മെക്‌സി​ക്കോ​യി​ലുള്ള ഇസ്‌മ​യേൽ എന്ന ഒരാൾ മുഴു​ബൈ​ബി​ളും വായി​ക്കാൻ തീരു​മാ​നി​ച്ചു. ആ തീരു​മാ​ന​ത്തി​നു ചേർച്ച​യിൽ ഒരു വർഷത്തി​നു​ള്ളിൽ അദ്ദേഹം രണ്ടു തവണ ബൈബിൾ വായിച്ചു. എന്നാൽ പിന്നീട്‌ അദ്ദേഹ​ത്തി​ന്‍റെ കാഴ്‌ച​ശക്തി നഷ്ടപ്പെട്ടു. കുറെ വർഷങ്ങൾക്കു​ശേഷം എയ്‌ഞ്ചൽ എന്ന ഒരു യഹോ​വ​യു​ടെ സാക്ഷി ഇസ്‌മ​യേ​ലി​നെ കണ്ടുമു​ട്ടി. ഭാവി​യിൽ ദൈവം വരുത്താൻ പോകുന്ന അനു​ഗ്ര​ഹ​ങ്ങ​ളെ​ക്കു​റിച്ച് അദ്ദേഹം ഇസ്‌മ​യേ​ലി​നോ​ടു പറഞ്ഞു. ഇസ്‌മ​യേ​ലി​നു  തുടർന്ന് പഠിക്ക​ണ​മെ​ന്നു​ണ്ടാ​യി​രു​ന്നു, പക്ഷേ അദ്ദേഹം പറഞ്ഞത്‌ ഇങ്ങനെ​യാണ്‌: “എനിക്കു കാഴ്‌ച​യില്ല, അതു​കൊണ്ട് ബൈബിൾ വായി​ക്കാൻ കഴിയില്ല.”

എയ്‌ഞ്ചൽ അപ്പോൾ ഇങ്ങനെ പറഞ്ഞു: “സങ്കട​പ്പെ​ടാ​തെ, ഞാൻ നിങ്ങളെ ബ്രെയിൽ (കാഴ്‌ച​യി​ല്ലാ​ത്ത​വർക്കു തൊട്ടു മനസ്സി​ലാ​ക്കാൻ തടിച്ച കുത്തുകൾ ഉപയോ​ഗിച്ച് അക്ഷരങ്ങൾ രേഖ​പ്പെ​ടു​ത്തി​യി​രി​ക്കുന്ന രീതി) പഠിപ്പി​ക്കാം.”

ഉടനെ ഇസ്‌മ​യേൽ ചോദി​ച്ചു: “നിങ്ങൾക്കു ബ്രെയിൽ അറിയാ​മോ?”

“ഇല്ല, ഞാനും നിങ്ങളു​ടെ​കൂ​ടെ പഠിക്കും.” എയ്‌ഞ്ചൽ മറുപടി പറഞ്ഞു. പക്ഷേ ഇതൊ​ന്നും നടക്കാൻപോ​കുന്ന കാര്യ​ങ്ങ​ള​ല്ലെന്ന് ഇസ്‌മ​യേൽ മനസ്സിൽപ്പ​റഞ്ഞു. എന്നാൽ സംഭവി​ച്ചതു മറ്റൊ​ന്നാണ്‌. എയ്‌ഞ്ചൽ വീട്ടിൽ പോയി ബ്രെയിൽ വായി​ക്കാ​നുള്ള ശ്രമങ്ങൾ തുടങ്ങി. കാർഡ്‌ബോർഡിൽ ബ്രെയിൽ അക്ഷരങ്ങൾ ഉണ്ടാക്കു​ക​പോ​ലും ചെയ്‌തു. പിന്നീട്‌ അദ്ദേഹം ബ്രെയിൽ വായി​ക്കേ​ണ്ടത്‌ എങ്ങനെ​യാ​ണെന്ന് ഇസ്‌മ​യേ​ലി​നെ പഠിപ്പി​ക്കാൻ തുടങ്ങി. അധികം താമസി​യാ​തെ ഇസ്‌മ​യേൽ അക്ഷരമാല പഠിക്കു​ക​യും മീറ്റി​ങ്ങു​ക​ളിൽ പങ്കെടു​ക്കു​ക​യും നമ്മുടെ ബ്രെയിൽ പ്രസി​ദ്ധീ​ക​ര​ണങ്ങൾ വായി​ച്ചു​തു​ട​ങ്ങു​ക​യും ചെയ്‌തു. ഇപ്പോൾ കാഴ്‌ച​ശക്തി ഇല്ലാത്ത നാലു പേരോ​ടൊത്ത്‌ എയ്‌ഞ്ചൽ സഹോ​ദരൻ ബൈബിൾപ​ഠ​നങ്ങൾ നടത്തുന്നു. അവർക്കു ഭാവി​പ​റു​ദീ​സ​യെ​ക്കു​റിച്ച് സംസാ​രി​ക്കാൻ വളരെ ഇഷ്ടമാണ്‌, പ്രത്യേ​കി​ച്ചും കാഴ്‌ച​ശക്തി വീണ്ടും കിട്ടുന്ന കാര്യ​ത്തെ​പ്പറ്റി.

ഐക്യ​നാ​ടു​ക​ളി​ലെ 14-വയസ്സുള്ള ഒരു സഹോ​ദ​രി​യാ​ണു വിയാനി. അവൾ എഴുതു​ന്നു: “സാമൂ​ഹ്യ​പാ​ഠ​ക്ലാ​സ്സിൽ ഒരിക്കൽ പകരംവന്ന അധ്യാ​പകൻ മതങ്ങ​ളെ​ക്കു​റിച്ച് സംസാ​രി​ക്കാൻ തുടങ്ങി. ചില മതങ്ങളു​ടെ പേര്‌ പറയാൻ കുട്ടി​ക​ളോട്‌ ആവശ്യ​പ്പെട്ടു. ഞാൻ യഹോ​വ​യു​ടെ സാക്ഷി​ക​ളെ​ക്കു​റിച്ച് പറഞ്ഞു. കൂട്ടു​കാ​രെ​ല്ലാം കൂട്ടച്ചി​രി​യാ​യി. നമ്മൾ അവരുടെ സമയം മിന​ക്കെ​ടു​ത്തു​ക​യാ​ണെ​ന്നും നമുക്കു  വേറൊ​രു പണിയു​മി​ല്ലെ​ന്നും അവർ പറഞ്ഞു. അതു​പോ​ലെ നമ്മൾ കൊടു​ക്കുന്ന പ്രസി​ദ്ധീ​ക​ര​ണങ്ങൾ എറിഞ്ഞു​ക​ള​യു​ക​യാ​ണു പതി​വെ​ന്നും അവർ പറഞ്ഞു. അധ്യാ​പ​ക​നും അവരുടെ കൂടെ​ക്കൂ​ടി.

“ഉടനെ, ഒരു സാക്ഷ്യം കൊടു​ക്കാ​നുള്ള ശക്തി തരണേ എന്നു ഞാൻ യഹോ​വ​യോ​ടു പ്രാർഥി​ച്ചു. നമ്മൾ അവരുടെ വീടു​ക​ളിൽ പോകു​ന്നത്‌ അവരുടെ സമയം കളയാ​ന​ല്ലെ​ന്നും ബൈബി​ളി​ലെ നല്ല കാര്യങ്ങൾ അവർക്കു പറഞ്ഞു​കൊ​ടു​ക്കാൻ യഹോവ നമ്മളെ അയയ്‌ക്കു​ന്ന​താ​ണെ​ന്നും ഞാൻ പറഞ്ഞു. തരുന്ന പ്രസി​ദ്ധീ​ക​ര​ണങ്ങൾ കളയരു​തെ​ന്നും അത്‌ അവരുടെ ജീവി​ത​ത്തി​നു മാറ്റം വരുത്താ​നും ജീവൻ രക്ഷിക്കാ​നും  സഹായി​ക്കു​മെ​ന്നും പറഞ്ഞു. ഇതൊക്കെ കേട്ടു​നിന്ന അധ്യാ​പകൻ എന്നോടു സോറി പറഞ്ഞു. ഇനി സാക്ഷികൾ വന്നാൽ അവരെ വീട്ടിൽ കയറ്റു​മെ​ന്നും പറയുന്ന കാര്യങ്ങൾ കേട്ടിട്ട് തരുന്ന പ്രസി​ദ്ധീ​ക​ര​ണങ്ങൾ വായി​ക്കു​മെ​ന്നും അധ്യാ​പകൻ ഉറപ്പു തന്നു. പക്ഷേ അദ്ദേഹം പറഞ്ഞ കാര്യ​ങ്ങ​ളിൽ എനിക്ക് അത്ര വിശ്വാ​സം വന്നില്ല.

“നാലു മാസം കഴിഞ്ഞ് ഒരു ദിവസം ഞാൻ അദ്ദേഹത്തെ കണ്ടു. അദ്ദേഹം ബൈബിൾ പഠിക്കു​ന്നു​ണ്ടെന്ന് അറിഞ്ഞ് ഞാൻ അതിശ​യി​ച്ചു​പോ​യി. പിന്നീട്‌ ആറു മാസം കഴിഞ്ഞ് സ്‌കൂ​ളിൽവെച്ച് എന്നെ അദ്ദേഹം അന്വേ​ഷി​ക്കു​ക​യും അന്ന് സാക്ഷ്യം കൊടു​ത്ത​തിന്‌ എന്നോടു  നന്ദി പറയു​ക​യും ചെയ്‌തു. മുടി​വെട്ടി, താടി​വ​ടിച്ച് വന്ന അദ്ദേഹത്തെ എനിക്കു തിരി​ച്ച​റി​യാ​നേ കഴിഞ്ഞില്ല. അദ്ദേഹം ഇപ്പോൾ സ്‌നാ​ന​മേൽക്കാത്ത ഒരു പ്രചാ​ര​ക​നാണ്‌.”

ബ്രസീ​ലി​ലെ യഹോ​വ​യു​ടെ ജനത്തിനു വിശാ​ല​മായ ആമസോൺമേഖല കഴിഞ്ഞ​വർഷം ശ്രദ്ധാ​കേ​ന്ദ്ര​മാ​യി​രു​ന്നു. ഈ ഭാഗത്തെ മിക്കവർക്കും അന്നുവരെ സന്തോ​ഷ​വാർത്ത കേൾക്കാ​നുള്ള അവസരം കിട്ടി​യി​രു​ന്നില്ല. ഇക്കാര്യം മനസ്സിൽപ്പി​ടി​ച്ചു​കൊണ്ട് ഭരണസം​ഘം ഒരു വർഷം നീളുന്ന ഒരു പ്രത്യേക പ്രചാ​ര​ണ​പ​രി​പാ​ടിക്ക് അനുമതി നൽകി. ആമസോ​ണി​ന്‍റെ ഉൾപ്ര​ദേ​ശ​ങ്ങ​ളി​ലുള്ള ആയിര​ക്ക​ണ​ക്കിന്‌ ആളുക​ളു​ടെ അടുക്കൽ എത്തി​ച്ചേ​രു​ക​യാ​യി​രു​ന്നു ലക്ഷ്യം.

ബ്രാ​ഞ്ചോ​ഫീസ്‌ 53 പട്ടണങ്ങൾ ഇതിനാ​യി തിര​ഞ്ഞെ​ടു​ത്തു. ആമസോ​ണി​ന്‍റെ വലിയ ജലപാ​ത​ക​ളാൽ ചുറ്റ​പ്പെട്ട് ചിതറി​ക്കി​ട​ക്കുന്ന ഈ പട്ടണങ്ങ​ളിൽ ഒരു വർഷം കൊണ്ട് ദൈവ​രാ​ജ്യ​പ്ര​സം​ഗ​കർക്ക് എത്തി​ച്ചേ​രാൻ കഴിയും. വെറും നാലു മാസത്തി​നു​ള്ളിൽ 6,500-ലേറെ പ്രചാ​രകർ ഈ ക്ഷണത്തോ​ടു പ്രതി​ക​രി​ച്ചു.

അനാമ എന്ന ദൂരെ​യുള്ള പട്ടണത്തിൽ രാജ്യ​പ്ര​ചാ​രകർ ആരും ഉണ്ടായി​രു​ന്നില്ല. പത്തു സഹോ​ദ​രങ്ങൾ 11 ദിവസം അവിടെ താമസിച്ച് 12,500-ലധികം പ്രസി​ദ്ധീ​ക​ര​ണങ്ങൾ വിതരണം ചെയ്‌തു. അവർക്ക് 200-ഓളം ബൈബിൾപ​ഠ​നങ്ങൾ ആരംഭി​ക്കാ​നും കഴിഞ്ഞു. ഇപ്പോൾ ഫോണി​ലൂ​ടെ​യാ​ണു പഠനം തുടർന്നു​കൊ​ണ്ടി​രി​ക്കു​ന്നത്‌. അവി​ടെ​യാ​യി​രു​ന്ന​പ്പോൾ സഹോ​ദ​രങ്ങൾ മീറ്റി​ങ്ങു​ക​ളും നടത്തി​യി​രു​ന്നു. അവിടം​വിട്ട് പോരു​ന്ന​തി​നു മുമ്പ് നടത്തിയ മീറ്റി​ങ്ങിൽ 90 പേർ ഹാജരാ​യത്‌ അവരെ സന്തോ​ഷി​പ്പി​ച്ചു. ഈ പ്രചാ​ര​ണ​പ​രി​പാ​ടി​യു​ടെ മുഴുവൻ പ്രയോ​ജ​ന​വും അറിയാ​നി​രി​ക്കു​ന്ന​തേ​യു​ള്ളൂ.

വെന​സ്വേ​ല​യി​ലു​ളള ഒരു സ്‌കൂ​ളി​ലെ വിദ്യാർഥി​നി​ക​ളാ​ണു ഹെയ്‌സ​ലും മരിയാ​ന​യും. കഴിഞ്ഞ ആറു വർഷമാ​യി അവർ സഹപാ​ഠി​ക​ളാണ്‌. ഹെയ്‌സൽ ഒരു യഹോ​വ​യു​ടെ സാക്ഷി​യാ​യ​തി​നാൽ മരിയാന അവളെ എപ്പോ​ഴും കളിയാ​ക്കു​മാ​യി​രു​ന്നു. ജീവിതം എങ്ങനെ ആസ്വദി​ക്ക​ണ​മെന്നു ഹെയ്‌സ​ലിന്‌ അറിയില്ല എന്നായി​രു​ന്നു മരിയാ​ന​യു​ടെ വാദം. ഇതു​പോ​ലെ കുറേ കളിയാ​ക്കൽ കേട്ട ഒരു ദിവസം ഹെയ്‌സൽ ഇങ്ങനെ പറഞ്ഞു: “മരിയാന, ഞങ്ങളുടെ വെബ്‌സൈറ്റ്‌ jw.org-ൽ,  ‘വീഡി​യോ​കൾ’ എന്നതിനു കീഴിൽ ‘കൗമാ​ര​പ്രാ​യ​ക്കാർ’ എന്ന ഭാഗം ഒന്നു നോക്കാ​മോ?”

അന്ന് ഉച്ചകഴിഞ്ഞ് മരിയാന ഹെയ്‌സ​ലി​നെ ഫോണിൽ വിളിച്ച് പറഞ്ഞു: “ഹെയ്‌സൽ, എന്തു​കൊ​ണ്ടാ​ണു നീ ഇങ്ങനെ​യൊ​ക്കെ ചെയ്യു​ന്ന​തെന്ന് എനിക്ക് ഇപ്പോൾ മനസ്സി​ലാ​യി.”

കാര്യം മനസ്സി​ലാ​കാ​തെ ഹെയ്‌സൽ ഇങ്ങനെ ചോദി​ച്ചു: “എന്നെ പിന്നെ​യും കളിയാ​ക്കു​ക​യാ​ണോ?”

മരിയാന പറഞ്ഞു: “ഇല്ല, ഞാൻ നിന്നെ ഇനി ഒരിക്ക​ലും കളിയാ​ക്കില്ല. എനിക്ക് ഇപ്പോൾ ഒരു കാര്യം മനസ്സി​ലാ​യി. ഞാൻ ‘ജീവിതം ആസ്വദി​ക്കു​ക​യാണ്‌’ എന്നു കരുതി ചെയ്‌തി​രുന്ന പലതും ആണ്‌ എന്‍റെ മിക്ക പ്രശ്‌ന​ങ്ങ​ളു​ടെ​യും കാരണം. എല്ലാത്തി​നും നന്ദി!” മരിയാ​നയ്‌ക്ക് ഒരു ബൈബിൾപ​ഠനം ക്രമീ​ക​രി​ച്ചു. അവൾ ഇപ്പോൾ എല്ലാ മീറ്റി​ങ്ങു​കൾക്കും വരുന്നുണ്ട്.

സറുൽ ഹെയ്‌റ്റി​യി​ലുള്ള ഒരു പള്ളിയി​ലെ സെക്ര​ട്ടറി ആയിരു​ന്നു. സറുലി​ന്‍റെ എല്ലാ ചോദ്യ​ങ്ങൾക്കും സാക്ഷികൾ ബൈബി​ളിൽനിന്ന് ഉത്തരം പറഞ്ഞത്‌ അവളിൽ മതിപ്പു​ള​വാ​ക്കി. അങ്ങനെ സറുലും മകളും ബൈബിൾപ​ഠനം തുടങ്ങി. പഠിക്കുന്ന കാര്യങ്ങൾ ഹൃദയത്തെ സ്‌പർശി​ച്ച​തു​കൊണ്ട് ആഴ്‌ച​യിൽ രണ്ടു തവണ പഠനം വേണ​മെന്ന് അവർ ആവശ്യ​പ്പെട്ടു.

മൂന്നു മാസം കഴിഞ്ഞ​പ്പോൾ സറുൽ അവളുടെ പള്ളിയി​ലെ പാസ്റ്ററു​ടെ അടുത്തു ചെന്ന് അദ്ദേഹ​ത്തോ​ടു നാലു ചോദ്യ​ങ്ങൾ ചോദി​ച്ചു: “ഏതു വർഷമാണ്‌ യേശു രാജാ​വാ​യത്‌? നല്ല ആളുകൾ മരിക്കു​മ്പോൾ എങ്ങോട്ടു പോകു​ന്നു? ചീത്ത ആളുകൾ മരിക്കു​മ്പോ​ഴോ? യേശു മരിച്ചതു കുരി​ശി​ലോ അതോ ഒരു സ്‌തം​ഭ​ത്തി​ലോ?” രണ്ടാമ​ത്തെ​യും മൂന്നാ​മ​ത്തെ​യും ചോദ്യ​ങ്ങൾക്ക് ഉത്തരം നൽകാം എന്നു പാസ്റ്റർ പറഞ്ഞു. അദ്ദേഹം തുടർന്നു: “1,44,000 പേരാണു സ്വർഗ​ത്തിൽ പോകു​ന്ന​തെന്ന് യഹോ​വ​യു​ടെ സാക്ഷികൾ പറയുന്നു. പക്ഷേ, ദൈവ​ത്തി​ന്‍റെ ഇഷ്ടം ചെയ്യുന്ന എല്ലാവ​രും സ്വർഗ​ത്തിൽ പോകും. ദുഷ്ടന്മാ​രെ​യാ​കട്ടെ, നരകത്തിൽ എന്നും ദണ്ഡിപ്പി​ക്കും.” ബൈബി​ളിൽനിന്ന് ഈ കാര്യങ്ങൾ കാണി​ച്ചു​ത​രാ​മോ എന്നു ചോദി​ച്ച​പ്പോൾ അദ്ദേഹ​ത്തിന്‌ ഒരെണ്ണം​പോ​ലും കാണി​ക്കാൻ കഴിഞ്ഞില്ല. സറുലിന്‌ നിരാശ തോന്നി. അതിനാൽ സാക്ഷി​ക​ളോ​ടൊത്ത്‌ ബൈബിൾപ​ഠനം തുടരാൻ അവൾ തീരു​മാ​നി​ക്കു​ക​യും പള്ളിയിൽനിന്ന് രാജി​വെ​ക്കു​ക​യും ചെയ്‌തു. 30-ലധികം വർഷം പള്ളിയിൽ പോയിട്ട് കിട്ടി​യ​തി​നേ​ക്കാൾ കൂടുതൽ കാര്യങ്ങൾ സാക്ഷി​ക​ളു​ടെ കൂടെ 3 മാസം ബൈബിൾ പഠിച്ച​പ്പോൾ അറിയാൻ കഴി​ഞ്ഞെന്നു സറുൽ പറഞ്ഞു. സറുലും മകളും ഈയിടെ സ്‌നാ​ന​മേറ്റു. ഇപ്പോൾ രണ്ടാളും കൂടി അവരുടെ ഗ്രാമ​ത്തിൽ 23 ബൈബിൾപ​ഠ​നങ്ങൾ നടത്തുന്നു.