അപ്പോ​സ്‌ത​ല​ന്മാ​രു​ടെ പ്രവൃത്തികൾ 19:1-41

19  അപ്പൊല്ലോസ്‌+ കൊരി​ന്തി​ലാ​യി​രി​ക്കു​മ്പോൾ പൗലോസ്‌ ഉൾപ്ര​ദേ​ശ​ങ്ങ​ളി​ലൂ​ടെ യാത്ര ചെയ്‌ത്‌ എഫെ​സൊ​സിൽ എത്തി.+ അവിടെ പൗലോസ്‌ ചില ശിഷ്യ​ന്മാ​രെ കണ്ടു. 2  പൗലോസ്‌ അവരോട്‌, “വിശ്വാ​സി​ക​ളാ​യി​ത്തീർന്ന​പ്പോൾ നിങ്ങൾക്കു പരിശു​ദ്ധാ​ത്മാവ്‌ ലഭിച്ചോ”+ എന്നു ചോദി​ച്ച​പ്പോൾ അവർ, “പരിശു​ദ്ധാ​ത്മാ​വോ? അങ്ങനെ​യൊ​രു കാര്യ​ത്തെ​ക്കു​റിച്ച്‌ ഞങ്ങൾ കേട്ടി​ട്ടു​പോ​ലു​മില്ല” എന്നു പറഞ്ഞു. 3  അപ്പോൾ പൗലോസ്‌, “പിന്നെ ഏതു സ്‌നാ​ന​മാ​ണു നിങ്ങൾ സ്വീക​രി​ച്ചത്‌” എന്നു ചോദി​ച്ചു. “യോഹ​ന്നാ​ന്റെ സ്‌നാനം”+ എന്ന്‌ അവർ പറഞ്ഞു. 4  പൗലോസ്‌ പറഞ്ഞു: “മാനസാ​ന്ത​ര​ത്തി​ന്റെ അടയാ​ള​മായ സ്‌നാ​ന​മാ​ണു യോഹ​ന്നാൻ ചെയ്യി​ച്ചത്‌.+ തനിക്കു പിന്നാലെ വരുന്ന​വ​നിൽ,+ അതായത്‌ യേശു​വിൽ, വിശ്വ​സി​ക്കാ​നാ​ണ​ല്ലോ യോഹ​ന്നാൻ ആളുക​ളോ​ടു പറഞ്ഞത്‌.” 5  ഇതു കേട്ട​പ്പോൾ അവർ കർത്താ​വായ യേശു​വി​ന്റെ നാമത്തിൽ സ്‌നാ​ന​മേറ്റു. 6  പൗലോസ്‌ അവരുടെ മേൽ കൈകൾ വെച്ച​പ്പോൾ പരിശു​ദ്ധാ​ത്മാവ്‌ അവരുടെ മേൽ വന്നു.+ അവർ പ്രവചി​ക്കാ​നും മറ്റു ഭാഷക​ളിൽ സംസാ​രി​ക്കാ​നും തുടങ്ങി.+ 7  ഏകദേശം 12 പുരു​ഷ​ന്മാർ അവി​ടെ​യു​ണ്ടാ​യി​രു​ന്നു. 8  പൗലോസ്‌ സിന​ഗോ​ഗിൽ ചെന്ന്‌+ ധൈര്യ​ത്തോ​ടെ മൂന്നു മാസം ദൈവ​രാ​ജ്യ​ത്തെ​ക്കു​റിച്ച്‌ പ്രസം​ഗങ്ങൾ നടത്തി, ബോധ്യം വരുത്തുന്ന രീതി​യിൽ അവരോ​ടു ന്യായ​വാ​ദം ചെയ്‌തു.+ 9  എന്നാൽ മർക്കട​മു​ഷ്ടി​ക്കാ​രായ ചിലർ അതു വിശ്വ​സി​ക്കാ​തെ ജനത്തിനു മുമ്പാകെ ഈ മാർഗത്തെക്കുറിച്ച്‌+ അപവാദം പറഞ്ഞു. അപ്പോൾ പൗലോസ്‌ അവരെ വിട്ട്‌+ ശിഷ്യ​ന്മാ​രെ​യും കൂട്ടി തുറ​ന്നൊ​സി​ന്റെ സ്‌കൂ​ളി​ലെ ഹാളിൽ ചെന്ന്‌ ദിവസ​വും പ്രസം​ഗങ്ങൾ നടത്തി. 10  ഇതു രണ്ടു വർഷം തുടർന്നു. അങ്ങനെ ഏഷ്യ സംസ്ഥാ​നത്ത്‌ താമസി​ച്ചി​രുന്ന ജൂതന്മാ​രും ഗ്രീക്കു​കാ​രും എല്ലാം കർത്താ​വി​ന്റെ വചനം കേട്ടു. 11  ദൈവം പൗലോ​സി​ലൂ​ടെ അസാധാ​ര​ണ​മായ അത്ഭുതങ്ങൾ ചെയ്‌തു​കൊ​ണ്ടി​രു​ന്നു.+ 12  ആളുകൾക്കു പൗലോ​സി​ന്റെ ദേഹത്ത്‌ മുട്ടിയ ഒരു തൂവാ​ല​യോ വസ്‌ത്ര​മോ കൊടു​ത്താൽപ്പോ​ലും അവരുടെ രോഗങ്ങൾ മാറുകയും+ ദുഷ്ടാത്മാക്കൾ* പുറത്ത്‌ പോകു​ക​യും ചെയ്യു​മാ​യി​രു​ന്നു.+ 13  ഭൂതങ്ങളെ പുറത്താ​ക്കി​ക്കൊണ്ട്‌ ചുറ്റി​സ​ഞ്ച​രിച്ച ചില ജൂതന്മാ​രും ദുഷ്ടാ​ത്മാ​ക്ക​ളു​ള്ള​വരെ കർത്താ​വായ യേശു​വി​ന്റെ നാമത്തിൽ സുഖ​പ്പെ​ടു​ത്താൻ ശ്രമിച്ചു. അവർ ഇങ്ങനെ പറയു​മാ​യി​രു​ന്നു: “പൗലോസ്‌ പ്രസം​ഗി​ക്കുന്ന യേശു​വി​ന്റെ നാമത്തിൽ ഞാൻ നിന്നോട്‌ ആജ്ഞാപി​ക്കു​ന്നു.”+ 14  ജൂതന്മാ​രു​ടെ ഒരു മുഖ്യ​പു​രോ​ഹി​ത​നായ സ്‌കേ​വ​യു​ടെ ഏഴ്‌ ആൺമക്ക​ളും ഇങ്ങനെ ചെയ്യു​മാ​യി​രു​ന്നു. 15  എന്നാൽ ദുഷ്ടാ​ത്മാവ്‌ അവരോട്‌, “യേശു​വി​നെ എനിക്ക്‌ അറിയാം,+ പൗലോ​സി​നെ​യും അറിയാം,+ എന്നാൽ നിങ്ങൾ ആരാണ്‌” എന്നു ചോദി​ച്ചു. 16  എന്നിട്ട്‌ ദുഷ്ടാ​ത്മാ​വുള്ള മനുഷ്യൻ അവരുടെ മേൽ ചാടി​വീണ്‌ ഓരോ​രു​ത്ത​രെ​യാ​യി കീഴ്‌പെ​ടു​ത്തി. അങ്ങനെ പരി​ക്കേറ്റ്‌, നഗ്നരായി അവർക്ക്‌ ആ വീട്ടിൽനിന്ന്‌ ഓടി​പ്പോ​കേ​ണ്ടി​വന്നു. 17  ഇത്‌ എഫെ​സൊ​സിൽ താമസി​ച്ചി​രുന്ന എല്ലാ ഗ്രീക്കു​കാ​രും ജൂതന്മാ​രും അറിഞ്ഞു, എല്ലാവർക്കും ഭയമായി. അങ്ങനെ കർത്താ​വായ യേശു​വി​ന്റെ പേര്‌ ഒന്നി​നൊ​ന്നു മഹത്ത്വ​മു​ള്ള​താ​യി​ത്തീർന്നു. 18  വിശ്വാ​സി​ക​ളാ​യി​ത്തീർന്ന പലരും വന്ന്‌ തങ്ങൾ ചെയ്‌തു​കൊ​ണ്ടി​രുന്ന പാപങ്ങൾ പരസ്യ​മാ​യി ഏറ്റുപ​റ​യു​ക​യും തെറ്റുകൾ സമ്മതി​ക്കു​ക​യും ചെയ്യു​മാ​യി​രു​ന്നു. 19  മന്ത്ര​പ്ര​യോ​ഗങ്ങൾ നടത്തി​യി​രുന്ന ധാരാളം പേർ അവരുടെ പുസ്‌ത​ക​ങ്ങ​ളെ​ല്ലാം കൊണ്ടു​വന്ന്‌ എല്ലാവ​രു​ടെ​യും മുന്നിൽവെച്ച്‌ കത്തിച്ചു​ക​ളഞ്ഞു.+ അവർ അവയുടെ വില കണക്കു​കൂ​ട്ടി. അത്‌ 50,000 വെള്ളി​ക്കാ​ശു വരുമാ​യി​രു​ന്നു. 20  ഇങ്ങനെ യഹോ​വ​യു​ടെ വചനം പ്രചരി​ക്കു​ക​യും ശക്തിയാർജി​ക്കു​ക​യും ചെയ്‌തു.+ 21  ഈ സംഭവ​ങ്ങ​ളെ​ല്ലാം കഴിഞ്ഞ​പ്പോൾ, മാസിഡോണിയയിലേക്കും+ അഖായ​യി​ലേ​ക്കും അതിനു ശേഷം യരുശ​ലേ​മി​ലേ​ക്കും പോകാൻ പൗലോസ്‌ തീരു​മാ​നി​ച്ചു.+ “അവിടെ എത്തിയിട്ട്‌ എനിക്കു റോമി​ലും പോകണം”+ എന്നു പൗലോസ്‌ പറഞ്ഞു. 22  തനിക്കു ശുശ്രൂഷ ചെയ്‌ത​വ​രിൽ തിമൊ​ഥെ​യൊസ്‌,+ എരസ്‌തൊസ്‌+ എന്നീ രണ്ടു പേരെ പൗലോസ്‌ മാസി​ഡോ​ണി​യ​യി​ലേക്ക്‌ അയച്ചു. എന്നാൽ പൗലോസ്‌ കുറച്ച്‌ കാലം​കൂ​ടെ ഏഷ്യ സംസ്ഥാ​നത്ത്‌ താമസി​ച്ചു. 23  അക്കാലത്ത്‌ ഈ മാർഗത്തെച്ചൊല്ലി+ വലിയ കലഹം ഉണ്ടായി.+ 24  വെള്ളി​കൊണ്ട്‌ അർത്തെ​മിസ്‌ ദേവി​യു​ടെ ക്ഷേത്ര​ത്തി​ന്റെ രൂപങ്ങൾ നിർമി​ച്ചി​രുന്ന ദമേ​ത്രി​യൊസ്‌ എന്നൊരു വെള്ളി​പ്പ​ണി​ക്കാ​ര​നു​ണ്ടാ​യി​രു​ന്നു. അയാൾ മറ്റു ശില്‌പി​കൾക്കു വലിയ ലാഭം ഉണ്ടാക്കി​ക്കൊ​ടു​ത്തി​രു​ന്നു.+ 25  അവരെ​യും ആ പണിയിൽ ഏർപ്പെ​ട്ടി​രുന്ന മറ്റുള്ള​വ​രെ​യും വിളി​ച്ചു​കൂ​ട്ടി അയാൾ ഇങ്ങനെ പറഞ്ഞു: “പുരു​ഷ​ന്മാ​രേ, നമ്മുടെ സമ്പാദ്യം മുഴുവൻ ഈ കച്ചവട​ത്തിൽനി​ന്നു​ള്ള​താ​ണെന്നു നിങ്ങൾക്കു നന്നായി അറിയാ​മ​ല്ലോ. 26  എന്നാൽ പൗലോസ്‌ എന്ന ആ മനുഷ്യൻ എഫെസൊസിൽ+ മാത്രമല്ല, ഏഷ്യ സംസ്ഥാ​നത്ത്‌ മുഴുവൻ നടന്ന്‌, കൈ​കൊണ്ട്‌ ഉണ്ടാക്കിയ ദൈവ​ങ്ങ​ളൊ​ന്നും ദൈവങ്ങളല്ല+ എന്നു പറഞ്ഞ്‌ വിശ്വ​സി​പ്പിച്ച്‌ വലി​യൊ​രു കൂട്ടം ആളുകളെ വഴി​തെ​റ്റി​ച്ചി​രി​ക്കു​ന്നതു നിങ്ങൾ കാണു​ക​യും കേൾക്കു​ക​യും ചെയ്യു​ന്നി​ല്ലേ? 27  ഇങ്ങനെ പോയാൽ നമ്മുടെ ഈ കച്ചവട​ത്തി​നു മാന​ക്കേട്‌ ഉണ്ടാകു​മെന്നു മാത്രമല്ല, അർത്തെ​മിസ്‌ മഹാ​ദേ​വി​യു​ടെ ക്ഷേത്രം ഒന്നുമ​ല്ലാ​താ​കു​ക​യും ഏഷ്യ സംസ്ഥാനം തുടങ്ങി ഭൂലോ​കം മുഴു​വ​നും ആരാധി​ക്കുന്ന ആ ദേവി​യു​ടെ പ്രതാപം അസ്‌ത​മി​ക്കു​ക​യും ചെയ്യും എന്ന ഒരു വലിയ അപകട​വു​മുണ്ട്‌.” 28  ഇതു കേട്ട്‌ ദേഷ്യം മൂത്ത അവർ, “എഫെസ്യ​രു​ടെ അർത്തെ​മിസ്‌ മഹോ​ന്ന​ത​യാണ്‌!” എന്ന്‌ ആർത്തു​വി​ളി​ക്കാൻതു​ടങ്ങി. 29  നഗരത്തിൽ ആകെ ബഹളമാ​യി. അവർ എല്ലാവ​രും ചേർന്ന്‌ പൗലോ​സി​ന്റെ സഹയാ​ത്രി​ക​രായ ഗായൊസ്‌, അരിസ്‌തർഹോസ്‌+ എന്നീ മാസി​ഡോ​ണി​യ​ക്കാ​രെ വലിച്ചി​ഴ​ച്ചു​കൊണ്ട്‌ പ്രദർശ​ന​ശാ​ല​യി​ലേക്കു പാഞ്ഞു​ക​യറി.+ 30  പൗലോസ്‌ ജനക്കൂ​ട്ട​ത്തിന്‌ ഇടയി​ലേക്കു പോകാൻ ഒരുങ്ങി​യെ​ങ്കി​ലും ശിഷ്യ​ന്മാർ അതിന്‌ അനുവ​ദി​ച്ചില്ല. 31  ഉത്സവങ്ങ​ളു​ടെ​യും മത്സരങ്ങ​ളു​ടെ​യും സംഘാ​ട​ക​രിൽ പൗലോ​സു​മാ​യി സൗഹൃ​ദ​ത്തി​ലാ​യി​രുന്ന ചിലർ ആളയച്ച്‌, പ്രദർശ​ന​ശാ​ല​യി​ലേക്കു പോകു​ന്നത്‌ അപകട​മാ​ണെന്നു പൗലോ​സി​നു മുന്നറി​യി​പ്പു കൊടു​ത്തു. 32  ജനക്കൂട്ടം ആകെ കലങ്ങി​മ​റി​യു​ക​യാ​യി​രു​ന്നു. ആളുകൾ അതുമി​തു​മൊ​ക്കെ വിളി​ച്ചു​പ​റഞ്ഞു. തങ്ങൾ എന്തിനാണ്‌ അവിടെ വന്നുകൂ​ടി​യ​തെ​ന്നു​പോ​ലും അവരിൽ മിക്കവർക്കും അറിയി​ല്ലാ​യി​രു​ന്നു. 33  ജൂതന്മാർ അലക്‌സാ​ണ്ട​റി​നെ മുന്നി​ലേക്കു തള്ളിവി​ട്ട​പ്പോൾ അയാൾ സംസാ​രി​ക്ക​ണ​മെന്നു ജനക്കൂട്ടം ആവശ്യ​പ്പെട്ടു. അലക്‌സാ​ണ്ടർ കൈ​കൊണ്ട്‌ ആംഗ്യം കാണി​ച്ചിട്ട്‌ ജനത്തോ​ടു വാദി​ക്കാൻ ഒരുങ്ങി. 34  എന്നാൽ അയാൾ ഒരു ജൂതനാ​ണെന്നു മനസ്സി​ലാ​യ​പ്പോൾ അവരെ​ല്ലാം ഒരേ സ്വരത്തിൽ, “എഫെസ്യ​രു​ടെ അർത്തെ​മിസ്‌ മഹോ​ന്ന​ത​യാണ്‌!” എന്ന്‌ ആർത്തു​വി​ളി​ച്ചു. രണ്ടു മണിക്കൂ​റോ​ളം അവർ അതു തുടർന്നു. 35  ഒടുവിൽ നഗരാ​ധി​കാ​രി ജനക്കൂ​ട്ടത്തെ ശാന്തരാ​ക്കി​യിട്ട്‌ അവരോ​ടു പറഞ്ഞു: “എഫെ​സൊ​സി​ലെ പുരു​ഷ​ന്മാ​രേ, അർത്തെ​മിസ്‌ മഹാ​ദേ​വി​യു​ടെ​യും ആകാശ​ത്തു​നിന്ന്‌ വീണ പ്രതി​മ​യു​ടെ​യും ക്ഷേത്രം സംരക്ഷി​ക്കുന്ന നഗരമാണ്‌ എഫെ​സൊസ്‌ എന്ന്‌ ആർക്കാണ്‌ അറിയാ​ത്തത്‌? 36  ഈ കാര്യങ്ങൾ ആർക്കും നിഷേ​ധി​ക്കാൻ പറ്റില്ല. അതു​കൊണ്ട്‌ നിങ്ങൾ ശാന്തരാ​കൂ; വെപ്രാ​ള​പ്പെട്ട്‌ ഒന്നും ചെയ്യരുത്‌. 37  നിങ്ങൾ പിടി​ച്ചു​കൊ​ണ്ടു​വന്ന ഈ പുരു​ഷ​ന്മാർ ക്ഷേത്രങ്ങൾ കവർച്ച ചെയ്യു​ന്ന​വ​രോ നമ്മുടെ ദേവിയെ നിന്ദി​ക്കു​ന്ന​വ​രോ അല്ല. 38  അതു​കൊണ്ട്‌ ദമേത്രിയൊസിനും+ അയാളു​ടെ കൂടെ​യുള്ള ശില്‌പി​കൾക്കും വല്ല പരാതി​യു​മു​ണ്ടെ​ങ്കിൽ കോടതി കൂടുന്ന ദിവസ​ങ്ങ​ളുണ്ട്‌, നാടു​വാ​ഴി​ക​ളു​മുണ്ട്‌. പരാതി​കൾ അവർ അവിടെ കൊണ്ടു​വ​രട്ടെ. 39  എന്നാൽ മറ്റ്‌ എന്തെങ്കി​ലും കാര്യ​മാ​ണെ​ങ്കിൽ, അധികാ​രി​കൾ വിളി​ച്ചു​കൂ​ട്ടുന്ന പൗരസ​മി​തി​യിൽവെ​ച്ചാണ്‌ അതിനു തീരു​മാ​നം ഉണ്ടാ​ക്കേ​ണ്ടത്‌.* 40  ഇങ്ങനെ കൂടി​വന്ന്‌ ലഹള ഉണ്ടാക്കി​യ​തി​നെ ന്യായീ​ക​രി​ക്കാൻ ഒരു കാരണ​വും നമുക്കു പറയാ​നില്ല. അതു​കൊണ്ട്‌ നമ്മുടെ മേൽ രാജ്യ​ദ്രോ​ഹ​ക്കു​റ്റം ചുമത്താൻ സകല സാധ്യ​ത​യു​മുണ്ട്‌.” 41  ഇങ്ങനെ പറഞ്ഞിട്ട്‌ നഗരാ​ധി​കാ​രി ജനക്കൂ​ട്ടത്തെ പിരി​ച്ചു​വി​ട്ടു.

അടിക്കുറിപ്പുകള്‍

^ ഭൂതങ്ങളെ കുറി​ക്കു​ന്നു.
^ അഥവാ “പൗരസ​മി​തി​യിൽവെച്ച്‌ അതിനു തീരു​മാ​നം ഉണ്ടാക്കാം.”

പഠനക്കുറിപ്പുകൾ

യോഹ​ന്നാ​ന്റെ സ്‌നാനം: പ്രവൃ 18:25-ന്റെ പഠനക്കു​റി​പ്പു കാണുക.

മാർഗം: പ്രവൃ 9:2; 19:23 എന്നിവ​യു​ടെ പഠനക്കു​റി​പ്പു​ക​ളും പദാവ​ലി​യും കാണുക.

തുറ​ന്നൊ​സി​ന്റെ സ്‌കൂ​ളി​ലെ ഹാൾ: അഥവാ “തുറ​ന്നൊ​സി​ന്റെ പ്രസം​ഗ​ഹാൾ.” ആ സ്‌കൂൾ സ്ഥാപി​ച്ച​തി​ന്റെ ഉദ്ദേശ്യം നമുക്ക്‌ അറിയി​ല്ലെ​ങ്കി​ലും സാധ്യ​ത​യ​നു​സ​രിച്ച്‌ ഓരോ ദിവസ​വും കുറെ മണിക്കൂ​റു​കൾ അത്‌ ഉപയോ​ഗി​ക്കാൻ പൗലോ​സിന്‌ അനുവാ​ദ​മു​ണ്ടാ​യി​രു​ന്നു. ചില പുരാതന കൈ​യെ​ഴു​ത്തു​പ്ര​തി​ക​ളിൽ ഈ വാക്യ​ഭാ​ഗത്ത്‌ “അഞ്ചാം മണിമു​തൽ പത്താം​മ​ണി​വരെ” (അതായത്‌ രാവിലെ ഏകദേശം 11 മണിമു​തൽ വൈകു​ന്നേരം ഏകദേശം 4 മണിവരെ.) എന്നുകൂ​ടെ കാണു​ന്നുണ്ട്‌. എന്നാൽ ഈ വാക്കുകൾ പല പുരാതന കൈ​യെ​ഴു​ത്തു​പ്ര​തി​ക​ളി​ലും കാണാ​ത്ത​തു​കൊണ്ട്‌ പ്രവൃ​ത്തി​ക​ളു​ടെ പുസ്‌തകം എഴുതിയ സമയത്ത്‌ ഈ വാക്കുകൾ അതിലി​ല്ലാ​യി​രു​ന്നു എന്നു​വേണം കരുതാൻ. ഇതു പിന്നീടു കൂട്ടി​ച്ചേർത്ത​താ​യി​രി​ക്കാ​മെ​ങ്കി​ലും സമയ​ത്തെ​ക്കു​റി​ച്ചുള്ള ഈ പരാമർശം വിശ്വ​സ​നീ​യ​മാ​ണെ​ന്നും എഫെ​സൊ​സി​ലാ​യി​രു​ന്ന​പ്പോൾ പൗലോസ്‌ ദിവസ​വും ആ സ്‌കൂ​ളിൽ ഇത്രയും സമയം പ്രസം​ഗി​ച്ചി​രി​ക്കാ​മെ​ന്നും ചിലർ കരുതു​ന്നു. ഇതു ശരി​യെ​ങ്കിൽ ചൂടു കാരണം പലരും പണി​യൊ​ക്കെ നിറു​ത്തി​വെച്ച്‌ വിശ്ര​മി​ക്കുന്ന ശാന്തമായ ആ സമയം പൗലോസ്‌ ശിഷ്യ​ന്മാ​രെ പഠിപ്പി​ക്കാ​നാ​യി ഉപയോ​ഗ​പ്പെ​ടു​ത്തി​യ​താ​കാം.

ഏഷ്യ സംസ്ഥാനം: പദാവ​ലി​യിൽ “ഏഷ്യ” കാണുക.

തൂവാ​ല​യോ വസ്‌ത്ര​മോ: ഇവിടെ “തൂവാല” എന്നു പറഞ്ഞി​രി​ക്കു​ന്നത്‌, വിയർപ്പു കണ്ണുക​ളി​ലേക്ക്‌ ഒഴുകി​വീ​ഴാ​തി​രി​ക്കാൻ പൗലോസ്‌ നെറ്റി​യിൽ കെട്ടി​യി​രുന്ന തുണി​യെ​ക്കു​റി​ച്ചാ​കാം. ഇനി, ‘വസ്‌ത്രം’ എന്നു പറഞ്ഞി​രി​ക്കു​ന്നതു ജോലി​ക്കി​ടെ വസ്‌ത്ര​ത്തിൽ അഴുക്കു പിടി​ക്കാ​തി​രി​ക്കാൻ പണിക്കാർ ധരിക്കുന്ന ഒരു പ്രത്യേ​ക​തരം മേൽവ​സ്‌ത്ര​ത്തെ​ക്കു​റി​ച്ചാ​യി​രി​ക്കാൻ (apron) സാധ്യ​ത​യുണ്ട്‌. അതു സൂചി​പ്പി​ക്കു​ന്നത്‌ ഒഴിവു​സ​മ​യ​ങ്ങ​ളിൽ, ഒരുപക്ഷേ അതിരാ​വി​ലെ, പൗലോസ്‌ തന്റെ തൊഴി​ലായ കൂടാ​ര​പ്പണി ചെയ്‌തി​രി​ക്കാം എന്നാണ്‌.—പ്രവൃ 20:34, 35.

മന്ത്ര​പ്ര​യോ​ഗം: “ജിജ്ഞാസ” എന്ന്‌ അർഥമുള്ള പെരി​യെർഗ എന്ന ഗ്രീക്കു​പ​ദ​മാണ്‌ ഇവിടെ കാണു​ന്നത്‌. ഒരു നിഘണ്ടു ആ പദത്തെ നിർവ​ചി​ച്ചി​രി​ക്കു​ന്നതു “മന്ത്രവാ​ദ​ത്തിൽ ഉൾപ്പെ​ട്ടി​രി​ക്കുന്ന തരം . . . അനാവ​ശ്യ​ജി​ജ്ഞാസ” എന്നാണ്‌. (പുതിയ നിയമ​ത്തി​ന്റെ​യും മറ്റ്‌ ആദിമ ക്രിസ്‌തീയ സാഹി​ത്യ​ത്തി​ന്റെ​യും ഒരു ഗ്രീക്ക്‌-ഇംഗ്ലീഷ്‌ നിഘണ്ടു, മൂന്നാം പതിപ്പ്‌, 2000) ദുഷ്ടാ​ത്മാ​ക്ക​ളു​ടെ സഹായ​ത്തോ​ടെ വിലക്ക​പ്പെട്ട കാര്യങ്ങൾ ചുഴി​ഞ്ഞ​റി​യാൻ ശ്രമി​ക്കുന്ന വിദ്യ​യെ​യാണ്‌ ആ പദം കുറി​ക്കു​ന്നത്‌. എഫെ​സൊ​സി​ലെ ധാരാളം ആളുകൾ മന്ത്ര​പ്ര​യോ​ഗ​ത്തി​ലും ഭൂതവി​ദ്യ​യു​ടെ മറ്റു പല രൂപങ്ങ​ളി​ലും ഉൾപ്പെ​ട്ടി​രു​ന്നു. പൗലോസ്‌ എഫെ​സൊ​സി​ലു​ള്ള​വർക്കു ദൈവ​പ്ര​ചോ​ദി​ത​മാ​യി കത്ത്‌ എഴുതി​യ​പ്പോൾ ‘ദുഷ്ടാ​ത്മ​സേ​ന​ക​ളോട്‌’ എതിർത്തു​നിൽക്കാ​നാ​യി ദൈവ​ത്തിൽനി​ന്നുള്ള സമ്പൂർണ​പ​ട​ക്കോ​പ്പു ധരിക്കാൻ അവരെ പ്രോ​ത്സാ​ഹി​പ്പി​ച്ചു.—എഫ 6:11, 12.

50,000 വെള്ളി​ക്കാശ്‌: ഇവിടെ പറഞ്ഞി​രി​ക്കുന്ന “വെള്ളി​ക്കാശ്‌” ദ്രഹ്മയോ ദിനാ​റെ​യോ ആണെങ്കിൽ ആ തുക സമ്പാദി​ക്കാൻ ഒരു തൊഴി​ലാ​ളി 50,000 ദിവസം ജോലി ചെയ്യണ​മാ​യി​രു​ന്നു. അതിന്റെ അർഥം, ഒരാൾ ആഴ്‌ച​യി​ലെ ഏഴു ദിവസ​വും ജോലി ചെയ്‌താ​ലും അതിന്‌ ഏതാണ്ട്‌ 137 വർഷം എടുക്കു​മാ​യി​രു​ന്നു എന്നാണ്‌.

യഹോ​വ​യു​ടെ വചനം: പ്രവൃ 8:25-ന്റെ പഠനക്കു​റി​പ്പും അനു. സി-യും കാണുക.

മാർഗം: പ്രവൃ 9:2-ന്റെ പഠനക്കു​റി​പ്പിൽ കാണു​ന്ന​തു​പോ​ലെ, ‘മാർഗം’ എന്നത്‌ ആദ്യകാല ക്രിസ്‌തീ​യ​സ​ഭയെ കുറി​ക്കാ​നാണ്‌ ഉപയോ​ഗി​ച്ചി​രു​ന്നത്‌. യഥാർഥ ക്രിസ്‌ത്യാ​നി​ത്വ​മെ​ന്നത്‌, ഔപചാ​രി​ക​മായ കുറെ ആരാധ​നാ​രീ​തി​ക​ളോ പുറമേ കാണുന്ന എന്തെങ്കി​ലും കാര്യ​ങ്ങ​ളോ അല്ല. പകരം അത്‌ ഒരു ജീവി​ത​രീ​തി​യാണ്‌—ദൈവ​ത്തി​ന്റെ ആരാധ​ന​യു​മാ​യി ഇഴുകി​ച്ചേർന്നി​രി​ക്കുന്ന, ദൈവാ​ത്മാ​വി​നാൽ നയിക്ക​പ്പെ​ടുന്ന ഒരു ജീവിതം. (യോഹ 4:23, 24) സുറി​യാ​നി പ്‌ശീ​ത്താ​യിൽ ഇവിടെ കാണു​ന്നതു “ദൈവ​ത്തി​ന്റെ മാർഗം” എന്നാണ്‌. ക്ലെമന്റ്‌ പരിഷ്‌ക​രിച്ച ലാറ്റിൻ വൾഗേ​റ്റിൽ “കർത്താ​വി​ന്റെ മാർഗം” എന്നും കാണുന്നു. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളു​ടെ ചില എബ്രാ​യ​പ​രി​ഭാ​ഷ​ക​ളിൽ (അനു. സി4-ൽ J17, 18 എന്നു സൂചി​പ്പി​ച്ചി​രി​ക്കു​ന്നു.) ഇവിടെ ദൈവ​നാ​മം ഉപയോ​ഗി​ച്ചി​ട്ടുണ്ട്‌. “യഹോ​വ​യു​ടെ മാർഗം” എന്നാണ്‌ അവയിൽ പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌.

അർത്തെ​മിസ്‌: ഏഷ്യാ​മൈ​ന​റി​ലെ​ങ്ങു​മുള്ള നഗരങ്ങ​ളിൽ ആരാധി​ച്ചി​രുന്ന ഫലപു​ഷ്ടി​യു​ടെ​യും പുനരു​ത്‌പാ​ദ​ന​ത്തി​ന്റെ​യും ദേവി​യാ​യി​രു​ന്നു എഫെ​സൊ​സി​ലെ അർത്തെ​മിസ്‌. (പ്രവൃ 19:27) അർത്തെ​മിസ്‌ ദേവി​യു​ടെ പ്രതി​മ​ക​ളിൽ ഒരേ​പോ​ലി​രി​ക്കുന്ന ധാരാളം രൂപങ്ങൾ കണ്ടിരു​ന്നു. അവ സ്‌തന​ങ്ങ​ളാ​ണെ​ന്നും മുട്ടക​ളാ​ണെ​ന്നും ബലിയർപ്പിച്ച കാളക​ളു​ടെ വൃഷണ​ങ്ങ​ളാ​ണെ​ന്നും വ്യത്യ​സ്‌ത​മായ അഭി​പ്രാ​യ​ങ്ങ​ളുണ്ട്‌. ആ പ്രതി​മ​ക​ളു​ടെ അരയ്‌ക്കു കീഴ്‌പോ​ട്ടുള്ള ഭാഗം ഈജി​പ്‌ഷ്യൻ മമ്മിക​ളു​ടേ​തു​പോ​ലെ​യാ​യി​രു​ന്നു. അതിൽ നിറയെ വ്യത്യ​സ്‌ത​ചി​ഹ്ന​ങ്ങ​ളും മൃഗരൂ​പ​ങ്ങ​ളും കാണാ​മാ​യി​രു​ന്നു. ഗ്രീക്കു​കാർക്കു അർത്തെ​മിസ്‌ എന്ന പേരിൽത്തന്നെ മറ്റൊരു കന്യകാ​ദേ​വ​ത​യു​മു​ണ്ടാ​യി​രു​ന്നു. എന്നാൽ ഗ്രീക്ക്‌ ഐതി​ഹ്യ​ങ്ങ​ളി​ലെ ഈ നായാ​ട്ടു​ദേ​വ​ത​യും എഫെ​സൊ​സി​ലെ അർത്തെ​മിസ്‌ ദേവി​യും രണ്ടും രണ്ടാണ്‌. ഡയാന എന്നാണ്‌ അർത്തെ​മി​സി​ന്റെ റോമൻ പേര്‌.

ഉത്സവങ്ങ​ളു​ടെ​യും മത്സരങ്ങ​ളു​ടെ​യും സംഘാ​ട​ക​രിൽ . . . ചിലർ: അക്ഷ. “ഏഷ്യാർക്കു​ക​ളിൽ ചിലർ.” റോമൻ സംസ്ഥാ​ന​മായ ഏഷ്യയി​ലെ ഉന്നതസ്ഥാ​നീ​യ​രായ ഉദ്യോ​ഗ​സ്ഥ​രോ പ്രമു​ഖ​വ്യ​ക്തി​ക​ളോ ആയിരു​ന്നു ഇവർ. അവരുടെ സമ്പത്തും സ്വാധീ​ന​വും കാരണ​മാ​യി​രി​ക്കാം അവരെ ആ സ്ഥാന​ത്തേക്കു തിര​ഞ്ഞെ​ടു​ത്തി​രു​ന്നത്‌. ആ സംസ്ഥാ​നത്ത്‌ പൊതു​ജ​ന​ങ്ങൾക്കാ​യി നടത്തി​യി​രുന്ന മത്സരങ്ങൾക്ക്‌ ആധ്യക്ഷ്യം വഹിച്ചി​രു​ന്ന​തും പണം മുടക്കി​യി​രു​ന്ന​തും ഇവരാ​യി​രു​ന്നു.

നാടു​വാ​ഴി​കൾ: റോമൻ ഭരണസ​മി​തി​യു​ടെ കീഴി​ലുള്ള സംസ്ഥാ​ന​ങ്ങ​ളി​ലെ ഗവർണർമാ​രെ​യാ​ണു നാടു​വാ​ഴി എന്നു വിളി​ച്ചി​രു​ന്നത്‌. ഇദ്ദേഹ​ത്തി​നു ന്യായം വിധി​ക്കാ​നുള്ള അധികാ​ര​വും പട്ടാള​ത്തി​ന്റെ ചുമത​ല​യും ഉണ്ടായി​രു​ന്നു. റോമൻ ഭരണസ​മി​തി​യു​ടെ അധികാ​ര​പ​രി​ധി​യിൻകീ​ഴിൽ ആയിരു​ന്നെ​ങ്കി​ലും ഒരു സംസ്ഥാ​ന​ത്തി​ലെ ഏറ്റവും ഉയർന്ന അധികാ​രി​യാ​യി​രു​ന്നു ഇദ്ദേഹം. ഒരു സംസ്ഥാ​ന​ത്തിന്‌ ഒരു നാടു​വാ​ഴി​യേ ഉണ്ടായി​രു​ന്നു​ള്ളൂ. അതു​കൊണ്ട്‌ ഈ വാക്യ​ത്തിൽ ‘നാടു​വാ​ഴി​കൾ’ എന്ന ബഹുവ​ച​ന​രൂ​പം ഉപയോ​ഗി​ച്ചി​രി​ക്കു​ന്നതു പൊതു​വാ​യൊ​രു അർഥത്തിൽ, എല്ലാ നാടു​വാ​ഴി​ക​ളെ​യും ഉദ്ദേശി​ച്ചാ​യി​രി​ക്കാം. റോമൻ സംസ്ഥാ​ന​മായ ഏഷ്യയു​ടെ തലസ്ഥാ​ന​മാ​യി​രു​ന്നു എഫെ​സൊസ്‌. നാടു​വാ​ഴി​യു​ടെ വസതി അവി​ടെ​യാ​യി​രു​ന്നു.—പദാവ​ലി​യിൽ “ഏഷ്യ” കാണുക.

ദൃശ്യാവിഷ്കാരം

എഫെസൊസിലെ വെള്ളിപ്പണിക്കാരെക്കുറിച്ച്‌ പരാമർശമുള്ള ആലേഖനം
എഫെസൊസിലെ വെള്ളിപ്പണിക്കാരെക്കുറിച്ച്‌ പരാമർശമുള്ള ആലേഖനം

എഫെ​സൊസ്‌ നഗരത്തി​ലെ വെള്ളി​പ്പ​ണി​ക്കാ​രെ​ക്കു​റിച്ച്‌ പരാമർശ​മുള്ള ധാരാളം ആലേഖ​നങ്ങൾ ആ പ്രദേ​ശ​ത്തു​നിന്ന്‌ കണ്ടെടു​ത്തി​ട്ടുണ്ട്‌. എ.ഡി. മൂന്നാം നൂറ്റാ​ണ്ടോ​ളം പഴക്കമുള്ള അത്തര​മൊ​രു ആലേഖ​ന​മാണ്‌ ഇവിടെ കാണി​ച്ചി​രി​ക്കു​ന്നത്‌. നാടു​വാ​ഴി​യാ​യി​രുന്ന വലേറ്യസ്‌ ഫെസ്‌തൊസ്‌ തങ്ങൾക്കു​വേ​ണ്ടി​യും എഫെ​സൊ​സി​ലെ തുറമു​ഖ​ത്തി​നു​വേ​ണ്ടി​യും ചെയ്‌ത കാര്യ​ങ്ങ​ളോട്‌ ആ വെള്ളി​പ്പ​ണി​ക്കാർക്കു​ണ്ടാ​യി​രുന്ന ആദരവാണ്‌ അതിൽ തെളി​ഞ്ഞു​നിൽക്കു​ന്നത്‌. എഫെ​സൊ​സി​ലെ ആ വെള്ളി​പ്പ​ണി​ക്കാർ വലിയ സ്വാധീ​ന​ശ​ക്തി​യു​ള്ള​വ​രാ​യി​രു​ന്നെ​ന്നും അവർ അവിടെ ഒരു തൊഴി​ലാ​ളി​സം​ഘടന രൂപീ​ക​രി​ച്ചി​രു​ന്നെ​ന്നും ആ ആലേഖനം തെളി​യി​ക്കു​ന്നു. “വെള്ളി​കൊണ്ട്‌ അർത്തെ​മിസ്‌ ദേവി​യു​ടെ ക്ഷേത്ര​ത്തി​ന്റെ രൂപങ്ങൾ” ഉണ്ടാക്കി വിറ്റി​രുന്ന അവരുടെ വരുമാ​നം നഷ്ടപ്പെ​ടു​മെന്നു കണ്ടപ്പോൾ അവർ ഒരു ലഹള ഇളക്കി​വി​ട്ട​താ​യി പ്രവൃ​ത്തി​ക​ളു​ടെ പുസ്‌തകം പറയു​ന്നുണ്ട്‌.—പ്രവൃ 19:24.

എഫെസൊസിലെ പ്രദർശനശാലയും പരിസരവും
എഫെസൊസിലെ പ്രദർശനശാലയും പരിസരവും

ഈ വീഡി​യോ​യിൽ കാണി​ച്ചി​രി​ക്കുന്ന പ്രദർശ​ന​ശാല 25,000 പേർക്ക്‌ ഇരിക്കാ​വു​ന്ന​താ​യി​രു​ന്നു. പൗലോ​സി​ന്റെ കാലത്ത്‌ ഏഷ്യാ​മൈ​ന​റിൽ ഉണ്ടായി​രുന്ന ഏറ്റവും വലിയ പ്രദർശ​ന​ശാ​ല​യാ​യി​രു​ന്നു ഇത്‌. എഫെ​സൊ​സി​ലെ രണ്ടു പ്രധാ​ന​പാ​തകൾ കൂടി​ച്ചേ​രു​ന്നി​ടത്ത്‌ സ്ഥിതി ചെയ്‌തി​രു​ന്ന​തു​കൊണ്ട്‌ ഈ പ്രദർശ​ന​ശാ​ല​യ്‌ക്ക്‌ അവി​ടെ​യു​ള്ള​വ​രു​ടെ ജീവി​ത​വു​മാ​യി അഭേദ്യ​മായ ബന്ധമു​ണ്ടാ​യി​രു​ന്നു. റോമൻ പ്രദർശ​ന​ശാ​ലകൾ നാടകം​പോ​ലുള്ള ചില പരിപാ​ടി​കൾക്കു മാത്രമല്ല സംവാ​ദങ്ങൾ നടത്താ​നും ഉപയോ​ഗി​ച്ചി​രു​ന്നു. വെള്ളി​പ്പ​ണി​ക്കാ​ര​നായ ദമേ​ത്രി​യൊ​സും മറ്റു ശില്‌പി​ക​ളും പൗലോ​സി​നെ​തി​രെ ലഹള ഇളക്കി​വി​ട്ട​പ്പോൾ ജനക്കൂട്ടം പൗലോ​സി​ന്റെ കൂട്ടാ​ളി​കളെ വലിച്ചി​ഴച്ച്‌ കൊണ്ടു​വ​ന്നത്‌ ഈ പ്രദർശ​ന​ശാ​ല​യി​ലേ​ക്കാണ്‌.—പ്രവൃ 19:23-28.

1. പ്രദർശ​ന​ശാ​ല

2. ചന്തസ്ഥലം

3. അർക്കേ​ഡി​യൻ പാത

4. കായി​കാ​ഭ്യാ​സ​ക്ക​ളരി (എ.ഡി. ഒന്നാം നൂറ്റാ​ണ്ടി​ന്റെ അവസാ​ന​ത്തോട്‌ അടുത്ത്‌ പണിതത്‌.)

വിശുദ്ധ തിരുവെഴുത്തുകൾ​—പുതിയ ലോക ഭാഷാ​ന്തരം (പഠനപ്പ​തിപ്പ്‌)
പ്രവൃത്തികൾ 19
മലയാളം
ബൈബിൾ ഓൺ​ലൈ​നാ​യി വായി​ക്കാം.
https://cms-imgp.jw-cdn.org/img/p/1001070103/univ/art/1001070103_univ_sqr_xl.jpg
nwtsty