സങ്കീർത്തനം 95:1-11
95 വരൂ! സന്തോഷാരവങ്ങളോടെ യഹോവയെ സ്‌തുതിക്കാം!
നമ്മുടെ രക്ഷയുടെ പാറയ്‌ക്കു+ ജയഘോഷം മുഴക്കാം.
2 നമുക്കു തിരുസന്നിധിയിൽ ചെന്ന്‌ നന്ദി അർപ്പിക്കാം,+തിരുമുമ്പിൽ പാട്ടു പാടാം, ജയഘോഷം മുഴക്കാം.
3 യഹോവ മഹാനായ ദൈവമല്ലോ;മറ്റെല്ലാ ദൈവങ്ങൾക്കും മീതെ മഹാരാജൻ.+
4 ഭൂമിയുടെ ആഴങ്ങൾ തൃക്കൈയിലല്ലോ;കൊടുമുടികൾ ദൈവത്തിനു സ്വന്തം.+
5 സമുദ്രം ദൈവത്തിന്റേത്‌, ദൈവമല്ലോ അത്‌ ഉണ്ടാക്കിയത്‌;+കരയെ രൂപപ്പെടുത്തിയതും ആ കരങ്ങൾതന്നെ.+
6 വരൂ! നമുക്ക്‌ ആരാധിക്കാം, കുമ്പിടാം;നമ്മെ ഉണ്ടാക്കിയ യഹോവയുടെ മുന്നിൽ മുട്ടുകുത്താം.+
7 അവനല്ലോ നമ്മുടെ ദൈവം;നമ്മൾ ദൈവത്തിന്റെ മേച്ചിൽപ്പുറത്തുള്ളവർ,ദൈവം പരിപാലിക്കുന്ന ആടുകൾ.+
ഇന്നു നിങ്ങൾ ദൈവത്തിന്റെ ശബ്ദം ശ്രദ്ധിക്കുന്നെങ്കിൽ+
8 മെരീബയിലെപ്പോലെ,* വിജനഭൂമിയിലെ മസ്സാദിനത്തിലെപ്പോലെ,*+നിങ്ങളുടെ ഹൃദയം കഠിനമാക്കരുത്‌;+
9 നിങ്ങളുടെ പൂർവികർ അന്ന്‌ എന്നെ പരീക്ഷിച്ചു;+ഞാൻ ചെയ്‌തതെല്ലാം കണ്ടിട്ടും അവർ എന്നെ വെല്ലുവിളിച്ചു.+
10 എനിക്ക്‌ 40 വർഷത്തേക്ക്‌ ആ തലമുറയെ അറപ്പായിരുന്നു;
ഞാൻ പറഞ്ഞു: “ഈ ജനം എപ്പോഴും വഴിതെറ്റിപ്പോകുന്ന ഹൃദയമുള്ളവർ;ഇവർ എന്റെ വഴികൾ ഇനിയും മനസ്സിലാക്കിയിട്ടില്ല.”
11 അതുകൊണ്ട്‌, “അവർ എന്റെ സ്വസ്ഥതയിൽ കടക്കില്ല”+ എന്ന്‌
ഞാൻ കോപത്തോടെ സത്യം ചെയ്‌തു.