സുഭാഷിതങ്ങൾ 24:1-34
24 ദുഷ്ടന്മാരോട്‌ അസൂയ തോന്നരുത്‌;അവരുടെ ചങ്ങാത്തം കൊതിക്കരുത്‌.+
2 അവർ ഹൃദയത്തിൽ അക്രമത്തെക്കുറിച്ച്‌ ചിന്തിക്കുന്നു;അവരുടെ വായ്‌ ദ്രോഹം സംസാരിക്കുന്നു.
3 ജ്ഞാനംകൊണ്ട്‌ വീടു* പണിയുന്നു;+വകതിരിവുകൊണ്ട്‌ അതു സുരക്ഷിതമാക്കുന്നു.
4 അറിവുകൊണ്ട്‌ അതിന്റെ മുറികളിൽമനോഹരമായ അമൂല്യവസ്‌തുക്കളെല്ലാം നിറയ്‌ക്കുന്നു.+
5 ജ്ഞാനി ശക്തനാണ്‌;+അറിവ്‌ ഒരുവന്റെ ശക്തി വർധിപ്പിക്കുന്നു.
6 വിദഗ്‌ധമാർഗനിർദേശത്തിനു* ചേർച്ചയിൽ നീ യുദ്ധം ചെയ്യും.+ധാരാളം ഉപദേശകരുള്ളപ്പോൾ* വിജയം നേടാനാകുന്നു.+
7 യഥാർഥജ്ഞാനം വിഡ്‌ഢിയുടെ എത്തുപാടിലല്ല;+നഗരവാതിൽക്കൽ അവന്‌ ഒന്നും പറയാനുണ്ടാകില്ല.
8 ദുഷ്ടത ചെയ്യാൻ പദ്ധതിയിടുന്നവൻകുതന്ത്രങ്ങളുടെ സൂത്രധാരൻ എന്ന്‌ അറിയപ്പെടും.+
9 വിഡ്‌ഢിയുടെ തന്ത്രങ്ങൾ* പാപപൂർണമാണ്‌;പരിഹാസിയെ ആളുകൾ വെറുക്കുന്നു.+
10 കഷ്ടതയുടെ ദിവസം* നീ തളർന്നുപോയാൽനിന്റെ ശക്തികൊണ്ട്‌ ഒരു പ്രയോജനവുമില്ല.
11 മരണത്തിലേക്കു ബന്ദികളായി പോകുന്നവരെ രക്ഷിക്കുക;വിറയലോടെ കൊലക്കളത്തിലേക്കു പോകുന്നവരെ രക്ഷപ്പെടുത്തുക.+
12 “ഞങ്ങൾക്ക്‌ ഇത്‌ അറിയില്ലായിരുന്നു” എന്നു നീ പറഞ്ഞാൽ
ഹൃദയങ്ങൾ* പരിശോധിക്കുന്ന ദൈവം അതു തിരിച്ചറിയില്ലേ?+
നിന്നെ നിരീക്ഷിക്കുന്ന ദൈവം ഉറപ്പായും അതു മനസ്സിലാക്കും;ഓരോരുത്തർക്കും അവരവരുടെ പ്രവൃത്തികൾക്കു പകരം കൊടുക്കുകയും ചെയ്യും.+
13 മകനേ, തേൻ കുടിക്കുക, അതു നല്ലതാണ്‌;തേനടയിലെ* തേനിനു നല്ല മധുരമാണ്‌.
14 അതുപോലെ, ജ്ഞാനവും നിനക്കു നല്ലതാണ്‌.*+
അതു നേടിയാൽ നിന്റെ ഭാവി ശോഭനമാകും;നിന്റെ പ്രത്യാശ അറ്റുപോകില്ല.+
15 നീതിമാനെ ദ്രോഹിക്കാനായി അവന്റെ വീടിന്‌ അരികെ പതിയിരിക്കരുത്‌;അവന്റെ വിശ്രമസ്ഥലം നശിപ്പിക്കരുത്‌.
16 നീതിമാൻ ഏഴു പ്രാവശ്യം വീണാലും* എഴുന്നേൽക്കും;+എന്നാൽ ദുഷ്ടൻ ആപത്തു വന്ന്‌ നിലംപതിക്കും.+
17 നിന്റെ ശത്രുവിന്റെ വീഴ്‌ചയിൽ ആനന്ദിക്കരുത്‌;അവന്റെ കാലിടറുമ്പോൾ നിന്റെ ഹൃദയം സന്തോഷിക്കരുത്‌.+
18 നീ സന്തോഷിച്ചാൽ, അതു കണ്ട്‌ യഹോവയ്‌ക്ക്‌ ഇഷ്ടക്കേടു തോന്നുകയുംഅവനോടു കോപിക്കുന്നതു മതിയാക്കുകയും ചെയ്യും.+
19 ദുഷ്ടന്മാർ കാരണം നീ നിരാശപ്പെടരുത്‌;*ദ്രോഹികളോടു നിനക്ക്‌ അസൂയ തോന്നരുത്‌.
20 ദുഷ്ടന്റെ ഭാവി ഇരുളടഞ്ഞതാണ്‌;+ദ്രോഹികളുടെ വിളക്കു കെട്ടുപോകും.+
21 മകനേ, യഹോവയെയും രാജാവിനെയും ഭയപ്പെടുക.+
ധിക്കാരികളുടെ* കൂട്ടത്തിൽ കൂടരുത്‌;+
22 അവർ പെട്ടെന്നു നശിച്ചുപോകും.+
അവരെ അവർ രണ്ടും* നശിപ്പിക്കുന്നത്‌ എങ്ങനെയെന്ന്‌ ആർക്ക്‌ അറിയാം?+
23 ഇതും ജ്ഞാനികളുടെ വാക്കുകളാണ്‌:
ന്യായം വിധിക്കുമ്പോൾ പക്ഷപാതം കാണിക്കുന്നതു ശരിയല്ല.+
24 “നീ നീതിമാനാണ്‌” എന്നു ദുഷ്ടനോടു പറയുന്നവനെ+
ജനങ്ങൾ ശപിക്കും, ജനതകൾ കുറ്റം വിധിക്കും.
25 എന്നാൽ അവനെ ശാസിക്കുന്നവർക്കു നന്മ വരും;+അവർ നന്മകളാൽ അനുഗൃഹീതരാകും.+
26 സത്യസന്ധമായി മറുപടി പറയുന്നവന്റെ ചുണ്ടിൽ ആളുകൾ ചുംബിക്കും.*+
27 വെളിയിലെ പണികൾ ചെയ്യുക, വയലിൽ എല്ലാം സജ്ജമാക്കുക;പിന്നെ നിന്റെ വീടു* പണിയുക.
28 കാരണമില്ലാതെ നിന്റെ അയൽക്കാരന്‌ എതിരെ സാക്ഷി പറയരുത്‌.+
വഞ്ചിക്കാനായി നിന്റെ വായ്‌ ഉപയോഗിക്കരുത്‌.+
29 “അവൻ എന്നോടു ചെയ്‌തതുപോലെ ഞാൻ അവനോടും ചെയ്യും;അവൻ ചെയ്‌തതിനു ഞാൻ പകരം ചെയ്യും” എന്നു നീ പറയരുത്‌.+
30 ഒരിക്കൽ ഞാൻ മടിയന്റെ വയലിന്‌ അരികിലൂടെ പോയി;+സാമാന്യബോധമില്ലാത്തവന്റെ* മുന്തിരിത്തോട്ടത്തിന്‌ അരികിലൂടെ ഞാൻ നടന്നു.
31 അതു കാടു പിടിച്ച്‌ കിടക്കുന്നതു ഞാൻ കണ്ടു;അതിൽ നിറയെ ചൊറിയണം വളർന്നിരുന്നു;അതിന്റെ കൻമതിൽ ഇടിഞ്ഞുകിടന്നു.+
32 ഞാൻ അതു ശ്രദ്ധിച്ചു, എന്റെ ഹൃദയത്തിൽ സൂക്ഷിച്ചു;അതു കണ്ട്‌ ഞാൻ ഈ പാഠം പഠിച്ചു:
33 അൽപ്പം ഉറക്കം, അൽപ്പം മയക്കം,കൈ കെട്ടിക്കിടന്ന്‌ അൽപ്പം വിശ്രമം.
34 അപ്പോൾ ദാരിദ്ര്യം കൊള്ളക്കാരനെപ്പോലെ വരും;ഇല്ലായ്‌മ ആയുധധാരിയെപ്പോലെ എത്തും.+
അടിക്കുറിപ്പുകള്‍
^ അഥവാ “കുടുംബം.”
^ അഥവാ “ജ്ഞാനമുള്ള ഉപദേശത്തിന്‌.”
^ അഥവാ “മന്ത്രിമാരുള്ളപ്പോൾ.”
^ അഥവാ “മണ്ടൻ പദ്ധതികൾ.”
^ അഥവാ “പ്രശ്‌നങ്ങൾ ഉണ്ടാകുമ്പോൾ.”
^ അഥവാ “ആന്തരം.”
^ അഥവാ “തേനീച്ചക്കൂട്ടിലെ.”
^ അഥവാ “മധുരമാണ്‌.”
^ അഥവാ “കാലിടറിയാലും.”
^ അഥവാ “കോപിക്കരുത്‌.”
^ അഥവാ “മാറ്റം ആഗ്രഹിക്കുന്നവരുടെ.”
^ അതായത്‌, യഹോവയും രാജാവും.
^ മറ്റൊരു സാധ്യത “വളച്ചുകെട്ടാതെ മറുപടി പറയുന്നതു ചുംബിക്കുന്നതുപോലെയാണ്‌.”
^ അഥവാ “കുടുംബം.”
^ അഥവാ “ബുദ്ധിശൂന്യന്റെ.”