ണ്ടോ? ലോക​ത്തിൽ ഇന്നു പ്രബല​മാ​യി​രി​ക്കുന്ന വിഭാ​ഗീയ ചിന്താ​ഗ​തി​കൾ—ദേശം, സംസ്‌കാ​രം, വർഗം, വർണം എന്നിവ​യു​ടെ അടിസ്ഥാ​ന​ത്തി​ലു​ള്ളവ—ക്രിസ്‌തീയ സഹോ​ദ​ര​ങ്ങ​ളോട്‌ ഇടപെ​ടുന്ന വിധത്തെ സ്വാധീ​നി​ക്കാൻ അനുവ​ദി​ക്കു​ക​യി​ല്ലെന്ന്‌ ഞാൻ തീരു​മാ​നി​ച്ചു​റ​ച്ചി​ട്ടു​ണ്ടോ?’ ജനതക​ളിൽപ്പെ​ട്ട​വ​രിൽനിന്ന്‌ ആദ്യമാ​യി ചിലർ ക്രിസ്‌തു​ശി​ഷ്യ​രാ​യി​ത്തീർന്ന്‌ ഏതാനും വർഷങ്ങൾക്കു​ശേഷം പത്രോ​സി​നു​തന്നെ (കേഫ) സംഭവി​ച്ചത്‌ എന്താ​ണെന്നു നോക്കുക. ജൂത പശ്ചാത്ത​ല​ത്തിൽനി​ന്നുള്ള ചിലരു​ടെ മുൻവി​ധി പത്രോ​സി​നെ​യും സ്വാധീ​നി​ച്ചു. അങ്ങനെ  പത്രോസ്‌ ജനതക​ളിൽപ്പെട്ട ക്രിസ്‌ത്യാ​നി​ക​ളിൽനിന്ന്‌ ‘അകലം പാലി​ക്കു​ക​യും’ ഒടുവിൽ പൗലോ​സിന്‌ അദ്ദേഹത്തെ തിരു​ത്തേ​ണ്ടി​വ​രു​ക​യും ചെയ്‌തു. (ഗലാ. 2:11-14) മുൻവി​ധി​യു​ടേ​തായ ഒരു മനോ​ഭാ​വം നമ്മിൽ വളർന്നു​വ​രാ​തെ നാം സദാ ജാഗ്ര​ത​യു​ള്ള​വ​രാ​യി​രി​ക്കണം എന്നല്ലേ ഇതു കാണി​ക്കു​ന്നത്‌?

19. അന്ത്യോ​ക്യ​യി​ലെ ജൂത ക്രിസ്‌ത്യാ​നി​കൾ ആരോടു സാക്ഷീ​ക​രി​ച്ചു, അതിന്റെ ഫലമെ​ന്താ​യി​രു​ന്നു?

¹⁹ യേശു​വി​ന്റെ ഒന്നാം നൂറ്റാ​ണ്ടി​ലെ അനുഗാ​മി​കൾ പരി​ച്ഛേ​ദ​ന​യേൽക്കാത്ത ജനതക​ളിൽപ്പെ​ട്ട​വ​രോ​ടു പ്രസം​ഗി​ക്കാൻ തയ്യാറാ​യോ? സിറി​യ​യി​ലെ അന്ത്യോ​ക്യ​യിൽ സംഭവി​ച്ചത്‌ എന്താ​ണെന്നു നോക്കാം. d വളരെ​യ​ധി​കം ജൂതന്മാ​രുള്ള ഒരു പട്ടണമാ​യി​രു​ന്നു അത്‌. ജൂതന്മാർക്കും ജനതക​ളിൽപ്പെ​ട്ട​വർക്കും ഇടയിൽ കാര്യ​മായ പ്രശ്‌ന​ങ്ങ​ളൊ​ന്നും ഉണ്ടായി​രു​ന്നു​മില്ല. ജനതക​ളിൽപ്പെ​ട്ട​വ​രോ​ടു പ്രസം​ഗി​ക്കു​ന്ന​തിന്‌ തികച്ചും അനുകൂ​ല​മായ ഒരു സ്ഥിതി​വി​ശേഷം! അങ്ങനെ, ജൂത പശ്ചാത്ത​ല​ത്തിൽനി​ന്നുള്ള ചില ശിഷ്യ​ന്മാർ ആദ്യമാ​യി “ഗ്രീക്ക്‌ ഭാഷ സംസാ​രി​ക്കു​ന്ന​വ​രോ​ടു” സന്തോ​ഷ​വാർത്ത ഘോഷി​ക്കാൻ തുടങ്ങി. (പ്രവൃ. 11:20) ഗ്രീക്ക്‌ ഭാഷ സംസാ​രി​ക്കുന്ന ജൂതന്മാ​രോ​ടു മാത്രമല്ല, പരി​ച്ഛേ​ദ​ന​യേൽക്കാത്ത ജനതക​ളിൽപ്പെ​ട്ട​വ​രോ​ടും അവർ സാക്ഷീ​ക​രി​ച്ചു. യഹോവ അവരുടെ വേലയെ അനു​ഗ്ര​ഹി​ച്ചു. “അനേകം ആളുകൾ വിശ്വാ​സി​ക​ളാ​യി​ത്തീർന്നു, അവർ കർത്താ​വി​ലേക്കു തിരിഞ്ഞു.”—പ്രവൃ. 11:21.

20, 21. ബർന്നബാസ്‌ തന്റെ പരിമി​തി തിരി​ച്ച​റി​ഞ്ഞു പ്രവർത്തി​ച്ചത്‌ എങ്ങനെ, അദ്ദേഹത്തെ അനുക​രി​ച്ചു​കൊണ്ട്‌ ശുശ്രൂ​ഷ​യിൽ നമുക്ക്‌ എങ്ങനെ എളിമ കാണി​ക്കാം?

²⁰ അന്ത്യോ​ക്യ​യി​ലെ വിളഞ്ഞു പാകമാ​യി​രുന്ന ഈ വയലി​ലേക്ക്‌ യരുശ​ലേ​മി​ലെ സഭ ബർന്നബാ​സി​നെ അയച്ചു. എന്നാൽ അവിടെ താത്‌പ​ര്യ​ക്കാർ ധാരാളം ഉണ്ടായി​രു​ന്ന​തു​കൊണ്ട്‌ അദ്ദേഹ​ത്തിന്‌ ഒറ്റയ്‌ക്ക്‌ അവരുടെ കാര്യ​ത്തിൽ ശ്രദ്ധി​ക്കാൻ കഴിയു​മാ​യി​രു​ന്നില്ല. ഈ സാഹച​ര്യ​ത്തിൽ, ബർന്നബാ​സി​നെ സഹായി​ക്കാൻ ജനതക​ളു​ടെ അപ്പോ​സ്‌തലൻ എന്നു പിൽക്കാ​ലത്ത്‌ അറിയ​പ്പെട്ട ശൗലി​നെ​ക്കാൾ അനു​യോ​ജ്യ​നായ മറ്റൊ​രാൾ ഇല്ലായി​രു​ന്നു എന്നതാണ്‌ വാസ്‌തവം. (പ്രവൃ. 9:15; റോമ. 1:5) എന്നാൽ ശൗലി​നോ​ടുള്ള ബർന്നബാ​സി​ന്റെ മനോ​ഭാ​വം എന്തായി​രു​ന്നു? ശൗൽ തനി​ക്കൊ​രു ഭീഷണി​യാ​യി​ത്തീ​രു​മെന്ന്‌ അദ്ദേഹം ചിന്തി​ച്ചോ? ഒരിക്ക​ലു​മില്ല. തന്റെ പരിമി​തി തിരി​ച്ച​റിഞ്ഞ ബർന്നബാസ്‌, തർസൊ​സി​ലേക്കു ചെന്ന്‌ ശൗലിനെ തേടി​ക്ക​ണ്ടു​പി​ടിച്ച്‌ അന്ത്യോ​ക്യ​യി​ലേക്കു കൂട്ടി​ക്കൊ​ണ്ടു​വന്നു. അവർ ഒരുമിച്ച്‌ സഭയോ​ടൊ​ത്തു പ്രവർത്തി​ക്കു​ക​യും ശിഷ്യ​ന്മാ​രെ ബലപ്പെ​ടു​ത്തു​ക​യും ചെയ്‌തു​കൊണ്ട്‌ ഒരു വർഷം മുഴുവൻ അവിടെ ചെലവ​ഴി​ച്ചു.—പ്രവൃ. 11:22-26എ.

²¹ ശുശ്രൂ​ഷ​യിൽ നമുക്ക്‌ എങ്ങനെ എളിമ കാണി​ക്കാ​നാ​കും? നമ്മുടെ പരിമി​തി​കൾ തിരി​ച്ച​റിഞ്ഞ്‌ അത്‌ അംഗീ​ക​രി​ക്കു​ന്ന​താണ്‌ അതിൽ ഉൾപ്പെ​ട്ടി​രി​ക്കു​ന്നത്‌. നമ്മുടെ ഓരോ​രു​ത്ത​രു​ടെ​യും കഴിവു​ക​ളും പ്രാപ്‌തി​ക​ളും വ്യത്യ​സ്‌ത​മാണ്‌. ചിലർ, അനൗപ​ചാ​രിക സാക്ഷീ​ക​രണം നടത്തു​ന്ന​തി​ലും വീടു​തോ​റും പ്രസം​ഗി​ക്കു​ന്ന​തി​ലും സമർഥ​രാ​യി​രു​ന്നേ​ക്കാം; എന്നാൽ മടക്കസ​ന്ദർശനം നടത്തു​ന്ന​തി​ലും ബൈബിൾപ​ഠനം ആരംഭി​ക്കു​ന്ന​തി​ലും അവർക്ക്‌ ബുദ്ധി​മുട്ട്‌ ഉണ്ടായി​രി​ക്കും. ശുശ്രൂ​ഷ​യു​ടെ ഏതെങ്കി​ലും വശത്ത്‌ പുരോ​ഗ​തി​വ​രു​ത്താൻ നിങ്ങൾ ആഗ്രഹി​ക്കു​ന്നെ​ങ്കിൽ മറ്റുള്ള​വ​രു​ടെ സഹായം തേടരു​തോ? അങ്ങനെ ചെയ്യാൻ തയ്യാറാ​കു​ന്നെ​ങ്കിൽ ശുശ്രൂ​ഷ​യിൽ നിങ്ങൾക്ക്‌ കൂടുതൽ ഫലപ്ര​ദ​രാ​യി​ത്തീ​രാ​നും വർധിച്ച സന്തോഷം കണ്ടെത്താ​നും കഴിയും.—1 കൊരി. 9:26.

22, 23. അന്ത്യോ​ക്യ​യി​ലുള്ള ക്രിസ്‌ത്യാ​നി​കൾ സഹോ​ദ​ര​സ്‌നേ​ഹ​ത്തി​ന്റെ എന്തു മാതൃ​ക​വെച്ചു, ഇന്നത്തെ ദൈവ​ദാ​സ​രും സമാന​മാ​യി എന്തു ചെയ്യാ​റുണ്ട്‌?

²² അന്ത്യോ​ക്യ​യിൽവെ​ച്ചാണ്‌ “ദൈവ​ഹി​ത​മ​നു​സ​രിച്ച്‌ ശിഷ്യ​ന്മാ​രെ ആദ്യമാ​യി ക്രിസ്‌ത്യാ​നി​കൾ എന്നു വിളി​ച്ചത്‌.” (പ്രവൃ. 11:26ബി) ദൈവാം​ഗീ​കാ​ര​മുള്ള ആ പേര്‌ ക്രിസ്‌തു​വി​നെ  മാതൃ​ക​യാ​ക്കി ജീവി​ക്കു​ന്ന​വർക്ക്‌ എന്തു​കൊ​ണ്ടും അനു​യോ​ജ്യ​മാ​യി​രു​ന്നു. ജനതക​ളിൽപ്പെ​ട്ടവർ ക്രിസ്‌ത്യാ​നി​ക​ളാ​യി​ത്തീർന്ന​പ്പോൾ അവരും ജൂത ക്രിസ്‌ത്യാ​നി​ക​ളും തമ്മിൽ ദൃഢമായ ഒരു സഹോ​ദ​ര​ബന്ധം നിലവിൽ വന്നു. എ.ഡി. 46-നോട​ടുത്ത്‌ വലി​യൊ​രു ക്ഷാമം ഉണ്ടായ​പ്പോൾ സംഭവി​ച്ച​തെ​ന്താ​ണെന്നു നോക്കുക. e അന്നൊക്കെ, പണവും ഭക്ഷണസാ​ധ​ന​ങ്ങ​ളും മറ്റും കരുതി​വെ​ക്കാൻ വകയി​ല്ലാത്ത പാവ​പ്പെ​ട്ട​വരെ ക്ഷാമം അങ്ങേയറ്റം ബാധി​ച്ചി​രു​ന്നു. യഹൂദ്യ​യിൽ താമസി​ച്ചി​രുന്ന ജൂത ക്രിസ്‌ത്യാ​നി​കൾ പലരും ദരി​ദ്ര​രാ​യി​രു​ന്നു. ആ ക്ഷാമകാ​ലത്ത്‌ ആഹാര​വും മറ്റും ഇല്ലാതെ അവർ വലഞ്ഞു. അവരുടെ അവസ്ഥ മനസ്സി​ലാ​ക്കിയ അന്ത്യോ​ക്യ​യി​ലെ സഹോ​ദ​രങ്ങൾ—അവരിൽ ജനതക​ളിൽപ്പെട്ട ക്രിസ്‌ത്യാ​നി​ക​ളും ഉൾപ്പെ​ട്ടി​രു​ന്നു—‘യഹൂദ്യ​യി​ലുള്ള സഹോ​ദ​ര​ങ്ങൾക്കു സഹായം എത്തിച്ചു​കൊ​ടു​ത്തു.’ (പ്രവൃ. 11:29) സഹോ​ദ​ര​സ്‌നേ​ഹ​ത്തി​ന്റെ എത്ര നല്ല മാതൃക!

²³ ഇന്നത്തെ ദൈവ​ജ​ന​ത്തി​ന്റെ കാര്യ​ത്തി​ലും അതു സത്യമാണ്‌. മറ്റൊരു ദേശത്തോ നമ്മുടെ സ്ഥലത്തു​ത​ന്നെ​യോ ഉള്ള സഹോ​ദ​രങ്ങൾ ഞെരു​ക്ക​ത്തി​ലാ​ണെന്ന്‌ അറിയു​മ്പോൾ നാം മനസ്സോ​ടെ അവരെ സഹായി​ക്കാൻ മുന്നോ​ട്ടു​വ​രു​ന്നു. ചുഴലി​ക്കൊ​ടു​ങ്കാറ്റ്‌, ഭൂകമ്പം, സുനാമി എന്നിവ​പോ​ലുള്ള പ്രകൃ​തി​ദു​ര​ന്ത​ങ്ങൾക്ക്‌ ഇരയാ​കുന്ന സഹോ​ദ​ര​ങ്ങളെ സഹായി​ക്കു​ന്ന​തി​നാ​യി ദുരി​താ​ശ്വാ​സ കമ്മിറ്റി​കൾ രൂപീ​ക​രി​ച്ചു​കൊണ്ട്‌ ബ്രാഞ്ച്‌ കമ്മിറ്റി​കൾ സത്വര നടപടി സ്വീക​രി​ക്കാ​റുണ്ട്‌. ആത്മാർഥ​മായ സഹോ​ദ​ര​സ്‌നേഹം നമുക്കി​ട​യിൽ ഉണ്ടെന്നല്ലേ അതൊ​ക്കെ​യും കാണി​ക്കു​ന്നത്‌?—യോഹ. 13:34, 35; 1 യോഹ. 3:17.

24. പത്രോ​സി​നു ലഭിച്ച ദർശന​ത്തി​ലൂ​ടെ വെളി​പ്പെട്ട സത്യം ഗൗരവ​മാ​യി എടുക്കു​ന്നു​വെന്ന്‌ നമുക്ക്‌ എങ്ങനെ തെളി​യി​ക്കാം?

²⁴ പത്രോ​സിന്‌ ഒന്നാം നൂറ്റാ​ണ്ടിൽ ലഭിച്ച ദർശന​ത്തി​ലൂ​ടെ വെളി​പ്പെട്ട കാര്യം, സത്യ​ക്രി​സ്‌ത്യാ​നി​ക​ളായ നാം ഗൗരവ​ത്തോ​ടെ എടുക്കു​ന്നു. നാം ആരാധി​ക്കു​ന്നത്‌ പക്ഷപാ​ത​മി​ല്ലാത്ത ദൈവ​ത്തെ​യാണ്‌. ദൈവ​രാ​ജ്യ​ത്തെ​ക്കു​റി​ച്ചു നാം സമഗ്ര​മാ​യി അറിയി​ക്ക​ണ​മെ​ന്ന​താണ്‌ യഹോ​വ​യു​ടെ ഇഷ്ടം. വർഗമോ ദേശമോ സാമൂ​ഹി​ക​നി​ല​യോ ഒന്നും കണക്കി​ലെ​ടു​ക്കാ​തെ എല്ലാവ​രോ​ടും സന്തോ​ഷ​വാർത്ത പ്രസം​ഗി​ക്കു​ന്നത്‌ അതിൽ ഉൾപ്പെ​ട്ടി​രി​ക്കു​ന്നു. സന്തോ​ഷ​വാർത്ത കേൾക്കാൻ മനസ്സൊ​രു​ക്ക​മുള്ള ഏതൊ​രാൾക്കും അതിനുള്ള അവസരം നൽകു​ക​യും അങ്ങനെ ദൈവ​രാ​ജ്യ​ത്തിന്‌ അനുകൂ​ല​മാ​യി ഒരു നിലപാ​ടെ​ടു​ക്കാൻ അവരെ സഹായി​ക്കു​ക​യും ചെയ്യുക എന്നതാ​യി​രി​ക്കട്ടെ നമ്മുടെ ദൃഢതീ​രു​മാ​നം.—റോമ. 10:11-13.