1-4. പത്രോസ്‌ വിഷമ​ക​ര​മായ ഏതു സാഹച​ര്യ​ത്തെ നേരി​ടു​ന്നു, പത്രോ​സി​ന്റെ സ്ഥാനത്ത്‌ നിങ്ങളാ​യി​രു​ന്നെ​ങ്കിൽ നിങ്ങൾക്ക്‌ എന്തു തോന്നു​മാ​യി​രു​ന്നു?

 പത്രോസ്‌ അകത്തേക്കു കടക്കുന്ന ഉടൻ കാതട​പ്പി​ക്കുന്ന ശബ്ദത്തോ​ടെ കാരാ​ഗൃ​ഹ​ത്തി​ന്റെ കൂറ്റൻ കവാടം അടയുന്നു. വിലങ്ങു​വെച്ച്‌, രണ്ടു ഭടന്മാ​രോ​ടു ബന്ധിച്ച്‌ പത്രോ​സി​നെ തടവറ​യി​ലേക്കു കൊണ്ടു​പോ​കു​ക​യാണ്‌. അവിടെ പത്രോസ്‌ തനിക്ക്‌ എന്താണു സംഭവി​ക്കാൻ പോകു​ന്ന​തെ​ന്നോർത്ത്‌ മണിക്കൂ​റു​ക​ളോ​ളം ഒരുപക്ഷേ, ദിവസ​ങ്ങ​ളോ​ളം​പോ​ലും കഴിച്ചു​കൂ​ട്ടു​ന്നു. ചുവരു​ക​ളും അഴിക​ളും ചങ്ങലക​ളും കാവൽഭ​ട​ന്മാ​രും അല്ലാതെ മറ്റൊ​ന്നും കാണാ​നില്ല.

² ഒടുവിൽ ആ വാർത്ത എത്തി: ഹെരോദ്‌ അഗ്രിപ്പ ഒന്നാമൻ രാജാവ്‌ പത്രോ​സി​നെ വധിക്കാൻ തീരു​മാ​നി​ച്ചി​രി​ക്കു​ന്നു. a അതു വെറു​തെ​യുള്ള ഒരു ഭീഷണി​യാ​യി​രു​ന്നില്ല; കാരണം, ഈ രാജാ​വു​ത​ന്നെ​യാണ്‌ അടുത്ത​യി​ടെ പത്രോ​സി​ന്റെ ഒരു സഹ അപ്പോ​സ്‌ത​ല​നാ​യി​രുന്ന യാക്കോ​ബി​നെ കൊന്നു​ക​ള​ഞ്ഞത്‌. പെസഹ​യ്‌ക്കു​ശേഷം പത്രോ​സി​നെ ജനത്തിന്റെ മുമ്പാകെ കൊണ്ടു​വ​രാ​നാണ്‌ അയാൾ ഉദ്ദേശി​ച്ചി​രി​ക്കു​ന്നത്‌. പത്രോ​സി​ന്റെ വധശിക്ഷ തനിക്ക്‌ ജനപി​ന്തുണ നേടി​യെ​ടു​ക്കാ​നുള്ള ഒരു മാർഗ​മാ​യി അയാൾ കരുതു​ന്നു.

³ വധശിക്ഷ നടപ്പാ​ക്കാൻ ഉദ്ദേശി​ച്ചി​രു​ന്ന​തി​ന്റെ തലേ രാത്രി. ആ തടവറ​യു​ടെ ഇരുളി​ലി​രുന്ന്‌ പത്രോസ്‌ ഇപ്പോൾ എന്തായി​രി​ക്കും ആലോ​ചി​ക്കു​ന്നത്‌? വർഷങ്ങൾക്കു​മുമ്പ്‌ യേശു തന്നോടു പറഞ്ഞ ആ വാക്കു​ക​ളെ​ക്കു​റിച്ച്‌ പത്രോസ്‌ ചിന്തി​ക്കു​ക​യാ​യി​രി​ക്കു​മോ, അതായത്‌, ഒരുനാൾ പത്രോ​സി​നെ ബന്ധിച്ച്‌ പത്രോ​സിന്‌ ഇഷ്ടമി​ല്ലാ​ത്തി​ട​ത്തേക്ക്‌—മരണത്തി​ലേക്ക്‌—കൊണ്ടു​പോ​കു​മെന്നു പറഞ്ഞത്‌? (യോഹ. 21:18, 19) ആ സമയം വന്നെത്തി​യെന്ന്‌ ഒരുപക്ഷേ, പത്രോസ്‌ ചിന്തി​ക്കു​ന്നു​ണ്ടാ​യി​രി​ക്കും.

⁴ അത്തര​മൊ​രു സാഹച​ര്യ​ത്തി​ലാ​യി​രു​ന്നെ​ങ്കിൽ നിങ്ങൾക്ക്‌ എന്തു തോന്നു​മാ​യി​രു​ന്നു? പ്രത്യാ​ശ​യ്‌ക്കു വകയി​ല്ലെന്നു കരുതി നിങ്ങൾ തളർന്നു​പോ​കു​മാ​യി​രു​ന്നോ? യേശു​ക്രി​സ്‌തു​വി​ന്റെ ഒരു യഥാർഥ അനുഗാ​മി​യെ സംബന്ധി​ച്ചി​ട​ത്തോ​ളം ഏതെങ്കി​ലും ഒരു സാഹച​ര്യം ആശയറ്റ​താ​ണോ? പത്രോ​സും സഹക്രി​സ്‌ത്യാ​നി​ക​ളും അവർക്കു​ണ്ടായ ഉപദ്ര​വ​ത്തോ​ടു പ്രതി​ക​രിച്ച വിധത്തിൽനിന്ന്‌ നമുക്ക്‌ എന്തു പഠിക്കാ​നാ​കും? നമുക്കു നോക്കാം.

5, 6. (എ) ഹെരോദ്‌ രാജാവ്‌ ക്രിസ്‌തീയ സഭയെ ഉപദ്ര​വി​ച്ചത്‌ എന്തു​കൊണ്ട്‌, എങ്ങനെ? (ബി) യാക്കോ​ബി​ന്റെ മരണം സഭയ്‌ക്ക്‌ ഒരു പരി​ശോ​ധ​ന​യാ​യി​ത്തീർന്നത്‌ എങ്ങനെ?

⁵ ജനതക​ളിൽപ്പെട്ട കൊർന്നേ​ല്യൊ​സി​ന്റെ​യും കുടും​ബ​ത്തി​ന്റെ​യും പരിവർത്തനം ക്രിസ്‌തീയ സഭയുടെ ചരി​ത്ര​ത്തി​ലെ ഒരു നിർണാ​യക സംഭവ​മാ​യി​രു​ന്നു​വെന്ന്‌ മുൻ അധ്യാ​യ​ത്തിൽ നാം കണ്ടല്ലോ. ജൂത പശ്ചാത്ത​ല​ത്തിൽനിന്ന്‌ ക്രിസ്‌ത്യാ​നി​ക​ളാ​യി​ത്തീർന്ന പലരും ഇപ്പോൾ  ജനതക​ളിൽപ്പെ​ട്ട​വ​രോ​ടൊ​പ്പം ദൈവത്തെ ആരാധി​ക്കു​ന്നു​വെന്ന വസ്‌തുത പല ജൂതന്മാ​രെ​യും ഞെട്ടി​ച്ചി​രി​ക്കണം.

⁶ ഈ അവസരം മുത​ലെ​ടു​ത്തു​കൊണ്ട്‌ കുശാ​ഗ്ര​ബു​ദ്ധി​യായ ഹെരോദ്‌ ജൂതന്മാ​രു​ടെ പ്രീതി​പി​ടി​ച്ചു​പ​റ്റാൻ ശ്രമി​ക്കു​ന്നു: ക്രിസ്‌ത്യാ​നി​കളെ ഉപദ്ര​വി​ക്കുക എന്നതാണ്‌ അയാൾ അതിനു കണ്ടെത്തിയ മാർഗം. യേശു​ക്രി​സ്‌തു​വി​ന്റെ ഏറ്റവും അടുത്ത ഒരു സഹകാ​രി​യാ​യി​രു​ന്നു അപ്പോ​സ്‌ത​ല​നായ യാക്കോബ്‌ എന്ന വസ്‌തുത അയാൾ മനസ്സി​ലാ​ക്കി. അതു​കൊണ്ട്‌ ഹെരോദ്‌ “യോഹ​ന്നാ​ന്റെ സഹോ​ദ​ര​നായ യാക്കോ​ബി​നെ വാളു​കൊണ്ട്‌ കൊന്നു.” (പ്രവൃ. 12:2) ക്രിസ്‌തീയ സഭയ്‌ക്കു നേരിട്ട എത്ര വലി​യൊ​രു പരി​ശോ​ധന! യേശു​വി​ന്റെ രൂപാ​ന്ത​രീ​ക​ര​ണ​വും മറ്റ്‌ അപ്പോ​സ്‌ത​ല​ന്മാർ കണ്ടിട്ടി​ല്ലാത്ത ചില അത്ഭുത​ങ്ങ​ളും നേരിൽക്കണ്ട മൂന്നു പേരിൽ ഒരാളാ​യി​രു​ന്നു യാക്കോബ്‌. (മത്താ. 17:1, 2; മർക്കോ. 5:37-42) യാക്കോ​ബി​ന്റെ​യും അദ്ദേഹ​ത്തി​ന്റെ സഹോ​ദ​ര​നായ യോഹ​ന്നാ​ന്റെ​യും ജ്വലി​ക്കുന്ന തീക്ഷ്‌ണ​ത​നി​മി​ത്തം യേശു അവരെ “ഇടിമു​ഴ​ക്ക​ത്തി​ന്റെ മക്കൾ” എന്നു വിളി​ച്ചി​രു​ന്നു. (മർക്കോ. 3:17) യാക്കോ​ബി​ന്റെ മരണ​ത്തോ​ടെ ധീരനും വിശ്വ​സ്‌ത​നും ആയ ഒരു സാക്ഷിയെ, പ്രിയ​ങ്ക​ര​നായ ഒരു അപ്പോ​സ്‌ത​ലനെ ആണ്‌ സഭയ്‌ക്കു നഷ്ടമാ​യത്‌.

7, 8. പത്രോസ്‌ തടവി​ലാ​യ​പ്പോൾ സഹവി​ശ്വാ​സി​കൾ എന്തു ചെയ്‌തു?

⁷ അഗ്രിപ്പ രാജാവ്‌ പ്രതീ​ക്ഷി​ച്ച​തു​പോ​ലെ​തന്നെ യാക്കോ​ബി​ന്റെ വധം ജൂതന്മാ​രെ സന്തോ​ഷി​പ്പി​ച്ചു. അതു​കൊണ്ട്‌ അയാൾ അടുത്ത​താ​യി പത്രോ​സി​നെ നോട്ട​മി​ട്ടു. ഈ അധ്യാ​യ​ത്തി​ന്റെ തുടക്ക​ത്തിൽ കണ്ടതു​പോ​ലെ, അയാൾ പത്രോ​സി​നെ തടവി​ലാ​ക്കി. എന്നാൽ ഈ പുസ്‌ത​ക​ത്തി​ന്റെ 5-ാം അധ്യാ​യ​ത്തിൽ വിവരിച്ച സംഭവം, അതായത്‌ അപ്പോ​സ്‌ത​ല​ന്മാർ മുമ്പ്‌ തടവിൽനിന്ന്‌ അത്ഭുത​ക​ര​മാ​യി രക്ഷപ്പെ​ട്ടി​ട്ടുള്ള കാര്യം അയാളു​ടെ മനസ്സി​ലു​ണ്ടാ​യി​രു​ന്നി​രി​ക്കണം. അതു​കൊണ്ട്‌ പത്രോ​സി​ന്റെ കാര്യ​ത്തിൽ അങ്ങനെ സംഭവി​ക്കാ​തി​രി​ക്കാൻ ഹെരോദ്‌ എല്ലാ മുൻക​രു​ത​ലു​ക​ളും സ്വീക​രി​ച്ചു. പത്രോ​സി​നെ വിലങ്ങു​വെച്ച്‌ ഇരുവ​ശ​ത്തും ഓരോ ഭടനു​മാ​യി ബന്ധിച്ചു. രാവും​പ​ക​ലും ഊഴമ​നു​സ​രി​ച്ചു കാവൽനിൽക്കു​ന്ന​തി​നാ​യി മൊത്തം 16 ഭടന്മാരെ അയാൾ നിയോ​ഗി​ച്ചു. ഏതെങ്കി​ലും കാരണ​വ​ശാൽ പത്രോസ്‌ രക്ഷപ്പെ​ടു​ന്നെ​ങ്കിൽ, പത്രോ​സി​നു ലഭിക്കാ​നി​രുന്ന ശിക്ഷ ആ കാവൽക്കാർക്കു ലഭിക്കു​മാ​യി​രു​ന്നു. ഈ വിഷമ​ഘ​ട്ട​ത്തിൽ പത്രോ​സി​ന്റെ സഹക്രി​സ്‌ത്യാ​നി​കൾക്ക്‌ എന്തു ചെയ്യാ​നാ​കു​മാ​യി​രു​ന്നു?

⁸ എന്താണു ചെയ്യേ​ണ്ട​തെന്ന്‌ അവർക്കു നല്ല നിശ്ചയ​മു​ണ്ടാ​യി​രു​ന്നു. പ്രവൃ​ത്തി​കൾ 12:5-ൽ  നാം ഇങ്ങനെ വായി​ക്കു​ന്നു: “അങ്ങനെ പത്രോസ്‌ ജയിലിൽ കഴിഞ്ഞു. എന്നാൽ സഭ ഒന്നടങ്കം പത്രോ​സി​നു​വേണ്ടി ദൈവ​ത്തോട്‌ ഉള്ളുരു​കി പ്രാർഥി​ച്ചു​കൊ​ണ്ടി​രു​ന്നു.” അതെ, തങ്ങളുടെ പ്രിയ സഹോ​ദ​ര​നു​വേണ്ടി അവർ മുട്ടി​പ്പാ​യി, ഹൃദയം​ഗ​മ​മാ​യി യാചന​ക​ഴി​ച്ചു. യാക്കോ​ബി​ന്റെ മരണം അവരെ നിരാ​ശ​യി​ലാ​ഴ്‌ത്തി​യില്ല; പ്രാർഥി​ച്ചിട്ട്‌ കാര്യ​മി​ല്ലെ​ന്നും അവർ വിചാ​രി​ച്ചില്ല. തന്റെ ദാസന്മാ​രു​ടെ പ്രാർഥ​നകൾ യഹോവ അത്യന്തം വിലമ​തി​ക്കു​ന്നു; അത്‌ യഹോ​വ​യു​ടെ ഹിതത്തി​നു ചേർച്ച​യി​ലു​ള്ള​താ​ണെ​ങ്കിൽ യഹോവ തീർച്ച​യാ​യും ഉത്തരമ​രു​ളും. (എബ്രാ. 13:18, 19; യാക്കോ. 5:16) ക്രിസ്‌ത്യാ​നി​ക​ളെ​ന്ന​നി​ല​യിൽ നമുക്കു മനസ്സിൽപ്പി​ടി​ക്കാ​വുന്ന ഒരു സുപ്ര​ധാന പാഠമാ​ണിത്‌.

9. പ്രാർഥ​ന​യെ​ക്കു​റിച്ച്‌ പത്രോ​സി​ന്റെ സഹവി​ശ്വാ​സി​ക​ളിൽനിന്ന്‌ നമുക്ക്‌ എന്തു പഠിക്കാം?

⁹ സഹവി​ശ്വാ​സി​ക​ളിൽ ആരെങ്കി​ലും കഠിന പരി​ശോ​ധ​ന​കളെ നേരി​ടു​ന്ന​താ​യി നിങ്ങൾക്ക​റി​യാ​മോ? ഉപദ്ര​വ​മോ നിരോ​ധ​ന​മോ പ്രകൃ​തി​ദു​ര​ന്ത​ങ്ങ​ളോ മൂലം കഷ്ടത്തി​ലാ​യി​രി​ക്കാം അവർ. അവർക്കു​വേണ്ടി നിങ്ങൾക്ക്‌ ഹൃദയം​ഗ​മ​മാ​യി പ്രാർഥി​ക്ക​രു​തോ? ഇനി, കുടും​ബ​പ്ര​ശ്‌ന​ങ്ങ​ളോ നിരു​ത്സാ​ഹ​മോ വിശ്വാ​സ​ത്തി​ന്റെ ഏതെങ്കി​ലും പരി​ശോ​ധ​ന​യോ പോലെ അധികം ശ്രദ്ധി​ക്ക​പ്പെ​ടാത്ത പ്രശ്‌നങ്ങൾ നേരി​ടു​ന്ന​വ​രെ​യും നിങ്ങൾക്ക്‌ അറിയാ​മാ​യി​രി​ക്കും. പ്രാർഥ​ന​യ്‌ക്കു​മുമ്പ്‌ അൽപ്പം സമയ​മെ​ടുത്ത്‌ ഒന്നു ചിന്തി​ക്കു​ന്നെ​ങ്കിൽ, പ്രാർഥ​ന​യിൽ പേരെ​ടു​ത്തു​പ​റ​യാ​നാ​കുന്ന പലരെ​യും നമുക്ക്‌ ഓർക്കാ​നാ​യേ​ക്കും. പ്രയാ​സ​പൂർണ​മായ സാഹച​ര്യ​ങ്ങ​ളി​ലൂ​ടെ നിങ്ങൾ കടന്നു​പോ​കു​മ്പോൾ സഹവി​ശ്വാ​സി​കൾ നിങ്ങൾക്കു​വേണ്ടി പ്രാർഥി​ക്കാൻ നിങ്ങൾ പ്രതീ​ക്ഷി​ക്കി​ല്ലേ? അതുതന്നെ നിങ്ങൾ അവർക്കു​വേ​ണ്ടി​യും ചെയ്യുക. അത്തരം പ്രാർഥ​നകൾ യഹോവ കേൾക്കും എന്നതിനു സംശയ​മില്ല.—സങ്കീ. 65:2.

10, 11. യഹോ​വ​യു​ടെ ദൂതൻ പത്രോ​സി​നെ തടവിൽനി​ന്നു മോചി​പ്പി​ച്ചത്‌ എങ്ങനെ​യെന്ന്‌ വിവരി​ക്കുക.

¹⁰ തനിക്കു സംഭവി​ക്കാൻ പോകുന്ന കാര്യ​ങ്ങ​ളെ​ക്കു​റി​ച്ചോർത്ത്‌ പത്രോസ്‌ ഉത്‌ക​ണ്‌ഠ​പ്പെ​ട്ടോ? അതു നമുക്ക​റി​യില്ല. എന്നാൽ തടവറ​യി​ലെ ആ അവസാന രാത്രി​യിൽ, ജാഗ്ര​ത​യോ​ടെ കാവൽനി​ന്നി​രുന്ന രണ്ടു ഭടന്മാർക്കു നടുവിൽ കിടന്ന്‌ പത്രോസ്‌ സുഖമാ​യി ഉറങ്ങു​ക​യാ​യി​രു​ന്നു​വെന്ന്‌ ബൈബിൾ പറയുന്നു. പിറ്റേന്ന്‌ എന്തുതന്നെ സംഭവി​ച്ചാ​ലും യഹോ​വ​യു​ടെ കരങ്ങളിൽ താൻ സുരക്ഷി​ത​നാ​യി​രി​ക്കു​മെന്ന്‌ വിശ്വ​സ്‌ത​നായ ആ ദൈവ​ദാ​സന്‌ ഉറപ്പു​ണ്ടാ​യി​രു​ന്നു. (റോമ. 14:7, 8) എന്നാൽ യഥാർഥ​ത്തിൽ സംഭവി​ക്കാ​നി​രുന്ന അത്ഭുത​ക​ര​മായ കാര്യ​ങ്ങ​ളെ​ക്കു​റിച്ച്‌ പത്രോ​സിന്‌ ഒരു ഊഹവു​മി​ല്ലാ​യി​രു​ന്നു. പെട്ടെന്ന്‌ അതാ, ഒരു ഉജ്ജ്വല  വെളിച്ചം ആ തടവറയെ പ്രകാ​ശ​മാ​ന​മാ​ക്കു​ന്നു! ഒരു ദൈവ​ദൂ​തൻ അവിടെ പ്രത്യ​ക്ഷ​പ്പെട്ട്‌ പത്രോ​സി​നെ തട്ടിയു​ണർത്തി. കാവൽക്കാർക്ക്‌ പക്ഷേ, ആ ദൂതനെ കാണാ​നാ​യില്ല. പത്രോ​സി​നെ ബന്ധിച്ചി​രുന്ന, ഒരുത​ര​ത്തി​ലും പൊട്ടി​ച്ചെ​റി​യാ​നാ​വി​ല്ലെന്നു തോന്നിച്ച ആ ചങ്ങലകൾ താനേ അഴിഞ്ഞു​വീ​ണു!

¹¹ ആ ദൈവ​ദൂ​തൻ പത്രോ​സിന്‌ ഒന്നിനു പുറകേ ഒന്നായി ചില നിർദേ​ശങ്ങൾ നൽകി: ‘വേഗം എഴു​ന്നേൽക്ക്‌, വസ്‌ത്രം ധരിക്കൂ, ചെരിപ്പ്‌ ഇടൂ, പുറങ്കു​പ്പാ​യം ധരിക്കൂ.’ പത്രോസ്‌ അതൊ​ക്കെ​യും അനുസ​രി​ച്ചു. ഒടുവിൽ ദൂതൻ പറഞ്ഞു: “എന്റെ പിന്നാലെ വരുക.” പത്രോസ്‌ അങ്ങനെ​തന്നെ ചെയ്‌തു. തടവറ​യിൽനി​ന്നു പുറത്തു​കടന്ന അവർ ശബ്ദമു​ണ്ടാ​ക്കാ​തെ വെളി​യിൽ കാവൽനി​ന്നി​രുന്ന ഭടന്മാ​രെ​യും കടന്ന്‌ ആ കൂറ്റൻ ഇരുമ്പു കവാടം ലക്ഷ്യമാ​ക്കി നീങ്ങി. എങ്ങനെ അതുവഴി പുറത്തു​ക​ട​ക്കും എന്നൊരു സംശയം പത്രോ​സി​ന്റെ മനസ്സിൽ ഉണ്ടായി​രു​ന്നെ​ങ്കിൽ അതു പെട്ടെ​ന്നു​തന്നെ മാറു​മാ​യി​രു​ന്നു. അവർ കവാട​ത്തി​ങ്കൽ എത്തിയ ഉടനെ “അതു തനിയെ തുറന്നു!” എന്താണു സംഭവി​ക്കു​ന്ന​തെന്ന്‌ പത്രോസ്‌ തിരി​ച്ച​റി​ഞ്ഞ​പ്പോ​ഴേ​ക്കും അവർ ആ കവാടം കടന്ന്‌ തെരു​വിൽ എത്തിയി​രു​ന്നു. ഉടനടി ആ ദൂതൻ അപ്രത്യ​ക്ഷ​നാ​കു​ക​യും ചെയ്‌തു. ഇതൊ​ന്നും ഒരു ദർശനമല്ല, യാഥാർഥ്യ​മാ​ണെന്ന്‌ പത്രോ​സി​നു ബോധ്യ​മാ​യി. അതെ, പത്രോസ്‌ സ്വത​ന്ത്ര​നാ​ക്ക​പ്പെ​ട്ടി​രി​ക്കു​ന്നു!—പ്രവൃ. 12:7-11.

12. യഹോവ പത്രോ​സി​നെ രക്ഷിച്ച​തി​നെ​ക്കു​റിച്ച്‌ ധ്യാനി​ക്കു​ന്നത്‌ നമുക്ക്‌ എങ്ങനെ ആശ്വാ​സ​ദാ​യ​ക​മാ​യി​രു​ന്നേ​ക്കാം?

¹² തന്റെ ദാസന്മാ​രെ രക്ഷിക്കാൻ യഹോ​വ​യ്‌ക്ക്‌ അതിരറ്റ ശക്തിയു​ണ്ടെ​ന്ന​റി​യു​ന്നത്‌ എത്ര ആശ്വാ​സ​ദാ​യ​ക​മാണ്‌, അല്ലേ? ലോകം കണ്ടിട്ടു​ള്ള​തി​ലേ​ക്കും ശക്തമായ ഭരണകൂ​ട​ത്തി​ന്റെ പിന്തു​ണ​യു​ണ്ടാ​യി​രുന്ന ഒരു രാജാ​വാണ്‌ പത്രോ​സി​നെ തടവി​ലാ​ക്കി​യത്‌. എന്നിട്ടും, പത്രോസ്‌ നിഷ്‌പ്ര​യാ​സം ആ തടവറ​യിൽനി​ന്നു പുറത്തു​വന്നു! യഹോവ തന്റെ ദാസന്മാർക്കാ​യി എല്ലായ്‌പോ​ഴും ഇത്തരത്തിൽ അത്ഭുതം പ്രവർത്തി​ച്ചെ​ന്നു​വ​രില്ല. ഉദാഹ​ര​ണ​ത്തിന്‌ യാക്കോ​ബി​ന്റെ കാര്യ​ത്തിൽ യഹോവ അങ്ങനെ ചെയ്‌തില്ല; അതു​പോ​ലെ പത്രോ​സി​നു​വേ​ണ്ടി​യും പിന്നീട്‌ യഹോവ അത്തരത്തിൽ പ്രവർത്തി​ച്ചില്ല, അതായത്‌ പത്രോ​സി​നെ​ക്കു​റിച്ച്‌ യേശു പറഞ്ഞ വാക്കുകൾ നിവൃ​ത്തി​യേ​റിയ ആ സമയത്ത്‌. ക്രിസ്‌ത്യാ​നി​ക​ളായ നാം ഇന്ന്‌ അത്ഭുത​ക​ര​മായ വിടുതൽ പ്രതീ​ക്ഷി​ക്കു​ന്നില്ല. എന്നിരു​ന്നാ​ലും യഹോവ മാറ്റമി​ല്ലാ​ത്ത​വ​നാ​ണെന്ന വസ്‌തുത നാം മനസ്സിൽപ്പി​ടി​ക്കു​ന്നു. (മലാ. 3:6) പെട്ടെ​ന്നു​തന്നെ യഹോവ തന്റെ പുത്രൻമു​ഖാ​ന്തരം കോടി​ക്ക​ണ​ക്കിന്‌ ആളുകളെ, മരണമാ​കുന്ന തടവറ​യിൽനി​ന്നു​പോ​ലും വിടു​വി​ക്കും. (യോഹ. 5:28, 29) ഇന്നു പരി​ശോ​ധ​നകൾ ഉണ്ടാകു​മ്പോൾ അത്തരം വാഗ്‌ദാ​ന​ങ്ങ​ളിൽനിന്ന്‌ നമുക്ക്‌ ഏറെ ധൈര്യം ആർജി​ക്കാ​നാ​കും.

13-15. (എ) പത്രോസ്‌ എത്തിയ​പ്പോൾ മറിയ​യു​ടെ വീട്ടിൽ കൂടി​യി​രു​ന്ന​വ​രു​ടെ പ്രതി​ക​രണം എന്തായി​രു​ന്നു? (ബി) പ്രവൃ​ത്തി​ക​ളു​ടെ പുസ്‌ത​ക​ത്തി​ലെ തുടർന്നുള്ള വിവര​ണങ്ങൾ ആരെക്കു​റി​ച്ചു​ള്ള​താണ്‌, എന്നാൽ പത്രോസ്‌ തുടർന്നും തന്റെ സഹവി​ശ്വാ​സി​കൾക്കു​വേണ്ടി എന്തു ചെയ്‌തു?

¹³ രാത്രി​യിൽ ഇനി എങ്ങോട്ടു പോക​ണ​മെന്ന്‌ ആലോ​ചിച്ച്‌ പത്രോസ്‌ ഒരു നിമിഷം അവിടെ നിന്നു. പെട്ടെ​ന്നാണ്‌ തൊട്ട​ടു​ത്തു​തന്നെ താമസി​ക്കുന്ന മറിയ എന്ന ക്രിസ്‌തീയ സഹോ​ദ​രി​യു​ടെ കാര്യം പത്രോ​സിന്‌ ഓർമ​വ​ന്നത്‌. സാധ്യ​ത​യ​നു​സ​രിച്ച്‌ ഒരു വിധവ​യാ​യി​രുന്ന മറിയ സാമാ​ന്യം സാമ്പത്തി​ക​ശേ​ഷി​യു​ള്ള​വ​ളാ​യി​രു​ന്നു; കാരണം, സഭാ​യോ​ഗം നടത്താൻമാ​ത്രം വലുപ്പ​മുള്ള ഒരു വീട്‌ മറിയ​യ്‌ക്ക്‌ സ്വന്തമാ​യി ഉണ്ടായി​രു​ന്നു. മറിയ​യു​ടെ മകനാണ്‌ യോഹ​ന്നാൻ മർക്കോസ്‌. പ്രവൃ​ത്തി​ക​ളു​ടെ പുസ്‌ത​ക​ത്തിൽ ഈ ഭാഗത്താണ്‌ ആദ്യമാ​യി മർക്കോ​സി​നെ​ക്കു​റിച്ച്‌ പരാമർശി​ക്കു​ന്നത്‌. മർക്കോസ്‌ പിന്നീട്‌ പത്രോ​സിന്‌ സ്വന്തം മകനെ​പ്പോ​ലെ​യാ​യി​ത്തീർന്നു. (1 പത്രോ. 5:13) രാത്രി ഏറെ വൈകി​യി​ട്ടും ആ സഭയി​ലുള്ള പലരും മറിയ​യു​ടെ വീട്ടിൽ ഒരുമി​ച്ചു​കൂ​ടി പ്രാർഥി​ക്കു​ക​യാ​യി​രു​ന്നു. പത്രോ​സി​ന്റെ മോച​ന​ത്തി​നു​വേ​ണ്ടി​യാണ്‌ അവർ പ്രാർഥി​ച്ചി​രു​ന്നത്‌ എന്നതിനു സംശയ​മില്ല. എന്നാൽ യഹോവ ഇത്തരത്തിൽ പ്രാർഥ​ന​യ്‌ക്ക്‌ ഉത്തര​മേ​കു​മെന്ന്‌ അവർ തീരെ പ്രതീ​ക്ഷി​ച്ചില്ല!

¹⁴ പത്രോസ്‌ മറിയ​യു​ടെ വീടിന്റെ പടിപ്പു​ര​വാ​തി​ലിൽ മുട്ടി​വി​ളി​ച്ചു. അപ്പോൾ രോദ (സർവസാ​ധാ​ര​ണ​മായ ഈ ഗ്രീക്ക്‌ പേരിന്റെ അർഥം “റോസാ​പ്പൂവ്‌” എന്നാണ്‌.) എന്ന ദാസി​പ്പെൺകു​ട്ടി  അതാരാ​ണെന്ന്‌ അറിയാ​നാ​യി അങ്ങോട്ടു ചെന്നു. പത്രോ​സി​ന്റെ ശബ്ദം! രോദ​യ്‌ക്ക്‌ തന്റെ കാതു​കളെ വിശ്വ​സി​ക്കാ​നാ​യില്ല. എന്നാൽ വാതിൽ തുറന്നു​കൊ​ടു​ക്കു​ന്ന​തി​നു പകരം സന്തോ​ഷ​ത്താൽ മതിമ​റന്ന്‌ അകത്തേക്ക്‌ ഓടി​പ്പോയ രോദ പത്രോസ്‌ വന്നിരി​ക്കുന്ന കാര്യം അവിടെ കൂടി​യി​രു​ന്ന​വരെ അറിയി​ച്ചു. അതു വിശ്വ​സി​ക്കാൻ കൂട്ടാ​ക്കാ​തി​രുന്ന അവർ രോദ​യ്‌ക്കു വട്ടാ​ണെന്ന്‌ പറഞ്ഞു. എന്നാൽ രോദ താൻ പറഞ്ഞത്‌ വാസ്‌ത​വ​മാ​ണെന്ന്‌ തറപ്പി​ച്ചു​പ​റ​ഞ്ഞു​കൊ​ണ്ടി​രു​ന്നു. അങ്ങനെ​യെ​ങ്കിൽ, അത്‌ ഒരുപക്ഷേ പത്രോ​സി​ന്റെ പ്രതി​നി​ധി​യാ​യി വന്ന ദൈവ​ദൂ​ത​നാ​യി​രി​ക്കു​മെന്ന്‌ അവരിൽ ചിലർ അഭി​പ്രാ​യ​പ്പെട്ടു. (പ്രവൃ. 12:12-15) ആ സമയമ​ത്ര​യും പത്രോസ്‌ വാതിൽക്കൽ മുട്ടി​ക്കൊ​ണ്ടി​രി​ക്കു​ക​യാ​യി​രു​ന്നു. ഒടുവിൽ അവർ ചെന്ന്‌ വാതിൽ തുറന്നു.

¹⁵ വാതിൽക്കൽ പത്രോസ്‌ നിൽക്കു​ന്നതു ‘കണ്ട്‌ അവർ അത്ഭുത​പ്പെ​ട്ടു​പോ​യി.’ (പ്രവൃ. 12:16) അവർക്കു സന്തോ​ഷ​മ​ട​ക്കാ​നാ​യില്ല. പത്രോസ്‌ അവരോട്‌ നിശ്ശബ്ദ​രാ​യി​രി​ക്കാൻ ആംഗ്യം കാണി​ച്ച​ശേഷം, തടവിൽനിന്ന്‌ യഹോവ തന്നെ പുറത്തു​കൊ​ണ്ടു​വ​ന്നത്‌ എങ്ങനെ​യെന്ന്‌ വിവരി​ച്ചു. ഈ കാര്യങ്ങൾ ശിഷ്യ​നായ യാക്കോ​ബി​നെ​യും മറ്റു സഹോ​ദ​ര​ന്മാ​രെ​യും അറിയി​ക്കാ​നും പത്രോസ്‌ അവരോ​ടു പറഞ്ഞു. എന്നിട്ട്‌, ഹെരോ​ദി​ന്റെ ഭടന്മാർ തേടി​യെ​ത്തു​ന്ന​തി​നു​മുമ്പ്‌ പത്രോസ്‌ അവിടം വിട്ട്‌ പോയി. കുറെ​ക്കൂ​ടി സുരക്ഷി​ത​മായ ഒരിടത്ത്‌ പത്രോസ്‌ വിശ്വ​സ്‌ത​ത​യോ​ടെ തന്റെ സേവനം തുടർന്നു. പ്രവൃ​ത്തി​ക​ളു​ടെ പുസ്‌തകം 15-ാം അധ്യാ​യ​ത്തിൽ, പരി​ച്ഛേ​ദ​ന​യോ​ടു ബന്ധപ്പെട്ട പ്രശ്‌നം പരിഹ​രി​ക്കു​ന്ന​തി​നെ​ക്കു​റി​ച്ചു വിവരി​ക്കുന്ന സന്ദർഭ​ത്തിൽമാ​ത്രമേ വീണ്ടും പത്രോ​സി​നെ​ക്കു​റി​ച്ചുള്ള പരാമർശം കാണു​ന്നു​ള്ളൂ. പ്രവൃ​ത്തി​ക​ളു​ടെ പുസ്‌ത​ക​ത്തി​ലെ തുടർന്നുള്ള വിവര​ണങ്ങൾ പൗലോസ്‌ അപ്പോ​സ്‌ത​ലന്റെ പ്രവർത്ത​ന​ങ്ങ​ളെ​യും പര്യട​ന​ങ്ങ​ളെ​യും കേന്ദ്രീ​ക​രി​ച്ചു​ള്ള​താണ്‌. എന്നാൽ പത്രോസ്‌ താൻ പോയി​ട​ത്തെ​ല്ലാം സഹോ​ദ​ര​ങ്ങളെ വിശ്വാ​സ​ത്തിൽ ബലപ്പെ​ടു​ത്തി​യെന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം. മറിയ​യു​ടെ വീട്ടിൽ കൂടി​യി​രു​ന്ന​വരെ വിട്ട്‌ പത്രോസ്‌ പോകു​മ്പോ​ഴേ​ക്കും അവർ സന്തോ​ഷ​ചി​ത്ത​രാ​യി​രു​ന്നു.

16. സന്തോ​ഷി​ക്കു​ന്ന​തി​നുള്ള അനേകം അവസരങ്ങൾ ഭാവി​യിൽ ലഭിക്കു​മെന്ന കാര്യ​ത്തിൽ നമുക്ക്‌ എങ്ങനെ ഉറപ്പു​ള്ള​വ​രാ​യി​രി​ക്കാം?

¹⁶ ചില​പ്പോൾ യഹോവ തന്റെ ദാസന്മാർക്ക്‌ അവർ ഒട്ടും പ്രതീ​ക്ഷി​ക്കാത്ത വിധത്തിൽ അനു​ഗ്ര​ഹങ്ങൾ ചൊരി​ഞ്ഞു​കൊണ്ട്‌ സന്തോ​ഷ​ത്തി​നുള്ള കാരണങ്ങൾ നൽകാ​റുണ്ട്‌. പത്രോ​സി​ന്റെ സഹവി​ശ്വാ​സി​കൾക്ക്‌ ആ രാത്രി​യിൽ ഉണ്ടായത്‌ അത്തരത്തി​ലുള്ള ഒരനു​ഭ​വ​മാണ്‌. യഹോ​വ​യിൽനിന്ന്‌ സമൃദ്ധ​മായ അനു​ഗ്ര​ഹങ്ങൾ ലഭിക്കു​മ്പോൾ ഇന്ന്‌ നമുക്കും ചില​പ്പോൾ അങ്ങനെ തോന്നി​യേ​ക്കാം. (സുഭാ. 10:22) യഹോ​വ​യു​ടെ എല്ലാ വാഗ്‌ദാ​ന​ങ്ങ​ളും ഭൂവ്യാ​പ​ക​മാ​യി നിവൃ​ത്തി​യേ​റു​ന്നത്‌ ഭാവി​യിൽ നാം കാണാൻ പോകു​ക​യാണ്‌. നമുക്കിന്ന്‌ ഭാവന​യിൽ കാണാ​നാ​കു​ന്ന​തി​നെ​ക്കാൾ മഹത്തായ അനു​ഗ്ര​ഹ​ങ്ങ​ളാ​യി​രി​ക്കും അവ. അതു​കൊണ്ട്‌ വിശ്വ​സ്‌ത​രാ​യി തുടരു​ന്നെ​ങ്കിൽ അത്തരം അനേകം അനു​ഗ്ര​ഹങ്ങൾ നമുക്ക്‌ തീർച്ച​യാ​യും ആസ്വദി​ക്കാ​നാ​കും.

17, 18. ജനം ഹെരോ​ദി​നു സ്‌തു​തി​പാ​ടു​ന്ന​തി​ലേക്കു നയിച്ചത്‌ എന്ത്‌?

¹⁷ പത്രോസ്‌ രക്ഷപ്പെ​ട്ടത്‌ ഹെരോ​ദിന്‌ ഒട്ടും വിശ്വ​സി​ക്കാ​നാ​യില്ല. അയാൾ പെട്ടെ​ന്നു​തന്നെ സമഗ്ര​മായ ഒരു അന്വേ​ഷ​ണ​ത്തിന്‌ ഉത്തരവി​ട്ടു. തുടർന്ന്‌ അയാൾ പത്രോ​സി​ന്റെ കാവൽക്കാ​രെ വിസ്‌ത​രിച്ച്‌ “അവരെ ശിക്ഷി​ക്കാൻ ഉത്തരവി​ട്ടു.” വധശി​ക്ഷ​യാ​യി​രി​ക്കണം ഹെരോദ്‌ അവർക്കു നൽകി​യത്‌. (പ്രവൃ. 12:19) ഹെരോദ്‌ അൽപ്പം​പോ​ലും കരുണ​യും ദയയും ഇല്ലാത്ത​വ​നാ​യി​രു​ന്നു. ക്രൂര​നായ ഈ മനുഷ്യൻ എന്നെങ്കി​ലും ശിക്ഷി​ക്ക​പ്പെ​ടു​മാ​യി​രു​ന്നോ?

¹⁸ പത്രോ​സി​നെ വധിക്കാൻ കഴിയാ​തെ പോയ​തിൽ അഗ്രി​പ്പ​യ്‌ക്ക്‌ അങ്ങേയറ്റം നാണ​ക്കേടു തോന്നി​യി​രി​ക്കണം. എന്നാൽ അഹങ്കാ​രി​യായ ആ ഭരണാ​ധി​കാ​രിക്ക്‌ തന്റെ മുഖം​ര​ക്ഷി​ക്കാൻ പെട്ടെ​ന്നു​തന്നെ ഒരവസരം വീണു​കി​ട്ടി. അയാളു​ടെ ശത്രുക്കൾ ഒരു സമാധാ​ന​സ​ന്ധി​ക്കാ​യി അയാ​ളോട്‌ അപേക്ഷി​ച്ചു. അങ്ങനെ, വലി​യൊ​രു ജനക്കൂ​ട്ട​ത്തോ​ടു സംസാ​രി​ക്കാൻ ഹെരോ​ദിന്‌ അവസരം ലഭിച്ചു. അത്‌ അയാളെ അങ്ങേയറ്റം ആവേശ​ഭ​രി​ത​നാ​ക്കി​യി​രി​ക്കണം. ഹെരോദ്‌ “രാജകീ​യ​വ​സ്‌ത്രം ധരിച്ച്‌ ന്യായാ​സ​ന​ത്തിൽ ഉപവി​ഷ്ട​നാ​യി” എന്ന്‌ ലൂക്കോസ്‌ രേഖ​പ്പെ​ടു​ത്തു​ന്നു. അയാളു​ടെ വസ്‌ത്രം വെള്ളി​കൊ​ണ്ടു​ള്ള​താ​യി​രു​ന്നു​വെ​ന്നും അതിന്മേൽ പ്രകാശം  വീണ​പ്പോൾ ഹെരോദ്‌ മഹത്ത്വം അണിഞ്ഞ​വ​നെ​പ്പോ​ലെ കാണ​പ്പെ​ട്ടു​വെ​ന്നും ജൂത ചരി​ത്ര​കാ​ര​നായ ജോസീ​ഫസ്‌ പറയുന്നു. അഹങ്കാ​രി​യായ ആ ഭരണാ​ധി​കാ​രി തുടർന്ന്‌ ഒരു പ്രസംഗം നടത്തി. ഹെരോ​ദി​ന്റെ പ്രീതി​നേ​ടാൻ ആഗ്രഹിച്ച ആ ജനക്കൂട്ടം അപ്പോൾ, “ഇതു മനുഷ്യ​ന്റെ ശബ്ദമല്ല, ഒരു ദൈവ​ത്തി​ന്റെ ശബ്ദമാണ്‌” എന്ന്‌ ആർത്തു​വി​ളി​ച്ചു.—പ്രവൃ. 12:20-22.

19, 20. (എ) ഹെരോ​ദി​നെ യഹോവ ശിക്ഷി​ച്ചത്‌ എന്തു​കൊണ്ട്‌? (ബി) ഹെരോ​ദി​നു സംഭവി​ച്ച​തി​നെ​ക്കു​റി​ച്ചുള്ള വിവരണം നമുക്ക്‌ ആശ്വാസം പകരു​ന്നത്‌ എങ്ങനെ?

¹⁹ എന്നാൽ അത്തരം സ്‌തുതി ദൈവ​ത്തി​നു​മാ​ത്രം അർഹത​പ്പെ​ട്ട​താണ്‌. അവിടെ നടന്ന​തൊ​ക്കെ​യും ദൈവം നിരീ​ക്ഷി​ക്കു​ന്നു​ണ്ടാ​യി​രു​ന്നു! ഹെരോ​ദി​നു വേണ​മെ​ങ്കിൽ ആ ജനത്തെ ശാസി​ക്കു​ക​യോ അവർ പറഞ്ഞതി​നോ​ടു വിയോ​ജി​പ്പു പ്രകട​മാ​ക്കു​ക​യോ ചെയ്‌തു​കൊണ്ട്‌ ഒരു ദുരന്തം ഒഴിവാ​ക്കാ​മാ​യി​രു​ന്നു. എന്നാൽ “തകർച്ച​യ്‌ക്കു മുമ്പ്‌ അഹങ്കാരം” എന്ന ജ്ഞാന​മൊ​ഴി ഹെരോ​ദി​ന്റെ കാര്യ​ത്തിൽ സത്യമാ​യി ഭവിച്ചു. (സുഭാ. 16:18) ജനം ആർത്തു​വി​ളി​ക്കു​മ്പോൾത്തന്നെ “യഹോ​വ​യു​ടെ ദൂതൻ അയാളെ പ്രഹരി​ച്ചു.” അങ്ങനെ അഹംഭാ​വി​യും പൊങ്ങ​ച്ച​ക്കാ​ര​നും ആയ അയാൾ അങ്ങേയറ്റം നിന്ദാ​ക​ര​വും ഭീകര​വും ആയ ഒരു മരണത്തി​നു വിധേ​യ​നാ​യി. “കൃമി​കൾക്കി​ര​യാ​യി ഹെരോദ്‌ മരിച്ചു” എന്ന്‌ വിവരണം പറയുന്നു. (പ്രവൃ. 12:23) അഗ്രി​പ്പ​യു​ടെ ഈ ദുരന്തം പെട്ടെന്നു സംഭവി​ച്ച​താ​യും ജനത്തിന്റെ സ്‌തുതി ഏറ്റുവാ​ങ്ങി​യ​തു​കൊ​ണ്ടാണ്‌ തനിക്കി​തു സംഭവി​ച്ച​തെന്ന്‌ അഗ്രിപ്പ നിഗമ​നം​ചെ​യ്‌ത​താ​യും ജോസീ​ഫ​സും രേഖ​പ്പെ​ടു​ത്തി​യി​ട്ടുണ്ട്‌. അഞ്ചു ദിവസം നരകിച്ചു കിടന്ന​ശേ​ഷ​മാണ്‌ അഗ്രിപ്പ മരിച്ച​തെ​ന്നും അദ്ദേഹം പറയുന്നു. b

²⁰ വളരെ​യ​ധി​കം ദുഷ്ടത പ്രവർത്തി​ക്കു​ന്ന​വർപോ​ലും ശിക്ഷി​ക്ക​പ്പെ​ടാ​തെ പോകു​ന്ന​താ​യി ചില​പ്പോൾ തോന്നി​യേ​ക്കാം. ‘ലോകം മുഴു​വ​നും ദുഷ്ടന്റെ നിയ​ന്ത്ര​ണ​ത്തി​ലാ​യ​തി​നാൽ’ അതിൽ അതിശ​യി​ക്കാ​നില്ല. (1 യോഹ. 5:19) എന്നാൽ ഇത്തരത്തിൽ ദുഷ്ടന്മാർ ശിക്ഷി​ക്ക​പ്പെ​ടാ​തെ പോകു​ന്നത്‌ ചില​പ്പോ​ഴെ​ങ്കി​ലും ദൈവ​ത്തി​ന്റെ വിശ്വസ്‌ത ദാസന്മാ​രെ അസ്വസ്ഥ​രാ​ക്കാ​റുണ്ട്‌. അതു​കൊ​ണ്ടു​തന്നെ യഹോവ നീതി നടപ്പാ​ക്കി​യ​തി​നെ​ക്കു​റി​ച്ചുള്ള ഇത്തരം വിവര​ണങ്ങൾ ആശ്വാ​സ​ദാ​യ​ക​മാണ്‌. അന്യാ​യ​ത്തി​നും അനീതി​ക്കും എതിരെ യഹോവ നടപടി​യെ​ടു​ക്കു​ന്ന​താ​യാണ്‌ ഈ വിവര​ണ​ത്തിൽ നാം കാണു​ന്നത്‌. അതിലൂ​ടെ, താൻ നീതി​യും ന്യായ​വും ഇഷ്ടപ്പെ​ടു​ന്ന​വ​നാ​ണെന്ന്‌ യഹോവ തന്റെ ദാസന്മാ​രെ ഓർമി​പ്പി​ക്കു​ന്നു. (സങ്കീ. 33:5) ആത്യന്തി​ക​മാ​യി ദൈവ​ത്തി​ന്റെ നീതി തഴയ്‌ക്കു​ക​തന്നെ ചെയ്യും.

21. പ്രവൃ​ത്തി​കൾ 12-ാം അധ്യായം പ്രധാ​ന​മാ​യും നമ്മെ എന്തു പഠിപ്പി​ക്കു​ന്നു, അത്‌ നമുക്ക്‌ ആശ്വാ​സ​പ്ര​ദ​മാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌?

²¹ അത്യന്തം പ്രോ​ത്സാ​ഹ​ജ​ന​ക​മായ വാക്കു​ക​ളോ​ടെ​യാണ്‌ ഈ വിവരണം അവസാ​നി​ക്കു​ന്നത്‌. “യഹോ​വ​യു​ടെ വചനം കൂടുതൽ സ്ഥലങ്ങളി​ലേക്കു പ്രചരി​ച്ചു” എന്ന്‌ അവിടെ നാം വായി​ക്കു​ന്നു. (പ്രവൃ. 12:24) പ്രസം​ഗ​വേ​ല​യു​ടെ വളർച്ച​യെ​ക്കു​റി​ച്ചുള്ള ഈ റിപ്പോർട്ട്‌, യഹോവ ഈ വേലയെ ഇക്കാല​ത്തും എങ്ങനെ അനു​ഗ്ര​ഹി​ച്ചി​രി​ക്കു​ന്നു​വെന്ന്‌ നമ്മെ ഓർമി​പ്പി​ച്ചേ​ക്കാം. ഒരു അപ്പോ​സ്‌ത​ലന്റെ മരണ​ത്തെ​ക്കു​റി​ച്ചും മറ്റൊരു അപ്പോ​സ്‌ത​ലന്റെ വിടു​ത​ലി​നെ​ക്കു​റി​ച്ചും ഉള്ള വിവരങ്ങൾ മാത്രമല്ല പ്രവൃ​ത്തി​കൾ 12-ാം അധ്യാ​യ​ത്തിൽ നാം കാണു​ന്നത്‌. പ്രധാ​ന​മാ​യും അവിടെ നാം വായി​ക്കു​ന്നത്‌, യഹോ​വ​യെ​ക്കു​റി​ച്ചും അതു​പോ​ലെ ക്രിസ്‌തീയ സഭയെ നശിപ്പി​ക്കാ​നും പ്രസം​ഗ​പ്ര​വർത്ത​ന​ത്തി​നു തടയി​ടാ​നും ഉള്ള സാത്താന്റെ ശ്രമങ്ങൾ യഹോവ വിഫല​മാ​ക്കി​യ​തി​നെ​ക്കു​റി​ച്ചും ആണ്‌. അതെ, സാത്താന്റെ തന്ത്രങ്ങൾക്ക്‌ എന്നും പരാജ​യം​തന്നെ സംഭവി​ക്കും! (യശ. 54:17) അതേസ​മയം യഹോ​വ​യു​ടെ​യും യേശു​വി​ന്റെ​യും ഭാഗത്ത്‌ നിലയു​റ​പ്പി​ച്ചി​രി​ക്കു​ന്നവർ ചെയ്‌തു​കൊ​ണ്ടി​രി​ക്കുന്ന ആ വേല ഒരിക്ക​ലും പരാജ​യ​പ്പെ​ടു​ക​യില്ല. ആ അറിവ്‌ നമുക്കു പ്രോ​ത്സാ​ഹനം പകരു​ന്നി​ല്ലേ? “യഹോ​വ​യു​ടെ വചനം” പ്രചരി​പ്പി​ക്കു​ന്ന​തിൽ ഒരു പങ്കുണ്ടാ​യി​രി​ക്കു​ന്നത്‌ എത്ര വലിയ പദവി​യാണ്‌!