യശയ്യ 57:1-21
57 നീതിമാൻ നശിച്ചുപോയിരിക്കുന്നു,പക്ഷേ ആരും അതു കാര്യമാക്കുന്നില്ല.
വിശ്വസ്‌തരെ കൊണ്ടുപോയിരിക്കുന്നു,*+എന്നാൽ നീതിമാനെ കൊണ്ടുപോയതു ദുരിതങ്ങൾ നിമിത്തമാണെന്ന്‌* ആരും തിരിച്ചറിയുന്നില്ല.
2 അവനു സമാധാനം ലഭിക്കുന്നു.
നേരോടെ നടക്കുന്നവരെല്ലാം തങ്ങളുടെ കിടക്കയിൽ* വിശ്രമിക്കുന്നു.
3 “എന്നാൽ ദുർമന്ത്രവാദിനിയുടെ പുത്രന്മാരേ,വ്യഭിചാരിയുടെയും വേശ്യയുടെയും മക്കളേ,നിങ്ങൾ ഇങ്ങ്‌ അടുത്ത്‌ വരൂ.
4 ആരെയാണു നിങ്ങൾ കളിയാക്കുന്നത്‌?
ആർക്കു നേരെയാണു നിങ്ങൾ വായ്‌ പൊളിച്ച്‌ നാക്കു നീട്ടുന്നത്‌?
നിങ്ങൾ ലംഘനത്തിന്റെ മക്കളാണ്‌,വഞ്ചനയുടെ പുത്രന്മാർ!+
5 തഴച്ചുവളരുന്ന എല്ലാ വൃക്ഷങ്ങളുടെ+ ചുവട്ടിലുംവൻമരങ്ങൾക്കിടയിലും+ നിങ്ങൾ കാമവെറിയാൽ ജ്വലിക്കുന്നു,താഴ്‌വരകളിലും* പാറപ്പിളർപ്പുകളിലുംനിങ്ങൾ കുഞ്ഞുങ്ങളെ കുരുതി കൊടുക്കുന്നു.+
6 താഴ്‌വരയിലെ* മിനുസമുള്ള കല്ലുകളാണു നിന്റെ ഓഹരി,+
അതെ, അവയാണു നിന്റെ അവകാശം.
നീ അവയ്‌ക്കു കാഴ്‌ചകൾ അർപ്പിക്കുകയും പാനീയയാഗങ്ങൾ പകരുകയും ചെയ്യുന്നു.+
ഇതു കണ്ട്‌ ഞാൻ പ്രസാദിക്കുമോ?
7 ഉയർന്നതും ഉന്നതവും ആയ ഒരു പർവതത്തിൽ നീ കിടക്ക ഒരുക്കി,+ബലി അർപ്പിക്കാൻ നീ അങ്ങോട്ടു കയറി.+
8 കതകിനും കട്ടിളക്കാലിനും പുറകിൽ നീ സ്‌മാരകം സ്ഥാപിച്ചു.
എന്നിൽനിന്ന്‌ അകന്നുമാറി നീ നിന്റെ വസ്‌ത്രം ഉരിഞ്ഞു;നീ ചെന്ന്‌ നിന്റെ കിടക്ക വിശാലമാക്കി.
നീ അവരോട്‌ ഒരു ഉടമ്പടി ഉണ്ടാക്കി.
അവരുമായി കിടക്ക പങ്കിടാൻ നിനക്ക്‌ ഇഷ്ടമായിരുന്നു.+പുരുഷലിംഗത്തിൽ നീ നോക്കിനിന്നു.*
9 നീ എണ്ണയും ധാരാളം സുഗന്ധതൈലവും കൊണ്ട്‌മേലെക്കിന്റെ* അടുത്തേക്കു ചെന്നു.
നീ നിന്റെ സന്ദേശവാഹകരെ ദൂരേക്ക്‌ അയച്ചു;അങ്ങനെ നീ ശവക്കുഴിയോളം* അധഃപതിച്ചു.
10 പല വഴികളിലൂടെ സഞ്ചരിച്ച്‌ നീ തളർന്നു,എന്നിട്ടും, ‘ഇതുകൊണ്ട്‌ ഗുണമില്ല!’ എന്നു നീ പറഞ്ഞില്ല.
നീ ശക്തി വീണ്ടെടുത്തു.
അതുകൊണ്ട്‌, നീ പിന്മാറിയില്ല.*
11 നീ ആരെയാണു ഭയന്നത്‌?ആരെ പേടിച്ചാണു നീ നുണ പറഞ്ഞുതുടങ്ങിയത്‌?+
എന്നെ നീ ഓർത്തില്ല.+
നീ ഒന്നും കാര്യമായി എടുത്തില്ല.+
ഞാൻ ഒന്നും മിണ്ടാതെ മാറി ഇരുന്നു.*+
അതുകൊണ്ടല്ലേ നീ എന്നെ ഭയപ്പെടാതിരുന്നത്‌?
12 ഞാൻ നിന്റെ ‘നീതിയും’+ നിന്റെ ചെയ്‌തികളും+ വെളിച്ചത്ത്‌ കൊണ്ടുവരും,അവയൊന്നും നിനക്കു പ്രയോജനം ചെയ്യില്ല.+
13 നീ സഹായത്തിനായി യാചിക്കുമ്പോൾനിന്റെ വിഗ്രഹശേഖരം നിന്നെ രക്ഷിക്കില്ല.+
ഒരു കാറ്റ്‌ അവയെയെല്ലാം പറപ്പിച്ചുകൊണ്ടുപോകും,വെറുമൊരു ശ്വാസമേറ്റ്‌ അവ പറന്നുപോകും.എന്നാൽ എന്നിൽ അഭയം തേടുന്നവൻ ദേശം കൈവശമാക്കും,അവൻ എന്റെ വിശുദ്ധപർവതം അവകാശമാക്കും.+
14 ‘ഒരുക്കുക, ഒരു പാത ഒരുക്കുക, വഴി ഉണ്ടാക്കുക!+
എന്റെ ജനത്തിന്റെ വഴിയിൽനിന്ന്‌ തടസ്സങ്ങളെല്ലാം മാറ്റുക!’ എന്ന്‌ ഒരുവൻ പറയും.”
15 ഉന്നതനും ശ്രേഷ്‌ഠനും ആയവൻ,വിശുദ്ധമായ പേരുള്ള,+ എന്നെന്നും ജീവിക്കുന്ന+ ദൈവം, പറയുന്നു:
“ഞാൻ ഉന്നതങ്ങളിൽ വിശുദ്ധസ്ഥലത്ത്‌ വസിക്കുന്നു,+എന്നാൽ, എളിയവനു ശക്തി പകരാനുംതകർന്നവന്റെ മനസ്സിനു പുതുജീവൻ നൽകാനുംഞാൻ എളിയവരോടുകൂടെയും തകർന്നുപോയവരോടുകൂടെയും പാർക്കുന്നു.+
16 ഞാൻ എല്ലാ കാലത്തും അവരെ എതിർക്കില്ല,അവരോടു കോപം വെച്ചുകൊണ്ടിരിക്കില്ല.+അല്ലെങ്കിൽ, ഞാൻ നിമിത്തം ആളുകൾ തളർന്നുപോകും,+ജീവശ്വാസമുള്ള എന്റെ സൃഷ്ടികളെല്ലാം ക്ഷീണിച്ച്‌ തളരും.
17 അവന്റെ പാപവും അന്യായമായി നേട്ടം കൊയ്യാനുള്ള+ പരക്കംപാച്ചിലും കണ്ട്‌ ഞാൻ രോഷാകുലനായി,അതുകൊണ്ട്‌ ഞാൻ അവനെ അടിച്ചു, എന്റെ മുഖം അവനു മറച്ചു, അവനോടു കോപിച്ചു.
എന്നാൽ അവൻ തോന്നിയതുപോലെ നടന്നു;+ വിശ്വാസത്യാഗിയായി ജീവിച്ചു.
18 ഞാൻ അവന്റെ വഴികളെല്ലാം കണ്ടിരിക്കുന്നു,എങ്കിലും ഞാൻ അവനെ സുഖപ്പെടുത്തും,+ അവനെ നയിക്കും,+അവനും അവനോടൊപ്പം വിലപിക്കുന്നവർക്കും+ ഞാൻ വീണ്ടും സ്വസ്ഥത നൽകും.”*+
19 “ഞാൻ ഇതാ, ചുണ്ടുകളിൽനിന്ന്‌ സ്‌തുതി* പുറപ്പെടുവിക്കുന്നു.
അകലെയുള്ളവനും അടുത്തുള്ളവനും ഞാൻ ശാശ്വതസമാധാനം നൽകും,+ഞാൻ അവനെ സുഖപ്പെടുത്തും” എന്ന്‌ യഹോവ പറയുന്നു.
20 “എന്നാൽ ദുഷ്ടന്മാർ ഇളകിമറിയുന്ന, അടങ്ങാത്ത കടൽപോലെയാണ്‌.അതു പായലും ചെളിയും മുകളിലേക്കു തള്ളുന്നു.
21 ദുഷ്ടന്മാർക്കു സമാധാനമില്ല”+ എന്ന്‌ എന്റെ ദൈവം പറയുന്നു.
അടിക്കുറിപ്പുകള്‍
^ മറ്റൊരു സാധ്യത “ദുരിതങ്ങളിൽനിന്നാണെന്ന്‌.”
^ അതായത്‌, അവർ മരിക്കുന്നു.
^ അതായത്‌, ശവക്കുഴിയിൽ.
^ അഥവാ “നീർച്ചാലുകളിലും.”
^ അഥവാ “നീർച്ചാലിലെ.”
^ വിഗ്രഹാരാധനയെയായിരിക്കാം പരാമർശിക്കുന്നത്‌.
^ മറ്റൊരു സാധ്യത “രാജാവിന്റെ.”
^ അക്ഷ. “തളർന്നില്ല.”
^ അഥവാ “കാര്യങ്ങൾ കണ്ടില്ലെന്നുവെച്ചു.”
^ അഥവാ “ഞാൻ ആശ്വാസം പകരം നൽകും.”
^ അഥവാ “അധരഫലം.”
