ഹോശേയ 4:1-19
4 ഇസ്രായേൽ ജനമേ, യഹോവയുടെ സന്ദേശം കേൾക്കൂ,യഹോവയ്‌ക്കു ദേശവാസികളുമായി ഒരു കേസുണ്ട്‌.+കാരണം, ദേശത്ത്‌ സത്യമോ അചഞ്ചലസ്‌നേഹമോ ദൈവപരിജ്ഞാനമോ ഇല്ല.+
2 കള്ളസത്യവും നുണയും+ ആണ്‌ എങ്ങും.കൊലപാതകവും+ മോഷണവും വ്യഭിചാരവും+ ദേശമെങ്ങും നടമാടുന്നു.ഒന്നിനു പുറകേ ഒന്നായി രക്തച്ചൊരിച്ചിൽ നടക്കുന്നു.+
3 അതുകൊണ്ട്‌ ദേശം വിലപിക്കും,+അവിടെ താമസിക്കുന്ന സകലരും ക്ഷയിച്ചുപോകും,കാട്ടുമൃഗങ്ങളും ആകാശത്തിലെ പക്ഷികളുംകടലിലെ മത്സ്യങ്ങളും ചത്തൊടുങ്ങും.
4 “എന്നാൽ ആരും അവരോടു വാദിക്കാനോ അവരെ ശാസിക്കാനോ പോകേണ്ടതില്ല,+കാരണം, പുരോഹിതനെ എതിർക്കുന്ന തരക്കാരാണു നിങ്ങളുടെ ജനം!+
5 നിങ്ങൾ പട്ടാപ്പകൽ ഇടറിവീഴും,രാത്രിയിൽ തട്ടിവീഴുന്നതുപോലെ പ്രവാചകനും നിങ്ങളോടൊപ്പം വീഴും.
ഞാൻ നിങ്ങളുടെ അമ്മയെ നിശ്ശബ്ദയാക്കും.*
6 അറിവില്ലാത്തതിനാൽ എന്റെ ജനത്തെ ഞാൻ നിശ്ശബ്ദരാക്കും.*
നിങ്ങൾ അറിവ്‌ നേടാൻ കൂട്ടാക്കാത്തതുകൊണ്ട്‌+എന്റെ പുരോഹിതന്മാരായിരിക്കുന്നതിൽനിന്ന്‌ ഞാൻ നിങ്ങളെയും തള്ളിക്കളയും.നിങ്ങളുടെ ദൈവത്തിന്റെ നിയമം* നിങ്ങൾ മറന്നുകളഞ്ഞതുകൊണ്ട്‌+ഞാൻ നിങ്ങളുടെ പുത്രന്മാരെയും മറന്നുകളയും.
7 അവരുടെ എണ്ണം പെരുകിയതനുസരിച്ച്‌ എനിക്ക്‌ എതിരെയുള്ള അവരുടെ പാപങ്ങളും പെരുകി.+
ഞാൻ അവരുടെ മഹത്ത്വത്തെ അപമാനമാക്കി മാറ്റും.*
8 എന്റെ ജനത്തിന്റെ പാപങ്ങളാൽ അവർ വയറു നിറയ്‌ക്കുന്നു.അതുകൊണ്ട്‌ ജനം തെറ്റു ചെയ്യാൻ അവർ കൊതിക്കുന്നു.
9 ജനത്തിന്റെയും പുരോഹിതന്റെയും ഗതി ഒന്നുതന്നെ;അവരുടെ പ്രവൃത്തികൾക്കു ഞാൻ കണക്കു ചോദിക്കും,അവരുടെ ചെയ്‌തികളുടെ പരിണതഫലങ്ങൾ ഞാൻ അവരുടെ മേൽ വരുത്തും.+
10 അവർ തിന്നും, പക്ഷേ തൃപ്‌തരാകില്ല.+
അവർ വ്യഭിചരിക്കും,* പക്ഷേ എണ്ണത്തിൽ പെരുകില്ല,+കാരണം അവർക്ക്‌ യഹോവയോട്‌ ഒരു ആദരവുമില്ല.
11 വ്യഭിചാരവും* വീഞ്ഞും പുതുവീഞ്ഞുംശരി ചെയ്യാനുള്ള ആഗ്രഹം കെടുത്തിക്കളയുന്നു.*+
12 എന്റെ ജനം മരപ്രതിമകളോട്‌ ഉപദേശം തേടുന്നു,അവരുടെ വടി* കല്‌പിക്കുന്നത്‌ അവർ ചെയ്യുന്നു;
വ്യഭിചാരത്തിന്റെ* ആത്മാവ്‌ അവരെ വഴിതെറ്റിക്കുന്നു,അവർ വ്യഭിചരിച്ചുകൊണ്ട്‌, അവരുടെ ദൈവത്തിനു കീഴ്‌പെടാൻ വിസമ്മതിക്കുന്നു.
13 മലമുകളിൽ അവർ ബലി അർപ്പിക്കുന്നു.+കുന്നിന്മുകളിൽ അവർ യാഗവസ്‌തുക്കൾ ദഹിപ്പിക്കുന്നു.*ഓക്ക്‌ മരത്തിന്റെയും സ്റ്റൊറാക്‌സ്‌ മരത്തിന്റെയും
എല്ലാ വൻമരങ്ങളുടെയും ചുവട്ടിൽ അവർ ആരാധന കഴിക്കുന്നു;+കാരണം അവിടെ നല്ല തണലുണ്ട്‌.
അതുകൊണ്ടാണ്‌ നിങ്ങളുടെ പുത്രിമാർ വേശ്യാവൃത്തിയിൽ ഏർപ്പെടുന്നത്‌,
നിങ്ങളുടെ പുത്രഭാര്യമാർ വ്യഭിചരിക്കുന്നത്‌.
14 വേശ്യാവൃത്തിയിൽ ഏർപ്പെട്ടതിനു നിങ്ങളുടെ പുത്രിമാരെയോ,
വ്യഭിചരിച്ചതിനു നിങ്ങളുടെ പുത്രഭാര്യമാരെയോ ഞാൻ ശിക്ഷിക്കില്ല.കാരണം, നിങ്ങളുടെ പുരുഷന്മാർ വേശ്യകളോടൊപ്പം പോകുന്നു,
ആലയവേശ്യകളോടൊപ്പം അവർ ബലി അർപ്പിക്കുന്നു;വകതിരിവില്ലാത്ത ഈ ജനം+ നശിച്ചുപോകും.
15 ഇസ്രായേലേ, നീ വ്യഭിചാരം ചെയ്യുന്നെങ്കിലും+യഹൂദ ആ കുറ്റം ചെയ്യാതിരിക്കട്ടെ.+
ഗിൽഗാലിലേക്കോ+ ബേത്ത്‌-ആവെനിലേക്കോ+ നിങ്ങൾ വരരുത്‌.‘യഹോവയാണെ’ എന്നു പറഞ്ഞ്‌ സത്യം ചെയ്യരുത്‌.+
16 ഇസ്രായേൽ മെരുക്കമില്ലാത്ത ഒരു പശുവിനെപ്പോലെയായിരിക്കുന്നു.+
വിശാലമായ മേച്ചിൽപ്പുറത്ത്‌ ഒരു ചെമ്മരിയാട്ടിൻകുട്ടിയെ മേയ്‌ക്കുന്നതുപോലെ യഹോവ ഇനി അവരെ മേയ്‌ക്കുമോ?
17 എഫ്രയീം വിഗ്രഹങ്ങളോടു ചേർന്നിരിക്കുന്നു.+
അവനെ അവന്റെ വഴിക്കു വിട്ടേക്കൂ!
18 മദ്യം* കുടിച്ചുവറ്റിച്ചിട്ട്‌അവർ വ്യഭിചരിക്കാൻ* തുടങ്ങുന്നു.
അവളുടെ ഭരണാധികാരികൾ* അപമാനം കൊതിക്കുന്നു.+
19 കാറ്റ്‌ അതിന്റെ ചിറകുകൊണ്ട്‌ അവളെ ചുറ്റും,*അവരുടെ ബലികൾ നിമിത്തം അവർ നാണംകെടും.”
അടിക്കുറിപ്പുകള്‍
^ അഥവാ “കൊല്ലും.”
^ അഥവാ “കൊല്ലും.”
^ മറ്റൊരു സാധ്യത “അവർ എന്റെ മഹത്ത്വത്തെ അപമാനവുമായി വെച്ചുമാറിയിരിക്കുന്നു.”
^ അഥവാ “കടുത്ത അസാന്മാർഗികതയിൽ ഏർപ്പെടും; വേശ്യാവൃത്തിയിൽ ഏർപ്പെടും.”
^ അക്ഷ. “ഹൃദയത്തെ എടുത്തുകളയുന്നു.”
^ അഥവാ “അസാന്മാർഗികതയും; അഴിഞ്ഞാട്ടവും.”
^ അഥവാ “ഭാവിഫലം പറയുന്നവന്റെ ദണ്ഡ്‌.”
^ അഥവാ “അസാന്മാർഗികതയുടെ; അഴിഞ്ഞാട്ടത്തിന്റെ.”
^ അഥവാ “പുക ഉയരുംവിധം ദഹിപ്പിക്കുന്നു.”
^ അഥവാ “ഗോതമ്പ്‌ വാറ്റി ഉണ്ടാക്കിയ ബിയർ.”
^ അഥവാ “കടുത്ത അസാന്മാർഗികതയിൽ ഏർപ്പെടാൻ; വേശ്യാവൃത്തിയിൽ ഏർപ്പെടാൻ.”
^ അക്ഷ. “പരിചകൾ.”
^ അഥവാ “തൂത്തെറിയും.”