ജോർജി​യ​യി​ലുള്ള യഹോ​വ​യു​ടെ ദാസന്മാർ സന്തോ​ഷ​വാർത്ത തീക്ഷ്ണ​ത​യോ​ടെ പ്രസം​ഗി​ച്ചി​രി​ക്കു​ന്നു. അവരുടെ കഠിനാ​ധ്വാ​നത്തെ യഹോവ അനു​ഗ്ര​ഹി​ക്കു​ക​യും ചെയ്‌തി​ട്ടുണ്ട്. അതിന്‍റെ ഫലമായി സന്തോ​ഷ​വാർത്ത രാജ്യ​ത്തി​ന്‍റെ എല്ലാ മുക്കി​ലും മൂലയി​ലും എത്തി​ച്ചേർന്നി​രി​ക്കു​ന്നു.

എങ്കിലും വളരെ കുറച്ച് മാത്രം പ്രവർത്തി​ച്ചി​ട്ടുള്ള പ്രദേ​ശ​ങ്ങ​ളു​മുണ്ട്. അവിടെ കഴിഞ്ഞ കുറെ വർഷങ്ങ​ളാ​യി ഉത്സാഹി​ക​ളായ പ്രചാ​ര​ക​രും മുൻനി​ര​സേ​വ​ക​രും കൂടുതൽ ശ്രദ്ധ കൊടു​ത്തു​വ​രു​ന്നു. അവർക്കു  പർവത​പ്ര​ദേ​ശ​ങ്ങ​ളിൽ സ്ഥിതി ചെയ്യുന്ന ചില വിദൂ​ര​ഗ്രാ​മ​ങ്ങ​ളിൽ എത്തി​ച്ചേ​രാൻ മലകയ​റാൻ പറ്റുന്ന നാലു​ച​ക്ര​വാ​ഹ​ന​ങ്ങ​ളോ കേബിൾ കാറു​ക​ളോ ഇല്ലാ​തെ​പ​റ്റില്ല.

2009 മുതൽ ഓരോ വർഷവും ജോർജിയ ബ്രാഞ്ച്, ആർക്കും നിയമി​ച്ചു​കൊ​ടു​ത്തി​ട്ടി​ല്ലാത്ത പ്രദേ​ശ​ങ്ങ​ളു​ടെ ഒരു പട്ടിക സഭകൾക്ക് അയച്ചു​കൊ​ടു​ക്കാ​റുണ്ട്. ആ പ്രദേ​ശ​ങ്ങ​ളി​ലെ പ്രസം​ഗ​പ്ര​വർത്ത​നത്തെ പിന്തു​ണയ്‌ക്കു​ന്ന​തി​നു പ്രചാ​ര​കരെ ക്ഷണിക്കു​ക​യും ചെയ്യും. ഈ പ്രവർത്ത​ന​ത്തിൽ പങ്കു ചേരാൻ അനേക​രും ശ്രദ്ധേ​യ​മായ ത്യാഗങ്ങൾ ചെയ്‌തി​ട്ടുണ്ട്.

ഈയിടെ വിവാ​ഹി​ത​രായ ടെമൂറി ബ്ലിയാഡ്‌സെ​യും അനയും പർവത​പ്ര​ദേ​ശ​മായ അജാരി​യ​മേ​ഖ​ല​യിൽ പ്രചാ​ര​ക​രു​ടെ ആവശ്യം കൂടു​ത​ലു​ണ്ടെന്ന് അറിഞ്ഞു. ഒരു പുതിയ വീടു പണിയാൻ അവർ സ്ഥലം വാങ്ങി​യതേ ഉണ്ടായി​രു​ന്നു​ള്ളൂ. പക്ഷേ, ഇപ്പോൾ അവർക്കു ശുശ്രൂഷ വികസി​പ്പി​ക്കാ​നുള്ള ഒരു അവസരം ഒത്തുവ​ന്നി​രി​ക്കു​ക​യാണ്‌.

ആദ്യം അവർ അജാരി​യ​മേ​ഖ​ല​യിൽ പോയി ഒരാഴ്‌ച അവിടെ തങ്ങി. ടെമൂറി പറയുന്നു: “അവിട​ങ്ങ​ളി​ലെ പ്രചാ​ര​കർക്കു ചെറിയ ഗ്രാമ​ങ്ങ​ളിൽ എത്തി​ച്ചേ​രാൻ വളരെ ദൂരം നടക്കേ​ണ്ടി​വ​രു​ന്നുണ്ട്. ഞങ്ങൾക്കാ​ണെ​ങ്കിൽ ഈ സ്ഥലത്ത്‌ ഓടി​ക്കാൻ പറ്റിയ ഒരു ഫോർ വീൽ ഡ്രൈവ്‌ വണ്ടിയുണ്ട്. അത്‌ ഇവിടെ ഉപയോ​ഗി​ക്കാ​മ​ല്ലോ എന്ന് എനിക്ക് അപ്പോഴേ തോന്നി.”

അന കൂട്ടി​ച്ചേർക്കു​ന്നു: “ഞങ്ങളുടെ സ്വന്തം കുടും​ബ​ക്കാ​രെ​യും സഭയെ​യും വിട്ടു പോരു​ന്നത്‌ ഒട്ടും എളുപ്പ​മാ​യി​രു​ന്നില്ല. കാരണം ഞങ്ങൾക്ക് അവരു​മാ​യി അത്ര അടുത്ത​ബ​ന്ധ​മാണ്‌ ഉണ്ടായി​രു​ന്നത്‌. പക്ഷേ ഞങ്ങളുടെ തീരു​മാ​നത്തെ യഹോവ അനു​ഗ്ര​ഹി​ക്കു​ന്നു​ണ്ടാ​യി​രു​ന്നു.” ഏതാണ്ടു മൂന്നു വർഷത്തി​ലേ​റെ​യാ​യി അജാരിയ മേഖല​യി​ലെ കേഡാ എന്ന സ്ഥലത്തുള്ള ഒരു ഗ്രൂപ്പി​നെ പിന്തു​ണ​ച്ചു​കൊണ്ട് ടെമൂ​റി​യും അനയും അവിടെ സേവി​ക്കു​ന്നു.

രാജ്യ​ത്തി​ന്‍റെ ഈ വിദൂ​ര​ഭാ​ഗ​ങ്ങ​ളിൽ പ്രസം​ഗ​പ്ര​വർത്ത​നത്തെ പിന്തു​ണയ്‌ക്കു​ന്ന​തിൽ താത്‌കാ​ലിക പ്രത്യേ​ക​മുൻനി​ര​സേ​വകർ നൽകിയ സഹായം എടുത്തു​പ​റ​യ​ത്ത​ക്ക​താണ്‌. എന്നാൽ ഈ മുൻനി​ര​സേ​വ​ക​രു​ടെ നിയമ​ന​കാ​ലം അവസാ​നി​ച്ച​പ്പോൾ മിക്കവ​രും മടങ്ങി​പ്പോ​കാ​തെ അവരെ നിയമിച്ച സ്ഥലങ്ങളിൽ തന്നെ തുടർന്നു. അങ്ങനെ അവരുടെ ബൈബിൾവി​ദ്യാർഥി​കളെ പിന്നീ​ടും സഹായി​ക്കാൻ കഴിഞ്ഞു.

 മനോ​ഹ​ര​മായ മാൻഗ്ലി​സി പട്ടണത്തി​ലേക്കു രണ്ടു മുൻനി​ര​സേ​വി​ക​മാ​രെ നിയമി​ച്ചു. ഖാട്ടുന എന്നായി​രു​ന്നു രണ്ടു പേരു​ടെ​യും പേരുകൾ. ആ സ്ഥലത്ത്‌ സാക്ഷികൾ ആരും ഇല്ലായി​രു​ന്നു. പക്ഷേ, രണ്ടു സഹോ​ദ​രി​മാർക്കും ശുശ്രൂ​ഷ​യിൽ നല്ല ഫലം കാണാൻ കഴിഞ്ഞു. ഓരോ മാസവും അവരുടെ ബൈബിൾപ​ഠ​ന​ങ്ങ​ളു​ടെ എണ്ണം കൂടി​ക്കൂ​ടി വന്നു. ആദ്യമാ​സം അവർ 9 ബൈബിൾപ​ഠ​നങ്ങൾ നടത്തി. പിന്നീട്‌ 12-ഉം, 15-ഉം, 18-ഉം ആയി സംഖ്യ ഉയർന്നു. ബൈബിൾവി​ദ്യാർഥി​കളെ തുടർന്നും സഹായി​ക്കാൻ ആ സഹോ​ദ​രി​മാർ മാൻഗ്ലി​സിൽതന്നെ താമസി​ക്കാൻ തീരു​മാ​നി​ച്ചു.

എന്നാൽ ജീവി​ത​ച്ചെ​ല​വു​കൾക്കുള്ള പണത്തിന്‌ അവർ എന്തെങ്കി​ലും മാർഗം കണ്ടെത്ത​ണ​മാ​യി​രു​ന്നു. മാൻഗ്ലി​സി സന്ദർശി​ക്കാൻ വരുന്ന മിക്കവർക്കും പൈൻകോൺ ഉപയാ​ഗി​ച്ചു​ണ്ടാ​ക്കുന്ന അവിടത്തെ ഒരു പ്രത്യേ​ക​വി​ഭവം ഇഷ്ടമാ​യി​രു​ന്നു. ഇത്‌ ആരോ​ഗ്യ​പ​ര​മാ​യി വളരെ ഗുണങ്ങ​ളുള്ള ഒന്നായി​രു​ന്നു. സഹോ​ദ​രി​മാർ പച്ച​പൈൻകോൺ ശേഖരിച്ച് പേരു​കേട്ട ഈ വിഭവം തയ്യാറാ​ക്കി അവിടത്തെ ചന്തയിൽ കൊണ്ടു​പോ​യി വിൽക്കും. അങ്ങനെ​യി​രി​ക്കെ അവർക്ക് അപ്രതീ​ക്ഷി​ത​മായ മറ്റൊരു വരുമാ​ന​മാർഗം ഒത്തുവന്നു.

ഒരു ദിവസം ബൈബിൾവി​ദ്യാർഥി​ക​ളിൽ ഒരാൾ കുറെ കോഴി​ക്കു​ഞ്ഞു​ങ്ങളെ  കൊണ്ടു​വന്ന് തന്നു. അവരുടെ ഒരു കോഴി മറ്റെവി​ടെ​യോ മുട്ടയിട്ട് അടയി​രുന്ന് ഇപ്പോൾ കുറെ കുഞ്ഞു​ങ്ങ​ളു​മാ​യി വന്നിരി​ക്കു​ക​യാ​ണെന്നു പറഞ്ഞു. ഈ കോഴി​ക്കു​ഞ്ഞു​ങ്ങളെ ബൈബിൾ പഠിപ്പി​ക്കു​ന്ന​വർക്കു നൽകാ​നാ​ണു കൊണ്ടു​വ​ന്ന​തെന്ന് അവർ പറഞ്ഞു. സഹോ​ദ​രി​മാ​രിൽ ഒരാൾക്കു കോഴി​യെ വളർത്താൻ അറിയാ​മാ​യി​രു​ന്നു. അതു​കൊണ്ട് തങ്ങളുടെ ചെലവി​നാ​യി ചെറി​യ​തോ​തിൽ കോഴി​വ​ളർത്തൽ തുടങ്ങാൻ അവർ തീരു​മാ​നി​ച്ചു.

ഒരു സഹോ​ദരി പറയുന്നു: “യഹോ​വ​യു​ടെ​യും സഹോ​ദ​ര​ങ്ങ​ളു​ടെ​യും ബൈബിൾവി​ദ്യാർഥി​ക​ളു​ടെ​യും സഹായം കൊണ്ട് ഞങ്ങൾക്ക് അഞ്ചു വർഷം മാൻഗ്ലി​സി​യിൽ താമസി​ക്കാൻ കഴിഞ്ഞു.” ഇപ്പോൾ അവിടെ ഒരു ഗ്രൂപ്പ് സജീവ​മാ​യി പ്രവർത്തി​ക്കു​ന്നു.

അടുത്ത​കാ​ല​ത്താ​യി ജോർജി​യ​യി​ലേക്കു വിദേ​ശി​ക​ളു​ടെ ഒരു ഒഴുക്കു തന്നെ ഉണ്ടായി​ട്ടുണ്ട്. സേവന​ത്തി​ന്‍റെ ഒരു പുതിയ വയൽ തുറന്നു​വ​രു​ന്ന​താ​യി മിക്ക മുൻനി​ര​സേ​വ​ക​രും മനസ്സി​ലാ​ക്കി. അതു​കൊണ്ട് അവർ അറബി, അസർബയ്‌ജാ​നി, ചൈനീസ്‌, ഇംഗ്ലീഷ്‌, പേർഷ്യൻ, ടർക്കിഷ്‌, കുർദിഷ്‌ തുടങ്ങിയ ഭാഷകൾ പഠിക്കാൻ തുടങ്ങി.

പല മുൻനി​ര​സേ​വ​ക​രും അന്യഭാ​ഷാ​ഗ്രൂ​പ്പു​ക​ളി​ലും സഭകളി​ലും ചേർന്ന് പ്രവർത്തി​ക്കു​ന്നു. എന്നാൽ മറ്റു ചിലരാ​കട്ടെ ഇതിലും ആവശ്യം കൂടു​ത​ലുള്ള വിദേ​ശ​രാ​ജ്യ​ങ്ങ​ളി​ലേക്കു മാറി​ത്താ​മ​സി​ച്ചി​രി​ക്കു​ന്നു. ഏതാണ്ട് 20-കളിലാ​യി​രുന്ന ജോർജി, ഗെല എന്നീ സഹോ​ദ​ര​ന്മാർ ഒരു അയൽരാ​ജ്യ​ത്തേക്കു മാറി​ത്താ​മ​സി​ക്കാൻ തീരു​മാ​നി​ച്ചു. ജോർജി പറയുന്നു: “യഹോ​വയ്‌ക്കു ഞങ്ങളുടെ ഏറ്റവും നല്ലതു കൊടു​ക്കാൻ ഞങ്ങൾ ആഗ്രഹി​ച്ചു. അതിനു ഏറ്റവും പറ്റിയ അവസര​മാ​യി​രു​ന്നു അത്‌.”

അവി​ടെ​യാ​യി​രുന്ന സമയ​ത്തെ​ക്കു​റിച്ച് ഓർത്തു​കൊണ്ട് ഗെല പറയുന്നു: “അങ്ങനെ​യൊ​രു പ്രദേ​ശത്ത്‌ മൂപ്പനാ​യി സേവി​ച്ചത്‌ എന്നെ ഒരുപാ​ടു കാര്യങ്ങൾ പഠിപ്പി​ച്ചു. യഹോവ തന്‍റെ ‘കുഞ്ഞാ​ടു​കളെ’ സഹായി​ക്കാൻ നിങ്ങളെ ഉപയോ​ഗി​ക്കു​ന്നത്‌ ഒരു വലിയ പദവി​യാണ്‌.”​—യോഹ. 21:17.

ജോർജി കൂട്ടി​ച്ചേർക്കു​ന്നു: “വെല്ലു​വി​ളി​കൾ ഉണ്ടായി​രു​ന്നെ​ങ്കി​ലും മറി​ച്ചൊ​ന്നും ചിന്തി​ക്കാ​തെ ഞങ്ങൾ സേവന​ത്തിൽ ശ്രദ്ധിച്ചു. ചെയ്യേ​ണ്ടി​യി​രു​ന്നതു ചെയ്‌തു എന്നു മാത്രമേ ഞങ്ങൾക്കു തോന്നി​യി​ട്ടു​ള്ളൂ.”

 ഗെല എന്നുതന്നെ പേരുള്ള മറ്റൊരു സഹോ​ദരൻ തുർക്കി​യിൽ കുറച്ച് വർഷങ്ങൾ സേവി​ച്ചി​രു​ന്നു. അദ്ദേഹം ഓർക്കു​ന്നു: “തുടക്ക​ത്തിൽ അവിടത്തെ ഭാഷ എനിക്ക് ഒരു പ്രശ്‌ന​മാ​യി​രു​ന്ന​തു​കൊണ്ട് എന്‍റെ സന്തോഷം നിലനി​റു​ത്തു​ന്നത്‌ ഒരു വെല്ലു​വി​ളി ആയിരു​ന്നു. എന്നാൽ പിന്നീട്‌ അവി​ടെ​യു​ള്ള​വ​രോ​ടും സഹോ​ദ​ര​ങ്ങ​ളോ​ടും ആ ഭാഷയിൽ സംസാ​രിച്ച് തുടങ്ങി​യ​പ്പോൾ എനിക്കു​ണ്ടായ സന്തോ​ഷ​ത്തിന്‌ അതിരി​ല്ലാ​യി​രു​ന്നു.”

പത്തു വർഷത്തി​ല​ധി​കം തുർക്കി​യി​ലെ ഇസ്‌താൻബു​ള്ളിൽ മുൻനി​ര​സേ​വി​ക​യാ​യി പ്രവർത്തിച്ച നീനൊ എന്ന സഹോ​ദരി പറയുന്നു: “അവി​ടേക്കു മാറി​ത്താ​മ​സിച്ച ആദ്യദി​വസം മുതൽ യഹോ​വ​യു​ടെ സഹായം ഞാൻ അനുഭ​വി​ച്ച​റി​ഞ്ഞു. വാർഷി​ക​പുസ്‌ത​ക​ത്തിൽ വരുന്ന​തു​പോ​ലുള്ള അനുഭ​വ​ങ്ങ​ളാണ്‌ ഓരോ ദിവസ​വും അന്യഭാ​ഷാ​വ​യ​ലിൽ സേവി​ക്കു​മ്പോൾ ഉണ്ടാകു​ന്നത്‌.”