സങ്കീർത്തനം 136:1-26
136 യഹോവയോടു നന്ദി പറയുവിൻ; ദൈവം നല്ലവനല്ലോ;+ദൈവത്തിന്റെ അചഞ്ചലസ്‌നേഹം എന്നും നിലനിൽക്കുന്നത്‌.+
2 ദൈവാധിദൈവത്തിനു നന്ദി പറയുവിൻ;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
3 കർത്താധികർത്താവിനു നന്ദി പറയുവിൻ;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
4 ദൈവം മാത്രമല്ലോ മഹാത്ഭുതങ്ങൾ ചെയ്യുന്നത്‌;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.+
5 ദൈവം വിദഗ്‌ധമായി* ആകാശം ഉണ്ടാക്കി;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
6 ദൈവം വെള്ളത്തിനു മീതെ ഭൂമിയെ വിരിച്ചു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
7 ദൈവം വലിയ വെളിച്ചങ്ങൾ ഉണ്ടാക്കി;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
8 അതെ, പകലിനെ വാഴാൻ സൂര്യനെ ഉണ്ടാക്കി;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
9 രാത്രിയെ വാഴാൻ ചന്ദ്രനെയും നക്ഷത്രങ്ങളെയും ഉണ്ടാക്കി;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
10 ഈജിപ്‌തിലെ മൂത്ത ആൺമക്കളെ ദൈവം സംഹരിച്ചു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
11 അവരുടെ ഇടയിൽനിന്ന്‌ ഇസ്രായേലിനെ പുറത്ത്‌ കൊണ്ടുവന്നു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
12 കൈക്കരുത്തുകൊണ്ടും+ നീട്ടിയ കരംകൊണ്ടും അവരെ വിടുവിച്ചു;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
13 ദൈവം ചെങ്കടൽ രണ്ടായി വിഭജിച്ചു;*+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
14 ഇസ്രായേൽ അതിനു നടുവിലൂടെ കടന്നുപോകാൻ ഇടയാക്കി;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
15 ഫറവോനെയും സൈന്യത്തെയും ചെങ്കടലിൽ കുടഞ്ഞിട്ടു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
16 വിജനഭൂമിയിലൂടെ തന്റെ ജനത്തെ നയിച്ചു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
17 മഹാരാജാക്കന്മാരെ സംഹരിച്ചു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
18 ശക്തരായ രാജാക്കന്മാരെ നിഗ്രഹിച്ചു;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
19 അതെ, അമോര്യരാജാവായ സീഹോനെ+ ദൈവം വധിച്ചു;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
20 ബാശാൻരാജാവായ ഓഗിനെ+ വകവരുത്തി;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
21 ദൈവം അവരുടെ നാട്‌ ഇസ്രായേലിന്‌ അവകാശമായി കൊടുത്തു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
22 അതെ, തന്റെ ദാസനായ ഇസ്രായേലിന്‌ അവകാശദേശമായി കൊടുത്തു;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
23 വിഷാദിച്ചിരുന്ന നമ്മെ ദൈവം ഓർത്തു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.+
24 ശത്രുക്കളിൽനിന്ന്‌ ദൈവം നമ്മെ വീണ്ടുംവീണ്ടും വിടുവിച്ചു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
25 ജീവനുള്ളവയ്‌ക്കെല്ലാം ദൈവം ഭക്ഷണം നൽകുന്നു;+ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
26 സ്വർഗങ്ങളുടെ ദൈവത്തിനു നന്ദി പറയുവിൻ;ദൈവത്തിന്റെ അചഞ്ചലസ്‌നേഹം എന്നെന്നുമുള്ളത്‌.
