ന്യൂ​യോർക്കി​ലെ ബ്രൂക്‌ലി​നിൽ ലോകാ​സ്ഥാ​നം സ്ഥിതി ചെയ്യുന്ന 25 കൊളം​ബിയ ഹൈറ്റ്‌സിൽ 2016 മെയ്‌ 7, 8 തീയതി​ക​ളിൽ, ആളുക​ളു​ടെ വലിയ തിരക്കാ​യി​രു​ന്നു. സാധാ​ര​ണ​യാ​യി ശനി, ഞായർ ദിവസ​ങ്ങ​ളിൽ അവിടത്തെ പ്രദർശ​നങ്ങൾ കാണാ​നുള്ള ടൂർ ലഭ്യമല്ല. എന്നിട്ടും ഇത്രയ​ധി​കം ആളുകൾ അന്ന് അവിടെ കൂടി​വ​രാൻ എന്തായി​രു​ന്നു കാരണം? ആ ദിവസ​ങ്ങ​ളിൽ ബഥേലി​ന്‍റെ ചുറ്റു​വ​ട്ട​ത്തുള്ള അയൽക്കാർക്ക് അവിടെ വന്ന് ചരി​ത്ര​പ്ര​ധാ​ന​മായ ബൈബി​ളു​കൾ കാണാ​നുള്ള ഒരു ക്ഷണം നൽകി​യി​രു​ന്നു.

പ്രദർശ​ന​ത്തി​നാ​യി ആളുകളെ ക്ഷണിക്കുന്ന ഈ പരിപാ​ടി ആ പ്രദേ​ശത്ത്‌ നല്ലൊരു സാക്ഷ്യ​മാ​യി​ത്തീർന്നു. അതിൽ പങ്കെടു​ത്ത​വ​രും ആത്മീയ​മാ​യി നവോ​ന്മി​ഷി​ത​രാ​യി. കുറെ വർഷങ്ങ​ളാ​യി അവിടെ താമസി​ക്കുന്ന അയൽക്കാ​രു​ടെ നല്ല അഭി​പ്രാ​യങ്ങൾ കേട്ടതു ശരിക്കും ഒരു പ്രോ​ത്സാ​ഹ​ന​മാ​യി​രു​ന്നു.

 ബഥേലി​ന​ടുത്ത്‌ താമസി​ക്കുന്ന ഒരാൾ ഇങ്ങനെ പറഞ്ഞു: “1960-കൾമുതൽ ഈ ചുറ്റു​വ​ട്ടത്ത്‌ പല സ്ഥലങ്ങളി​ലാ​യി താമസി​ച്ചി​ട്ടു​ള്ള​യാ​ളാ​ണു ഞാൻ. നിങ്ങൾ നല്ല അയൽക്കാ​രാണ്‌. നിങ്ങൾ ഇവി​ടെ​നിന്ന് പോകു​ന്നതു ശരിക്കും ഒരു നഷ്ടംതന്നെ. നിങ്ങൾ ഇവി​ടെ​ത്തന്നെ തുടരു​ക​യാ​യി​രു​ന്നെ​ങ്കിൽ എത്ര നന്നായി​രു​ന്നു!”

ഒരു സ്‌ത്രീ ഇങ്ങനെ അഭി​പ്രാ​യ​പ്പെട്ടു: “നിങ്ങൾ ഇല്ലായി​രു​ന്നെ​ങ്കിൽ ഇവിട​മൊ​ന്നും ഇത്രയും വികസി​ക്കി​ല്ലാ​യി​രു​ന്നു. ഈ കാല​മെ​ല്ലാം നിങ്ങൾ ഞങ്ങളുടെ അയൽക്കാ​രാ​യി​രു​ന്ന​തിൽ ഞങ്ങൾക്കു സന്തോ​ഷമേ ഉള്ളൂ.”

ക്ഷണക്കത്തു വിതര​ണ​ത്തിൽ പങ്കെടുത്ത മുൻനി​ര​സേ​വ​കരെ ബഥേലി​ന​ടു​ത്തുള്ള അയൽക്കാർ സ്‌നേ​ഹ​ത്തോ​ടെ സ്വീക​രി​ച്ചു. ചുറ്റു​വ​ട്ട​ത്തുള്ള ഒരു സംഘട​ന​യു​ടെ പ്രതി​നി​ധി നമ്മുടെ പ്രവർത്ത​ന​ങ്ങ​ളെ​ക്കു​റിച്ച് വിലമ​തി​പ്പോ​ടെ സംസാ​രി​ച്ചു. നമ്മൾ പ്രദർശനം ക്രമീ​ക​രി​ച്ചി​രി​ക്കുന്ന ദിവസ​ങ്ങ​ളിൽ അദ്ദേഹം അവി​ടെ​യി​ല്ലാ​യി​രി​ക്കു​മെ​ന്നും അതിൽ പങ്കുപ​റ്റാൻ കഴിയാ​ത്ത​തിൽ അദ്ദേഹ​ത്തി​നു വിഷമ​മു​ണ്ടെ​ന്നും അറിയി​ച്ചു.

നമ്മുടെ ഈ ശ്രമത്തി​നു നല്ല ഫലമു​ണ്ടാ​യി. രണ്ടു ദിവസം​കൊണ്ട് സാക്ഷി​ക​ള​ല്ലാത്ത 48 പേരാണു ബൈബിൾപ്ര​ദർശനം കാണാൻ എത്തിയത്‌. ആ അയൽക്കാ​രെ സ്വാഗതം ചെയ്യു​ന്ന​തി​നും അവരോ​ടു സംസാ​രി​ക്കു​ന്ന​തി​നും ആയി ആവശ്യ​ത്തി​നു ബഥേലം​ഗ​ങ്ങളെ നമ്മുടെ പ്രവേ​ശ​ന​ക​വാ​ട​ത്തിൽ ക്രമീ​ക​രി​ച്ചി​രു​ന്നു.

20 വയസ്സുള്ള സാലി എന്ന യുവതി അരമണി​ക്കൂ​റോ​ളം സമയ​മെ​ടു​ത്താ​ണു നമ്മുടെ പ്രദർശനം കണ്ടത്‌. സാലിക്കു ക്ഷണക്കത്തു കൊടുത്ത മുൻനി​ര​സേ​വ​ക​രും പ്രവേ​ശ​ന​ക​വാ​ട​ത്തിൽത്തന്നെ ഉണ്ടായി​രു​ന്നു. ഇത്രയും ബൈബി​ളു​കൾ പ്രദർശ​ന​ത്തിൽ ഉണ്ടായി​രി​ക്കു​മെന്നു താൻ വിചാ​രി​ച്ചതേ ഇല്ലെന്നു സാലി പറഞ്ഞു. ബൈബി​ളിൽ ഇത്രയും താത്‌പ​ര്യം കാണിച്ച ഒരു ചെറു​പ്പ​ക്കാ​രി​യെ കണ്ടതിന്‍റെ സന്തോഷം മുൻനി​ര​സേ​വകർ അവളെ അറിയി​ച്ചു. സാലി ഇങ്ങനെ മറുപടി പറഞ്ഞു; “അതു ശരിക്കും പ്രധാ​ന​മാണ്‌. കാരണം ദൈവ​ത്തിൽനി​ന്നുള്ള സന്ദേശം ലഭിക്കാ​നുള്ള ഒരേ ഒരു മാർഗം ബൈബി​ളാണ്‌. നമ്മളെ സ്വാധീ​നി​ക്കുന്ന ജീവനുള്ള താളു​ക​ളാണ്‌ അവ.”

ബൈബി​ളി​നോ​ടുള്ള താത്‌പ​ര്യം കാരണം ലത്തീനും ഗ്രീക്കും പഠിക്കാൻ സാലി തീരു​മാ​നി​ച്ചു. കൂടാതെ, പരിഭാ​ഷ​യി​ലും അവൾക്കു താത്‌പ​ര്യ​മു​ണ്ടാ​യി​രു​ന്നു. കൃത്യ​മായ പരിഭാഷ വളരെ  പ്രധാ​ന​മാ​ണെ​ന്നും അല്ലെങ്കിൽ വ്യക്തി​ക​ളു​ടെ അഭി​പ്രാ​യങ്ങൾ അതിൽ കടന്നു​കൂ​ടി​യേ​ക്കാം എന്നും അവൾ അഭി​പ്രാ​യ​പ്പെട്ടു. എന്നാൽ നമ്മുടെ jw.org വെബ്‌സൈറ്റ്‌ 800-ലധികം ഭാഷക​ളിൽ ബൈബിൾവി​ഷ​യങ്ങൾ പരിഭാ​ഷ​പ്പെ​ടു​ത്തു​ന്നു​ണ്ടെന്നു മുൻനി​ര​സേ​വകർ പറഞ്ഞ​പ്പോൾ സാലി അന്തംവി​ട്ടു​പോ​യി! യഹോവ എന്ന പേര്‌ ബൈബിൾപ​രി​ഭാ​ഷകർ നീക്കം ചെയ്‌ത​തി​നെ​ക്കു​റിച്ച് സഹോ​ദ​രി​മാർ പറഞ്ഞ​പ്പോൾ, സാലി ആശ്ചര്യ​ത്തോ​ടെ ഇങ്ങനെ ചോദി​ച്ചു: “എന്തിനാണ്‌ യഹോവ എന്ന പേര്‌ ബൈബി​ളിൽനിന്ന് എടുത്തു​ക​ള​ഞ്ഞത്‌?” പ്രദർശനം കണ്ട് മടങ്ങു​ന്ന​തി​നു മുമ്പ് സാലി ഇങ്ങനെ അഭി​പ്രാ​യ​പ്പെട്ടു: “ഈ പ്രദേ​ശ​ത്താണ്‌ ഞാൻ വളർന്നത്‌. നിങ്ങളാണ്‌ ഏറ്റവും നല്ല അയൽക്കാർ.”

പ്രദർശ​ന​ത്തി​നു ശേഷമുള്ള തിങ്കളാഴ്‌ച ഒരു മതശു​ശ്രൂ​ഷകൻ, പരസ്യ​സാ​ക്ഷീ​ക​ര​ണ​ത്തിൽ ഏർപ്പെ​ട്ടി​രുന്ന ബഥേലി​ലെ ജോൺ സഹോ​ദ​രന്‍റെ അടു​ത്തെത്തി. ബൈബിൾപ്ര​ദർശനം നന്നായി ആസ്വദി​ച്ചെ​ന്നും യഹോ​വ​യു​ടെ സാക്ഷികൾ ബൈബി​ളി​നോ​ടു പറ്റിനിൽക്കു​ന്നത്‌ എത്ര നല്ലതാ​ണെ​ന്നും അദ്ദേഹം ജോൺ സഹോ​ദ​ര​നോ​ടു പറഞ്ഞു. കുറച്ച് സംസാ​രി​ച്ച​തി​നു​ശേഷം അദ്ദേഹം പെട്ടെന്ന് ഇങ്ങനെ പറഞ്ഞു: “ഈ സാക്ഷി​കൾക്ക് ഇതെന്തു പറ്റി?” ആ പ്രസ്‌താ​വന ജോൺ സഹോ​ദ​രനെ ആശയക്കു​ഴ​പ്പ​ത്തി​ലാ​ക്കി. എന്തു​കൊ​ണ്ടാണ്‌ അങ്ങനെ പറഞ്ഞ​തെന്നു ചോദി​ക്കു​ക​യും ചെയ്‌തു. “കാരണം നിങ്ങൾ ഇവിടം ഇട്ടെറിഞ്ഞ് പോകു​ക​യാ​ണ​ല്ലോ, ഇവി​ടെ​ത്തന്നെ നിൽക്ക്. വേണ​മെ​ങ്കിൽ വലിയ കെട്ടി​ടങ്ങൾ വാങ്ങ്. അല്ലെങ്കിൽ ആവശ്യ​മു​ള്ളതു പണിതോ. പക്ഷേ ഇവി​ടെ​ത്തന്നെ തുടരൂ. നിങ്ങളാ​ണു ഞങ്ങൾക്കൊ​രു ബലം. നിങ്ങൾ ഇവി​ടെ​നിന്ന് പോകു​ന്നത്‌ എനിക്ക് ഒട്ടും ഇഷ്ടമില്ല.”

മൊത്ത​ത്തിൽ, ബൈബിൾപ്ര​ദർശ​ന​വും അതിനാ​യി ആളുകളെ ക്ഷണിച്ച​തും ആ പ്രദേ​ശത്ത്‌ നല്ലൊരു സാക്ഷ്യം ലഭിക്കാൻ ഇടയായി. മാത്രമല്ല, മുമ്പ് ഒരിക്ക​ലും കഴിയാ​ത്ത​വി​ധ​ത്തിൽ ദൈവ​ത്തി​ന്‍റെ പേര്‌ നമ്മുടെ അയൽക്കാർക്കി​ട​യിൽ ഉയർത്തി​ക്കാ​ട്ടാ​നും അതിലൂ​ടെ കഴിഞ്ഞു.