യശയ്യ 50:1-11
50 യഹോവ ചോദിക്കുന്നു:
“നിങ്ങളുടെ അമ്മയെ പറഞ്ഞുവിട്ടപ്പോൾ ഞാൻ മോചനപത്രം കൊടുത്തോ?+
എന്റെ ഏതെങ്കിലും കടക്കാർക്കു ഞാൻ നിങ്ങളെ വിറ്റോ?
നിങ്ങളുടെ സ്വന്തം തെറ്റുകൾ നിമിത്തമാണു+ നിങ്ങൾ അടിമകളായത്‌,നിങ്ങളുടെതന്നെ അപരാധങ്ങൾ നിമിത്തമാണു നിങ്ങളുടെ അമ്മയെ പറഞ്ഞയച്ചത്‌!+
2 പിന്നെ എന്താണു ഞാൻ വന്നപ്പോൾ ഇവിടെ ആരെയും കാണാതിരുന്നത്‌?
ഞാൻ വിളിച്ചപ്പോൾ ആരും വിളി കേൾക്കാതിരുന്നത്‌?+
നിങ്ങളെ വീണ്ടെടുക്കാനാകാത്ത വിധം എന്റെ കൈ അത്ര ചെറുതാണോ?+നിങ്ങളെ രക്ഷിക്കാൻ എനിക്കു ശക്തിയില്ലേ?
ഇതാ! ഞാൻ ശാസിക്കുമ്പോൾ കടൽ വറ്റിപ്പോകുന്നു,+നദികളെ ഞാൻ മരുഭൂമിയാക്കുന്നു,+
വെള്ളം കിട്ടാതെ അതിലെ മത്സ്യങ്ങൾ ചാകുന്നു.വെള്ളമില്ലാതെ അവ ചീഞ്ഞുപോകുന്നു;
3 ഞാൻ ആകാശത്തെ മൂടൽ ധരിപ്പിക്കുന്നു,+വിലാപവസ്‌ത്രംകൊണ്ട്‌ അതിനെ മൂടുന്നു.”
4 ക്ഷീണിച്ചിരിക്കുന്നവനോട്‌ ഉചിതമായ വാക്കുകൾ ഉപയോഗിച്ച്‌ എനിക്കു സംസാരിക്കാൻ* കഴിയേണ്ടതിന്‌+പരമാധികാരിയാം കർത്താവായ യഹോവ എനിക്കു വിദ്യാസമ്പന്നരുടെ* നാവ്‌ തന്നിരിക്കുന്നു.+
ദൈവം രാവിലെതോറും എന്നെ വിളിച്ചുണർത്തുന്നു,+ഒരു വിദ്യാർഥിയെപ്പോലെ ശ്രദ്ധിക്കാൻ ദൈവം എന്റെ കാതുകളെ ഉണർത്തുന്നു.
5 പരമാധികാരിയാം കർത്താവായ യഹോവ എന്റെ ചെവി തുറന്നിരിക്കുന്നു,ഞാൻ മറുത്തുനിന്നില്ല.+
ഞാൻ പുറംതിരിഞ്ഞില്ല.+
6 അടിക്കാൻ വന്നവർക്കു ഞാൻ മുതുകുംരോമം പറിക്കാൻ വന്നവർക്ക്‌ എന്റെ കവിളും കാണിച്ചുകൊടുത്തു.
എന്നെ നിന്ദിക്കുകയും തുപ്പുകയും ചെയ്‌തപ്പോൾ ഞാൻ മുഖം മറച്ചില്ല.+
7 എന്നാൽ പരമാധികാരിയാം കർത്താവായ യഹോവ എന്നെ സഹായിക്കും.+
അതുകൊണ്ട്‌ എനിക്കു നാണക്കേടു തോന്നില്ല.
ഞാൻ എന്റെ മുഖം തീക്കല്ലുപോലെ കടുത്തതാക്കും.+ലജ്ജിക്കേണ്ടി വരില്ലെന്ന്‌ എനിക്ക്‌ അറിയാം.
8 എന്നെ നീതിമാനായി പ്രഖ്യാപിക്കുന്നവൻ എന്റെ അരികിലുണ്ട്‌.
പിന്നെ ആർക്ക്‌ എന്റെ മേൽ കുറ്റം ചുമത്താനാകും?*+
വരൂ! നമുക്കു മുഖാമുഖം നിൽക്കാം.
എനിക്ക്‌ എതിരെ പരാതിയുള്ളത്‌ ആർക്കാണ്‌?
അവൻ എന്റെ അടുത്ത്‌ വരട്ടെ.
9 പരമാധികാരിയാം കർത്താവായ യഹോവ എന്നെ സഹായിക്കും.
പിന്നെ ആര്‌ എന്നെ കുറ്റക്കാരനെന്നു വിധിക്കും?
ഒരു വസ്‌ത്രംപോലെ അവരെല്ലാം ദ്രവിച്ചുപോകും.
പ്രാണികൾ അവരെ തിന്നുകളയും.
10 നിങ്ങളിൽ ആരാണ്‌ യഹോവയെ ഭയപ്പെടുന്നത്‌?നിങ്ങളിൽ ആരാണു ദൈവത്തിന്റെ ദാസൻ പറയുന്നതു ശ്രദ്ധിക്കുന്നത്‌?+
നിങ്ങളിൽ ആരാണു കൂരിരുട്ടിൽ വെളിച്ചമില്ലാതെ നടന്നിട്ടുള്ളത്‌?
അവൻ യഹോവയുടെ നാമത്തിൽ ആശ്രയിക്കുകയും തന്റെ ദൈവത്തിൽ ഊന്നുകയും* ചെയ്യട്ടെ.
11 “തീ കത്തിക്കുകയുംതീപ്പൊരി ചിതറിക്കുകയും ചെയ്യുന്നവരേ,നിങ്ങൾ ചിതറിച്ച തീപ്പൊരികൾക്കിടയിലൂടെ,നിങ്ങൾ കൊളുത്തിയ തീയുടെ പ്രകാശത്തിൽ നടക്കുക.
എന്റെ കൈയിൽനിന്ന്‌ നിങ്ങൾക്കു ലഭിക്കാനിരിക്കുന്നത്‌ ഇതാണ്‌:
വേദനകൊണ്ട്‌ പുളഞ്ഞ്‌ നിങ്ങൾ നിലത്ത്‌ കിടക്കും.
അടിക്കുറിപ്പുകള്‍
^ അഥവാ “നന്നായി പരിശീലിതമായ.”
^ മറ്റൊരു സാധ്യത “ക്ഷീണിച്ചിരിക്കുന്നവനെ എനിക്കു ശക്തീകരിക്കാൻ.”
^ അഥവാ “എന്നോടു വാദിക്കാനാകും?”
^ അഥവാ “അഭയം തേടുകയും.”
