ആവർത്തനം 33:1-29
33 ദൈവപുരുഷനായ മോശ തന്റെ മരണത്തിനു മുമ്പ് ഇസ്രായേല്യരെ അനുഗ്രഹിച്ച്+
2 ഇങ്ങനെ പറഞ്ഞു:
“യഹോവ! അവിടുന്ന് സീനായിൽനിന്ന് വന്നു,+സേയീരിൽനിന്ന് അവരുടെ മേൽ പ്രകാശിച്ചു.
പാരാൻമലനാട്ടിൽനിന്ന് തന്റെ മഹത്ത്വത്തിൽ ശോഭിച്ചു.+ദൈവത്തിന്റെകൂടെ വിശുദ്ധസഹസ്രങ്ങളും*+ദൈവത്തിന്റെ വലങ്കൈയിൽ+ ദൈവത്തിന്റെ യോദ്ധാക്കളും ഉണ്ടായിരുന്നു.
3 ദൈവത്തിനു തന്റെ ജനത്തോടു വാത്സല്യം തോന്നി;+അവരുടെ വിശുദ്ധരെല്ലാം തൃക്കൈയിലിരിക്കുന്നു.+
അവർ അങ്ങയുടെ കാൽക്കലിരുന്നു;+അവർ അങ്ങയുടെ മൊഴികൾക്കു കാതോർത്തു.+
4 (മോശ ഞങ്ങൾക്കൊരു കല്പന തന്നു,+യാക്കോബിൻസഭയുടെ അവകാശമായ ഒരു നിയമംതന്നെ.)+
5 ഇസ്രായേലിലെ എല്ലാ ഗോത്രങ്ങളും+ജനത്തിന്റെ എല്ലാ തലവന്മാരും ഒന്നിച്ചുകൂടിയപ്പോൾ,+ദൈവം യശുരൂനിൽ* രാജാവായി.+
6 രൂബേൻ മരിച്ചൊടുങ്ങാതെ ജീവിച്ചിരിക്കട്ടെ,+രൂബേന്റെ പുരുഷന്മാർ കുറയാതിരിക്കട്ടെ.”+
7 മോശ യഹൂദയെ ഇങ്ങനെ അനുഗ്രഹിച്ചു:+
“യഹോവേ, യഹൂദയുടെ സ്വരം കേൾക്കേണമേ,+യഹൂദയെ സ്വന്തം ജനത്തിലേക്കു മടക്കിവരുത്തേണമേ.
യഹൂദയുടെ കൈകൾ സ്വന്തം അവകാശത്തിനായി പോരാടി,ശത്രുക്കളെ നേരിടാൻ അങ്ങ് യഹൂദയ്ക്കു തുണയായിരിക്കേണമേ.”+
8 ലേവിയെക്കുറിച്ച് മോശ പറഞ്ഞു:+
“അങ്ങയുടെ* ഊറീമും തുമ്മീമും+ അങ്ങയുടെ വിശ്വസ്തനുള്ളത്,+അവനെ അങ്ങ് മസ്സയിൽവെച്ച് പരീക്ഷിച്ചു.+
മെരീബയിലെ നീരുറവിൽവെച്ച് അങ്ങ് അവനോടു പോരാടി,+
9 അവൻ തന്റെ മാതാപിതാക്കളോട്, ‘ഞാൻ നിങ്ങളെ ആദരിക്കുന്നില്ല’ എന്നു പറഞ്ഞു.
തന്റെ സഹോദരന്മാരെപ്പോലും അവൻ അംഗീകരിച്ചില്ല,+സ്വന്തം ആൺമക്കളെ അവൻ അവഗണിച്ചു.
പകരം, അവർ അങ്ങയുടെ വാക്ക് അനുസരിച്ചു,അങ്ങയുടെ ഉടമ്പടി അവർ പാലിച്ചു.+
10 അവർ യാക്കോബിനെ അങ്ങയുടെ ന്യായത്തീർപ്പുകളും+ഇസ്രായേലിനെ അങ്ങയുടെ നിയമവും ഉപദേശിക്കട്ടെ.+
അവർ അങ്ങയ്ക്കു* ഹൃദ്യമായ സുഗന്ധക്കൂട്ട് അർപ്പിക്കട്ടെ,+അങ്ങയുടെ യാഗപീഠത്തിൽ സമ്പൂർണയാഗം കഴിക്കട്ടെ.+
11 യഹോവേ, അവന്റെ ശക്തിയെ അനുഗ്രഹിക്കേണമേ,അവന്റെ പ്രവൃത്തികളിൽ പ്രസാദിക്കേണമേ.
അവന് എതിരെ എഴുന്നേൽക്കുന്നവരുടെ കാലുകൾ* തകർക്കേണമേ,അവനെ വെറുക്കുന്നവർ മേലാൽ എഴുന്നേൽക്കാതിരിക്കട്ടെ.”
12 ബന്യാമീനെക്കുറിച്ച് മോശ പറഞ്ഞു:+
“യഹോവയ്ക്കു പ്രിയപ്പെട്ടവൻ ബന്യാമീന്* അരികെ സുരക്ഷിതനായി വസിക്കട്ടെ;ബന്യാമീൻ, ദിനം മുഴുവൻ അവന്* അഭയം നൽകട്ടെ,ബന്യാമീന്റെ ചുമലുകൾക്കു മധ്യേ അവൻ* വസിക്കും.”
13 യോസേഫിനെക്കുറിച്ച് മോശ പറഞ്ഞു:+
“യഹോവ യോസേഫിന്റെ ദേശത്തെ അനുഗ്രഹിക്കട്ടെ,+ആകാശത്തിന്റെ വിശിഷ്ടവസ്തുക്കൾകൊണ്ടും,തുഷാരവർഷംകൊണ്ടും നീരുറവിലെ ജലംകൊണ്ടും,+
14 സൂര്യൻ വളർത്തുന്ന ശ്രേഷ്ഠവസ്തുക്കൾകൊണ്ടും,മാസംതോറുമുള്ള ശ്രേഷ്ഠവിളകൾകൊണ്ടും,+
15 പുരാതനഗിരികളുടെ* അതിവിശിഷ്ടവസ്തുക്കൾകൊണ്ടും,+ശാശ്വതശൈലങ്ങളുടെ ഉത്കൃഷ്ടവസ്തുക്കൾകൊണ്ടും,
16 ഭൂമിയുടെ വിശിഷ്ടവസ്തുക്കൾകൊണ്ടും അതിന്റെ സകല സമൃദ്ധികൊണ്ടും,+മുൾച്ചെടിയിൽ വസിക്കുന്നവന്റെ+ പ്രസാദംകൊണ്ടും യോസേഫിനെ അനുഗ്രഹിക്കട്ടെ.
അവയെല്ലാം യോസേഫിന്റെ ശിരസ്സിൽ,തന്റെ സഹോദരന്മാരിൽനിന്ന് തിരഞ്ഞെടുക്കപ്പെട്ടവന്റെ നെറുകയിൽ, വസിക്കട്ടെ.+
17 യോസേഫിന്റെ പ്രൗഢി കടിഞ്ഞൂൽക്കാളയുടേതുപോലെ,യോസേഫിന്റെ കൊമ്പുകൾ കാട്ടുപോത്തിന്റേതുപോലെ.
അവകൊണ്ട് യോസേഫ് ജനങ്ങളെ തള്ളും,*അവരെ ഒന്നടങ്കം ഭൂമിയുടെ അറുതികളിലേക്കു നീക്കും.
അവ എഫ്രയീമിന്റെ പതിനായിരങ്ങളാണ്,+മനശ്ശെയുടെ ആയിരങ്ങളും.”
18 സെബുലൂനെക്കുറിച്ച്+ മോശ പറഞ്ഞു:
“സെബുലൂനേ, നീ നിന്റെ പ്രയാണങ്ങളിലുംയിസ്സാഖാരേ, നീ നിന്റെ കൂടാരങ്ങളിലും ആഹ്ലാദിക്കുക.+
19 അവർ ജനങ്ങളെ പർവതത്തിലേക്കു ക്ഷണിക്കും.
അവിടെ അവർ നീതിയുടെ ബലികൾ അർപ്പിക്കും.
ജലാശയങ്ങളുടെ സമൃദ്ധമായ സമ്പത്ത് അവർ കോരിയെടുക്കും,*മണലിൽ മറഞ്ഞിരിക്കുന്ന നിധികൾ അവർ കുഴിച്ചെടുക്കും.”
20 ഗാദിനെക്കുറിച്ച് മോശ പറഞ്ഞു:+
“ഗാദിന്റെ അതിരുകൾ വിശാലമാക്കുന്നവൻ അനുഗൃഹീതൻ.+
ഗാദ് അവിടെ സിംഹത്തെപ്പോലെ പതുങ്ങിക്കിടക്കുന്നു,ഭുജവും നെറുകയും വലിച്ചുകീറാൻ ഒരുങ്ങിയിരിക്കുന്നു.
21 ഗാദ് തനിക്കുവേണ്ടി ആദ്യഭാഗം തിരഞ്ഞെടുക്കും,+അവിടെയല്ലോ നിയമദാതാവ് ഗാദിന് ഓഹരി കരുതിവെച്ചിരിക്കുന്നത്.+
ജനത്തിന്റെ തലവന്മാർ ഒന്നിച്ചുകൂടും.
ഗാദ് യഹോവയുടെ നീതിയും,ഇസ്രായേലിനുള്ള ദൈവത്തിന്റെ വിധികളും നടപ്പാക്കും.”
22 ദാനെക്കുറിച്ച് മോശ പറഞ്ഞു:+
“ദാൻ ഒരു സിംഹക്കുട്ടി.+
ദാൻ ബാശാനിൽനിന്ന് കുതിച്ചുചാടും.”+
23 നഫ്താലിയെക്കുറിച്ച് മോശ പറഞ്ഞു:+
“നഫ്താലി അംഗീകാരത്താൽ തൃപ്തനുംയഹോവയുടെ അനുഗ്രഹം നിറഞ്ഞവനും ആണ്.
പടിഞ്ഞാറും തെക്കും നീ അവകാശമാക്കിക്കൊള്ളുക.”
24 ആശേരിനെക്കുറിച്ച് മോശ പറഞ്ഞു:+
“ആശേർ പുത്രസമ്പത്തുകൊണ്ട് അനുഗൃഹീതനാണ്.
ആശേരിനു സഹോദരന്മാരുടെ പ്രീതി ലഭിക്കട്ടെ,ആശേർ തന്റെ പാദം എണ്ണയിൽ മുക്കട്ടെ.*
25 നിന്റെ കവാടത്തിന്റെ പൂട്ടുകൾ ഇരുമ്പിലും ചെമ്പിലും തീർത്തവ,+ജീവിതകാലം മുഴുവൻ നീ സുരക്ഷിതനായിരിക്കും.*
26 യശുരൂന്റെ+ സത്യദൈവത്തെപ്പോലെ ആരുമില്ല,+നിനക്കു തുണയേകാൻ ദൈവം ആകാശത്ത് എഴുന്നള്ളുന്നു,തന്റെ മഹിമയിൽ മേഘാരൂഢനായി വരുന്നു.+
27 പുരാതനകാലംമുതൽ ദൈവം ഒരു സങ്കേതമാണ്.+നിന്റെ കീഴിൽ ദൈവത്തിന്റെ ശാശ്വതഭുജങ്ങളുണ്ടല്ലോ.+
ശത്രുവിനെ ദൈവം നിന്റെ മുന്നിൽനിന്ന് ഓടിച്ചുകളയും,+‘അവരെ തുടച്ചുനീക്കുവിൻ!’ എന്നു ദൈവം പറയും.+
28 ധാന്യത്തിന്റെയും പുതുവീഞ്ഞിന്റെയും ദേശത്ത്+ഇസ്രായേൽ സുരക്ഷിതനായി വസിക്കും,യാക്കോബിന്റെ നീരുറവ സ്വച്ഛമായി ഒഴുകും.യാക്കോബിന്റെ ആകാശം മഞ്ഞു പൊഴിക്കും.+
29 ഇസ്രായേലേ, നീ എത്ര ധന്യൻ!+
യഹോവ രക്ഷിച്ച ജനമേ,+നിന്നെപ്പോലെ ആരുണ്ട്?+നിന്നെ കാക്കുന്ന പരിചയും+നിന്റെ മഹിമയാർന്ന വാളും ദൈവമല്ലോ.
നിന്റെ ശത്രുക്കൾ നിന്റെ മുന്നിൽ വിറയ്ക്കും,+നീ അവരുടെ മുതുകിൽ* ചവിട്ടിനടക്കും.”
അടിക്കുറിപ്പുകള്
^ അഥവാ “ആയിരക്കണക്കിനു വിശുദ്ധന്മാരും.”
^ അർഥം: “നേരുള്ളവൻ,” ബഹുമാനസൂചകമായി ഇസ്രായേലിനെ സംബോധന ചെയ്യുന്ന പദം.
^ ഈ വാക്യത്തിൽ, “അങ്ങയുടെ,” “അങ്ങ്” എന്നീ വാക്കുകൾ ദൈവത്തെ കുറിക്കുന്നു.
^ അക്ഷ. “അങ്ങയുടെ മൂക്കിൽ.”
^ അഥവാ “അര.”
^ മറ്റൊരു സാധ്യത “ദൈവത്തിന്.”
^ മറ്റൊരു സാധ്യത “ദൈവം ദിനം മുഴുവൻ ബന്യാമീന്.”
^ മറ്റൊരു സാധ്യത “ദൈവത്തിന്റെ ചുമലുകൾക്കു മധ്യേ ബന്യാമീൻ.”
^ മറ്റൊരു സാധ്യത “കിഴക്കുള്ള പർവതങ്ങളുടെ.”
^ അഥവാ “കുത്തും.”
^ അക്ഷ. “സമൃദ്ധി വലിച്ചുകുടിക്കും.”
^ അഥവാ “കഴുകട്ടെ.”
^ അക്ഷ. “നിന്റെ ദിനങ്ങൾപോലെയായിരിക്കും നിന്റെ ശക്തി.”
^ മറ്റൊരു സാധ്യത “ഉയർന്ന സ്ഥലങ്ങളിൽ.”