ഹോശേയ 9:1-17
9 “ഇസ്രായേലേ, നീ ആഹ്ലാദിക്കേണ്ടാ,+ജനതകളെപ്പോലെ സന്തോഷിക്കേണ്ടാ.
കാരണം, വേശ്യാവൃത്തി ചെയ്‌ത്‌* നീ ദൈവത്തിൽനിന്ന്‌ അകന്നുപോയിരിക്കുന്നു.+
എല്ലാ മെതിക്കളങ്ങളിലും നീ വേശ്യയുടെ കൂലി കൊതിച്ചു.+
2 എന്നാൽ മെതിക്കളവും മുന്തിരിച്ചക്കും* അവരെ പോഷിപ്പിക്കാതാകും,അവർക്കു പുതുവീഞ്ഞു കിട്ടാതാകും.+
3 തുടർന്ന്‌ അവർ യഹോവയുടെ ദേശത്ത്‌ കഴിയില്ല,+പകരം, എഫ്രയീം ഈജിപ്‌തിലേക്കു മടങ്ങിപ്പോകും.അസീറിയയിൽവെച്ച്‌ അശുദ്ധമായത്‌ അവർ തിന്നും.+
4 അവർ ഇനി ഒരിക്കലും യഹോവയ്‌ക്കു വീഞ്ഞ്‌ അർപ്പിക്കില്ല,+അവരുടെ ബലികൾ ദൈവത്തെ പ്രസാദിപ്പിക്കില്ല,+
വിലാപത്തിന്റെ അപ്പംപോലെയാണ്‌ അവ.അവ കഴിക്കുന്നവരെല്ലാം അശുദ്ധരാകും.
അവരുടെ അപ്പം അവർക്കു മാത്രമുള്ളതാണ്‌.അത്‌ യഹോവയുടെ ഭവനത്തിലേക്കു കൊണ്ടുവരില്ല.
5 കൂടിവരേണ്ട* ദിവസത്തിൽ,യഹോവയുടെ ഉത്സവദിവസത്തിൽ, നിങ്ങൾ എന്തു ചെയ്യും?
6 നോക്കിക്കോ! നാശം നിമിത്തം അവർക്ക്‌ ഓടിപ്പോകേണ്ടിവരും.+
ഈജിപ്‌ത്‌ അവരെ ഒന്നിച്ചുകൂട്ടും,+ മെംഫിസ്‌ അവരെ അടക്കം ചെയ്യും.+
വെള്ളികൊണ്ടുള്ള അവരുടെ അമൂല്യവസ്‌തുക്കളെ ചൊറിയണച്ചെടി മൂടും.അവരുടെ കൂടാരങ്ങളിൽ മുൾച്ചെടികൾ വളരും.
7 കണക്കുതീർപ്പിന്റെ ദിവസം വരും,+ശിക്ഷാവിധിയുടെ നാൾ വന്നുചേരും,ഇസ്രായേൽ അത്‌ അറിയും.
നിന്റെ തെറ്റുകളും നിന്നോടുള്ള ശത്രുതയും പെരുകിയിരിക്കുന്നതുകൊണ്ട്‌ഇസ്രായേലിന്റെ പ്രവാചകൻ വിഡ്‌ഢിയാകും, ദർശകനു ഭ്രാന്തു പിടിക്കും.”
8 എഫ്രയീമിന്റെ കാവൽക്കാരൻ+ എന്റെ ദൈവത്തിന്റെകൂടെയായിരുന്നു.+
എന്നാൽ ഇപ്പോഴോ, പ്രവാചകന്മാരുടെ വഴികളെല്ലാം+ പക്ഷിപിടുത്തക്കാരന്റെ കെണിപോലെയാണ്‌.അവന്റെ ദൈവത്തിന്റെ ഭവനത്തിൽ വിദ്വേഷം കുടികൊള്ളുന്നു.
9 ഗിബെയയുടെ കാലത്തെന്നപോലെ അവർ നാശത്തിലേക്കു മുങ്ങിത്താണിരിക്കുന്നു.+
ദൈവം അവരുടെ തെറ്റുകൾ ഓർക്കും, അവരുടെ പാപങ്ങൾക്കു ശിക്ഷ നൽകും.+
10 “ഞാൻ ഇസ്രായേലിനെ കണ്ടപ്പോൾ അവൾ മരുഭൂമിയിലെ* മുന്തിരിപോലെയായിരുന്നു.+
അത്തിമരത്തിൽ ആദ്യം വിളയുന്ന അത്തിപ്പഴങ്ങൾപോലെയായിരുന്നു അവളുടെ പൂർവികർ.
എന്നാൽ അവർ പെയോരിലെ ബാലിന്റെ അടുത്തേക്കു പോയി.+ആ നാണംകെട്ട വസ്‌തുവിന്‌* അവർ അവരെത്തന്നെ സമർപ്പിച്ചു.+അവർ സ്‌നേഹിച്ച വസ്‌തുവിനെപ്പോലെതന്നെ അവരും മ്ലേച്ഛന്മാരായിത്തീർന്നു.
11 എഫ്രയീമിന്റെ മഹത്ത്വം ഒരു പക്ഷിയെപ്പോലെ പറന്നകലുന്നു,അവിടെ ഗർഭധാരണമോ ഗർഭമോ പ്രസവമോ ഇല്ല.+
12 ഇനി അവർ മക്കളെ വളർത്തിയാൽത്തന്നെ,ഞാൻ അവരെ മക്കളില്ലാത്തവരാക്കും, ഒരാൾപ്പോലും ബാക്കി കാണില്ല.+ഞാൻ അവരെ വിട്ടുമാറും! അവരുടെ കാര്യം കഷ്ടം!+
13 മേച്ചിൽപ്പുറത്ത്‌ നട്ട എഫ്രയീം എനിക്കു സോരിനെപ്പോലെയായിരുന്നു.+എന്നാൽ, എഫ്രയീമിനു മക്കളെ കൊലയ്‌ക്കു കൊടുക്കേണ്ടിവരും.”
14 യഹോവേ, അവർ അർഹിക്കുന്നത്‌ അവർക്കു കൊടുക്കേണമേ.അലസിപ്പോകുന്ന ഗർഭവും വറ്റിവരണ്ട* മുലകളും അവർക്കു നൽകേണമേ.
15 “അവർ ദുഷ്‌പ്രവൃത്തികളെല്ലാം ചെയ്‌തതു ഗിൽഗാലിൽവെച്ചായിരുന്നു.+
അതുകൊണ്ട്‌ അവിടെവെച്ച്‌ ഞാൻ അവരെ വെറുത്തുതുടങ്ങി.
അവരുടെ ദുഷ്‌കൃത്യങ്ങൾ കാരണം ഞാൻ അവരെ എന്റെ ഭവനത്തിൽനിന്ന്‌ ഓടിച്ചുകളയും.+
ഇനി മേലാൽ ഞാൻ അവരെ സ്‌നേഹിക്കില്ല,+അവരുടെ പ്രഭുക്കന്മാരെല്ലാം ദുശ്ശാഠ്യക്കാരാണ്‌.
16 എഫ്രയീമിനെ വെട്ടിവീഴ്‌ത്തും,+
അവരുടെ വേര്‌ ഉണങ്ങിപ്പോകും, അവർ ഫലം തരില്ല.
അവർ പ്രസവിച്ചാൽത്തന്നെ, അവരുടെ പൊന്നോമനകളെ ഞാൻ കൊന്നുകളയും.”
17 എന്റെ ദൈവം അവരെ തള്ളിക്കളയും,അവർ ദൈവത്തിനു ചെവി കൊടുത്തില്ലല്ലോ,+ജനതകളുടെ ഇടയിൽ അവർ അഭയാർഥികളായി അലഞ്ഞുനടക്കും.+
അടിക്കുറിപ്പുകള്‍
^ അഥവാ “അസാന്മാർഗികതയിൽ ഏർപ്പെട്ട്‌; അഴിഞ്ഞാട്ടത്തിലൂടെ.”
^ അഥവാ “വിരുന്നിനു നിശ്ചയിച്ച.”
^ അഥവാ “നാണംകെട്ട ദൈവത്തിന്‌.”
^ അഥവാ “ശുഷ്‌കിച്ച.”