യശയ്യ 65:1-25
65 “എന്നെ അന്വേഷിക്കാതിരുന്നവർ എന്നെ തേടിവരാൻ ഞാൻ അനുവദിച്ചു,എന്നെ തിരയാതിരുന്നവർ എന്നെ കണ്ടെത്താൻ ഞാൻ സമ്മതിച്ചു.+
എന്റെ പേര്‌ വിളിച്ചപേക്ഷിക്കാത്ത+ ഒരു ജനതയോട്‌, ‘ഞാൻ ഇതാ, ഞാൻ ഇതാ’ എന്നു ഞാൻ പറഞ്ഞു.
2 തന്നിഷ്ടക്കാരായി+ തെറ്റായ വഴികളിൽ നടക്കുന്ന,ദുശ്ശാഠ്യക്കാരായ ഒരു ജനത്തെ+ സ്വീകരിക്കാൻദിവസം മുഴുവൻ ഞാൻ എന്റെ കൈകൾ വിരിച്ചുപിടിച്ചു.
3 അവർ തോട്ടങ്ങളിൽ ബലി അർപ്പിക്കുകയും+ ഇഷ്ടികകളുടെ മേൽ യാഗവസ്‌തുക്കൾ ദഹിപ്പിക്കുകയും*+ ചെയ്യുന്നു;അങ്ങനെ എന്നെ പരസ്യമായി അപമാനിച്ചുകൊണ്ടിരിക്കുന്നു.
4 അവർ കല്ലറകൾക്കിടയിൽ ഇരിക്കുന്നു,+ഒളിയിടങ്ങളിൽ* രാത്രികഴിക്കുന്നു;അവർ പന്നിയിറച്ചി തിന്നുന്നു,+അവരുടെ പാത്രങ്ങളിൽ അശുദ്ധവസ്‌തുക്കളുടെ ചാറുണ്ട്‌.+
5 ‘അവിടെത്തന്നെ നിൽക്കൂ, എന്റെ അടുത്തേക്കു വരരുത്‌,ഞാൻ നിന്നെക്കാൾ വിശുദ്ധിയുള്ളവനാണ്‌’* എന്ന്‌ അവർ പറയുന്നു.
അവർ എന്റെ മൂക്കിലെ പുകയും ദിവസം മുഴുവൻ കത്തുന്ന തീയും ആണ്‌.
6 ഇതാ, ഇതെല്ലാം എന്റെ മുന്നിൽ എഴുതിവെച്ചിരിക്കുന്നു,ഞാൻ അടങ്ങിയിരിക്കില്ല, ഞാൻ പകരം ചെയ്യും,+അവർ ചെയ്‌തതിനു മുഴുവൻ* ഞാൻ പകരം കൊടുക്കും.
7 അവരുടെ തെറ്റുകൾക്കും അവരുടെ പിതാക്കന്മാരുടെ തെറ്റുകൾക്കും ഞാൻ പകരം കൊടുക്കും,”+ എന്ന്‌ യഹോവ പറയുന്നു.
“അവർ മലകളിൽ യാഗവസ്‌തുക്കൾ ദഹിപ്പിക്കുകയും*കുന്നുകളിൽ എന്നെ നിന്ദിക്കുകയും ചെയ്‌തു.+അതുകൊണ്ട്‌ ഞാൻ ആദ്യംതന്നെ അവരുടെ കൂലി മുഴുവൻ* കൊടുത്തുതീർക്കും.”
8 യഹോവ ഇങ്ങനെ പറയുന്നു:
“ഒരു മുന്തിരിക്കുലയിൽ പുതുവീഞ്ഞിനുള്ളതു കാണുമ്പോൾ‘അതു നശിപ്പിക്കരുത്‌, അതിൽ കുറച്ച്‌ നല്ലതുണ്ട്‌’* എന്നു പറയാറില്ലേ?
എന്റെ ദാസന്മാരെക്കുറിച്ച്‌ ഞാനും അതുതന്നെ പറയും,ഞാൻ അവരെ മുഴുവൻ നശിപ്പിക്കില്ല.+
9 ഞാൻ യാക്കോബിൽനിന്ന്‌ ഒരു സന്തതിയെയും*യഹൂദയിൽനിന്ന്‌ എന്റെ പർവതങ്ങളുടെ അവകാശിയെയും കൊണ്ടുവരും;+ഞാൻ തിരഞ്ഞെടുത്തവർ അത്‌ അവകാശമാക്കും,എന്റെ ദാസന്മാർ അവിടെ താമസിക്കും.+
10 എന്നെ അന്വേഷിക്കുന്നവരുടെ ആടുകൾ ശാരോനിൽ+ മേയും.അവരുടെ കന്നുകാലികൾ ആഖോർ താഴ്‌വരയിൽ+ വിശ്രമിക്കും.
11 എന്നാൽ നിങ്ങൾ യഹോവയെ ഉപേക്ഷിക്കുന്നവരും+എന്റെ വിശുദ്ധപർവതത്തെ മറന്നുകളയുന്നവരും+ ആണ്‌.നിങ്ങൾ ഭാഗ്യദേവനുവേണ്ടി മേശ ഒരുക്കുകയുംവിധിയുടെ ദേവനു വീഞ്ഞ്‌* ഒഴിച്ചുവെക്കുകയും ചെയ്യുന്നു.
12 ഞാൻ വിളിച്ചു; നിങ്ങൾ വിളി കേട്ടില്ല,ഞാൻ സംസാരിച്ചു; നിങ്ങൾ ശ്രദ്ധിച്ചില്ല.+നിങ്ങൾ എന്റെ മുമ്പാകെ മോശമായ കാര്യങ്ങൾ ചെയ്‌തുകൊണ്ടിരുന്നു,എനിക്ക്‌ ഇഷ്ടമില്ലാത്ത കാര്യങ്ങൾ നിങ്ങൾ തിരഞ്ഞെടുത്തു.+അതുകൊണ്ട്‌ ഞാൻ നിങ്ങളെ വാളിന്‌ ഇരയാക്കും,+കൊല്ലപ്പെടാനായി നിങ്ങളെല്ലാം കുനിഞ്ഞുനിൽക്കേണ്ടിവരും.”+
13 പരമാധികാരിയായ യഹോവ ഇങ്ങനെ പറയുന്നു:
“എന്റെ ദാസന്മാർ ഭക്ഷിക്കും, നിങ്ങൾ വിശന്നിരിക്കും,+
എന്റെ ദാസന്മാർ കുടിക്കും;+ നിങ്ങൾ ദാഹിച്ചിരിക്കും,
എന്റെ ദാസന്മാർ സന്തോഷിക്കും,+ നിങ്ങൾ അപമാനിതരാകും.+
14 എന്റെ ദാസന്മാർ ഹൃദയാനന്ദത്താൽ സന്തോഷിച്ചാർക്കും;നിങ്ങൾ ഹൃദയവേദനയാൽ നിലവിളിക്കും,മനസ്സു തകർന്ന്‌ നിങ്ങൾ വിലപിച്ചുകരയും.
15 നിങ്ങളുടെ പേര്‌ മാത്രമേ അവശേഷിക്കൂ,ഞാൻ തിരഞ്ഞെടുത്തവർ അത്‌ ഒരു ശാപവാക്കായി ഉപയോഗിക്കും,പരമാധികാരിയായ യഹോവ നിങ്ങളെയെല്ലാം കൊന്നുകളയും,എന്നാൽ തന്റെ ദാസന്മാരെ മറ്റൊരു പേര്‌ വിളിക്കും.+
16 അങ്ങനെ, ഭൂമിയിൽ അനുഗ്രഹം തേടുന്നവരെയെല്ലാംസത്യത്തിന്റെ* ദൈവം അനുഗ്രഹിക്കും.ഭൂമിയിൽ സത്യം ചെയ്യുന്നവരെല്ലാംസത്യത്തിന്റെ* ദൈവത്തെ ചൊല്ലി ആണയിടും.+
കഴിഞ്ഞ കാലത്തെ യാതനകളെല്ലാം* മറന്നുപോയിരിക്കും,എന്റെ കണ്ണുകൾ ഇനി അവ കാണില്ല.+
17 ഇതാ, ഞാൻ പുതിയ ആകാശവും പുതിയ ഭൂമിയും സൃഷ്ടിക്കുന്നു,+പഴയ കാര്യങ്ങൾ ആരുടെയും മനസ്സിലേക്കു വരില്ല;*ആരുടെയും ഹൃദയത്തിൽ അവയുണ്ടായിരിക്കില്ല.+
18 അതുകൊണ്ട്‌ ഞാൻ സൃഷ്ടിക്കുന്നതിനെ ഓർത്ത്‌ എന്നെന്നും സന്തോഷിച്ചാനന്ദിക്കുക,
ഇതാ, ഞാൻ യരുശലേമിനെ സന്തോഷിക്കാനുള്ള ഒരു കാരണമായുംഅവളുടെ ജനത്തെ ആനന്ദിക്കാനുള്ള ഒരു കാരണമായും+ സൃഷ്ടിക്കുന്നു.
19 ഞാൻ യരുശലേമിനെ ഓർത്ത്‌ സന്തോഷിക്കുകയും+ എന്റെ ജനത്തെ ഓർത്ത്‌ ആനന്ദിക്കുകയും ചെയ്യും;ഇനി അവളിൽ കരച്ചിലിന്റെ സ്വരമോ വേദനകൊണ്ടുള്ള നിലവിളിയോ കേൾക്കില്ല.”+
20 “കുറച്ച്‌ ദിവസം മാത്രം ജീവിച്ചിരിക്കുന്ന ശിശുക്കൾ ഇനി അവിടെ ഉണ്ടാകില്ല;പ്രായമായ ആരും ആയുസ്സു മുഴുവൻ ജീവിക്കാതിരിക്കില്ല.
നൂറാം വയസ്സിൽ മരിക്കുന്നവനെപ്പോലും കുട്ടിയായി കണക്കാക്കും;നൂറു വയസ്സുണ്ടെങ്കിലും പാപി ശപിക്കപ്പെടും.*
21 അവർ വീടുകൾ പണിത്‌ താമസിക്കും,+മുന്തിരിത്തോട്ടങ്ങൾ നട്ടുണ്ടാക്കി അവയുടെ ഫലം അനുഭവിക്കും.+
22 മറ്റുള്ളവർക്കു താമസിക്കാനായിരിക്കില്ല അവർ വീടു പണിയുന്നത്‌;മറ്റുള്ളവർക്കു ഭക്ഷിക്കാനായിരിക്കില്ല അവർ കൃഷി ചെയ്യുന്നത്‌.
എന്റെ ജനത്തിന്റെ ആയുസ്സു വൃക്ഷങ്ങളുടെ ആയുസ്സുപോലെയാകും,+ഞാൻ തിരഞ്ഞെടുത്തവർ മതിവരുവോളം തങ്ങളുടെ അധ്വാനഫലം ആസ്വദിക്കും.
23 അവരുടെ അധ്വാനം വെറുതേയാകില്ല,+കഷ്ടപ്പെടാനായി അവർ മക്കളെ പ്രസവിക്കില്ല,അവരെല്ലാം യഹോവ അനുഗ്രഹിച്ച മക്കളാണ്‌,+അവരുടെ വരുംതലമുറകളും അനുഗൃഹീതരാണ്‌.+
24 അവർ വിളിക്കുംമുമ്പേ ഞാൻ ഉത്തരം നൽകും,അവർ സംസാരിച്ചുതീരുംമുമ്പേ ഞാൻ കേൾക്കും.
25 ചെന്നായും കുഞ്ഞാടും ഒരുമിച്ച്‌ മേയും,സിംഹം കാളയെപ്പോലെ വയ്‌ക്കോൽ തിന്നും,+സർപ്പത്തിനു പൊടി ആഹാരമായിരിക്കും.
എന്റെ വിശുദ്ധപർവതത്തിലെങ്ങും ഇവ ഒരു ദ്രോഹവും ചെയ്യില്ല, ഒരു നാശവും വരുത്തില്ല”+ എന്ന്‌ യഹോവ പറയുന്നു.
അടിക്കുറിപ്പുകള്‍
^ അഥവാ “പുക ഉയരുംവിധം ദഹിപ്പിക്കുകയും.”
^ മറ്റൊരു സാധ്യത “കാവൽമാടങ്ങളിൽ.”
^ മറ്റൊരു സാധ്യത “എന്റെ വിശുദ്ധി നിന്നിലേക്കു പകരും.”
^ അക്ഷ. “അവരുടെ മാർവിടത്തിലേക്ക്‌.”
^ അക്ഷ. “കൂലി അവരുടെ മാർവിടത്തിലേക്ക്‌.”
^ അഥവാ “പുക ഉയരുംവിധം ദഹിപ്പിക്കുകയും.”
^ അക്ഷ. “ഒരു അനുഗ്രഹമുണ്ട്‌.”
^ അക്ഷ. “വിത്തിനെയും.”
^ അഥവാ “സുഗന്ധവ്യഞ്‌ജനങ്ങൾ കലർത്തിയ വീഞ്ഞ്‌.”
^ അഥവാ “വിശ്വസ്‌തതയുടെ.” അക്ഷ. “ആമേൻ.”
^ അഥവാ “വിശ്വസ്‌തതയുടെ.” അക്ഷ. “ആമേൻ.”
^ അഥവാ “പ്രശ്‌നങ്ങളെല്ലാം.”
^ അഥവാ “ആരും ഓർക്കില്ല.”
^ മറ്റൊരു സാധ്യത “നൂറു വയസ്സു തികയാതെ മരിക്കുന്നവനെ ശപിക്കപ്പെട്ടവനായി കണക്കാക്കും.”