സങ്കീർത്തനം 106:1-48
-
ഇസ്രായേല്യരുടെ വിലമതിപ്പില്ലായ്മ
106 യാഹിനെ സ്തുതിപ്പിൻ!*
യഹോവയോടു നന്ദി പറയുവിൻ; ദൈവം നല്ലവനല്ലോ;+
ദൈവത്തിന്റെ അചഞ്ചലസ്നേഹം എന്നും നിലനിൽക്കുന്നത്.+
2 യഹോവയുടെ അത്ഭുതങ്ങളെല്ലാം വിവരിക്കാൻ ആർക്കാകും?ദൈവത്തിന്റെ സ്തുത്യർഹമായ പ്രവൃത്തികളെല്ലാം വർണിക്കാൻ ആർക്കു കഴിയും?+
3 നീതിയോടെ പ്രവർത്തിക്കുന്നവർ,എപ്പോഴും ശരിയായതു ചെയ്യുന്നവർ, സന്തുഷ്ടർ.+
4 യഹോവേ, അങ്ങയുടെ ജനത്തോടു പ്രീതി കാണിക്കുമ്പോൾ എന്നെയും ഓർക്കേണമേ.+
അങ്ങയുടെ രക്ഷാപ്രവൃത്തികൾകൊണ്ട് എന്നെ പരിപാലിക്കേണമേ.
5 അങ്ങനെ, അങ്ങ് തിരഞ്ഞെടുത്തവരോട് അങ്ങ് കാണിക്കുന്ന നന്മ ഞാനും ആസ്വദിക്കട്ടെ;+അങ്ങയുടെ ജനതയോടൊപ്പം ഞാനും സന്തോഷിക്കട്ടെ;അങ്ങയുടെ അവകാശജനത്തോടൊപ്പം അഭിമാനത്തോടെ ഞാനും അങ്ങയെ പുകഴ്ത്തട്ടെ.
6 പൂർവികരെപ്പോലെ ഞങ്ങളും പാപം ചെയ്തു;+ഞങ്ങൾ തെറ്റു ചെയ്തു, ദുഷ്ടത പ്രവർത്തിച്ചു.+
7 ഈജിപ്തിലായിരുന്ന ഞങ്ങളുടെ പൂർവികർ അങ്ങയുടെ അത്ഭുതപ്രവൃത്തികൾ വിലമതിച്ചില്ല;*
അങ്ങയുടെ സമൃദ്ധമായ അചഞ്ചലസ്നേഹം ഓർത്തുമില്ല;പകരം കടൽത്തീരത്തുവെച്ച്, ചെങ്കടൽത്തീരത്തുവെച്ച്, മത്സരിച്ചു.+
8 എന്നിട്ടും ദൈവം തന്റെ പേരിനെ ഓർത്ത് അവരെ രക്ഷിച്ചു;+തന്റെ മഹാശക്തി പ്രസിദ്ധമാക്കേണ്ടതിന് അവരെ സംരക്ഷിച്ചു.+
9 ദൈവം ചെങ്കടലിനെ ശകാരിച്ചു, അത് ഉണങ്ങിപ്പോയി;മരുഭൂമിയിലൂടെ എന്നപോലെ അതിന്റെ ആഴങ്ങളിലൂടെ ദൈവം അവരെ നടത്തി;+
10 വൈരിയുടെ കരങ്ങളിൽനിന്ന് ദൈവം അവരെ രക്ഷിച്ചു,+ശത്രുവിന്റെ കൈകളിൽനിന്ന് അവരെ വീണ്ടെടുത്തു.+
11 വെള്ളം അവരുടെ എതിരാളികളെ മൂടിക്കളഞ്ഞു,ഒരുത്തൻപോലും രക്ഷപ്പെട്ടില്ല.*+
12 അപ്പോൾ, അവർ ദൈവത്തിന്റെ വാഗ്ദാനങ്ങളിൽ വിശ്വസിച്ചു;+ദൈവത്തെ പാടി സ്തുതിക്കാൻ തുടങ്ങി.+
13 എങ്കിലും ദൈവം ചെയ്തതെല്ലാം അവർ പെട്ടെന്നുതന്നെ മറന്നുകളഞ്ഞു;+ദിവ്യോപദേശത്തിനായി കാത്തിരുന്നുമില്ല.
14 വിജനഭൂമിയിൽവെച്ച് അവർ സ്വാർഥാഭിലാഷങ്ങൾക്കു വഴിപ്പെട്ടു;+മരുഭൂമിയിൽവെച്ച് ദൈവത്തെ പരീക്ഷിച്ചു.+
15 ചോദിച്ചതെല്ലാം ദൈവം അവർക്കു കൊടുത്തു;പക്ഷേ അവരെ ക്ഷയിപ്പിച്ചുകളഞ്ഞ രോഗത്താൽ പിന്നെ അവരെ പ്രഹരിച്ചു.+
16 പാളയത്തിൽവെച്ച് അവർ മോശയോടുംയഹോവയുടെ വിശുദ്ധനായ+ അഹരോനോടും+ അസൂയപ്പെട്ടു.
17 അപ്പോൾ, ഭൂമി വായ് പിളർന്ന് ദാഥാനെ വിഴുങ്ങി,അബീരാമിനോടൊപ്പം കൂടിവന്നവരെ മൂടിക്കളഞ്ഞു.+
18 അവരുടെ സംഘത്തിന് ഇടയിൽ ഒരു തീ ആളിക്കത്തി;അഗ്നിജ്വാല ദുഷ്ടരെ ചുട്ടെരിച്ചു.+
19 അവർ ഹോരേബിൽ ഒരു കാളക്കുട്ടിയെ ഉണ്ടാക്കി,ലോഹപ്രതിമയ്ക്കു* മുന്നിൽ കുമ്പിട്ടു;+
20 അവർ എന്റെ മഹത്ത്വംപുല്ലു തിന്നുന്ന കാളയുടെ രൂപവുമായി വെച്ചുമാറി.+
21 തങ്ങളുടെ രക്ഷകനായ ദൈവത്തെ അവർ വിസ്മരിച്ചു;+ഈജിപ്തിൽ വൻകാര്യങ്ങൾ ചെയ്ത,+
22 ഹാമിന്റെ ദേശത്ത് അത്ഭുതങ്ങൾ കാണിച്ച,+ചെങ്കടലിൽ ഭയാദരവ് ഉണർത്തുന്ന കാര്യങ്ങൾ ചെയ്ത,+ദൈവത്തെ അവർ മറന്നു.
23 ദൈവം അവരെ കൂട്ടത്തോടെ നശിപ്പിക്കാൻ ഒരുങ്ങിയപ്പോൾ,ദൈവത്തിന്റെ തിരഞ്ഞെടുക്കപ്പെട്ടവനായ മോശ അവർക്കുവേണ്ടി മധ്യസ്ഥത വഹിച്ചു,*സംഹാരം വിതയ്ക്കുമായിരുന്ന ആ ഉഗ്രകോപത്തെ തണുപ്പിച്ചു.+
24 പിന്നെ, അവർ ആ മനോഹരദേശം പുച്ഛിച്ചുതള്ളി;+ദൈവത്തിന്റെ വാഗ്ദാനത്തിൽ അവർക്കു വിശ്വാസമില്ലായിരുന്നു.+
25 കൂടാരങ്ങളിൽ ഇരുന്ന് അവർ മുറുമുറുത്തു;+യഹോവയുടെ ശബ്ദത്തിനു ചെവി കൊടുത്തില്ല.+
26 അതിനാൽ, ദൈവം കൈ ഉയർത്തി അവരെക്കുറിച്ച് ആണയിട്ടു;അവരെ വിജനഭൂമിയിൽ വീഴ്ത്തുമെന്നും+
27 അവരുടെ പിൻതലമുറക്കാർ ജനതകൾക്കിടയിൽ മരിച്ചുവീഴുമെന്നുംഅവരെ പല ദേശങ്ങളിലേക്കു ചിതറിക്കുമെന്നും ദൈവം പറഞ്ഞു.+
28 പിന്നെ, അവർ പെയോരിലെ ബാലിനെ ആരാധിച്ചു,+മരിച്ചവർക്ക്* അർപ്പിച്ച ബലിവസ്തുക്കൾ തിന്നു.
29 തങ്ങളുടെ പ്രവൃത്തികളാൽ അവർ ദൈവത്തെ പ്രകോപിപ്പിച്ചു;+അങ്ങനെ, അവർക്കിടയിൽ ഒരു ബാധ പൊട്ടിപ്പുറപ്പെട്ടു.+
30 പക്ഷേ, ഫിനെഹാസ് ഇടപെട്ടപ്പോൾ
ആ ബാധ നിന്നു.+
31 അതുകൊണ്ട് അവനെ തലമുറതലമുറയോളം,എന്നേക്കും, നീതിമാനായി കണക്കാക്കി.+
32 മെരീബയിലെ* നീരുറവിന് അടുത്തുവെച്ച് അവർ ദൈവത്തെ പ്രകോപിപ്പിച്ചു;അവർ കാരണം മോശയും കുഴപ്പത്തിൽ അകപ്പെട്ടു.+
33 അവർ മോശയെ കോപിപ്പിച്ചു;മോശയുടെ വായ് ചിന്താശൂന്യമായി സംസാരിച്ചു.+
34 ജനതകളെ നിശ്ശേഷം നശിപ്പിക്കണമെന്ന+യഹോവയുടെ കല്പന അവർ അനുസരിച്ചില്ല.+
35 പകരം, ജനതകളുമായി ഇടകലർന്ന്+അവരുടെ വഴികൾ സ്വീകരിച്ചു.*+
36 അവർ അവരുടെ വിഗ്രഹങ്ങളെ സേവിച്ചു;+അവ അവർക്ക് ഒരു കുടുക്കായിത്തീർന്നു.+
37 അവർ അവരുടെ പുത്രീപുത്രന്മാരെഭൂതങ്ങൾക്കു ബലി അർപ്പിച്ചു.+
38 സ്വന്തം മക്കളെ കനാനിലെ വിഗ്രഹങ്ങൾക്കു ബലി അർപ്പിച്ചു;+അവർ നിരപരാധികളുടെ രക്തം,+സ്വന്തം മക്കളുടെ രക്തം, ചൊരിഞ്ഞു;രക്തച്ചൊരിച്ചിലിനാൽ ദേശം മലിനമായി.
39 സ്വന്തം പ്രവൃത്തികളാൽ അവർ അശുദ്ധരായി;അവരുടെ ചെയ്തികളാൽ ആത്മീയ വേശ്യാവൃത്തിയിൽ ഏർപ്പെട്ടു.+
40 അങ്ങനെ യഹോവയുടെ കോപം തന്റെ ജനത്തിനു നേരെ ആളിക്കത്തി;തന്റെ അവകാശത്തെ ദൈവം വെറുത്തുതുടങ്ങി.
41 ദൈവം വീണ്ടുംവീണ്ടും അവരെ ജനതകളുടെ കൈയിൽ ഏൽപ്പിച്ചു;+അങ്ങനെ, അവരെ വെറുത്തവർ അവരുടെ മേൽ ഭരണം നടത്തി.+
42 ശത്രുക്കൾ അവരെ അടിച്ചമർത്തി,അവർ അവരുടെ അധികാരത്തിൻകീഴിലായി.
43 ദൈവം പല തവണ അവരെ രക്ഷിച്ചു;+പക്ഷേ അവർ വീണ്ടുംവീണ്ടും അനുസരണക്കേടു കാണിച്ച് മത്സരിച്ചു;+അപ്പോഴെല്ലാം, അവരുടെ തെറ്റു നിമിത്തം ദൈവം അവരെ താഴ്ത്തി.+
44 എന്നാൽ, വീണ്ടും ദൈവം അവരുടെ കഷ്ടത കണ്ടു;+സഹായത്തിനായുള്ള അവരുടെ നിലവിളി കേട്ടു.+
45 അവർക്കുവേണ്ടി ദൈവം തന്റെ ഉടമ്പടി ഓർത്തു;തന്റെ വലിയ അചഞ്ചലസ്നേഹം നിമിത്തം ദൈവത്തിന് അവരോട് അലിവ് തോന്നി.*+
46 അവരെ ബന്ദികളാക്കിയ സകലർക്കുംഅവരോട് അലിവ് തോന്നാൻ ദൈവം ഇടയാക്കി.+
47 ഞങ്ങളുടെ ദൈവമായ യഹോവേ, ഞങ്ങളെ രക്ഷിക്കേണമേ,+തിരുനാമത്തിനു നന്ദി അർപ്പിച്ച്അത്യാനന്ദത്തോടെ അങ്ങയെ സ്തുതിക്കാൻ+ജനതകളിൽനിന്ന് ഞങ്ങളെ കൂട്ടിച്ചേർക്കേണമേ.+
48 ഇസ്രായേലിന്റെ ദൈവമായ യഹോവനിത്യതയിലെന്നും* വാഴ്ത്തപ്പെടട്ടെ.+
ജനം മുഴുവൻ “ആമേൻ!”* എന്നു പറയട്ടെ.
യാഹിനെ സ്തുതിപ്പിൻ!*
അടിക്കുറിപ്പുകള്
^ അഥവാ “ഹല്ലേലൂയ!” യഹോവ എന്ന പേരിന്റെ ഹ്രസ്വരൂപമാണ് “യാഹ്.”
^ അഥവാ “അത്ഭുതപ്രവൃത്തികളുടെ അർഥം ഗ്രഹിച്ചില്ല.”
^ അഥവാ “ബാക്കി വന്നില്ല.”
^ അഥവാ “ലോഹം വാർത്തുണ്ടാക്കിയ പ്രതിമയ്ക്ക്.”
^ അക്ഷ. “മോശ ദൈവത്തിന്റെ മുന്നിലുള്ള വിടവിൽ നിന്നു.”
^ അതായത്, മരിച്ചുപോയ മനുഷ്യർക്കോ ജീവനില്ലാത്ത ദൈവങ്ങൾക്കോ.
^ അർഥം: “കലഹം.”
^ അഥവാ “പഠിച്ചു.”
^ അഥവാ “അവരുടെ കാര്യത്തിൽ ഖേദം തോന്നി.”
^ അഥവാ “അനാദികാലംമുതൽ അനന്തകാലംവരെ.”
^ അഥവാ “അങ്ങനെതന്നെയാകട്ടെ!”
^ അഥവാ “ഹല്ലേലൂയ!” യഹോവ എന്ന പേരിന്റെ ഹ്രസ്വരൂപമാണ് “യാഹ്.”