യശയ്യ 51:1-23
51 “നീതിമാർഗത്തിൽ നടക്കുന്നവരേ,യഹോവയെ അന്വേഷിക്കുന്നവരേ,
ഞാൻ പറയുന്നതു കേൾക്കുക.നിങ്ങളെ വെട്ടിയെടുത്ത കൽക്കുഴിയിലേക്കും
നിങ്ങളെ പൊട്ടിച്ചെടുത്ത പാറയിലേക്കും നോക്കുക.
2 നിങ്ങളുടെ അപ്പനായ അബ്രാഹാമിലേക്കുംനിങ്ങൾക്കു ജന്മം നൽകിയ* സാറയിലേക്കും+ നോക്കുക.
ഞാൻ വിളിച്ചപ്പോൾ അബ്രാഹാം ഏകനായിരുന്നു,+ഞാൻ അബ്രാഹാമിനെ അനുഗ്രഹിച്ച്‌ അസംഖ്യമായി വർധിപ്പിച്ചു.+
3 യഹോവ സീയോനെ സാന്ത്വനിപ്പിക്കും.+
സീയോന്റെ നാശാവശിഷ്ടങ്ങൾക്കെല്ലാം ദൈവം ആശ്വാസം നൽകും;+ദൈവം സീയോന്റെ വിജനമായ പ്രദേശങ്ങൾ ഏദെൻപോലെയും+അവളുടെ മരുപ്രദേശം യഹോവയുടെ തോട്ടംപോലെയും ആക്കും.+
ഉല്ലാസവും ആനന്ദവും അവളിൽ നിറയും,നന്ദിവാക്കുകളും ശ്രുതിമധുരമായ ഗാനങ്ങളും സീയോനിൽ അലതല്ലും.+
4 എന്റെ ജനമേ, ഞാൻ പറയുന്നതു കേൾക്കുക,+എന്റെ ജനതയേ, എന്റെ വാക്കുകൾ ശ്രദ്ധിക്കുക.
എന്നിൽനിന്ന്‌ ഒരു നിയമം പുറപ്പെടും,+ജനങ്ങൾക്ക്‌ ഒരു പ്രകാശമായി ഞാൻ എന്റെ നീതി സ്ഥാപിക്കും.+
5 എന്റെ നീതി അടുത്തടുത്ത്‌ വരുന്നു.+
എന്നിൽനിന്ന്‌ രക്ഷ പുറപ്പെടും.+എന്റെ കരങ്ങൾ ജനങ്ങളെ ന്യായം വിധിക്കും.+
ദ്വീപുകൾ എന്നിൽ പ്രത്യാശ വെക്കും,+എന്റെ കരങ്ങൾക്കായി* അവർ കാത്തിരിക്കും.
6 നിങ്ങളുടെ കണ്ണുകൾ ആകാശത്തേക്ക്‌ ഉയർത്തുവിൻ,താഴെ ഭൂമിയിലേക്കു നോക്കുവിൻ.
ആകാശം പുകപോലെ മാഞ്ഞുപോകും,ഭൂമി ഒരു വസ്‌ത്രംപോലെ ദ്രവിച്ചുപോകും,അതിലെ നിവാസികൾ കൊതുകുകളെപ്പോലെ ചത്തുവീഴും.
എന്നാൽ എന്റെ രക്ഷ ശാശ്വതമായിരിക്കും,+എന്റെ നീതി ഒരിക്കലും പരാജയപ്പെടില്ല.*+
7 നീതി എന്തെന്ന്‌ അറിയുന്നവരേ,എന്റെ നിയമം* ഹൃദയത്തിലുള്ള ജനമേ,+
ഞാൻ പറയുന്നതു കേൾക്കുക.മർത്യരുടെ ആക്ഷേപവാക്കുകൾ കേട്ട്‌ പേടിക്കേണ്ടാ,
അവരുടെ പരിഹാസവചനങ്ങൾ കേട്ട്‌ ഭയപ്പെടേണ്ടാ.
8 പ്രാണികൾ അവരെ ഒരു വസ്‌ത്രംപോലെ തിന്നുകളയും;കീടങ്ങൾ* അവരെ കമ്പിളിത്തുണിപോലെ തിന്നുതീർക്കും.+
എന്നാൽ എന്റെ നീതി എന്നെന്നും നിലനിൽക്കും,ഞാൻ നൽകുന്ന രക്ഷ തലമുറതലമുറയോളം നിൽക്കും.”+
9 യഹോവയുടെ കൈയേ,+ ഉണരൂ!ഉണർന്ന്‌ ശക്തി ധരിക്കൂ.
പണ്ടത്തെപ്പോലെയും പുരാതനതലമുറകളിൽ എന്നപോലെയും ഉണരൂ!
അങ്ങല്ലേ രാഹാബിനെ* തകർത്ത്‌+ ചിതറിച്ചുകളഞ്ഞത്‌?കടലിലെ ഭീമാകാരജന്തുവിനെ കുത്തിത്തുളച്ചത്‌?+
10 അങ്ങല്ലേ സമുദ്രത്തെ, ആഴിയിലെ ആഴമുള്ള വെള്ളത്തെ, വറ്റിച്ചുകളഞ്ഞത്‌?+
അങ്ങ്‌ വീണ്ടെടുത്ത ജനത്തിനു മറുകര കടക്കാൻ സമുദ്രത്തിന്റെ ആഴങ്ങളിലൂടെ പാതയൊരുക്കിയത്‌ അങ്ങല്ലേ?+
11 യഹോവ വീണ്ടെടുത്തവർ തിരിച്ചുവരും.+
അവർ സന്തോഷാരവങ്ങളോടെ സീയോനിലേക്കു വരും,+ശാശ്വതസന്തോഷം അവരുടെ കിരീടമായിരിക്കും.+
ആഹ്ലാദവും ഉല്ലാസവും അവരിൽ നിറയും,ദുഃഖവും നെടുവീർപ്പും ഓടിയകലും.+
12 “ഞാനല്ലേ നിങ്ങളെ ആശ്വസിപ്പിക്കുന്നവൻ?+
പിന്നെ എന്തിനു നീ നശ്വരനായ മനുഷ്യനെ ഭയപ്പെടണം?+പുല്ലുപോലെ വാടിപ്പോകുന്ന മനുഷ്യപുത്രനെ പേടിക്കണം?
13 ആകാശത്തെ വിരിക്കുകയും+ ഭൂമിക്ക്‌ അടിസ്ഥാനം ഇടുകയും ചെയ്‌ത,നിന്റെ സ്രഷ്ടാവായ യഹോവയെ+ നീ മറക്കുന്നത്‌ എന്തിന്‌?
മർദകനു* നിന്നെ നശിപ്പിക്കാൻ പ്രാപ്‌തിയുണ്ടെന്നു നീ കരുതി;ദിവസം മുഴുവൻ നീ അവന്റെ ക്രോധത്തെ ഭയന്നുകഴിഞ്ഞു.
എന്നാൽ അവന്റെ ക്രോധം ഇപ്പോൾ എവിടെ?
14 ചങ്ങലകളിൽ ബന്ധിതനായി കുനിഞ്ഞുനടക്കുന്നയാൾ ഉടൻ സ്വതന്ത്രനാകും,+അയാൾ മരിക്കില്ല; കുഴിയിലേക്ക്‌ ഇറങ്ങില്ല.അയാൾക്ക്‌ അപ്പം കിട്ടാതിരിക്കില്ല.
15 നിങ്ങളുടെ ദൈവമായ യഹോവയാണു ഞാൻ!തിരമാലകൾ ഇരമ്പിയാർക്കുംവിധം സമുദ്രത്തെ ഇളക്കിമറിക്കുന്നവൻ!+—സൈന്യങ്ങളുടെ അധിപനായ യഹോവ എന്നാണ്‌ എന്റെ പേര്‌.+
16 ആകാശത്തെ സ്ഥാപിക്കാനും ഭൂമിക്ക്‌ അടിസ്ഥാനം ഇടാനും+സീയോനോട്‌, ‘നിങ്ങൾ എന്റെ ജനമാണ്‌’+ എന്നു പറയാനുംഞാൻ എന്റെ വചനങ്ങൾ നിന്റെ നാവിൽ തരും,എന്റെ കൈയുടെ നിഴലിൽ നിന്നെ മറയ്‌ക്കും.+
17 യരുശലേമേ, ഉണരൂ! ഉണർന്ന്‌ എഴുന്നേൽക്കൂ!+നീ യഹോവയുടെ കൈയിലെ ക്രോധത്തിന്റെ പാനപാത്രത്തിൽനിന്ന്‌ കുടിച്ചിരിക്കുന്നു.
നീ വീഞ്ഞുപാത്രത്തിൽനിന്ന്‌ കുടിച്ചിരിക്കുന്നു,ആടിയാടിനടക്കാൻ ഇടയാക്കുന്ന പാത്രം നീ വറ്റിച്ചിരിക്കുന്നു.+
18 അവൾ പ്രസവിച്ച പുത്രന്മാർ ആരും അവളെ നയിക്കാൻ വന്നില്ല,അവൾ പോറ്റിവളർത്തിയ പുത്രന്മാർ ആരും അവളെ കൈപിടിച്ച്‌ നടത്തിയില്ല.
19 വിപത്തും വിനാശവും, വിശപ്പും വാളും!+
ഇവ രണ്ടും നിന്റെ മേൽ വന്നിരിക്കുന്നു.
ആരാണു നിന്നോടു സഹതാപം കാണിക്കുക?
ആരാണു നിന്നെ ആശ്വസിപ്പിക്കുക?+
20 നിന്റെ പുത്രന്മാർ ബോധംകെട്ട്‌ വീണിരിക്കുന്നു.+
കാട്ടാടു വലയിൽ വീണുകിടക്കുന്നതുപോലെഓരോ തെരുവുകളുടെ കോണിലും* അവർ വീണുകിടക്കുന്നു.യഹോവയുടെ ക്രോധം മുഴുവൻ അവരുടെ മേൽ ചൊരിഞ്ഞിരിക്കുന്നു;
നിന്റെ ദൈവത്തിന്റെ ശകാരവും വർഷിച്ചിരിക്കുന്നു.”
21 വീഞ്ഞു കുടിക്കാതെ ലഹരിപിടിച്ചിരിക്കുന്നവളേ,കഷ്ടത അനുഭവിക്കുന്ന സ്‌ത്രീയേ, ദയവായി ഇതു കേൾക്കുക.
22 നിന്റെ കർത്താവായ യഹോവ, തന്റെ ജനത്തിനുവേണ്ടി വാദിക്കുന്ന നിന്റെ ദൈവം, ഇങ്ങനെ പറയുന്നു:
“നീ ആടിയാടിനടക്കാൻ കാരണമായ പാനപാത്രം, എന്റെ ക്രോധത്തിന്റെ വീഞ്ഞുപാത്രം,+ഞാൻ നിന്റെ കൈയിൽനിന്ന്‌ എടുത്തുമാറ്റും,ഇനി ഒരിക്കലും നിനക്ക്‌ അതിൽനിന്ന്‌ കുടിക്കേണ്ടിവരില്ല.+
23 ഞാൻ അത്‌ എടുത്ത്‌ നിന്നെ ഉപദ്രവിക്കുന്നവരുടെ കൈയിൽ കൊടുക്കും.+‘കുനിഞ്ഞുനിൽക്കൂ; ഞങ്ങൾ നിന്റെ പുറത്തുകൂടി നടന്നുപോകട്ടെ’ എന്ന്‌ അവർ നിന്നോടു പറഞ്ഞില്ലേ?
അപ്പോൾ നീ നിന്റെ മുതുകു നിലംപോലെയുംഅവർക്കു നടക്കാനുള്ള ഒരു പൊതുവഴിപോലെയും ആക്കി.”
അടിക്കുറിപ്പുകള്‍
^ അഥവാ “നിങ്ങളെ വേദനയോടെ പ്രസവിച്ച.”
^ അഥവാ “ശക്തിക്കായി.”
^ അഥവാ “ചിതറിക്കപ്പെടില്ല.”
^ അഥവാ “ഉപദേശം.”
^ മറ്റൊരു സാധ്യത “പുഴു.”
^ അഥവാ “നിന്നെ വളഞ്ഞിരിക്കുന്നവന്‌.”
^ അക്ഷ. “എല്ലാ തെരുവുകളുടെയും തലയ്‌ക്കൽ.”