‘ഇറ്റലി​ക്കാ​രു​ടെ വിഭാഗം’ എന്ന്‌ അറിയ​പ്പെ​ട്ടി​രുന്ന സൈനി​ക​വി​ഭാ​ഗം: ലഗ്യോൻ എന്ന്‌ അറിയ​പ്പെ​ട്ടി​രുന്ന സാധാരണ റോമൻ സൈനി​ക​വി​ഭാ​ഗ​ങ്ങ​ളിൽനിന്ന്‌ വേർതി​രി​ച്ച​റി​യാ​നാ​യി​രി​ക്കാം ഇതിന്‌ ഈ പേര്‌ നൽകി​യി​രു​ന്നത്‌. ഈ വിഭാ​ഗ​ത്തിൽ 400 മുതൽ 600 പടയാ​ളി​കൾവരെ ഉണ്ടാകാം, അതായത്‌ ഒരു ലഗ്യോ​ന്റെ പത്തി​ലൊ​ന്നോ​ളം. (മത്ത 26:53-ന്റെ പഠനക്കു​റി​പ്പു കാണുക.) എ.ഡി. 69-ൽ സിറി​യ​യിൽ, ‘റോമൻ പൗര സന്നദ്ധ​സേ​വ​ക​രു​ടെ രണ്ടാം ഇറ്റാലി​യൻ വിഭാഗം’ (ലത്തീനിൽ, കൊ​ഹോ​ഴ്‌സ്‌ II ഇറ്റാലി​ക്കാ വൊള​ണ്ടേ​റ്യോ​റം കീവ്യും റോമാ​നോ​റം) എന്നൊരു സൈനി​ക​ഗണം ഉണ്ടായി​രു​ന്ന​തി​ന്റെ തെളി​വു​ക​ളുണ്ട്‌. ഈ വാക്യ​ത്തിൽ ‘ഇറ്റലി​ക്കാ​രു​ടെ വിഭാഗം‘ എന്നു പറഞ്ഞി​രി​ക്കു​ന്നത്‌ ഇതി​നെ​ക്കു​റി​ച്ചാ​ണെന്നു ചിലർ അഭി​പ്രാ​യ​പ്പെ​ടു​ന്നു.

സൈനി​ക​വി​ഭാ​ഗ​ത്തി​ലെ ഒരു ഉദ്യോ​ഗ​സ്ഥ​നാ​യി​രു​ന്നു: അഥവാ “സൈനി​ക​വി​ഭാ​ഗ​ത്തി​ലെ ശതാധി​പ​നാ​യി​രു​ന്നു.” റോമൻ സൈന്യ​ത്തി​ലെ ഏകദേശം 100 പടയാ​ളി​ക​ളു​ടെ മേധാ​വി​യാ​യി​രു​ന്നു ശതാധി​പൻ.

ഏകദേശം ഒൻപതാം മണി: അതായത്‌, ഉച്ച കഴിഞ്ഞ്‌ ഏകദേശം 3 മണി.—മത്ത 20:3-ന്റെ പഠനക്കു​റി​പ്പു കാണുക.

ശിമോൻ എന്ന തോൽപ്പ​ണി​ക്കാ​രൻ: തോൽപ്പ​ണി​ക്കാ​രന്റെ ജോലി​യിൽ പല കാര്യങ്ങൾ ഉൾപ്പെ​ട്ടി​രു​ന്നു. ആദ്യം അയാൾ ചുണ്ണാ​മ്പു​ലാ​യനി ഉപയോ​ഗിച്ച്‌ മൃഗ​ത്തോ​ലിൽനിന്ന്‌ രോമ​വും മാംസ​ത്തി​ന്റെ​യോ കൊഴു​പ്പി​ന്റെ​യോ അവശി​ഷ്ട​ങ്ങ​ളും നീക്കം​ചെ​യ്യും. എന്നിട്ട്‌ വീര്യം കൂടിയ ഒരു ദ്രാവകം ഉപയോ​ഗിച്ച്‌ തോൽ സംസ്‌ക​രി​ച്ചി​ട്ടാ​ണു തുകലു​ത്‌പ​ന്നങ്ങൾ ഉണ്ടാക്കി​യി​രു​ന്നത്‌. ഇത്തരത്തിൽ മൃഗ​ത്തോൽ സംസ്‌ക​രി​ക്കു​മ്പോൾ വല്ലാത്ത ദുർഗന്ധം ഉണ്ടാകും. ഈ പ്രക്രി​യ​യ്‌ക്കു ധാരാളം വെള്ളവും ആവശ്യ​മാ​യി​രു​ന്നി​രി​ക്കാം. സാധ്യ​ത​യ​നു​സ​രിച്ച്‌ അതു​കൊ​ണ്ടാ​ണു ശിമോൻ കടൽത്തീ​രത്ത്‌ താമസി​ച്ചി​രു​ന്നത്‌. യോപ്പ​യു​ടെ തിരക്കു​ക​ളിൽനി​ന്നെ​ല്ലാം അല്‌പം മാറി​യുള്ള ഒരു സ്ഥലമാ​യി​രു​ന്നി​രി​ക്കാം അത്‌. മൃഗങ്ങ​ളു​ടെ ജഡവു​മാ​യി ബന്ധപ്പെട്ട ജോലി​കൾ ചെയ്‌തി​രു​ന്നവർ മോശ​യു​ടെ നിയമ​മ​നു​സ​രിച്ച്‌ ആചാര​പ​ര​മാ​യി അശുദ്ധ​രാ​യി​രു​ന്നു. (ലേവ 5:2; 11:39) അതു​കൊ​ണ്ടു​തന്നെ പല ജൂതന്മാ​രും തോൽപ്പ​ണി​ക്കാ​രെ അവജ്ഞ​യോ​ടെ​യാ​ണു കണ്ടിരു​ന്നത്‌. അവരു​ടെ​കൂ​ടെ താമസി​ക്കാ​നും പൊതു​വേ ജൂതന്മാർക്കു മടിയാ​യി​രു​ന്നു. വാസ്‌ത​വ​ത്തിൽ മൃഗങ്ങ​ളു​ടെ വിസർജ്യം ശേഖരി​ക്കു​ന്ന​തി​നെ​ക്കാൾ താഴ്‌ന്ന ജോലി​യാ​യി​ട്ടാ​ണു പിൽക്കാ​ലത്ത്‌ താൽമൂദ്‌ തോൽപ്പ​ണി​യെ വിശേ​ഷി​പ്പി​ച്ചത്‌. എന്നാൽ പത്രോസ്‌ അത്തരം മുൻവി​ധി​യൊ​ന്നു​മി​ല്ലാ​തെ ശിമോ​ന്റെ​കൂ​ടെ താമസി​ച്ചു. പത്രോ​സി​ന്റെ ഈ വിശാ​ല​മ​ന​സ്‌കത അദ്ദേഹ​ത്തിന്‌ അടുത്ത​താ​യി ലഭിക്കാ​നി​രുന്ന നിയമ​ന​ത്തി​ലേ​ക്കുള്ള ഒരു ചുവടു​വെ​പ്പാ​യി​രു​ന്നെന്നു പറയാം. കാരണം ജൂതന​ല്ലാത്ത ഒരാളെ അദ്ദേഹ​ത്തി​ന്റെ വീട്ടിൽച്ചെന്ന്‌ കാണുക എന്നതാ​യി​രു​ന്നു ആ നിയമനം. ‘തോൽപ്പ​ണി​ക്കാ​രൻ’ എന്നതിന്റെ ഗ്രീക്കു​പദം (ബുർസെ​യൂസ്‌) ശിമോ​ന്റെ വിളി​പ്പേ​രാ​യി​രു​ന്നെ​ന്നും ചില പണ്ഡിത​ന്മാർ കരുതു​ന്നു.

ഏകദേശം ആറാം മണി: അതായത്‌, പകൽ ഏകദേശം 12 മണി.—മത്ത 20:3-ന്റെ പഠനക്കു​റി​പ്പു കാണുക.

വീടിനു മുകളിൽ: ഇസ്രാ​യേ​ല്യ​രു​ടെ വീടു​കൾക്കു പരന്ന മേൽക്കൂ​ര​യാണ്‌ ഉണ്ടായി​രു​ന്നത്‌. സാധനങ്ങൾ സംഭരി​ക്കുക (യോശ 2:6), വിശ്ര​മി​ക്കുക (2ശമു 11:2), ഉറങ്ങുക (1ശമു 9:26), ആരാധ​ന​യു​ടെ ഭാഗമായ ഉത്സവങ്ങൾ കൊണ്ടാ​ടുക (നെഹ 8:16-18), സ്വസ്ഥമാ​യി​രുന്ന്‌ പ്രാർഥി​ക്കുക എന്നിങ്ങനെ പല ആവശ്യ​ങ്ങൾക്കാ​യി അത്‌ ഉപയോ​ഗി​ച്ചി​രു​ന്നു. അന്നത്തെ കപടഭ​ക്ത​രായ ആളുക​ളെ​പ്പോ​ലെ മറ്റുള്ള​വരെ കാണി​ക്കാൻവേ​ണ്ടി​യല്ല പത്രോസ്‌ വീടിനു മുകളിൽ പോയി പ്രാർഥി​ച്ചത്‌. (മത്ത 6:5) പരന്ന മേൽക്കൂ​ര​യ്‌ക്കു ചുറ്റും കൈമ​തിൽ കെട്ടി​യി​രു​ന്ന​തു​കൊണ്ട്‌ പത്രോ​സി​നെ മറ്റുള്ളവർ കണ്ടിരി​ക്കാൻ വഴിയില്ല. (ആവ 22:8) വൈകു​ന്നേ​ര​ങ്ങ​ളിൽ തെരു​വു​ക​ളി​ലെ ഒച്ചയും ബഹളവും ഒന്നും കേൾക്കാ​തെ സ്വസ്ഥമാ​യി​രി​ക്കാൻ പറ്റിയ ഒരിട​വു​മാ​യി​രു​ന്നു അത്‌.—മത്ത 24:17-ന്റെ പഠനക്കു​റി​പ്പു കാണുക.

ഒരു സ്വപ്‌നാ​വ​സ്ഥ​യി​ലാ​യി: ഇവിടെ എക്‌സ്റ്റാ​സിസ്‌ [എക്‌ (“വ്യത്യ​സ്‌ത​മാ​യി”) എന്നും സ്റ്റാസിസ്‌ (“നിൽക്കുന്ന”) എന്നും ഉള്ള രണ്ടു ഗ്രീക്കു​പ​ദ​ങ്ങ​ളിൽനിന്ന്‌ വന്നിരി​ക്കു​ന്നത്‌.] എന്ന ഗ്രീക്കു​പ​ദ​മാ​ണു കാണു​ന്നത്‌. അത്ഭുത​വും അമ്പരപ്പും കാരണ​മോ ദൈവ​ത്തിൽനി​ന്നുള്ള ഒരു ദർശനം കണ്ടിട്ടോ ഒരാൾ പ്രത്യേ​ക​മാ​യൊ​രു മാനസി​കാ​വ​സ്ഥ​യി​ലാ​കു​ന്ന​തി​നെ​യാണ്‌ ഇതു കുറി​ക്കു​ന്നത്‌. ഇതേ ഗ്രീക്കു​പ​ദത്തെ “സന്തോ​ഷം​കൊണ്ട്‌ മതിമ​റന്നു” (മർ 5:42), ‘വിസ്‌മ​യി​ച്ചു’ (ലൂക്ക 5:26), “അമ്പരന്നു” (മർ 16:8) എന്നെല്ലാം പരിഭാ​ഷ​പ്പെ​ടു​ത്തി​യി​ട്ടുണ്ട്‌. പ്രവൃ​ത്തി​ക​ളു​ടെ പുസ്‌ത​ക​ത്തിൽ ഈ പദം ഉപയോ​ഗി​ച്ചി​രി​ക്കു​ന്നതു ദൈവ​ത്തി​ന്റെ ഇടപെ​ട​ലു​മാ​യി ബന്ധപ്പെ​ടു​ത്തി​യാണ്‌. സാധ്യ​ത​യ​നു​സ​രിച്ച്‌ അത്തരം സന്ദർഭ​ങ്ങ​ളിൽ പരിശു​ദ്ധാ​ത്മാവ്‌ ഒരാളു​ടെ മനസ്സി​ലേക്ക്‌ ഒരു ദർശന​മോ ദൈ​വോ​ദ്ദേ​ശ്യ​വു​മാ​യി ബന്ധപ്പെട്ട ഒരു ചിത്ര​മോ നൽകും. ആ സമയത്ത്‌ അയാൾ അങ്ങേയറ്റം ഏകാ​ഗ്ര​ത​യി​ലോ നിദ്രാ​സ​മാ​ന​മായ ഒരു അവസ്ഥയി​ലോ ആയിരി​ക്കും. ഇത്തരത്തിൽ ദർശനം കാണു​ന്ന​യാൾ ചുറ്റും നടക്കുന്ന കാര്യ​ങ്ങ​ളെ​ക്കു​റി​ച്ചൊ​ന്നും ബോധ​വാ​നാ​യി​രി​ക്കില്ല.—പ്രവൃ 22:17-ന്റെ പഠനക്കു​റി​പ്പു കാണുക.

ദൈവി​ക​നിർദേശം ലഭിച്ചു: ഇവിടെ കാണുന്ന ക്രിമാ​റ്റി​സോ എന്ന ഗ്രീക്ക്‌ ക്രിയാ​പദം ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ ഒൻപത്‌ പ്രാവ​ശ്യം കാണാം. (മത്ത 2:12, 22; ലൂക്ക 2:26; പ്രവൃ 10:22; 11:26; റോമ 7:3; എബ്ര 8:5; 11:7; 12:25) ദൈവ​ത്തിൽനിന്ന്‌ ഉത്ഭവി​ക്കുന്ന കാര്യ​ങ്ങളെ കുറി​ക്കാ​നാ​ണു മിക്ക സന്ദർഭ​ങ്ങ​ളി​ലും ഈ പദം ഉപയോ​ഗി​ച്ചി​രി​ക്കു​ന്നത്‌. ഉദാഹ​ര​ണ​ത്തിന്‌, ഇവിടെ ഈ ക്രിയാ​പദം കാണു​ന്നതു ‘വിശു​ദ്ധ​ദൂ​തൻ’ എന്ന പദപ്ര​യോ​ഗ​ത്തോ​ടൊ​പ്പ​മാണ്‌. ഇനി, മത്ത 2:12, 22 വാക്യ​ങ്ങ​ളിൽ, ദൈവ​ത്തിൽനിന്ന്‌ ലഭിച്ച സ്വപ്‌ന​ങ്ങ​ളെ​ക്കു​റിച്ച്‌ പറയു​ന്നി​ട​ത്താണ്‌ ഈ പദം ഉപയോ​ഗി​ച്ചി​രി​ക്കു​ന്നത്‌. ഇതി​നോ​ടു ബന്ധമുള്ള ക്രിമാ​റ്റി​സ്‌മോസ്‌ എന്ന നാമപദം റോമ 11:4-ൽ കാണാം. മിക്ക നിഘണ്ടു​ക്ക​ളും പരിഭാ​ഷ​ക​ളും ആ പദം തർജമ ചെയ്‌തി​രി​ക്കു​ന്നതു “ദൈവം പ്രഖ്യാ​പി​ച്ചത്‌; ദൈവ​ത്തി​ന്റെ മറുപടി; ദൈവ​ത്തി​ന്റെ ഉത്തരം” എന്നൊ​ക്കെ​യാണ്‌. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളു​ടെ ഒരു എബ്രാ​യ​പ​രി​ഭാ​ഷ​യിൽ (അനു. സി4-ൽ J¹⁸ എന്നു സൂചി​പ്പി​ച്ചി​രി​ക്കു​ന്നു.), പ്രവൃ 10:22-ലെ ഈ വാക്യ​ഭാ​ഗം കാണു​ന്നത്‌ “യഹോ​വ​യിൽനി​ന്നുള്ള കല്‌പന ലഭിച്ചു” എന്നാണ്‌.—പ്രവൃ 11:26-ന്റെ പഠനക്കു​റി​പ്പു കാണുക.

വണങ്ങി: അഥവാ “കുമ്പിട്ട്‌ നമസ്‌ക​രി​ച്ചു; സാഷ്ടാം​ഗം പ്രണമി​ച്ചു; ആദരവ്‌ കാണിച്ചു.” താൻ ഭൂമി​യി​ലാ​യി​രി​ക്കെ ആളുകൾ തന്നെ വണങ്ങി​യ​പ്പോൾ യേശു അവരെ ശാസി​ച്ചില്ല. (ലൂക്ക 5:12; യോഹ 9:38) കാരണം ദാവീ​ദി​ന്റെ സിംഹാ​സ​ന​ത്തിന്‌ അവകാ​ശി​യാ​യി​രുന്ന യേശു​വിന്‌ ഒരു രാജാ​വി​ന്റെ ബഹുമതി ലഭിക്കാൻ എന്തു​കൊ​ണ്ടും അർഹത​യു​ണ്ടാ​യി​രു​ന്നു. (മത്ത 21:9; യോഹ 12:13-15) ഇനി, പ്രവാ​ച​ക​ന്മാ​രു​ടെ​യോ രാജാ​ക്ക​ന്മാ​രു​ടെ​യോ ദൈവ​ത്തി​ന്റെ മറ്റു പ്രതി​നി​ധി​ക​ളു​ടെ​യോ മുന്നിൽ ആളുകൾ കുമ്പി​ട്ട​താ​യി എബ്രാ​യ​തി​രു​വെ​ഴു​ത്തു​ക​ളി​ലും പറഞ്ഞി​ട്ടുണ്ട്‌. അവരാ​രും അതു നിരസി​ച്ച​താ​യും കാണു​ന്നില്ല. (1ശമു 25:23, 24; 2ശമു 14:4-7; 1രാജ 1:16; 2രാജ 4:36, 37) എന്നാൽ കൊർന്നേ​ല്യൊസ്‌ പത്രോ​സി​ന്റെ കാൽക്കൽ വീണ്‌ വണങ്ങി​യ​പ്പോൾ “എഴു​ന്നേൽക്ക്‌, ഞാനും വെറും ഒരു മനുഷ്യ​നാണ്‌” എന്നു പറഞ്ഞു​കൊണ്ട്‌ പത്രോസ്‌ അതു നിരസി​ച്ചു. (പ്രവൃ 10:26) എന്തായി​രി​ക്കാം അതിന്‌ അദ്ദേഹത്തെ പ്രേരി​പ്പി​ച്ചത്‌? ഭൂമി​യി​ലെ ദൈവ​ദാ​സ​ന്മാർ തമ്മിൽത്ത​മ്മിൽ എങ്ങനെ ഇടപെ​ടണം എന്നതി​നുള്ള പുതിയ മാനദ​ണ്ഡങ്ങൾ യേശു​വി​ന്റെ ഉപദേ​ശ​ങ്ങ​ളിൽനിന്ന്‌ പത്രോസ്‌ പഠിച്ചി​രി​ക്കാം. ഉദാഹ​ര​ണ​ത്തിന്‌, യേശു ശിഷ്യ​ന്മാ​രോട്‌ ഇങ്ങനെ പറഞ്ഞി​രു​ന്നു: “ഒരാൾ മാത്ര​മാ​ണു നിങ്ങളു​ടെ ഗുരു, നിങ്ങളോ എല്ലാവ​രും സഹോ​ദ​ര​ന്മാർ. . . . ഒരാൾ മാത്ര​മാ​ണു നിങ്ങളു​ടെ നേതാവ്‌; അതു ക്രിസ്‌തു​വാണ്‌.”—മത്ത 23:8-12.

ഒരു ജൂതൻ അന്യജാ​തി​ക്കാ​രന്റെ അടുത്ത്‌ ചെല്ലു​ന്നത്‌ . . . ഞങ്ങളുടെ നിയമ​ത്തി​നു വിരു​ദ്ധ​മാണ്‌: ജനതക​ളിൽപ്പെട്ട ഒരാളു​ടെ വീട്ടിൽ കയറു​ന്ന​യാൾ ആചാര​പ​ര​മാ​യി അശുദ്ധ​നാ​കും എന്നാണു പത്രോ​സി​ന്റെ കാലത്തെ ജൂതമ​ത​നേ​താ​ക്ക​ന്മാർ പഠിപ്പി​ച്ചി​രു​ന്നത്‌. (യോഹ 18:28) എന്നാൽ ജനതക​ളിൽപ്പെ​ട്ട​വ​രു​മാ​യി ഇത്തരത്തിൽ ഇടപഴ​കു​ന്ന​തി​നെ വിലക്കുന്ന പ്രത്യേ​ക​മായ കല്‌പ​ന​ക​ളൊ​ന്നും മോശ​യ്‌ക്കു കൊടുത്ത നിയമ​ത്തിൽ ഇല്ലായി​രു​ന്നു. മാത്രമല്ല, തന്റെ ജീവൻ മോച​ന​വി​ല​യാ​യി നൽകി പുതിയ ഉടമ്പടി പ്രാബ​ല്യ​ത്തിൽ കൊണ്ടു​വ​ന്ന​തി​ലൂ​ടെ യേശു ജൂതന്മാ​രെ​യും ജനതക​ളിൽപ്പെ​ട്ട​വ​രെ​യും വേർതി​രിച്ച മതിൽ ഇടിച്ചു​ക​ള​ഞ്ഞി​രു​ന്നു. അങ്ങനെ യേശു ഈ ‘രണ്ടു കൂട്ട​രെ​യും ഒന്നിപ്പി​ച്ചു.’ (എഫ 2:11-16) എന്നാൽ അതിൽ എന്താണ്‌ ഉൾപ്പെ​ട്ടി​രി​ക്കു​ന്ന​തെന്നു മനസ്സി​ലാ​ക്കാൻ എ.ഡി. 33-ലെ പെന്തി​ക്കോ​സ്‌തി​നു ശേഷം​പോ​ലും ആദ്യകാ​ല​ശി​ഷ്യ​ന്മാർക്കു കഴിഞ്ഞില്ല. കാലങ്ങ​ളാ​യി ജൂതമ​ത​നേ​താ​ക്ക​ന്മാർ ഉന്നമി​പ്പി​ച്ചി​രുന്ന ചിന്താ​രീ​തി​കൾ തങ്ങളുടെ ഹൃദയ​ത്തിൽനിന്ന്‌ പിഴു​തെ​റി​യാൻ ജൂത​ക്രി​സ്‌ത്യാ​നി​കൾക്കു വർഷങ്ങൾതന്നെ വേണ്ടി​വന്നു. കാരണം അത്‌ അവരുടെ സംസ്‌കാ​ര​ത്തോട്‌ അത്രമാ​ത്രം ഇഴുകി​ച്ചേർന്നി​രു​ന്നു.

ഒൻപതാം മണി: അതായത്‌, ഉച്ച കഴിഞ്ഞ്‌ ഏകദേശം 3 മണി.—മത്ത 20:3-ന്റെ പഠനക്കു​റി​പ്പു കാണുക.

യഹോവ: മിക്ക ഗ്രീക്കു കൈ​യെ​ഴു​ത്തു​പ്ര​തി​ക​ളി​ലും ഇവിടെ “കർത്താവ്‌” (ഗ്രീക്കിൽ, തൗ കിരി​യോ) എന്ന പദമാണു കാണു​ന്നത്‌. എന്നാൽ അനു. സി-യിൽ വിശദീ​ക​രി​ച്ചി​രി​ക്കു​ന്ന​തു​പോ​ലെ, ഈ വാക്യ​ത്തി​ന്റെ മൂലപാ​ഠ​ത്തിൽ ദൈവ​നാ​മം ഉണ്ടായി​രു​ന്നെ​ന്നും പിന്നീട്‌ അതിനു പകരമാ​യി “കർത്താവ്‌” എന്ന സ്ഥാന​പ്പേര്‌ ചേർത്ത​താ​ണെ​ന്നും വിശ്വ​സി​ക്കാൻ പല കാരണ​ങ്ങ​ളു​മുണ്ട്‌. അതു​കൊ​ണ്ടാണ്‌ ഇവിടെ യഹോവ എന്ന പേര്‌ ഉപയോ​ഗി​ച്ചി​രി​ക്കു​ന്നത്‌.

പക്ഷപാ​ത​മു​ള്ള​വനല്ല: ഇവിടെ കാണുന്ന ഗ്രീക്ക്‌ പദപ്ര​യോ​ഗ​ത്തി​ന്റെ അക്ഷരാർഥം “മുഖങ്ങൾ കണക്കി​ലെ​ടു​ക്കാ​ത്തവൻ (സ്വീക​രി​ക്കാ​ത്തവൻ)” എന്നാണ്‌. പക്ഷപാ​ത​മി​ല്ലാത്ത ദൈവം പുറമേ കാണു​ന്ന​തു​വെച്ച്‌ ആളുകളെ വിധി​ക്കു​ക​യോ അവരുടെ വംശം, ദേശം, സാമൂ​ഹി​ക​പ​ശ്ചാ​ത്തലം എന്നിവ​പോ​ലെ ബാഹ്യ​മായ ഏതെങ്കി​ലും ഘടകങ്ങ​ളു​ടെ അടിസ്ഥാ​ന​ത്തിൽ അവരോ​ടു പ്രീതി കാണി​ക്കു​ക​യോ ഇല്ല. ദൈവ​ത്തി​ന്റെ ഈ ഗുണം അനുക​രി​ക്കുന്ന ഒരാൾ പുറമേ കാണു​ന്ന​തു​വെച്ച്‌ ആരെയും വിധി​ക്കില്ല. പകരം അവരുടെ വ്യക്തി​ത്വ​ത്തി​നും അവർ സ്വന്തജീ​വി​ത​ത്തിൽ പകർത്തുന്ന ദൈവി​ക​ഗു​ണ​ങ്ങൾക്കും ആയിരി​ക്കും അയാൾ പ്രാധാ​ന്യം കൊടു​ക്കു​ന്നത്‌.

ഇസ്രാ​യേൽമക്കൾ: അഥവാ “ഇസ്രാ​യേൽജനം; ഇസ്രാ​യേ​ല്യർ.”—പദാവ​ലി​യിൽ “ഇസ്രാ​യേൽ” കാണുക.

സ്‌തംഭം: പ്രവൃ 5:30-ന്റെ പഠനക്കു​റി​പ്പു കാണുക.

ദൈവ​വ​ചനം കേട്ടു​കൊ​ണ്ടി​രുന്ന എല്ലാവ​രു​ടെ​യും മേൽ പരിശു​ദ്ധാ​ത്മാവ്‌ വന്നു: സ്‌നാ​ന​മേൽക്കു​ന്ന​തി​നു മുമ്പു​തന്നെ ശിഷ്യ​ന്മാർക്കു പരിശു​ദ്ധാ​ത്മാവ്‌ കിട്ടി​യ​തി​നെ​ക്കു​റി​ച്ചുള്ള ഒരേ ഒരു ബൈബിൾവി​വ​ര​ണ​മാണ്‌ ഇത്‌. ഇനി, കൊർന്നേ​ല്യൊ​സി​നെ​യും കുടും​ബ​ത്തെ​യും ക്രിസ്‌ത്യാ​നി​ക​ളാ​ക്കു​ന്ന​തിൽ പത്രോ​സി​നു​ണ്ടാ​യി​രുന്ന സജീവ​മായ പങ്കി​നെ​ക്കു​റി​ച്ചും ഈ വാക്യ​ത്തിൽ കാണാം. അവർ ആരും ജൂതവം​ശ​ജ​രാ​യി​രു​ന്നില്ല. വാസ്‌ത​വ​ത്തിൽ പത്രോസ്‌ ഇവിടെ ‘സ്വർഗ​രാ​ജ്യ​ത്തി​ന്റെ താക്കോ​ലു​ക​ളിൽ’ മൂന്നാ​മ​ത്തേത്‌ ഉപയോ​ഗി​ക്കു​ക​യാ​യി​രു​ന്നു. ജനതക​ളിൽപ്പെ​ട്ട​വ​രി​ലേക്കു സന്തോ​ഷ​വാർത്ത എത്താനും അവർക്കു ദൈവ​രാ​ജ്യ​ത്തിൽ പ്രവേ​ശി​ക്കാ​നുള്ള പ്രത്യാശ ലഭിക്കാ​നും ആ താക്കോൽ വഴി തുറന്നു. ജൂതന്മാ​രും ജൂതമ​ത​ത്തി​ലേക്കു പരിവർത്തനം ചെയ്‌ത​വ​രും ശമര്യ​ക്കാ​രും ഒഴി​കെ​യുള്ള എല്ലാ മനുഷ്യ​രും ഉൾപ്പെട്ട വിശാ​ല​മാ​യൊ​രു വയലാ​യി​രു​ന്നു അത്‌. മുമ്പ്‌ പത്രോസ്‌ ഒന്നാമത്തെ താക്കോൽ ഉപയോ​ഗിച്ച്‌ ജൂതന്മാർക്കും ജൂതമ​ത​ത്തി​ലേക്കു പരിവർത്തനം ചെയ്‌ത​വർക്കും അതേ പ്രത്യാശ തുറന്നു​കൊ​ടു​ത്തി​രു​ന്നു. പിന്നീട്‌ രണ്ടാമത്തെ താക്കോൽ ശമര്യ​ക്കാർക്കു​വേ​ണ്ടി​യും ഉപയോ​ഗി​ച്ചു.—പ്രവൃ 2:22-41; 8:14-17; മത്ത 16:19-ന്റെ പഠനക്കു​റി​പ്പു കാണുക.

പരി​ച്ഛേ​ദ​ന​യേറ്റ വിശ്വാ​സി​കൾ: അഥവാ “പരി​ച്ഛേ​ദ​ന​യേറ്റ വിശ്വ​സ്‌തർ.” അതായത്‌, ജൂത​ക്രി​സ്‌ത്യാ​നി​കൾ.—പ്രവൃ 10:23.

അന്യഭാ​ഷ​ക​ളിൽ: ദൈവം ജനതക​ളിൽപ്പെ​ട്ട​വർക്കും സ്വർഗീ​യ​പ്ര​ത്യാ​ശ നീട്ടി​ക്കൊ​ടു​ത്തു എന്നതിന്റെ ദൃശ്യ​മായ തെളി​വാ​യി​രു​ന്നു ഈ അത്ഭുതം. ഈ പുതിയ ക്രമീ​ക​ര​ണ​ത്തി​നു തന്റെ പിന്തു​ണ​യു​ണ്ടെന്നു വ്യക്തമാ​ക്കാൻ പെന്തി​ക്കോ​സ്‌തി​ലെ​പ്പോ​ലെ​തന്നെ ദൈവം ഇവി​ടെ​യും പരിശു​ദ്ധാ​ത്മാ​വി​നെ ഉപയോ​ഗി​ച്ചു. ശക്തമായ ഈ തെളിവ്‌ അവർക്കു കാണാ​നും കേൾക്കാ​നും കഴിയു​മാ​യി​രു​ന്നു.—പ്രവൃ 2:4-ന്റെ പഠനക്കു​റി​പ്പു കാണുക.