ഓസ്‌ട്രേ​ലി​യ​യി​ലെ ഒരു കിന്‍റർഗാർട്ട​നിൽ പഠിക്കുന്ന ഒലിവിയ അവളുടെ അധ്യാ​പി​കയെ സ്‌മാ​ര​കാ​ച​ര​ണ​ത്തി​നു ക്ഷണിച്ചു. അന്നു​തൊട്ട് ഒലിവിയ എല്ലാ സ്‌മാ​ര​ക​ത്തി​നും അധ്യാ​പി​കയെ വിളി​ക്കു​മാ​യി​രു​ന്നു. എട്ടു വർഷ​ത്തോ​ളം ഇതു തുടർന്നു. അവസാനം അവളുടെ പ്രയത്‌ന​ത്തി​നു ഫലമു​ണ്ടാ​യി. 2016-ൽ, ഈ സ്‌മാ​ര​ക​ത്തി​നു താനും വരുന്നുണ്ട് എന്ന് അധ്യാ​പിക ഫോൺ വിളിച്ച് ഒലിവി​യ​യോ​ടു പറഞ്ഞു. കഴിഞ്ഞ വർഷങ്ങ​ളി​ലെ​ല്ലാം തന്നെ വിളിച്ച് ബഹുമാ​നി​ച്ച​തി​നു  നന്ദിയും പറഞ്ഞു. പറഞ്ഞ​പോ​ലെ​തന്നെ അവർ ഭർത്താ​വി​നെ​യും കൂട്ടി സ്‌മാ​ര​ക​ത്തി​നു വന്നു. അവിടെ വന്ന അവരുടെ ഭർത്താ​വിന്‌ ആ രാജ്യ​ഹാ​ളി​ന്‍റെ നിർമാ​ണ​ത്തെ​ക്കു​റിച്ച് ഓർമ വന്നു. കാരണം ആ സമയത്ത്‌ അദ്ദേഹ​ത്തിന്‌ അവിടു​ത്തെ നഗരസ​ഭ​യിൽ ആയിരു​ന്നു ജോലി. ആ ഹാളിന്‍റെ പണികൾ നടന്ന​പ്പോ​ഴത്തെ സംഘാ​ട​ന​രീ​തി​യി​ലും മറ്റും അദ്ദേഹ​ത്തി​നു​ണ്ടായ മതിപ്പ് അവരെ അറിയി​ച്ചു. അധ്യാ​പി​ക​യും ഭർത്താ​വും രാജ്യ​ഹാ​ളി​ലെ മധുര​മാർന്ന സഹവാ​സ​വും ആസ്വദിച്ച് ഏറ്റവും അവസാ​ന​മാ​ണു പോയത്‌.

ജെസി​ന്‍റും ഭാര്യ​യും ടിമോർ ലെസ്‌തെ​യിൽ താമസി​ക്കു​ന്ന​വ​രാണ്‌. അദ്ദേഹ​ത്തി​ന്‍റെ ചേട്ടന്‍റെ മകൻ യഹോ​വ​യു​ടെ സാക്ഷി​ക​ളിൽ ഒരാളാ​യ​തും കുടും​ബ​പ്രാർഥ​ന​ക​ളിൽ പങ്കെടു​ക്കാ​ത്ത​തും ഉറച്ച കത്തോ​ലി​ക്ക​രാ​യി​രുന്ന ജെസി​ന്‍റി​നെ​യും ഭാര്യ​യെ​യും വല്ലാതെ കുഴപ്പി​ച്ചു. യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലിൽ തെറ്റു​ണ്ടെന്നു തന്‍റെ ബന്ധുവി​നു തെളി​യി​ച്ചു​കൊ​ടു​ക്കാൻ ജെസിന്‍റ് തീരു​മാ​നി​ച്ചു. അതിനാ​യി ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം വായി​ക്കാൻ അദ്ദേഹം തീരു​മാ​നി​ച്ചു. എന്നാൽ വായന കഴിഞ്ഞ​പ്പോൾ ജെസിന്‍റ് ഭാര്യ​യോ​ടു പറഞ്ഞു: “ഞാൻ ഈ പുസ്‌തകം വായിച്ചു. ഇതു നല്ല പുസ്‌ത​ക​മാണ്‌.”

ഭാര്യ​യു​ടെ മറുപടി ഇതായി​രു​ന്നു: “നിങ്ങൾ അതു ശരിക്കു വായിച്ച് കാണില്ല. ധൃതി​കൂ​ട്ടാ​തെ ഒന്നുകൂ​ടി പതുക്കെ വായിച്ച് നോക്ക്”.

ജെസിന്‍റ് അങ്ങനെ​തന്നെ ചെയ്‌തു. പുസ്‌തകം രണ്ടാമ​തും വായിച്ചു. അതിനു​ശേഷം ഭാര്യ​യോട്‌ അദ്ദേഹം പറഞ്ഞു: ‘ഇതിലു​ള്ള​തെ​ല്ലാം ബൈബി​ളിൽനി​ന്നാണ്‌. മരിച്ചു​പോ​യ​വരെ ആരാധി​ക്കു​ന്നതു തെറ്റാ​ണെന്നു തെളി​യി​ക്കു​ന്ന​തു​പോ​ലും ബൈബി​ളിൽനി​ന്നാണ്‌.’

ഭാര്യ ഇങ്ങനെ പറഞ്ഞു: “മൂന്നാ​മത്‌ ഒരു പ്രാവ​ശ്യം​കൂ​ടി വായിച്ച് നോക്ക്. പക്ഷേ ഇത്തവണ ഓരോ ഖണ്ഡിക​യും വരച്ച് അടയാ​ള​പ്പെ​ടു​ത്തി പഠിക്ക്. അതിൽ ഉറപ്പാ​യും തെറ്റു കാണും.”

മൂന്നാ​മ​തും ജെസിന്‍റ് വളരെ ശ്രദ്ധ​യോ​ടെ ഓരോ ഖണ്ഡിക​യും അടയാ​ള​പ്പെ​ടു​ത്തി പഠിച്ചു​നോ​ക്കി. മൂന്നാ​മത്തെ വായനയ്‌ക്കു ശേഷം അദ്ദേഹം പറഞ്ഞു: “ഇതിൽ പറഞ്ഞി​രി​ക്കു​ന്ന​തെ​ല്ലാം ശരിയാണ്‌! അവനു  തെറ്റു പറ്റിയി​ട്ടില്ല.” ജെസി​ന്‍റാ​കട്ടെ ഇപ്പോൾ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കു​ന്നു.

ഗ്വാമി​ലെ ഒരു മുൻനി​ര​സേ​വിക പോൺവൈയൻ ഭാഷ സംസാ​രി​ക്കുന്ന ഒരു സ്‌ത്രീ​യെ കാണു​ക​യും ബൈബിൾ പഠി​ക്കേ​ണ്ടത്‌ എന്തു​കൊണ്ട്? എന്ന വീഡി​യോ കാണി​ക്കു​ക​യും ചെയ്‌തു. വീണ്ടും മടങ്ങി​ച്ചെ​ല്ലാ​മെന്നു പറഞ്ഞാണ്‌ അവർ പിരി​ഞ്ഞത്‌. എന്നാൽ പലപ്രാ​വ​ശ്യം മടങ്ങി​ച്ചെ​ന്നെ​ങ്കി​ലും ആ സ്‌ത്രീ​യെ വീട്ടിൽ കാണാൻ കഴിഞ്ഞില്ല. എന്നാൽ ഒരു പ്രാവ​ശ്യം ആ സ്‌ത്രീ​യു​ടെ മകളെ വീട്ടിൽ കണ്ടു. കിട്ടിയ അവസരം പാഴാ​ക്കാ​തെ സഹോ​ദരി യഹോ​വ​യു​ടെ കൂട്ടു​കാ​രാ​കാം എന്ന പരമ്പര​യി​ലെ ഒരു വീഡി​യോ ആ കൊച്ചു​മോ​ളെ കാണി​ച്ചു​കൊ​ടു​ത്തു. ആ കുട്ടി അതു ശരിക്കും ആസ്വദി​ച്ചു. വീണ്ടും അടുത്ത തവണ മടങ്ങി​ച്ചെ​ന്ന​പ്പോൾ കുട്ടി​യു​ടെ അമ്മയെ കാണാൻ ഇടയാ​കു​ക​യും ബൈബിൾവി​ഷ​യ​ത്തോട്‌ അവർ താത്‌പ​ര്യം കാണി​ക്കു​ക​യും ചെയ്‌തു. തുടർന്ന് ആ സ്‌ത്രീ​യു​ടെ മകൾ, വീഡി​യോ കാണി​ച്ചു​തന്ന ചേച്ചി​യു​ടെ പള്ളിയിൽ നമുക്കും പോക​ണ​മെന്ന് അമ്മയോ​ടു പറഞ്ഞു. അത്‌ ആ അമ്മയെ ചിന്തി​പ്പി​ച്ചു. ഒരു ബൈബിൾപ​ഠനം എങ്ങനെ​യാ​ണു  നടക്കു​ന്ന​തെന്ന് അവർക്കു കാണി​ച്ചു​കൊ​ടു​ത്തു. അതു തുടർന്നു പോകാ​നുള്ള ക്രമീ​ക​ര​ണ​വും ചെയ്‌തു.

പാപ്പുവ ന്യൂഗി​നി​യി​ലെ ആർക്കും നിയമി​ച്ചു​കൊ​ടു​ത്തി​ട്ടി​ല്ലാത്ത ഒരു സ്ഥലമാണ്‌ ഇനെ​ക്കോർ. സർക്കിട്ട് മേൽവി​ചാ​ര​ക​നായ ടെറൻസും ഭാര്യ സ്റ്റെല്ലയും ആ പ്രദേ​ശത്ത്‌ പ്രസം​ഗി​ക്കാൻ പോയി. ടെറൻസ്‌ പറയുന്നു: “ആദ്യത്തെ ദിവസം അതിരാ​വി​ലെ ഞങ്ങൾ നല്ല ഉറക്കത്തിൽ ആയിരു​ന്ന​പ്പോൾ വാതി​ലിൽ ആരോ മുട്ടുന്ന ഒച്ച കേട്ടു. വാതിൽ തുറന്ന​പ്പോൾ അനേകം ആളുകൾ കാത്തു​നിൽക്കു​ന്ന​താ​ണു കണ്ടത്‌. അവരോട്‌ ആറുമ​ണി​മു​തൽ ഉച്ചവരെ സംസാ​രി​ച്ചു. കുളി​ക​ഴിഞ്ഞ് വീണ്ടും വന്നപ്പോൾ പിന്നെ​യും വേറെ ആളുകൾ ഞങ്ങളെ കാത്തു​നിൽക്കു​ന്നു. രണ്ടുമ​ണി​മു​തൽ അർധരാ​ത്രി​വരെ അവരോ​ടും സാക്ഷീ​ക​രി​ച്ചു.” അടുത്ത ദിവസം മറ്റൊരു പ്രദേ​ശ​ത്തേക്കു പോകാ​നാ​യി  നന്നാ രാവി​ലെ​തന്നെ ആ ദമ്പതികൾ അവി​ടെ​നി​ന്നും പുറ​പ്പെട്ടു. എന്നാൽ അന്നു രാവി​ലെ​യും അവരുടെ താമസ​സ്ഥ​ലത്ത്‌ ആളുകൾ എത്തിയി​രു​ന്നു. പക്ഷേ വന്നവർക്ക് അവരെ കാണാൻ പറ്റിയില്ല. പിന്നീടു സംഭവി​ച്ച​തി​നെ​ക്കു​റിച്ച് ടെറൻസ്‌ പറയുന്നു: ‘ഞങ്ങൾ അവി​ടെ​നിന്ന് പോ​യെന്ന് അറിഞ്ഞ​തും ആളുകൾ ഞങ്ങളെ തേടി പുറകെ വരുക​യും ഞങ്ങളെ കണ്ടുപി​ടി​ക്കു​ക​യും ചെയ്‌തു. വീണ്ടും അവരോട്‌ ഉച്ചവരെ ഞങ്ങൾ സംസാ​രി​ച്ചു. അവി​ടെ​നിന്ന് താമസ​സ്ഥ​ല​ത്തേക്കു തിരി​ച്ചെ​ത്തി​യ​പ്പോൾ ആളുകൾ അവി​ടെ​യും കാത്തു​നിൽക്കു​ന്നു​ണ്ടാ​യി​രു​ന്നു. എല്ലാ ദിവസ​വും ഇതു​പോ​ലെ​യൊ​ക്കെ​ത്തന്നെ ആയിരു​ന്നു അവസ്ഥ. അവിടത്തെ ആളുകൾ “ഇടയനി​ല്ലാത്ത ആടുക​ളെ​പ്പോ​ലെ” ആയിരു​ന്നു.’—മത്താ. 9:36.

ന്യൂ കാലി​ഡോ​ണി​യാ​യി​ലെ ഒരു മുൻനി​ര​സേ​വി​ക​യാണ്‌ ആനീസ്‌. കൈയ്‌ക്ക് വേദന​യു​ള്ള​തി​നാൽ അവൾക്ക് ഒരു ഫിസി​യോ​തെ​റാ​പ്പി​സ്റ്റി​നെ കാണാൻ പോ​കേ​ണ്ടി​വന്നു. കഷ്ടപ്പാ​ടി​ലും ദുരി​ത​ത്തി​ലും ആയിരി​ക്കുന്ന പലരെ​യും തനിക്ക​റി​യാ​മെ​ന്നും ദൈവം ഒരു ക്രൂര​നാ​ണ​ല്ലോ എന്നും ആനീസി​നെ പരിച​രിച്ച ആ സ്‌ത്രീ പറഞ്ഞു. യഹോ​വ​യെ​ക്കു​റിച്ച് പറയാൻ ഒരവസരം കിട്ടി​യ​തിൽ ഉടൻതന്നെ ആനീസ്‌ ദൈവ​ത്തോ​ടു മനസ്സിൽ നന്ദി പറഞ്ഞു. തുടർന്ന് ദുരി​തങ്ങൾ അവസാ​നി​ക്കു​മോ? എന്ന ലഘുലേഖ കാണി​ക്കു​ക​യും വെളി​പാട്‌ 21:3, 4 വായി​ച്ചു​കേൾപ്പി​ക്കു​ക​യും ചെയ്‌തു.

ആ ഫിസി​യോ​തെ​റാ​പ്പിസ്റ്റ് ഇങ്ങനെ പറഞ്ഞു: “ഈ വാക്യം എന്‍റെ ബൈബി​ളിൽ ഉണ്ടോ എന്നു സംശയ​മാണ്‌. അതിൽ സുവി​ശേ​ഷങ്ങൾ മാത്രമേ ഉള്ളൂ.” ആനീസ്‌ ഒരു യഹോ​വ​യു​ടെ സാക്ഷി​യാ​ണെന്നു മനസ്സി​ലാ​ക്കി​യ​പ്പോൾ, സാക്ഷി​കളെ തന്‍റെ സ്വദേ​ശ​മായ ചിലി​യിൽവെച്ച് കണ്ടിട്ടു​ണ്ടെന്ന് അവർ പറഞ്ഞു.

ആ രാജ്യ​ത്തെ​ക്കു​റിച്ച് കേട്ട​പ്പോൾ താൻ അടുത്ത​യി​ടെ JW പ്രക്ഷേ​പ​ണ​ത്തിൽ ചിലി​യു​ടെ ബ്രാഞ്ച് റിപ്പോർട്ട് കണ്ടകാ​ര്യം ആനീസ്‌ ഓർത്തു. അടുത്ത പ്രാവ​ശ്യം ആനീസ്‌ പോയ​പ്പോൾ ആ വീഡി​യോ കാണി​ക്കാ​നാ​യി ടാബ്‌ല​റ്റും കൊണ്ടു​പോ​യി, വീഡി​യോ കാണി​ക്കു​ക​യും ചെയ്‌തു. ചിലി​യി​ലെ ബഥേലും സമ്മേള​ന​ഹാ​ളും കണ്ടപ്പോൾ ആ സ്‌ത്രീ​ക്കു നമ്മളോ​ടുള്ള മതിപ്പു വർധിച്ചു. അതിനു ശേഷം ആനീസ്‌ ഇങ്ങനെ പറഞ്ഞു: “ഇനി രണ്ടാമത്തെ കാര്യം ഇതാ, ഇതു സമ്പൂർണ​ബൈ​ബി​ളാണ്‌. ഇനി, കഴിഞ്ഞ ആഴ്‌ച വായി​ച്ചു​കേൾപ്പിച്ച വെളി​പാട്‌  21:3, 4 നിങ്ങൾക്കു സ്വന്തമാ​യി വായി​ക്കാം!” സന്തോ​ഷ​ത്തോ​ടെ മതിമ​റന്ന് കസേര​യിൽനിന്ന് ചാടി​യെ​ണീറ്റ ആ സ്‌ത്രീ ആനീസി​നെ കെട്ടി​പ്പി​ടി​ച്ചു​കൊണ്ട് പറഞ്ഞു: “ഈ രണ്ടു സമ്മാന​ങ്ങൾക്കും ഒത്തിരി നന്ദി!”

അടുത്ത സന്ദർശ​ന​ത്തിൽ ആനീസ്‌ അവർക്കു ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം കൊടു​ക്കു​ക​യും ആളുകൾ ദുരിതം അനുഭ​വി​ക്കു​ന്ന​തി​ന്‍റെ കാരണം വിശദീ​ക​രി​ക്കു​ക​യും ചെയ്‌തു. അവധി​ക്കാ​യി താൻ ഉടൻതന്നെ ന്യൂ കാലി​ഡോ​ണി​യാ​യിൽനിന്ന് ചിലി​യി​ലേക്കു പോകു​മെ​ന്നും, കൊടുത്ത പുസ്‌തകം അപ്പോൾ മുഴുവൻ വായി​ച്ചു​കൊ​ള്ളാ​മെ​ന്നും ആ ഫിസി​യോ​തെ​റാ​പ്പിസ്റ്റ് പറഞ്ഞു.