സങ്കീർത്തനം 121:1-8
ആരോഹണഗീതം.
121 ഞാൻ പർവതങ്ങളിലേക്കു കണ്ണ് ഉയർത്തുന്നു.+
എനിക്ക് എവിടെനിന്ന് സഹായം കിട്ടും?
2 ആകാശവും ഭൂമിയും സൃഷ്ടിച്ച യഹോവഎനിക്കു സഹായമേകും.+
3 ദൈവം ഒരിക്കലും നിന്റെ കാൽ വഴുതാൻ* അനുവദിക്കില്ല.+
നിന്നെ കാക്കുന്നവൻ ഉറക്കംതൂങ്ങില്ല.
4 ഇസ്രായേലിനെ കാക്കുന്ന ദൈവംഉറക്കംതൂങ്ങുകയോ ഉറങ്ങിപ്പോകുകയോ ഇല്ലെന്ന് ഓർക്കുക.+
5 യഹോവ നിന്നെ കാക്കുന്നു.
തണലേകാൻ യഹോവ+ നിന്റെ വലതുവശത്തുണ്ട്.+
6 പകൽ സൂര്യനോ+ രാത്രി ചന്ദ്രനോ+നിനക്കു ഹാനി വരുത്തില്ല.
7 എല്ലാ ആപത്തിൽനിന്നും യഹോവ നിന്നെ സംരക്ഷിക്കും;+
ദൈവം നിന്റെ ജീവൻ കാക്കും.+
8 നീ ചെയ്യുന്ന ഓരോ കാര്യത്തിലും* യഹോവയുടെ കാവലുണ്ടാകും;ഇന്നുമുതൽ എന്നെന്നും അതുണ്ടാകും.