ഹോശേയ 5:1-15
5 “പുരോഹിതന്മാരേ, ഇതു കേൾക്കൂ,+ഇസ്രായേൽഗൃഹമേ, ചെവി ചായിക്കൂ,രാജഭവനമേ, ശ്രദ്ധിക്കൂ,നിങ്ങളുടെ മേലാണു ന്യായവിധി വരുന്നത്‌.കാരണം, നിങ്ങൾ മിസ്‌പയിൽ ഒരു കെണിയുംതാബോരിനു മേൽ ഒരു വലയും ആണ്‌.+
2 വീണുപോകുന്നവർ* കൊല്ലുംകൊലയും നടത്തി അതിൽ മുങ്ങിത്താഴുന്നു,*അവർക്കെല്ലാം ഞാൻ മുന്നറിയിപ്പു* കൊടുക്കുന്നു.
3 എഫ്രയീമിനെ എനിക്ക്‌ അറിയാം,ഇസ്രായേൽ എന്റെ കൺമുന്നിൽത്തന്നെയുണ്ട്‌.
എഫ്രയീമേ, നീ അഴിഞ്ഞാടി നടന്നിരിക്കുന്നു;*ഇസ്രായേൽ തന്നെത്തന്നെ കളങ്കിതയാക്കിയിരിക്കുന്നു.+
4 അവരുടെ ചെയ്‌തികൾ ദൈവത്തിലേക്കു മടങ്ങിവരാൻ അവരെ അനുവദിക്കുന്നില്ല.കാരണം, വ്യഭിചാരത്തിന്റെ* ആത്മാവ്‌ അവർക്കിടയിലുണ്ട്‌.+യഹോവയെ അവർ അംഗീകരിക്കുന്നില്ല.
5 ഇസ്രായേലിന്റെ അഹങ്കാരം അവന്‌ എതിരെ സാക്ഷി പറയുന്നു.+ഇസ്രായേലും എഫ്രയീമും തെറ്റു ചെയ്‌ത്‌ ഇടറിവീണിരിക്കുന്നു,യഹൂദയും അവരുടെകൂടെ വീണിരിക്കുന്നു.+
6 ആടുമാടുകളെയും കൂട്ടി അവർ യഹോവയെ അന്വേഷിച്ച്‌ പോയി.പക്ഷേ അവർക്കു ദൈവത്തെ കാണാനായില്ല.
ദൈവം അവരിൽനിന്ന്‌ അകന്നുപോയിരുന്നു.+
7 അവർ യഹോവയെ വഞ്ചിച്ചിരിക്കുന്നു,+അവർക്ക്‌ അന്യരിൽ* മക്കൾ ജനിച്ചിരിക്കുന്നു.
ഒരു മാസത്തിനുള്ളിൽ അവരെയും അവരുടെ വസ്‌തുവകകളെയും* വിഴുങ്ങിക്കളയും.
8 ഗിബെയയിൽ കൊമ്പു വിളിക്കൂ,+ രാമയിൽ കാഹളം ഊതൂ!+
ബേത്ത്‌-ആവെനിൽ പോർവിളി മുഴക്കൂ!+ ബന്യാമീനേ, പിന്നാലെ ഞങ്ങളുണ്ട്‌!
9 എഫ്രയീമേ, ശിക്ഷാവിധിയുടെ നാളിൽ നീ പേടിപ്പെടുത്തുന്ന ഒരിടമാകും.+
ഇസ്രായേൽഗോത്രങ്ങൾക്ക്‌ എന്തു സംഭവിക്കുമെന്ന്‌ ഞാൻ അറിയിച്ചിരിക്കുന്നു.
10 യഹൂദാപ്രഭുക്കന്മാർ അതിർ നീക്കുന്നവരെപ്പോലെയാണ്‌.+
വെള്ളംപോലെ ഞാൻ എന്റെ ക്രോധം അവരുടെ മേൽ ചൊരിയും.
11 തന്റെ ശത്രുവിന്റെ പിന്നാലെ പോകാൻ നിശ്ചയിച്ചുറച്ചതുകൊണ്ട്‌+ എഫ്രയീം അടിച്ചമർത്തപ്പെടും.ന്യായവിധിയാൽ അവൻ ഞെരിഞ്ഞമരും.
12 കരണ്ടുതിന്നുന്ന ഒരു കീടത്തെപ്പോലെ ഞാൻ എഫ്രയീമിനെ തിന്നുകളയും,യഹൂദാഭവനം ദ്രവിച്ചുപോകാൻ ഞാൻ ഇടയാക്കും.
13 എഫ്രയീം തന്റെ രോഗവും യഹൂദ തന്റെ വ്രണവും കണ്ടപ്പോൾ,എഫ്രയീം അസീറിയയിലേക്കു+ ചെന്ന്‌ ഒരു മഹാരാജാവിന്റെ അടുത്ത്‌ ആളയച്ചു.
പക്ഷേ ആ രാജാവിനു നിങ്ങളെ സുഖപ്പെടുത്താനായില്ല,നിങ്ങളുടെ വ്രണം ഭേദമാക്കാനും കഴിഞ്ഞില്ല.
14 ഞാൻ എഫ്രയീമിനു നേരെ ഒരു യുവസിംഹത്തെപ്പോലെയും,യഹൂദാഭവനത്തിനു നേരെ കരുത്തനായ ഒരു സിംഹത്തെപ്പോലെയും* ചെല്ലും.
ഞാൻ അവരെ പിച്ചിച്ചീന്തും, അവരെ പിടിച്ചുകൊണ്ടുപോകും,+ആരും അവരെ രക്ഷിക്കില്ല.+
15 ഞാൻ എന്റെ സ്ഥലത്തേക്കു മടങ്ങിപ്പോകും.
അവരുടെ തെറ്റിന്റെ പരിണതഫലങ്ങൾ അവർ അനുഭവിക്കുന്നതുവരെ ഞാൻ അവിടെയുണ്ടാകില്ല.പിന്നെ അവർ എന്റെ പ്രീതി* തേടും.+
കഷ്ടതയിലാകുമ്പോൾ അവർ എന്നെ അന്വേഷിക്കും.”+
അടിക്കുറിപ്പുകള്‍
^ അഥവാ “ധിക്കാരികൾ.”
^ അഥവാ “മുഴുകുന്നു.”
^ അഥവാ “ശിക്ഷണം.”
^ അഥവാ “അസാന്മാർഗികതയിൽ ഏർപ്പെട്ടിരിക്കുന്നു; വേശ്യാവൃത്തി ചെയ്‌തിരിക്കുന്നു.”
^ അഥവാ “അസാന്മാർഗികതയുടെ; അഴിഞ്ഞാട്ടത്തിന്റെ.”
^ അതായത്‌, അവിഹിതമായി. സാധ്യതയനുസരിച്ച്‌, വിദേശഭാര്യമാരിൽ ജനിച്ചതുകൊണ്ട്‌ ആ മക്കൾ ദൈവത്തിൽനിന്ന്‌ അകന്നവരായിരുന്നു.
^ അഥവാ “നിലങ്ങളെയും.”
^ അഥവാ “സടയുള്ള, വളർച്ചയെത്തിയ സിംഹത്തെപ്പോലെയും.”
^ അക്ഷ. “മുഖം.”