സങ്കീർത്തനം 140:1-13
സംഗീതസംഘനായകന്‌; ദാവീദ്‌ രചിച്ച ശ്രുതിമധുരമായ ഗാനം.
140 യഹോവേ, ദുഷ്ടന്മാരിൽനിന്ന്‌ എന്നെ മോചിപ്പിക്കേണമേ;അക്രമാസക്തരിൽനിന്ന്‌ എന്നെ സംരക്ഷിക്കേണമേ.+
2 അവർ ഹൃദയത്തിൽ കുടിലപദ്ധതികൾ മനയുന്നു,+ദിവസം മുഴുവനും കലഹം ഇളക്കിവിടുന്നു.
3 അവർ അവരുടെ നാവ്‌ സർപ്പത്തിന്റേതുപോലെ മൂർച്ചയുള്ളതാക്കുന്നു;+അവരുടെ വായിൽ അണലിവിഷമുണ്ട്‌.+ (സേലാ)
4 യഹോവേ, ദുഷ്ടന്റെ കൈയിൽനിന്ന്‌ എന്നെ സംരക്ഷിക്കേണമേ;+എന്നെ മറിച്ചിടാൻ കുതന്ത്രം ഒരുക്കുന്നഅക്രമാസക്തരിൽനിന്ന്‌ എന്നെ കാക്കേണമേ.
5 ധാർഷ്ട്യമുള്ളവർ എനിക്കായി ഒരു കെണി മറച്ചുവെക്കുന്നു;അവർ വഴിയരികെ കയറുകൊണ്ട്‌ വല വിരിക്കുന്നു;+
എനിക്കായി അവർ കുടുക്കു വെക്കുന്നു.+ (സേലാ)
6 ഞാൻ യഹോവയോടു പറയുന്നു: “അങ്ങ്‌ എന്റെ ദൈവം.
യഹോവേ, സഹായത്തിനായുള്ള എന്റെ യാചനകൾ കേൾക്കേണമേ.”+
7 പരമാധികാരിയാം യഹോവേ, എന്റെ ശക്തനായ രക്ഷകാ,യുദ്ധദിവസത്തിൽ അങ്ങ്‌ എന്റെ തലയ്‌ക്കു സംരക്ഷണമേകുന്നു.+
8 യഹോവേ, ദുഷ്ടന്മാരുടെ ആഗ്രഹങ്ങൾ സാധിച്ചുകൊടുക്കരുതേ.
അവർ പൊങ്ങിപ്പോകാതിരിക്കേണ്ടതിന്‌ അവരുടെ തന്ത്രങ്ങൾ വിജയിക്കാൻ അനുവദിക്കരുതേ.+ (സേലാ)
9 എന്നെ വളഞ്ഞിരിക്കുന്നവരുടെ തലകളെഅവരുടെ നാവിൽനിന്നുള്ള ദുരന്തങ്ങൾതന്നെ മൂടിക്കളയട്ടെ.+
10 അവരുടെ മേൽ തീക്കനലുകൾ പെയ്‌തിറങ്ങട്ടെ.+
അവരെ തീയിലേക്ക്‌, അഗാധഗർത്തങ്ങളിലേക്ക്‌,*+ വലിച്ചെറിയട്ടെ;പിന്നീട്‌ ഒരിക്കലും അവർ എഴുന്നേറ്റുവരരുത്‌.
11 പരദൂഷണക്കാർക്കു ഭൂമിയിൽ ഇടമില്ലാതാകട്ടെ.+
അക്രമാസക്തരെ ആപത്തു പിന്തുടർന്ന്‌ സംഹരിക്കട്ടെ.
12 യഹോവ സാധുക്കൾക്കുവേണ്ടി വാദിക്കുമെന്നുംദരിദ്രനു നീതി നടത്തിക്കൊടുക്കുമെന്നും എനിക്ക്‌ അറിയാം.+
13 നീതിമാൻ തീർച്ചയായും അങ്ങയുടെ പേരിനു നന്ദി പറയും;നേരുള്ളവൻ തിരുസന്നിധിയിൽ* താമസിക്കും.+
