സങ്കീർത്തനം 130:1-8
ആരോഹണഗീതം.
130 യഹോവേ, ആഴങ്ങളിൽനിന്ന്‌ ഞാൻ അങ്ങയെ വിളിച്ചപേക്ഷിക്കുന്നു.+
2 യഹോവേ, എന്റെ സ്വരം കേൾക്കേണമേ.
സഹായത്തിനായുള്ള എന്റെ യാചനകൾക്കു ചെവി ചായിക്കേണമേ.
3 യഹോവേ, തെറ്റുകളിലാണ്‌ അങ്ങ്‌ ശ്രദ്ധ വെക്കുന്നതെങ്കിൽ*യാഹേ,* ആർക്കു പിടിച്ചുനിൽക്കാനാകും?+
4 എന്നാൽ, അങ്ങ്‌ യഥാർഥക്ഷമ കാണിക്കുന്നവനാണ്‌.+അതുകൊണ്ട്‌ ആർക്കും അങ്ങയോടു ഭയാദരവ്‌* തോന്നും.+
5 ഞാൻ യഹോവയിൽ പ്രത്യാശ വെക്കുന്നു;എന്റെ മുഴുദേഹിയും* ദൈവത്തിൽ പ്രത്യാശ വെക്കുന്നു;ഞാൻ തിരുമൊഴിക്കായി കാത്തിരിക്കുന്നു.
6 ഞാൻ യഹോവയ്‌ക്കായി ആകാംക്ഷയോടെ കാത്തിരിക്കുന്നു;+നേരം പുലരാൻ കാത്തിരിക്കുന്ന കാവൽക്കാരനെക്കാൾ ആകാംക്ഷയോടെ,+അതെ, നേരം പുലരാൻ കാത്തിരിക്കുന്ന കാവൽക്കാരനെക്കാൾ ആകാംക്ഷയോടെ,ഞാൻ ദൈവത്തിനായി കാത്തിരിക്കുന്നു.
7 ഇസ്രായേൽ യഹോവയ്‌ക്കായി കാത്തിരിക്കട്ടെ;യഹോവയുടെ സ്‌നേഹം അചഞ്ചലമല്ലോ;+വീണ്ടെടുക്കാനുള്ള ദൈവത്തിന്റെ ശക്തിയോ അപാരം.
8 സകല തെറ്റുകളിൽനിന്നും ദൈവം ഇസ്രായേലിനെ വീണ്ടെടുക്കും.
അടിക്കുറിപ്പുകള്‍
^ അഥവാ “അങ്ങ്‌ തെറ്റുകളുടെ കണക്കു സൂക്ഷിക്കുന്നെങ്കിൽ.”
^ യഹോവ എന്ന പേരിന്റെ ഹ്രസ്വരൂപമാണ്‌ “യാഹ്‌.”
^ അക്ഷ. “ഭയം.”
