സങ്കീർത്തനം 113:1-9
113 യാഹിനെ സ്‌തുതിപ്പിൻ!*
യഹോവയുടെ ദാസന്മാരേ, ദൈവത്തിനു സ്‌തുതിയേകുവിൻ!യഹോവയുടെ പേരിനെ സ്‌തുതിക്കുവിൻ!
2 ഇന്നുമുതൽ എന്നെന്നും+യഹോവയുടെ പേര്‌ വാഴ്‌ത്തപ്പെടട്ടെ.
3 സൂര്യോദയംമുതൽ സൂര്യാസ്‌തമയംവരെയഹോവയുടെ പേര്‌ വാഴ്‌ത്തപ്പെടട്ടെ.+
4 യഹോവ സകല ജനതകൾക്കും മീതെ ഉന്നതൻ!+ദൈവമഹത്ത്വം ആകാശത്തെക്കാൾ ഉയർന്നത്‌.+
5 ഉന്നതങ്ങളിൽ വസിക്കുന്ന*നമ്മുടെ ദൈവമായ യഹോവയെപ്പോലെ ആരുണ്ട്‌?+
6 ദൈവം കുനിഞ്ഞ്‌ ആകാശത്തെയും ഭൂമിയെയും നോക്കുന്നു;+
7 സാധുവിനെ പൊടിയിൽനിന്ന്‌ എഴുന്നേൽപ്പിക്കുന്നു;
ദരിദ്രനെ ചാരക്കൂമ്പാരത്തിൽനിന്ന്‌* പിടിച്ചുയർത്തുന്നു.+
8 എന്നിട്ട്‌, അവനെ പ്രധാനികളോടൊപ്പം,ജനത്തിലെ പ്രധാനികളോടൊപ്പം, ഇരുത്തുന്നു.
9 വന്ധ്യയായ സ്‌ത്രീക്കു ദൈവം കുടുംബം നൽകുന്നു;സന്തോഷവതിയായ അമ്മയായി അവൾ മക്കളോടൊപ്പം* കഴിയുന്നു.+
യാഹിനെ സ്‌തുതിപ്പിൻ!*
അടിക്കുറിപ്പുകള്‍
^ അഥവാ “ഹല്ലേലൂയ!” യഹോവ എന്ന പേരിന്റെ ഹ്രസ്വരൂപമാണ്‌ “യാഹ്‌.”
^ അഥവാ “സിംഹാസനസ്ഥനായിരിക്കുന്ന.”
^ മറ്റൊരു സാധ്യത “ചവറ്റുകൂനയിൽനിന്ന്‌.”
^ അക്ഷ. “പുത്രന്മാരോടൊപ്പം.”
^ അഥവാ “ഹല്ലേലൂയ!” യഹോവ എന്ന പേരിന്റെ ഹ്രസ്വരൂപമാണ്‌ “യാഹ്‌.”